Osteoporosis: ಋತುಬಂಧದ ನಂತರ ಹೆಚ್ಚು ಕಾಡುವ ಆಸ್ಟಿಯೊಪೊರೋಸಿಸ್‌; ದೈಹಿಕ ಚಟುವಟಿಕೆಯೊಂದಿಗೆ ವಿಟಮಿನ್‌ ಡಿ ಪೂರೈಕೆಗೂ ನೀಡಿ ಒತ್ತು

ಮೂಳೆಯ ದ್ರವ್ಯರಾಶಿ ಮತ್ತುಸಾಂದ್ರತೆಯ ಕೊರತೆಯಿಂದಾಗಿ ಮೂಳೆಗಳು ದುರ್ಬಲವಾಗುವುದು ಅಥವಾ ಸುಲಭವಾಗಿ ಮೂಳೆ ಮುರಿತ ಉಂಟಾಗುವುದು ಇಂತಹ ಸಮಸ್ಯೆಗಳು ಬಾಧಿಸುತ್ತವೆ. ಭಾರತದಲ್ಲಿ 1 ಕೋಟಿಗೂ ಹೆಚ್ಚು ಜನರು ಈ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಆರಂಭದಲ್ಲಿ ಈ ರೋಗಿಗಳಲ್ಲಿ ಯಾವುದೇ ರೋಗಲಕ್ಷಣಗಳು ಕಂಡುಬರುವುದಿಲ್ಲ. ಆದರೆ ಕ್ರಮೇಣ ಬೆನ್ನುನೋವು ಮತ್ತು ಕಾಲಾನಂತರದಲ್ಲಿ ಕುಬ್ಜರಾದಂತೆ ಕಾಣುತ್ತಾರೆ.

ವಯಸ್ಸಾದಂತೆ ಬೆನ್ನಮೂಳೆ ಮುರಿತ ಉಂಟಾಗುವುದೇ?

ಹೌದು ಈ ಸಮಸ್ಯೆ ಇರುವವರಲ್ಲಿ ವಯಸ್ಸಾದಂತೆ ಮೂಳೆ ಮುರಿತ ಉಂಟಾಗಬಹುದು, ಅಲ್ಲದೇ ಕುಬ್ಜರಾದಂತೆ ಕಾಣಬಹುದು. ಭಾಗಶಃ ತೀವ್ರವಾದ ಆಸ್ಟಿಯೊಪೊರೋಸಿಸ್‌ನಿಂದ ಬೆನ್ನುಮೂಳೆಯ ಮುರಿತವು ಗಮನಾರ್ಹವಾಗಿ ವ್ಯಕ್ತಿಯನ್ನು ಭಾಗುವಂತೆ ಮಾಡಬಹುದು, ಮಾತ್ರವಲ್ಲ ಕುಬ್ಬರಂತೆ ಕಾಣುವಂತೆ ಮಾಡಬಹುದು.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಲೇಖನಗಳಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ

ಯಾರು ಅಪಾಯದಲ್ಲಿದ್ದಾರೆ?

ವಯಸ್ಸಾದವರಲ್ಲಿಇದು ಸಾಮಾನ್ಯ ಸಮಸ್ಯೆಯಾಗಿದೆ ಮತ್ತು ಋತುಬಂಧ ನಿಂತ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಐಟಿ ವೃತ್ತಿಪರರು, ಕಚೇರಿ ಕೆಲಸಗಾರರು ಮತ್ತುಮಕ್ಕಳು ಹೆಚ್ಚಾಗಿ ಒಳಗೆ ಕುಳಿತು ಕೆಲಸ ಮಾಡುವವರಲ್ಲಿ ಆಸ್ಟಿಯೋಪೆನಿಯಾದ ಅಪಾಯ ಹೆಚ್ಚು. ಇದು ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳದ ಕಾರಣ ವಿಟಮಿನ್‌-ಡಿ ಕೊರತೆಯಿಂದ, ನಿಷ್ಕ್ರಿಯತೆ ಜೊತೆಗೆ ಮೂಳೆ ದುರ್ಬಲಗೊಳಿಸುತ್ತದೆ. ಮೂಳೆ ಮರುರೂಪಿಸುವಿಕೆ ಸಕ್ರಿಯವಾಗಿ ನಡೆಯುತ್ತದೆ ಮತ್ತು ಆದ್ದರಿಂದ ದಿನಕ್ಕೆ ಸರಾಸರಿ ಐದರಿಂದ ಆರು ಸಾವಿರ ಹೆಜ್ಜೆ ನಡೆಯುವುದು ಒಳ್ಳೆಯದು.

