ಬಿಸಿಸಿಐ ಪ್ರಸ್ತಾಪಕ್ಕೆ ಒಪ್ಪಿಗೆ; ಟೀಮ್‌ ಇಂಡಿಯಾ ಮುಖ್ಯ ಕೋಚ್‌ ಆಗಿ ರಾಹುಲ್ ದ್ರಾವಿಡ್ ಮುಂದುವರಿಕೆ

India's head coach Rahul Dravid

paragraph

<p>ಭಾರತ ಕ್ರಿಕೆಟ್‌ ತಂಡದ ಮುಖ್ಯ ಕೋಚ್ ಆಗಿ ರಾಹುಲ್ ದ್ರಾವಿಡ್‌ (Rahul Dravid) ಮುಂದುವರಿಯಲಿದ್ದಾರೆ. ಕೋಚಿಂಗ್‌ ಅವಧಿಯನ್ನು ವಿಸ್ತರಿಸುವ ಬಿಸಿಸಿಐ ಪ್ರಸ್ತಾಪವನ್ನು ಒಪ್ಪಿಕೊಂಡಿರುವ ದ್ರಾವಿಡ್‌, ಮೂರೂ ಮಾದರಿಯ ಕ್ರಿಕೆಟ್‌ಗೆ ತರಬೇತುದಾರರಾಗಿ ಉಳಿಯಲಿದ್ದಾರೆ.</p>

<p>ಸದ್ಯ ವಿಸ್ತರಣೆಯ ಅವಧಿ ಕುರಿತು ಇನ್ನೂ ಸ್ಪಷ್ಟವಾಗಿಲ್ಲ. ಆದರೆ, ಕನಿಷ್ಠ 2024ರ ಜೂನ್‌ನಲ್ಲಿ ನಡೆಯುವ ಟಿ20 ವಿಶ್ವಕಪ್‌ವರೆಗೆ ದ್ರಾವಿಡ್‌ ಅವರೇ ಮುಖ್ಯ ತರಬೇತುದಾರರಾಗಿ ಮುಂದುವರೆಯುವ ಸಾಧ್ಯತೆ ಇದೆ. ಈ ಕುರಿತು ಖುದ್ದು ಬಿಸಿಸಿಐ ಪ್ರಕಟಣೆ ಹೊರಡಿಸಿದೆ.</p>

<blockquote class="twitter-tweet"><p lang="en" dir="ltr">NEWS 🚨 -BCCI announces extension of contracts for Head Coach and Support Staff, Team India (Senior Men)<br><br>More details here - <a href="https://t.co/rtLoyCIEmi">https://t.co/rtLoyCIEmi</a> <a href="https://twitter.com/hashtag/TeamIndia?src=hash&amp;ref_src=twsrc%5Etfw">#TeamIndia</a></p>&mdash; BCCI (@BCCI) <a href="https://twitter.com/BCCI/status/1729772852096700887?ref_src=twsrc%5Etfw">November 29, 2023</a></blockquote> <script async src="https://platform.twitter.com/widgets.js" charset="utf-8"></script>

<p>“ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಮತ್ತು ಟೀಮ್ ಇಂಡಿಯಾದ ಇತರ ಸಿಬ್ಬಂದಿ ಜೊತೆಗಿನ ಒಪ್ಪಂದವನ್ನು ವಿಸ್ತರಿಸಿದೆ. ಇತ್ತೀಚೆಗೆ ಮುಕ್ತಾಯಗೊಂಡ ಐಸಿಸಿ ಏಕದಿನ ವಿಶ್ವಕಪ್ 2023ರ ನಂತರ ಅವರ ಒಪ್ಪಂದದ ಅವಧಿಯು ಅಂತ್ಯಗೊಂಡಿತ್ತು. ಆ ಬಳಿಕ ರಾಹುಲ್ ದ್ರಾವಿಡ್ ಅವರೊಂದಿಗೆ ನಡೆದ ಚರ್ಚೆಯ ಬಳಿಕ, ಅಧಿಕಾರಾವಧಿಯನ್ನು ಮುಂದುವರಿಸಲು ಸರ್ವಾನುಮತದಿಂದ ಒಪ್ಪಲಾಗಿದೆ” ಎಂದು ಬಿಸಿಸಿಐ ಮಾಧ್ಯಮ ಪ್ರಕಟಣೆ ಹೊರಡಿಸಿದೆ.</p>

<p>(ಸುದ್ದಿ ಅಪ್ಡೇಟ್‌ ಆಗಲಿದೆ)</p>

ಬ್ಯಾಟ್‌ನಲ್ಲಿ ಪ್ಯಾಲೆಸ್ತೀನ್ ಧ್ವಜ ಪ್ರದರ್ಶನ; ಅಜಾಮ್‌ಗೆ ವಿಧಿಸಿದ್ದ ದಂಡ ಮನ್ನಾ ಮಾಡಿದ ಪಿಸಿಬಿ

Azam Khan

<ul><li>Azam Khan: ಬ್ಯಾಟ್‌ನಲ್ಲಿ ಪ್ಯಾಲೆಸ್ತೀನ್ ಧ್ವಜ ಪ್ರದರ್ಶಿಸಿದ್ದಕ್ಕಾಗಿ ಅಜಾಮ್‌ ಖಾನ್‌ಗೆ ವಿಧಿಸಿದ್ದ ಶೇಕಡಾ 50ರಷ್ಟು ಪಂದ್ಯ ಶುಲ್ಕವನ್ನು ಪಾಕ್‌ ಕ್ರಿಕೆಟ್‌ ಮಂಡಳಿಯು ಸಂಪೂರ್ಣವಾಗಿ ಮನ್ನಾ ಮಾಡಿದೆ.</li></ul>

ಶತಕದೊಂದಿಗೆ ಹಲವು ದಾಖಲೆ ಬರೆದ ಗಾಯಕ್ವಾಡ್;‌ ಆಸೀಸ್‌ ವಿರುದ್ಧ ಈ ಸಾಧನೆ ಮಾಡಿದ ಮೊದಲ ಭಾರತೀಯ

Ruturaj Gaikwad

<ul><li>Ruturaj Gaikwad Records: ಆಸ್ಟ್ರೇಲಿಯಾ ವಿರುದ್ಧದ 3ನೇ ಟಿ20 ಪಂದ್ಯದಲ್ಲಿ ರುತುರಾಜ್ ಗಾಯಕ್ವಾಡ್ ಹಲವು ದಾಖಲೆಗಳನ್ನು ಮುರಿದರು.</li></ul>

ಆಸೀಸ್ ವಿರುದ್ಧದ ಟಿ20 ಸರಣಿಗೆ ಸಿಎಸ್‌ಕೆ ವೇಗಿ ಸೇರ್ಪಡೆ; 1 ವರ್ಷದ ಬಳಿಕ ತಂಡ ಸೇರಿದ ದೀಪಕ್ ಚಹಾರ್

Deepak Chahar

<ul><li>Deepak Chahar: ಸಿಎಸ್‌ಕೆ ವೇಗಿ ದೀಪಕ್‌ ಚಹಾರ್‌ ಬರೋಬ್ಬರಿ ಒಂದು &nbsp;ವರ್ಷದ ಬಳಿಕ ಭಾರತ ತಂಡಕ್ಕೆ ಆಯ್ಕೆಯಾಗಿದ್ದಾರೆ. ಆಸೀಸ್‌ ವಿರುದ್ಧದ ಮುಂದಿನ ಎರಡು ಟಿ20 ಪಂದ್ಯಗಳಲ್ಲಿ ಅವರು ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.</li></ul>

ಸ್ಫೋಟಕ ಶತಕದೊಂದಿಗೆ ಭಾರತದ ಗೆಲುವು ಕಸಿದ ಮ್ಯಾಕ್ಸ್‌ವೆಲ್;‌ ಕೊನೆಯ ಎಸೆತದಲ್ಲಿ ಗೆದ್ದು ಬೀಗಿದ ಆಸ್ಟ್ರೇಲಿಯಾ

Glenn Maxwell

<ul><li>India vs Australia 3rd T20I: &nbsp;ಗುವಾಹಟಿಯಲ್ಲಿ ನಡೆದ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ 3ನೇ ಟಿ20 ಪಂದ್ಯದಲ್ಲಿ ಆಸ್ಟ್ರೇಲಿಯಾ ರೋಚಕ ಜಯ ಸಾಧಿಸಿದೆ. ಆ ಮೂಲಕ ಸರಣಿಯಲ್ಲಿ ಜೀವಂತವಾಗಿ ಉಳಿದಿದೆ.</li></ul>

<ul><li>Rahul Dravid: ಕೋಚಿಂಗ್‌ ಅವಧಿಯನ್ನು ವಿಸ್ತರಿಸುವ ಬಿಸಿಸಿಐ ಪ್ರಸ್ತಾಪವನ್ನು ಒಪ್ಪಿಕೊಂಡಿರುವ ದ್ರಾವಿಡ್‌, ಮೂರೂ ಮಾದರಿಯ ಕ್ರಿಕೆಟ್‌ಗೆ ಭಾರತ ತಂಡದ ಮುಖ್ಯ ತರಬೇತುದಾರರಾಗಿ ಮುಂದುವರೆಯಲಿದ್ದಾರೆ.</li></ul>

<p>ಪಾಕಿಸ್ತಾನದಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ಟಿ20 ಚಾಂಪಿಯನ್‌ಶಿಪ್‌ ವೇಳೆ ಬ್ಯಾಟ್‌ನಲ್ಲಿ ಪ್ಯಾಲೆಸ್ತೀನ್ ಧ್ವಜ (Palestine flag) ಪ್ರದರ್ಶಿಸಿದ್ದಕ್ಕಾಗಿ ಅಜಾಮ್ ಖಾನ್‌ಗೆ (Azam Khan) ವಿಧಿಸಿದ್ದ‌ ದಂಡವನ್ನು ಪಿಸಿಬಿ ಮನ್ನಾ ಮಾಡಿದೆ. ವಿವಾದಾತ್ಮಕವಾಗಿ ಪ್ಯಾಲೆಸ್ತೀನ್ ಧ್ವಜವನ್ನು ಬ್ಯಾಟ್‌ನಲ್ಲಿ ಅಂಟಿಸಿದ್ದ ಅಜಾಮ್‌ಗೆ 50 ಶೇಕಡಾ ಪಂದ್ಯ ಶುಲ್ಕವನ್ನು ದಂಡವಾಗಿ ವಿಧಿಸಲಾಗಿತ್ತು. ಆದರೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯು ಅದನ್ನು ಸಂಪೂರ್ಣವಾಗಿ ಮನ್ನಾ ಮಾಡಿದೆ.</p>

