ಜೀವ ವಿಮೆ ಹೊಸ ನಿಯಮ ಪ್ರಕಾರ ಎಲ್‌ಐಸಿ ಪಾಲಿಸಿ ಸರಂಡರ್ ಮಾಡಿ ಶೇ 80 ಹಣ ಹಿಂಪಡೆಯುವುದು ಹೇಗೆ?, ಏನೇನು ದಾಖಲೆಗಳು ಬೇಕು, ಮಾನದಂಡಗಳೇನು

ಬಹಳಷ್ಟು ಜನ ಜೀವ ವಿಮೆಗಾಗಿ ಎಲ್‌ಐಸಿ ಪಾಲಿಸಿ ಖರೀದಿಸಿದರೆ, ಇನ್ನೂ ಅನೇಕರು ಉಳಿತಾಯ, ಹೂಡಿಕೆ ಎಂದು ತಪ್ಪಾಗಿ ಅರ್ಥ ಮಾಡಿಕೊಂಡು ಎಲ್‌ಐಸಿ ಪಾಲಿಸಿ ತಗೊಂಡಿತ್ತಾರೆ. ಕೆಲವು ವರ್ಷ ಪ್ರೀಮಿಯಂ ಪಾವತಿಸಿ ನಂತರದಲ್ಲಿ ಕಟ್ಟಲಾಗದೆ ಬಿಟ್ಟವರೂ ಇದ್ದಾರೆ. ಅಂತಹ ಪಾಲಿಸಿಗಳು ರದ್ದಾಗುತ್ತವೆ. ನಮಗೆ ಪ್ರೀಮಿಯಂ ಕಟ್ಟಲಾಗದೇ ಇದ್ದರೆ ಅಂತಹ ಪಾಲಿಸಿಗಳನ್ನು ಸರಂಡರ್ ಮಾಡಬಹುದು. ಇದರಂತೆ ಎಲ್‌ಐಸಿ ಕಂಪನಿಯು ಪಾಲಿಸಿದಾರರಿಗೆ ಅವರ ಪಾಲಿಸಿಯ ಸರಂಡರ್ ಮೌಲ್ಯ ಲೆಕ್ಕ ಹಾಕಿ ಮರುಪಾವತಿ ಮಾಡಿಬಿಡುತ್ತದೆ. ಜೀವ ವಿಮೆಯ ಪಾಲಿಸಿಯನ್ನು ಅದರ ಮೆಚುರಿಟಿ ಅವಧಿಗೂ ಮೊದಲೇ ನಿಲ್ಲಿಸಿ, ಹಣ ಹಿಂಪಡೆಯಲು ಮುಂದಾದರೆ ಆ ಪ್ರಕ್ರಿಯೆಗೆ ಪಾಲಿಸಿಯನ್ನು ಸರಂಡರ್ ಮಾಡುವುದು ಎಂದು ಹೇಳುತ್ತಾರೆ. ಎಲ್‌ಐಸಿ ಪಾಲಿಸಿಯ ಸರಂಡರ್ ಮೌಲ್ಯವು ಅದರ ಮೆಚುರಿಟಿ ಮೊತ್ತ ಮತ್ತು ಪ್ರಯೋಜನಗಳಿಗೆ ಹೋಲಿಸಿದರೆ ಬಹಳ ಕಡಿಮೆ.

ಎಲ್ಐಸಿ ಪಾಲಿಸಿಯನ್ನು ಯಾವಾಗ ಸರೆಂಡರ್ ಮಾಡಬಹುದು?

ಎಲ್‌ಐಸಿಯ ಸಿಂಗಲ್ ಪ್ರೀಮಿಯಂ ಪ್ಲಾನ್ ಪಾಲಿಸಿಗಳನ್ನು, ಪ್ರೀಮಿಯಂ ಪಾವತಿಸಲಾಗದೇ ಇದ್ದರೆ ಎರಡನೇ ವರ್ಷ ಸರೆಂಡರ್ ಮಾಡಬಹುದು.

ಸೀಮಿತ ಅವಧಿಯ ಪ್ರೀಮಿಯಂ ಯೋಜನೆಗಳನ್ನು ಗಮನಿಸುವುದಾದರೆ 10 ವರ್ಷ ಅಥವಾ ಅದಕ್ಕಿಂತ ಕಡಿಮೆ ಅವಧಿಯ ಪಾಲಿಸಿಗಳನ್ನು 2 ವರ್ಷಗಳ ನಂತರ ಸರೆಂಡರ್ ಮಾಡಬಹುದು. 10 ವರ್ಷಗಳಿಗಿಂತ ಹೆಚ್ಚಿನ ಅವಧಿಯ ಪಾಲಿಸಿಗಳನ್ನು 3 ವರ್ಷಗಳ ನಂತರ ಸರೆಂಡರ್ ಮಾಡಬಹುದು.

ಎಲ್ಐಸಿ ಪಾಲಿಸಿಯನ್ನು ಸರೆಂಡರ್ ಮಾಡುವುದು ಹೇಗೆ?

ನಿಮ್ಮ ಎಲ್‌ಐಸಿ ಪಾಲಿಸಿಯನ್ನು ಸರೆಂಡರ್ ಮಾಡುವುದು ಒಳ್ಳೆಯದಲ್ಲ. ಆದಾಗ್ಯೂ ಸರಂಡರ್ ಮಾಡಲೇಬೇಕಾದ ಪ್ರಸಂಗ ಎದುರಾದರೆ, ಆಗ ಈ ಡಾಕ್ಯುಮೆಂಟ್‌ಗಳನ್ನು ಸಿದ್ಧಪಡಿಸಬೇಕು. ಇವುಗಳನ್ನು ನಿಮ್ಮ ಎಲ್‌ಐಸಿ ಏಜೆಂಟ್ ಅಥವಾ ಎಲ್‌ಐಸಿ ಕಚೇರಿಯಲ್ಲಿ ಸಲ್ಲಿಸಬಹುದು. ಶರಣಾಗತಿಗೆ ಅಗತ್ಯವಾದ ದಾಖಲೆಗಳು ಇವು.

