Indian 2 collection: ಬಾಕ್ಸ್ ಆಫೀಸ್‌ನಲ್ಲಿ 5 ದಿನದಲ್ಲಿ ಇಂಡಿಯನ್ 2 ಗಳಿಸಿದ್ದೆಷ್ಟು? ಕಮಲ್ ಹಾಸನ್ ಸಿನಿಮಾಕ್ಕೆ ಇದೆಂಥ ಸೋಲು
Indian 2 box office collection day 5: ಕಮಲ್ ಹಾಸನ್ ಸಿನಿಮಾಗಳು ಬಾಕ್ಸ್ ಆಫೀಸ್‌ನಲ್ಲಿ ಬ್ಲಾಕ್‌ಬಾಸ್ಟರ್‌ ದಾಖಲೆಗಳನ್ನು ನಿರ್ಮಿಸುವುದು ಸಾಮಾನ್ಯ. ಆದರೆ, ಇತ್ತೀಚೆಗೆ ಬಿಡುಗಡೆಯಾದ ಇಂಡಿಯನ್ 2 ಇದಕ್ಕೆ ಅಪವಾದದಂತೆ ಇದೆ. ಕಳೆದ ಐದು ದಿನಗಳಲ್ಲಿ ಕೇವಲ 65 ಕೋಟಿ ರೂಪಾಯಿ ಗಳಿಸಲಷ್ಟೇ ಇಂಡಿಯನ್ 2 ಸಫಲವಾಗಿದೆ.
ಬೆಂಗಳೂರು: ಇಂಡಿಯನ್ 2 ಸಿನಿಮಾದ ಮೂಲಕ ಕಮಲ್ ಹಾಸನ್ ಮತ್ತು ಎಸ್ ಶಂಕರ್ 28 ವರ್ಷಗಳ ನಂತರ ಮತ್ತೆ ಒಂದಾಗಿದ್ದರು. ಚಿತ್ರ ಬಿಡುಗಡೆಯಾದ ಮೊದಲ ಮೂರು ದಿನ ಗಳಿಕೆ ಉತ್ತಮವಾಗಿತ್ತು. ಆದರೆ, ಸೋಮವಾರದಿಂದ ಪ್ರತಿದಿನ ನೀರಸವಾಗಿ ಗಳಿಕೆ ಮಾಡುತ್ತಿದೆ. ಸಕ್‌ನಿಲ್ಕ್‌.ಕಾಂ ಪ್ರಕಾರ ಈ ಸಿನಿಮಾ ಇಲ್ಲಿಯವರೆಗೆ 65 ಕೋಟಿ ರೂಪಾಯಿ ಗಳಿಸಿದೆ.
ಇಂಡಿಯನ್ 2 ಬಾಕ್ಸ್ ಆಫೀಸ್ ವರದಿ
ಸಕ್‌ನಿಲ್ಕ್‌.ಕಾಂ ಪ್ರಕಾರ ಮೊದಲ ದಿನ ಇಂಡಿಯನ್ 2 ಸಿನಿಮಾವು 25.6 ಕೋಟಿ ರೂಪಾಯಿ ಗಳಿಸಿದೆ [ತಮಿಳು: 16.5 ಕೋಟಿ; ಹಿಂದಿ: 1.2 ಕೋಟಿ ರೂ. ತೆಲುಗು 7.9 ಕೋಟಿ ಗಳಿಸಿದೆ. ಎರಡನೇ ದಿನ 25.6 ಕೋಟಿ ರೂಪಾಯಿ ಗಳಿಸಿದೆ. ತಮಿಳು: 13.7 ಕೋಟಿ; ಹಿಂದಿ: 1.3 ಕೋಟಿ ರೂ. ಮತ್ತು ತೆಲುಗಿನಲ್ಲಿ 3.2 ಕೋಟಿ ಗಳಿಸಿತ್ತು. ಮೂರನೇ ದಿನ 15.35 ಕೋಟಿ ರೂಪಾಯಿ ಗಳಿಸಿತ್ತು. ತಮಿಳು: 11.35 ಕೋಟಿ; ಹಿಂದಿ: 1.4 ಕೋಟಿ ರೂ. ತೆಲುಗು: 2.6 ಕೋಟಿ ರೂ. ಗಳಿಸಿದೆ.
