Raj B Shetty: ಕಡಿಮೆ ಬಜೆಟ್‌ ಬದಿಗಿಟ್ಟು, ಹೈ ಬಜೆಟ್‌ಗೆ ಕೈ ಹಾಕಿದ ರಾಜ್‌ ಬಿ ಶೆಟ್ಟಿ! ಕೇವಲ ಜಾತ್ರೆ ಸೆಟ್‌ ನಿರ್ಮಾಣಕ್ಕೆ ಇಷ್ಟೊಂದಾ?
ನಟ, ನಿರ್ದೇಶಕ ರಾಜ್‌ ಬಿ ಶೆಟ್ಟಿ ಸ್ಯಾಂಡಲ್‌ವುಡ್‌ನಲ್ಲಿ ತಮ್ಮ ನಟನೆ ಮತ್ತು ನಿರ್ದೇಶನದ ಮೂಲಕವೇ ಹೆಸರುವಾಸಿ. ಸದ್ದಿಲ್ಲದೆ ಸಿನಿಮಾ ಮಾಡುವುದು ಒಂದೆಡೆಯಾದರೆ, ಕಡಿಮೆ ಬಜೆಟ್‌ನ ಚಿತ್ರಗಳೂ ಇವರ ಬತ್ತಳಿಕೆಯಿಂದ ಬಂದು ಸದ್ದು ಮಾಡಿದ ಉದಾಹರಣೆಗಳು ಕಣ್ಣ ಮುಂದಿವೆ. ಇದೀಗ ಬ್ಯಾಕ್‌ ಟು ಬ್ಯಾಕ್‌ ಎರಡು ಸಿನಿಮಾ ಮುಗಿಸಿ ಹೊಸ ಪ್ರಾಜೆಕ್ಟ್‌ ಕಡೆ ವಾಲಿದ್ದಾರೆ.
(1 / 7)
ರಾಜ್‌ ಬಿ ಶೆಟ್ಟಿ ಸ್ಯಾಂಡಲ್‌ವುಡ್‌ನಲ್ಲಿ ತಮ್ಮದೆ ಆದ ಅಭಿಮಾನಿ ಬಳಗವನ್ನು ಹೊಂದಿರುವ ನಟ ಮತ್ತು ನಿರ್ದೇಶಕ. ಸದ್ದಿಲ್ಲದೆ ಸಿನಿಮಾ ಮಾಡಿ ಮುಗಿಸುವ ರಾಜ್‌ ಬಿ ಶೆಟ್ಟಿ, ಈಗಾಗಲೇ ಸ್ವಾತಿ ಮುತ್ತಿನ ಮಳೆ ಹನಿಯೇ ಮತ್ತು ಟೋಬಿ ಎಂಬ ಎರಡು ಸಿನಿಮಾಗಳ ಕೆಲಸ ಮುಗಿಸಿದ್ದಾರೆ. (Instagram/ Raj B Shetty)
(2 / 7)
ಈ ನಡುವೆ ಟೋಬಿ ಹೆಸರಿನ ಸಿನಿಮಾ ವಿಚಾರವಾಗಿ ರಾಜ್‌ ಹೆಚ್ಚು ಸುದ್ದಿಯಲ್ಲಿದ್ದಾರೆ. ಏಕೆಂದರೆ ಇಲ್ಲಿಯವರೆಗೂ ಮೂರ್ನಾಲ್ಕು ಕೋಟಿಯಲ್ಲಿ ಒಂದು ಸಿನಿಮಾ ಮಾಡಿ ಮುಗಿಸುತ್ತಿದ್ದ ರಾಜ್‌, ಇದೀಗ 3-4 ಕೋಟಿಯನ್ನು ಸೆಟ್‌ ನಿರ್ಮಾಣಕ್ಕೆ ಸುರಿದಿದ್ದಾರಂತೆ. (Instagram/ Raj B Shetty)
(3 / 7)
ಈ ಹಿಂದೆ ಗರುಡ ಗಮನ ವೃಷಭ ವಾಹನ ಸಿನಿಮಾ ನಿರ್ಮಾಣ ಮಾಡಿದ್ದ ರವಿ ರೈ ಮತ್ತು ಲಾಫಿಂಗ್‌ ಬುದ್ಧ ಪ್ರೊಡಕ್ಷನ್‌ ಅಡಿಯಲ್ಲಿ ನಟ ರಾಜ್‌ ಶೆಟ್ಟಿ ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ. ಅಂದಾಜು 15 ಕೋಟಿ ವೆಚ್ಚದಲ್ಲಿ ಈ ಸಿನಿಮಾ ನಿರ್ಮಾಣವಾಗಲಿದೆ. (Instagram/ Raj B Shetty)