ಮೂಲ ಪಾಲಿಸಿ ಬಾಂಡ್ ದಾಖಲೆಗಳು, ಸರಂಡರ್ ಮಾಡುವುದಕ್ಕೆ ಮನವಿ , ಸರಂಡರ್ ಫಾರ್ಮ್‌, ಎಲ್‌ಐಸಿ ನೆಫ್ಟ್‌ ಫಾರ್ಮ್‌, ಬ್ಯಾಂಕ್ ಖಾತೆ ವಿವರ, ಆಧಾರ್ ಕಾರ್ಡ್, ಪ್ಯಾನ್ ಕಾರ್ಡ್ ಅಥವಾ ಡ್ರೈವಿಂಗ್ ಲೈಸೆನ್ಸ್‌ನಂತಹ ಮೂಲ ಐಟಿ ಪುರಾವೆ, ರದ್ದುಗೊಳಿಸಿದ ಚೆಕ್‌ ಲೀಫ್ ಕೊಡಬೇಕು. ಸರಂಡರ್ ಮಾಡುತ್ತಿರುವುದೇಕೆ ಎಂಬುದನ್ನು ವಿವರಿಸಿ ಎಲ್‌ಐಸಿಗೆ ಪತ್ರ ಕೊಡಬೇಕು.

ಎಲ್ಐಸಿ ಪಾಲಿಸಿಯ ಸರೆಂಡರ್ ಮೌಲ್ಯ ಎಷ್ಟು?

ಭಾರತೀಯ ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (IRDAI) ಅಕ್ಟೋಬರ್ 1 ರಿಂದ ಲೈಫ್ ಪಾಲಿಸಿಗಳ ಸರೆಂಡರ್ ಮೌಲ್ಯದ ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ. ಜೀವ ವಿಮಾದಾರರು ನೀಡುವ ಪ್ರತಿಯೊಂದು ಪಾಲಿಸಿಯಲ್ಲೂ ನಿಖರ ಸರೆಂಡರ್ ಮೌಲ್ಯವನ್ನು ಒದಗಿಸುವುದು ಕಡ್ಡಾಯವಾಗಿದೆ. ಅಲ್ಲದೆ, ಮುಂದಿನ ಪ್ರೀಮಿಯಂ ಪಾವತಿಸದಿದ್ದರೆ ಪಾಲಿಸಿ ಲ್ಯಾಪ್ಸ್ ಆಗಬಾರದು.

ಹೊಸ ನಿಯಮ ಪ್ರಕಾರ, ಜೀವ ವಿಮೆಗೆ ಕೇವಲ ಒಂದು ವರ್ಷದ ಪ್ರೀಮಿಯಂ ಪಾವತಿಸಿದ ನಂತರವೂ ಪಾಲಿಸಿದಾರರು ಹೆಚ್ಚಿನ ಹಣವನ್ನು ಮರುಪಾವತಿ ಮಾಡಬೇಕಾಗುತ್ತದೆ. ಹಿಂದಿನ ಪಾಲಿಸಿ ಸರೆಂಡರ್ ಅಥವಾ ರದ್ದತಿ ಮೊದಲ ಎರಡು ವರ್ಷಗಳಿಗೆ ಅನ್ವಯಿಸುವುದಿಲ್ಲ. ಮೂರನೇ ವರ್ಷದಿಂದ, ಶರಣಾಗತಿ ಮೌಲ್ಯವನ್ನು ನಾಮಮಾತ್ರವಾಗಿ ಮತ್ತು ಏಕಪಕ್ಷೀಯವಾಗಿ ಪಾವತಿಸಲಾಯಿತು. ಆದರೆ ಪಾಲಿಸಿದಾರರ ಹಿತವನ್ನು ಗಮನದಲ್ಲಿಟ್ಟುಕೊಂಡು ಐಆರ್‌ಡಿಎಐ ಹೊಸ ನಿಯಮಾವಳಿಗಳನ್ನು ತಂದಿದೆ.

ಒಂದು ವರ್ಷದ ನಂತರ ಪ್ರೀಮಿಯಂ ಪಾವತಿಸದ ಕಾರಣ ಪಾಲಿಸಿಯನ್ನು ಕೊನೆಗೊಳಿಸಿದರೆ (ಲ್ಯಾಪ್ಸ್) ನೀವು ಪಾವತಿಸಿದ ಪ್ರೀಮಿಯಂನ 80-85% ವರೆಗೆ ಹಿಂತಿರುಗಬಹುದು. ಉದಾಹರಣೆಗೆ ನೀವು ಮಾಸಿಕ ಪ್ರೀಮಿಯಂ 10,000 ರೂಪಾಯಿಯನ್ನು ಪಾವತಿಸಿದರೆ (ವರ್ಷಕ್ಕೆ ರೂ. 1,20,000), ನೀವು ಸರೆಂಡರ್ ಮೌಲ್ಯವಾಗಿ ಒಂದು ಲಕ್ಷಕ್ಕಿಂತ ಸ್ವಲ್ಪ ಹೆಚ್ಚು ಹಣ ವಾಪಸ್‌ ಪಡೆಯುತ್ತೀರಿ.