ಎಸ್‌ಎಲ್‌ಇ, ರುಮಟಾಯ್ಡ್‌ ಸಂಧಿವಾತ

ಕಸಿರೋಗಿಗಳು ಇತ್ಯಾದಿ ಕಾರ್ಟಿಕೊಸ್ಟೆರಾಯ್ಡ್‌ ಸಮಸ್ಯೆಗಳ ಚಿಕಿತ್ಸೆಯಲ್ಲಿ ಆಸ್ಟಿಯೊಪೊರೋಸಿಸ್‌ನ ಹೆಚ್ಚಿನ ಅಪಾಯವಿದೆ. ಕ್ಯಾಲ್ಸಿಯಂ ಮತ್ತು ವಿಟಮಿನ್‌ ಡಿ ಕೊರತೆಯಿರುವ ರೋಗಿಗಳು ಜಠರಗರುಳಿನ ಕಾಯಿಲೆ, ಕರುಳಿನ ಶಸ್ತ್ರಚಿಕಿತ್ಸೆ ಮತ್ತು ಮೂತ್ರಪಿಂಡ ವೈಫಲ್ಯದಂತಹ ಕೆಲವು ಸಮಸ್ಯೆ ಎದುರಿಸಬಹುದು. ಇವರಿಗೆ 1200 IU ಮತ್ತು700 IU ಕ್ಯಾಲ್ಸಿಯಂನೊಂದಿಗೆ ಪೌಷ್ಟಿಕಾಂಶಯುಕ್ತ ಆಹಾರ ಬೇಕು ಮತ್ತುವಿಟಮಿನ್ ಡಿ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಆಸ್ಟಿಯೊಪೊರೋಸಿಸ್‌ ಮತ್ತು ಆಸ್ಟಿಯೋಪೆನಿಯಾ ನಡುವಿನ ವ್ಯತ್ಯಾಸವೇನು

ಕಿರಿಯರಲ್ಲಿಆಸ್ಟಿಯೋಪೆನಿಯಾವು ಚಟುವಟಿಕೆಯ ಕೊರತೆ ಮತ್ತು ಮೇಲಿನವುಗಳ ಸೌಮ್ಯರೂಪದೊಂದಿಗೆ ಕಂಡುಬರುತ್ತದೆ. ಕ್ಯಾಲ್ಸಿಯಂ ಮತ್ತು ವಿಟಮಿನ್‌ ಡಿಯೊಂದಿಗೆ ಪೌಷ್ಟಿಕಾಂಶದ ಕೊರತೆಯು ಇದಕ್ಕೆ ಕಾರಣವಾಗಬಹುದು. ಇದನ್ನು ಕೆಲವು ಪರೀಕ್ಷೆಗಳಿಂದ ಪ್ರತ್ಯೇಕಿಸಬಹುದು.

ಆಸ್ಟಿಯೊಪೊರೋಸಿಸ್‌ ಪತ್ತೆ ಹೇಗೆ?

ಇದು ರೋಗಿಯ ವಯಸ್ಸು ಮತ್ತು ಇತಿಹಾಸವನ್ನು ಆಧರಿಸಿದ ಪರೀಕ್ಷೆಗಳ ಸಂಯೋಜನೆಯಾಗಿದೆ. ಆದರೆ ಹೆಚ್ಚಾಗಿ DEXA ಸ್ಕ್ಯಾನ್‌ ರೋಗ ನಿರ್ಣಯವನ್ನು ತೀರ್ಮಾನಿಸಲು ಸಹಾಯ ಮಾಡುತ್ತದೆ. ನಿಮ್ಮ ವೈದ್ಯರನ್ನು ಸಂಪರ್ಕಿಸಿದರೆ ಉತ್ತಮ.

FRAX ಟೂಲ್ (ಮುರಿತದ ಅಪಾಯದ ಮೌಲ್ಯಮಾಪನ ಸಾಧನ) ಆನ್‌ಲೈನ್‌ನಲ್ಲಿ ಉಚಿತವಾಗಿದೆ. ಇದು ಆಸ್ಟಿಯೊಪೊರೋಸಿಸ್‌ ಕುರಿತು ತಿಳಿಯಲು ನಿಮಗೆ ಸಹಾಯಮಾಡುತ್ತದೆ.

ತಡೆಯುವುದು ಹೇಗೆ?

