ಕೂದಲಿಗೆ ಪ್ರತಿದಿನ ಎಣ್ಣೆ ಹಚ್ಚುವ ಅಭ್ಯಾಸ ಇದ್ರೆ ಇಂದೇ ನಿಲ್ಲಿಸಿ, ಇದರಿಂದ ಪ್ರಯೋಜನಕ್ಕಿಂತ ಹಾನಿಯೇ ಹೆಚ್ಚು

ಬಾಲ್ಯದಲ್ಲಿ ಅಜ್ಜಿಯರು ಕೂದಲು ಚೆನ್ನಾಗಿ ಬೆಳೆಯಲು ಪ್ರತಿದಿನ ಎಣ್ಣೆ ಹಚ್ಚಬೇಕು ಎಂದು ಸಲಹೆ ನೀಡುತ್ತಿದ್ದರು. ಕೂದಲಿನ ತಜ್ಞರು ಕೂದಲಿಗೆ ಎಣ್ಣೆ ಹಚ್ಚುವುದು ಕೂದಲಿಗೆ ಪ್ರಯೋಜನಕಾರಿ ಎಂದು ಪರಿಗಣಿಸುತ್ತಾರೆ. ಕೂದಲಿಗೆ ಎಣ್ಣೆ ಹಚ್ಚುವುದರಿಂದ ಕೂದಲಿನಲ್ಲಿ ತೇವಾಂಶ ಚೆನ್ನಾಗಿರುತ್ತದೆ ಮತ್ತು ಕೂದಲು ಹೊಳೆಯುತ್ತದೆ‌. ಎಣ್ಣೆ ಕೂದಲಿನ ಆರೋಗ್ಯಕ್ಕೆ ತುಂಬಾ ಒಳ್ಳೆಯದಾದರೂ, ಪ್ರತಿದಿನ ನಿಮ್ಮ ಕೂದಲಿಗೆ ಎಣ್ಣೆ ಹಚ್ಚುವುದರಿಂದ ಪ್ರಯೋಜನದ ಬದಲು ನಿಮ್ಮ ಕೂದಲಿಗೆ ಹಾನಿಯಾಗುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಹೌದು, ಕೂದಲಿಗೆ ಎಣ್ಣೆಯನ್ನು ಸರಿಯಾಗಿ ಹಚ್ಚಿದಾಗ ಮಾತ್ರ ಅದರ ಪ್ರಯೋಜನಗಳು ಲಭ್ಯವಿವೆ. ನೀವು ಇದನ್ನು ಮಾಡದಿದ್ದರೆ, ನಿಮ್ಮ ಕೂದಲು ಅನೇಕ ರೀತಿಯಲ್ಲಿ ಹಾನಿಗೊಳಗಾಗುತ್ತದೆ. ‌

ಪ್ರತಿದಿನ ಕೂದಲಿಗೆ ಎಣ್ಣೆ ಹಚ್ಚುವುದರಿಂದಾಗುವ ಅನಾನುಕೂಲಗಳು

ನೆತ್ತಿ ಸೋಂಕು: ನೀವು ಪ್ರತಿದಿನ ಹಲವು ಗಂಟೆಗಳ ಕಾಲ ನಿಮ್ಮ ಕೂದಲಿಗೆ ಎಣ್ಣೆ ಹಚ್ಚಿ ಹಾಗೆ ಬಿಟ್ಟರೆ ಕೂದಲಿನಲ್ಲಿ ಧೂಳು ಮತ್ತು ಕೊಳಕು ಸಂಗ್ರಹವಾಗುತ್ತದೆ. ಇದು ಕೂದಲಿನ ಕೋಶಗಳನ್ನು ತಲುಪುವ ಮೂಲಕ ನೆತ್ತಿಯ ಸೋಂಕಿನ ಅಪಾಯವನ್ನು ಹೆಚ್ಚಿಸುತ್ತದೆ. ದೀರ್ಘಕಾಲ ಹೀಗೆ ಮಾಡುವುದರಿಂದ ಸ್ಕಾಲ್ಪ್ ಫೋಲಿಕ್ಯುಲೈಟಿಸ್‌ನಂತಹ ಸಮಸ್ಯೆಗಳೂ ಬರಬಹುದು.

ಇದನ್ನೂ ಓದಿ: ಕೂದಲು ಬಿಳಿಯಾಗಿದೆ ಅಂತ ಪದೇ ಪದೇ ಬಣ್ಣ ಹಚ್ಚಬೇಡಿ; ನೈಸರ್ಗಿಕವಾಗಿ ಕೂದಲನ್ನು ಕಪ್ಪಾಗಿಸುವ ವಿಧಾನ ಇಲ್ಲಿದೆ, ಇದನ್ನೊಮ್ಮೆ ಟ್ರೈ ಮಾಡಿ

