ಬಹುನಿರೀಕ್ಷಿತ ಪ್ಯಾರಿಸ್ ಒಲಿಂಪಿಕ್ಸ್ ಸಮಯ, ದಿನಾಂಕ; ಭಾರತದಲ್ಲಿ ಎಲ್ಲಿ, ಯಾವಾಗ ವೀಕ್ಷಿಸಬೇಕು?
Jul 01, 2024 07:50 PM IST
Share
ಬಹುನಿರೀಕ್ಷಿತ ಪ್ಯಾರಿಸ್ ಒಲಿಂಪಿಕ್ಸ್ ಸಮಯ, ದಿನಾಂಕ; ಭಾರತದಲ್ಲಿ ಎಲ್ಲಿ, ಯಾವಾಗ ವೀಕ್ಷಿಸಬೇಕು?
- Paris 2024 Olympics: 2024ರ ಬಹುನಿರೀಕ್ಷಿತ ಪ್ಯಾರಿಸ್ ಒಲಿಂಪಿಕ್ಸ್ ಆರಂಭದ ಸಮಯ, ದಿನಾಂಕ ಹಾಗೂ ಭಾರತದಲ್ಲಿ ಎಲ್ಲಿ, ಯಾವಾಗ ವೀಕ್ಷಿಸಬೇಕು ಎಂಬುದರ ವಿವರ ಇಲ್ಲಿದೆ.
ಟಿ20 ವಿಶ್ವಕಪ್ 2024ರ (T20 World Cup 2024) ಟೂರ್ನಿ ಮುಕ್ತಾಯಗೊಂಡಿದೆ. ಈಗ ಎಲ್ಲರ ಕಣ್ಣು ಪ್ಯಾರಿಸ್ ಒಲಿಂಪಿಕ್ಸ್ (Paris 2024 Olympics) ಕಡೆ ತಿರುಗಿದೆ. ಜುಲೈ 26 ರಿಂದ ಆಗಸ್ಟ್ 11ರ ತನಕ ನಡೆಯುವ ಈ ಕ್ರೀಡಾಕೂಟದಲ್ಲಿ 10,500 ಕ್ರೀಡಾಪಟುಗಳು ಪಾಲ್ಗೊಳ್ಳಲಿದ್ದಾರೆ. ಒಟ್ಟು 32 ಕ್ರೀಡೆಗಳು ಜರುಗಲಿವೆ. ಪ್ಯಾರಿಸ್ನಲ್ಲಿ ನಡೆಯುವ ಒಲಿಂಪಿಕ್ಸ್, ಜಾರ್ಡಿನ್ಸ್ ಡು ಟ್ರೋಕಾಡೆರೊ ಮತ್ತು ಸೀನ್ ನದಿಯಲ್ಲಿ ಉದ್ಘಾಟನಾ ಸಮಾರಂಭ ನಡೆಯಲಿದ್ದು, ಸ್ಟೇಡ್ ಡಿ ಫ್ರಾನ್ಸ್ನಲ್ಲಿ ಸಮಾರೋಪ ಸಮಾರಂಭ ಜರುಗಲಿದೆ. ಹಾಗಾದರೆ ಈ ಬಹುನಿರೀಕ್ಷಿತ ಕ್ರೀಡಾಕೂಟ ಎಲ್ಲಿ ವೀಕ್ಷಿಸಬೇಕು? ಇಲ್ಲಿದೆ ವಿವರ.
2024ರ ಬೇಸಿಗೆ ಒಲಿಂಪಿಕ್ ಕ್ರೀಡಾಕೂಟವು ಫ್ರಾನ್ಸ್‌ನ ಪ್ಯಾರಿಸ್ನಲ್ಲಿ ಪ್ರಾರಂಭವಾಗಲಿದ್ದು, ದೇಶವು ಮೂರನೇ ಬಾರಿಗೆ ಈವೆಂಟ್ ಅನ್ನು ಆಯೋಜಿಸುತ್ತಿದೆ. ಹಿಂದೆ 1900 ಮತ್ತು 1924ರಲ್ಲಿ ಅವಧಿಯಲ್ಲಿ ಫ್ರೆಂಚ್ ರಾಜಧಾನಿ ಪ್ಯಾರಿಸ್ 2ನೇ ಬಾರಿಗೆ ಆಯೋಜಿಸುತ್ತದೆ. 2017ರ ಸೆಪ್ಟೆಂಬರ್ನಲ್ಲಿ ನಡೆದ ಅಂತಾರಾಷ್ಟ್ರೀಯ ಒಲಂಪಿಕ್ ಕಮಿಟಿ (IOC)ಯಲ್ಲಿ ಪ್ಯಾರಿಸ್ಗೆ ಆತಿಥ್ಯದ ಹಕ್ಕು ಪಡೆಯಿತು. ಅದೇ ದಿನ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೆರಿಕಾದ ಲಾಸ್ ಏಂಜಲೀಸ್ ಮುಂದಿನ ಆವೃತ್ತಿಗೆ ಆತಿಥ್ಯದ ಹಕ್ಕುಗಳನ್ನು ನೀಡಲಾಯಿತು.
