Diabetes: ಮಧುಮೇಹಿಗಳಲ್ಲಿ ಬೆಳಗಿನ ಹೊತ್ತು ರಕ್ತದಲ್ಲಿನ ಸಕ್ಕರೆಯ ಮಟ್ಟ ಹೆಚ್ಚಲು ಕಾರಣವೇನು; ಇಲ್ಲಿದೆ ಮಾಹಿತಿ

ಇತ್ತೀಚೆಗೆ ಹಲವರನ್ನು ಕಾಡುತ್ತಿರುವ ಜೀವನಶೈಲಿಗೆ ಸಂಬಂಧಿಸಿದ ಸಮಸ್ಯೆಗಳಲ್ಲಿ ಮಧುಮೇಹವು ಅಗ್ರಸ್ಥಾನ ಪಡೆದಿದೆ. ಇದು ಚಯಾಪಚಯ ಸ್ಥಿತಿಯಾಗಿದ್ದು, ಇದರಲ್ಲಿ ದೇಹವು ಸಾಕಷ್ಟು ಪ್ರಮಾಣದಲ್ಲಿ ಇನ್ಸುಲಿನ್‌ ಉತ್ಪಾದಿಸುವುದಿಲ್ಲ. ಮಧುಮೇಹಕ್ಕೆ ಸಂಬಂಧಿಸಿ ರಕ್ತದಲ್ಲಿನ ಸಕ್ಕರೆಯ ಮಟ್ಟದ ಬದಲಾವಣೆಗೆ ನಾವು ಏನನ್ನು ತಿನ್ನುತ್ತೇವೆ ಎನ್ನುವ ಜೊತೆಗೆ ಯಾವ ಸಮಯಕ್ಕೆ ತಿನ್ನುತ್ತೇವೆ ಎನ್ನುವುದು ಮುಖ್ಯವಾಗುತ್ತದೆ. ಮಧುಮೇಹವನ್ನು ನಿರ್ವಹಿಸಲು ಉಪಾಹಾರದ ಸಮಯವು ನಿರ್ಣಾಯಕವಾಗಿದೆ. ತಿನ್ನುವ ಸಮಯದಲ್ಲಿ ವ್ಯತ್ಯಯ ಉಂಟಾದಾಗ ಅದು ದೇಹದಲ್ಲಿನ ಸಕ್ಕರೆಯ ಮಟ್ಟದ ಮೇಲೆ ಪರಿಣಾಮ ಬೀರಬಹುದು, ಜೊತೆಗೆ ವಿವಿಧ ಸಮಸ್ಯೆಗಳನ್ನು ಅಭಿವೃದ್ಧಿಪಡಿಸುವ ಅಪಾಯವನ್ನು ಹೆಚ್ಚಿಸಬಹುದು.

ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಹೆಚ್ಚಿಸುವ ಮೂಲಕ ನೀವು ಎಚ್ಚರಗೊಳ್ಳಲು ಮತ್ತು ದಿನಚರಿಯನ್ನು ಆರಂಭಿಸಲು ಸಾಕಷ್ಟು ಶಕ್ತಿ ಹೊಂದಿದ್ದೀರಿ ಎಂಬುದನ್ನು ದೇಹವು ಸಾಬೀತುಪಡಿಸುತ್ತದೆ. ಮಧುಮೇಹಿಗಳಲ್ಲಿ ಹಾರ್ಮೋನುಗಳನ್ನು ತಟಸ್ಥಗೊಳಿಸಲು ದೇಹವು ಸಾಕಷ್ಟು ಇನ್ಸುಲಿನ್‌ ಅನ್ನು ಉತ್ಪಾದಿಸುವುದಿಲ್ಲ. ಇದರಿಂದ ಬೆಳಿಗ್ಗೆ ಎದ್ದಾಗ ಸಕ್ಕರೆಯ ಮಟ್ಟವು ಏರಿಕೆಯಾಗಬಹುದು. ಇದರಿಂದ ಮಧುಮೇಹದ ನಿರ್ವಹಣೆ ಕಷ್ಟವಾಗಬಹುದು.

ಮಧುಮೇಹದ ಅಸಮರ್ಪಕ ನಿರ್ವಹಣೆಗೂ ಸಹ ಬೆಳಗಿನ ವೇಳೆಯಲ್ಲಿ ರಕ್ತದಲ್ಲಿನ ಸಕ್ಕರೆಯ ಪ್ರಮಾಣ ಹೆಚ್ಚಲು ಕಾರಣವಾಗಬಹುದು.

ಬೆಳಗಿನ ಹೊತ್ತು ರಕ್ತದಲ್ಲಿನ ಸಕ್ಕರೆಯ ಪ್ರಮಾಣ ಏರಿಕೆಯಾಗಲು ಮೂರು ಪ್ರಮುಖ ಕಾರಣಗಳು ಹೀಗಿವೆ:

ಡಾನ್‌ ವಿದ್ಯಮಾನ: 'ಡಾನ್ ವಿದ್ಯಮಾನ' ಎಂಬ ಪದವು ಮುಂಜಾನೆ ನಡೆಯುವ ಹೈಪರ್ಗ್ಲೈಸೀಮಿಯಾದ ಸಮಯವನ್ನು ವಿವರಿಸುತ್ತದೆ. ರಕ್ತದಲ್ಲಿನ ಸಕ್ಕರೆಯ ಮಟ್ಟದಲ್ಲಿನ ಏರಿಳಿತವು ದೇಹದ ಹಾರ್ಮೋನ್ ಪ್ರಕ್ರಿಯೆಗಳಿಂದ ಉಂಟಾಗುತ್ತದೆ.

