RSA vs AFG Highlights:‌ ಅಫ್ಘಾನಿಸ್ತಾನ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದ ದಕ್ಷಿಣ ಆಫ್ರಿಕಾ

‌South Africa vs Afghanistan Cricket World Cup 2023 Highlights: ಏಕದಿನ ವಿಶ್ವಕಪ್‌ 2023ರ 42ನೇ ಪಂದ್ಯದಲ್ಲಿ ಅಫ್ಘಾನಿಸ್ತಾನ ತಂಡದ ವಿರುದ್ಧ ದಕ್ಷಿಣ ಆಫ್ರಿಕಾ 5 ವಿಕೆಟ್​​​ಗಳ ಅಮೋಘ ಗೆಲುವು ಸಾಧಿಸಿದೆ. ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಈ ಪಂದ್ಯ ನಡೆಯಿತು.

ಗೆಲುವಿನೊಂದಿಗೆ ಅಭಿಯಾನ ಮುಗಿಸಿದ ಆಫ್ರಿಕಾ

ಏಕದಿನ ವಿಶ್ವಕಪ್ ಟೂರ್ನಿಯ 42ನೇ ಪಂದ್ಯದಲ್ಲಿ ಅಫ್ಘಾನಿಸ್ತಾನ ಎದುರು ದಕ್ಷಿಣ ಆಫ್ರಿಕಾ 5 ವಿಕೆಟ್​​ಗಳ ಗೆಲುವು ಸಾಧಿಸಿತು. ಅಹ್ಮದಾಬಾದ್​ನ ನರೇಂದ್ರ ಮೋದಿ ಮೈದಾನದಲ್ಲಿ ನಡೆದ ಉಭಯ ತಂಡಗಳ ಅಂತಿಮ ಲೀಗ್​ ಪಂದ್ಯದಲ್ಲಿ ಆಫ್ರಿಕಾ  ಸೆಮಿಫೈನಲ್​ ಪ್ರವೇಶಿಸಿದೆ. ಟೆಂಬಾ ಬವುಮಾ ಪಡೆ, ಗೆಲುವಿನೊಂದಿಗೆ ಲೀಗ್ ಅಭಿಯಾನ ಮುಗಿಸಿದೆ. ನವೆಂಬರ್​ 16ರಂದು ನಡೆಯುವ 2ನೇ ಸೆಮಿಫೈನಲ್​ನಲ್ಲಿ ಸೌತ್ ಆಫ್ರಿಕಾ, ಆಸ್ಟ್ರೇಲಿಯಾ ತಂಡವನ್ನು ಎದುರಿಸಲಿದೆ. ಸೆಮಿಫೈನಲ್​ ಪ್ರವೇಶಿಸಲು ಅವಕಾಶ ಹೊಂದಿದ್ದ ಅಫ್ಘನ್, ಸೋಲಿನೊಂದಿಗೆ ವಿಶ್ವಕಪ್ ಅಭಿಯಾನ ಮುಗಿಸಿದೆ. ಅಫ್ಘನ್ ತನ್ನ ಮೊದಲ ಬ್ಯಾಟಿಂಗ್ ಮುಗಿಸಿದ ಬೆನ್ನಲ್ಲೇ ಸೆಮೀಸ್​ನಿಂದ ಹೊರಬಿದ್ದಿತು. 