ಚಟುವಟಿಕೆ, ಚಟುವಟಿಕೆ, ಚಟುವಟಿಕೆ ನಿಮ್ಮನ್ನು ಆರೋಗ್ಯವಾಗಿರಿಸಿಕೊಳ್ಳುವಲ್ಲಿ ಅತ್ಯಂತ ಮುಖ್ಯವಾದುದು. ಸೂರ್ಯನ ಬೆಳಕಿಗೆ ಹೆಚ್ಚು ಒಡ್ಡಿಕೊಳ್ಳುವುದರ ಜೊತೆಗೆ ವಾಕಿಂಗ್‌ ಮತ್ತು ವ್ಯಾಯಾಮಗಳು ಮತ್ತು ಕ್ಯಾಲ್ಸಿಯಂ ಮತ್ತುವಿಟಮಿನ್‌ ಡಿ ಸಮೃದ್ಧವಾಗಿರುವ ಆರೋಗ್ಯಕರ ಪೌಷ್ಟಿಕಾಂಶದ ಆಹಾರವು ಮೂಳೆಗಳ ಬಲಕ್ಕೆ ಸಹಾಯ ಮಾಡುತ್ತದೆ. ಋತುಬಂಧದ ವಯಸ್ಸು ಮೀರಿದವರು ವೈದ್ಯರ ಬಳಿ ನಿಯಮಿತವಾಗಿ ತಪಾಸಣೆ ಮಾಡಿಸಿಕೊಳ್ಳಿ ಮತ್ತು ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿದ್ದರೆ ಆಸ್ಟಿಯೊಪೊರೋಸಿಸ್‌ ಬಗ್ಗೆ ಅವರೊಂದಿಗೆ ಮುಕ್ತವಾಗಿ ಚರ್ಚಿಸಿ.

ಚಿಕಿತ್ಸೆ ಏನು?

ಚಿಕಿತ್ಸೆಯು ಸ್ಥಿತಿಯ ರೋಗನಿರ್ಣಯ ಮತ್ತು ಸಂಬಂಧಿತ ವೈದ್ಯಕೀಯ ಸಮಸ್ಯೆಗಳ ಮೇಲೆ ಆಧಾರಿತವಾಗಿದೆ.

ಕಿರಿ ವಯಸ್ಸಿನವರಿಗೆ ವಿಟಮಿನ್‌ ಡಿ ಮತ್ತುಕ್ಯಾಲ್ಸಿಯಂನ ಪೂರಕಗಳನ್ನು ಶಿಫಾರಸು ಮಾಡಲಾಗುತ್ತದೆ.

ಬಿಸ್ಫಾಸ್ಪೋನೇಟ್‌ಗಳಾದ ಅಲೆಂಡ್ರೊನೇಟ್, ಝೊಲೆಂಡ್ರೊನಿಕ್ ಆಮ್ಲ ಇತ್ಯಾದಿಗಳನ್ನು ಈ ಸಮಸ್ಯೆಯಿಂದ ಅಪಾಯದ ಹಂತ ತಲುಪಿರುವವರಿಗೆ ನೀಡಲಾಗುತ್ತದೆ.

ಋತುಬಂಧದ ವಯಸ್ಸು ಮೀರಿದ ಮಹಿಳೆಯರಿಗೆ ಹಾರ್ಮೋನ್‌ ರಿಪ್ಲೇಸ್ಮೆಂಟ್‌ ಥೆರಪಿ ಅಗತ್ಯವಿರುತ್ತದೆ. ಜೊತೆಗೆ ರೊಲೊಕ್ಸಿಫೆನ್‌ ಸಹಾಯ ಮಾಡುತ್ತದೆ. ವಯಸ್ಸಾದ ಪುರುಷರಲ್ಲಿ ಆಸ್ಟಿಯೊಪೊರೋಸಿಸ್‌ ಟೆಸ್ಟೋಸ್ಟೆರಾನ್‌ ಮಟ್ಟದಲ್ಲಿನ ಇಳಿಕೆಗೆ ಕಾರಣವಾಗಿದೆ.

ಟೆರಿಪಾರ್ಟೈಡ್, ಅಬಲೋಪಾರ್ಟೈಟ್‌ ಮುಂತಾದ ಕೆಲವು ಮೂಳೆ ಬಲಗೊಳಿಸುವ ಔಷಧಿಗಳು ಮೂಳೆಯಲ್ಲಿನ ಆಸ್ಟಿಕ್ಲಾಸ್ಟಿಕ್‌ ಚಟುವಟಿಕೆಯನ್ನು ಕಡಿಮೆ ಮಾಡುವ ಮೂಲಕ ಅಪಾಯವನ್ನು ಕಡಿಮೆ ಮಾಡಬಹುದು.

(ಲೇಖಕರು: ಮುಖ್ಯಸ್ಥರು ಆಘಾತ ಮತ್ತು ಮೂಳೆ ಚಿಕಿತ್ಸೆ ವಿಭಾಗ, ಮೂಳೆ ಮತ್ತು ಕೀಲು ಶಸ್ತ್ರಚಿಕಿತ್ಸೆ ಫೋರ್ಟಿಸ್‌ ಆಸ್ಪತ್ರೆ, ರಿಚ್ಮಂಡ್‌ ರಸ್ತೆ, ಬೆಂಗಳೂರು)