Rahul Gandhi: ಪಟ್ಟಾಭಿಷೇಕ ಆಯ್ತು, ಬೀದಿಗಿಳಿದವರ ದನಿ ತುಳಿಯುತ್ತಿರುವ ಅಹಂಕಾರಿ ರಾಜ; ಕುಸ್ತಿಪಟುಗಳ ಬಂಧನಕ್ಕೆ ಮೋದಿ ವಿರುದ್ಧ ರಾಹುಲ್ ಕಿಡಿ

Rahul gandhi on PM Modi

paragraph

<p>ಭಾರತೀಯ ಕುಸ್ತಿ ಫೆಡರೇಷನ್​ ಮುಖ್ಯಸ್ಥ ಬ್ರಿಜ್​ ಭೂಷನ್​ ಸಿಂಗ್​ (WFI president Brij Bhushan Singh) ವಿರುದ್ಧ ಪ್ರತಿಭಟನೆ ನಡೆಸುತ್ತಿರುವ ಕುಸ್ತಿಪಟಗಳನ್ನು ಬಂಧನಕ್ಕೆ ಒಳಪಡಿಸಲಾಗಿದೆ. ಅವರಿಗೆ ಬೆಂಬಲ ಸೂಚಿಸಿದ ರೈತ ಮುಖಂಡರನ್ನು ಕೂಡ ವಶಕ್ಕೆ ಪಡೆಯಲಾಗಿದೆ. ದೇಶಾದ್ಯಂತ ಕೇಂದ್ರ ಸರ್ಕಾರದ ವಿರುದ್ಧ ಭಾರಿ ಆಕ್ರೋಶ ವ್ಯಕ್ತವಾದ ಬೆನ್ನಲ್ಲೇ ಕಾಂಗ್ರೆಸ್​ ಹಿರಿಯ ನಾಯಕ ರಾಹುಲ್​ ಗಾಂಧಿ (Senior Congress leader Rahul Gandhi) ಕೂಡ, ಪ್ರಧಾನಿ ಮೋದಿ (Prime Minister Narenadra Modi) ವಿರುದ್ಧ ಕಿಡಿ ಕಾರಿದ್ದಾರೆ.</p>

<p>ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/sports/kannada-sports-news-the-delhi-police-arrested-the-wrestlers-who-tried-to-protest-in-front-ofthe-new-parliament-house-prs-181685270232239.html" rel="dofollow">Wrestlers Arrest: ಹೊಸ ಸಂಸತ್​ ಭವನದ ಎದುರು ಪ್ರತಿಭಟನೆಗೆ ಯತ್ನ; ಬಂಧಿಸಲು ಎಳೆದಾಡಿದ ಪೊಲೀಸರು, ಒಬ್ಬರನ್ನೊಬ್ರು ಅಪ್ಪಿಕೊಂಡ ಕುಸ್ತಿಪಟುಗಳು</a></p>

<p>ಸಂತ್ರಸ್ತೆ ಸೇರಿ ಮಹಿಳಾ ಕ್ರೀಡಾಪಟುಗಳಿಗೆ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂದು ಆರೋಪಿಸಿ ಕುಸ್ತಿಪಟುಗಳಾದ ಬಜರಂಗ್ ಪುನಿಯಾ (Bajrang Punia), ವಿನೇಶ್ ಫೋಗಟ್ (Vinesh Phogat) ಮತ್ತು ಸಾಕ್ಷಿ ಮಲಿಕ್ (Sakshi Malik) ನೇತೃತ್ವದಲ್ಲಿ ದೆಹಲಿಯ ಜಂತರ್​ಮಂತರ್​ನಲ್ಲಿ ತಿಂಗಳಿಗೂ ಹೆಚ್ಚು ಪ್ರತಿಭಟನೆ ನಡೆಸುತ್ತಿದ್ದಾರೆ.​ ಇಂದು (ಮೇ 28ರಂದು) ನೂತನ ಸಂಸತ್​ ಭವನ (New Parliament House) ಉದ್ಘಾಟನೆಯಾಗಿದ್ದು, ಭವನದ ಎದುರು ಹೋರಾಟ ನಡೆಸಲು ಯತ್ನಿಸಿದ ಕುಸ್ತಿಪಟುಗಳನ್ನು ಬಂಧಿಸಿದ್ದಾರೆ.</p>

<p>ನೂತನ ಸಂಸತ್​ ಭವನ ಉದ್ಘಾಟನಾ ದಿನದಂದು ಕುಸ್ತಿಪಟುಗಳು ಮುತ್ತಿಗೆ ಹಾಕುವ ಮುನ್ಸೂಚನೆ ಮೊದಲೇ ಅರಿತಿದ್ದ ಪೊಲೀಸರು, ಸಂಸತ್​ ದಾರಿಗಳನ್ನು ನಿರ್ಬಂಧಿಸಿ ಬ್ಯಾರಿಕೇಡ್​ಗಳನ್ನು ಹಾಕಲಾಗಿತ್ತು. ಬಿಗಿ ಬಂದೋಬಸ್ತ್​ ಕೈಗೊಳ್ಳಲಾಗಿತ್ತು. ಐಟಿಒ ರಸ್ತೆ, ಟಿಕ್ರಿ ಗಡಿ ಮತ್ತು ಸಿಂಘು ಗಡಿ ಪ್ರದೇಶದ ಬಳಿ ಬ್ಯಾರಿಕೇಡ್‌ ಹಾಕಲಾಗಿತ್ತು. ಮುತ್ತಿಗೆ ಹಾಕಲು ಯತ್ನಿಸಿದ ಕುಸ್ತಿಪಟುಗಳನ್ನು ತಡೆದ ದೆಹಲಿ ಪೊಲೀಸರು, ಬಂಧಿಸಲು ಎಳೆದಾಡಿದರು. ಆದರೆ ಈ ವೇಳೆ ಕುಸ್ತಿಪಟುಗಳು ಒಬ್ಬರಿಗೊಬ್ಬರು ಅಪ್ಪಿಕೊಂಡು ಬಂಧಿಸದಂತೆ ಮನವಿ ಮಾಡಿದರು.</p>

<h2>ಮೋದಿಯನ್ನು ಸೊಕ್ಕಿನ ರಾಜ ಎಂದ ರಾಹುಲ್</h2><p>ಪ್ರತಿಭಟನಾ ನಿರತ ಕುಸ್ತಿಪಟುಗಳ ವಿರುದ್ಧ ಪೊಲೀಸರ ನಡೆಯನ್ನು ಖಂಡಿಸಿ ಕಾಂಗ್ರೆಸ್ ಹಿರಿಯ ನಾಯಕ ರಾಹುಲ್ ಗಾಂಧಿ ಭಾನುವಾರ ಪ್ರಧಾನಿ ಮೋದಿ ಗುರಿಯಾಗಿಸಿಕೊಂಡು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಟ್ವಿಟರ್​ನಲ್ಲಿ ಕುಸ್ತಿಪಟುಗಳನ್ನು ಅಮಾನವೀಯವಾಗಿ ನಡೆದುಕೊಂಡ ವಿಡಿಯೋ ಹಂಚಿಕೊಂಡು, ಮೋದಿಯನ್ನು ಸೊಕ್ಕಿನ ರಾಜ ಎಂದು ಕರೆದಿದ್ದಾರೆ. ಕುಸ್ತಿಪಟುಗಳಿಗೆ ನ್ಯಾಯ ಒದಗಿಸಿಕೊಡುವಂತೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.</p>

<h2>ಟ್ವೀಟ್​ನಲ್ಲಿ ಏನಿದೆ?</h2><p>ಟ್ವಿಟರ್​ನಲ್ಲಿ 43 ಸೆಕೆಂಡ್​ಗಳ ವಿಡಿಯೋವನ್ನು ರಾಹುಲ್​ ಗಾಂಧಿ ಹಂಚಿಕೊಂಡಿದ್ದಾರೆ. ಕುಸ್ತಿಪಟುಗಳನ್ನು ಬಂಧಿಸುವಾಗ ಪೊಲೀಸರು ನಡೆದುಕೊಂಡ ರೀತಿಯನ್ನು ಖಂಡಿಸಿದ್ದಾರೆ. ಪಟ್ಟಾಭಿಷೇಕ ಮುಗೀತು, ಬೀದಿಗಿಳಿದ ಜನರ ದನಿಯನ್ನು ತುಳಿಯುತ್ತಿರುವ ಅಹಂಕಾರಿ ರಾಜ ಎಂದು ಪ್ರಧಾನಿ ಮೋದಿ ವಿರುದ್ಧ ಟೀಕಿಸಿದ್ದಾರೆ.</p>

<blockquote class="twitter-tweet"><p lang="hi" dir="ltr">राज्याभिषेक पूरा हुआ - &#39;अहंकारी राजा&#39; सड़कों पर कुचल रहा जनता की आवाज़! <a href="https://t.co/9hbEoKZeZs">pic.twitter.com/9hbEoKZeZs</a></p>&mdash; Rahul Gandhi (@RahulGandhi) <a href="https://twitter.com/RahulGandhi/status/1662759636200722433?ref_src=twsrc%5Etfw">May 28, 2023</a></blockquote> <script async src="https://platform.twitter.com/widgets.js" charset="utf-8"></script>

<h2>ಕ್ರೀಡಾಪಟುಗಳನ್ನು ಎಳೆದಾಡಿದ ಪೊಲೀಸರು</h2><p>ಕಾಮನ್​ವೆಲ್ತ್​, ಒಲಿಂಪಿಕ್​​​ ಸೇರಿದಂತೆ ಪ್ರಮುಖ ಟೂರ್ನಿಗಳಲ್ಲಿ ಚಿನ್ನ, ಬೆಳ್ಳಿ ಪದಕ ಗೆದ್ದು ಭಾರತದ ಕೀರ್ತಿ ಪತಾಕೆಯನ್ನು ಹಾರಿಸಿದ ಅಗ್ರಮಾನ್ಯ ಕುಸ್ತಿಪಟುಗಳು ನ್ಯಾಯಕ್ಕಾಗಿ ಹೋರಾಟ ನಡೆಸುತ್ತಿದ್ದಾರೆ. ದೇಶದ ಹೆಮ್ಮೆಯನ್ನು ಹೆಚ್ಚಿಸಿದ ಖ್ಯಾತನಾಮ ಆಟಗಾರರಿಗೆ ಸ್ಪಲ್ಪವೂ ಗೌರವ ತೋರದ ದೆಹಲಿ ಪೊಲೀಸರು ರಸ್ತೆಯಲ್ಲಿ ಎಳೆದಾಡಿದ್ದಾರೆ. ಬಂಧಿಸಲು ದರದರನೇ ಎಳೆದ ಪೊಲೀಸರ ನಡೆಗೆ ವ್ಯಾಪಕ ಖಂಡನೆ ವ್ಯಕ್ತವಾಗಿದೆ.</p>

<h2>ದೇಶಾದ್ಯಂತ ಆಕ್ರೋಶ</h2><p>ಕುಸ್ತಿಪಟುಗಳ ಪ್ರತಿಭಟನೆಗೆ ರೈತರಿಂದಲೂ ಬೆಂಬಲ ಸಿಕ್ಕಿದೆ. ಈಗ ಅವರನ್ನೂ ಬಂಧಿಸಲಾಗಿದೆ. ಇದರಿಂದ ಪ್ರತಿಪಕ್ಷಗಳು, ನೆಟ್ಟಿಗರು ಕೇಂದ್ರ ಸರ್ಕಾರದ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ. ಪದಕ ಗೆದ್ದಾಗ ಸಂಭ್ರಮಿಸುವ ನೀವು, ಈಗವರ ಕಷ್ಟಕ್ಕೆ ಏಕೆ ನಿಲ್ಲುತ್ತಿಲ್ಲ. ಪದಕ ಗೆದ್ದಾಗ ದೇಶದ ಘನತೆ ಗೌರವ ಹೆಚ್ಚಾಗುತ್ತದೆ. ಅವರು ಪ್ರತಿಭಟನೆ ನಡೆಸಿದರೆ, ಅದೇ ಘನತೆ ಕುಗ್ಗುತ್ತದೆಯೇ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆ ವ್ಯಕ್ತವಾಗಿದೆ. ನಿಮ್ಮ ಸಂಸದರನ್ನು ರಕ್ಷಿಸಿಕೊಳ್ಳಲು ಸಾಕಷ್ಟು ಪ್ರಯತ್ನ ನಡೆಸುತ್ತಿದ್ದೀರಾ ಎಂದು ಕಿಡಿ ಕಾರಿದ್ದಾರೆ ನೆಟ್ಟಿಗರು.</p>

Wrestlers Arrest: ಹೊಸ ಸಂಸತ್​ ಭವನದ ಎದುರು ಪ್ರತಿಭಟನೆಗೆ ಯತ್ನ; ಬಂಧಿಸಲು ಎಳೆದಾಡಿದ ಪೊಲೀಸರು, ಒಬ್ಬರನ್ನೊಬ್ರು ಅಪ್ಪಿಕೊಂಡ ಕುಸ್ತಿಪಟುಗಳು

Wrestlers Arrest

<ul><li>Wrestlers Arrest: ಪ್ರಧಾನಿ ನರೇಂದ್ರ ಮೋದಿ ಅವರು ಉದ್ಘಾಟಿಸಿದ ನೂತನ ಸಂಸತ್ ಭವನಕ್ಕೆ ಮುತ್ತಿಗೆ ಹಾಕಲು ಪ್ರತಿಭಟನಾ ನಿರತ ಕುಸ್ತಿಪಟುಗಳು ಪ್ರಯತ್ನಿಸಿದರು. ಆದರೆ, ಪೊಲೀಸರು ಅದಕ್ಕೆ ಅವಕಾಶ ನೀಡದೆ ಖ್ಯಾತನಾಮ ಕುಸ್ತಿಪಟುಗಳನ್ನು ಬಂಧಿಸಿದರು.</li></ul>

Kapil Dev on Gill: ಸಚಿನ್​ಗಿಂತಲೂ ಕಾಂಬ್ಳಿಗೇ ದೊಡ್ಡ ಹೆಸರು ಸಿಕ್ಕಿತ್ತು; ಕೊನೆಗೆ ಆಗಿದ್ದೇ ಬೇರೆ; ಶುಭ್ಮನ್​​ಗೆ ಎಚ್ಚರಿಸಿದ ಕಪಿಲ್ ದೇವ್

Kapil Dev on Gill

<ul><li>Kapil Dev on Shubman Gill: ಗುಜರಾತ್ ಟೈಟಾನ್ಸ್ ಆರಂಭಿಕ ಆಟಗಾರ ಶುಭ್ಮನ್​ ಗಿಲ್​ ಅವರನ್ನು ಶ್ರೇಷ್ಠ ಎಂದು ಪರಿಗಣಿಸಲು ಇನ್ನೂ ಒಂದೆರಡು ಋತುಗಳಲ್ಲಿ ಅದ್ಭುತ ಪ್ರದರ್ಶನ ನೀಡಬೇಕು ಎಂದು ಭಾರತ ಕ್ರಿಕೆಟ್​ ತಂಡದ ಮಾಜಿ ನಾಯಕ ಕಪಿಲ್​ ದೇವ್ ಹೇಳಿದ್ದಾರೆ.</li></ul>