ಸೌತ್ ಆಫ್ರಿಕಾಗೆ 5 ವಿಕೆಟ್​​ಗಳ ಗೆಲುವು

09.48 PM: RSA vs AFG ODI World Cup 2023 Live Score, RSA 247/5 (47.3): ಅಫ್ಘಾನಿಸ್ತಾನ ಎದುರು ಸೌತ್ ಆಫ್ರಿಕಾ ಭರ್ಜರಿ ಗೆಲುವು ಸಾಧಿಸಿದೆ. 5 ವಿಕೆಟ್​ಗಳಿಂದ ಗೆದ್ದ ಆಫ್ರಿಕಾ, ಗೆಲುವಿನೊಂದಿಗೆ ಅಭಿಯಾನ ಮುಗಿಸಿದೆ. ಅಲ್ಲದೆ, ಟೂರ್ನಿಯಲ್ಲಿ 7ನೇ ಜಯ ದಾಖಲಿಸಿದ ಹರಿಣಗಳು 14 ಅಂಕಗಳೊಂದಿಗೆ 2ನೇ ಸ್ಥಾನದಲ್ಲೇ ಇದೆ. ಆದರೆ ಸೆಮಿಫೈನಲ್​ ಆಸೆಯನ್ನು ಜೀವಂತವಾಗಿಟ್ಟುಕೊಂಡಿದ್ದ ಅಫ್ಘನ್, ಸೋಲಿನೊಂದಿಗೆ ಟೂರ್ನಿ ಮುಗಿಸಿದೆ. ಅಲ್ಲದೆ, ಸೆಮಿಫೈನಲ್​ಗೇರುವ ಕನಸು ಕೂಡ ಕಮರಿದೆ. ವ್ಯಾನ್ ಡರ್ ಡುಸೆನ್​ ಅದ್ಭುತ ಅರ್ಧಶತಕ ಸಿಡಿಸಿದರು.

ಮಿಲ್ಲರ್ ಔಟ್

09.06 PM: RSA vs AFG ODI World Cup 2023 Live Score, RSA 182/4 (37.1): ಮೊಹಮ್ಮದ್ ನಬಿ ಬೌಲಿಂಗ್​ನಲ್ಲಿ ಡೇವಿಡ್ ಮಿಲ್ಲರ್​ ವಿಕೆಟ್​ ಕ್ಯಾಚ್ ನಿರ್ಗಮಿಸಿದರು.

ಡುಸೆನ್ ಅರ್ಧಶತಕ

08.51 PM: RSA vs AFG ODI World Cup 2023 Live Score, RSA 175/4 (35): ವಾನ್ ಡರ್ ಡುಸೆನ್ ಅರ್ಧಶತಕ ಸಿಡಿಸಿ ತಂಡಕ್ಕೆ ನೆರವಾಗಿದ್ದಾರೆ. 66 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ್ದಾರೆ.

4ನೇ ವಿಕೆಟ್ ಪತನ

08.25 PM: RSA vs AFG ODI World Cup 2023 Live Score, RSA 116/3 (27.3): ಹೆನ್ರಿಚ್ ಕ್ಲಾಸೆನ್ ಔಟಾಗಿದ್ದಾರೆ. ರಶೀದ್ ಖಾನ್ ಬೌಲಿಂಗ್​ನಲ್ಲಿ ಕ್ಲೀನ್​ ಬೋಲ್ಡ್ ಆದರು.

3ನೇ ವಿಕೆಟ್ ಪತನ

08.04 PM: RSA vs AFG ODI World Cup 2023 Live Score, RSA 116/3 (23.1): ಅರ್ಧಶತಕದ ಜೊತೆಯಾಟವಾಡಿ ತಂಡಕ್ಕೆ ಆಸರೆಯಾಗುತ್ತಿದ್ದ ಏಡನ್ ಮಾರ್ಕ್ರಮ್ ಮತ್ತು ಡುಸೆನ್ ಜೋಡಿಯನ್ನು ರಶೀದ್ ಖಾನ್ ಬೇರ್ಪಡಿಸಿದ್ದಾರೆ. ಮಾರ್ಕ್ರಮ್​ 32 ಎಸೆತಗಳಲ್ಲಿ 25 ರನ್ ಗಳಿಸಿ ಔಟಾದರು.

21 ಓವರ್​ ಮುಕ್ತಾಯಕ್ಕೆ 105 ರನ್

07.54 PM: RSA vs AFG ODI World Cup 2023 Live Score, RSA 105/2 (21): ದಕ್ಷಿಣ ಆಫ್ರಿಕಾ 21 ಓವರ್​​ಗಳನ್ನು ಪೂರ್ಣಗೊಳಿಸಿದ್ದು, 105 ರನ್ ಗಳಿಸಿದೆ. ಏಡನ್ ಮಾರ್ಕ್ರಮ್ 23 ರನ್ ಮತ್ತು ವ್ಯಾನ್ ಡರ್ ಡುಸೆನ್ 16 ರನ್ ಗಳಿಸಿದ್ದಾರೆ.