<p>ಪಾಕಿಸ್ತಾನದ ಮಾಜಿ ನಾಯಕ ಮೊಯಿನ್ ಖಾನ್ ಅವರ ಪುತ್ರ ಅಜಾಮ್ ಖಾನ್‌, ಪಂದ್ಯದ ವೇಳೆ ತಮ್ಮ ಬ್ಯಾಟ್‌ನಲ್ಲಿ‌ ಪ್ಯಾಲೆಸ್ತೀನ್ ಧ್ವಜದ ಸ್ಟಿಕ್ಕರ್ ಅಂಟಿಸಿದ್ದರು. ಅಲ್ಲದೆ ಅದನ್ನು ತೆಗೆಯಲು ನಿರಾಕರಿಸಿದ್ದರು. ಹೀಗಾಗಿ ಪಿಸಿಬಿ ಮ್ಯಾಚ್ ರೆಫರಿ, ಅಜಾಮ್ ಖಾನ್‌ ಪಂದ್ಯದ ಶುಲ್ಕದ ಶೇಕಡಾ 50ರಷ್ಟು ದಂಡ ವಿಧಿಸಿದ್ದರು.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/cricket/zimbabwe-all-rounder-sikandar-raza-equals-virat-kohli-record-of-2023-after-hat-trick-vs-rwanda-world-cup-qualifiers-jra-181701158701861.html" rel="dofollow">ವಿರಾಟ್ ಕೊಹ್ಲಿ ದಾಖಲೆ ಸರಿಗಟ್ಟಿದ ಸಿಕಂದರ್ ರಝಾ; ವಿಶ್ವಕಪ್ ಅರ್ಹತಾ ಪಂದ್ಯದಲ್ಲಿ ಹ್ಯಾಟ್ರಿಕ್‌ ಸಾಧನೆ</a></h2><p>ಪಂದ್ಯದ ವೇಳೆ ಅಂಪೈರ್‌ನ ಸೂಚನೆ ಅಥವಾ ನಿರ್ದೇಶನವನ್ನು ಅನುಸರಿಸದ ಕಾರಣದಿಂದ ವಿಕೆಟ್‌ ಕೀಪರ್ ಹಾಗೂ ಬ್ಯಾಟರ್, ಪಿಸಿಬಿ ನೀತಿ ಸಂಹಿತೆಯ ಆರ್ಟಿಕಲ್ 2.4 ಅನ್ನು ಉಲ್ಲಂಘಿಸಿರುವುದು ಸ್ಪಷ್ಟವಾಗಿದೆ. ಆದರೂ, ಪಿಸಿಬಿಯು ದಂಡವನ್ನು ಮನ್ನಾ ಮಾಡಿದೆ. ಸಂಪೂರ್ಣವಾಗಿ ಮನ್ನಾ ಮಾಡಲು ಪಿಸಿಬಿ ಯಾವುದೇ ಕಾರಣ ನೀಡಿಲ್ಲ. ಅಲ್ಲದೆ ಪಂದ್ಯಾವಳಿಯ ಉಳಿದ ಪಂದ್ಯಗಳಲ್ಲಿ ಆಡುವ ವೇಳೆ ಬ್ಯಾಟ್‌ನಿಂದ ಸ್ಟಿಕ್ಕರ್ ತೆಗೆಯುವ ಕುರಿತಾಗಿಯೂ ವಿವರ ನೀಡಿಲ್ಲ.</p>

<p>“ಪಂದ್ಯದ ಅಧಿಕಾರಿಗಳು ಅಜಾಮ್‌ ಖಾನ್‌ಗೆ ವಿಧಿಸಿದ ಶೇಕಡಾ 50ರಷ್ಟು ದಂಡವನ್ನು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಪರಿಶೀಲಿಸಿದೆ. ಆ ಬಳಿಕ ಮನ್ನಾ ಮಾಡಿದೆ” ಎಂದು ಪಿಸಿಬಿ ಪ್ರಕಟಣೆಯಲ್ಲಿ ತಿಳಿಸಿದೆ.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/photos/pakistan-cricketer-imam-ul-haq-and-anmol-mehmood-wedding-photos-imam-love-story-and-marriage-cricket-news-jra-181701083328019.html" rel="dofollow">Photos: ವಿವಾಹ ಜೀವನಕ್ಕೆ ಕಾಲಿಟ್ಟ ಇಮಾಮ್‌ ಉಲ್‌ ಹಕ್; ಸ್ನೇಹವೇ ನಮ್ಮ ಪ್ರೀತಿಗೆ ಅಡಿಪಾಯ ಎಂದ ಪಾಕ್‌ ಕ್ರಿಕೆಟಿಗ</a></h2><p>ಆರಂಭದಲ್ಲಿ ದಂಡ ವಿಧಿಸಿದ‌ ಕಾರಣಕ್ಕೆ ಕ್ರಿಕೆಟ್ ಅಭಿಮಾನಿಗಳು ಮತ್ತು ನಾಗರಿಕರು ಪಿಸಿಬಿಯನ್ನು ವ್ಯಾಪಕವಾಗಿ ಟೀಕಿಸಿದ್ದರು. ಅದು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕ ಚರ್ಚೆ ಹುಟ್ಟುಹಾಕಿತು.</p>

<p>ಇತ್ತೀಚೆಗೆ ಭಾರತದಲ್ಲಿ ನಡೆದ ಏಕದಿನ ವಿಶ್ವಕಪ್‌ ವೇಳೆ ಪಾಕ್‌ ವಿಕೆಟ್‌ ಕೀಪರ್ ಹಾಗೂ ಬ್ಯಾಟರ್ ಮುಹಮ್ಮದ್ ರಿಜ್ವಾನ್ ಕೂಡ ಗಾಜಾದಲ್ಲಿ ಪ್ಯಾಲೆಸ್ತೀನ್ ಜನರನ್ನು ಬೆಂಬಲಿಸಿ ಟ್ವೀಟ್ ಮಾಡಿದ್ದರು. ಆದರೆ ಅದು ಅವರ ವೈಯಕ್ತಿಕ ಅಭಿಪ್ರಾಯ ಎಂದು ಪರಿಗಣಿಸಿ ಐಸಿಸಿಯು ಯಾವುದೇ ದಂಡ ವಿಧಿಸಿರಲಿಲ್ಲ.</p>

ಭಾರತ ವಿರುದ್ಧ ಟಾಸ್‌ ಗೆದ್ದ ಆಸ್ಟ್ರೇಲಿಯಾ ಬೌಲಿಂಗ್‌ ಆಯ್ಕೆ;‌ ಟೀಮ್‌ ಇಂಡಿಯಾದಲ್ಲಿ ಒಂದು ಬದಲಾವಣೆ

India vs Australia

<ul><li>India vs Australia 3rd T20I: &nbsp;ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ 3ನೇ ಟಿ20 ಪಂದ್ಯವು ಗುವಾಹಟಿಯಲ್ಲಿ ನಡೆಯುತ್ತಿದೆ.‌ ಪಂದ್ಯದಲ್ಲಿ ಭಾರತ ಮೊದಲಿಗೆ ಬ್ಯಾಟಿಂಗ್‌ ಮಾಡುತ್ತಿದೆ.</li></ul>

<p>ಗುವಾಹಟಿಯಲ್ಲಿ ಮಂಗಳವಾರ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಟಿ20 (India vs Australia) ಪಂದ್ಯದಲ್ಲಿ ಭಾರತವು ಬೃಹತ್‌ ಮೊತ್ತ ಪೇರಿಸಿದ ಹೊರತಾಗಿಯೂ ಸೋಲೊಪ್ಪಿಕೊಂಡಿತು. ಟೀಮ್‌ ಇಂಡಿಯಾ ಆರಂಭಿಕ ಆಟಗಾರ ರುತುರಾಜ್ ಗಾಯಕ್ವಾಡ್ (Ruturaj Gaikwad) ಅವರ ಚೊಚ್ಚಲ ಟಿ20 ಶತತಕದ ಹೊರತಾಗಿಯೂ, ಭಾರತ ಸೋಲಿಗೆ ಶರಣಾಯ್ತು. ಕಳೆದ ಪಂದ್ಯದಲ್ಲಿ ಅಮೂಲ್ಯ ಅರ್ಧಶತಕ ಸಿಡಿಸಿದ್ದ ಗಾಯಕ್ವಾಡ್, ಬರ್ಸಾಪರಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಮತ್ತೊಮ್ಮೆ ಆಸೀಸ್ ಬೌಲರ್‌ಗಳ ಬೆವರಿಳಿಸಿದರು. ಸ್ಫೋಟಕ ಶತಕದೊಂದಿಗೆ ಗಾಯಕ್ವಾಡ್ ಹಲವು ದಾಖಲೆಗಳನ್ನು ನಿರ್ಮಿಸಿದರು.</p>

<h2>ಚೊಚ್ಚಲ ಟಿ20 ಶತಕ</h2><p>ಮೂರನೇ ಟಿ20 ಪಂದ್ಯ ಗೆದ್ದಿದ್ದರೆ ಭಾರತವು ಸರಣಿ ಜಯ ಸಾಧಿಸುತ್ತಿತ್ತು. ಇದಕ್ಕೆ ಸರಿಯಾಗಿ ಭಾರತ ಬ್ಯಾಟಿಂಗ್‌ನಲ್ಲಿ ಉತ್ತಮ ಪ್ರದರ್ಶನ ನೀಡಿತು. ಆರಂಭಿಕ ಆಟಗಾರ ಗಾಯಕ್ವಾಡ್ ಮತ್ತು ನಾಯಕ ಸೂರ್ಯಕುಮಾರ್ ಮೊದಲ 10 ಓವರ್‌ಗಳಲ್ಲಿ ತಂಡವನ್ನು 80 ರನ್‌ಗಳತ್ತ ಕೊಂಡೊಯ್ದರು. ಸೂರ್ಯಕುಮಾರ್ ನಿರ್ಗಮನದ ನಂತರ ಗಾಯಕ್ವಾಡ್ ಭಾರತದ ಮೊತ್ತವನ್ನು ಹಿಗ್ಗಿಸಿದರು. 32 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದ ಅವರು, ಡೆತ್ ಓವರ್‌ಗಳಲ್ಲಿ ಮತ್ತಷ್ಟು ವೇಗವಾಗಿ ಬ್ಯಾಟ್‌ ಬೀಸಿದರು. ಮುಂದಿನ 20 ಎಸೆತಗಳಲ್ಲಿ ಶತಕ ಪೂರೈಸಿದರು. 26ರ ಹರೆಯದ ಅವರು 57 ಎಸೆತಗಳಲ್ಲಿ 123 ರನ್ ಗಳಿಸಿ ಅಜೇಯರಾಗಿ ಉಳಿದರು.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/cricket/glenn-maxwell-century-helps-australia-to-win-by-5-wickets-in-3rd-t20i-against-india-ind-vs-aus-third-t20i-guwahati-jra-181701188657065.html" rel="dofollow"><i>ಸ್ಫೋಟಕ ಶತಕದೊಂದಿಗೆ ಭಾರತದ ಗೆಲುವು ಕಸಿದ ಮ್ಯಾಕ್ಸ್‌ವೆಲ್;‌ ಕೊನೆಯ ಎಸೆತದಲ್ಲಿ ಗೆದ್ದು ಬೀಗಿದ ಆಸ್ಟ್ರೇಲಿಯಾ</i></a></h2><h2>ವಿಶೇಷ ಪಟ್ಟಿಯಲ್ಲಿ ರೋಹಿತ್ ಮತ್ತು ಕೊಹ್ಲಿ ಜೊತೆ ಸೇರಿದ ರುತು</h2><p>ಐಪಿಎಲ್‌ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡುವ ಗಾಯಕ್ವಾಡ್‌, 52 ಎಸೆತಗಳಲ್ಲಿ ತಮ್ಮ ಮೊದಲ ಅಂತಾರಾಷ್ಟ್ರೀಯ ಶತಕ ಸಿಡಿಸಿದರು. ಚುಟುಕು ಸ್ವರೂಪದಲ್ಲಿ ಶತಕ ಸಿಡಿಸುವ ಮೂಲಕ ಇತಿಹಾಸ ನಿರ್ಮಿಸಿದರು. ಟಿ20 ಕ್ರಿಕೆಟ್‌ನಲ್ಲಿ ಶತಕ ಬಾರಿಸಿರುವ ಭಾರತೀಯರ ವಿಶೇಷ ಪಟ್ಟಿಯಲ್ಲಿ ಇದೀಗ ರೋಹಿತ್ ಶರ್ಮಾ, ಕೆಎಲ್ ರಾಹುಲ್ ಮತ್ತು ವಿರಾಟ್ ಕೊಹ್ಲಿಯಂಥ ಅನುಭವಿ ಆಟಗಾರರೊಂದಿಗೆ ಗಾಯಕ್ವಾಡ್‌ ಕೂಡಾ ಸೇರಿಕೊಂಡಿದ್ದಾರೆ. ಟಿ20 ಕ್ರಿಕೆಟ್‌ನಲ್ಲಿ ಶತಕ ಸಿಡಿಸಿದ ಭಾರತದ ಒಂಬತ್ತನೇ ಬ್ಯಾಟರ್ ಎಂಬ ಹೆಗ್ಗಳಿಕೆ ಇವರದ್ದು.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/photos/mukesh-kumar-pulled-out-australia-series-for-getting-married-amid-india-vs-australia-3rd-t20i-bcci-suryakumar-yadav-jra-181701230725122.html" rel="dofollow">ಟೀಮ್‌ ಇಂಡಿಯಾ ವೇಗಿಗೆ ಮದುವೆ, ಆಸೀಸ್‌ ಟಿ20 ಸರಣಿ ಮಧ್ಯದಲ್ಲೇ ತಂಡ ತೊರೆದ ಮುಕೇಶ್‌ ಕುಮಾರ್</a></h2><h2>ಟಿ20ಯಲ್ಲಿ ಭಾರತದ ಪರ ಗರಿಷ್ಠ ವೈಯಕ್ತಿಕ ಸ್ಕೋರ್</h2><ul><li>ಶುಭ್ಮನ್ ಗಿಲ್ - 126*</li><li>ರುತುರಾಜ್ ಗಾಯಕ್ವಾಡ್ - 123*</li><li>ವಿರಾಟ್ ಕೊಹ್ಲಿ - 122*</li><li>ರೋಹಿತ್ ಶರ್ಮಾ -118</li><li>ಸೂರ್ಯಕುಮಾರ್ ಯಾದವ್ - 117</li></ul></p>