Sunil Gavaskar: ಐಪಿಎಲ್ ಫೈನಲ್‌ಗೂ ಮುನ್ನ ಹಾರ್ದಿಕ್ ನಾಯಕತ್ವ ಹೊಗಳಿದ ಗವಾಸ್ಕರ್; ಮಾಹಿಯಂತೆಯೇ ಕೂಲ್ ಎಂದ ದಿಗ್ಗಜ

Sunil Gavaskar

<ul><li>IPL 2023 Final: ಗುಜರಾತ್ ಟೈಟಾನ್ಸ್ ಮತ್ತು ಸಿಎಸ್‌ಕೆ ತಂಡಗಳ ನಡುವಿನ ಐಪಿಎಲ್ ಫೈನಲ್‌ ಪಂದ್ಯಕ್ಕೂ ಮುನ್ನ ದಿಗ್ಗಜ ಕ್ರಿಕೆಟಿಗ ಸುನಿಲ್ ಗವಾಸ್ಕರ್, ಪಾಂಡ್ಯ ನಾಯಕತ್ವ ಕುರಿತು ಮಾತನಾಡಿದ್ದಾರೆ. ಈ ವೇಳೆ ಎಂಎಸ್‌ ಧೋನಿ ಬಗ್ಗೆಯೂ ಉಲ್ಲೇಖಿಸಿದ್ದಾರೆ.</li></ul>

IPL 2023: ದುಬಾರಿ ಮೊತ್ತಕ್ಕೆ ಖರೀದಿಯಾದರೂ ಆಡುವ ಅವಕಾಶವೇ ಪಡೆಯದ ಆಟಗಾರರಿವರು

IPL 2023

<ul><li>IPL 2023 Final: ಫ್ರಾಂಚೈಸಿಗಳಿಂದ ದುಬಾರಿ ಬೆಲೆ ಪಡೆದ ಆಟಗಾರರಿಗೆ ಐಪಿಎಲ್ 2023ರ ಆವೃತ್ತಿಯಲ್ಲಿ ಸರಿಯಾದ ಆಡುವ ಅವಕಾಶ ಸಿಕ್ಕಿಲ್ಲ. ಅವರ ಪಟ್ಟಿ ಇಲ್ಲಿದೆ.</li></ul>

<ul><li>Rahul Gandhi: ಪ್ರತಿಭಟನಾ ನಿರತ ಕುಸ್ತಿಪಟುಗಳ ವಿರುದ್ಧ ಪೊಲೀಸರ ನಡೆಯನ್ನು ಖಂಡಿಸಿ ಕಾಂಗ್ರೆಸ್ ಹಿರಿಯ ನಾಯಕ ರಾಹುಲ್ ಗಾಂಧಿ ಭಾನುವಾರ ಪ್ರಧಾನಿ ಮೋದಿ (PM Modi) ಗುರಿಯಾಗಿಸಿಕೊಂಡು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.</li></ul>

<p>ಭಾರತದ ಕುಸ್ತಿ ಫೆಡರೇಷನ್​ ಒಕ್ಕೂಟದ ಅಧ್ಯಕ್ಷ ಬ್ರಿಜ್​ ಭೂಷಣ್​ ಶರಣ್ ಸಿಂಗ್ (WFI president Brij Bhushan Singh) ಬಂಧನಕ್ಕೆ ಒತ್ತಾಯಿಸಿ ಉದ್ಘಾಟನೆಯಾದ ನೂತನ ಸಂಸತ್​ ಭವನದ (New Parliament House) ಮುಂಭಾಗ ಪ್ರತಿಭಟನೆ ನಡೆಸಲು ಯತ್ನಿಸಿದ ಖ್ಯಾತನಾಮ ಕುಸ್ತಿಪಟುಗಳನ್ನು ಪೊಲೀಸರು ಬಂಧಿಸಿದ್ದಾರೆ. ಅವರಿಗೆ ಬೆಂಬಲ ನೀಡಿದ ರೈತ ಮುಖಂಡರನ್ನೂ ವಶಕ್ಕೆ ಪಡೆದಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ. ಅತ್ಯಂತ ಅಮಾನವೀಯವಾಗಿ ನಡೆದುಕೊಂಡಿರುವುದು ಭಾರಿ ಟೀಕೆಗೆ ಗುರಿಯಾಗಿದೆ.</p>

<p>ಒಲಿಂಪಿಯನ್​ಗಳು, ಕಾಮನ್​ವೆಲ್ತ್​ ಒಲಿಂಪಿಯನ್​ಗಳು ಸೇರಿ ಖ್ಯಾತನಾಮ ಕುಸ್ತಿಪಟುಗಳು ಕಳೆದ ಒಂದು ತಿಂಗಳಿಂದಲೂ ಪ್ರತಿಭಟನೆ ನಡೆಸುತ್ತಿದ್ದಾರೆ. ಕುಸ್ತಿ ಫೆಡರೇಶನ್ ಆಫ್ ಇಂಡಿಯಾ ಅಧ್ಯಕ್ಷ ಬ್ರಿಜ್ ಭೂಷಣ್ ಸಿಂಗ್ (Wrestling Federation of India president Brij Bhushan Singh) ವಿರುದ್ಧ ಸಂತ್ರಸ್ತೆ ಸೇರಿದಂತೆ ಮಹಿಳಾ ಕುಸ್ತಿಪಟುಗಳಿಗೆ ಲೈಂಗಿಕ ಕಿರುಕುಳ ಮತ್ತು ಬೆದರಿಕೆ ಆರೋಪ ಮಾಡಿರುವ ಕ್ರೀಡಾಪಟುಗಳು, ಜಂತರ್ ​ಮಂತರ್​ನಲ್ಲಿ ತಿಂಗಳಿಗೂ ಹೆಚ್ಚು ಕಾಲ ಧರಣಿ ನಡೆಸುತ್ತಿದ್ದಾರೆ. ಆದರೆ, ಕೇಂದ್ರ ಸರ್ಕಾರದಿಂದ ಯಾವುದೇ ಸ್ಪಂದನೆ ಈವರೆಗೂ ಸಿಕ್ಕಿಲ್ಲ.</p>

<p>ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/sports/wrestlers-protest-against-brij-bhushan-singh-in-5-days-wrestlers-say-they-have-spent-rs-5-lakh-for-basic-facility-prs-181682763812736.html" rel="dofollow">The Cost Of Protest: ಬ್ರಿಜ್​ ಭೂಷಣ್​ ಸಿಂಗ್​ ವಿರುದ್ಧ ಧರಣಿ; 5 ದಿನಗಳಲ್ಲಿ 5 ರಿಂದ 6 ಲಕ್ಷ ಖರ್ಚು ಮಾಡಿದ್ದೇವೆ ಎಂದ ಕುಸ್ತಿಪಟುಗಳು</a></p>

<p>ಹಾಗಾಗಿ ಪ್ರತಿಭಟನಾ ನಿರತ ಕುಸ್ತಿಪಟುಗಳು, ಹೊಸ ಸಂಸತ್ ಭವನದ ಮುಂಭಾಗದಲ್ಲಿ ಪ್ರತಿಭಟನೆ ನಡೆಸಲು ನಿರ್ಧರಿಸಿದರು. ಮಹಿಳಾ ಮಹಾ ಪಂಚಾಯತ್ (Mahila Maha Panchayat) ನಡೆಸಲು ನಿರ್ಧರಿಸಿರುವುದಾಗಿ ಮೊದಲೇ ಹೇಳಿದ್ದ ಕುಸ್ತಿಪಟುಗಳು ಪ್ರತಿಭಟನಾ ಮೆರವಣಿಗೆ ನಡೆಸಿದರು. ಪ್ರಧಾನಿ ನರೇಂದ್ರ ಮೋದಿ (Prime Minister Narenadra Modi) ಅವರು ಉದ್ಘಾಟಿಸಿದ ನೂತನ ಸಂಸತ್ ಭವನಕ್ಕೆ ಮುತ್ತಿಗೆ ಹಾಕಲು ಪ್ರಯತ್ನಿಸಿದರು.</p>

<p>ಆದರೆ, ಪೊಲೀಸರು ಅದಕ್ಕೆ ಅವಕಾಶ ನೀಡಲಿಲ್ಲ. ಪ್ರತಿಭಟನೆಯ ಕುರಿತು ಮೊದಲೇ ತಿಳಿದಿದ್ದ ದೆಹಲಿ ಪೊಲೀಸರು ಐಟಿಒ ರಸ್ತೆ, ಟಿಕ್ರಿ ಗಡಿ ಮತ್ತು ಸಿಂಘು ಗಡಿ ಪ್ರದೇಶದ ಬಳಿ ಬ್ಯಾರಿಕೇಡ್‌ಗಳನ್ನು ಹಾಕಿದ್ದರು. ಪ್ರತಿಭಟನಾ ಮೆರವಣಿಗೆ ಬಂದ ಕುಸ್ತಿಪಟುಗಳನ್ನು ಅಲ್ಲಿಯೇ ತಡೆದರು. ಕುಸ್ತಿಪಟುಗಳಿಗೆ ನ್ಯಾಯ ದೊರಕಿಸಿಕೊಡುವಂತೆ ಖಾಪ್ ಪಂಚಾಯತ್ ಮುಖಂಡರು ಮತ್ತು ರೈತ ಮುಖಂಡರೂ ಬೆಂಬಲ ಸೂಚಿಸಿದ್ದರು. ಆದರೆ ಕುಸ್ತಿಪಟುಗಳು, ರೈತರು ಸೇರಿ ಎಲ್ಲರನ್ನೂ ಬಂಧಿಸಿದ್ದಾರೆ ಎಂದು ತಿಳಿದು ಬಂದಿದೆ.</p>

<p>ಕುಸ್ತಿಪಟುಗಳಾದ ಬಜರಂಗ್ ಪುನಿಯಾ (Bajrang Punia), ವಿನೇಶ್ ಫೋಗಟ್ (Vinesh Phogat) ಮತ್ತು ಸಾಕ್ಷಿ ಮಲಿಕ್ (Sakshi Malik) ನೇತೃತ್ವದಲ್ಲಿ ಈ ಪ್ರತಿಭಟನಾ ಮೆರವಣಿಗೆ ನಡೆಯಿತು. ಇನ್ನೆಷ್ಟು ದಿನ ಪ್ರತಿಭಟನೆ ನಡೆಸಬೇಕು. ಬಿಜೆಪಿ ಸಂಸದನ ರಕ್ಷಣೆಗೆ ಇಷ್ಟೊಂದು ಒಲವು ಏಕೆ ಎಂದು ಪ್ರಶ್ನಿಸಿದ್ದಾರೆ. ಬ್ರಿಜ್ ಭೂಷಣ್ ಸಿಂಗ್ ಅವರನ್ನು ಶೀಘ್ರವೇ ಬಂಧಿಸಿ ಎಂದು ಒತ್ತಾಯಿಸಿದ್ದಾರೆ. ಬೇಟಿ ಬಚಾವೋ ಅಂತೀರಾ, ಅದೇ ಮಹಿಳಾ ಕ್ರೀಡಾಪಟುಗಳಿಗೆ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂದರೂ ಯಾಕೆ ಗಮನ ಹರಿಸುತ್ತಿಲ್ಲ ಎಂದು ಕೇಂದ್ರ ಸರ್ಕಾರದ ವಿರುದ್ಧ ಬೇಸರ ವ್ಯಕ್ತಪಡಿಸಿದ್ದಾರೆ.</p>

<h2>ಒಬ್ಬರನ್ನೊಬ್ಬರು ಅಪ್ಪಿಕೊಂಡ ಕುಸ್ತಿಪಟುಗಳು</h2><p>ಸಂಸತ್​ ಮುತ್ತಿಗೆಗೆ ಯತ್ನಿಸಿದ ಪ್ರತಿಭಟನಾ ನಿರತ ಕುಸ್ತಿಗಳನ್ನು ಬಂಧಿಸಿದ್ದಾರೆ. ಈ ವೇಳೆ ಪೊಲೀಸರು ಅವರನ್ನು ಮನಬಂದಂತೆ ಎಳೆದಾಡಿದ್ದಾರೆ. ಆದರೆ ಕುಸ್ತಿಪಟುಗಳು ಒಬ್ಬರನ್ನೊರು ಅಪ್ಪಿಕೊಂಡ ದೃಶ್ಯ ಕರುಳು ಕಿವುಚುವಂತೆ ಮಾಡಿತ್ತು. ದೇಶದ ಘನತೆ, ಗೌರವ ಹೆಚ್ಚಿಸಿದ ಖ್ತಾತನಾಮ ಕ್ರೀಡಾಪಟುಗಳನ್ನು ರಸ್ತೆಯ ತುಂಬೆಲ್ಲಾ ಎಳೆದಾಡಿದ್ದು, ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ.</p>

<p>ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/sports/wrestlers-protest-news-vinesh-photgat-bajrang-punia-say-ready-to-return-all-our-medals-awards-prs-181683187959929.html" rel="dofollow">Wrestlers Protest: ಪದಕ, ಪ್ರಶಸ್ತಿಗಳಿಂದ ಏನು ಗೌರವ ಸಿಗುತ್ತಿಲ್ಲ; ಎಲ್ಲವನ್ನು ಸರ್ಕಾರಕ್ಕೆ ವಾಪಸ್​ ನೀಡ್ತೇವೆ; ಕುಸ್ತಿಪಟುಗಳು ಬೇಸರ</a></p>

<p>ಟೀಮ್​ ಇಂಡಿಯಾದ ಹಾಗೂ ಗುಜರಾತ್​ ಟೈಟಾನ್ಸ್ ತಂಡದ ಆರಂಭಿಕ ಆಟಗಾರ ಶುಭ್​ಮನ್​ ಗಿಲ್​ (Shubman Gill) ಅವರಿಗೆ 1983ರ ಏಕದಿನ ವಿಶ್ವಕಪ್​ ವಿಜೇತ ತಂಡದ ನಾಯಕ, ಲೆಜೆಂಡ್​ ಕಪಿಲ್​​ ದೇವ್ (Kapil Dev)​ ಎಚ್ಚರಿಯ ಸಂದೇಶವನ್ನು ನೀಡಿದ್ದಾರೆ. ಗಿಲ್​ ಅವರನ್ನು ವಿರಾಟ್ ಕೊಹ್ಲಿ ಮತ್ತು ಸಚಿನ್​ ತೆಂಡೂಲ್ಕರ್​ಗೆ ಹೋಲಿಕೆ ಮಾಡುತ್ತಿರುವ ಬೆನ್ನಲ್ಲೇ ಕಪಿಲ್​ ದೇವ್,​ ವಿನೋದ್​ ಕಾಂಬ್ಳಿ (Vinod Kambli) ಕೂಡ ಸಚಿನ್ ತೆಂಡೂಲ್ಕರ್​​​​​ಗಿಂತಲೂ (Sachin Tendulkar) ಉತ್ತಮ ಆರಂಭ ಪಡೆದಿದ್ದರು. ಬಳಿಕ ಆಗಿದ್ದೇ ಬೇರೆ ಎಂದು ಗಿಲ್​ಗೆ ಎಚ್ಚರಿಕೆ ಕೊಟ್ಟಿದ್ದಾರೆ.</p>