ಬವುಮಾ ಬೆನ್ನಲ್ಲೇ ಡಿ ಕಾಕ್ ಔಟ್

07.29 PM: RSA vs AFG ODI World Cup 2023 Live Score, RSA 66/1 (13.1): ಬವುಮಾ ಬೆನ್ನಲ್ಲೇ ಕ್ವಿಂಟನ್ ಡಿ ಕಾಕ್ ಸಹ ವಿಕೆಟ್ ಒಪ್ಪಿಸಿದ್ದಾರೆ. 47 ಎಸೆತಗಳಲ್ಲಿ 41 ರನ್ ಗಳಿಸಿದ ಡಿಕಾಕ್, ಮೊಹಮ್ಮದ್ ನಬಿ ಬೌಲಿಂಗ್​ನಲ್ಲಿ ಎಲ್​​ಬಿ ಬಲೆಗೆ ಬೀಸಿದರು.

ಮೊದಲ ವಿಕೆಟ್ ಪತನ

07.20 PM: RSA vs AFG ODI World Cup 2023 Live Score RSA 64/1 (11): ಸೌತ್​ ಆಫ್ರಿಕಾ ಮೊದಲ ವಿಕೆಟ್ ಪತನಗೊಂಡಿದೆ. ನಾಯಕ ಟೆಂಬಾ ಬವುಮಾ ವಿಕೆಟ್ ಒಪ್ಪಿಸಿದ್ದಾರೆ. 28 ಎಸೆತಗಳಲ್ಲಿ 23 ರನ್ ಸಿಡಿಸಿ ಔಟಾದರು.

ಸೌತ್ ಆಫ್ರಿಕಾ ಉತ್ತಮ ಆರಂಭ

07.18 PM: RSA vs AFG ODI World Cup 2023 Live Score, RSA 57/0 (10): ಸೌತ್​ ಆಫ್ರಿಕಾ ಭರ್ಜರಿ ಆಟವಾಡುತ್ತಿದೆ. 10 ಓವರ್​​ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 57 ರನ್ ಗಳಿಸಿದೆ. ಡಿ ಕಾಕ್ 39 ರನ್, ಬವುಮಾ 18 ರನ್ ಗಳಿಸಿದ್ದಾರೆ.

ಸೌತ್ ಆಫ್ರಿಕಾ ಉತ್ತಮ ಆರಂಭ

06.50 PM: RSA vs AFG ODI World Cup 2023 Live Score, RSA 24/0 (5): ಸೌತ್ ಆಫ್ರಿಕಾ ಉತ್ತಮ ಆರಂಭ ಪಡೆದಿದೆ. 5 ಓವರ್​​​ಗಳಲ್ಲಿ 24 ರನ್ ಗಳಿಸಿದೆ.

ಸೌತ್ ಆಫ್ರಿಕಾ ಬ್ಯಾಟಿಂಗ್ ಆರಂಭ

06.28 PM: RSA vs AFG ODI World Cup 2023 Live Score, RSA 0/0 (0): ಸೌತ್​ ಆಫ್ರಿಕಾ ರನ್ ಚೇಸಿಂಗ್ ಆರಂಭಿಸಿದೆ. ಕ್ವಿಂಟನ್ ಡಿ ಕಾಕ್ ಮತ್ತು ಟೆಂಬಾ ಬವುಮಾ ಬ್ಯಾಟಿಂಗ್ ಆರಂಭಿಸಿದ್ದಾರೆ.

244ಕ್ಕೆ ಆಲೌಟ್

06.00 PM: RSA vs AFG ODI World Cup 2023 Live Score, AFG 244/10 (50): ಅಫ್ಘನ್ 50 ಓವರ್​​​ಗಳಲ್ಲಿ 244 ರನ್​ಗಳಿಗೆ ಆಲೌಟ್ ಆಗಿದೆ. ಅಜ್ಮತುಲ್ಲಾ ಒಮರ್ಜಾಯ್ ಅಜೇಯ 97 ರನ್ ಗಳಿಸಿ ತಂಡಕ್ಕೆ ಆಸರೆಯಾದರು. ಇನ್ನಿಂಗ್ಸ್​​ನ ಕೊನೆಯ ಎಸೆತದಲ್ಲಿ ನವೀನ್ ಉಲ್ ಹಕ್ ರನೌಟ್ ಆದರು.