<blockquote class="twitter-tweet"><p lang="en" dir="ltr">Maiden T20I CENTURY for <a href="https://twitter.com/Ruutu1331?ref_src=twsrc%5Etfw">@Ruutu1331</a> 🔥🔥 <a href="https://twitter.com/hashtag/INDvAUS?src=hash&amp;ref_src=twsrc%5Etfw">#INDvAUS</a> <a href="https://twitter.com/IDFCFIRSTBank?ref_src=twsrc%5Etfw">@IDFCFIRSTBank</a> <a href="https://t.co/FUxyBLEE3q">pic.twitter.com/FUxyBLEE3q</a></p>&mdash; BCCI (@BCCI) <a href="https://twitter.com/BCCI/status/1729517205166162222?ref_src=twsrc%5Etfw">November 28, 2023</a></blockquote> <script async src="https://platform.twitter.com/widgets.js" charset="utf-8"></script>

<h2>ಆಸ್ಟ್ರೇಲಿಯಾ ವಿರುದ್ಧ ಟಿ20 ಶತಕ ಸಿಡಿಸಿದ ಮೊದಲ ಭಾರತೀಯ</h2><p>ಕಳೆದ 2 ವರ್ಷಗಳಲ್ಲಿ ಟಿ20ಯಲ್ಲಿ ಶತಕ ಸಿಡಿಸಿದ ಆರನೇ ಭಾರತೀಯ ಗಾಯಕ್ವಾಡ್. ಭಾರತೀಯ ಬ್ಯಾಟರ್ ಟಿ20 ಕ್ರಿಕೆಟ್‌ನಲ್ಲಿ ಭಾರತದ ಎರಡನೇ ಅತಿ ಹೆಚ್ಚು ವೈಯಕ್ತಿಕ ಸ್ಕೋರ್ ದಾಖಲಿಸಿದರು. ನ್ಯೂಜಿಲ್ಯಾಂಡ್ ವಿರುದ್ಧ ಶುಭ್ಮನ್ ಗಿಲ್ ಅವರು ಈ ಹಿಂದೆ ಅಜೇಯ 126 ರನ್‌ ಗಳಿಸಿದ್ದರು. ವಿಶೇಷವೆಂದರೆ, ಆಸ್ಟ್ರೇಲಿಯಾ ವಿರುದ್ಧ ಚುಟುಕು ಮಾದರಿಯಲ್ಲಿ ಶತಕ ಸಿಡಿಸಿದ ಮೊದಲ ಭಾರತೀಯ ಬ್ಯಾಟರ್ ಎಂಬ ಶ್ರೇಯಸ್ಸಿಗೆ ಗಾಯಕ್ವಾಡ್ ಪಾತ್ರರಾಗಿದ್ದಾರೆ.</p>

<p>ಆಸ್ಟ್ರೇಲಿಯಾ ವಿರುದ್ಧದ ಟಿ20 ಸರಣಿಯ (India vs Australia) ಮುಂದಿನ ಪಂದ್ಯಗಳಿಗೆ ಚೆನ್ನೈ ಸೂಪರ್‌ ಕಿಂಗ್ಸ್‌ ವೇಗಿ ದೀಪಕ್ ಚಹಾರ್ (Deepak Chahar) ಅವರನ್ನು ಭಾರತ ತಂಡಕ್ಕೆ ಸೇರಿಸಲಾಗಿದೆ. ಮಂಗಳವಾರ ಗುವಾಹಟಿಯಲ್ಲಿ ನಡೆದ ಸರಣಿಯ ಮೂರನೇ ಟಿ20 ಪಂದ್ಯಕ್ಕೂ ಮುನ್ನ ತಂಡದಲ್ಲಿದ್ದ ವೇಗಿ ಮುಕೇಶ್ ಕುಮಾರ್ ಅವರು ಟೀಮ್‌ ಇಂಡಿಯಾದಿಂದ ಹೊರಗುಳಿದ ಕಾರಣ ಚಹಾರ್‌ ಅವರನ್ನು ತಂಡಕ್ಕೆ ಕರೆಸಿಕೊಳ್ಳಲಾಗಿದೆ.</p>

<p>ಮುಕೇಶ್ ಕುಮಾರ್ ಅವರು ಮದುವೆಯಾಗುತ್ತಿರುವ ಕಾರಣ, ತಂಡದಿಂದ ರಜೆ ಪಡೆದಿದ್ದಾರೆ. ಅವರು ವೈವಾಹಿಕ ಜೀವನಕ್ಕೆ ಕಾಲಿರುತ್ತಿರುವ ಕುರಿತು ಮೂರನೇ ಟಿ20 ಪಂದ್ಯದ ಟಾಸ್‌ ಪ್ರಕ್ರಿಯೆ ವೇಳೆ ಭಾರತ ತಂಡದ ನಾಯಕ ಸೂರ್ಯಕುಮಾರ್ ಯಾದವ್‌ ತಿಳಿಸಿದ್ದರು.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/cricket/australia-name-updated-team-for-remaining-three-t20i-against-india-after-release-6-world-cup-winning-squad-members-jra-181701152757094.html" rel="dofollow">ವಿಶ್ವಕಪ್ ಗೆದ್ದ 6 ಆಟಗಾರರನ್ನು ಟಿ20 ಸರಣಿಯಿಂದ ಹೊರಗಿಟ್ಟ ಆಸೀಸ್; ಉಳಿದ 3 ಪಂದ್ಯಗಳಿಗೆ ನೂತನ ತಂಡ ಪ್ರಕಟ</a></h2><p>ಡಿಸೆಂಬರ್ 1ರಂದು ರಾಯ್‌ಪುರದಲ್ಲಿ ಆಸೀಸ್‌ ವಿರುದ್ಧದ ನಾಲ್ಕನೇ ಟಿ20 ಪಂದ್ಯ ನಡೆಯುತ್ತಿದೆ. ಅದಕ್ಕೂ ಮುನ್ನ ವೇಗಿ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಐದು ಪಂದ್ಯಗಳ ಸರಣಿಯ ಮೊದಲ ಎರಡು ಪಂದ್ಯಗಳಲ್ಲಿ ಮುಖೇಶ್ ಕುಮಾರ್‌ ಆಡಿದ್ದರು. ಆದರೆ, ಮೂರನೇ ಪಂದ್ಯದಿಂದ ಹೊರಗುಳಿದ ಹಿನ್ನೆಲೆ ಅವರ ಬದಲಿಗೆ ಅವೇಶ್ ಖಾನ್ ಆಡುವ ಬಳಗಕ್ಕೆ ಆಯ್ಕೆಯಾದರು.</p>

<p>“ವೇಗದ ಬೌಲರ್ ಮುಖೇಶ್ ಕುಮಾರ್ ಅವರು ಗುವಾಹಟಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಟಿ20 ಪಂದ್ಯಕ್ಕೂ ಮುಂಚಿತವಾಗಿ ಭಾರತ ತಂಡದಿಂದ ಬಿಡುಗಡೆ ಮಾಡುವಂತೆ ಬಿಸಿಸಿಐಗೆ ಮನವಿ ಮಾಡಿದ್ದರು. ಅವರು ವಿವಾಹವಾಗುತ್ತಿದ್ದು, ಮದುವೆಯ ಅವಧಿಗೆ ರಜೆ ನೀಡಲಾಗಿದೆ. ರಾಯ್‌ಪುರದಲ್ಲಿ ನಡೆಯಲಿರುವ 4ನೇ ಟಿ20 ಪಂದ್ಯಕ್ಕೂ ಮುನ್ನ ಅವರು ತಂಡ ಸೇರಿಕೊಳ್ಳಲಿದ್ದಾರೆ. ಸರಣಿಯ ಉಳಿದ ಪಂದ್ಯಗಳಿಗೆ ವೇಗಿ ದೀಪಕ್ ಚಹಾರ್ ಅವರನ್ನು ಭಾರತ ತಂಡಕ್ಕೆ ಆಯ್ಕೆ ಮಾಡಲಾಗಿದೆ” ಎಂದು ಬಿಸಿಸಿಐ ಹೇಳಿಕೆ ತಿಳಿಸಿದೆ.</p>

<p>ಭಾರತದ ಪ್ರಮುಖ ವೇಗದ ಬೌಲಿಂಗ್ ಆಲ್‌ರೌಂಡರ್‌ ಆಗಿರುವ ಚಹಾರ್, ಐಪಿಎಲ್‌ನಲ್ಲಿ ಸಿಎಸ್‌ಕೆ ಪರ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಟೀಮ್‌ ಇಂಡಿಯಾ ಪರ ಕೊನೆಯದಾಗಿ 2022ರ ಡಿಸೆಂಬರ್ ತಿಂಗಳಲ್ಲಿ ಬಾಂಗ್ಲಾದೇಶ ವಿರುದ್ಧ ಮೀರ್‌ಪುರದಲ್ಲಿ ನಡೆದ ಏಕದಿನ ಪಂದ್ಯದಲ್ಲಿ ಅವರು ಆಡಿದ್ದರು. ಆ ಪಂದ್ಯದಲ್ಲಿ ಗಾಯಗೊಂಡ ಬಳಿಕ ಭಾರತ ತಂಡಕ್ಕೆ ಆಯ್ಕೆಯಾಗಿಲ್ಲ. 2022ರ ಅಕ್ಟೋಬರ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಕೊನೆಯ ಕೊನೆಯ ಬಾರಿಗೆ ಟಿ20 ಪಂದ್ಯದಲ್ಲಿ ಅವರು ಕಣಕ್ಕಿಳಿದಿದ್ದರು.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/cricket/glenn-maxwell-century-helps-australia-to-win-by-5-wickets-in-3rd-t20i-against-india-ind-vs-aus-third-t20i-guwahati-jra-181701188657065.html" rel="dofollow"><i>ಸ್ಫೋಟಕ ಶತಕದೊಂದಿಗೆ ಭಾರತದ ಗೆಲುವು ಕಸಿದ ಮ್ಯಾಕ್ಸ್‌ವೆಲ್;‌ ಕೊನೆಯ ಎಸೆತದಲ್ಲಿ ಗೆದ್ದು ಬೀಗಿದ ಆಸ್ಟ್ರೇಲಿಯಾ</i></a></h2><p>ಭಾರತ (India vs Australia) ವಿರುದ್ಧದ ಮೂರನೇ ಟಿ20 ಪಂದ್ಯದಲ್ಲಿ ಆಸ್ಟ್ರೇಲಿಯಾ 5 ವಿಕೆಟ್‌ಗಳ ರೋಚಕ ಜಯ ಸಾಧಿಸಿದೆ. ಹೈ ಸ್ಕೋರಿಂಗ್‌ ಪಂದ್ಯದಲ್ಲಿ ಕೊನೆಯ ಎಸೆತದವರೆಗೂ ರೋಚಕವಾಗಿ ಸಾಗಿದ ಇನ್ನಿಂಗ್ಸ್‌ನಲ್ಲಿ ಮ್ಯಾಕ್ಸ್‌ವೆಲ್‌ ಆಕರ್ಷಕ ಶತಕ ಸಿಡಿಸಿದರು. ಅದರೊಂದಿಗೆ ಕಾಂಗರೂಗಳಿಗೆ ಭರ್ಜರಿ ಜಯ ಒಲಿಯಿತು.</p>