ಕೂದಲು ಉದುರುವಿಕೆ: ಪ್ರತಿನಿತ್ಯ ಕೂದಲಿಗೆ ಎಣ್ಣೆ ಹಚ್ಚುವುದರಿಂದ ಕೂದಲು ಉದುರುವ ಸಮಸ್ಯೆ ಹೆಚ್ಚುತ್ತದೆ. ಎಳ್ಳೆಣ್ಣೆ ಬಳಸುವವರಲ್ಲಿ ಈ ಸಮಸ್ಯೆಯನ್ನು ಹೆಚ್ಚು ಕಾಣಬಹುದು. ಏಕೆಂದರೆ ಎಳ್ಳೆಣ್ಣೆ ದಪ್ಪವಾಗಿರುತ್ತದೆ, ಇದು ನೆತ್ತಿಯ ರಂಧ್ರಗಳನ್ನು ನಿರ್ಬಂಧಿಸುತ್ತದೆ ಮತ್ತು ಕೂದಲು ಉದುರುವಿಕೆಗೆ ಕಾರಣವಾಗುತ್ತದೆ.

ಸೆಬೊರ್ಹೆಕ್ ಡರ್ಮಟೈಟಿಸ್: ದೈನಂದಿನ ಕೂದಲಿಗೆ ಎಣ್ಣೆ ಹಚ್ಚುವುದರಿಂದ ಸೆಬೊರ್ಹೆಕ್ ಡರ್ಮಟೈಟಿಸ್ ಅಪಾಯವನ್ನು ಹೆಚ್ಚಿಸುತ್ತದೆ. ಇದರಿಂದಾಗಿ ಕೂದಲಿನಲ್ಲಿ ವಿಪರೀತ ತಲೆಹೊಟ್ಟಿನ ಸಮಸ್ಯೆ ಕಾಣಿಸಬಹುದು. ಹುಬ್ಬುಗಳು ಮತ್ತು ಗಡ್ಡದ ಕೂದಲಿನ ಮೇಲೂ ಈ ಸಮಸ್ಯೆಯನ್ನು ಕಾಣಬಹುದು.

ಇದನ್ನೂ ಓದಿ: ಕೂದಲು ಅತಿಯಾಗಿ ಉದುರಲು ತಲೆ ಬಾಚುವ ವಿಚಾರದಲ್ಲಿ ನಾವು ಮಾಡುವ ಈ ತಪ್ಪುಗಳೇ ಕಾರಣ, ಇನ್ನಾದ್ರೂ ಗಮನ ಹರಿಸಿ

ಕೂದಲಿಗೆ ಎಣ್ಣೆ ಹಚ್ಚುವಾಗ ಈ ವಿಷಯಗಳನ್ನು ನೆನಪಿನಲ್ಲಿಡಿ

-ಕೂದಲಿಗೆ ತಿಂಗಳಿಗೊಮ್ಮೆ ಅಥವಾ 20 ದಿನಕ್ಕೊಮ್ಮೆ ಎಣ್ಣೆ ಹಚ್ಚುವುದರಿಂದ ಕೂದಲು ಆರೋಗ್ಯಕರವಾಗಿ ಬೆಳೆಯುತ್ತದೆ.

-ಹೆಚ್ಚು ಬೆವರುವವರು ಅಥವಾ ಎಣ್ಣೆಯುಕ್ತ ತಲೆಹೊಟ್ಟು ಹೊಂದಿರುವವರು ವಾರಕ್ಕೊಮ್ಮೆ ಮಾತ್ರ ಕೂದಲಿಗೆ ಎಣ್ಣೆ ಹಚ್ಚಬೇಕು.

-ಹೆಚ್ಚು ಬಿಸಿ ಎಣ್ಣೆಯನ್ನು ತಲೆಗೆ ಹಚ್ಚುವುದರಿಂದ ನೆತ್ತಿಯ ನೈಸರ್ಗಿಕ ತೇವಾಂಶ ನಾಶವಾಗುತ್ತದೆ, ಇದರಿಂದ ಕೂದಲು ಹೆಚ್ಚು ಒಣಗುತ್ತದೆ ಮತ್ತು ತಲೆಹೊಟ್ಟು ಮತ್ತು ತುರಿಕೆಯಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು.

-ಕೂದಲಿಗೆ ಎಣ್ಣೆ ಹಚ್ಚಿದ ಅರ್ಧ ಗಂಟೆಯ ನಂತರ ತಲೆ ತೊಳೆಯಿರಿ. ಕೂದಲಿಗೆ ಎಣ್ಣೆಯನ್ನು ದೀರ್ಘಕಾಲದವರೆಗೆ ಬಿಡುವುದರಿಂದ ನೆತ್ತಿಯ ಸೋಂಕಿನ ಅಪಾಯವನ್ನು ಹೆಚ್ಚಿಸುತ್ತದೆ.

ಇದನ್ನೂ ಓದಿ: ಕೆಲವೇ ದಿನಗಳಲ್ಲಿ ಕೂದಲು ಉದ್ದವಾಗಿ, ದಟ್ಟವಾಗಿ ಬೆಳೆಯಬೇಕಾ, ಹಾಗಲಕಾಯಿ ರಸವನ್ನು ಹೀಗೆ ಬಳಸಿ, ಫಲಿತಾಂಶ ಕಂಡು ನೀವೂ ಖುಷಿ ಪಡ್ತೀರಿ