ಚಿಕನ್ 65 ತಿಂದಿರುವಿರಿ, ಕ್ಯಾಬೇಜ್ 65 ಸವಿದಿದ್ದೀರಾ; ಬಹಳ ಸಿಂಪಲ್ಲಾಗಿ ತಯಾರಾಗುವ ಈ ರೆಸಿಪಿ ಮಾಡುವುದು ಹೀಗೆ

ಚಿಕನ್ 65 ರೆಸಿಪಿ ತಿಂದಿರುವಿರಿ. ಆದರೆ, ಎಂದಾದರೂ ಎಲೆಕೋಸಿನ ಗರಿಗರಿಯಾದ ಫ್ರೈ ರೆಸಿಪಿ ಅಥವಾ ಕ್ಯಾಬೇಜ್ 56 ರೆಸಿಪಿ ಟ್ರೈ ಮಾಡಿರುವಿರಾ. ಬಹಳ ರುಚಿಕರವಾಗಿರುವ ಈ ರೆಸಿಪಿ ಮಾಡುವುದು ತುಂಬಾನೇ ಸುಲಭ. ಸ್ನಾಕ್ಸ್ ಆಗಿಯೂ ತಿನ್ನಬಹುದು, ಅನ್ನದ ಜತೆ, ಚಪಾತಿ ಜತೆ ಅಥವಾ ಸೈಡ್ ಡಿಶ್ ಆಗಿಯೂ ಸವಿಯಬಹುದು. ಒಮ್ಮೆ ತಿಂದು ನೋಡಿದರೆ ಮತ್ತೆ ಮತ್ತೆ ತಿನ್ನಬೇಕು ಅನಿಸುತ್ತದೆ. ಈ ರುಚಿಕರವಾದ ಎಲೆಕೋಸು ಹಾಗೂ ಕ್ಯಾಬೇಜ್ 65 ರೆಸಿಪಿ ಮಾಡುವುದು ಹೇಗೆ ಎಂಬುದು ಇಲ್ಲಿದೆ.

ಎಲೆಕೋಸು 65 ತಯಾರಿಸುವ ವಿಧಾನ ಇಲ್ಲಿದೆ

ಬೇಕಾಗುವ ಪದಾರ್ಥಗಳು: ಮಧ್ಯಮ ಗಾತ್ರದ ಎಲೆಕೋಸು- ಸುಮಾರು 800 ಗ್ರಾಂ, ಅಕ್ಕಿ ಹಿಟ್ಟು- ಕಾಲು ಕಪ್, ಮೈದಾ- ಕಾಲು ಕಪ್, ಮೆಣಸಿನ ಪುಡಿ- ಎರಡು ಟೀ ಚಮಚ, ಜೀರಿಗೆ ಪುಡಿ- 1 ಟೀ ಚಮಚ, ಕೊತ್ತಂಬರಿ ಪುಡಿ- ಒಂದು ಟೀ ಚಮಚ, ರುಚಿಗೆ ತಕ್ಕಷ್ಟು ಉಪ್ಪು, ಅರಿಶಿನ- ಒಂದು ಚಿಟಿಕೆ, ಹಸಿ ಮೆಣಸಿನಕಾಯಿ ಸಾಸ್- ಒಂದು ಟೀ ಚಮಚ, ಟೊಮೆಟೊ ಕೆಚಪ್- ಎರಡು ಟೀ ಚಮಚ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್- ಎರಡು ಟೀ ಚಮಚ, ಕರಿಬೇವಿನ ಎಲೆ- 10 ರಿಂದ 12.

ಇದನ್ನೂ ಓದಿ: ಒಂದೇ ರೀತಿಯ ಬಜ್ಜಿ ತಿನ್ನುವ ಬದಲು ಎಲೆಕೋಸು ಪಕೋಡ ಟ್ರೈ ಮಾಡಿ: ಬಿಸಿ ಬಿಸಿ ತಿನ್ನಲು ಬಲೇ ಮಜಾ, ಇಲ್ಲಿದೆ ಪಾಕವಿಧಾನ

ಮಾಡುವ ವಿಧಾನ: ಮೊದಲು ಎಲೆಕೋಸನ್ನು ಮಧ್ಯಮ ಗಾತ್ರದ ತುಂಡುಗಳಾಗಿ ಕತ್ತರಿಸಿ.

