ಮಿಸ್ಟರ್ ರಾಣಿ ಸಿನಿಮಾ ಟೀಸರ್ ಬಿಡುಗಡೆ; ಹುಡುಗಿ ಪಾತ್ರದಲ್ಲಿ ದೀಪಕ್ ಸುಬ್ರಮಣ್ಯ, ಚಿತ್ರದ ಹೀರೋ-ಹೀರೋಯಿನ್ ಎರಡೂ ಇವರೇ
ಮಿಸ್ಟರ್ ರಾಣಿ ಸಿನಿಮಾ ಟೀಸರ್ ಬಿಡುಗಡೆಯಾಗಿದೆ. ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಲಕ್ಷ್ಮೀ ನಿವಾಸ ಧಾರಾವಾಹಿಯಲ್ಲಿ, ಜಯಂತ್ ಪಾತ್ರದ ಮೂಲಕ ಜನಮನ ಗೆದ್ದಿರುವ ದೀಪಕ್ ದೀಪಕ್ ಸುಬ್ರಮಣ್ಯ ಈ ಚಿತ್ರದಲ್ಲಿ ಸ್ತ್ರೀ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಲಕ್ಷ್ಮೀ ನಿವಾಸ ಸೀರಿಯಲ್‌ನಲ್ಲಿ ತಮ್ಮ ವಿಭಿನ್ನ ಪಾತ್ರದ ಮೂಲಕ ಎಲ್ಲರ ಮನಸೆಳೆದ ಜಯಂತ್ ಪಾತ್ರಧಾರಿ ದೀಪಕ್ ಸುಬ್ರಮಣ್ಯ ಇದೀಗ ಹುಡುಗಿಯ ಪಾತ್ರದಲ್ಲಿ ಅಭಿನಯಿಸಲಿದ್ದಾರೆ. ಈ ಹಿಂದೆ ಸ್ಯಾಂಡಲ್‌ವುಡ್‌ನಲ್ಲಿ ಸೆಲ್ಫಿ ಮಮ್ಮಿ ಗೂಗಲ್ ಡ್ಯಾಡಿ ಚಿತ್ರ ನಿರ್ದೇಶಿಸಿದ್ದ ನಿರ್ದೇಶಕ ಮಧುಚಂದ್ರ ಇದೀಗ ಮಿಸ್ಟರ್ ರಾಣಿ ಸಿನಿಮಾವನ್ನು ಮಾಡಿದ್ಧಾರೆ. ಈ ಸಿನಿಮಾದ ಟೀಸರ್ ಬಿಡುಗಡೆಯಾಗಿದೆ. ಈ ಹಿಂದೆ ಪೋಸ್ಟರ್ ಬಿಡುಗಡೆ ಮಾಡಿದಾಗಲೇ ಹಲವಾರು ಜನ ಈ ಸಿನಿಮಾ ನೋಡಲೇಬೇಕು ಎಂದು ನಿರ್ಧರಿಸಿದ್ದರು. ಪೋಸ್ಟರ್ ನೋಡುತ್ತಿದ್ದಂತೆ ಇದೊಂದು ಕಾಮಿಡಿ ಸಿನಿಮಾ ಅನ್ನುವುದು ತಿಳಿಯುತ್ತದೆ. ಟೀಸರ್ ಕೂಡ ಈಗ ಬಿಡುಗಡೆಯಾಗಿದೆ.
ಜೀ ಕನ್ನಡದಲ್ಲಿ ಪ್ರಸಾರ ಕಾಣುತ್ತಿರುವ ಲಕ್ಷ್ಮೀ ನಿವಾಸ ಧಾರಾವಾಹಿಯಲ್ಲಿ, ಜಯಂತ್ ಪಾತ್ರದ ಮೂಲಕ ಜನಮನ ಗೆದ್ದಿರುವ ದೀಪಕ್ದೀಪಕ್ ಸುಬ್ರಮಣ್ಯ, ಈ ಚಿತ್ರದ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ ಈಗ ಟೀಸರ್ ಬಿಡುಗಡೆ ಮಾಡಿದೆ. ಇದರಲ್ಲಿ ದೀಪಕ್ ಸುಬ್ರಮಣ್ಯ ಅವರು ರಾಣಿ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಸಿನಿಮಾ ತುಂಬಾ ಕಾಮಿಡಿಯಾಗಿದೆ ಎಂದು ಟೀಸರ್ ನೋಡಿದರೆ ತಿಳಿಯುತ್ತದೆ. ಸೂಪರ್‌ ಸ್ಟಾರ್ ಆಗಬೇಕು ಎಂದು ಆಸೆ ಹೊತ್ತ ಒಬ್ಬ ಯುವಕ- ರಾಜು ಮುಂದೆ ಹೇಗೆ ರಾಣಿಯಾಗಿ ಬದಲಾಗುತ್ತಾನೆ ಎಂಬುದನ್ನು ನೀವು ಇದರಲ್ಲಿ ಗಮನಿಸಬಹುದು.
