ಅಂಡರ್-19 ಏಷ್ಯಾಕಪ್ ಫೈನಲ್; ಯುಎಇ ವಿರುದ್ಧ ಗೆದ್ದು ಚರಿತ್ರೆ ಸೃಷ್ಟಿಸಿದ ಬಾಂಗ್ಲಾದೇಶ
- U-19 Asia Cup Final 2023: ಬಾಂಗ್ಲಾದೇಶ ಇತಿಹಾಸ ನಿರ್ಮಿಸಿದೆ. ಮೊದಲ ಬಾರಿಗೆ ಅಂಡರ್-19 ಏಷ್ಯಾ ಕಪ್ ಗೆದ್ದಿದೆ. ಬಾಂಗ್ಲಾದ ಹಿರಿಯರ ತಂಡ ವಿಶ್ವಕಪ್ನಲ್ಲಿ ಕಳಪೆ ಪ್ರದರ್ಶನ ನೀಡಿ ಸೋತರೆ, ಕಿರಿಯರ ತಂಡ ಅದ್ಭುತ ಪ್ರದರ್ಶನ ನೀಡಿ ಏಷ್ಯಾಕಪ್ ಗೆದ್ದಿದೆ.
- U-19 Asia Cup Final 2023: ಬಾಂಗ್ಲಾದೇಶ ಇತಿಹಾಸ ನಿರ್ಮಿಸಿದೆ. ಮೊದಲ ಬಾರಿಗೆ ಅಂಡರ್-19 ಏಷ್ಯಾ ಕಪ್ ಗೆದ್ದಿದೆ. ಬಾಂಗ್ಲಾದ ಹಿರಿಯರ ತಂಡ ವಿಶ್ವಕಪ್ನಲ್ಲಿ ಕಳಪೆ ಪ್ರದರ್ಶನ ನೀಡಿ ಸೋತರೆ, ಕಿರಿಯರ ತಂಡ ಅದ್ಭುತ ಪ್ರದರ್ಶನ ನೀಡಿ ಏಷ್ಯಾಕಪ್ ಗೆದ್ದಿದೆ.
(1 / 6)
ಡಿಸೆಂಬರ್ 17ರಂದು ದುಬೈನಲ್ಲಿ ಜರುಗಿದ ಅಂಡರ್-19 ಏಷ್ಯಾಕಪ್ ಫೈನಲ್ ಪಂದ್ಯದಲ್ಲಿ ಯುಎಇ ತಂಡವನ್ನು ಮಣಿಸಿ ಬಾಂಗ್ಲಾದೇಶ ಚೊಚ್ಚಲ ಚಾಂಪಿಯನ್ ಪಟ್ಟ ಅಲಂಕರಿಸಿದೆ. 195 ರನ್ಗಳ ಗೆಲುವು ದಾಖಲಿಸಿ ಹೊಸ ಇತಿಹಾಸ ಸೃಷ್ಟಿಸಿದೆ.
(2 / 6)
ಫೈನಲ್ನಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಬಾಂಗ್ಲಾದೇಶ, 50 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 282 ರನ್ಗಳ ಗುರಿ ನೀಡಿತು. ಈ ಗುರಿ ಹಿಂಬಾಲಿಸಿದ ಯುಎಇ ತಂಡ, ಬಾಂಗ್ಲಾದೇಶ ಬೌಲರ್ಗಳ ದಾಳಿಗೆ ನಡುಗಿತು. ಪರಿಣಾಮ 24.5 ಓವರ್ಗಳಲ್ಲಿ ಕೇವಲ 87 ರನ್ಗಳಿಗೆ ಆಲೌಟ್ ಆಯಿತು. ಇದರೊಂದಿಗೆ ಚೊಚ್ಚಲ ಏಷ್ಯಾಕಪ್ ಟ್ರೋಫಿ ಕನಸು ಭಗ್ನಗೊಂಡಿತು.
(3 / 6)
ಬಾಂಗ್ಲಾದೇಶದ ಪರ ಶತಕ ಸಿಡಿಸಿದ ಆರಂಭಿಕ ಆಶಿಕುರ್‌ ರೆಹಮಾನ್ ಶಿಬ್ಲಿ, ಸರಣಿ ಶ್ರೇಷ್ಠ ಪ್ರಶಸ್ತಿಯನ್ನೂ ಗೆದ್ದುಕೊಂಡರು. ಫೈನಲ್ನಲ್ಲಿ ರೆಹಮಾನ್, 149 ಎಸೆತಗಳಲ್ಲಿ 12 ಫೋರ್, 1 ಸಿಕ್ಸರ್ ಸಹಿತ ಭರ್ಜರಿ 129 ರನ್ ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
(4 / 6)
ಬಾಂಗ್ಲಾದೇಶ ಪರ ಮಾರುಫ್ ಮೃಧಾ (7 ಓವರ್ಗಳಲ್ಲಿ 29 ರನ್) ಮತ್ತು ರಹ್ನತ್ ದೌಲ್ಲಾ ಬೋರ್ಸನ್ (6 ಓವರ್ಗಳಲ್ಲಿ 26 ರನ್) ತಲಾ ಮೂರು ವಿಕೆಟ್ ಪಡೆದರು. ಶೇಖ್ ಪರ್ವೇಜ್ ಜಿಬಾನ್ (4.5 ಓವರ್ಗಳಲ್ಲಿ 7 ರನ್) ಮತ್ತು ಇಕ್ಬಾಲ್ ಹುಸೇನ್ ಇಮಾನ್ (6 ಓವರ್ಗಳಲ್ಲಿ 15 ರನ್) 2 ವಿಕೆಟ್ ಪಡೆದರು.
(5 / 6)
ಬಾಂಗ್ಲಾದೇಶ ಯುವ ಆಟಗಾರರ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದು ಭಾರತದ ಮಾಜಿ ಆಟಗಾರ ವಾಸೀಂ ಜಾಫರ್ ಎಂಬುದು ವಿಶೇಷ. ಅವರು ಬ್ಯಾಟಿಂಗ್ ಸಲಹೆಗಾರರಾಗಿ ಬಾಂಗ್ಲಾ ಅಂಡರ್-19 ತಂಡಕ್ಕೆ ನೇಮಕಗೊಂಡಿದ್ದರು.
(6 / 6)
ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ ಅಧ್ಯಕ್ಷ ಮತ್ತು ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಗೆಲುವಿನ ನಂತರ ಬಾಂಗ್ಲಾದೇಶ ತಂಡವನ್ನು ಅಭಿನಂದಿಸಿದರು.
ಇತರ ಗ್ಯಾಲರಿಗಳು