<p>ಗುವಾಹಟಿಯಲ್ಲಿ ನಡೆದ ಮೂರನೇ ಟಿ20 ಪಂದ್ಯದಲ್ಲಿ ಟಾಸ್‌ ಗೆದ್ದ ಆಸ್ಟ್ರೇಲಿಯಾ ತಂಡವು, ಭಾರತವನ್ನು ಬ್ಯಾಟಿಂಗ್‌ಗೆ ಇಳಿಸಿತು. ರುತುರಾಜ್‌ ಗಾಯಕ್ವಾಡ್‌ ಆಕರ್ಷಕ ಶತಕದ ನೆರವಿಂದ ಭಾರತವು 3 ವಿಕೆಟ್‌ ಕಳೆದುಕೊಂಡು 222 ರನ್‌ ಪೇರಿಸಿತು. ಬೃಹತ್‌ ಗುರಿ ಬೆನ್ನಟ್ಟಿದ ಆಸೀಸ್‌, ಮ್ಯಾಕ್ಸ್‌ವೆಲ್‌ ಸ್ಫೋಟಕ ಶತಕದ ನೆರವಿನಿಂದ ಕೇವಲ 5 ವಿಕೆಟ್‌ ಕಳೆದುಕೊಂಡು 225 ರನ್‌ ಗಳಿಸಿ ಗುರಿ ತಲುಪಿತು.</p>

<p>ಭಾರತ ಮತ್ತು ಆಸ್ಟ್ರೇಲಿಯಾ (India vs Australia) ನಡುವಿನ ಮೂರನೇ ಟಿ20 ಪಂದ್ಯದಲ್ಲಿ ಆಸ್ಟ್ರೇಲಿಯಾ 5 ವಿಕೆಟ್‌ಗಳ ರೋಚಕ ಜಯ ಸಾಧಿಸಿದೆ. ಹೈ ಸ್ಕೋರಿಂಗ್‌ ಪಂದ್ಯದಲ್ಲಿ ಕೊನೆಯ ಎಸೆತದವರೆಗೂ ರೋಚಕವಾಗಿ ಸಾಗಿದ ಇನ್ನಿಂಗ್ಸ್‌ನಲ್ಲಿ ಮ್ಯಾಕ್ಸ್‌ವೆಲ್‌ ಆಕರ್ಷಕ ಶತಕದೊಂದಿಗೆ ಕಾಂಗರೂಗಳಿಗೆ ಜಯವೂ ಒಲಿಯಿತು. ಈ ಗೆಲುವಿನ ಬಳಿಕ ಭಾರತವು ಸರಣಿಯಲ್ಲಿ 2-1 ರಿಂದ ಮುನ್ನಡೆ ಕಾಯ್ದುಕೊಂಡಿದೆ.</p>

<p>ಗುವಾಹಟಿಯ ಬರ್ಸಪರಾ ಕ್ರೀಡಾಂಗಣದಲ್ಲಿ (Barsapara Cricket Stadium) ನಡೆದ ಮೂರನೇ ಟಿ20 ಪಂದ್ಯದಲ್ಲಿ ಟಾಸ್‌ ಗೆದ್ದ ಆಸ್ಟ್ರೇಲಿಯಾ ತಂಡವು, ಭಾರತವನ್ನು ಬ್ಯಾಟಿಂಗ್‌ಗೆ ಇಳಿಸಿತು. ರುತುರಾಜ್‌ ಗಾಯಕ್ವಾಡ್‌ ಆಕರ್ಷಕ ಶತಕದ ನೆರವಿಂದ ಭಾರತವು 3 ವಿಕೆಟ್‌ ಕಳೆದುಕೊಂಡು 222 ರನ್‌ ಪೇರಿಸಿತು. ಬೃಹತ್‌ ಗುರಿ ಬೆನ್ನಟ್ಟಿದ ಆಸೀಸ್‌,  ಮ್ಯಾಕ್ಸ್‌ವೆಲ್‌ ಸ್ಫೋಟಕ ಶತಕದ ನೆರವಿನಿಂದ ಕೊನೆಯ ಎಸೆತದಲ್ಲಿ ಗುರಿ ತಲುಪುವುದರೊಂದಿಗೆ 5 ವಿಕೆಟ್‌ ಕಳೆದುಕೊಂಡು 225 ರನ್‌ ಗಳಿಸಿತು.</p>

<p>ಕೊನೆಯ ಓವರ್‌ನಲ್ಲಿ ಆಸೀಸ್‌ ಗೆಲುವಿಗೆ 21 ರನ್‌ಗಳ ಅಗತ್ಯವಿತ್ತು. ಆದರೆ ಈ ಮೊತ್ತವನ್ನು ಮ್ಯಾಕ್ಸ್‌ವೆಲ್‌ ಮತ್ತು ವೇಡ್‌ ಸುಲಭವಾಗಿ ಬೆನ್ನಟ್ಟಿದರು.  ಅಂತಿಮ ಓವರ್‌ನಲ್ಲಿ ನಾಲ್ಕು ಬೌಂಡರಿ ಹಾಗೂ 1 ಸಿಕ್ಸರ್‌ ಸಿಡಿಸಿದ ಕಾಂಗರೂಗಳು ಪಂದ್ಯವನ್ನು ವಶಪಡಿಸಿಕೊಂಡರು.</p>

<p>ಬೃಹತ್‌ ಮೊತ್ತ ಚೇಸಿಂಗ್‌ಗೆ ಇಳಿದ ಆಸೀಸ್‌, ಉತ್ತಮ ಆರಂಭ ಪಡೆಯಿತು. ವಿಶ್ವಕಪ್‌ ಫೈನಲ್‌ ಪಂದ್ಯದಲ್ಲಿ ಭಾರತವನ್ನು ಕಾಡಿದ್ದ ಟ್ರಾವಿಸ್‌ ಹೆಡ್‌ ಸ್ಫೋಟಕ ಆರಂಭ ಕೊಟ್ಟರು. ಮೊದಲ ವಿಕೆಟ್‌ಗೆ ಹಾರ್ಡಿ ಜೊತೆಗೂಡಿ 47 ರನ್‌ ಕಲೆ ಹಾಕಿದರು. 16 ರನ್‌ ಗಳಿಸಿದ್ದ ಹಾರ್ಡಿ ಅರ್ಷದೀಪ್‌ ಸಿಂಗ್‌ಗೆ ಮೊದಲನೆಯವರಾಗಿ ವಿಕೆಟ್‌ ಒಪ್ಪಿಸಿದರು. ಅವರ ಬೆನ್ನಲ್ಲೇ ಡೇಂಜರಸ್‌ ಬ್ಯಾಟರ್‌ ಹೆಡ್‌ಗೆ ಆವೇಶ್‌ ಖಾನ್‌ ಕಂಟಕರಾದರು. ಟ್ರಾವಿಸ್‌ ಗಳಿಕೆ 18 ಎಸೆತಗಳಿಂದ 35 ರನ್.‌</p>

<p>ಮೊದಲ ಪಂದ್ಯದಲ್ಲಿ ಸೆಂಚುರಿ ಬಾರಿಸಿದ್ದ ಜೋಶ್‌ ಇಂಗ್ಲಿಸ್‌ 10 ರನ್‌ ಗಳಿಸಿದ್ದಾಗ ರವಿ ಬಿಷ್ಣೋಯ್‌ ಎಸೆತದಲ್ಲಿ ಕ್ಲೀನ್‌ ಬೋಲ್ಡ್‌ ಆದರು. 17 ರನ್‌ ಗಳಿಸಿದ್ದ ಸ್ಟೋಯ್ನಿಸ್‌ ಅಕ್ಷರ್‌ ಪಟೇಲ್‌ ಎಸೆತದಲ್ಲಿ ಸೂರ್ಯಕುಮಾರ್‌ಗೆ ಸುಲಭ ಕ್ಯಾಚ್‌ ನೀಡಿ ಔಟಾದರು. ಅವರ ಬೆನ್ನಲ್ಲೇ ಟಿಮ್‌ ಡೇವಿಡ್‌ ಗೋಲ್ಡನ್‌ ಡಕ್‌ಗೆ ಬಲಿಯಾದರು. ಕೊನೆಯವರೆಗೂ ಅಬ್ಬರಿಸಿದ ಮ್ಯಾಕ್ಸಿ, ಕೇವಲ 48 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 8 ಸಿಕ್ಸರ್‌ ನೆರವಿಂದ 104 ರನ್‌ ಕಲೆ ಹಾಕಿದರು. ಈ ಇನ್ನಿಂಗ್ಸ್‌ ಭಾರತದ ಗೆಲುವು ಕಸಿಯಿತು.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/cricket/australia-name-updated-team-for-remaining-three-t20i-against-india-after-release-6-world-cup-winning-squad-members-jra-181701152757094.html" rel="dofollow"><i>ವಿಶ್ವಕಪ್ ಗೆದ್ದ 6 ಆಟಗಾರರನ್ನು ಟಿ20 ಸರಣಿಯಿಂದ ಹೊರಗಿಟ್ಟ ಆಸೀಸ್; ಉಳಿದ 3 ಪಂದ್ಯಗಳಿಗೆ ನೂತನ ತಂಡ ಪ್ರಕಟ</i></a></h2><p>ಮೊದಲು ಬ್ಯಾಟಿಂಗ್‌ ನಡೆಸಿದ ಭಾರತ, ರುತುರಾಜ್‌ ಗಾಯಕ್ವಾಡ್‌ ಆಕರ್ಷಕ ಶತಕದ ನೆರವಿಂದ ಸತತ ಮೂರನೇ ಪಂದ್ಯದಲ್ಲಿಯೂ 200ಕ್ಕೂ ಹೆಚ್ಚು ರನ್‌ ಕಲೆ ಹಾಕಿತು. ತಂಡದ ಆರಂಭ ಉತ್ತಮವಾಗಿರಲಿಲ್ಲ. ಕಳೆದ ಪಂದ್ಯದಲ್ಲಿ ಅಬ್ಬರಿಸಿದ್ದ ಯುವ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್‌ ಕೇವಲ 6 ರನ್‌ ಗಳಿಸಿ ಔಟಾದರು. ಅವರ ಬೆನ್ನಲ್ಲೇ ಸತತ ಎರಡು ಪಂದ್ಯಗಳಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದ ಇಶಾನ್‌ ಕಿಶನ್‌ ಖಾತೆ ತೆರೆಯದೆ ಡಕೌಟ್‌ ಆದರು.</p>

<p>ಈ ವೇಳೆ ಒಂದಾದ ರುತುರಾಜ್‌ ಮತ್ತು ನಾಯಕ ಸೂರ್ಯಕುಮಾರ್‌ ಯಾದವ್‌ ಅರ್ಧಶತಕದ ಜೊತೆಯಾಟವಾಡಿದರು. 29 ಎಸೆತಗಳಲ್ಲಿ 2 ಸಿಕ್ಸರ್ ಸಹಿತ 39 ರನ್‌ ಗಳಿಸಿದ್ದ ನಾಯಕ ಸೂರ್ಯ, ಹಾರ್ಡಿಗೆ ವಿಕೆಟ್‌ ಒಪ್ಪಿಸಿದರು. ಈ ವೇಳೆ ಶುರುವಾಗಿದ್ದೇ ರುತುರಾಜ್‌ ಗಾಯಕ್ವಾಡ್‌ ಹೊಡಿಬಡಿ ಆಟ.</p>