9ನೇ ವಿಕೆಟ್ ಪತನ

05.45 PM: RSA vs AFG ODI World Cup 2023 Live Score, AFG 229/9 (46): ಮುಜೀಬ್ ಉರ್ ರೆಹಮಾನ್ ವಿಕೆಟ್ ಒಪ್ಪಿಸಿದರು. ಗೆರಾಲ್ಡ್ ಕೊಯೆಟ್ಜಿ 4ನೇ ವಿಕೆಟ್ ಪಡೆದರು.

8ನೇ ವಿಕೆಟ್ ಪತನ

05.38 PM: RSA vs AFG ODI World Cup 2023 Live Score, AFG 204/8 (46): ತಂಡದ 8ನೇ ವಿಕೆಟ್​ ಕಳೆದುಕೊಂಡಿತು. ನೂರ್ ಅಹ್ಮದ್ ಔಟಾದರು. ಗೆರಾಲ್ಡ್ ಕೊಯೆಟ್ಜಿ 3ನೇ ವಿಕೆಟ್ ಪಡೆದು ಮಿಂಚಿದರು. 32 ಎಸೆತಗಳಲ್ಲಿ 26 ರನ್​​ ಗಳಿಸಿ ಔಟಾದರು.

200ರ ಗಡಿ ದಾಟಿದ ಅಫ್ಘನಿಸ್ತಾನ

05.33 PM: RSA vs AFG ODI World Cup 2023 Live Score, AFG 200/7 (45.2): ಅಫ್ಘನಿಸ್ತಾನ 200ಗ ಗಡಿ ದಾಟಿದೆ. ಅಜ್ಮತುಲ್ಲಾ ಒಮರ್ಜಾಯ್ ಅರ್ಧಶತಕ ಸಿಡಿಸಿ ಮಿಂಚಿದ್ದಾರೆ. ನೂರ್ ಅಹ್ಮದ್ ಕೂಡ ಅಮೋಘ ಕಾಣಿಕೆ ನೀಡಿದ್ದಾರೆ.

ಅಫ್ಘನ್ 7ನೇ ವಿಕೆಟ್ ಪತನ

05.01 PM: RSA vs AFG ODI World Cup 2023 Live Score, AFG 160-7 (37.5): ಒಮರ್ಜಾಯ್​ ಜೊತೆ ಅದ್ಭುತ ಇನ್ನಿಂಗ್ಸ್​ ಕಟ್ಟುತ್ತಿದ್ದ ರಶೀದ್ ಖಾನ್ ಔಟಾದರು. ಪೆಹ್ಲುಕ್ವಾಯೋ ಬೌಲಿಂಗ್​​ನಲ್ಲಿ ವಿಕೆಟ್ ಕೀಪರ್​​ಗೆ ಕ್ಯಾಚ್​ ನೀಡಿದರು.

ಒಮರ್ಜಾಯ್ ಅರ್ಧಶತಕ

04.53 PM: RSA vs AFG ODI World Cup 2023 Live Score, AFG 155/6 (36.1): ಸತತ ವಿಕೆಟ್​ ಕಳೆದುಕೊಂಡ ನಿಧಾನವಾಗಿ ಬ್ಯಾಟಿಂಗ್ ನಡೆಸಿದ ಅಜ್ಮತುಲ್ಲಾ ಒಮರ್ಜಾಯ್, ಅರ್ಧಶತಕ ಸಿಡಿಸಿ ಸಂಭ್ರಮಿಸಿದ್ದಾರೆ. ಈ ಟೂರ್ನಿಯಲ್ಲಿ ಇದು ಅವರ 3ನೇ ಅರ್ಧಶತಕ. ಏಕದಿನ ಕ್ರಿಕೆಟ್​ನಲ್ಲಿ 4ನೇ ಅರ್ಧಶತಕ. 71 ಎಸೆತಗಳಲ್ಲಿ 50ರ ಗಡಿ ದಾಟಿದರು. ಅವರ ಇನ್ನಿಂಗ್ಸ್​​ನಲ್ಲಿ 4 ಬೌಂಡರಿ, 1 ಸಿಕ್ಸರ್​ ಇದೆ. ರಶೀದ್​ ಖಾನ್ ಕೂಡ ಉತ್ತಮ ಇನ್ನಿಂಗ್ಸ್ ಕಟ್ಟುತ್ತಿದ್ದಾರೆ.