<p>ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/sports/cricket-news-shubman-gill-childhood-coach-karsan-ghavri-remark-on-prithvi-shaw-ipl-2023-final-csk-vs-gt-jra-181685240699654.html" rel="dofollow">Karsan Ghavri: ಪೃಥ್ವಿ ಶಾ ತಾನು ದೊಡ್ಡ ಸ್ಟಾರ್ ಅಂದುಕೊಂಡಿದ್ದಾನೆ; ಶಾಗೆ ಸಲಹೆ ನೀಡಿದ ಗಿಲ್ ಬಾಲ್ಯದ ಕೋಚ್</a></p>

<h2>ಐಪಿಎಲ್​ನಲ್ಲಿ ಅಬ್ಬರ</h2><p>ಪ್ರಸಕ್ತ ಐಪಿಎಲ್​ನಲ್ಲಿ ಶುಭ್ಮನ್​ ಗಿಲ್​, ಬೆಂಕಿ - ಬಿರುಗಾಳಿ ಆಟದ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಕಳೆದ 4 ಪಂದ್ಯಗಳಲ್ಲಿ ಭರ್ಜರಿ 3 ಶತಕ ಸಿಡಿಸಿ ಆರೇಂಜ್​ ಕ್ಯಾಪ್​​ ಒಡೆಯನಾಗಿದ್ದಾರೆ. ಅದ್ಭುತ, ಅಮೋಘ ಆಟದ ಮೂಲಕ ಗುಜರಾತ್​ ತಂಡದ ಬ್ಯಾಟಿಂಗ್​ ಶಕ್ತಿಯಾಗಿರುವ ಗಿಲ್​ ಬಗ್ಗೆಯೇ ಹೆಚ್ಚು ಚರ್ಚೆಯಾಗುತ್ತಿದೆ. ಕ್ರಿಕೆಟ್​ನ ದೇವರು ಸಚಿನ್ ತೆಂಡೂಲ್ಕರ್​, ಕ್ರಿಕೆಟ್​ನ ಕಿಂಗ್​ ವಿರಾಟ್​ ಕೊಹ್ಲಿ (Virat Kohli) ಈಗ ಕ್ರಿಕೆಟ್​ನ ಪ್ರಿನ್ಸ್​ ಶುಭ್ಮನ್​ ಗಿಲ್​ ಎನ್ನುತ್ತಿದ್ದಾರೆ ಫ್ಯಾನ್ಸ್​, ಮಾಜಿ ಕ್ರಿಕೆಟರ್ಸ್​.</p>

<h2>ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲೂ ಮಿಂಚು</h2><p>ಕೇವಲ ಐಪಿಎಲ್​ ಮಾತ್ರವಲ್ಲ ಅಂತಾರಾಷ್ಟ್ರೀಯ ಕ್ರಿಕೆಟ್​​​ನಲ್ಲೂ ರನ್​ ಮಳೆ ಹರಿಸುತ್ತಿದ್ದಾರೆ. ಬ್ಯಾಟಿಂಗ್​ನಲ್ಲಿ ಧೂಳೆಬ್ಬಿಸುತ್ತಿದ್ದಾರೆ. ಶತಕಗಳ ಮೇಲೆ ಶತಕ ಸಿಡಿಸಿ, ದಾಖಲೆಗಳ ಮೇಲೆ ದಾಖಲೆ ಬರೆಯುತ್ತಿದ್ದಾರೆ. ಏಕದಿನ, ಟೆಸ್ಟ್​, ಟಿ20 ಕ್ರಿಕೆಟ್​ನಲ್ಲಿ ಭರ್ಜರಿ ಫಾರ್ಮ್​ನಲ್ಲಿರುವ ಶುಭ್ಮನ್​, ಮೂರು ಫಾರ್ಮೆಟ್​ನಲ್ಲೂ ರಾಜಕುಮಾರನಾಗಿ ಮೆರೆದಾಡುತ್ತಿದ್ದಾರೆ. ಗಿಲ್​ ಅವರನ್ನು ಹೊಗಳಿ ಅಟ್ಟಕ್ಕೇರಿಸುತ್ತಿರುವ ಬೆನ್ನಲ್ಲೇ ಕಪಿಲ್​ ದೇವ್ ಎಚ್ಚರದ ಹೆಜ್ಜೆಗಳನ್ನಿಡುವುದು ಅಗತ್ಯ ಎಂದಿದ್ದಾರೆ.</p>

<h2>ಸಚಿನ್-ಕೊಹ್ಲಿಗೆ ಹೋಲಿಕೆ ಸರಿಯಲ್ಲ</h2><p>23 ವರ್ಷದ ಶುಭ್ಮನ್ ರನ್‌ಗಳ ಹರಿವು ಸೃಷ್ಟಿಸುತ್ತಿದ್ದಂತೆ ಅಭಿಮಾನಿಗಳು ಸಚಿನ್ ಮತ್ತು ಕೊಹ್ಲಿಗೆ ಹೋಲಿಕೆ ಮಾಡುತ್ತಿದ್ದಾರೆ. ಆದರೆ, ಗಿಲ್ ಇನ್ನೂ ಆ ಹಂತಕ್ಕೆ ಬೆಳೆದಿಲ್ಲ ಎಂದು ಭಾರತದ ಮಾಜಿ ನಾಯಕ ಕಪಿಲ್ ಹೇಳಿದ್ದಾರೆ. ಆರಂಭಿಕ ಆಟಗಾರನನ್ನು ಶ್ರೇಷ್ಠ ಎಂದು ಪರಿಗಣಿಸಲು ಇನ್ನೂ ಒಂದೆರಡು ಋತುಗಳಲ್ಲಿ ಅದ್ಭುತ ಪ್ರದರ್ಶನ ನೀಡಬೇಕು ಎಂದು ಹೇಳಿದ್ದಾರೆ.</p>

<h2>ದಿಗ್ಗಜರ ಸಾಲಿಗೆ ನಿಲ್ಲಿಸಲು ಸಾಧ್ಯವಿಲ್ಲ</h2><p>ಗಿಲ್ ತಮ್ಮ ಸ್ಟ್ರೋಕ್‌ ಪ್ಲೇಯಿಂದ ಹೆಚ್ಚು ಪ್ರಭಾವಿತರಾಗಿದ್ದರೂ ಸುನಿಲ್ ಗವಾಸ್ಕರ್ (Sunil Gavaskar), ಸಚಿನ್ ತೆಂಡೂಲ್ಕರ್ ಮತ್ತು ವಿರಾಟ್ ಕೊಹ್ಲಿ ಅವರ ಪಟ್ಟಿಗೆ ಸೇರಿಸಲು ಹಿಂದೇಟು ಹಾಕಿರುವ ಕಪಿಲ್​ ದೇವ್​, ಇನ್ನೂ ಎರಡು ಆವೃತ್ತಿಗಳನ್ನು ಆಡಿದರೆ ಮಾತ್ರ ಪರಿಗಣನೆಗೆ ಒಳಗಾಗುತ್ತಾರೆ. ಸುನಿಲ್ ಗವಾಸ್ಕರ್, ಸಚಿನ್ ತೆಂಡೂಲ್ಕರ್ ಬಂದರು, ನಂತರ ರಾಹುಲ್ ದ್ರಾವಿಡ್ (Rahul Dravid), ವಿವಿಎಸ್ ಲಕ್ಷ್ಮಣ್ (VVS Laxman), ವೀರೇಂದ್ರ ಸೆಹ್ವಾಗ್ (Virender Sehwag), ಕೊಹ್ಲಿ ಅವರ ಹೆಜ್ಜೆಗಳನ್ನು ಪ್ರಸ್ತುತ ಗಿಲ್ ಅನುಸರಿಸುತ್ತಿದ್ದಾರೆ. ಹಾಗಂತ ಅವರ ಸಾಲಿನಲ್ಲಿ ನಿಲ್ಲಿಸಲು ಬಯಸುವುದಿಲ್ಲ ಎಂದಿದ್ದಾರೆ.</p>

<p>ಅವರು ಖಂಡಿತವಾಗಿಯೂ ಪ್ರತಿಭೆಯನ್ನು ಹೊಂದಿದ್ದಾರೆ. ಆದರೆ ಸದ್ಯದ ಮಟ್ಟಿಗೆ ದೊಡ್ಡ ಹೋಲಿಕೆ ಮಾಡಲು ಇಷ್ಟಪಡುವುದಿಲ್ಲ. ಒಂದೆರಡು ಸೀಸನ್​ಗಳ ಬಳಿಕ ಬೌಲರ್​ಗಳು ನಿಮ್ಮ ಸಾಮರ್ಥ್ಯ ಮತ್ತು ದೌರ್ಬಲ್ಯ ತಿಳಿಯುತ್ತಾರೆ. ಮೂರು ಅಥವಾ ನಾಲ್ಕು ಉತ್ತಮ ಸೀನಸ್​ಗಳನ್ನು ಹೊಂದಿದ್ದರೆ ಆಗ ನಿಜವಾಗಿಯೂ ಶ್ರೇಷ್ಠ ಎಂದು ನಾವು ಹೇಳಬಹುದು ಎಂದು ಕಪಿಲ್ ಎಬಿಪಿ ನ್ಯೂಸ್‌ಗೆ ತಿಳಿಸಿದ್ದಾರೆ. ಜೊತೆಗೆ ಗಿಲ್​ಗೆ ವಿನೋದ್​ ಕಾಂಬ್ಳಿ ಅವರ ಉದಾಹರಣೆ ಕೂಡ ನೀಡಿದ್ದಾರೆ.</p>

<h2>ಕಾಂಬ್ಳಿ ಉದಾಹರಣೆ ಕೊಟ್ಟ ಕಪಿಲ್​</h2><p>ಗಿಲ್ ಅವರಿಗೆ ನಿಜವಾದ ಪರೀಕ್ಷೆ ಮುಂದಿದೆ. ಅವರು ಎಷ್ಟು ದಿನ ಹೀಗೆ ಮುಂದುವರಿಯುತ್ತಾರೆ ಎಂಬುದನ್ನು ನಾವು ನೋಡಬೇಕು. ಸೂರ್ಯ ಕುಮಾರ್​​ ಯಾದವ್​ ಅವರನ್ನು ಅದ್ಭುತ ಆಟದ ನಂತರವೂ ಆಸ್ಟ್ರೇಲಿಯಾ ವಿರುದ್ಧ ಮೂರು ಬಾರಿ ಗೋಲ್ಡನ್​ ಡಕ್​ ಆಗಿದ್ದರು. ಮತ್ತೆ ಬಲವಾಗಿ ಕಂಬ್ಯಾಕ್​ ಮಾಡಿದರು. ಹಾಗಾಗಿ ನೀವು ಮುಂದಿನ ಸೀಸನ್​ನಲ್ಲಿ ಯಾವ ರೀತಿ ಪ್ರದರ್ಶನ ನೀಡುತ್ತೀರಿ ಎಂಬುದು ಕುತೂಹಲ ಮೂಡಿಸಿದೆ ಎಂದಿದ್ದಾರೆ ಕಪಿಲ್​ ದೇವ್​.</p>

<p>ನನ್ನನ್ನು ತಪ್ಪಾಗಿ ಅರ್ಥಮಾಡಿಕೊಳ್ಳಬೇಡಿ. ಅವರ ಸಾಮರ್ಥ್ಯಗಳಲ್ಲಿ ನನಗೆ ಯಾವುದೇ ಸಂದೇಹವಿಲ್ಲ. ಆದರೆ ಹೋಲಿಕೆಗಳನ್ನು ಮಾಡದೆ, ನಾನು ಒಬ್ಬ ಕ್ರಿಕೆಟಿಗನ ಬಗ್ಗೆ ಮಾತನಾಡಲು ಬಯಸುತ್ತೇನೆ. ವಿನೋದ್ ಕಾಂಬ್ಳಿ ಅವರು ಅಂತಾರಾಷ್ಟ್ರೀಯ ವೃತ್ತಿಜೀವನದಲ್ಲಿ ಸಚನ್​ಗಿಂತಲೂ ಉತ್ತಮ ಆರಂಭ ಪಡೆದಿದ್ದರು. ಆದರೆ ಕೊನೆಗೆ ಆಗಿದ್ದೇ ಬೇರೆ. ಈ ದೊಡ್ಡ ಪ್ರಶ್ನೆ ಗಿಲ್‌ ಮುಂದಿದ್ದು, ಅತಿ ಚಿಕ್ಕ ವಯಸ್ಸಿನಲ್ಲಿ ಅವರು ಪಡೆಯುತ್ತಿರುವ ಖ್ಯಾತಿಯನ್ನು ನಿಭಾಯಿಸಬಲ್ಲರೇ ಎಂದು ಪ್ರಶ್ನಿಸಿದ್ದಾರೆ.</p>

Prithvi-Nidhi: ಐಪಿಎಲ್​ ಬಳಿಕ ತನ್ನ ಗೆಳತಿ ಜೊತೆ ಪೃಥ್ವಿ ಶಾ ಸುತ್ತಾಟ; ಭವಿಷ್ಯದ ಸಚಿನ್​ ಈಗ ಕಾಂಬ್ಳಿಯಾದ ಎನ್ನುತ್ತಿದ್ದಾರೆ ನೆಟ್ಟಿಗರು​

Prithvi shaw and Nidhi Tapadia 

Cricket News Prithvi shaw hangs out with his girlfriend after IPL Cricketer appeared in public with Nidhi Tapadia prs

Cricket News Prithvi shaw hangs out with his girlfriend after IPL Cricketer who appeared in public with Nidhi Tapadia prs

<ul><li>Prithvi-Nidhi: ಐಪಿಎಲ್​​ ಮುಗಿಸಿದ ಬೆನ್ನಲ್ಲೇ ಮನೆಗೆ ಮರಳಿರುವ ಪೃಥ್ವಿ ಶಾ, ಈಗ ತನ್ನ ದೀರ್ಘಕಾಲದ ಗೆಳತಿ ನಿಧಿ ತಪಾಡಿಯಾ ಜೊತೆ ಸುತ್ತಾಟ ನಡೆಸುತ್ತಿದ್ದಾರೆ. ಈ ಜೋಡಿ ಇದೇ ಮೊದಲ ಬಾರಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದೆ.</li></ul>

MS Dhoni: ದಾಖಲೆಯ 250ನೇ ಪಂದ್ಯಕ್ಕೆ ಎಂಎಸ್ ಧೋನಿ ಸಜ್ಜು; ಐಪಿಎಲ್​ಗೆ ಇವತ್ತೇ ಗುಡ್​ಬೈ ಹೇಳಲು ನಿರ್ಧರಿಸಿದ್ರಾ ಸಿಎಸ್​ಕೆ ಕ್ಯಾಪ್ಟನ್​?

