SIM Port To BSNL: ಜಿಯೋ, ಏರ್​ಟೆಲ್, ವಿಐನಿಂದ ಬಿಎಸ್​ಎನ್​ಎಲ್​ಗೆ ಪೋರ್ಟ್ ಆಗ್ಬೇಕಾ? ಇಲ್ಲಿದೆ ಸರಳ ಮಾರ್ಗ

BSNL Mobile Number Porting Process: ಸರ್ಕಾರಿ ಒಡೆತನದ ಭಾರತ್ ಸಂಚಾರ್​ ನಿಗಮ್ ಲಿಟಿಟೆಡ್ (BSNL) ನಿಷ್ಕ್ರಿಯಗೊಂಡ 2 ವರ್ಷಗಳ ನಂತರ ಮರಳಿ ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸುತ್ತಿದೆ. ಖಾಸಗಿ ಟೆಲಿಕಾಂ ಕಂಪನಿಗಳಿಗೆ ಸೆಡ್ಡುಹೊಡೆದು ಗ್ರಾಹಕರನ್ನು ಸೆಳೆಯುತ್ತಿದೆ. ಅದಲ್ಲದೆ ಗ್ರಾಹಕರು ಏರ್‌ಟೆಲ್, ರಿಲಯನ್ಸ್ ಜಿಯೋ, ವಿಐ (VODAFONE IDEA) ಜತೆಗಿನ ಹಲವು ವರ್ಷಗಳ ಬಾಂಧವ್ಯ ಮುರಿದುಕೊಂಡು ಬಿಎಸ್​ಎನ್​ಎಲ್​ನತ್ತ ಹೆಜ್ಜೆ ಹಾಕುತ್ತಿದ್ದಾರೆ. ಇದಕ್ಕೆ ಕಾರಣ ವಿಪರೀತ ದರ ಏರಿಕೆ.

ಮತ್ತೊಂದೆಡೆ ಬಿಎಸ್​ಎನ್​ಎಲ್​ ಕಡಿಮೆ ದರಗಳೊಂದಿಗೆ ಗ್ರಾಹಕರನ್ನು ಆಕರ್ಷಿಸುತ್ತಿದೆ. ಅಲ್ಲದೆ, ಬೇರೆ ಬೇರೆ ಸಿಮ್​​ಗಳನ್ನು ಹೊಂದಿರುವವರು ಸಹ ಬಿಎಸ್​ಎನ್​​ಎಲ್​ಗೆ ಬದಲಾಯಿಸಿಕೊಳ್ಳಲು ಚಿಂತಿಸುತ್ತಿದ್ದಾರೆ. ಕೈಗೆಟುಕುವ ದರಗಳಲ್ಲಿ ಯೋಜನೆಗಳಿರುವ ಕಾರಣ ಗ್ರಾಹಕರು ತಮ್ಮ ನಿರ್ಧಾರ ಬದಲಿಸಿಕೊಳ್ಳುತ್ತಿದ್ದಾರೆ. ಈಗಲೂ ಸಾಕಷ್ಟು ಮಂದಿ ಕ್ಯೂನಲ್ಲಿ ನಿಂತು ಬೇರೊಂದು ಸಿಮ್​ನಿಂದ ಬಿಎಸ್​ಎನ್​ಎಲ್​ಗೆ ಪೋರ್ಟ್ (ಬದಲಾವಣೆ ಮಾಡಿಕೊಳ್ಳುತ್ತಿದ್ದಾರೆ) ಆಗುತ್ತಿದ್ದಾರೆ.

ಹಾಗಿದ್ದರೆ ಬಿಎಸ್​ಎನ್​ಎಲ್​ ದರಗಳಿಗೆ ಆಕರ್ಷಿತರಾಗಿ ನಿಮ್ಮ ಸಿಮ್ ಅನ್ನು ಪೋರ್ಟ್ ಮಾಡಲು ನೀವು ಯೋಚಿಸುತ್ತಿದ್ದರೆ, ಕೆಳಗೆ ತಿಳಿಸಿದ ವಿವಿಧ ಹಂತಗಳನ್ನು ಅನುಸರಿಸುವ ಮೂಲಕ ನೀವು ಸುಲಭವಾಗಿ BSNLಗೆ ಬದಲಾಯಿಸಬಹುದು.