ನಬಿ ಮತ್ತೊಮ್ಮೆ ನಿರಾಸೆ

04.05 PM: RSA vs AFG ODI World Cup 2023 Live Score, AFG 116/6 (27.4): ಮೊಹಮ್ಮದ್ ನಬಿ ಮತ್ತೊಮ್ಮೆ ನಿರಾಸೆ ಮೂಡಿಸಿದ್ದಾರೆ. ಟೂರ್ನಿಯಲ್ಲಿ ಬೌಲಿಂಗ್ ಮತ್ತು ಬ್ಯಾಟಿಂಗ್​​​​​​​​​​ನಲ್ಲಿ ಯಾವುದೇ ಅದ್ಭುತ ಪ್ರದರ್ಶನ ನೀಡಲಿಲ್ಲ. ಸದ್ಯ ಅಫ್ಘನ್ 6ನೇ ವಿಕೆಟ್ ಕಳೆದುಕೊಂಡಿದೆ.

5ನೇ ವಿಕೆಟ್ ಪತನ

04.05 PM: RSA vs AFG ODI World Cup 2023 Live Score, AFG 112/5 (26.5): ಇಕ್ರಮ್ ಅಲಿಖಿಲ್ ಔಟಾದರು. ಇದರೊಂದಿಗೆ ಅಫ್ಘನ್ ಅಲ್ಪಮೊತ್ತಕ್ಕೆ ಕುಸಿಯುವ ಭೀತಿಗೆ ಸಿಲುಕಿದೆ.

ರೆಹಮತ್ ಶಾ ಔಟ್

03.45 PM: RSA vs AFG ODI World Cup 2023 Live Score AFG 94/4 (23.5): ಸಂಕಷ್ಟದಲ್ಲಿದ್ದ ಅಫ್ಘನ್​ಗೆ​ ಮತ್ತೊಂದು ವಿಕೆಟ್​ ನಷ್ಟವಾಗಿದೆ. 46 ಎಸೆತಗಳಲ್ಲಿ 26 ರನ್ ಗಳಿಸಿದ ರೆಹಮತ್ ಶಾ, ಲುಂಗಿ ಎನ್​ಗಿಡಿ ಬೌಲಿಂಗ್​ನಲ್ಲಿ ಔಟಾದರು.

ರನ್ ಗಳಿಸಲು ಪರದಾಟ

03.30 PM: RSA vs AFG ODI World Cup 2023 Live Score AFG 78/3 (20): ಅಫ್ಘನ್ ರನ್ ಗಳಿಸಲು ಪರದಾಡುತ್ತಿದೆ. ರೆಹಮತ್ ಶಾ ಮತ್ತು ಅಜ್ಮತುಲ್ಲಾ ಒಮರ್ಜಾಯ್ ಅವರು ಕ್ರೀಸ್​ನಲ್ಲಿದ್ದು, ಸೌತ್ ಆಫ್ರಿಕಾ ಎದುರಿಸಲು ಹರಸಾಹಸಪಡುತ್ತಿದ್ದಾರೆ.

ಸಂಕಷ್ಟದಲ್ಲಿ ಅಫ್ಘನ್

02.58 PM: RSA vs AFG ODI World Cup 2023 Live Score AFG 45/3 (10.5): ನಾಯಕ ಹಶ್ಮತುಲ್ಲಾ ಶಾಹಿದಿ ವಿಕೆಟ್ ಒಪ್ಪಿಸಿದ್ದಾರೆ. ಕೇಶವ್ ಮಹಾರಾಜ್ ಮತ್ತೊಂದು ವಿಕೆಟ್ ಪಡೆದು ತಂಡಕ್ಕೆ ಯಶಸ್ಸು ತಂದುಕೊಟ್ಟಿದ್ದಾರೆ.

