ಜೀ ಕನ್ನಡ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ವೇದಿಕೆಯಲ್ಲಿ ಪ್ರೇಮಲೋಕ; ಕಂಠಿಯನ್ನು ನೋಡಿ ರವಿಚಂದ್ರನ್‌ ನೋಡಿದ ಹಾಗೇ ಆಯ್ತು ಎಂದ ವೀಕ್ಷಕರು
ಜೀ ಕನ್ನಡ ವಾಹಿನಿಯಲ್ಲಿ ಪ್ರತಿ ಶನಿವಾರ,ಭಾನುವಾರ ಪ್ರಸಾರವಾಗುತ್ತಿರುವ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್‌ನಲ್ಲಿ ಸ್ಪರ್ಧಿಗಳ ಪರ್ಫಾಮೆನ್ಸ್‌ ಗಮನ ಸೆಳೆಯುತ್ತಿದೆ. ಕಳೆದ ವಾರ ಪುಟ್ಟಕ್ಕನ ಮಕ್ಕಳು ಖ್ಯಾತಿಯ ಕಂಠಿ ಮಾಡಿದ ಡ್ಯಾನ್ಸ್ ವೀಕ್ಷಕರಿಗೆ ಬಹಳ ಇಷ್ಟವಾಗಿದೆ. ವೇದಿಕೆ ಮೇಲೆ ರವಿಚಂದ್ರನ್‌ ಅವರನ್ನೇ ನೋಡಿದಂತೆ ಆಯ್ತು ಎಂದು ವೀಕ್ಷಕರು ಕಾಮೆಂಟ್‌ ಮಾಡ್ತಿದ್ದಾರೆ.
ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಹೆಚ್ಚಿನ ವೀಕ್ಷಕರನ್ನು ಹೊಂದಿದೆ. ಪ್ರತಿ ವಾರವೂ ಸ್ಪರ್ಧಿಗಳು ನಾನಾ ನೀನಾ ಎಂಬಂತೆ ವೇದಿಕೆ ಮೇಲೆ ಮಾಡುತ್ತಿರುವ ಪರ್ಮಾಮೆನ್ಸ್‌ ಎಲ್ಲರ ಗಮನ ಸೆಳೆಯುತ್ತಿದೆ. ಕಾರ್ಯಕ್ರಮದಲ್ಲಿ ಕಿರುತೆರೆ ಕಲಾವಿದರು ಕೂಡಾ ಭಾಗಿಯಾಗಿದ್ದಾರೆ. ಶನಿವಾರ-ಭಾನುವಾರದ ಎಪಿಸೋಡ್‌ನಲ್ಲಿ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ವೇದಿಕೆಯನ್ನು ಪ್ರೇಮಲೋಕ ಸೃಷ್ಟಿಯಾಗಿದೆ.
ಡ್ಯಾನ್ಸ್ ಡ್ರಾಮಾ ಡ್ಯಾನ್ಸ್ ರೌಂಡ್‌ನಲ್ಲಿ ಗಮನ ಸೆಳೆದ ಪರ್ಫಾಮೆನ್ಸ್‌
ಶನಿವಾರ ಹಾಗೂ ಭಾನುವಾರ ಗಗನ-ಉಜ್ವಲ್ ಜೋಡಿಯ ವೀರ ವನಿತೆ ಒನಕೆ ಓಬವ್ವ, ಸಿಹಿ-ಸುಮುಖ ಜೋಡಿಯ ಎರಡು ಕನಸು ಚಿತ್ರದ ತಂ ನಂ ತಂ ನಂ ಪರ್ಮಾಮೆನ್ಸ್‌, ಗಿಲ್ಲಿ ನಟ-ಹನಿಷಾ ಜೋಡಿಯ ಬಂಧನ ಚಿತ್ರದ ಬಣ್ಣ ನನ್ನ ಒಲವಿನ ಬಣ್ಣ, ನಾ ನಿನ್ನ ಬಿಡಲಾರೆ ಸಿನಿಮಾ ದೃಶ್ಯದ ಕಥೆಯನ್ನು ಮತ್ತೊಮ್ಮೆ ವೇದಿಕೆಯಲ್ಲಿ ಕಟ್ಟಿ ಕೊಟ್ಟ ಪ್ರಿಯಾ-ಶಶಾಂಕ್ ಸೇರಿದಂತೆ ಎಲ್ಲರ ಡ್ಯಾನ್ಸ್ ವೀಕ್ಷಕರಿಗೆ ಬಹಳ ಇಷ್ಟವಾಗಿದೆ. ಅದರಲ್ಲಿ ಪುಟ್ಟಕ್ಕನ ಮಕ್ಕಳು ಕಂಠಿ ಖ್ಯಾತಿಯ ಧನುಷ್‌ ಹಾಗೂ ಜಾಹ್ನವಿ ಜೋಡಿ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ವೇದಿಕೆಯಲ್ಲಿ ಪುಟ್ಟ ಪ್ರೇಮಲೋಕವನ್ನೇ ಸೃಷ್ಟಿಸಿದ್ದಾರೆ.