ಈ ವರ್ಷದ ಬಹುನಿರೀಕ್ಷಿತ ತಮಿಳು ಚಿತ್ರಗಳಲ್ಲಿ ಒಂದಾದ ಇಂಡಿಯನ್ 2 ಸಿನಿಮಾದ ಮೂಲಕ ಕಮಲ್ ಹಾಸನ್ ಮತ್ತು ಎಸ್ ಶಂಕರ್ ಒಂದಾಗಿದ್ದರು. 996ರಲ್ಲಿ ತೆರೆಕಂಡ ಶಂಕರ್ ನಿರ್ದೇಶನದ 'ಇಂಡಿಯನ್' ಚಿತ್ರದ ಮುಂದುವರಿದ ಭಾಗ 'ಇಂಡಿಯನ್ 2'. ಲೈಕಾ ಪ್ರೊಡಕ್ಷನ್ಸ್ ಮತ್ತು ರೆಡ್ ಜೈಂಟ್ ಮೂವೀಸ್ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಿಸಿವೆ. ಈ ಚಿತ್ರದಲ್ಲಿ ಸಿದ್ಧಾರ್ಥ್, ಎಸ್ ಜೆ ಸೂರ್ಯ, ಬಾಬಿ ಸಿಂಹ, ಗುಲ್ಶನ್ ಗ್ರೋವರ್ ಮತ್ತು ದಿವಂಗತ ನೆಡುಮುಡಿ ವೇಣು ನಟಿಸಿದ್ದಾರೆ. ಮೂಲ ಚಿತ್ರಕ್ಕೆ ಎ.ಆರ್.ರೆಹಮಾನ್ ಸಂಗೀತ ಸಂಯೋಜಿಸಿದರೆ, ಇಂಡಿಯನ್ 2ಗೆ ಅನಿರುದ್ಧ್ ಸಂಗೀತವಿದೆ. ಈ ಸಿನಿಮಾದ ಮೂಲಕ ಕಮಲ್ ಹಾಸನ್ ಸೇನಾಪತಿಯಾಗಿ ಮರಳಿದ್ದಾರೆ
ಈ ಚಿತ್ರದಲ್ಲಿ, ಕಮಲ್ ಸೇನಾಪತಿ ಪಾತ್ರ ಮತ್ತೆ ಆಗಮಿಸಿದೆ. ಇವರನ್ನು ಅಭಿಮಾನಿಗಳು ಪ್ರೀತಿಯಿಂದ 'ಇಂಡಿಯನ್ ತಾತಾ' ಎಂದು ಕರೆಯುತ್ತಾರೆ. ಭ್ರಷ್ಟಾಚಾರದ ವಿರುದ್ಧ ಹೋರಾಡುತ್ತಾರೆ, ಭಾರತದ ಪ್ರಾಚೀನ ಸಮರ ಕಲೆ ಅಭ್ಯಾಸವಾದ 'ವರ್ಮಾ ಕಲೈ' ಮೂಲಕ ಶತ್ರುಗಳ ವಿರುದ್ಧ ಹೋರಾಡುತ್ತಾರೆ. ಕನ್ನಡದಲ್ಲಿ ಇದನ್ನು ಮರ್ಮಕಲೆ ಎನ್ನಬಹುದು.
ಸೇನಾಪತಿ ಅವರ ವಯಸ್ಸಿನ ಬಗ್ಗೆ ಶಂಕರ್ ಅಭಿಪ್ರಾಯ
ಚೀನಾದಲ್ಲಿರುವ 120 ವರ್ಷದ ಮಾರ್ಷಲ್ ಆರ್ಟ್ಸ್‌ ಮಾಸ್ಟರ್ ಅವರನ್ನು ತೋರಿಸುವ ಮೂಲಕ ಶಂಕರ್ ಸೇನಾಪತಿಯ ವಯಸ್ಸನ್ನು ಸಮರ್ಥಿಸಿಕೊಂಡಿದ್ದಾರೆ. "ಚೀನಾದಲ್ಲಿ ಮಾರ್ಷಲ್ ಆರ್ಟ್ ಮಾಸ್ಟರ್ ಇದ್ದಾರೆ, ಅವರ ಹೆಸರು ಲು ಜಿಜಿಯಾನ್. 120 ನೇ ವಯಸ್ಸಿನಲ್ಲಿ ಅವರು ಸಮರ ಕಲೆಗಳನ್ನು ಪ್ರದರ್ಶಿಸುತ್ತಿದ್ದಾರೆ, ಅವರು ಹಾರುತ್ತಾರೆ, ಒದೆಯುತ್ತಾರೆ" ಎಂದು ಹೇಳಿದ್ದರು. ಈ ಮೂಲಕ ವಯಸ್ಸು ವಿಷಯವಲ್ಲ ಎನ್ನುವುದನ್ನು ಅವರು ಸ್ಪಷ್ಟಪಡಿಸಿದ್ದರು.
ಸ್ವಾತಂತ್ರ್ಯ ಹೋರಾಟಗಾರನಾಗಿದ್ದ ಸೇನಾಪತಿಯು ಹಾಂಕಾಂಗ್‌ನಲ್ಲಿರುತ್ತಾನೆ. ಈತ ಈ ಬಾರಿ ಚಿತ್ರ ವರದರಾಜನ್‌ ಪಡೆಗೆ ಸೇರುತ್ತಾನೆ. ಈ ಸಿನಿಮಾದಲ್ಲಿ ಸಿದ್ಧಾರ್ಥ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಇವರಿಬ್ಬರ ಜೋಡಿಯು ನ್ಯಾಯಕ್ಕಾಗಿ ಸಾಹಸಮಯ ಹೋರಾಟ ನಡೆಸಿದ್ದಾರೆ. ಇಂಡಿಯನ್ 2 ಸಿನಿಮಾ ಅರ್ಥವಾಗಬೇಕಾದರೆ ಇಂಡಿಯನ್ (ಭಾಗ -1) ನೋಡಲೇಬೇಕೆಂದಿಲ್ಲ. ಸಿನಿಮಾದಲ್ಲಿ ಮುಂದೇನಾಗಬಹುದು ಎಂದು ಬಹುತೇಕ ಕಡೆ ಊಹೆ ಮಾಡುವಂತೆ ಇದೆ. ಅನಿರೀಕ್ಷಿತ ತಿರುವುಗಳಿಲ್ಲ. ಸಿನಿಮಾದ ಕಥೆಯೂ ಗಟ್ಟಿಯಾಗಿಲ್ಲ. ಇಂಡಿಯನ್ 2 ವಿಮರ್ಶೆ ಇಲ್ಲಿದೆ ಓದಿ.