ಟೀಸರ್ ಮೂಲಕ ಈ ಸಿನಿಮಾ ಎಷ್ಟು ಕಾಮಿಡಿಯಾಗಿರಲಿದೆ ಎಂದು ಎಲ್ಲರೂ ಊಹೆ ಮಾಡಿಕೊಳ್ಳಬಹುದು. ಪ್ರತಿಯೊಂದು ವೇಷಭೂಷಣ ಕೂಡ ದೀಪಕ್ ಸುಬ್ರಮಣ್ಯ ಅವರಿಗೆ ಒಪ್ಪುತ್ತಿದೆ. ಇನ್ನು ಹೀರೋ ಆಗಬೇಕು ಎಂದು ಆಸೆ ಹೊತ್ತುಕೊಂಡು ಬಂದವನನ್ನು ಹೀರೋಯಿನ್ ಮಾಡಿ ನಂತರ ರಾಣಿಯೇ ಎಲ್ಲರ ಬಹುಬೇಡಿಕೆಯ ನಟಿ ಆಗುತ್ತಾಳೆ. ಒಬ್ಬ ಆಪ್ತ ಸ್ನೇಹಿತ ಇರುತ್ತಾನೆ, ಆತ ಸದಾ ಕಾಲ ರಾಜ (ರಾಣಿ) ಜೊತೆಗೇ ಇರುತ್ತಾನೆ. ಇದರಲ್ಲಿ ಆ ರಾಜು ಪಡುವ ಕಷ್ಟ ಮತ್ತು ಒಬ್ಬನ ಬದುಕು ಯಾವ ರೀತಿ ತಿರುವು ಪಡೆದಕೊಳ್ಳಬಹುದು ಎಂಬುದನ್ನು ನೀವು ಕಾಣಬಹುದು.
ಸೂಪರ್‌ ಸ್ಟಾರ್ ರಾಜುಗೆ ಜೈ ಎಂದು ಜಯ ಘೋಷ ಕೂಗುತ್ತಾ ಇರುವುದು ಮೊದಲು ಕಾಣುತ್ತದೆ. ನಂತರ ಅವನನ್ನು ಮೇಕಪ್ ಮಾಡಿಸಿಕೊಳ್ಳಲು ಕರೆದುಕೊಂಡು ಹೋಗುವ ಸೀನ್ ಕಾಣುತ್ತದೆ.
ಬುಡಕ್ಕೆ ಬೆಂಕಿ ಬಿದ್ರೂನೂ ಬೀಡಿ ಹಚ್ಚಿ ಸೇದ್ತೀನಿ ಎಂಬ ಸಾಂಗು ಈ ಟೀಸರ್‌ನಲ್ಲಿದೆ. ಎಂಜಿನಿಯರ್ ಮಾಡುತ್ತಿದ್ದವನು ನಟನೆಯಲ್ಲಿ ಆಸಕ್ತಿ ಬೆಳೆಸಿಕೊಂಡು ನಂತರ ಸ್ಟಾರ್ ಆಗುತ್ತಾನೆ. ಆದರೆ ಅದು ಅವನು ಅಂದುಕೊಂಡ ರೀತಿಯಲ್ಲಿ ಆಗುವುದಿಲ್ಲ. ಬದಲಾಗಿ ಒಬ್ಬ ಹುಡುಗಿಯಾಗಿ ಆ ಪಾತ್ರದಲ್ಲೇ ಹೆಚ್ಚಿನ ಅಭಿಮಾನಿಗಳನ್ನು ಹೊಂದುತ್ತಾನೆ. ಇದು ಇದರಲ್ಲಿನ ಮುಖ್ಯ ಕಥೆ ಎಂದು ತೋರುತ್ತದೆ. 'Mr. ರಾಣಿ' ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ.
