Seetha Rama Serial: ಸಿಹಿ ಜತೆಗಿನ ರಾಮನ ಮುದ್ದು ಮಾತು, ಭಾರ್ಗವಿಯ ಮನ ಕೆಡಿಸಿದೆ
Seetha Rama Serial Today Episode: ಜೀ ಕನ್ನಡ ಚಾನೆಲ್‌ನಲ್ಲಿ ಪ್ರಸಾರವಾಗುವ ಧಾರಾವಾಹಿ 'ಸೀತಾ ರಾಮ' ಇದೀಗ ನೋಡುಗರ ಗಮನ ಸೆಳೆಯುವುದರ ಜತೆಗೆ ರೋಚಕತೆ ಹೆಚ್ಚಿಸುತ್ತಿದೆ. ಅಕ್ಟೋಬರ್ 11ರ ಸಂಚಿಕೆಯಲ್ಲಿ ಏನೆಲ್ಲಾ ಆಯಿತು ಎಂಬ ವಿವರ ಇಲ್ಲಿದೆ. ಸುಳ್ಳು ಹೇಳಿದ ಸಿಹಿ ಮೇಲೆ ಸೀತಾ ಮುನಿಸಿಕೊಂಡರೆ, ಮತ್ತೊಂದು ಕಡೆ ರಾಮನ ಮೇಲೆ ಭಾರ್ಗವಿ ಅನುಮಾನ ಹೆಚ್ಚಾಗಿದೆ.
ಸೀತಾ ರಾಮ ಧಾರಾವಾಹಿ ಅಕ್ಟೋಬರ್ 11ರ ಸಂಚಿಕೆ: ಸಿಹಿಯ ಸುಳ್ಳಿನಿಂದ ಸೀತಾ ಗರಂ ಆಗಿದ್ದಾಳೆ. ರಾಮನಿಗೂ ಸೀತಾಳ ಈ ಮಾತು ನಾಟಿದೆ. ತಾನೂ ಸುಳ್ಳು ಹೇಳುತ್ತಲೇ ಬಂದಿದ್ದೇನಲ್ಲ ಎಂದು ಮನಸ್ಸಲ್ಲೇ ನೊಂದುಕೊಳ್ಳುತ್ತಿದ್ದಾನೆ ರಾಮ. ಇತ್ತ ಅಶೋಕನ ಜತೆಗೆ ಮಾತಿಗಿಳಿದಿರುವ ರಾಮ್, ಆಫೀಸ್‌ನಲ್ಲಿನ ಅವ್ಯವಹಾರದ ಬಗ್ಗೆಯೂ ಯಾವುದೇ ಸುಳಿವು ಸಿಗುತ್ತಿಲ್ಲ ಎಂದಿದ್ದಾನೆ.
ಹೇಗಾದರೂ ಮಾಡಿ, ನಮ್ಮ ಬೆನ್ನಿಗೆ ಚೂರಿ ಹಾಕುತ್ತಿರುವವರನ್ನು ನಾವು ಕಂಡು ಹಿಡಿಯಲೇಬೇಕು. ನೀನು ಬಿಜಿನೆಸ್‌ ವಿಷ್ಯಾ ಮತ್ತು ಪರ್ಸನಲ್‌ ವಿಚಾರವನ್ನು ಮಿಕ್ಸ್‌ ಮಾಡ್ತಿದ್ದೀಯಾ ಎಂದಿದ್ದಾನೆ ಅಶೋಕ. ಅದಕ್ಕೆ ಇನ್ನೇನು ಸೀತಾ ಅವರ ಬಳಿಕ ನಿಜ ವಿಚಾರವನ್ನು ಹೇಳುವುದಾಗಿಯೂ ರಾಮ್ ಅಶೋಕನ ಮುಂದೆ ಹೇಳಿಕೊಂಡಿದ್ದಾನೆ.