ಪ್ರೇಮಲೋಕ ಸಿನಿಮಾಗಳ ರೀ ಕ್ರಿಯೇಟ್‌
ಯಾರಿವನು ಈ ಮನ್ಮಥನು ಹಾಡಿಗೆ ಬ್ಲಾಕ್‌ ಅಂಡ್‌ ಬ್ಲಾಕ್‌ ಸೂಟ್‌ ಧರಿಸಿ ಬೈಕ್‌ ಹತ್ತಿ ವೇದಿಕೆ ಮೇಲೆ ಬಂದ ಕಂಠಿಯನ್ನು ನೋಡಿ ಹುಡುಗಿಯರಂತೂ ಫುಲ್‌ ಫಿದಾ ಆಗಿದ್ದಾರೆ. ಜೊತೆಗೆ ಜೂಹಿ ಜೊತೆಗಿನ ರೊಮ್ಯಾಂಟಿಕ್‌ ದೃಶ್ಯಗಳನ್ನು ನೋಡಿ ಧನುಷ್‌ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಇದರ ಜೊತೆಗೆ ಗೆಳೆಯರೆ ಬನ್ನಿ ಗೆಳೆಯರೇ ಹಾಡಿನ ಡ್ಯಾನ್ಸ್ ಕೂಡಾ ಚೆನ್ನಾಗಿತ್ತು. ನೋಡಮ್ಮ ಹುಡುಗಿ ಕೇಳಮ್ಮ ಸರಿಯಾಗಿ ಪರ್ಫಾಮೆನ್ಸ್‌ನಲ್ಲಿ ಥೇಟ್‌ ಟೈಗರ್‌ ಪ್ರಭಾಕರ್‌ನಂತೆ ಕಾಣುವ ನಟನನ್ನು ನೋಡಿ ಜಡ್ಜ್‌ಗಳೇ ಶಾಕ್‌ ಆಗುವಷ್ಟರ ಮಟ್ಟಿಗೆ ಪ್ರೇಮಲೋಕ ರೀ ಕ್ರಿಯೇಷನ್‌ ರೌಂಡ್‌ ಎಲ್ಲರಿಗೂ ಬಹಳ ಇಷ್ಟವಾಗಿದೆ. ಕಂಠಿ ನಟನೆಗೂ ಸೈ, ಡ್ಯಾನ್ಸ್‌ಗೂ ಸೈ, ನಿಮ್ಮ ಪರ್ಫಾಮೆನ್ಸ್‌ ನೋಡಿ ನಿಜವಾಗಲೂ ರವಿಚಂದ್ರನ್‌ ಅವರನ್ನೇ ನೋಡಿದ ರೀತಿ ಆಯ್ತ. ನಿಮಗೆ ಒಳ್ಳೆ ಭವಿಷ್ಯ ಇದೆ ಎಂದು ವೀಕ್ಷಕರು ಕಾಮೆಂಟ್‌ ಮಾಡುತ್ತಿದ್ದಾರೆ.
ಪ್ರತಿ ಶನಿವಾರ-ಭಾನುವಾರ ಪ್ರಸಾರವಾಗುವ ಕಾರ್ಯಕ್ರಮ
ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಕಾರ್ಯಕ್ರಮ ಪ್ರತಿ ಶನಿವಾರ ಹಾಗೂ ಭಾನುವಾರ ರಾತ್ರಿ 7.30ಕ್ಕೆ ಪ್ರಸಾರವಾಗುತ್ತಿದೆ. ಕಾರ್ಯಕ್ರಮದಲ್ಲಿ ರಕ್ಷಿತಾ ಪ್ರೇಮ್‌, ವಿಜಯ ರಾಘವೇಂದ್ರ, ಚಿನ್ನಿ ಮಾಸ್ಟರ್‌ ಜಡ್ಜ್‌ಗಳಾಗಿದ್ದರೆ, ಸೆಂಚುರಿ ಸ್ಟಾರ್‌ ಶಿವರಾಜ್‌ಕುಮಾರ್‌ ವಿಶೇಷ ಅತಿಥಿಯಾಗಿ ಪಾಲ್ಗೊಂಡಿದ್ದಾರೆ. ಅನುಶ್ರೀ , ಕಾರ್ಯಕ್ರಮದ ನಿರೂಪಣೆ ಮಾಡುತ್ತಿದ್ದಾರೆ.