ಹಂತ 1: ಯೂನಿಕ್ ಪೋರ್ಟಿಂಗ್ ಕೋಡ್ ಪಡೆಯಿರಿ

ಪ್ರಸ್ತುತ ಸಿಮ್​ನಿಂದ ಬಿಎಸ್​ಎನ್​ಎಲ್​ಗೆ ಬದಲಾಯಿಸಲು ನೀವು ಬಯಸಿದರೆ, ನೀವು ಮೊದಲು ವಿಶಿಷ್ಟ ಪೋರ್ಟಿಂಗ್ ಕೋಡ್ (UPC) ಪಡೆಯಬೇಕು.

ಅದಕ್ಕಾಗಿ, ನಿಮ್ಮ ಫೋನ್‌ನಲ್ಲಿ ಮೆಸೇಜ್​ ಅಪ್ಲಿಕೇಶನ್ ತೆರೆಯಿರಿ. ಇಂಗ್ಲಿಷ್‌ನಲ್ಲಿ ದೊಡ್ಡ ಅಕ್ಷರಗಳಲ್ಲಿ PORT ಎಂದು ಟೈಪ್ ಮಾಡಿ. ಅದರ ಮುಂದೆ ನೀವು ಪೋರ್ಟ್ ಮಾಡಲು ಬಯಸುವ 10 ಅಂಕಿಯ ಮೊಬೈಲ್ ಸಂಖ್ಯೆಯನ್ನು ಟೈಪ್ ಮಾಡಬೇಕಾಗುತ್ತದೆ.

ಈ ಮೆಸೇಜ್​ ಅನ್ನು 1900 ಸಂಖ್ಯೆಗೆ ಸಂದೇಶ ಕಳುಹಿಸಬೇಕು. (ಜಮ್ಮು ಮತ್ತು ಕಾಶ್ಮೀರದಲ್ಲಿ ಪ್ರಿಪೇಯ್ಡ್ ಚಂದಾದಾರರಾಗಿದ್ದರೆ, ಮೆಸೇಜ್ ಮಾಡುವಂತಿಲ್ಲ. ಬದಲಿಗೆ 1900ಕ್ಕೆ ಕರೆ ಮಾಡಬೇಕಾಗುತ್ತದೆ.)

ತದನಂತರ ನಿಮ್ಮ ಫೋನ್​ಗೆ ವಿಶಿಷ್ಟ ಪೋರ್ಟಿಂಗ್ ಕೋಡ್ ಅಥವಾ ಯುಪಿಸಿ ಬರುತ್ತದೆ. ಯುಪಿಸಿ ಕೋಡ್ ಎಕ್ಸ್​ಫೈಯರಿ ಡೇಟ್ 15 ದಿನಗಳು. ಅಥವಾ ನಿಮ್ಮ ಮೊಬೈಲ್ ಸಂಖ್ಯೆಯು ಮತ್ತೊಂದು ಸಿಮ್​ಗೆ ಪೋರ್ಟ್ ಆಗುವವರೆಗೆ ಮಾನ್ಯವಾಗಿರುತ್ತದೆ.

ಹಂತ 2: BSNL ಗ್ರಾಹಕ ಸೇವಾ ಕೇಂದ್ರಕ್ಕೆ ಭೇಟಿ ನೀಡಿ

ಒಮ್ಮೆ ನೀವು ಯುಪಿಸಿ ಕೋಡ್ ಪಡೆದರೆ, ಹತ್ತಿರದ ಬಿಎಸ್​ಎನ್​​ಎಲ್ ಗ್ರಾಹಕ ಸೇವಾ ಕೇಂದ್ರ, ಪೋರ್ಟಿಂಗ್‌ಗೆ ಅಧಿಕೃತ ಫ್ರಾಂಚೈಸಿ ಅಥವಾ ರಿಟೇಲರ್​ಗೆ ಭೇಟಿ ನೀಡಬೇಕು.

ಅಲ್ಲಿ ಗ್ರಾಹಕರ ಅರ್ಜಿ ನಮೂನೆ (CAF) ಭರ್ತಿ ಮಾಡಿ. ನಂತರ ಫೋಟೋ ಐಡಿ, ಗುರುತಿನ ಚೀಟಿ (ವಿಳಾಸ ಪುರಾವೆ) ಒದಗಿಸಬೇಕು. ನಂತರ ನೀವು ಸ್ವೀಕರಿಸಿದ ಯುಪಿಸಿ ಕೋಡ್​ ಸಲ್ಲಿಸಿ. ಪೋರ್ಟಿಂಗ್ ಶುಲ್ಕವನ್ನು ಪಾವತಿಸಿ.