ಕ್ಷೀಣಿಸುತ್ತಿರುವ ಇನ್ಸುಲಿನ್‌ ಮಟ್ಟಗಳು: ವಿಭಿನ್ನ ಇನ್ಸುಲಿನ್‌ಗಳು ವಿಭಿನ್ನ ಹಂತದಲ್ಲಿ ಹಾಗೂ ವಿಭಿನ್ನ ಸಮಯಗಳಲ್ಲಿ ಕಾರ್ಯನಿರ್ವಹಿಸುತ್ತವೆ. ಅವು ಹೆಚ್ಚು ಉತ್ಪಾದಕವಾಗಿದ್ದಾಗ, ಹೆಚ್ಚಿನ ಪ್ರಭೇದಗಳು ಉತ್ತುಂಗದಲ್ಲಿರುತ್ತವೆ. ಉತ್ತುಂಗದ ನಂತರ ಇನ್ಸುಲಿನ್ ಪ್ರಭಾವವು ಕಡಿಮೆಯಾಗಲು ಪ್ರಾರಂಭಿಸುತ್ತದೆ. ಜನರು ತಮ್ಮ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವು ರಾತ್ರಿಯಲ್ಲಿ ಏರುತ್ತಿರುವುದನ್ನು ಗಮನಿಸಿದರೆ ಡೋಸೇಜ್ ಅನ್ನು ಹೆಚ್ಚಿಸಬೇಕಾಗುತ್ತದೆ.

ಸೊಮೊಗಿ ಎಫೆಕ್ಟ್‌: ರಿಬೌಂಡ್ ಹೈಪರ್ಗ್ಲೈಸೀಮಿಯಾ ಎಂದೂ ಕರೆಯಲ್ಪಡುವ ಸೊಮೊಗಿ ಪರಿಣಾಮವು ಬೆಳಿಗ್ಗೆ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಹೆಚ್ಚಿಸಲು ಕಾರಣವಾಗಬಹುದೆಂದು ತಜ್ಞರು ಶಂಕಿಸುತ್ತಾರೆ. ಈ ಪರಿಕಲ್ಪನೆಯ ಪ್ರಕಾರ ತಡರಾತ್ರಿಯ ಹೈಪೊಗ್ಲಿಸಿಮಿಯಾ ಅಥವಾ ಕಡಿಮೆ ರಕ್ತದ ಸಕ್ಕರೆಯ ಕಂತುಗಳು ರಕ್ತದಲ್ಲಿನ ಸಕ್ಕರೆಯ ಮಟ್ಟದಲ್ಲಿ ಹೆಚ್ಚಳವನ್ನು ಅನುಸರಿಸುತ್ತವೆ. ಮಧುಮೇಹಿಗಳು ಹೆಚ್ಚು ಇನ್ಸುಲಿನ್ ತೆಗೆದುಕೊಂಡರೆ ಅಥವಾ ರಾತ್ರಿ ಮಲಗುವ ಮುನ್ನ ಹೆಚ್ಚು ತಿನ್ನದೇ ಇದ್ದರೆ ಇದು ಸಂಭವಿಸಬಹುದು.

ಮಧುಮೇಹ ಸಮಸ್ಯೆ ಹೊಂದಿರುವವರು ತಮ್ಮ ರಕ್ತದಲ್ಲಿನ ಸಕ್ಕರೆಯ ಮಟ್ಟವು ಬೆಳಗಿನ ವೇಳೆ ಹೆಚ್ಚಾಗಬಹುದು ಎಂಬುದನ್ನು ತಿಳಿದಿರಬೇಕು. ಒಂದು ವೇಳೆ ಪದೇ ಪದೇ ಇದು ಸಂಭವಿಸುತ್ತಿದ್ದರೆ ಸೂಕ್ತ ಚಿಕಿತ್ಸೆ ಪಡೆಯಬೇಕು.

ಮಧುಮೇಹ ಹೊಂದಿರುವವರು ಔಷಧಿಯ ಜೊತೆಗೆ ಜೀವನಶೈಲಿಯ ನಿರ್ವಹಣೆಯಗೂ ಒತ್ತು ನೀಡಬೇಕು. ವ್ಯಾಯಾಮ, ಆರೋಗ್ಯಕರ ಆಹಾರ, ಒತ್ತಡ ನಿರ್ವಹಣೆ ಮತ್ತು ಸಾಕಷ್ಟು ನಿದ್ದೆ ಈ ಮೂಲಕ ಮಧುಮೇಹವನ್ನು ನಿಯಂತ್ರಿಸಬಹುದು.

ಇದನ್ನೂ ಓದಿ: Covid Variants: ಜಗತ್ತಿನ ಹಲವೆಡೆ ಕೋವಿಡ್‌ ರೂಪಾಂತರಿಗಳ ನರ್ತನ; ಎರಿಸ್‌ vs ಬಿಎ 2.86, ಯಾವುದು ಹೆಚ್ಚು ಅಪಾಯಕಾರಿ; ರೋಗಲಕ್ಷಣಗಳು ಹೀಗಿವೆ