ರಾಮಾಯಣ: ಭಗವಂತ ರಾಮನಿಂದ ನಾವು ಕಲಿಯಬಹುದಾದ ಸಂಬಂಧ, ಅನುಬಂಧದ 5 ಪಾಠಗಳಿವು, ಅನುಸರಿಸಿದರೆ ಬದುಕು ಅದ್ಭುತ

ಭಗವಂತ ರಾಮನಿಗೆ ಮರ್ಯಾದಾ ಪುರುಷೋತ್ತಮ ಶ್ರೀರಾಮ ಎನ್ನುತ್ತಾರೆ. ಜಗತ್ತಿನಲ್ಲಿ ಲಕ್ಷಾಂತರ ಜನರು ಭಕ್ತಿಯಿಂದ ರಾಮನಾಮ ಸ್ಮರಣೆ ಮಾಡುತ್ತಾರೆ. ಸನಾತನ ಧರ್ಮವು ಹಿಂದೂ ಧರ್ಮವೆಂದು ಜನಪ್ರಿಯವಾಗಿದೆ. ಆದರೆ, ಇದು ಧರ್ಮವಲ್ಲ, ಒಂದು ಜೀವನ ವಿಧಾನ. ಭಾರತದ ಮಾಹಾಕಾವ್ಯಗಳು, ಪವಿತ್ರಗ್ರಂಥಗಳು ಜನರಿಗೆ ಮಾನವೀಯತೆಯ ಪಾಠವನ್ನು ಕಲಿಸುತ್ತವೆ. ರಾಮಾಯಣ ಎಂಬ ಗ್ರಂಥದ ಸಾರವನ್ನು ಅನೇಕ ಮಹಾನ್‌ ಸಂತರು, ವಿದ್ವಾಂಸರು ಜನರಿಗೆ ತಿಳಿಸುತ್ತ ಇರುತ್ತಾರೆ. ಭಗವಂತ ರಾಮನ ಜೀವನದಿಂದ ನಾವೆಲ್ಲರು ಕಲಿಯಬೇಕಾದ, ಅನುಸರಿಸಬೇಕಾದ ಅಂಶಗಳು ಸಾಕಷ್ಟು ಇವೆ. ಸಂಬಂಧ ಅಥವಾ ರಿಲೇಷನ್‌ ಶಿಪ್‌ ವಿಚಾರವಾಗಿ ರಾಮನಿಂದ ಏನು ಕಲಿಯಬಹುದು ನೋಡೋಣ.

ಒಳ್ಳೆಯ ಮಗನಾಗಿ

ಪೋಷಕರನ್ನು ಪ್ರೀತಿಸಿ, ಗೌರವಿಸಿ, ಸಹೋದರಿಯರನ್ನು ಪ್ರೀತಿಯೊಂದ ನೋಡಿ, ಕೌಟುಂಬಿಕ ಮೌಲ್ಯಗಳಿಗೆ ಪ್ರಾಮುಖ್ಯತೆ ನೀಡಿ

ರಾಜ ದಶರಥನ ಹಿರಿಯ ಮಗನಾದ ರಾಮನು ಅಯೋಧ್ಯೆಯ ಸಿಂಹಾಸನವನ್ನು ತನ್ನದಾಗಿಸಿಕೊಳ್ಳಬಹುದಿತ್ತು. ಆದರೆ, ತನ್ನ ಮಲತಾಯಿ ಕೈಕೇಯಿಯ ಒತ್ತಾಯದ ಮೇರೆಗೆ ಕಿರಿಯ ಸಹೋದರ ಭರತನಿಗೆ ಪಟ್ಟ ನೀಡಿದನು. ತನ್ನ ಪತಿಯು ಹಲವು ಸಮಯದ ಹಿಂದೆ ನೀಡಿದ ವಾಗ್ದಾನವನ್ನು ಈ ಮೂಲಕ ದುರುಪಯೋಗಪಡಿಸಿಕೊಂಡಳು. ತನ್ನ ಎಲ್ಲಾ ಪುತ್ರರಿಗಿಂತ ಹಿರಿಯ ಮಗ ರಾಮನನ್ನು ಅತಿಯಾಗಿ ಪ್ರೀತಿಸುತ್ತಿದ್ದ ರಾಜ ದಶರಥನು ಅಸಹಾಯಕನಾಗಿದ್ದನು. ತನ್ನ ಮಗ ಭರನಿಗೆ ಪಟ್ಟ, ರಾಮನಿಗೆ ವನವಾಸವನ್ನು ಕೈಕೇಯಿ ಕೇಳಿದಳು. ಈ ಸಮಯದಲ್ಲಿ ರಾಮನು ತಂದೆಯ ಅಣತಿಯಂತೆ ನಡೆದನು.

ಇದನ್ನೂ ಓದಿ: ರಾಮಾಯಣ: ಶ್ರೀ ರಾಮ, ಲಕ್ಷ್ಮಣರಿಂದ ಮಿಥಿಲಾನಗರಕ್ಕೆ ಪ್ರಯಾಣ; ಶಿವ ಧನಸ್ಸಿನ ಬಗ್ಗೆ ಹೆಚ್ಚಾಯ್ತು ಕುತೂಹಲ