 CSK Captain MS Dhoni Retire

<p>ಮಾರ್ಚ್​ 31ರಂದು ಎಲ್ಲಿ, ಯಾವ ಮೈದಾನದಲ್ಲಿ ಯಾವ ತಂಡಗಳ ನಡುವೆ ಕಾದಾಟದೊಂದಿಗೆ ಪ್ರಸಕ್ತ ಸಾಲಿನ ಐಪಿಎಲ್​ (IPL 2023) ಆರಂಭವಾಗಿತ್ತೋ, ಅದೇ ಮೈದಾನದಲ್ಲಿ ಅದೇ ಎರಡು ತಂಡಗಳ ಮುಖಾಮುಖಿಗೆ ಬಂದು ನಿಂತಿದೆ. ಚೆನ್ನೈ ಸೂಪರ್ ಕಿಂಗ್ಸ್​ ಮತ್ತು ಗುಜರಾತ್​ ಟೈಟಾನ್ಸ್​ ತಂಡಗಳು (Chennai Super Kings vs Gujarat Titans, Final) ಪ್ರಶಸ್ತಿಗಾಗಿ ಇಂದು ಹೋರಾಟ ನಡೆಸಲಿದೆ. ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ (Narendra Modi Stadium, Ahmedabad) ಈ ಅಂತಿಮ ಹಣಾಹಣಿ ನಡೆಯಲಿದೆ. ಈ ಪಂದ್ಯ ಅನೇಕ ವಿಶೇಷಗಳಿಗೆ ಸಾಕ್ಷಿಯಾಗಲಿದೆ.</p>

<p>ಚೆನ್ನೈ ಸೂಪರ್​​ ಕಿಂಗ್ಸ್​​ ಒಟ್ಟು 10 ಬಾರಿ ಐಪಿಎಲ್​ ಫೈನಲ್​ ಪ್ರವೇಶಿಸಿದೆ. 4 ಬಾರಿ ಟ್ರೋಫಿಯೂ ಗೆದ್ದಿದೆ. ಈಗ 5ನೇ ಕಪ್​ ಮೇಲೆ ಕಣ್ಣಿಟ್ಟಿದೆ. ಮತ್ತೊಂದೆಡೆ ಕಳೆದ ವರ್ಷ ಟ್ರೋಫಿ ಗೆದ್ದ ಗುಜರಾತ್​ ಎರಡನೇ ಚಾಂಪಿಯನ್​ ಪಟ್ಟದ ಮೇಲೆ ಕಣ್ಣು ಹಾಕಿದೆ. ಆದರೆ ಈ ಪಂದ್ಯವೇ ಎಂಎಸ್​ ಧೋನಿ (MS Dhoni) ಪಾಲಿಗೆ ಕೊನೆ ಐಪಿಎಲ್​ ಪಂದ್ಯವಾಗಲಿದೆ ಎಂದು ಹೇಳಲಾಗುತ್ತಿದೆ. ಈ ಸುದ್ದಿ ಟೂರ್ನಿಯ ಆರಂಭದಿಂದಲೂ ಹರಿದಾಡುತ್ತಿದೆ.</p>

<p>ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/sports/cricket-news-csk-vs-gt-who-will-win-ipl-2023-if-chennai-super-kings-vs-gujarat-titans-final-is-cancelled-due-to-rain-prs-181685250826382.html" rel="dofollow">CSK vs GT IPL 2023 Final: ಗುಜರಾತ್​-ಚೆನ್ನೈ ಫೈನಲ್​ ಪಂದ್ಯಕ್ಕೆ ವರುಣನ ಕಾಟ; ಮಳೆಯಿಂದ ಅಂತಿಮ ಕದನ ರದ್ದಾದರೆ, ಯಾರಿಗೆ ಚಾಂಪಿಯನ್​ ಪಟ್ಟ?</a></p>

<p>ಹೀಗಾಗಿ, ಚೆನ್ನೈ ಮಾತ್ರವಲ್ಲದೆ, ಸಿಎಸ್​​ಕೆ ತಂಡ ಟೂರ್ನಿಯಲ್ಲಿ ಆಡಿದ ಬಹುತೇಕ ಎಲ್ಲಾ ಎದುರಾಳಿ ಮೈದಾನಗಳಲ್ಲಿ ಧೋನಿ ಆಟವನ್ನು ನೋಡಲು ದೊಡ್ಡ ಮಟ್ಟದಲ್ಲಿ ಕ್ರಿಕೆಟ್​ ಫ್ಯಾನ್ಸ್​ ತುಂಬಿ ತುಳುಕಿದ್ದರು. ಆದರೆ ಧೋನಿ ಮಾತ್ರ ನಿವೃತ್ತಿಯ ಗುಟ್ಟು ಬಿಟ್ಟುಕೊಡದೆ, ಈ ಬಗ್ಗೆ ನಿರ್ಧಾರಕ್ಕೆ ಇನ್ನೂ 8 ರಿಂದ 9 ತಿಂಗಳು ಸಮಯ ಇದೆ ಎಂದು ಹೇಳಿದ್ದಾರೆ. ಒಂದು ವೇಳೆ ಧೋನಿ ಮುಂದಿನ ವರ್ಷ ಕಣಕ್ಕಿಳಿಯದಿದ್ದರೆ ಇದೇ ಅವರ ಪಾಲಿಗೆ ಕೊನೆಯ ಐಪಿಎಲ್ ಪಂದ್ಯವಾಗಲಿದೆ.</p>

<p>41 ವರ್ಷದ ಧೋನಿ ಹಾಲಿ ಐಪಿಎಲ್​ನಲ್ಲಿ ಗಾಯದ ನಡುವೆಯೂ ಆಡುತ್ತಿದ್ದಾರೆ. ಮೊಣಕಾಲು ಗಾಯವಾದ ಕಾರಣ, ಕೊನೆಯ ಎರಡು ಓವರ್​​ಗಳಲ್ಲಿ ಧೋನಿ ಬ್ಯಾಟಿಂಗ್​ ಮಾಡಲು ಬರುತ್ತಿದ್ದಾರೆ. ಮತ್ತೊಂದೆಡೆ ಸಿಎಸ್​ಕೆಗೆ ಭವಿಷ್ಯದ ನಾಯಕನನ್ನು ಗುರುತಿಸಲು ಇನ್ನೂ ಸಾಧ್ಯವಾಗಿಲ್ಲ. ಈ ಹಿನ್ನೆಲೆಯಲ್ಲಿ ಧೋನಿ ಭವಿಷ್ಯದ ಬಗ್ಗೆ ಸದ್ಯಕ್ಕೆ ಗೊಂದಲವೂ ಇದೆ. ಇದರ ನಡುವೆ ಇದೇ ಕೊನೆಯ ಪಂದ್ಯ ಆದರೆ ಪ್ರಶಸ್ತಿ ಗೆಲುವಿನ ವಿದಾಯ ಸಿಗುತ್ತಾ ಎಂಬ ಕೌತುಕವೂ ಸೃಷ್ಟಿಯಾಗಿದೆ.</p>

<p>ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/sports/cricket-news-ipl-2023-final-gujarat-titans-set-to-beat-chennai-super-kings-csk-vs-gt-ahmedabad-hardik-pandya-jra-181685254799823.html" rel="dofollow">IPL 2023 Final: ಸಿಎಸ್‌ಕೆ ವಿರುದ್ಧ ಸುಲಭ ಜಯ ಸಾಧಿಸಲಿದೆ ಗುಜರಾತ್ ಟೈಟಾನ್ಸ್; ಇಲ್ಲಿವೆ ಐದು ಪ್ರಮುಖ ಕಾರಣಗಳು</a></p>

<p>2022ರಲ್ಲಿ ಚೆನ್ನೈನ ಚೆಪಾಕ್​ನಲ್ಲಿ ತನ್ನ ಕೊನೆಯ ಪಂದ್ಯವನ್ನು ಆಡಲಿದ್ದೇನೆ ಎಂದು ಹೇಳಿದ್ದರು. ಆದರೆ ಯಾವಾಗ ಎಂದು ಅಂತಿಮಪಡಿಸಿರಲಿಲ್ಲ. ಈಗ ನಿವೃತ್ತಿ ಕುರಿತು ಯೋಚಿಸಲು ಬೇಕಾದಷ್ಟು ಸಮಯ ಇದೆ. ನಾನು ಯಾವಾಗಲೂ ಸಿಎಸ್​ಕೆ ಪರ ಇರುತ್ತೇನೆ ಎಂದು ಹೇಳಿದ್ದಾರೆ. ಇದು ನಿವೃತ್ತಿ ತೆಗೆದುಕೊಳ್ಳುತ್ತಾರಾ ಇಲ್ಲವೇ ಎಂಬುದು ಅಭಿಮಾನಿಗಳಲ್ಲಿ ಗೊಂದಲ ಸೃಷ್ಟಿಸಿರೋದಂತೂ ಸುಳ್ಳಲ್ಲ.</p>

<h2>ಐಪಿಎಲ್​ನಲ್ಲಿ ಧೋನಿ 250ನೇ ಪಂದ್ಯ</h2><p>ಮಹೇಂದ್ರ ಸಿಂಗ್​ ಧೋನಿ ಇಂದು ಐಪಿಎಲ್​ನಲ್ಲಿ ಮಹತ್ವದ ಪಂದ್ಯವನ್ನು ಆಡಲಿದ್ದಾರೆ. ಫೈನಲ್​ನಲ್ಲಿ ಐತಿಹಾಸಿಕ ಪಂದ್ಯಕ್ಕೂ ಕಾಲಿಡಲಿದ್ದಾರೆ. ಹೌದು ಇಂದು ಧೋನಿ ಶ್ರೀಮಂತ ಲೀಗ್​​ನಲ್ಲಿ 250ನೇ ಪಂದ್ಯವನ್ನು ಆಡಲಿದ್ದಾರೆ. ಆ ಮೂಲಕ ಮಿಲಿಯನ್​ ಡಾಲರ್ ಟೂರ್ನಿಯಲ್ಲಿ ಈ ದಾಖಲೆ ಬರೆದ ಮೊದಲ ಆಟಗಾರ ಎನಿಸಲಿದ್ದಾರೆ.</p>

<ul><li>MS Dhoni: 16ನೇ ಆವೃತ್ತಿಯ ಐಪಿಎಲ್​​ ಫೈನಲ್​ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್​ ಮತ್ತು ಗುಜರಾತ್​ ಟೈಟಾನ್ಸ್​ ತಂಡಗಳು ಮುಖಾಮುಖಿಯಾಗುತ್ತಿವೆ. ಈ ಪಂದ್ಯವೇ ಎಂಎಸ್​ ಧೋನಿ ಪಾಲಿಗೆ ಕೊನೆ ಐಪಿಎಲ್​ ಪಂದ್ಯವಾಗಲಿದೆ ಎಂದು ಹೇಳಲಾಗುತ್ತಿದೆ.&nbsp;</li></ul>

CSK vs GT IPL Final: ಗುಜರಾತ್​-ಚೆನ್ನೈ ಫೈನಲ್​ ಪಂದ್ಯಕ್ಕೆ ವರುಣನ ಕಾಟ; ಮಳೆಯಿಂದ ಅಂತಿಮ ಕದನ ರದ್ದಾದರೆ, ಯಾರಿಗೆ ಚಾಂಪಿಯನ್​ ಪಟ್ಟ?

CSK vs GT IPL 2023 Final

<p>ಐಪಿಎಲ್​​-16ರ (IPL 2023) ಟೂರ್ನಿಗೆ ಇಂದೇ ಕೊನೆ ದಿನ. 16ನೇ ಆವೃತ್ತಿಗೆ ಅದ್ಧೂರಿ ಬೀಳ್ಕೊಡುಗೆ ನೀಡಲು ಬಿಸಿಸಿಐ ಸಕಲ ಸಿದ್ಧತೆ ಮಾಡಿಕೊಂಡಿದೆ. ಇಂದು (ಮೇ 28ರಂದು) ನಡೆಯುವ ಫೈನಲ್​​​ನಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್ ಮತ್ತು ಗುಜರಾತ್​ ಟೈಟಾನ್ಸ್​ ತಂಡಗಳು (Chennai Super Kings vs Gujarat Titans, Final) ನರೇಂದ್ರ ಮೋದಿ ಕ್ರಿಕೆಟ್​ ಮೈದಾನದಲ್ಲಿ (Narendra Modi Stadium Ahmedabad) ಪ್ರಶಸ್ತಿಗಾಗಿ ಕಾದಾಟ ನಡೆಸಲಿವೆ. ಆದರೆ ಈ ಪ್ರಶಸ್ತಿ ಸುತ್ತಿನ ಅಂತಿಮ ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದರೆ, ಪಂದ್ಯ ರದ್ದಾದರೆ ಮುಂದೇನು? ಈ ಪ್ರಶ್ನೆ ಎಲ್ಲರನ್ನೂ ಕಾಡುತ್ತಿದೆ.</p>

<p>ಮೇ 26ರಂದು ನಡೆದ 2ನೇ ಕ್ವಾಲಿಫೈಯರ್​ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​​ ವಿರುದ್ಧ ಗುಜರಾತ್​ ಟೈಟಾನ್ಸ್ (GT vs MI Qualifier 2)​ ಗೆಲುವು ಸಾಧಿಸಿತ್ತು. ಆ ಮೂಲಕ ಸತತ 2ನೇ ಬಾರಿಗೆ ಫೈನಲ್​ ಪ್ರವೇಶಿಸಿದೆ. ಇದರೊಂದಿಗೆ ಹಾಲಿ ಚಾಂಪಿಯನ್​ ಪಟ್ಟ ಉಳಿಸಿಕೊಳ್ಳಲು ಯೋಜನೆ ರೂಪಿಸಿದೆ. ಈ ಪಂದ್ಯವು ಅಹ್ಮದಾಬಾದ್​​ನ ನರೇಂದ್ರ ಮೋದಿ ಕ್ರಿಕೆಟ್​ ಮೈದಾನದಲ್ಲಿ ನಡೆದಿತ್ತು.</p>