(4 / 7)
ಈ ಚಿತ್ರದಲ್ಲಿ ಸಂಯುಕ್ತಾ ಹೊರನಾಡು ಮತ್ತು ಚೈತ್ರಾ ಆಚಾರ ನಾಯಕಿಯರಾಗಿ ನಟಿಸಿದ್ದು, ಈಗಾಗಲೇ ಶೂಟಿಂಗ್‌ ಸಹ ಮುಗಿಸಿದ್ದಾರೆ. ಈ ಹಿಂದೆ ರಾಜ್‌ ಅವರ ಸಿನಿಮಾಗಳಿಗೆ ಸಹಾಯಕರಾಗಿದ್ದ ಬಾಸಿಲ್ ಅಲ್‌ಚಕ್ಕಲ್ ಈ ಸಿನಿಮಾ ನಿರ್ದೇಶನ ಮಾಡುತ್ತಿದ್ದಾರೆ. (Instagram/ Raj B Shetty)
(5 / 7)
ರಿವೇಂಜ್‌ ಸ್ಟೋರಿ ಕಥಾಹಂದರ ಹೊಂದಿರುವ ಈ ಚಿತ್ರದಲ್ಲಿ ರಾಜ್‌ ಮುಖ್ಯ ಭೂಮಿಕೆಯಲ್ಲಿ ನಟಿಸಿದರೆ, ತಾಂತ್ರಿಕ ಬಳಗದಲ್ಲಿ ಪ್ರವೀಣ್‌ ಶ್ರೀಯಾನ್‌ ಛಾಯಾಗ್ರಹಣ, ಮಿಥುನ್‌ ಮುಕುಂದನ್‌ ಅವರ ಸಂಗೀತ ಈ ಚಿತ್ರಕ್ಕಿದೆ. (Instagram/ Raj B Shetty)
(6 / 7)
ಈ ಸಿನಿಮಾಗಳ ಜತೆಗೆ ಇವರ ಸೋಷಿಯಲ್‌ ಮೀಡಿಯಾದಲ್ಲಿ ನಾಯಿಗಳ ಹಾವಳಿಯೇ ಹೆಚ್ಚಾಗಿದೆ. ಅಂದರೆ, ಸಾಕು ನಾಯಿ ಜತೆಗೆ ರಾಜ್‌ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ. ಒಂದಲ್ಲ ಎರಡಲ್ಲ ನಾಯಿಯೊಂದಿಗೆ ಆರೇಳು ಫೋಟೋಗಳನ್ನು ರಾಜ್‌ ಶೆಟ್ಟಿ ಶೇರ್‌ ಮಾಡಿಕೊಂಡಿದ್ದಾರೆ. (Instagram/ Raj B Shetty)
(7 / 7)
ಟೋಬಿ ಸಿನಿಮಾದಲ್ಲಿ ಈ ನಾಯಿಯೂ ನಟಿಸಿರಬಹುದೇ? ಸದ್ಯಕ್ಕೆ ಆ ಬಗ್ಗೆ ಯಾವುದೇ ಮಾಹಿತಿ ಹೊರಬಿದಿಲ್ಲ. ಇನ್ನುಳಿದಂತೆ ‘ಸ್ವಾತಿ ಮುತ್ತಿನ ಮಳೆ ಹನಿಯೇ’ ಮತ್ತು ‘ಟೋಬಿ’ ಚಿತ್ರೀಕರಣ ಮುಗಿಸಿ ಮಲಯಾಳಂನ ರುಧಿರಂ ಶೂಟಿಂಗ್‌ನಲ್ಲಿ ಬಿಜಿಯಾಗಿದ್ದಾರೆ. (Instagram/ Raj B Shetty)
ಇತರ ಗ್ಯಾಲರಿಗಳು