<h2>ಚೊಚ್ಚಲ ಟಿ20 ಶತಕ ಸಿಡಿಸಿದ ಗಾಯಕ್ವಾಡ್</h2><p>ಆರಂಭದಿಂದಲೂ ನಿಧಾನಗತಿಯಲ್ಲಿ ಬ್ಯಾಟ್‌ ಬೀಸಿ ವಿಕೆಟ್‌ ಉಳಿಸಿಕೊಂಡಿದ್ದ ರುತುರಾಜ್‌ ಗಾಯಕ್ವಾಡ್‌, ಡೆತ್‌ ಓವರ್‌ಗಳಲ್ಲಿ ಅಬ್ಬರಿಸಿದರು. ನೋಡ ನೋಡುತ್ತಿದ್ದಂತೆಯೇ ಚೊಚ್ಚಲ ಟಿ20 ಶತಕ ಸಿಡಿಸಿ ಮಿಂಚಿದರು. ಮೊದಲ 22 ಎಸೆತಗಳಲ್ಲಿ ಕೇವಲ 22 ರನ್‌ ಗಳಿಸಿದ್ದ ಅವರು, ನಂತರದ 35‌ ಎಸೆತಗಳಲ್ಲಿ ಬರೋಬ್ಬರಿ 101 ರನ್‌ ಕಲೆ ಹಾಕಿದರು. ಒಟ್ಟಾರೆ ತಮ್ಮ ಇನ್ನಿಂಗ್ಸ್‌ನಲ್ಲಿ 57 ಎಸೆತಗಳನ್ನು ಎದುರಿಸಿ 13 ಬೌಂಡರಿ ಹಾಗೂ 7 ಸಿಕ್ಸರ್‌ ಸಹಿತ 123 ರನ್‌ ಸಿಡಿಸಿ ಅಜೇಯರಾಗಿ ಉಳಿದರು. ಅವರಿಗೆ ಉತ್ತಮ ಸಾಥ್‌ ನೀಡಿದ ತಿಲಕ್‌ ವರ್ಮಾ 31 ರನ್‌ ಗಳಿಸಿದರು. ಇವರಿಬ್ಬರ ಬ್ಯಾಟ್‌ನಿಂದ ಬಂದ ಶತಕದ ಜೊತೆಯಾಟವು ಭಾರತದ ಒಟ್ಟು ಮೊತ್ತವು 200ರ ಗಡಿ ದಾಟಲು ನೆರವಾಯ್ತು. ಮ್ಯಾಕ್ಸ್‌ವೆಲ್‌ ಎಸೆದ ಕೊನೆಯ ಓವರ್‌ನಲ್ಲಿ 30 ರನ್‌ಗಳು ಹರಿದು ಬಂದಿದ್ದು ವಿಶೇಷ.</p>

ಗಂಗೂಲಿ ಮಗಳು ಸನಾ ಪ್ರತಿಭಾವಂತ ನಾಟ್ಯ ಕಲಾವಿದೆ

slide

ಇವರೇ ಸನಾ ಗಂಗೂಲಿ

ಭಾರತ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಸೌರವ್‌ ಗಂಗೂಲಿ ಮಗಳು

2001ರಲ್ಲಿ ಜನಿಸಿದ ಸನಾ ವಯಸ್ಸು 22 ವರ್ಷ

ಸನಾ ಯುಕೆಯ ಯೂನಿವರ್ಸಿಟಿ ಕಾಲೇಜ್ ಲಂಡನ್ (UCL)ನಿಂದ ಪದವಿ ಪಡೆದಿದ್ದಾರೆ.

ಸನಾ ಭರತನಾಟ್ಯ ಕಲಾವಿದೆಯೂ ಹೌದು

ತಾಯಿ ಡೋನಾ ಅವರೇ ಸನಾಗೆ ಕ್ಲಾಸಿಕಲ್‌ ಡಾನ್ಸ್‌ ಹೇಳಿಕೊಡುತ್ತಾರೆ

ಇವರಿಬ್ಬರೂ ಪ್ರತಿಷ್ಠಿತ ಕಾರ್ಯಕ್ರಮಗಳಲ್ಲಿ ಪ್ರದರ್ಶನ ನೀಡಿದ್ದಾರೆ

ಗಂಗೂಲಿ ತಮ್ಮ ಮಗಳನ್ನು ಸ್ನೇಹಿತೆಯಂತೆ ಕಾಣುತ್ತಾರೆ

ಫ್ಯಾಶನ್‌ ಮತ್ತು ಫಿಟ್‌ನೆಸ್‌ ಕುರಿತಾಗಿಯೂ ಸನಾಗೆ ಅಪಾರ ಆಸಕ್ತಿ ಇದೆ

ಈಗಾಗಲೇ ಕೆಲವೊಂದು ಕಂಪನಿಗಳಲ್ಲಿ ಸನಾ ಇಂಟರ್ನ್‌ಶಿಪ್‌ ಪೂರ್ಣಗೊಳಿಸಿದ್ದಾರೆ

ತಂದೆ ಮಾಜಿ ಕ್ರಿಕೆಟಿಗನಾದರೂ, ಸನಾ ತಮ್ಮದೇ ಕಾಲಮೇಲೆ ನಿಂತಿದ್ದಾರೆ

7 ವರ್ಷದವರಿದ್ದಾಗಲೇ ಸನಾ ಡಾನ್ಸ್‌ ತರಬೇತಿ ಪಡೆಯಲು ಆರಂಭಿದ್ದರು

ತಮ್ಮ ಸೌಂದರ್ಯದಿಂದಾಗಿಯೂ ಸನಾ ಸುದ್ದಿಯಲ್ಲಿರುತ್ತಾರೆ

ಪ್ರೊ ಕಬಡ್ಡಿ ಲೀಗ್ 10ನೇ ಆವೃತ್ತಿಗೆ ಹೊಸ ನಾಯಕನ ಘೋಷಿಸಿದ ತಮಿಳ್ ತಲೈವಾಸ್; ಸಾಗರ್ ರಥೀ ಕ್ಯಾಪ್ಟನ್

Sagar Rathee

<p>ಏಕದಿನ ವಿಶ್ವಕಪ್‌ ಮುಗಿಯುತ್ತಿದ್ದಂತೆಯೇ, ಕ್ರೀಡಾಭಿಮಾನಿಗಳಿಗೆ ಮನರಂಜನೆ ಉಣಬಡಿಸಲು ಪ್ರೊ ಕಬಡ್ಡಿ (Pro Kabaddi League 2023) ಹತ್ತಿರ ಬರುತ್ತಿದೆ. 10ನೇ ಆವೃತ್ತಿ ಪಿಕೆಎಲ್ ಟೂರ್ನಿಗೆ ದಿನಗಣನೆ ಆರಂಭವಾಗಿದ್ದು, ಡಿಸೆಂಬರ್​ 2ರಿಂದ ದೇಶಾದ್ಯಂತ ಕಬಡ್ಡಿ ಪಂಗಾ ಶುರುವಾಗುತ್ತಿದೆ. ದೇಶಾದ್ಯಂತ ಕಬಡ್ಡಿ ಕ್ರೇಜ್‌ ಹಬ್ಬಲು ಎಲ್ಲಾ 12 ತಂಡಗಳು ಸಜ್ಜಾಗಿವೆ. ಪಂದ್ಯಾವಳಿಯ ಆರಂಭಕ್ಕೆ ಕೆಲವೇ ದಿನಗಳು ಉಳದಿರುವಂತೆ, ತಮಿಳ್ ತಲೈವಾಸ್ (Tamil Thalaivas) ತಂಡವು ನೂತನ ನಾಯಕನನ್ನು ಘೋಷಿಸಿದೆ.</p>

<p>10ನೇ ಸೀಸನ್‌ನ ಪ್ರೊ ಕಬಡ್ಡಿ ಲೀಗ್‌ಗೆ ಸಾಗರ್ ರಥೀ (Sagar Rathee) ಅವರನ್ನು ತಮಿಳ್ ತಲೈವಾಸ್ ತಂಡವು ನಾಯಕನಾಗಿ ಘೋಷಣೆ ಮಾಡಿದೆ. ಅವರೊಂದಿಗೆ, ಅಜಿಂಕ್ಯ ಪವಾರ್ ಮತ್ತು ಸಾಹಿಲ್ ಗುಲಿಯಾ ಅವರನ್ನು ಉಪನಾಯಕರನ್ನಾಗಿ ಘೋಷಿಸಿದೆ.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/sports/pro-kabaddi-league-2023-list-of-captains-coaches-and-owners-of-pkl-season-10-teams-bengaluru-bulls-bengal-warriors-prs-181700904241744.html" rel="dofollow"><i>PKL Season 10: ಪ್ರೊ ಕಬಡ್ಡಿ ಲೀಗ್ ಆರಂಭಕ್ಕೆ ದಿನಗಣನೆ; ಇಲ್ಲಿದೆ 12 ತಂಡಗಳ ನಾಯಕರು, ಮಾಲೀಕರ ಪಟ್ಟಿ​</i></a></h2><p>ನೂತನ ನಾಯಕ ಸಾಗರ್ ರಥೀ ಮತ್ತು ಇಬ್ಬರು ಉಪನಾಯಕರ ಮಾರ್ಗದರ್ಶನದಲ್ಲಿ ತಂಡವು ವಿನೂತನ ಅಭಿಯಾನಕ್ಕೆ ಎದುರು ನೋಡುತ್ತಿದೆ. ಅಲ್ಲದೆ ಅಭಿಮಾನಿಗಳಿಂದ ವ್ಯಾಪಕ ಬೆಂಬಲವನ್ನು ನಿರೀಕ್ಷಿಸುತ್ತಿದೆ. ಕಳೆದ ಆವೃತ್ತಿಯಲ್ಲಿ ತಂಡವು ಪವನ್‌ ಸೆಹ್ರಾವತ್‌ ಅವರನ್ನು ದುಬಾರಿ ಮೊತ್ತ ಕೊಟ್ಟು ಖರೀದಿಸಿತ್ತು. ಆದರೆ, ಗಾಯಾಳುವಾಗಿ ಅವರು ಟೂರ್ನಿಯಿಂದ ಹೊರಬಿದ್ದ ಕಾರಣದಿಂದ ತಂಡದಿಂದ ನಿರೀಕ್ಷಿತ ಪ್ರದರ್ಶನ ಹೊರಬರಲಿಲ್ಲ.</p>

<h2>ಪಿಕೆಎಲ್‌ 10ನೇ ಆವೃತ್ತಿಗೆ ತಮಿಳ್ ತಲೈವಾಸ್ ತಂಡ ಹೀಗಿದೆ</h2><p><strong>ರೈಡರ್ಸ್: </strong>ಅಜಿಂಕ್ಯ ಪವಾರ್ (ಎಡ ರೈಡರ್), ಹಿಮಾಂಶು ನರ್ವಾಲ್ (ಎಡ ರೈಡರ್), ನರೇಂದ್ರ ಕಾಂಡೋಲಾ (ಎಡ ರೈಡರ್), ಹಿಮಾಂಶು ತುಶೀರ್ (ರೈಟ್ ರೈಡರ್), ಕೆ ಸೆಲ್ವಮಣಿ (ರೈಟ್ ರೈಡರ್), ವಿಶಾಲ್ ಚಹಾಲ್ (ರೈಟ್ ರೈಡರ್), ನಿತಿನ್ ಸಿಂಗ್ (ರೈಟ್ ರೈಡರ್), ಜತಿನ್ ಫೋಗಟ್ (ರೈಟ್ ರೈಡರ್), ಎಂ ಲಕ್ಷ್ಮಣ್ (ರೈಟ್ ರೈಡರ್), ಸತೀಶ್ ಕಣ್ಣನ್ (ರೈಟ್ ರೈಡರ್).</p>

<p><strong>ಡಿಫೆಂಡರ್‌ಗಳು: </strong>ಸಾಗರ್ ರತಿ (ಬಲ ಕಾರ್ನರ್), ಹಿಮಾಂಶು ಯಾದವ್ (ಎಡ ಕಾರ್ನರ್), ಎಂ‌ ಅಭಿಷೇಕ್ (ರೈಟ್ ಕವರ್), ಸಾಹಿಲ್ ಗುಲಿಯಾ (ಎಡ ಕಾರ್ನರ್), ಮೋಹಿತ್ ಜಖರ್ (ಎಡ ಕವರ್), ಆಶಿಶ್ ಮಲಿಕ್ (ಎಡ ಕವರ್), ಅಮೀರ್ಹೋಸೇನ್ ಬಸ್ತಾಮಿ (ಬಲ ಕಾರ್ನರ್), ನಿತೇಶ್ ಕುಮಾರ್ (ಎಡ ಕಾರ್ನರ್), ರೌನಕ್ ಖರ್ಬ್ (ಬಲ ಕವರ್), ಮೊಹಮ್ಮದ್ರೇಜಾ ಕಬೋದ್ರಹಂಗಿ (ಎಡ ಕಾರ್ನರ್).</p>