ಆದಾಗ್ಯೂ, ಪ್ರಸ್ತುತ ಪೋರ್ಟ್ ಮಾಡಲು ಯಾವುದೇ ಶುಲ್ಕವನ್ನು ವಿಧಿಸುತ್ತಿಲ್ಲ ಎಂದು ಬಿಎಸ್​ಎನ್​ಎಲ್ ಹೇಳಿದೆ.

ಇದನ್ನೂ ಓದಿ: UBI Bank: ಯೂನಿಯನ್ ಬ್ಯಾಂಕ್‌ನಲ್ಲಿ 500 ಅಪ್ರೆಂಟಿಸ್ ಹುದ್ದೆ ಖಾಲಿ; ಅರ್ಜಿ ಸಲ್ಲಿಕೆ ಆರಂಭ, ಕರ್ನಾಟಕದಲ್ಲಿ ಎಷ್ಟು ಪೋಸ್ಟ್?

ಹಂತ 3: ಪೋರ್ಟಿಂಗ್ ಪ್ರಕ್ರಿಯೆ ಪೂರ್ಣಗೊಳಿಸಿ

ಅಗತ್ಯ ದಾಖಲೆಗಳು ಮತ್ತು ಫಾರ್ಮ್‌ ಸಲ್ಲಿಸಿದ ನಂತರ, ನಿಮಗೆ ಹೊಸ ಬಿಎಸ್​ಎನ್​ಎಲ್ ಸಿಮ್ ಕಾರ್ಡ್ ನೀಡಲಾಗುತ್ತದೆ.

ನಿಮ್ಮ ಹಳೆಯ ಸಿಮ್ ಯಾವಾಗ ನಿಷ್ಕ್ರಿಯಗೊಳ್ಳುತ್ತದೋ, ಬಿಎಸ್​ಎನ್​ಎಲ್ ಸಿಮ್ ಯಾವಾಗ ಆ್ಯಕ್ಟಿವೇಟ್ ಆಗುತ್ತದೋ ಎಂಬುದರ ಮೆಸೇಜ್ ಪಡೆಯಲಿದ್ದೀರಿ.

ಆ ಸೂಚನೆಗಳ ಪ್ರಕಾರ, ನಿಮ್ಮ ಹಳೆಯ ಸಿಮ್ ಡಿಆ್ಯಕ್ಟಿವೇಟ್ ನಂತರ ಫೋನ್‌ಗೆ ಹೊಸ ಸಿಮ್ ಹಾಕಿ.

ಹಂತ 4: ಕೊನೆ ಹಂತ

ಏರ್​ಟೆಲ್, ಜಿಯೋ ಅಥವಾ ವಿಐನಿಂದ ಬಿಎಸ್​ಎನ್​ಎಲ್​ಗೆ ಪೋರ್ಟ್​ ಆಗಬೇಕು ಎಂಬುದು ತುಂಬಾ ಸರಳವಾದ ಪ್ರಕ್ರಿಯೆ.

ಯುಪಿಸಿ ಕೋಡ್ ಪಡೆದ ನಂತರ ಬಿಎಸ್​ಎನ್​ಎಲ್ ಸೇವಾ ಕೇಂದ್ರ ಭೇಟಿ ನೀಡಿ ಅಗತ್ಯ ಕಾಗದದ ಕೆಲಸ ಪೂರ್ಣಗೊಳಿಸುವುದೇ ಆಗಿದೆ.

ಈ ಹಂತಗಳನ್ನು ಅನುಕರಿಸುವ ಮೂಲಕ ಬಿಎಸ್​ಎನ್​ಎಲ್ ಸೇವೆಗಳೊಂದಿಗೆ ಆನಂದಿಸಿ.

ಇದನ್ನೂ ಓದಿ: ಅತಿಯಾಗಿ ಮೊಬೈಲ್‌, ಲ್ಯಾಪ್‌ಟಾಪ್ ಬಳಸ್ತೀರಾ? ಮೂಳೆಗಳಿಗೆ ಸಂಬಂಧಿಸಿದ ಈ ಸಮಸ್ಯೆಗಳು ಕಾಡಬಹುದು ಎಚ್ಚರ