- ಕತ್ತರಿಸಿದ ಎಲೆಕೋಸನ್ನು ಒಂದು ತಟ್ಟೆಯಲ್ಲಿ ಹಾಕಿ. ಇದಕ್ಕೆ ಮೆಣಸಿನ ಪುಡಿ, ಕೊತ್ತಂಬರಿ ಪುಡಿ, ಅರಿಶಿನ, ಹಸಿಮೆಣಸಿನಕಾಯಿ ಸಾಸ್, ಟೊಮೆಟೊ ಕೆಚಪ್, ಉಪ್ಪು ಸೇರಿಸಿ ಮಿಶ್ರಣ ಮಾಡಿ.

- ಕತ್ತರಿಸಿದ ಎಲೆಕೋಸುಗಳನ್ನು ಹಿಸುಕದೆ ನಿಧಾನವಾಗಿ ಚೆನ್ನಾಗಿ ಮಿಶ್ರಣ ಮಾಡಬೇಕು.

- ಅದರ ನಂತರ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ, ಮತ್ತೆ ಮಿಶ್ರಣ ಮಾಡಿ.

- ಸ್ಟೌವ್ ಮೇಲೆ ಪಾತ್ರೆಯನ್ನಿಟ್ಟು ಕರಿಯಲು ಎಣ್ಣೆ ಹಾಕಿ. ಎಣ್ಣೆ ಬಿಸಿಯಾದ ನಂತರ, ಕಲಸಿದ ಎಲೆಕೋಸುಗಳನ್ನು ಒಂದೊಂದಾಗಿ ಎಣ್ಣೆಯಲ್ಲಿ ಹಾಕಿ.

- ಈ ಎಲೆಕೋಸನ್ನು ಮಧ್ಯಮ ಉರಿಯಲ್ಲಿ ಫ್ರೈ ಮಾಡಿ. ಎಣ್ಣೆಗೆ ಹಾಕಿದ ತಕ್ಷಣ ಸೌಟು ತೆಗೆಯದೆ ಒಂದೆರಡು ನಿಮಿಷ ಬಿಡಿ. ಅದರ ನಂತರ ಉರಿಯನ್ನು ಸ್ವಲ್ಪ ಹೆಚ್ಚಿಸಿ ಫ್ರೈ ಮಾಡಿ.

- ಎಲೆಕೋಸು ಗೋಲ್ಡನ್ ಬ್ರೌನ್ ಬಣ್ಣಕ್ಕೆ ತಿರುಗಿದಾಗ, ಅದನ್ನು ಹೊರತೆಗೆಯಿರಿ. ತಟ್ಟೆಗೆ ಒಂದು ಟಿಶ್ಯೂ ಪೇಪರ್ ಇಟ್ಟು ಕರಿದ ಎಲೆಕೋಸುಗಳನ್ನು ಅದಕ್ಕೆ ಹಾಕಿ. ಎಣ್ಣೆಯನ್ನು ಹೀರಿಕೊಳ್ಳಲು ಇದು ಸಹಾಯಕವಾಗಿದೆ.

- ಇಷ್ಟು ಮಾಡಿದರೆ ಎಲೆಕೋಸು 65 ಸಿದ್ಧ. ತಿನ್ನಲು ಬಹಳ ರುಚಿಕರವಾಗಿರುತ್ತದೆ. ಒಮ್ಮೆ ಮಾಡಿದರೆ, ನೀವು ಮತ್ತೆ ಮತ್ತೆ ಮಾಡಿ ತಿನ್ನುವಿರಿ. ಖಂಡಿತ ಮನೆಮಂದಿಯೆಲ್ಲಾ ಇಷ್ಟಪಟ್ಟು ತಿನ್ನುವುದರಲ್ಲಿ ಸಂಶಯವಿಲ್ಲ. ಮಕ್ಕಳು ಶಾಲೆಯಿಂದ ಬಂದ ತಕ್ಷಣ ಸಂಜೆ ಸ್ನಾಕ್ಸ್‌ಗೂ ಈ ರೆಸಿಪಿ ಮಾಡಿಕೊಡಬಹುದು.

ಇದನ್ನೂ ಓದಿ: ಮಾಂಸಾಹಾರ ತಿನ್ನುವುದಿಲ್ಲವಾದರೆ ಚೆಟ್ಟಿನಾಡ್ ಶೈಲಿಯಲ್ಲಿ ಮಾಡಿ ಆಲೂಗಡ್ಡೆ ಫ್ರೈ: ಮನೆಮಂದಿಯೆಲ್ಲಾ ಬಾಯಿಚಪ್ಪರಿಸಿಕೊಂಡು ತಿಂತಾರೆ