<p><strong>ಆಲ್ ರೌಂಡರ್: </strong>ರಿತಿಕ್</p>

<p>10ನೇ ಆವೃತ್ತಿ ಪಿಕೆಎಲ್ ಉದ್ಘಾಟನಾ ಪಂದ್ಯವು ಅಹಮದಾಬಾದ್‌ನ ಟ್ರಾನ್ಸ್‌ಸ್ಟೇಡಿಯಾ ಸ್ಟೇಡಿಯಂನ ಅರೆನಾದಲ್ಲಿ ಪ್ರಾರಂಭವಾಗಲಿದೆ. ಅಹಮದಾಬಾದ್‌ ಹೊರತುಪಡಿಸಿ ಬೆಂಗಳೂರು, ಪುಣೆ, ಚೆನ್ನೈ, ನೋಯ್ಡಾ, ಮುಂಬೈ, ಜೈಪುರ, ಹೈದರಾಬಾದ್, ಪಾಟ್ನಾ, ದೆಹಲಿ, ಕೋಲ್ಕತ್ತಾ ಮತ್ತು ಪಂಚಕುಲದಲ್ಲಿ ಲೀಗ್ ಪಂದ್ಯಗಳು ನಡೆಯಲಿವೆ. ಟ್ರೋಫಿಗಾಗಿ ಒಟ್ಟು 12 ತಂಡಗಳು ಬರೋಬ್ಬರಿ ಮೂರು ತಿಂಗಳ ಕಾದಾಟ ನಡೆಸಲಿವೆ.</p>

ತುಮಕೂರಿನಲ್ಲಿ ರಾಷ್ಟ್ರೀಯ ಕರಾಟೆ ಚಾಂಪಿಯನ್‌ಶಿಪ್‌; ವಿವಿಧ ರಾಜ್ಯಗಳ 1500ಕ್ಕೂ ಹೆಚ್ಚು ಮಕ್ಕಳು ಭಾಗಿ

National Karate Championship at Tumkur

<ul><li>Tumkur National Karate Championship: ತುಮಕೂರಿನಲ್ಲಿ ಆಯೋಜಿಸಲಾದ 7ನೇ ರಾಷ್ಟ್ರೀಯ ಕರಾಟೆ ಚಾಂಪಿಯನ್‌ಶಿಪ್‌ನಲ್ಲಿ ಕೇರಳ, ತಮಿಳುನಾಡು, ಆಂಧ್ರ ಪ್ರದೇಶ, ತೆಲಂಗಾಣ, ಹರಿಯಾಣ, ಗುಜರಾತ್, ಮಹಾರಾಷ್ಟ್ರ ಸೇರಿದಂತೆ 11 ರಾಜ್ಯಗಳ ಸುಮಾರು 1500ಕ್ಕೂ ಹೆಚ್ಚು ಮಕ್ಕಳು ಪಾಲ್ಗೊಂಡರು.</li></ul>

ಕಲಬುರಗಿಯಲ್ಲಿ‌ ಅಂತಾರಾಷ್ಟ್ರೀಯ ಟೆನಿಸ್ ಪಂದ್ಯಾವಳಿ; ಅರ್ಹತಾ ಸುತ್ತಿನ‌ ಅಂತಿಮ ಹಣಾಹಣಿಗೆ ಅಗ್ರ ಆಟಗಾರರ ಲಗ್ಗೆ

International Tennis Tournament begins at Kalaburagi

<ul><li>ITF Kalaburagi Open: ಕಲಬುರಗಿ ಓಪನ್‌ 2023 ಪುರುಷ‌ ಟೆನಿಸ್ ಕ್ರೀಡಾಕೂಟದ ಅರ್ಹತಾ ಪಂದ್ಯಗಳು ಕಲಬುರಗಿ ನಗರದಲ್ಲಿ ಆರಂಭಗೊಂಡಿದೆ.</li></ul>

ಪ್ರೊ ಕಬಡ್ಡಿ ಲೀಗ್-10; ಇಲ್ಲಿದೆ 12 ತಂಡಗಳು, ದುಬಾರಿ ಆಟಗಾರ, ರೈಡರ್ಸ್, ಡಿಫೆಂಡರ್ಸ್ ಪಟ್ಟಿ

Pro Kabaddi League 2023

<ul><li>Pro Kabaddi League 2023: ಪ್ರೊ ಕಬಡ್ಡಿ ಲೀಗ್​ನ 12 ಎಲ್ಲಾ ತಂಡಗಳಲ್ಲಿ ಆಟಗಾರರು ಯಾರಿದ್ದಾರೆ? ನಾಯಕ, ಮಾಲೀಕ ಯಾರು? ತಂಡದ ದುಬಾರಿ ಆಟಗಾರರು ಎಂಬುದನ್ನು ಇಲ್ಲಿ ವಿವರಿಸಲಾಗಿದೆ.</li></ul>

PKL Season 10: ಪ್ರೊ ಕಬಡ್ಡಿ ಲೀಗ್ ಆರಂಭಕ್ಕೆ ದಿನಗಣನೆ; ಇಲ್ಲಿದೆ 12 ತಂಡಗಳ ನಾಯಕರು, ಮಾಲೀಕರ ಪಟ್ಟಿ​

<ul><li>Pro Kabaddi League 2023: ಏಕದಿನ ವಿಶ್ವಕಪ್ ಮುಕ್ತಾಯವಾಗಿದೆ. ಈಗ ಕ್ರೀಡಾ ಪ್ರೇಮಿಗಳನ್ನು ಮನರಂಜಿಸಲು ಪ್ರೊ ಕಬಡ್ಡಿ ಲೀಗ್​ ಆರಂಭಕ್ಕೆ ದಿನಗಣನೆ ಶುರುವಾಗಿದೆ. ಹಾಗಾದರೆ ಟೂರ್ನಿಯಲ್ಲಿ 12 ತಂಡಗಳ ನಾಯಕರು, ಕೋಚ್​​ಗಳು, ಮಾಲೀಕರು ಯಾರು? ಇಲ್ಲಿದೆ ಪಟ್ಟಿ.</li></ul>

<ul><li>Tamil Thalaivas: ಹೊಸ ಋತುವಿನ ಪ್ರೊ ಕಬಡ್ಡಿಗಾಗಿ ತಮಿಳ್‌ ತಲೈವಾಸ್‌ ತಂಡವು ನೂತನ ನಾಯಕನನ್ನು ಘೋಷಿಸಿದೆ.</li></ul>

ಅವರ ನಿರ್ಧಾರಕ್ಕೆ ಗೌರವವಿದೆ; ಹಾರ್ದಿಕ್ ಪಾಂಡ್ಯ ಮುಂಬೈ ಮರಳಲು ಕಾರಣ ವಿವರಿಸಿದ ಗುಜರಾತ್ ಟೈಟಾನ್ಸ್

Hardik Pandya

<p>ಐಪಿಎಲ್‌ ಮಿನಿ ಹರಾಜಿಗೂ ಮುನ್ನ, ಫ್ರಾಂಚೈಸಿಗಳ ನಡುವೆ ಟ್ರೇಡಿಂಗ್‌ ವ್ಯವಹಾರ ಜೋರಾಗಿ ಸಾಗುತ್ತಿದೆ. ಆಟಗಾರರ ರಿಟೆನ್ಷನ್‌ ಮತ್ತು ಬಿಡುಗಡೆಯ ಪಟ್ಟಿ ಸಲ್ಲಿಕೆ ಬಳಿಕ ನಡೆದ ಕೆಲವೊಂದು ಬೆಳವಣಿಗಳು ಅಭಿಮಾನಿಗಳ ಅಚ್ಚರಿಗೆ ಕಾರಣವಾಗಿದೆ. ಹಾರ್ದಿಕ್ ಪಾಂಡ್ಯ ಅವರನ್ನು ಮುಂಬೈ ಇಂಡಿಯನ್ಸ್‌ ತಂಡವು ಮತ್ತೆ ತನ್ನ ತೆಕ್ಕೆ ಸೇರಿಸಿಕೊಂಡಿರುವುದು, ಐಪಿಎಲ್‌ 2024ರ ಪ್ರಮುಖ ಬೆಳವಣಿಗೆಯಾಗಿದೆ.</p>

<p>ಗುಜರಾತ್ ಟೈಟಾನ್ಸ್ ತಂಡವು ಹಾರ್ದಿಕ್‌ ಪಾಂಡ್ಯರನ್ನು ಬಿಟ್ಟುಕೊಟ್ಟಿದ್ದಕ್ಕಾಗಿ ನಗದು ವ್ಯಾಪಾರ ವ್ಯವಹಾರದ ಭಾಗವಾಗಿ ಮುಂಬೈ ತಂಡದಿಂದ ಬರೋಬ್ಬರಿ 15 ಕೋಟಿ ರೂಪಾಯಿಗಳನ್ನು ಪಡೆಯಲಿದೆ. ಇದೇ ವೇಳೆ ಮುಂಬೈ ತಂಡವು ಕ್ಯಾಮರೂನ್ ಗ್ರೀನ್‌ ಅವರನ್ನು ಆರ್‌ಸಿಬಿಗೆ ಕಳುಹಿಸಿದೆ.‌</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/cricket/hardik-pandya-first-reaction-after-joining-mumbai-indians-for-ipl-2024-from-gujarat-titans-indian-premier-league-jra-181701078168799.html" rel="dofollow"><i>ಮರಳಿ ಮುಂಬೈ ಸೇರಿದ ಬಳಿಕ ಪಾಂಡ್ಯ ಮೊದಲ ಪ್ರತಿಕ್ರಿಯೆ; ಹಿತವೆನಿಸುತ್ತಿದೆ ಎಂದ ಹಾರ್ದಿಕ್</i></a></h2><p>ತಮ್ಮ ಹಳೆಯ ಐಪಿಎಲ್‌ ತಂಡವಾದ ಮುಂಬೈ ಇಂಡಿಯನ್ಸ್‌ ಸೇರಿಕೊಂಡ ಕುರಿತು ತಮ್ಮ ಹಳೆಯ ನೆನಪುಗಳನ್ನು ಮೆಲುಕು ಹಾಕಿರುವ ಪಾಂಡ್ಯ, ಹೊಸ ಭಾವನೆಯನ್ನು ವ್ಯಕ್ತಪಡಿಸಿದ್ದಾರೆ. “ಇದು ಅನೇಕ ಅದ್ಭುತ ನೆನಪುಗಳನ್ನು ಮೆಲುಕು ಹಾಕಿಸಿದೆ. ಮುಂಬೈ, ವಾಂಖೆಡೆ, ಪಲ್ಟನ್. ಮುಂಬೈಗೆ ಮರಳಿರುವುದು ಹಿತವೆನಿಸುತ್ತಿದೆ,” ಎಂದು ಪಾಂಡ್ಯ ಹೇಳಿದ್ದಾರೆ. ಮಾಜಿ‌ ಚಾಂಪಿಯನ್‌ ಮುಂಬೈ, 2015ರ ಐಪಿಎಲ್ ಹರಾಜಿನಲ್ಲಿ ಪಾಂಡ್ಯ ಅವರನ್ನು ಕೇವಲ 10 ಲಕ್ಷ ರೂಪಾಯಿಗೆ ಖರೀದಿ ಮಾಡಿತ್ತು.</p>

<h2>ಪಾಂಡ್ಯ ಬಿಟ್ಟುಕೊಡಲು ಕಾರಣ ಬಹಿರಂಗಪಡಿಸಿದ ಗುಜರಾತ್</h2><p>ಪಾಂಡ್ಯರನ್ನು ತಂಡದಿಂದ ಬಿಟ್ಟುಕೊಟ್ಟಿರುವ ಕುರಿತಾಗಿ ಗುಜರಾತ್‌ ಟೈಟಾನ್ಸ್‌ ತಂಡದ ನಿರ್ದೇಶಕ ವಿಕ್ರಮ್ ಸೋಲಂಕಿ ಪ್ರತಿಕ್ರಿಯೆ ನೀಡಿದ್ದಾರೆ. ಕಳೆದ ಎರಡು ಐಪಿಎಲ್ ಸೀಸನ್‌ಗಳಲ್ಲಿ ತಂಡದ ಯಶಸ್ಸಿನಲ್ಲಿ ಪಾಂಡ್ಯ ಅವರ ಕೊಡುಗೆಯನ್ನು ಅವರು ಶ್ಲಾಘಿಸಿದ್ದಾರೆ.</p>