ನಾನು ಯಾವತ್ತೂ ಸಿಹಿಯ ಸ್ನೇಹ ಕಳೆದುಕೊಳ್ಳುವುದಿಲ್ಲ. ಸಂಬಂಧ ಕಳೆದುಕೊಂಡ ಮೇಲೆ ಸಾವಿರ ಕೋಟಿ ಕೊಟ್ಟರೂ ಅದು ಮರಳಿ ಸಿಗಲ್ಲ. ದುಡ್ಡು ಇವತ್ತು ಕಳೆದುಕೊಂಡರೆ, ನಾಳೆಯೂ ಗಳಿಸಬಹುದು. ಆದರೆ ಫ್ರೆಂಡ್‌ಶಿಪ್ ಹಾಗಲ್ಲ. ಅದರಲ್ಲೂ ನಾನು ಸಿಹಿ ಜತೆಗಿನ ಸ್ನೇಹವನ್ನು ಕಳೆದುಕೊಳ್ಳಲ್ಲ. ಒಂದು ವೇಳೆ ಆಕೆ ಸಿಗಲಿಲ್ಲ ಎಂದಿದ್ದರೆ, ನಾನು ಇಷ್ಟೊತ್ತಿಗೆ ಇಂಡಿಯಾ ಬಿಟ್ಟು ಹೋಗಿರುತ್ತಿದ್ದೆ ಎಂದಿದ್ದಾನೆ ರಾಮ.
ಇತ್ತ ಸುಳ್ಳು ಹೇಳಿದ ಸಿಹಿಯ ಮೇಲೆ ಸೀತಾಳ ಕೋಪ ಕಡಿಮೆ ಆಗಿಲ್ಲ. ನಾನಂದ್ರೆ ಯಾರಿಗೂ ಇಷ್ಟ ಇಲ್ಲ ಎಂದು ಹೇಳಿ ಒಂಟಿಯಾಗಿ ಕೂತು ಅಳತೊಡಗಿದ್ದಾಳೆ. ಇತ್ತ ಸಿಹಿಯ ಪೇಂಟಿಂಗ್‌ ನೋಡುತ್ತ ಕೂತಿದ್ದಾನೆ ರಾಮ್. ಪೋನ್‌ ತೆಗೆದುಕೊಂಡು ಸಿಹಿಯ ಜತೆ ಮಾತಿಗಿಳಿದಿದ್ದಾನೆ. ಸಿಹಿಯ ಬೇಸರವನ್ನು ತನ್ನ ಮಾತಿನಿಂದಲೇ ಕರಿಗಿಸುವ ಪ್ರಯತ್ನ ಮಾಡಿದ್ದಾನೆ.
ಸಿಹಿ ಜತೆ ರಾಮ್ ಮಾತನಾಡುತ್ತಿರುವುದನ್ನು ನೋಡಿದ ಸಾಧನಾ, ಸಿಹಿಗೆ ಲವ್‌ ಯೂ ಹೇಳಿದ್ದನ್ನು ತನ್ನ ಫೋನ್‌ನಲ್ಲಿ ಕದ್ದು ರೆಕಾರ್ಡ್‌ ಮಾಡಿಕೊಂಡಿದ್ದಾಳೆ. ರಾಮ್ ಪ್ರೀತಿಯಲ್ಲಿ ಬಿದ್ದ ಎಂದು ಖುಷಿಯಲ್ಲಿದ್ದಾಳೆ ಸಾಧನಾ. ರಾಮ ಮಾತನಾಡಿರುವ ರೆಕಾರ್ಡ್‌ ಅನ್ನು ನೇರವಾಗಿ ಭಾರ್ಗವಿಗೆ ತೋರಿಸಲು ಓಡೋಡಿ ಬಂದಿದ್ದಾಳೆ. ರಾಮ್ ಒಂದು ಹುಡುಗಿಯನ್ನು ಪ್ರೀತಿ ಮಾಡ್ತಿದ್ದಾನೆ. ನೋಡಿ ಇಲ್ಲಿದೆ ರೆಕಾರ್ಡ್‌ ಎಂದು ತೋರಿಸಿದ್ದಾಳೆ. ರಾಮನ ವರ್ತನೆಯಿಂದಲೂ ಮೊದಲೇ ಕೊಂಚ ಕುಪಿತವಾಗಿರುವ ಭಾರ್ಗವಿಗೆ ಈ ವಿಚಾರ ಮತ್ತಷ್ಟು ಕೆರಳಿಸಿದೆ. ಹಾಗಾದರೆ ರಾಮನ ಹುಡುಗಿಯನ್ನು ಭಾರ್ಗವಿ ಪತ್ತೆ ಹಚ್ಚುತ್ತಾಳಾ ಎಂಬುದನ್ನು ಕಾದು ನೋಡಬೇಕು.
(Seetha Rama Serial October 11th Episode Popular Kannada serials ಸೀತಾ ರಾಮ ಸೇರಿದಂತೆ ಕನ್ನಡ ಧಾರಾವಾಹಿಗಳ ತಾಜಾ ಮಾಹಿತಿಗಾಗಿ 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ' kannada.hindustantimes.com ವೆಬ್‌ಸೈಟ್ ನೋಡಿ)