ನಿಷ್ಠಾವಂತ ಸಂಗಾತಿಯಾಗಿ

ಲಂಕೇಶ್ವರ ರಾವಣನ ಹಿಡಿತದಿಂದ ಹೆಂಡತಿ ಸೀತೆಯನ್ನು ಕಾಪಾಡಲು ರಾಮನು ಸತತ ಪ್ರಯತ್ನ ಮಾಡಿದನು. ಸೀತೆಯ ಅಪಹರಣ ರಾಮನಿಗೆ ಅಪಾರ ಸಂಕಟ ಉಂಟುಮಾಡಿತು. ಸೀತೆಯನ್ನು ಹುಡುಕುವ ಸಂಕಲ್ಪ ಮಾಡಿದನು. ರಾವಣನ ಜತೆ ಯುದ್ಧ ಮಾಡಬೇಕಾಯಿತು. ನಿಷ್ಠಾವಂತ ಪತಿಯಾಗಿ ರಾಮನು ಕಾರ್ಯನಿರ್ವಹಿಸಿದನು. ರಾವಣನಿಂದ ಬಿಡಿಸಿಕೊಂಡು ಬಂದರು ಸೀತೆಯ ಕುರಿತು ರಾಜ್ಯದಲ್ಲಿ ಕೇಳಿದ ಅಪವಾದದಿಂದ ಸೀತಾ ಪರಿತ್ಯಾಗ ಮಾಡಬೇಕಾಯಿತು. ಬಳಿಕ ಮರುಮದುವೆಯಾಗುವ ಅವಕಾಶವಿದ್ದರೂ ಏಕಪತ್ನಿವೃತಸ್ಥನಾಗಿ ಉಳಿದನು. ಸೀತೆಗೆ ಮಾತ್ರ ನಿಷ್ಠನಾಗಿ ಉಳಿದನು.

ನಿಮ್ಮ ಕರ್ತವ್ಯವನ್ನು ಮಾಡಿ

ರಾಮನು ಸೂರ್ಯವಂಶ ರಾಜವಂಶಕ್ಕೆ ಸೇರಿದವನು. ತನ್ನ ಪ್ರಜ್ಞೆಗಳ ಕಲ್ಯಾಣಕ್ಕೆ ಹಲವು ಕ್ರಮಗಳನ್ನು ಕೈಗೊಂಡನು. ಆದರೆ, ಆಡಳಿತದ ಸಂದರ್ಭದಲ್ಲಿ ಧರ್ಮಕ್ಕೆ ವಿರುದ್ಧವಾಗಿ ಹೋಗಲಿಲ್ಲ. ಪ್ರಜೆಗಳನ್ನು ಸಂತೋಷವಾಗಿಡುವುದು ರಾಜಧರ್ಮವೆಂದು ತಿಳಿದು ಅದರಂತೆ ಬದುಕಿದನು. ನಿಮ್ಮ ಕರ್ತವ್ಯವನ್ನು ಮಾಡಿ, ಧರ್ಮಕ್ಕೆ ಬದ್ಧರಾಗಿ ಎನ್ನುವ ಪಾಠವನ್ನು ಇದರಿಂದ ಕಲಿಯಬಹುದು.

ಇದನ್ನೂ ಓದಿ: ರಾಮಾಯಣ: ಶ್ರೀ ರಾಮನಿಗೆ ವಿಶ್ವಾಮಿತ್ರರಿಂದ ಸಿದ್ಧಾಶ್ರಮದ ಪರಿಚಯ; ಕುತೂಹಲ ತಣಿಸಿಕೊಂಡ ರಾಮ, ಲಕ್ಷ್ಮಣರು

ಸ್ನೇಹದ ಮಹತ್ವ

ರಾಮನು ಉತ್ತಮ ಸ್ನೇಹಪರನಾಗಿದ್ದನು. ಸುಗ್ರೀವನಿಗೆ ಸಹಾಯ ಮಾಡಿದನು. ಸುಗ್ರೀವನನ್ನು ಕಿಷ್ಕಿಂದೆಯ ರಾಜನನ್ನಾಗಿ ಮಾಡಿದನು. ವಿಭಿಷಣನಿಗೆ ಲಂಕೆಯ ರಾಜನಾಗಿ ಪಟ್ಟಾಭಿಷೇಕ ಮಾಡಿದನು. ಸುಗ್ರೀವ ಮತ್ತು ವಿಭೀಷಣ ಇಬ್ಬರೂ ರಾವಣದ ವಿರುದ್ಧದ ಯುದ್ಧದಲ್ಲಿ ರಾಮನಿಗೆ ಸಹಾಯ ಮಾಡಿದರು.

ಕರುಣೆ ಇರಲಿ

ರಾಮನು ಕರುಣಾಮಯಿ. ಬಡ ವೃದ್ಧೆ ಶಬರಿಯ ಕಥೆ ನಿಮಗೆ ಗೊತ್ತಿರಬಹುದು. ಭಕ್ತಿಯಿಂದ ಹಣ್ಣುಗಳನ್ನು ಕಚ್ಚಿ ತಿಂದು ರುಚಿ ನೋಡಿ ಇಟ್ಟ ಶಬರಿಯ ಭಕ್ತಿಗೆ ರಾಮನು ಕರಗಿದನು. ಸೀತೆಯನ್ನು ಹುಡುಕಲು ಸೇತುವೆ ನಿರ್ಮಿಸುವ ಸಮಯದಲ್ಲಿ ಚಿಕ್ಕ ಅಳಿಲು ಸೇತುವೆ ನಿರ್ಮಿಸಲು ಸಹಾಯ ಮಾಡಿತ್ತು. ರಾಮನು ಆ ಅಳಿಲನ್ನು ಪ್ರೀತಿಯಿಂದ ತಡವಿದನು.

ಇದನ್ನೂ ಓದಿ: ರಾಮಾಯಣ: ರಾಮನನ್ನು ರಕ್ಷಣೆಗಾಗಿ ಕಾಡಿಗೆ ಕಳುಹಿಸುವಂತೆ ಕೇಳಿದ ವಿಶ್ವಾಮಿತ್ರ; ವಿಷಯ ಕೇಳಿ ಸಿಂಹಾಸನದಿಂದ ಕೆಳಗೆ ಬಿದ್ದ ದಶರಥ