<p>ನಮೋ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯಕ್ಕೂ ಮುನ್ನ ಮಳೆಯ ಕಾಟ ಎದುರಾಗಿತ್ತು. ಜೋರು ಮಳೆಯಾಗಿತ್ತು. ಈ ಕಾರಣದಿಂದ ಪಂದ್ಯ ತಡವಾಗಿ ಆರಂಭಗೊಂಡಿತು. 45 ನಿಮಿಷಗಳ ಕಾಲ ಟಾಸ್​ ವಿಳಂಭವಾಗಿತ್ತು. ರಾತ್ರಿ 7 ಗಂಟೆಗೆ ಆಗಬೇಕಿದ್ದ ಟಾಸ್​ ಅನ್ನು, 7.45ಕ್ಕೆ ಮಾಡಲಾಯಿತು. ಪಂದ್ಯವು 8 ಗಂಟೆಗೆ ಶುರುವಾಯಿತು. ಇದರ ನಡುವೆಯೂ ಪಂದ್ಯ ಓವರ್​​ಗಳನ್ನೂ ಕಡಿತಗೊಳಿಸಿರಲಿಲ್ಲ.</p>

<p>ಅಂದಹಾಗೆ ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ನಡೆಸಿದ್ದ ಗುಜರಾತ್​ 20 ಓವರ್​​ಗಳಲ್ಲಿ 3 ವಿಕೆಟ್​ ಕಳೆದುಕೊಂಡು ಬರೋಬ್ಬರಿ 233 ರನ್​ ಗಳಿಸಿತ್ತು. ಶುಭ್ಮನ್​ ಗಿಲ್​ (129) ಭರ್ಜರಿ ಶತಕ ಸಿಡಿಸಿ ತಂಡದ ಗೆಲುವಿಗೆ ಕಾರಣರಾದರು. ಈ ಗುರಿ ಬೆನ್ನತ್ತಿ ಮುಂಬೈ 18.2 ಓವರ್​ಗಳಲ್ಲಿ 171 ರನ್​​ಗಳಿಗೆ ಆಲೌಟ್​ ಆಗಿತ್ತು. ಸೂರ್ಯಕುಮಾರ್​ (61) ಅವರ ಹೋರಾಟದ ನಡುವೆಯೂ 61 ರನ್​ಗಳಿಂದ ಮುಂಬೈ ಶರಣಾಯಿತು.</p>

<h2>ಭಾನುವಾರವೂ ಮಳೆ ಆತಂಕ</h2><p>2ನೇ ಕ್ವಾಲಿಫೈಯರ್‌ ಪಂದ್ಯ ಗೆದ್ದಿರುವ ಗುಜರಾತ್‌ ತಂಡವು, ಇಂದು ಸಿಎಸ್​ಕೆ ತಂಡದ ವಿರುದ್ಧ ಫೈನಲ್​ ಪಂದ್ಯವನ್ನು ಅಹ್ಮದಾಬಾದ್​ನ ನರೇಂದ್ರ ಮೋದಿ ಮೈದಾನದಲ್ಲಿ ಸೆಣಸಾಟ ನಡೆಸಲಿದೆ. 2ನೇ ಕ್ವಾಲಿಫೈಯರ್‌ಗೆ ಅಡ್ಡಿಯಾಗಿದ್ದ ಮಳೆ, ಇಂದು ಫೈನಲ್‌ ಪಂದ್ಯಕ್ಕೂ ಕಾಟ ಕೊಡುವ ಸಾಧ್ಯತೆ ಹೆಚ್ಚಿದೆ ಎಂದು ಹವಾಮಾನ ವರದಿಯಿಂದ ತಿಳಿದು ಬಂದಿದೆ.</p>

<p>ಹಾಗಾಗಿ ಉಭಯ ತಂಡಗಳ ಆಟಗಾರರ ಜೊತೆಗೆ ಫ್ಯಾನ್ಸ್​ಗೂ ಮಳೆ ಭೀತಿ ಶುರುವಾಗಿದೆ. ಇಂದು ರಾತ್ರಿ ಅಹ್ಮದಾಬಾದ್​ನಲ್ಲಿ ಶೇ 20ರಷ್ಟು ಮಳೆಯಾಗುವ ಸಾಧ್ಯತೆ ಇದೆ. ಹವಾಮಾನ ವರದಿಯ ಪ್ರಕಾರ, ಯಾವ ಸಮಯದಲ್ಲಿ ಬೇಕಾದರೂ ವರುಣನ ಆಗಮನ ಆಗಬಹುದು ಎಂದು ವರದಿಯಾಗಿದೆ. ಕೆಲವು ವರದಿಗಳ ಪ್ರಕಾರ ಮಳೆ ಸಾಧ್ಯತೆ ಕಡಿಮೆ ಎಂದು ಹೇಳಲಾಗುತ್ತಿದೆ. ಅದಕ್ಕಾಗಿ ಮೈದಾನದ ಸಿಬ್ಬಂದಿ ಸಕಲ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ.</p>

<h2>ಮಳೆಯಿಂದ ಫೈನಲ್‌ ರದ್ದಾದರೆ ಮುಂದೇನು?</h2><p>ಲೀಗ್​ ಹಂತದಲ್ಲಿ ಪಂದ್ಯ ರದ್ದಾದರೆ ಉಭಯ ತಂಡಗಳಿಗೂ ತಲಾ 1 ಅಂಕವನ್ನು ಹಂಚಲಾಗುತ್ತದೆ. ಯಾವುದೇ ಮೀಸಲು ದಿನ ಇರುವುದಿಲ್ಲ. ಆದರೆ ಮಳೆಯಿಂದ ಫೈನಲ್​ ಪಂದ್ಯ ರದ್ದಾದರೆ ಮುಂದೇನು ಎಂಬ ಮಿಲಿಯನ್​ ಡಾಲರ್ ಪ್ರಶ್ನೆ ಎಲ್ಲರನ್ನೂ ಕಾಡುತ್ತಿದೆ. ಮತ್ತೊಂದು ಸಂಗತಿ ಏನೆಂದರೆ ಈ ಫೈನಲ್​ ಪಂದ್ಯವು ಮಳೆಯಿಂದ ರದ್ದಾದರೆ, ಯಾವುದೇ ಮೀಸಲು ದಿನ ಇಟ್ಟಿಲ್ಲ. ಆ ಬಳಿಕ ಐಪಿಎಲ್​ ನಿಯಮಗಳನ್ನು ಅನುಸರಿಸಲಾಗುತ್ತದೆ.</p>

<p>ಲೀಗ್​​ನಲ್ಲಿ 2 ತಂಡಗಳು ಕನಿಷ್ಠ ಐದು ಓವರ್‌ಗಳನ್ನು ಮುಗಿಸಿದ ಬಳಿಕ ಮಳೆ ಬಂದರೆ, ಆಗ ಡಿಎಲ್‌ಎಸ್‌ ನಿಮಯ ಮೊರೆ ಹೋಗಬೇಕಾಗುತ್ತದೆ. ಆ ಮೂಲಕ ಗೆಲುವಿನ ತಂಡವನ್ನು ನಿರ್ಧಾರ ಮಾಡಲಾಗುತ್ತದೆ. ಒಂದು ವೇಳೆ 2 ತಂಡಗಳು ಕನಿಷ್ಠ ಓವರ್‌ಗಳನ್ನು ಮುಗಿಸಿಲ್ಲವೆಂದರೆ, ಫಲಿತಾಂಶ ಇಲ್ಲದೆ ರದ್ದುಪಡಿಸಲಾಗುತ್ತದೆ. ಆಗ ಉಭಯ ತಂಡಗಳಿಗೂ ತಲಾ ಒಂದೊಂದು ಅಂಕ ನೀಡಲಾಗುತ್ತದೆ.</p>

<p>ಇದೇ ನಿಮಯಗಳು ಫೈನಲ್‌ ಪಂದ್ಯಕ್ಕೂ ಅನ್ವಯವಾಗುತ್ತದೆ. ಮಳೆ ಅಥವಾ ಹವಾಮಾನದ ಕಾರಣದಿಂದ ಫೈನಲ್‌ ಪಂದ್ಯ ರದ್ದುಗೊಂಡರೆ ಅಥವಾ ಫಲಿತಾಂಶ ಬಂದಿಲ್ಲವಾದರೆ ಟೂರ್ನಿಯ ಅಂಕಪಟ್ಟಿಯ ಆಧಾರದ ಮೇಲೆ ಚಾಂಪಿಯನ್​ ತಂಡವೆಂದು ಘೋಷಿಸಲಾಗುತ್ತದೆ. ಹಾಗೇನಾದರೂ ಮಳೆಯಿಂದ ಫೈನಲ್ ಪಂದ್ಯ ರದ್ದಾಗೊಂಡರೆ, ಪಾಯಿಂಟ್ಸ್​ ಟೇಬಲ್​​ನಲ್ಲಿ ಮೊದಲ ಸ್ಥಾನ ಪಡೆದ ಗುಜರಾತ್‌ ಟೈಟಾನ್ಸ್ ತಂಡ ಚಾಂಪಿಯನ್​ ಆಗಲಿದೆ.</p>

<h2>ಚೆನ್ನೈ ಸೂಪರ್‌ ಕಿಂಗ್ಸ್‌ ಸಂಭಾವ್ಯ ತಂಡ</h2><p>ಡೆವೋನ್ ಕಾನ್ವೇ, ಋತುರಾಜ್ ಗಾಯಕ್ವಾಡ್, ಅಜಿಂಕ್ಯ ರಹಾನೆ, ಅಂಬಟಿ ರಾಯುಡು, ಮೊಯೀನ್ ಅಲಿ, ಶಿವಂ ದುಬೆ, ರವೀಂದ್ರ ಜಡೇಜಾ, ಎಂಎಸ್ ಧೋನಿ (ನಾಯಕ &amp; ವಿಕೆಟ್​ ಕೀಪರ್), ದೀಪಕ್ ಚಹರ್, ತುಷಾರ್ ದೇಶಪಾಂಡೆ, ಮಹೇಶ್ ತೀಕ್ಷಣ.</p>

<p>ಇಂಪ್ಯಾಕ್ಟ್ ಪ್ಲೇಯರ್​; ಮತೀಷ ಪತಿರಾಣ</p>

<h2>ಗುಜರಾತ್‌ ಟೈಟನ್ಸ್ ಸಂಭಾವ್ಯ ತಂಡ</h2><p>ಶುಭಮನ್ ಗಿಲ್, ವೃದ್ಧಿಮಾನ್ ಸಹಾ (ವಿಕೆಟ್ ಕೀಪರ್), ಸಾಯಿ ಸುದರ್ಶನ್, ಹಾರ್ದಿಕ್ ಪಾಂಡ್ಯ (ನಾಯಕ), ವಿಜಯ್ ಶಂಕರ್, ಡೇವಿಡ್ ಮಿಲ್ಲರ್, ರಾಹುಲ್ ತೆವಾಟಿಯ, ಮೋಹಿತ್ ಶರ್ಮಾ, ರಶೀದ್ ಖಾನ್, ಮೊಹಮ್ಮದ್ ಶಮಿ, ನೂರ್ ಅಹ್ಮದ್.</p>

<ul><li>CSK vs GT IPL 2023 Final: ಇಂದು (ಮೇ 28ರಂದು) ನಡೆಯುವ ಐಪಿಎಲ್​ ಫೈನಲ್​ ಪಂದ್ಯದಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್ ಮತ್ತು ಗುಜರಾತ್​ ಟೈಟಾನ್ಸ್​ ತಂಡಗಳು ಪ್ರಶಸ್ತಿಗಾಗಿ ಕಾದಾಟ ನಡೆಸಲಿವೆ. ಆದರೆ ಈ ಪ್ರಶಸ್ತಿ ಸುತ್ತಿನ ಅಂತಿಮ ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದರೆ, ಪಂದ್ಯ ರದ್ದಾದರೆ ಮುಂದೇನು? ಈ ಪ್ರಶ್ನೆ ಎಲ್ಲರನ್ನೂ ಕಾಡುತ್ತಿದೆ.</li></ul>

KL Rahul in Strip Clup: ಲಂಡನ್​ನಲ್ಲಿ ಅರೆನಗ್ನ ಡ್ಯಾನ್ಸ್​ ಮಾಡುವ ಸ್ಟ್ರಿಪ್ ​​​ಕ್ಲಬ್​ಗೆ ಹೋಗಿದ್ದ ರಾಹುಲ್​​​; ಸ್ಪಷ್ಟನೆ ನೀಡಿದ ಆಥಿಯಾ

KL Rahul in Strip Clup

<p>ಮಂಡಿರಜ್ಜು ಗಾಯದಿಂದ 16ನೇ ಆವೃತ್ತಿ ಐಪಿಎಲ್ (IPL 2023)​ ಅಲ್ಲದೆ, ಐಸಿಸಿ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್ (WTC Final 2023)​ ಪಂದ್ಯದಿಂದಲೂ ಆರಂಭಿಕ ಆಟಗಾರ ಕೆಎಲ್​ ರಾಹುಲ್ (KL Rahul)​ ಹೊರ ಬಿದಿದ್ದಾರೆ. ಗಾಯಗೊಂಡ ಬೆನ್ನಲ್ಲೇ ರಾಹುಲ್​​, ಲಂಡನ್​​ನಲ್ಲಿ ಯಶಸ್ವಿ ಶಸ್ತ್ರಚಿಕಿತ್ಸೆ ಬಳಿಕ ಈಗ ವಿಶ್ರಾಂತಿ ಪಡೆಯುತ್ತಿದ್ದಾರೆ. ತದನಂತರ ಬೆಂಗಳೂರಿನ ಎನ್​ಸಿಎನಲ್ಲಿ ಪುನಃಶ್ಚೇತನ ತರಬೇತಿಗೆ ಒಳಗಾಗಲಿದ್ದಾರೆ.</p>

<h2>ಸಂಚಲನ ಮೂಡಿಸಿದ ರಾಹುಲ್​ ವಿಡಿಯೋ</h2><p>ಇದೆಲ್ಲದರ ಮಧ್ಯೆ​ ರಾಹುಲ್​ ಅವರ ವಿಡಿಯೋವೊಂದು ಸಂಚಲನ ಮೂಡಿಸಿದೆ. ಶಸ್ತ್ರಚಿಕಿತ್ಸೆಗೆಂದು ಲಂಡನ್​​ಗೆ ತೆರಳಿದ್ದ ರಾಹುಲ್ ಅಡಲ್ಟ್ ಅಥವಾ ಸ್ಟ್ರಿಪ್​ ಕ್ಲಬ್​ವೊಂದರಲ್ಲಿ (ಕಾಮ ಪ್ರಚೋದಕ ನೃತ್ಯಗಳ ರೂಪದಲ್ಲಿರುವ ಕ್ಲಬ್​) ಕಾಣಿಸಿಕೊಂಡು ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ ಎಂದು ವರದಿಯಾಗಿತ್ತು. ಈ ಬಗ್ಗೆ ಭಾರಿ ಟೀಕೆ ವ್ಯಕ್ತವಾಗುತ್ತಿದ್ದಂತೆ ರಾಹುಲ್​ ಪತ್ನಿ ಆಥಿಯಾ ಶೆಟ್ಟಿ ಇದಕ್ಕೆ ಸ್ಪಷ್ಟನೆ ನೀಡಿದ್ದಾರೆ.</p>