ಜದ್ರಾನ್ ಔಟ್

02.50 PM: RSA vs AFG ODI World Cup 2023 Live Score AFG 41/2 (9.3): ಅಫ್ಘನ್ ತನ್ನ 2ನೇ ವಿಕೆಟ್ ಕಳೆದುಕೊಂಡಿದೆ. ಇಬ್ರಾಹಿಂ ಗುರ್ಬಾಜ್ 15 ರನ್ ಗಳಿಸಿ ಗೆರಾಲ್ಡ್ ಬೌಲಿಂಗ್​​ನಲ್ಲಿ ಔಟ್ ಆಗಿದ್ದಾರೆ. ಆ ಮೂಲಕ ಆರಂಭಿಕರಿಬ್ಬರನ್ನೂ ಕಳೆದುಕೊಂಡಿದೆ. ಅಲ್ಲದೆ, ಸಂಕಷ್ಟಕ್ಕೂ ಸಿಲುಕಿದೆ.

ಅಫ್ಘನ್ ಮೊದಲ ವಿಕೆಟ್ ಪತನ

02.45 PM: RSA vs AFG ODI World Cup 2023 Live Score AFG 41/1 (8.1): ಅಫ್ಘನ್ ತನ್ನ ಮೊದಲ ವಿಕೆಟ್ ಕಳೆದುಕೊಂಡಿದೆ. ರೆಹಮಾನುಲ್ಲಾ ಗುರ್ಬಾಜ್ 25 ರನ್ ಗಳಿಸಿ ಕೇಶವ್ ಮಹಾರಾಜ್ ಬೌಲಿಂಗ್​ನಲ್ಲಿ ವಿಕೆಟ್ ಒಪ್ಪಿಸಿದರು.

5 ಓವರ್ ಮುಕ್ತಾಯಕ್ಕೆ 24 ರನ್

02.22 PM: RSA vs AFG ODI World Cup 2023 Live Score AFG 24/0 (5): ಅಫ್ಘನ್ ಉತ್ತಮ ಆರಂಭ ಪಡೆದಿದೆ. ಗುರ್ಬಾಜ್ ಮತ್ತು ಜದ್ರಾನ್ ಬೃಹತ್ ಮೊತ್ತ ಕಲೆ ಹಾಕುವ ನಿರೀಕ್ಷೆಯಲ್ಲಿದ್ದಾರೆ.

ಅಫ್ಘನ್ ಬ್ಯಾಟಿಂಗ್ ಆರಂಭ

02.00 PM: RSA vs AFG ODI World Cup 2023 Live Score: ಅಫ್ಘನಿಸ್ತಾನ ಬ್ಯಾಟಿಂಗ್ ಆರಂಭಿಸಿದೆ. ರೆಹಮಾನುಲ್ಲಾ ಗುರ್ಬಾಜ್ ಮತ್ತು ಇಬ್ರಾಹಿಂ ಜದ್ರಾನ್ ಇನ್ನಿಂಗ್ಸ್ ಮುನ್ನಡೆಸಲಿದ್ದಾರೆ. 100ನೇ ಏಕದಿನ ಪಂದ್ಯವಾಡುತ್ತಿರುವ ಕಗಿಸೋ ರಬಾಡ ಮೊದಲು ಬೌಲಿಂಗ್ ಮಾಡುತ್ತಿದ್ದಾರೆ.

ತಂಡಗಳು

ಅಫ್ಘಾನಿಸ್ತಾನ (ಪ್ಲೇಯಿಂಗ್ XI): ರಹಮಾನುಲ್ಲಾ ಗುರ್ಬಾಜ್, ಇಬ್ರಾಹಿಂ ಜದ್ರಾನ್, ರಹಮತ್ ಷಾ, ಹಶ್ಮತುಲ್ಲಾ ಶಾಹಿದಿ (ನಾಯಕ), ಅಜ್ಮತುಲ್ಲಾ ಒಮರ್ಜಾಯ್, ಮೊಹಮ್ಮದ್ ನಬಿ, ರಶೀದ್ ಖಾನ್, ಇಕ್ರಮ್ ಅಲಿಖಿಲ್ (ವಿಕೆಟ್ ಕೀಪರ್), ಮುಜೀಬ್ ಉರ್ ರಹಮಾನ್, ನೂರ್ ಅಹ್ಮದ್, ನವೀನ್-ಉಲ್-ಹಾ

