Meiyazhagan OTT: ಒಟಿಟಿ ಬಿಡುಗಡೆ ದಿನಾಂಕ ಖಾತರಿ ಪಡಿಸಿದ ತಮಿಳಿನ ಸೂಪರ್‌ ಹಿಟ್ ಸಿನಿಮಾ; ಯಾವ ವೇದಿಕೆ ಏರಲಿದೆ ‘ಮಾಯಾಜಗನ್’ ಸಿನಿಮಾ?
Meiyazhagan OTT: ಕಾಲಿವುಡ್‌ನಲ್ಲಿ ಕಳೆದ ತಿಂಗಳಷ್ಟೇ ಬಿಡುಗಡೆ ಆಗಿದ್ದ ಮಾಯಾಜಗನ್ ಸಿನಿಮಾ ಇದೀಗ ಒಟಿಟಿಗೆ ಬರಲು ರೆಡಿಯಾಗಿದೆ. ಕಾರ್ತಿ, ಅರವಿಂದ್ ಸ್ವಾಮಿ ನಟನೆಯ ಈ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ಕಮಾಲ್‌ ಮಾಡಿದೆ.
Kollywood OTT: ತಮಿಳು ನಟ ಕಾರ್ತಿ ಮತ್ತು ಅರವಿಂದ್ ಸ್ವಾಮಿ ಅಭಿನಯದ ಮಾಯಾಜಗನ್ ಸಿನಿಮಾ ತಮಿಳು ಮತ್ತು ತೆಲುಗಿನಲ್ಲಿ (ಸತ್ಯಂ ಸುಂದರಂ) ಬಿಡುಗಡೆಯಾಗಿ ಒಳ್ಳೆಯ ರೆಸ್ಪಾನ್ಸ್‌ ಪಡೆದಿತ್ತು. ಪ್ರೇಕ್ಷಕರಿಂದಲೂ ಮೆಚ್ಚುಗೆ ಗಿಟ್ಟಿಸಿಕೊಂಡಿತ್ತು. ಹೀಗೆ ಕಮರ್ಷಿಯಲ್ ಬ್ಲಾಕ್‌ಬಸ್ಟರ್ ಎನಿಸಿಕೊಂಡಿರುವ ಈ ಸಿನಿಮಾ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾದ ಒಂದು ತಿಂಗಳೊಳಗೆ ಒಟಿಟಿಗೆ ಬರಲಿದೆ. ತಮಿಳಿನ ಜತೆಗೆ ಕನ್ನಡ ಮತ್ತು ತೆಲುಗು, ಹಿಂದಿಗೂ ಡಬ್‌ ಆಗಿ ವೀಕ್ಷಣೆಗೆ ಸಿಗಲಿದೆ.
96 ಸಿನಿಮಾ ಖ್ಯಾತಿ ಪ್ರೇಮ್‌ಕುಮಾರ್‌ ನಿರ್ದೇಶನ
ಮಾಯಾಜಗನ್ ಚಿತ್ರವನ್ನು 96 ಸಿನಿಮಾ ಖ್ಯಾತಿಯ ಪ್ರೇಮಕುಮಾರ್ ನಿರ್ದೇಶಿಸಿದ್ದಾರೆ. ಈ ಫನ್ ಡ್ರಾಮಾ ಸಿನಿಮಾವನ್ನು ಕಾಲಿವುಡ್ ಸ್ಟಾರ್ ಹೀರೋ ಸೂರ್ಯ ಅವರ ಪತ್ನಿ ಜ್ಯೋತಿಕಾ ಸಹ ನಿರ್ಮಾಣದ ಪಾಲುದಾರರಾಗಿದ್ದಾರೆ. ತೆಲುಗು ನಾಯಕಿ ಶ್ರೀದಿವ್ಯಾ ಈ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಮಾಯಾಜಗನ್ ಚಿತ್ರಕ್ಕೆ ಗೋವಿಂದ್ ವಸಂತ ಸಂಗೀತ ನೀಡಿದ್ದಾರೆ. ಸುಮಾರು 30 ಕೋಟಿ ಬಜೆಟ್‌ನಲ್ಲಿ ತಯಾರಾದ ಈ ಸಿನಿಮಾ ಅರವತ್ತು ಕೋಟಿಯವರೆಗೂ ಕಲೆಕ್ಷನ್ ಮಾಡಿದೆ.
ಯಾವ ಒಟಿಟಿಯಲ್ಲಿ ಮಾಯಾಜಗನ್?
ಮಾಯಾಜಗನ್ ಸಿನಿಮಾ ಕಲೆದ ತಿಂಗಳಷ್ಟೇ ಬಿಡುಗಡೆಯಾದ ಸಿನಿಮಾ. ಇದೀಗ ಈ ಚಿತ್ರ ಇದೇ ಅಕ್ಟೋಬರ್‌ 25ರಂದು ನೆಟ್‌ಫ್ಲಿಕ್ಸ್‌ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆಗಲಿದೆ. ತಮಿಳಿನ ಜತೆಗೆ ಕನ್ನಡದಲ್ಲಿಯೂ ಈ ಸಿನಿಮಾವನ್ನು ವೀಕ್ಷಣೆ ಮಾಡಬಹುದು.
ಮೂರು ಸಿನಿಮಾಗಳು...
ಪೊನ್ನಿಯನ್ ಸೆಲ್ವನ್ 2 ಮತ್ತು ಜಪಾನ್ ಡಿಸಾಸ್ಟರ್ಸ್ ನಂತರ ಕಾರ್ತಿ ಮಾಯಾಜಗನ್ ಚಿತ್ರದ ಮೂಲಕ ಮತ್ತೊಂದು ಹಿಟ್ ಪಡೆದರು. ಕಾರ್ತಿ ಸದ್ಯ ತಮಿಳಿನಲ್ಲಿ ಎರಡು ಸಿನಿಮಾ ಮಾಡುತ್ತಿದ್ದಾರೆ. ವಾ ವಾತ್ತಿಯಾರೆ ಬಿಡುಗಡೆಗೆ ಸಿದ್ಧವಾಗಿದೆ. ಸರ್ದಾರ್ 2 ಚಿತ್ರೀಕರಣ ಹಂತದಲ್ಲಿದೆ. ಈ ಎರಡು ಸಿನಿಮಾಗಳ ಜೊತೆಗೆ ಲೋಕೇಶ್ ಕನಕರಾಜ್ ನಿರ್ದೇಶನದ ಖೈದಿ 2 ಸಿನಿಮಾವನ್ನು ಕಾರ್ತಿ ಮಾಡಲಿದ್ದಾರೆ ಎಂಬ ಮಾತು ಕೇಳಿಬರುತ್ತಿದೆ.