<p>ಲಂಡನ್​ಗೆ ಶಸ್ತ್ರಚಿಕಿತ್ಸೆಗೆ ತೆರಳಿದ್ದ ವೇಳೆ ಕೆಎಲ್​ ರಾಹುಲ್​ ಮತ್ತು ಪತ್ನಿ ಆಥಿಯಾ ಶೆಟ್ಟಿ (Athiya Shetty) ಜೊತೆಯಾಗಿ ಸ್ಟ್ರಿಪ್​ ಕ್ಲಬ್​ಗೆ (KL Rahul in Strip Clup) ಹೋಗಿದ್ದರು ಎನ್ನಲಾದ ವಿಡಿಯೋ ಭಾರಿ ವೈರಲ್​ ಆಗುತ್ತಿದೆ. ಇದಕ್ಕೂ ಮುನ್ನ ರಾಹುಲ್​ ಶಸ್ತ್ರಚಿಕಿತ್ಸೆ ಮುಗಿದ ಬೆನ್ನಲ್ಲೇ ಸೋಷಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಊರುಗೋಲಿನಿಂದಿಗೆ ರಾಹುಲ್​ ನಡೆದಾಡುವುದನ್ನು ಕಂಡು ಅಭಿಮಾನಿಗಳು ಬೇಸರಗೊಂಡಿದ್ದರು. ಇದೀಗ ರಾಹುಲ್​​ ಸ್ಟ್ರಿಪ್​ ಕ್ಲಬ್​ಗೆ ಹೋಗಿದ್ದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್​ ಆಗುತ್ತಿದೆ.</p>

<h2>ಆಥಿಯಾ ಶೆಟ್ಟಿ ಸ್ಪಷ್ಟನೆ</h2><p>ಇದೆಲ್ಲವನ್ನೂ ತಳ್ಳಿ ಹಾಕಿದ ಆಥಿಯಾ ಶೆಟ್ಟಿ ಇನ್​ಸ್ಟಾಗ್ರಾಂ ಪೋಸ್ಟ್​​ ಮೂಲಕ ಸ್ಪಷ್ಟನೆ ನೀಡಿದ್ದಾರೆ. ನಾನು ಸಾಮಾನ್ಯವಾಗಿ ಮೌನವಾಗಿರಲು ಮತ್ತು ಪ್ರತಿಕ್ರಿಯಿಸದೆ ಇರಲು ಬಯಸುತ್ತೇನೆ. ಆದರೆ ಕೆಲವೊಮ್ಮೆ ನಿಮ್ಮ ಪರವಾಗಿ ನಿಲ್ಲುವುದು ಮುಖ್ಯ. ರಾಹುಲ್, ನಾನು ಮತ್ತು ನಮ್ಮ ಸ್ನೇಹಿತರು ಸಾಮಾನ್ಯ ಸ್ಥಳಕ್ಕೆ ಹೋಗಿದ್ದೆವು. ಇಂತಹ ವಿಷಯಗಳ ಕುರಿತು ಮಾತನಾಡುವುದನ್ನು ಮೊದಲು ನಿಲ್ಲಿಸಿ. ವರದಿ ಮಾಡುವ ಮೊದಲು ಸತ್ಯಾಸತ್ಯತೆ ಪರಿಶೀಲಿಸಿ. ಶಾಂತಿ ಮತ್ತು ಪ್ರೀತಿ ಎಂದು ನಟಿ ಪೋಸ್ಟ್​ನಲ್ಲಿ ಬರೆದು ವದಂತಿಗಳಿಗೆ ತೆರೆ ಎಳೆದಿದ್ದಾರೆ.</p>

<blockquote class="twitter-tweet"><p lang="en" dir="ltr"><a href="https://twitter.com/hashtag/KLRahul?src=hash&amp;ref_src=twsrc%5Etfw">#KLRahul</a> Spotted In Strip Club In UK During His Recovery <a href="https://t.co/jMPzhraJqV">pic.twitter.com/jMPzhraJqV</a></p>&mdash; Stroke0Genius🇮🇳 (@Stroke0Genius18) <a href="https://twitter.com/Stroke0Genius18/status/1662236334432321538?ref_src=twsrc%5Etfw">May 26, 2023</a></blockquote> <script async src="https://platform.twitter.com/widgets.js" charset="utf-8"></script>

<h2>ಸ್ಟ್ರಿಪ್​​​ ಕ್ಲಬ್​ ಎಂದರೇನು?</h2><p>ಈ ವಿಡಿಯೋದಲ್ಲಿ ಕೆಎಲ್ ರಾಹುಲ್ ಅವರು ಕ್ಲಬ್​ವೊಂದರಲ್ಲಿ ಆನಂದಿಸುತ್ತಿದ್ದರು. ಆದರೆ ಇದನ್ನು ಸ್ಟ್ರಿಪ್​ ಕ್ಲಬ್​ ಎಂದು ಕೆಲವು ಮಾಧ್ಯಮಗಳು ವರದಿ ಮಾಡಿವೆ. ಹಾಗಾದರೆ ಸ್ಟ್ರಿಪ್ ಕ್ಲಬ್ ಎಂದರೇನು? ಡ್ಯಾನ್ಸರ್‌ಗಳು ಪೋಲ್ ಡ್ಯಾನ್ಸ್ ಮಾಡುವಾಗ ಒಂದೊಂದಾಗಿ ತಮ್ಮ ಬಟ್ಟೆಗಳನ್ನು ತೆಗೆಯುತ್ತಾರೆ. ಕೊನೆಗೆ ಅವರು ಬಿಕಿನಿಯಲ್ಲಿ ಮಾತ್ರ ಇರುತ್ತಾರೆ. ಲಂಡನ್‌ನಲ್ಲಿ ಇದು ತುಂಬಾ ಸಾಮಾನ್ಯವಾಗಿದೆ. ಆದರೆ, ಭಾರತದಲ್ಲಿ ಈ ರೀತಿಯ ಕ್ಲಬ್‌ಗಳಿಗೆ ಅವಕಾಶವಿಲ್ಲ. ಹಾಗಾಗಿ ಕೆಎಲ್ ರಾಹುಲ್ ಇಂತಹ ಕ್ಲಬ್‌ನಲ್ಲಿ ಕಾಣಿಸಿಕೊಂಡಿರುವುದು ಕ್ರಿಕೆಟ್​​​ ಅಭಿಮಾನಿಗಳನ್ನು ಆಶ್ಚರ್ಯಚಕಿತರನ್ನಾಗಿ ಮಾಡಿದೆ.</p>

<h2>ಐಪಿಎಲ್​ನಲ್ಲಿ ಕಳಪೆ ಪ್ರದರ್ಶನ</h2><p>ಈ ಬಾರಿಯ ಐಪಿಎಲ್​​ನಲ್ಲಿ ಕೆಎಲ್​ ರಾಹುಲ್ ನಿರೀಕ್ಷಿತ ಪ್ರದರ್ಶನ ನೀಡಲಿಲ್ಲ. ಕೆಟ್ಟ ಸ್ಟ್ರೈಕ್​ರೇಟ್​ನಿಂದ ತುಂಬಾ ಟೀಕೆಗೆ ಗುರಿಯಾದರು. ಆಡಿದ 9 ಪಂದ್ಯಗಳಲ್ಲಿ ಕೇವಲ 34.25ರ ಸರಾಸರಿಯಲ್ಲಿ 274 ರನ್​ ಗಳಿಸಿದ್ದರು. ಅದು ಕೂಡ 113.22ರ ಸ್ಟ್ರೈಕ್​ರೇಟ್​​ನಲ್ಲಿ. ಎರಡು ಅರ್ಧಶತಕ ಸಿಡಿಸಿದ್ದಾರೆ.</p>

<h2>2022ರಿಂದ ರಾಹುಲ್​ಗೆ ಕೆಟ್ಟ ಸಮಯ</h2><p>ಜನವರಿ 2022ರಲ್ಲಿ ದಕ್ಷಿಣ ಆಫ್ರಿಕಾ ಪ್ರವಾಸದ ನಂತರ ಕೆಎಲ್ ರಾಹುಲ್ ಅವರು ಕೆಟ್ಟ ದಿನಗಳನ್ನು ಎದುರಿಸುತ್ತಿದ್ದಾರೆ. ಇದಕ್ಕೂ ಮೊದಲು ಆರು ತಿಂಗಳ ಹಿಂದೆ ಸೆಪ್ಟೆಂಬರ್ 2021ರಲ್ಲಿ ಇಂಗ್ಲೆಂಡ್ ಪ್ರವಾಸದ ಸಮಯದಲ್ಲಿ ಕೆಎಲ್ ರಾಹುಲ್ ಟೆಸ್ಟ್ ತಂಡ ಸೇರಿದ ರಾಹುಲ್, ಟೆಸ್ಟ್ ತಂಡದಲ್ಲಿ ಉಪನಾಯಕತ್ವವನ್ನೂ ಪಡೆದರು. ರೋಹಿತ್​ ಅಲಭ್ಯತೆಯಲ್ಲಿ ನಾಯಕನೂ ಆದರು.</p>

<p>ಆದರೆ ಬ್ಯಾಟಿಂಗ್​ನಲ್ಲಿ ಪದೆಪದೇ ನಿರಾಸೆ ಮೂಡಿಸುತ್ತಲೇ ಬಂದಿದ್ದಾರೆ. ಸತತ ಫೇಲ್ಯೂರ್​​ನಿಂದ ಸೆಲೆಕ್ಟರ್​ಗಳ ಕೆಂಗಣ್ಣಿಗೆ ಗುರಿಯಾಗಿರುವ ರಾಹುಲ್​​ರನ್ನು​, ಅಂತಾರಾಷ್ಟ್ರೀಯ T20 ಕ್ರಿಕೆಟ್​ಗೆ ಆಯ್ಕೆ ಮಾಡಲಾಗುತ್ತಿಲ್ಲ. ಏಕದಿನ ಹೊರತುಪಡಿಸಿ, ಟೆಸ್ಟ್​ ಕ್ರಿಕೆಟ್​ನಲ್ಲೂ ತಮ್ಮದೇ ಛಾಪು ಮೂಡಿಸುತ್ತಿಲ್ಲ. ಹಾಗಾಗಿ ತನಗೆ ಹೊರಿಸಿದ್ದ ಉಪನಾಯಕತ್ವ ಜವಾಬ್ದಾರಿಯನ್ನು ವಾಪಸ್​ ತೆಗೆದುಕೊಳ್ಳಲಾಗಿದೆ. ಈಗವರ ಮುಂದಿನ ಗುರಿ ಏಕದಿನ ವಿಶ್ವಕಪ್​ ತಂಡಕ್ಕೆ ಆಯ್ಕೆಯಾಗುವುದು.</p>

<ul><li>ಶಸ್ತ್ರಚಿಕಿತ್ಸೆಗೆಂದು ಲಂಡನ್​​ಗೆ ತೆರಳಿದ್ದ ಕೆಎಲ್​ ರಾಹುಲ್ ಅಡಲ್ಟ್ ಅಥವಾ ಸ್ಟ್ರಿಪ್​ ಕ್ಲಬ್​ವೊಂದರಲ್ಲಿ (ಕಾಮಪ್ರಚೋದಕ ನೃತ್ಯಗಳ ರೂಪದಲ್ಲಿರುವ ಕ್ಲಬ್​) ಕಾಣಿಸಿಕೊಂಡು ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ ಎಂದು ವರದಿಯಾಗಿತ್ತು. ಈ ಬಗ್ಗೆ ಟೀಕೆ ವ್ಯಕ್ತವಾಗುತ್ತಿದ್ದಂತೆ ರಾಹುಲ್​ ಪತ್ನಿ ಆಥಿಯಾ ಶೆಟ್ಟಿ ಸ್ಪಷ್ಟನೆ ನೀಡಿದ್ದಾರೆ.</li></ul>

Sreesanth on Samson: ಅಷ್ಟೊಂದು ಪೊಗರು ಕೆಲಸಕ್ಕೆ ಬಾರದು; ಗವಾಸ್ಕರ್​ ಸಲಹೆ ನಿರ್ಲಕ್ಷಿಸಿದ ಸ್ಯಾಮ್ಸನ್ ವಿರುದ್ಧ ಶ್ರೀಶಾಂತ್ ವಾಗ್ದಾಳಿ

Sreesanth on Samson

<p>ಕಳೆದ ಆವೃತ್ತಿಯಲ್ಲಿ ರನ್ನರ್​ಅಪ್​ ಆಗಿದ್ದ ರಾಜಸ್ಥಾನ್ ರಾಯಲ್ಸ್ (Rajasthan Royals)​​ ಈ ಬಾರಿ ಲೀಗ್​ ಹಂತದಲ್ಲೇ ಹೊರ ಬಿತ್ತು. ಆರಂಭಿಕ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ತೋರಿದ ರಾಜಸ್ಥಾನ್​, ದ್ವಿತೀಯಾರ್ಧದಲ್ಲಿ ಅದ್ಭುತ ಪ್ರದರ್ಶನ ನೀಡಲು ವಿಫಲವಾಯಿತು. 14 ಪಂದ್ಯಗಳಲ್ಲಿ 7ರಲ್ಲಿ ಗೆದ್ದು, 7ರಲ್ಲಿ ಸೋಲು ಕಂಡಿತು. 14 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ 5ನೇ ಸ್ಥಾನಕ್ಕೆ ಅಭಿಯಾನ ಮುಗಿಸಿತು.</p>

<p>ಈ ಆವೃತ್ತಿಯಲ್ಲಿ ರಾಜಸ್ಥಾನ್ ಪರ ಬ್ಯಾಟಿಂಗ್​​ನಲ್ಲಿ ಯಶಸ್ವಿ ಜೈಸ್ವಾಲ್ (Yashasvi Jaiswal)​, ಬೌಲಿಂಗ್​ನಲ್ಲಿ ಯುಜುವೇಂದ್ರ ಚಹಲ್ (Yuzvendra Chahal)​ ಬಿಟ್ಟರೆ ಉಳಿದವರಿಂದ ನಿರೀಕ್ಷಿತ ಪ್ರದರ್ಶನ ಬಂದಿಲ್ಲ. ಅದರಲ್ಲೂ ನಾಯಕ ನಾಯಕ ಸಂಜು ಸ್ಯಾಮ್ಸನ್​ (Sanju Samson) ಆಟ ತೀವ್ರ ಕಳಪೆಯಾಗಿತ್ತು. ಇದು ಕೂಡ ಸೋಲಿನ ಪ್ರಮುಖ ಕಾರಣ ಅಂದರೆ ತಪ್ಪಾಗಲ್ಲ. ಮಧ್ಯಮ ಕ್ರಮಾಂಕಕ್ಕೆ ನೆರವಾಗಲೇ ಇಲ್ಲ. ಇದು ಟೀಕೆಗೂ ಗುರಿಯಾಗಿತ್ತು.</p>