<p>“ಗುಜರಾತ್ ಟೈಟಾನ್ಸ್‌ ತಂಡದ ಚೊಚ್ಚಲ ನಾಯಕನಾಗಿ ಹಾರ್ದಿಕ್ ಪಾಂಡ್ಯ ಫ್ರಾಂಚೈಸಿಗೆ ಎರಡು ಅದ್ಭುತ ಆವೃತ್ತಿಗಳನ್ನು ಕೊಡುವಲ್ಲಿ ನೆರವಾಗಿದ್ದಾರೆ. ಇದರ ಪರಿಣಾಮವಾಗಿ ಒಂದು ಬಾರಿ ತಂಡವು ಚಾಂಪಿಯನ್ ಆಗಿದ್ದು, ಮತ್ತೊಂದು ಬಾರಿ ಫೈನಲ್ ತಲುಪಲು ಸಾಧ್ಯವಾಯಿತು” ಎಂದು ಸೋಲಂಕಿ ತಮ್ಮ ಹೇಳಿಕೆಯಲ್ಲಿ ಉಲ್ಲೇಖಿಸಿದ್ದಾರೆ.</p>

<h2>ಪಾಂಡ್ಯ ನಿರ್ಧಾರಕ್ಕೆ ಗೌರವ</h2><p>“ಈಗ ಪಾಂಡ್ಯ ಅವರು ತಮ್ಮ ಮೂಲ ತಂಡವಾದ ಮುಂಬೈ ಇಂಡಿಯನ್ಸ್‌ಗೆ ಮರಳುವ ಬಯಕೆಯನ್ನು ವ್ಯಕ್ತಪಡಿಸಿದ್ದಾರೆ. ಹೀಗಾಗಿ ನಾವು ಅವರ ನಿರ್ಧಾರವನ್ನು ಗೌರವಿಸುತ್ತೇವೆ. ಅದರಂತೆಯೇ ಅವರ ಮುಂದಿನ ಪಯಣಕ್ಕೆ ಶುಭ ಹಾರೈಸುತ್ತೇವೆ” ಎಂದು ಇಂಗ್ಲೆಂಡ್ ಮಾಜಿ ಕ್ರಿಕೆಟಿಗ ಹೇಳಿದ್ದಾರೆ.</p>

<h2>ಮುಂಬೈ ಮಾಲಕಿ ಸಂತಸ</h2><p>ಮತ್ತೊಂದೆಡೆ ಪಾಂಡ್ಯ ಮತ್ತೆ ಮುಂಬೈ ಸೇರಿಕೊಂಡ ಕುರಿತು ಮಾತನಾಡಿರುವ ಮಾಲಕಿ ನೀತಾ ಅಂಬಾನಿ ಮತ್ತು ಆಕಾಶ್ ಅಂಬಾನಿ ತುಂಬಾ ಖುಷಿಯಾಗಿದ್ದಾರೆ. “ಮತ್ತೆ ಮನೆಗೆ ಮರಳಿದ ಹಾರ್ದಿಕ್ ಅವರನ್ನು ಸ್ವಾಗತಿಸಲು ನಾವು ರೋಮಾಂಚನಗೊಂಡಿದ್ದೇವೆ. ಇದು ನಮ್ಮ ಮುಂಬೈ ಇಂಡಿಯನ್ಸ್ ಕುಟುಂಬದೊಂದಿಗೆ ಹೃದಯಸ್ಪರ್ಶಿ ಪುನರ್ಮಿಲನವಾಗಿದೆ” ಎಂದು ನೀತಾ ಅಂಬಾನಿ ಹೇಳಿದ್ದಾರೆ.</p>

<ul><li>Hardik Pandya: ಗುಜರಾತ್‌ ಟೈಟಾನ್ಸ್ ತಂಡದ ನಿರ್ದೇಶಕ ವಿಕ್ರಮ್ ಸೋಲಂಕಿ, ಹಾರ್ದಿಕ್ ಪಾಂಡ್ಯ ತಂಡದ ತೊರೆಯಲು ಕಾರಣವೇನು ಎಂಬುದನ್ನು ಬಹಿರಂಗಪಡಿಸಿದ್ದಾರೆ.</li></ul>

ವಿರಾಟ್ ಕೊಹ್ಲಿ ದಾಖಲೆ ಸರಿಗಟ್ಟಿದ ಸಿಕಂದರ್ ರಝಾ; ವಿಶ್ವಕಪ್ ಅರ್ಹತಾ ಪಂದ್ಯದಲ್ಲಿ ಹ್ಯಾಟ್ರಿಕ್‌ ಸಾಧನೆ

Sikandar Raza

<p>ಐಸಿಸಿ ಪುರುಷರ ಟಿ20 ವಿಶ್ವಕಪ್ (ICC Men's T20 World Cup) ಆಫ್ರಿಕಾ ವಲಯದ ಅರ್ಹತಾ ಪಂದ್ಯಗಳು (Africa Region Qualifier) ನಡೆಯುತ್ತಿವೆ. ಸೋಮವಾರ ನಡೆದ ಪಂದ್ಯಗಳಲ್ಲಿ ನಮೀಬಿಯಾ ಮತ್ತು ಜಿಂಬಾಬ್ವೆ ತಂಡಗಳು ಕ್ರಮವಾಗಿ ಕೀನ್ಯಾ ಮತ್ತು ರುವಾಂಡಾ ವಿರುದ್ಧ ನಿರ್ಣಾಯಕ ಪಂದ್ಯಗಳಲ್ಲಿ ಗೆದ್ದು ಬೀಗಿವೆ.</p>

<p>ಈ ಗೆಲುವಿನೊಂದಿಗೆ ನಮೀಬಿಯಾ ತಂಡವು ಆಫ್ರಿಕಾ ವಲಯದ ಕ್ವಾಲಿಫೈಯರ್ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಆಡಿದ ನಾಲ್ಕು ಪಂದ್ಯಗಳಲ್ಲಿ ಗೆಲುವು ಸಾಧಿಸಿ ಎಂಟು ಅಂಕಗಳನ್ನು ಕಲೆ ಹಾಕಿದೆ. ಮತ್ತೊಂದೆಡೆ ಪಂದ್ಯದಲ್ಲಿ ಸೋತರೂ ಕೀನ್ಯಾ ಕೂಡಾ ಆರು ಅಂಕಗಳೊಂದಿಗೆ ಎರಡನೇ ಸ್ಥಾನವನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/cricket/pakistan-star-pacer-hasan-ali-expresses-desire-to-play-in-ipl-indian-premier-league-2024-every-player-wants-to-play-jra-181701150098001.html" rel="dofollow"><i>ಐಪಿಎಲ್‌ನಲ್ಲಿ ಆಡೋದು ಪ್ರತಿಯೊಬ್ಬ ಕ್ರಿಕೆಟಿಗನ ಬಯಕೆ, ಅವಕಾಶ ಸಿಕ್ರೆ ಖಂಡಿತಾ ಆಡ್ತೇನೆ ಎಂದ ಪಾಕ್‌ ವೇಗಿ</i></a></h2><p>ದಿನದ ಎರಡನೇ ಪಂದ್ಯದಲ್ಲಿ ಜಿಂಬಾಬ್ವೆ ತಂಡವು ರುವಾಂಡಾ ವಿರುದ್ಧ 144 ರನ್‌ಗಳ ಅಂತರದಿಂದ ಭರ್ಜರಿ ಜಯ ಸಾಧಿಸಿತು. ಈ ಪಂದ್ಯಕ್ಕೂ ಮುನ್ನ ಉಗಾಂಡಾ ವಿರುದ್ಧ ಆಘಾತಕಾರಿ ಸೋಲನುಭವಿಸಿದ್ದ ಜಿಂಬಾಬ್ವೆ, ಟಿ20 ವಿಶ್ವಕಪ್‌ಗೆ ಅರ್ಹತೆ ಪಡೆಯಲು ರುವಾಂಡಾ ವಿರುದ್ಧ ಗೆಲ್ಲಲೇ ಬೇಕಿತ್ತು. ಅನುಭವಿ ಆಲ್‌ರೌಂಡರ್ ಸಿಕಂದರ್ ರಝಾ ಬ್ಯಾಟ್ ಮತ್ತು ಬಾಲ್ ಎರಡರಲ್ಲೂ ಅಮೋಘ ಪ್ರದರ್ಶನ ನೀಡುವ ಮೂಲಕ ತಂಡವನ್ನು ಗೆಲುವಿನತ್ತ ಮುನ್ನಡೆಸಿದರು. ಬ್ಯಾಟಿಂಗ್‌ನಲ್ಲಿ 36 ಎಸೆತಗಳಲ್ಲಿ 58 ರನ್ ಗಳಿಸಿದ ಅವರು, ಆ ಬಳಿಕ ಬೌಲಿಂಗ್‌ನಲ್ಲೂ ಅಬ್ಬರಿಸಿದರು. ಆ ಮೂಲಕ ಪಂದ್ಯದಲ್ಲಿ ಎರಡೆರಡು ದಾಖಲೆ ನಿರ್ಮಿಸಿದರು.</p>

<h2>ಹ್ಯಾಟ್ರಿಕ್‌ ಸಾಧಿಸಿದ ಮೊದಲ ಬೌಲರ್</h2><p>ರಾಝಾ ತಮ್ಮ ಅದ್ಭುತ ಫಾರ್ಮ್ ಅನ್ನು ಮುಂದುವರೆಸಿದರು.‌ ಬೌಲಿಂಗ್‌ನಲ್ಲಿಯೂ ಎದುರಾಳಿ ತಂಡಕ್ಕೆ ಗಂಭೀರ ಹಾನಿ ಮಾಡಿದರು. ಬ್ಯಾಟಿಂಗ್‌ ವೇಳೆ ಆರು ಬೌಂಡರಿ ಮತ್ತು ನಾಲ್ಕು ಸ್ಫೋಟಕ ಸಿಕ್ಸರ್‌ ಸಿಡಿಸಿದರು. ಇವರ ಆಟದ ನೆರವಿಂದ ಜಿಂಬಾಬ್ವೆಗೆ 4 ವಿಕೆಟ್‌ ನಷ್ಟಕ್ಕೆ 215 ರನ್‌ ಗಳಿಸಿತು.</p>

<p>19ನೇ ಓವರ್‌ನಲ್ಲಿ ಹ್ಯಾಟ್ರಿಕ್‌ ಸಾಧನೆ ಮಾಡಿದ ರಝಾ, ಅಮೋಘ ದಾಖಲೆ ಮಾಡಿದರು. ಟಿ20 ಸ್ವರೂಪದಲ್ಲಿ ಜಿಂಬಾಬ್ವೆ ಪರ ಹ್ಯಾಟ್ರಿಕ್‌ ವಿಕೆಟ್‌ ಸಾಧನೆ ಮಾಡಿದ ಮೊದಲ ಆಟಗಾರ ಎಂಬ ದಾಖಲೆ ನಿರ್ಮಿಸಿದರು. ಕೇವಲ 3 ರನ್‌ ಬಿಟ್ಟುಕೊಟ್ಟು 3 ರನ್ ಕಲೆಹಾಕಿದರು.</p>

<h2>ಕೊಹ್ಲಿ ದಾಖಲೆ ಸರಿಗಟ್ಟಿದ ರಝಾ</h2><p>ಬ್ಯಾಟ್ ಮತ್ತು ಬಾಲ್ ಎರಡರಲ್ಲೂ ವೀರೋಚಿತ ಪ್ರದರ್ಶನ ನೀಡಿದ ರಝಾ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು. ಇದು ಈ ವರ್ಷ ಅವರ ಆರನೇ ಮ್ಯಾನ್‌ ಆಫ್‌ ದಿ ಮ್ಯಾಚ್ ಪ್ರಶಸ್ತಿಯಾಗಿದೆ. ಭಾರತದ ಬ್ಯಾಟರ್‌ ವಿರಾಟ್ ಕೊಹ್ಲಿ‌ ಕೂಡಾ ಈ ವರ್ಷ ಆರು ಬಾರಿ ಪಂದ್ಯಶ್ರೇಷ್ಠರಾಗಿದ್ದಾರೆ. ಆ ಮೂಲಕ ರಝಾ ಕೂಡಾ ಜಂಟಿ ಗರಿಷ್ಠ ಪ್ರಶಸ್ತಿ ದಾಖಲೆ ಮಾಡಿದ್ದಾರೆ.</p>