ಪ್ಯಾರಿಸ್ 2024ರ ಒಲಂಪಿಕ್ ಕ್ರೀಡಾಕೂಟವು ಜುಲೈ 26 ರಂದು ಪ್ರಾರಂಭವಾಗುತ್ತದೆ. ಉದ್ಘಾಟನಾ ಸಮಾರಂಭ ಸ್ಥಳೀಯ ಸಮಯ ರಾತ್ರಿ 7:30ಕ್ಕೆ (11:30 ಭಾರತೀಯ ಕಾಲಮಾನ) ನಿಗದಿಪಡಿಸಲಾಗಿದೆ. ಸಂಘಟಕರ ಪ್ರಕಾರ, ಸಾಂಸ್ಕೃತಿಕ ಪ್ರಸ್ತುತಿಗಳೊಂದಿಗೆ ಸೀನ್ ನದಿಯ ದಡದಲ್ಲಿ ಮೆರವಣಿಗೆಗಳನ್ನು ಯೋಜಿಸಲಾಗಿದೆ. 10,500 ಕ್ರೀಡಾಪಟುಗಳನ್ನು 6 ಕಿಲೋಮೀಟರ್ (3.7 ಮೈಲುಗಳು) ವರೆಗೆ ಸೀನ್ ನದಿಯಲ್ಲಿ 90ಕ್ಕೂ ಹೆಚ್ಚು ದೋಣಿಗಳಲ್ಲಿ ಪರೇಡಿಂಗ್ ನಡೆಸಲಾಗುತ್ತದೆ. ಸುಮಾರು ನಾಲ್ಕು ಗಂಟೆಗಳ ಕಾಲ ಮೆರವಣಿಗೆ ಇರಲಿದೆ.
ಭಾರತದಲ್ಲಿ ಯಾವಾಗ ಮತ್ತು ಎಲ್ಲಿ ವೀಕ್ಷಿಸಬೇಕು?
ಭಾರತದಲ್ಲಿ ಪ್ಯಾರಿಸ್ 2024ರ ಒಲಿಂಪಿಕ್ಸ್‌ನ ನೇರ ಪ್ರಸಾರವು ಸ್ಪೋರ್ಟ್ಸ್ 18 ನಲ್ಲಿ ಲಭ್ಯವಿರುತ್ತದೆ. ಆದರೆ, ಇದನ್ನು ಜುಲೈ 26 ರಿಂದ ಆಗಸ್ಟ್ 11, 2024 ರವರೆಗೆ ಜಿಯೋ ಸಿನಿಮಾದಲ್ಲಿ ಲೈವ್ ಸ್ಟ್ರೀಮ್ ಮಾಡಬಹುದು. ಆಟಗಾರರ ಭದ್ರತೆಗಾಗಿ ಸುಮಾರು 45,000 ಭದ್ರತಾ ಪಡೆ ಸದಸ್ಯರನ್ನು ನಿಯೋಜಿಸಲಾಗುವುದು. ಪ್ಯಾರಿಸ್ ಸುತ್ತಲಿನ 150-ಕಿಲೋಮೀಟರ್ (90-ಮೈಲಿ) ವ್ಯಾಪ್ತಿಯಲ್ಲಿರುವ ವಾಯುಪ್ರದೇಶ ಮತ್ತು ಎಲ್ಲಾ ವಿಮಾನ ನಿಲ್ದಾಣಗಳನ್ನು ಪ್ರಕ್ರಿಯೆಗಳನ್ನು ಸ್ಥಗಿತಗೊಳಿಸಲಾಗುತ್ತದೆ.
ಈಜು ಮತ್ತು ಜಿಮ್ನಾಸ್ಟಿಕ್ಸ್ ಎರಡೂ ಜುಲೈ 27 ರಂದು ಪ್ರಾರಂಭವಾಗುತ್ತವೆ. ಈಜು ಆಗಸ್ಟ್ 4 ರಂದು ಮುಕ್ತಾಯಗೊಳ್ಳುತ್ತದೆ ಮತ್ತು ಕಲಾತ್ಮಕ ಜಿಮ್ನಾಸ್ಟಿಕ್ಸ್‌ಗೆ ಕೊನೆಯ ದಿನ ಆಗಸ್ಟ್ 5. ಟ್ರ್ಯಾಕ್ ಮತ್ತು ಫೀಲ್ಡ್ ಆಗಸ್ಟ್ 1-11 ರಿಂದ ನಡೆಯುತ್ತದೆ. ನಿಯು ಮತ್ತು ಟಹೀಟಿ ಈವೆಂಟ್‌ನಲ್ಲಿ ಇದೇ ಮೊದಲ ಬಾರಿಗೆ ಪದಾರ್ಪಣೆ ಮಾಡಲಿವೆ. ರಷ್ಯಾ, ಉಕ್ರೇನ್‌ನ ನಡುವೆ ಯುದ್ಧದ ಕಾರಣ ಅವುಗಳನ್ನು ಐಒಸಿ ನಿಷೇಧಿಸಿದೆ. ಆದರೆ ಆಯಾ ಕ್ರೀಡೆಯ ಅಂತಾರಾಷ್ಟ್ರೀಯ ಒಕ್ಕೂಟ ಅನುಮೋದಿಸಿದರೆ, ಆ ದೇಶಗಳ ಕ್ರೀಡಾಪಟುಗಳು ತಟಸ್ಥ ಕ್ರೀಡಾಪಟುಗಳಾಗಿ ಸ್ಪರ್ಧಿಸಲು ಅವಕಾಶ ಪಡೆಯಬಹುದು.
ಬಹು-ಶಿಸ್ತಿನ ಈವೆಂಟ್‌ಗಳ ದೈನಂದಿನ ವೇಳಾಪಟ್ಟಿ ಸ್ಥಳೀಯ ಸಮಯ 9:00 am (12:30 ಪಿಎಂ ಭಾರತೀಯ ಕಾಲಮಾನ) ರಿಂದ ಪ್ರಾರಂಭವಾಗುತ್ತದೆ. ಸುಮಾರು 11:00 ಪಿಎಂ (2:30 ಎಎಂ ಭಾರತೀಯ ಕಾಲಮಾನ) ವರೆಗೆ ಕೊನೆಗೊಳ್ಳುತ್ತದೆ.