<p>16ನೇ ಆವೃತ್ತಿಯ ಐಪಿಎಲ್​​ನ ತನ್ನ ಆರಂಭಿಕ ಎರಡು ಪಂದ್ಯಗಳಲ್ಲಿ 55, 42 ರನ್​ ಗಳಿಸಿ ಪ್ರಭಾವ ಬೀರಿದ್ದ ಸಂಜು​, ಆ ಬಳಿಕ ಸತತ ಡಕೌಟ್​​ಗೆ ಬಲಿಯಾದರು. ಈ ಸೀಸನ್​​ನಲ್ಲಿ 3 ಹಾಫ್​ ಸೆಂಚುರಿ ಸಿಡಿಸಿದ ರಾಜಸ್ತಾನ್ ರಾಯಲ್ಸ್ ತಂಡದ ನಾಯಕ ಸಂಜು, ಕಳೆದ ವರ್ಷಕ್ಕಿಂತ ಉತ್ತಮ ಸರಾಸರಿಯೊಂದಿಗೆ ಅಭಿಮಾನಿಗಳನ್ನು ಮೆಚ್ಚಿಸುವಲ್ಲಿ ವಿಫಲರಾದರು. ಮಾಜಿ ಕ್ರಿಕೆಟಿಗ ಎಸ್​ ಶ್ರೀಶಾಂತ್ (S Sreesanth),​ ಸಂಜು ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.</p>

<p>ಸತತ ವಿಕೆಟ್​ ಒಪ್ಪಿಸುತ್ತಿದ್ದಾಗ ಸುನಿಲ್​ ಗವಾಸ್ಕರ್ ನೀಡಿದ್ದ ಸಲಹೆಯನ್ನು ನಿರ್ಲಕ್ಷಿಸಿದ್ದಕ್ಕಾಗಿ ಸಂಜು ಸ್ಯಾಮ್ಸನ್ ವಿರುದ್ಧ ಶ್ರೀಶಾಂತ್ ವಾಗ್ದಾಳಿ ನಡೆಸಿದ್ದಾರೆ. ಸಂಜು ಸ್ಯಾಮ್ಸನ್​ರನ್ನು ನಾನು ತುಂಬಾ ಬೆಂಬಲಿಸುತ್ತೇನೆ. ಏಕೆಂದರೆ ನನ್ನ ನಾಯಕತ್ವದಲ್ಲಿ ಅಂಡರ್​-14 ತಂಡದಲ್ಲಿ ಸಂಜು ಆಡಿದ್ದರು. ಕಳೆದ ನಾಲ್ಕೈದು ವರ್ಷಗಳಿಂದ ಕ್ರಿಕೆಟಿಗನಾಗಿ ಸಂಜು ಆಟವನ್ನು ನೋಡುತ್ತಿದ್ದೇನೆ ಎಂದಿದ್ದಾರೆ.</p>

<p>ಐಪಿಎಲ್‌ನಲ್ಲಿ ಆಡಿದರೆ ಸಾಕಾಗುವುದಿಲ್ಲ, ದೇಶೀಯ ಟೂರ್ನಿಗಳು ಮತ್ತು ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿಯೂ ಚೆನ್ನಾಗಿ ಆಡಬೇಕು ಎಂದು ನಾನು ಹೇಳುತ್ತಿದ್ದೇನೆ. ಸ್ಥಿರ ಪ್ರದರ್ಶನ ನೀಡಿದ್ದರೆ ಇಷ್ಟೊತ್ತಿಗೆ ಟೀಮ್​ ಇಂಡಿಯಾದ ಪ್ರಮುಖ ಆಟಗಾರನಾಗುತ್ತಿದ್ದ. ಸಿಕ್ಕ ಅವಕಾಶಗಳನ್ನು ಪದೆಪದೇ ಕೈಚೆಲ್ಲುತ್ತಿರುವುದೇ ತಂಡದಲ್ಲಿ ಸ್ಥಾನ ಪಡೆಯದಿರಲು ಕಾರಣವಾಗುತ್ತಿದೆ ಎಂದು ಹೇಳಿದ್ದಾರೆ.</p>

<p>ಸದ್ಯ ಟೀಮ್​ ಇಂಡಿಯಾದಲ್ಲಿ ರಿಷಭ್​ ಪಂತ್​​ ಇಲ್ಲ. ಅವರು ಚೇತರಿಸಿಕೊಂಡು ತಂಡ ಸೇರಲು ಇನ್ನೂ ಬಹಳಷ್ಟು ಸಮಯ ಬೇಕಾಗುತ್ತದೆ. ಈ ವರ್ಷದ ಕೊನೆಯಲ್ಲಿ ಏಕದಿನ ವಿಶ್ವಕಪ್ ಬರುತ್ತಿದೆ. ವಿಕೆಟ್‌ ಕೀಪರ್ ರಿಷಭ್ ಪಂತ್ ಇನ್ನೂ ಚೇತರಿಸಿಕೊಳ್ಳುತ್ತಿರುವ ಕಾರಣ, ಸ್ಯಾಮ್ಸನ್ ಈ ವರ್ಷ ಶ್ರೇಷ್ಠ ರನ್‌ನೊಂದಿಗೆ ತನ್ನ ಸಾಮರ್ಥ್ಯ ನಿರೂಪಿಸುವ ಅವಕಾಶ ಇತ್ತು. ಆದರೆ ಅವಕಾಶವನ್ನು ಸಂಪೂರ್ಣವಾಗಿ ಬಳಸಿಕೊಳ್ಳಲಿಲ್ಲ ಎಂದು ಕಿಡಿಕಾರಿದ್ದಾರೆ.</p>

<p>ಸಂಜು ಸ್ಯಾಮ್ಸನ್ ಪಂದ್ಯವೊಂದರಲ್ಲಿ ಡಕೌಟ್​ ಆದ ನಂತರ, ಸುನಿಲ್ ಗವಾಸ್ಕರ್ ಸರ್ ಅವರಿಗೆ (ಸ್ಯಾಮ್ಸನ್​​ಗೆ) ಅಮೂಲ್ಯ ಸಲಹೆ ನೀಡಿದರು. ನೀನು ಕನಿಷ್ಠ 10 ಎಸೆತಗಳನ್ನು ಆಡು. ವಿಕೆಟ್​​ ಅನ್ನು ಅರ್ಥ ಮಾಡಿಕೊಳ್ಳಿ. ನಿಮ್ಮಲ್ಲಿ ಸಾಕಷ್ಟು ಪ್ರತಿಭೆ ಇದೆ ಎಂಬುದು ಎಲ್ಲರಿಗೂ ಗೊತ್ತು. ಮೊದಲ 12 ಎಸೆತಗಳಲ್ಲಿ ಯಾವುದೇ ರನ್ ಗಳಿಸದಿದ್ದರೂ ನೀವು 25 ಎಸೆತಗಳಲ್ಲಿ 50 ರನ್ ಗಳಿಸುವ ಸಾಮರ್ಥ್ಯ ಹೊಂದಿದ್ದೀರಿ. ಆದರೆ ಆತುರ ಏಕೆ ಎಂದು ಗವಾಸ್ಕರ್ ಸರ್ ಸಂಜುಗೆ ಸಲಹೆ ಕೊಟ್ಟಿದ್ದರು. ಆದರೆ ಅವರ ಸಲಹೆ ನಿರ್ಲಕ್ಷಿಸಿ ಅವರು ಹೇಳಿದ ರೀತಿ ಆಡುವುದು ನನ್ನ ಸ್ಟೈಲ್​ ಅಲ್ಲ ಎಂದು ಸಂಜು ಹೇಳಿದರು. ಆ ಮಾತುಗಳನ್ನು ಇನ್ನೂ ಅರಗಿಸಿಕೊಳ್ಳಲಾಗುತ್ತಿಲ್ಲ ಎಂದು ಸ್ಟಾರ್​ಸ್ಪೋರ್ಟ್ಸ್​​ನಲ್ಲಿ ಶ್ರೀಶಾಂತ್​ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.</p>

<p>ಕ್ರಿಕೆಟಿಗರಾಗಿ ಬೆಳೆಯಲು ಹಿರಿಯರ ಮಾತಿಗೆ ಬೆಲೆ ನೀಡಿ, ಅವರ ಸಲಹೆಯನ್ನು ದಯಪಾಲಿಸಬೇಕು. ಅವುಗಳನ್ನು ಅನುಸರಿಬೇಕಾ? ಇಲ್ಲವೇ ಎಂಬುದು ಈಗಲ್ಲ. ಕನಿಷ್ಠ ಹೇಳಿದಾಗ ಶ್ರದ್ಧೆಯಿಂದ ಕೇಳಬೇಕು. ಗೌರವಪೂರ್ವಕವಾಗಿ ಸರಿ ಎಂದು ಹೇಳಬೇಕು. ಅದನ್ನು ಬಿಟ್ಟು ಒರಟಾಗಿ ಉತ್ತರಿಸಿದ್ದು ಕೇಳಿ ನಾನು ಬೆಚ್ಚಿಬಿದ್ದೆ. ಅವರ ಮನಸ್ಥಿತಿ ಬದಲಾಗದಿದ್ದರೆ, ಯಶಸ್ಸು ಎಂದೂ ಸಿಗುವುದಿಲ್ಲ. ಪೊಗರು ಇರಬಾರದು ಎಂದು ಟೀಮ್​ ಇಂಡಿಯಾ ಮಾಜಿ ಕ್ರಿಕೆಟಿಗ ಶ್ರೀಶಾಂತ್​ ಸೂಚಿಸಿದ್ದಾರೆ.</p>

<ul><li>ಬ್ಯಾಟಿಂಗ್​ ಕುರಿತಂತೆ ದಿಗ್ಗಜ ಕ್ರಿಕೆಟಿಗ ಸುನಿಲ್​ ಗವಾಸ್ಕರ್ ನೀಡಿದ್ದ ಸಲಹೆಯನ್ನು ನಿರ್ಲಕ್ಷ್ಯಸಿದ ರಾಜಸ್ಥಾನ್​ ರಾಯಲ್ಸ್​ ತಂಡದ ನಾಯಕ ಸಂಜು ಸ್ಯಾಮ್ಸನ್​ ವಿರುದ್ಧ ಭಾರತದ ಮಾಜಿ ವೇಗಿ ಶ್ರೀಶಾಂತ್ ವಾಗ್ದಾಳಿ ನಡೆಸಿದ್ದಾರೆ.</li></ul>

Suresh Raina: ಪ್ರಸಕ್ತ ಐಪಿಎಲ್​ನ ಬಲಿಷ್ಠ ತಂಡ ಕಟ್ಟಿದ ಸುರೇಶ್​ ರೈನಾ; ಧೋನಿಗೇ ಇಲ್ಲ ಈ ಟೀಮ್​ನಲ್ಲಿ ಸ್ಥಾನ

Suresh Raina Picks Best IPL 2023 XI

Cricket News Suresh Raina makes Best IPL 2023 XI but ignore MS Dhoni Hardik pandya lead the Team prs 

<ul><li>ಐಪಿಎಲ್ 2023ರ ಸೀಸನ್ ಕ್ಲೈಮ್ಯಾಕ್ಸ್ ಹಂತಕ್ಕೆ ತಲುಪಿದೆ. ಚೆನ್ನೈ ಸೂಪರ್ ಕಿಂಗ್ಸ್-ಗುಜರಾತ್ ಟೈಟಾನ್ಸ್ ಫೈನಲ್​ನಲ್ಲಿ ಮುಖಾಮುಖಿ ಆಗುತ್ತಿವೆ. ಅಂತಿಮ ಪಂದ್ಯಕ್ಕೂ ಮುನ್ನ ಸುರೇಶ್ ರೈನಾ, 2023ರ ಐಪಿಎಲ್​ನ ಅತ್ಯುತ್ತಮ ತಂಡವನ್ನು ಆಯ್ಕೆ ಮಾಡಿದ್ದಾರೆ.</li></ul>

GT vs MI Qualifier 2: ಸತತ 2ನೇ ಬಾರಿಗೆ ಫೈನಲ್​ ಪ್ರವೇಶಿಸಿದ ಗುಜರಾತ್​ ಟೈಟಾನ್ಸ್; ಕಳಪೆ ಪ್ರದರ್ಶನಕ್ಕೆ ಬೆಲೆತೆತ್ತ ಮುಂಬೈ ಇಂಡಿಯನ್ಸ್

GT vs MI Qualifier 2 

<p>ಗುಜರಾತ್​ ಟೈಟಾನ್ಸ್​ ಸತತ ಎರಡನೇ ಬಾರಿಗೆ ಫೈನಲ್​ ಪ್ರವೇಶಿಸಿತು. ಐಪಿಎಲ್​ನ 2ನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ತಂಡವನ್ನು ಮಣಿಸಿ ಐತಿಹಾಸಿಕ ದಾಖಲೆ ಬರೆದಿದೆ. ಇದರೊಂದಿಗೆ 16ನೇ ಆವೃತ್ತಿಯ ಕಲರ್​ಫುಲ್​ ಲೀಗ್​​ನಲ್ಲೂ ಪ್ರಶಸ್ತಿ ಸುತ್ತಿಗೇರಿದ್ದು, ಮೇ 28ರಂದು ನಡೆಯುವ ಫೈನಲ್​ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಎದುರು ಪ್ರಶಸ್ತಿಗಾಗಿ ಕಾದಾಡಲಿದೆ. ಗುಜರಾತ್​ ತಂಡವು ಆಲ್​ರೌಂಡ್​ ನಿರ್ವಹಣೆಯ ಕಾರಣ ಮಹತ್ವದ ಪಂದ್ಯದಲ್ಲಿ ಮುಂಬೈ ಮಕಾಡೆ ಮಲಗಿತು. 6ನೇ ಟ್ರೋಫಿಯ ಕನಸಿನಲ್ಲಿದ್ದ ರೋಹಿತ್​ ಪಡೆಗೆ ಹಾರ್ದಿಕ್​ ಪಡೆ ಶಾಕ್​ ನೀಡಿತು.</p>