<ul><li>ಜಿಂಬಾಬ್ವೆ ಕ್ರಿಕೆಟ್‌ ತಂಡದ ಅನುಭವಿ ಆಲ್‌ರೌಂಡರ್ ಸಿಕಂದರ್ ರಝಾ, ಐತಿಹಾಸಿಕ ದಾಖಲೆ ಬರೆದಿದ್ದಾರೆ. ಹ್ಯಾಟ್ರಿಕ್ ವಿಕೆಟ್‌ ಸಾಧನೆ ಮಾತ್ರವಲ್ಲದೆ 2023ರಲ್ಲಿ ವಿರಾಟ್‌ ಕೊಹ್ಲಿ ಮಾತ್ರ ಮಾಡಿರುವ ದಾಖಲೆ ಸರಿಗಟ್ಟಿದ್ದಾರೆ.</li></ul>

ವಿಶ್ವಕಪ್ ಗೆದ್ದ 6 ಆಟಗಾರರನ್ನು ಟಿ20 ಸರಣಿಯಿಂದ ಹೊರಗಿಟ್ಟ ಆಸೀಸ್; ಉಳಿದ 3 ಪಂದ್ಯಗಳಿಗೆ ನೂತನ ತಂಡ ಪ್ರಕಟ

<p>ಏಕದಿನ ವಿಶ್ವಕಪ್‌ ಪಂದ್ಯಾವಳಿ ಮುಕ್ತಾಯಗೊಂಡ ಬೆನ್ನಲ್ಲೇ, ಭಾರತ ಹಾಗೂ ಆಸ್ಟ್ರೇಲಿಯಾ ತಂಡಗಳ ನಡುವೆ ಟಿ20 ಸರಣಿ (India vs Australia) ಆರಂಭವಾಗಿದೆ. ವಿಶ್ವಕಪ್‌ ಪಂದ್ಯವಾಳಿಯುದ್ದಕ್ಕೂ ಆಡಿದ ಭಾರತದ ಬಹುತೇಕ ಆಟಗಾರರಿಗೆ ಈ ಸರಣಿಯಿಂದ ವಿಶ್ರಾಂತಿ ನೀಡಲಾಗಿದೆ. ಆದರೆ, ಆಸ್ಟ್ರೇಲಿಯಾ ತಂಡದ ಹಲವು ಆಟಗಾರರು ಚುಟುಕು ಸರಣಿಯಲ್ಲಿ ಆಡುತ್ತಿದ್ದಾರೆ. ಈ ನಡುವೆ ತಿಂಗಳಿಂದ ಭಾರತದಲ್ಲಿ ನೆಲೆಯೂರಿ ನಿರಂತರ ಪಂದ್ಯಗಳನ್ನು ಆಡುತ್ತಿರುವ ಕ್ರಿಕೆಟಿಗರಿಗೆ ವಿಶ್ರಾಂತಿ ನೀಡಲು ಆಸ್ಟ್ರೇಲಿಯಾ ಮುಂದಾಗಿದೆ.</p>

<p>ಐದು ಪಂದ್ಯಗಳ ಟಿ20 ಸರಣಿಯ ಎರಡು ಪಂದ್ಯಗಳು ಮುಗಿದ ಬೆನ್ನಲ್ಲೇ, ವಿಶ್ವಕಪ್ ವಿಜೇತ ತಂಡದಲ್ಲಿದ್ದ ಏಳು ಸದಸ್ಯರಲ್ಲಿ ಆರು ಆಟಗಾರರನ್ನು ಮರಳಿ ತವರಿಗೆ ಕರೆಸಿಕೊಳ್ಳಲು ಆಸ್ಟ್ರೇಲಿಯಾ ನಿರ್ಧರಿಸಿದೆ. ‌</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/cricket/guwahati-weather-update-for-india-vs-australia-3rd-t20i-assam-rain-forecast-november-28-barsapara-cricket-stadium-jra-181701144198427.html" rel="dofollow">ಭಾರತ ಆಸ್ಟ್ರೇಲಿಯಾ 3ನೇ ಟಿ20; ಮಳೆಯಿಂದ ಪಂದ್ಯ ರದ್ದಾಗುವ ಆತಂಕ ಇದೆಯಾ? ಗುವಾಹಟಿ ಹವಾಮಾನ ಹೀಗಿದೆ</a></h2><p>ಗ್ಲೆನ್ ಮ್ಯಾಕ್ಸ್‌ವೆಲ್, ಮಾರ್ಕಸ್ ಸ್ಟೊಯ್ನಿಸ್, ಜೋಶ್ ಇಂಗ್ಲಿಸ್ ಮತ್ತು ಸೀನ್ ಅಬಾಟ್ ಅವರು ಮಂಗಳವಾರ ಗುವಾಹಟಿಯಲ್ಲಿ ನಡೆಯಲಿರುವ ಮೂರನೇ ಟಿ20 ಪಂದ್ಯದ ನಂತರ ಬುಧವಾರ ಆಸ್ಟ್ರೇಲಿಯಾಗೆ ಮರಳಲಿದ್ದಾರೆ. ಅತ್ತ ಸ್ಟೀವ್ ಸ್ಮಿತ್ ಮತ್ತು ಆಡಮ್ ಜಂಪಾ ಈಗಾಗಲೇ ಮನೆಗೆ ಮರಳಿದ್ದಾರೆ ಎಂದು ಕ್ರಿಕೆಟ್‌ ಆಸ್ಟ್ರೇಲಿಯಾ ವರದಿ ಮಾಡಿದೆ.</p>

<p>ವಿಶ್ವಕಪ್‌ ಪಂದ್ಯಾವಳಿಗೂ ಮುನ್ನ ಭಾರತಕ್ಕೆ ಬಂದಿರುವ ಆಸೀಸ್‌ ಆಟಗಾರರು ಸುಮಾರು ಎರಡು ತಿಂಗಳಿಗೂ ಹೆಚ್ಚು ಕಾಲ ಭಾರತದಲ್ಲೇ ಇದ್ದಾರೆ. ಈ ನಡುವೆ ನಿರಂತರ ಪಂದ್ಯಗಳಿಂದ ವಿಶ್ರಾಂತಿ ಸಿಕ್ಕಿಲ್ಲ. ಅಲ್ಲದೆ, ಇವರಲ್ಲಿ ಹೆಚ್ಚಿನ ಆಟಗಾರರು ವಿಶ್ವಕಪ್‌ ಪಂದ್ಯಾವಳಿಗೂ ಮುನ್ನ ನಡೆದ ಭಾರತ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿಯೂ ಆಡಿದ್ದರು. ಹೀಗಾಗಿ ಆಟಗಾರರಿಗೆ ವಿಶ್ರಾಂತಿ ನೀಡುವ ಸಲುವಾಗಿ ಕ್ರಿಕೆಟ್‌ ಆಸ್ಟ್ರೇಲಿಯಾ ತಮ್ಮ ಆಟಗಾರರನ್ನು ಮರಳಿ ತವರಿಗೆ ಕರೆಸಿಕೊಂಡಿದೆ.</p>

<p>ಸದ್ಯ ಆಸ್ಟ್ರೇಲಿಯಾ ವಿಶ್ವಕಪ್ ತಂಡದಲ್ಲಿ ಆಡಿದ್ದ ಟ್ರಾವಿಸ್ ಹೆಡ್ ಮಾತ್ರ ಭಾರತದಲ್ಲೇ ಉಳಿದಿದ್ದು, ಟಿ20 ಸರಣಿಯ ಉಳಿದ ಪಂದ್ಯಗಳಲ್ಲಿ ಆಡಲಿದ್ದಾರೆ. ವಿಶ್ವಕಪ್ ಫೈನಲ್‌ ಪಂದ್ಯದಲ್ಲಿ ಶತಕ ಸಿಡಿಸಿ ಭಾರತವನ್ನು ಕಾಡಿದ್ದ ಹೆಡ್‌, ಈ ಸರಣಿಯಲ್ಲಿ ಇನ್ನೂ ಆಡಿಲ್ಲ. ಸದ್ಯ ಮೂರನೇ ಟಿ20 ಪಂದ್ಯದಲ್ಲಿ ಹೆಡ್‌ ಇನ್ನಿಂಗ್ಸ್‌ ಆರಂಭಿಸುವುದು ಬಹುತೇಕ ಖಚಿತವಾಗಿದೆ.</p>

<h2>ಇದನ್ನೂ ಓದಿ | <a class="manualbacklink" target="_blank" href="https://kannada.hindustantimes.com/cricket/team-india-likely-playing-eleven-for-3rd-t20i-vs-australia-ind-vs-aus-guwahati-jaiswal-rinku-sundar-suryakumar-yadav-jra-181701141844750.html" rel="dofollow">ಸುಂದರ್‌ಗೆ ಅವಕಾಶಕ್ಕೆ ಚಿಂತನೆ; ಇಂಡೋ-ಆಸೀಸ್‌ 3ನೇ ಟಿ20ಗೆ ಭಾರತ ಸಂಭಾವ್ಯ ತಂಡ ಹೀಗಿದೆ</a></h2><p>ವಿಕೆಟ್‌ ಕೀಪರ್ ಹಾಗೂ ಬ್ಯಾಟರ್ ಆಗಿ ಜೋಶ್ ಫಿಲಿಪ್ ಮತ್ತು ಪವರ್‌ ಹಿಟ್ಟರ್ ಬೆನ್ ಮೆಕ್‌ಡರ್ಮಾಟ್ ಈಗಾಗಲೇ ಗುವಾಹಟಿಯಲ್ಲಿ ತಂಡ ಸೇರಿಕೊಂಡಿದ್ದಾರೆ. ಅತ್ತ ರಾಯ್‌ಪುರದಲ್ಲಿ ನಡೆಯಲಿರುವ ನಾಲ್ಕನೇ ಟಿ20 ಪಂದ್ಯಕ್ಕೆ ಮುಂಚಿತವಾಗಿ ಬೆನ್ ದ್ವಾರ್‌ಶುಯಿಸ್ ಮತ್ತು ಆಫ್ ಸ್ಪಿನ್ನರ್ ಕ್ರಿಸ್ ಗ್ರೀನ್ ಬುಧವಾರ ತಂಡ ಸೇರಿಕೊಳ್ಳುವ ಸಾಧ್ಯತೆಯಿದೆ.</p>

<h2>ಆಸ್ಟ್ರೇಲಿಯಾ ನೂತನ ಟಿ20 ತಂಡ</h2><p>ಮ್ಯಾಥ್ಯೂ ವೇಡ್ (ನಾಯಕ), ಜೇಸನ್ ಬೆಹ್ರೆನ್‌ಡಾರ್ಫ್, ಟಿಮ್ ಡೇವಿಡ್, ಬೆನ್ ಡ್ವಾರ್ಶುಯಿಸ್, ನಾಥನ್ ಎಲ್ಲಿಸ್, ಕ್ರಿಸ್ ಗ್ರೀನ್, ಆರನ್ ಹಾರ್ಡಿ, ಟ್ರಾವಿಸ್ ಹೆಡ್, ಬೆನ್ ಮೆಕ್‌ಡರ್ಮಾಟ್, ಜೋಶ್ ಫಿಲಿಪ್, ತನ್ವೀರ್ ಸಂಘ, ಮ್ಯಾಟ್ ಶಾರ್ಟ್, ಕೇನ್ ರಿಚರ್ಡ್‌ಸನ್.</p>

<ul><li>India vs Australia T20I: ಭಾರತ ವಿರುದ್ಧದ ಉಳಿದ ಮೂರು ಪಂದ್ಯಗಳಿಗೆ ಆಸ್ಟ್ರೇಲಿಯಾ ಟಿ20 ತಂಡದಲ್ಲಿ ಮಹತ್ವದ ಬದಲಾವಣೆ ಮಾಡಲಾಗಿದೆ.</li></ul>

Jayaraj