ದಕ್ಷಿಣ ಆಫ್ರಿಕಾ (ಪ್ಲೇಯಿಂಗ್ XI): ಕ್ವಿಂಟನ್ ಡಿ ಕಾಕ್ (ವಿಕೆಟ್ ಕೀಪರ್), ಟೆಂಬಾ ಬವುಮಾ (ನಾಯಕ), ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್, ಏಡೆನ್ ಮಾರ್ಕ್ರಾಮ್, ಹೆನ್ರಿಚ್ ಕ್ಲಾಸೆನ್, ಆಂಡಿಲೆ ಫೆಹ್ಲುಕ್ವಾಯೊ, ಡೇವಿಡ್ ಮಿಲ್ಲರ್, ಜೆರಾಲ್ಡ್ ಕೊಯೆಟ್ಜಿ, ಕೇಶವ್ ಮಹಾರಾಜ್, ಕಗಿಸೊ ರಬಾಡ, ಲುಂಗಿ ಎನ್​​ಗಿಡಿ

ಟಾಸ್ ಗೆದ್ದ ಅಫ್ಘನ್​ ಬ್ಯಾಟಿಂಗ್ ಆಯ್ಕೆ

1.30 PM: RSA vs AFG ODI World Cup 2023 Live Score: ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯ 42ನೇ ಪಂದ್ಯದಲ್ಲಿ ಸೌತ್​ ಆಫ್ರಿಕಾ ವಿರುದ್ಧ ಅಫ್ಘಾನಿಸ್ತಾನ ತಂಡವು ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದೆ. ಉಭಯ ತಂಡಗಳಿಗೂ ಲೀಗ್​​ನ ಅಂತಿಮ ಪಂದ್ಯ. ಸೌತ್ ಆಫ್ರಿಕಾ ಈಗಾಗಲೇ ಸೆಮಿಫೈನಲ್ ಪ್ರವೇಶಿಸಿದೆ. ಅಫ್ಘನ್​ ಇಂದು ಬಾರಿ ಅಂತರದ ಗೆಲುವು ಸಾಧಿಸಬೇಕಿದೆ.

• ಪಂದ್ಯ: ದಕ್ಷಿಣ ಆಫ್ರಿಕಾ ಮತ್ತು ಅಫ್ಘಾನಿಸ್ತಾನ
• ಏಕದಿನ ವಿಶ್ವಕಪ್ 2023, 42ನೇ ಪಂದ್ಯ
• ಸ್ಥಳ: ನರೇಂದ್ರ ಮೋದಿ ಸ್ಟೇಡಿಯಂ, ಅಹಮದಾಬಾದ್
• ದಿನಾಂಕ: ನವೆಂಬರ್ 10, ಶುಕ್ರವಾರ
• ಸಮಯ: ಮಧ್ಯಾಹ್ನ 2 ಗಂಟೆ (ಭಾರತೀಯ ಕಾಲಮಾನ)
• ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್ ನೆಟ್‌ವರ್ಕ್
• ಲೈವ್ ಸ್ಟ್ರೀಮಿಂಗ್: ಡಿಸ್ನಿ+ ಹಾಟ್‌ಸ್ಟಾರ್ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್

ಮುಖಾಮುಖಿ ದಾಖಲೆ

RSA vs AFG ODI World Cup 2023 Live Updates: ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್‌ನಲ್ಲಿ ದಕ್ಷಿಣ ಆಫ್ರಿಕಾ ಮತ್ತು ಅಫ್ಘಾನಿಸ್ತಾನ ಒಮ್ಮೆ ಮಾತ್ರ ಮುಖಾಮುಖಿಯಾಗಿದ್ದು, ಆ ಏಕೈಕ ಪಂದ್ಯವನ್ನು ದಕ್ಷಿಣ ಆಫ್ರಿಕಾವೇ ಗೆದ್ದುಕೊಂಡಿದೆ. 2019ರ ಜೂನ್ 15 ರಂದು ಉಭಯ ತಂಡಗಳು ಮೊದಲ ಬಾರಿಗೆ ಮುಖಾಮುಖಿಯಾಗಿದ್ದವು. ಆ ನಂತರ ಪೈಪೋಟಿಗೆ ಸಿದ್ಧವಾಗಿವೆ.