<p>ಅಹ್ಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಟಾಸ್​ ಮೊದಲು ಬ್ಯಾಟಿಂಗ್​ ನಡೆಸಿದ ಗುಜರಾತ್​ ಟೈಟಾನ್ಸ್​ ಬೃಹತ್​ ಮೊತ್ತ ಕಲೆ ಹಾಕಿತು. ಆರಂಭಿಕ ಆಟಗಾರ ಶುಭ್ಮನ್ ಗಿಲ್​ ಅವರ (129) ಸ್ಪೋಟಕ ಶತಕದ ನೆರವಿನಿಂದ ಬರೋಬ್ಬರಿ 234 ರನ್​ ಪೇರಿಸಿತು. ಈ ದೊಡ್ಡ ಮೊತ್ತವನ್ನು ಹಿಂಬಾಲಿಸಿದ ಮುಂಬೈ ಬ್ಯಾಟಿಂಗ್​​ನಲ್ಲೂ ವೈಫಲ್ಯ ಅನುಭವಿಸಿತು. ಸೂರ್ಯಕುಮಾರ್ (61) ಹೊರತುಪಡಿಸಿ ಉಳಿದ ಬ್ಯಾಟರ್​ಗಳು ತಂಡಕ್ಕೆ ಕೊಡುಗೆ ನೀಡುವಲ್ಲಿ ವಿಫಲರಾದರು. ಪರಿಣಾಮ 20 ಓವರ್​ಗಳಲ್ಲಿ 171 ರನ್​ ಗಳಿಸಿ ಆಲೌಟ್​ ಆಯಿತು. ಇದರೊಂದಿಗೆ ಎದುರಾಳಿ ಗುಜರಾತ್​ 62 ರನ್​ಗಳಿಂದ ಗೆದ್ದು ಬೀಗಿತು.</p>

<h2>ದಾಖಲೆ ಬರೆದ ಗುಜರಾತ್​</h2><p>2ನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಗೆಲುವು ಸಾಧಿಸಿದ ಗುಜರಾತ್, ಸತತ 2ನೇ ಬಾರಿಗೆ ಫೈನಲ್​ ಪ್ರವೇಶಿಸಿತು. ಆ ಮೂಲಕ ಈ ಸಾಧನೆ ಮಾಡಿದ 3ನೇ ತಂಡ ಎನಿಸಿತು. ಚೆನ್ನೈ ಸೂಪರ್ ಕಿಂಗ್ಸ್​, ಮುಂಬೈ ಇಂಡಿಯನ್ಸ್​ ತಂಡಗಳು ತಂಡಗಳು ಹೊರತುಪಡಿಸಿದರೆ, ಬೇರೆ ಯಾವ ತಂಡಗಳು ಈ ಸಾಧನೆ ಮಾಡಿಲ್ಲ. ಗುಜರಾತ್ ಇದೇ ಮೊದಲ ಬಾರಿಗೆ ಕ್ವಾಲಿಫೈಯರ್​​-2 ಆಡಿದ್ದು, ಈಗ ಗೆದ್ದು ಫೈನಲ್​ ಪ್ರವೇಶಿಸಿದೆ. ಕಳೆದ ಬಾರಿಯೂ ಚಾಂಪಿಯನ್​ ಆಗಿತ್ತು. ಫೈನಲ್​ನಲ್ಲಿ ರಾಜಸ್ಥಾನ್​ ರಾಯಲ್ಸ್ ವಿರುದ್ಧ ಗೆದ್ದಿತ್ತು. ಇನ್ನು ನಾಯಕ ಹಾರ್ದಿಕ್​ ಪಾಂಡ್ಯ ಒಟ್ಟಾರೆ 6ನೇ ಬಾರಿಗೆ ಐಪಿಎಲ್​ ಫೈನಲ್​ಗೆ ಪ್ರವೇಶ ಪಡೆದಿದ್ದಾರೆ.</p>

<h2>ಫೈನಲ್​ನಲ್ಲಿ ಸಿಎಸ್​ಕೆ ಎದುರಾಳಿ</h2><p>ಮೊದಲ ಕ್ವಾಲಿಫೈಯರ್​ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್​ ತಂಡವನ್ನು ಚೆನ್ನೈ ಸೂಪರ್​ ಕಿಂಗ್ಸ್​ ಮಣಿಸಿತ್ತು. ಪರಿಣಾಮ ಸಿಎಸ್​ಕೆ ನೇರವಾಗಿ ಫೈನಲ್​ಗೆ ಅರ್ಹತೆ ಪಡೆದುಕೊಂಡಿತ್ತು. ಮೇ 28ರಂದು ಇದೇ ಮೈದಾನದಲ್ಲಿ ಧೋನಿ ಪಡೆಯ ವಿರುದ್ಧ ಪ್ರಶಸ್ತಿಗಾಗಿ ಗುಜರಾತ್​ ಸೆಣಸಾಟ ನಡೆಸಲಿದೆ.</p>

<h2>ಕ್ವಾಲಿಫೈಯರ್​​ನಲ್ಲಿ ಮುಂಬೈಗೆ ಮತ್ತೊಂದು ಸೋಲು</h2><p>2ನೇ ಕ್ವಾಲಿಫೈಯರ್​​ನಲ್ಲಿ ಗುಜರಾತ್​ ವಿರುದ್ಧ ಸೋಲುವ ಮೂಲಕ ಮತ್ತೊಮ್ಮೆ 2ನೇ ಕ್ವಾಲಿಫೈಯರ್​ನಲ್ಲಿ ಎಡವಿದೆ. 7ನೇ ಬಾರಿಗೆ ಫೈನಲ್​ ಪ್ರವೇಶಿಸುವ ಕನಸಿನಲ್ಲಿದ್ದ ಮುಂಬೈ ಶಾಕ್​ ನೀಡಿತು. 2010ರಲ್ಲಿ ರನ್ನರ್​ ಅಪ್​ ಆಗಿದ್ದ ಮುಂಬೈ, 2012, 2015, 2017, 2019, 2020ರಲ್ಲಿ ಚಾಂಪಿಯನ್​ ಆಗಿ ಹೊರಹೊಮ್ಮಿತ್ತು. ಮುಂಬೈ 4 ಬಾರಿ ಎರಡನೇ ಕ್ವಾಲಿಫೈಯರ್​ ಪಂದ್ಯಗಳನ್ನಾಡಿದ್ದು, ಎರಡಲ್ಲಿ ಗೆದ್ದು, ಎರಡರಲ್ಲಿ ಸೋಲು ಕಂಡಿದೆ. ಕಳೆದ ಆವೃತ್ತಿಯ ಐಪಿಎಲ್​ನಲ್ಲಿ ಲೀಗ್​ ಹಂತದಿಂದಲೇ ಹೊರ ಬಿದ್ದಿತ್ತು.</p>

<h2>ಸಿಎಸ್​ಕೆ - ಗುಜರಾತ್​ 3ನೇ ಬಾರಿ ಮುಖಾಮುಖಿ</h2><p>ಚೆನ್ನೈ ಸೂಪರ್ ಕಿಂಗ್ಸ್​ ಮತ್ತು ಗುಜರಾತ್ ತಂಡಗಳು ಇದೇ ಆವೃತ್ತಿಯಲ್ಲಿ ಮತ್ತೊಮ್ಮೆ ಮುಖಾಮುಖಿಯಾಗುತ್ತಿವೆ. ಈ ಸೀಸನ್​​ನ ಉದ್ಘಾಟನಾ ಪಂದ್ಯದಲ್ಲಿ ಮುಖಾಮುಖಿಯಾಗಿದ್ದ ಉಭಯ ತಂಡಗಳು ನಂತರ ಮೊದಲ ಕ್ವಾಲಿಫೈಯರ್​ನಲ್ಲಿ ಸೆಣಸಾಟ ನಡೆಸಿದ್ದವು. ಮೊದಲ ಮುಖಾಮುಖಿಯಲ್ಲಿ ಸೋತಿದ್ದ ಚೆನ್ನೈ, ಕ್ವಾಲಿಫೈಯರ್​ನಲ್ಲಿ ಗೆದ್ದು ಫೈನಲ್​ಗೆ ಪ್ರವೇಶಿಸಿತ್ತು. ಒಟ್ಟು 4 ಬಾರಿ ಉಭಯ ತಂಡಗಳು ಮುಖಾಮುಖಿಯಾಗಿದ್ದು, ಗುಜರಾತ್​ 3 ಬಾರಿ ಜಯಿಸಿದೆ.</p>

<h2>ಶುಭ್​ಮನ್​ ಗಿಲ್​ ದಾಖಲೆಯ ಸೆಂಚುರಿ</h2><p>ಮುಂಬೈ ಬೌಲರ್​ಗಳಿಗೆ ಬೆಂಡೆತ್ತಿದ ಪಂಜಾಜ್​ ಪುತ್ತರ್​​, 16ನೇ ಆವೃತ್ತಿಯ ಐಪಿಎಲ್​ನ ಮಹತ್ವದ ಪಂದ್ಯದಲ್ಲಿ ಮತ್ತೊಂದು ಶತಕ ಸಿಡಿಸಿದರು. ಇದು ಈ ಐಪಿಎಲ್​​ನಲ್ಲಿ ಗಿಲ್​ ಬಾರಿಸಿದ 3ನೇ ಶತಕವಾಗಿದೆ. ಪ್ರಸಕ್ತ ಆವೃತ್ತಿಯಲ್ಲಿ 2 ಶತಕ ಸಿಡಿಸಿದ್ದ ವಿರಾಟ್​ ಕೊಹ್ಲಿ ದಾಖಲೆ ಮುರಿದಿದ್ದಾರೆ. ಇದರೊಂದಿಗೆ ಆರೆಂಜ್​ ಕ್ಯಾಪ್​ ಅನ್ನೂ ತನ್ನದಾಗಿಸಿಕೊಂಡಿದ್ದಾರೆ. ಸದ್ಯ ಗಿಲ್​ 16 ಪಂದ್ಯಗಳಲ್ಲಿ 61ರ ಸರಾಸರಿಯಲ್ಲಿ 851 ರನ್​ ಗಳಿಸಿದ್ದಾರೆ.</p>

<ul><li>16ನೇ ಆವೃತ್ತಿಯ ಐಪಿಎಲ್​ನಲ್ಲೂ ಗುಜರಾತ್​ ಟೈಟಾನ್ಸ್​​ ಫೈನಲ್​ ಪ್ರವೇಶಿಸಿದೆ. 2ನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ತಂಡವನ್ನು ಮಣಿಸಿದ ಹಾರ್ದಿಕ್​ ಪಡೆ, ಫೈನಲ್​ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್​ ತಂಡವನ್ನು ಎದುರಿಸಲಿದೆ. ಆ ಮೂಲಕ ಹಾಲಿ ಚಾಂಪಿಯನ್​ ಪಟ್ಟ ಉಳಿಸಿಕೊಳ್ಳಲು ಮುಂದಾಗಿದೆ.</li></ul>

Prasanna Kumar P N

Wrestlers Arrest: ಹೊಸ ಸಂಸತ್ ಭವನದ ಎದುರು ಪ್ರತಿಭಟನೆಗೆ ಯತ್ನ; ಬಂಧಿಸಲು ಎಳೆದಾಡಿದ ಪೊಲೀಸರು, ಒಬ್ಬರನ್ನೊಬ್ರು ಅಪ್ಪಿಕೊಂಡ ಕುಸ್ತಿಪಟುಗಳು

Kapil Dev on Gill: ಸಚಿನ್ಗಿಂತಲೂ ಕಾಂಬ್ಳಿಗೇ ದೊಡ್ಡ ಹೆಸರು ಸಿಕ್ಕಿತ್ತು; ಕೊನೆಗೆ ಆಗಿದ್ದೇ ಬೇರೆ; ಶುಭ್ಮನ್ಗೆ ಎಚ್ಚರಿಸಿದ ಕಪಿಲ್ ದೇವ್

Prithvi-Nidhi: ಐಪಿಎಲ್ ಬಳಿಕ ತನ್ನ ಗೆಳತಿ ಜೊತೆ ಪೃಥ್ವಿ ಶಾ ಸುತ್ತಾಟ; ಭವಿಷ್ಯದ ಸಚಿನ್ ಈಗ ಕಾಂಬ್ಳಿಯಾದ ಎನ್ನುತ್ತಿದ್ದಾರೆ ನೆಟ್ಟಿಗರು

MS Dhoni: ದಾಖಲೆಯ 250ನೇ ಪಂದ್ಯಕ್ಕೆ ಎಂಎಸ್ ಧೋನಿ ಸಜ್ಜು; ಐಪಿಎಲ್ಗೆ ಇವತ್ತೇ ಗುಡ್ಬೈ ಹೇಳಲು ನಿರ್ಧರಿಸಿದ್ರಾ ಸಿಎಸ್ಕೆ ಕ್ಯಾಪ್ಟನ್?

CSK vs GT IPL Final: ಗುಜರಾತ್-ಚೆನ್ನೈ ಫೈನಲ್ ಪಂದ್ಯಕ್ಕೆ ವರುಣನ ಕಾಟ; ಮಳೆಯಿಂದ ಅಂತಿಮ ಕದನ ರದ್ದಾದರೆ, ಯಾರಿಗೆ ಚಾಂಪಿಯನ್ ಪಟ್ಟ?

KL Rahul in Strip Clup: ಲಂಡನ್ನಲ್ಲಿ ಅರೆನಗ್ನ ಡ್ಯಾನ್ಸ್ ಮಾಡುವ ಸ್ಟ್ರಿಪ್ ಕ್ಲಬ್ಗೆ ಹೋಗಿದ್ದ ರಾಹುಲ್; ಸ್ಪಷ್ಟನೆ ನೀಡಿದ ಆಥಿಯಾ

Sreesanth on Samson: ಅಷ್ಟೊಂದು ಪೊಗರು ಕೆಲಸಕ್ಕೆ ಬಾರದು; ಗವಾಸ್ಕರ್ ಸಲಹೆ ನಿರ್ಲಕ್ಷಿಸಿದ ಸ್ಯಾಮ್ಸನ್ ವಿರುದ್ಧ ಶ್ರೀಶಾಂತ್ ವಾಗ್ದಾಳಿ

Suresh Raina: ಪ್ರಸಕ್ತ ಐಪಿಎಲ್ನ ಬಲಿಷ್ಠ ತಂಡ ಕಟ್ಟಿದ ಸುರೇಶ್ ರೈನಾ; ಧೋನಿಗೇ ಇಲ್ಲ ಈ ಟೀಮ್ನಲ್ಲಿ ಸ್ಥಾನ

GT vs MI Qualifier 2: ಸತತ 2ನೇ ಬಾರಿಗೆ ಫೈನಲ್ ಪ್ರವೇಶಿಸಿದ ಗುಜರಾತ್ ಟೈಟಾನ್ಸ್; ಕಳಪೆ ಪ್ರದರ್ಶನಕ್ಕೆ ಬೆಲೆತೆತ್ತ ಮುಂಬೈ ಇಂಡಿಯನ್ಸ್