ನರೇಂದ್ರ ಮೋದಿ ಸ್ಟೇಡಿಯಂ ಪಿಚ್ ವರದಿ

RSA vs AFG ODI World Cup 2023 Live Updates: ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂ ಪಿಚ್ ಬ್ಯಾಟರ್‌ಗಳ ಸ್ವರ್ಗ. ಇಲ್ಲಿ ಮೊದಲು ಬ್ಯಾಟಿಂಗ್‌ ಮಾಡುವ ತಂಡದಿಂದ ಕನಿಷ್ಠ 300 ಪ್ಲಸ್ ರನ್ ಇಲ್ಲಿ ನಿರೀಕ್ಷಿಸಬಹುದು. ಆದರೆ, ಇದೇ ಮೈದಾನದಲ್ಲಿ ಭಾರತವು ಪಾಕಿಸ್ತಾನವನ್ನು 191 ರನ್‌ಗಳಿಗೆ ಕಟ್ಟಿಹಾಕಿತ್ತು. ಈ ಮೈದಾನದ ಹುಲ್ಲು ಹಾಸಿನಲ್ಲಿ ತೇವಾಂಶ ಹೆಚ್ಚು ಕಾಣಸಿಗುವುದಿಲ್ಲ. ಟಾಸ್ ಗೆದ್ದ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ.

ಅಹಮದಾಬಾದ್ ವೆದರ್ ರಿಪೋರ್ಟ್

RSA vs AFG ODI World Cup 2023 Live Updates: ಅಹಮದಾಬಾದ್‌ನಲ್ಲಿ ನವೆಂಬರ್ 10 ರಂದು ಮಳೆಯಾಗುವ ಯಾವುದೇ ಸಾಧ್ಯತೆಗಳು ಇಲ್ಲ. ಹೀಗಾಗಿ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ದಕ್ಷಿಣ ಆಫ್ರಿಕಾ ಮತ್ತು ಅಫ್ಘಾನಿಸ್ತಾನ ಪಂದ್ಯ ಸಂಪೂರ್ಣವಾಗಿ ನಡೆಯುವ ಸಾಧ್ಯತೆ ಇದೆ.

ಆಫ್ಘಾನಿಸ್ತಾನ ಸಂಭಾವ್ಯ ಆಡುವ ಬಳಗ

RSA vs AFG World Cup 2023 Live Updates: ರಹಮಾನುಲ್ಲಾ ಗುರ್ಬಾಜ್, ಇಬ್ರಾಹಿಂ ಜದ್ರಾನ್, ರಹಮತ್ ಶಾ, ಹಶ್ಮತುಲ್ಲಾ ಶಾಹಿದಿ (ನಾಯಕ), ಅಜ್ಮತುಲ್ಲಾ ಒಮರ್ಜಾಯ್, ಮೊಹಮ್ಮದ್ ನಬಿ, ಇಕ್ರಮ್ ಅಲಿಖಿಲ್ (ವಿಕೆಟ್ ಕೀಪರ್), ರಶೀದ್ ಖಾನ್, ಮುಜೀಬ್ ಉರ್ ರಹಮಾನ್, ನೂರ್ ಅಹ್ಮದ್, ನವೀನ್-ಉಲ್-ಹಕ್.

ದಕ್ಷಿಣ ಆಫ್ರಿಕಾ ಸಂಭಾವ್ಯ ಆಡುವ ಬಳಗ

RSA vs AFG World Cup 2023 Live Updates: ಕ್ವಿಂಟನ್ ಡಿ ಕಾಕ್ (ವಿಕೆಟ್ ಕೀಪರ್), ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್, ಟೆಂಬಾ ಬವುಮಾ (ನಾಯಕ), ಐಡೆನ್ ಮಾರ್ಕ್ರಾಮ್, ಹೆನ್ರಿಕ್ ಕ್ಲಾಸೆನ್, ಡೇವಿಡ್ ಮಿಲ್ಲರ್, ಮಾರ್ಕೊ ಜಾನ್ಸೆನ್, ಕಗಿಸೊ ರಬಾಡ, ಕೇಶವ್ ಮಹಾರಾಜ್, ಜೆರಾಲ್ಡ್ ಕೊಯೆಟ್ಜಿ, ಲುಂಗಿ ಎನ್‌ಗಿಡಿ.