Bagheera Day 6 Collection: ಶ್ರೀಮುರಳಿ ನಟನೆಯ ಬಘೀರ ಸಿನಿಮಾದ 6ನೇ ದಿನದ ಕಲೆಕ್ಷನ್‌ ಎಷ್ಟು? ಇಲ್ಲಿದೆ ಗಲ್ಲಾಪೆಟ್ಟಿಗೆ ವರದಿ
Bagheera Box Office Collection Day 6: ಸಿನಿಮಾಗಳ ಬಾಕ್ಸ್‌ ಆಫೀಸ್‌ ವರದಿ ನೀಡುವ ಸಕ್‌ನಿಲ್ಕ್.ಕಾಂ ಪ್ರಕಾರ ಬಘೀರ ಸಿನಿಮಾವು ಮೊದಲ 5 ದಿನಗಳಲ್ಲಿ ಉತ್ತಮವಾಗಿ ಕಲೆಕ್ಷನ್‌ ಮಾಡಿದೆ. ಭಾರತದಲ್ಲಿ ಒಟ್ಟಾರೆ 14 ಕೋಟಿ ರೂಪಾಯಿ ಕಲೆಕ್ಷನ್‌ ಮಾಡುವಲ್ಲಿ ಯಶಸ್ವಿಯಾಗಿದೆ.
Bagheera Box Office Collection Day 6: ಹೊಂಬಾಳೆ ಫಿಲ್ಮ್ಸ್‌ ನಿರ್ಮಾಣದ, ಪ್ರಶಾಂತ್‌ ನೀಲ್‌ ಕಥೆ ಹೆಣೆದಿರುವ ಬಘೀರ ಸಿನಿಮಾವು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ ಇಂದು (ನವೆಂಬರ್‌ 6) ಏಳನೇ ದಿನಕ್ಕೆ ಕಾಲಿಟ್ಟಿದೆ. ಇದೇ ಸಮಯದಲ್ಲಿ ಕಳೆದ ಆರು ದಿನಗಳಲ್ಲಿ ಈ ಸಿನಿಮಾ ಎಷ್ಟು ಕಲೆಕ್ಷನ್‌ ಮಾಡಿದೆ ಎಂಬ ಕುತೂಹಲ ಎಲ್ಲರಲ್ಲಿಯೂ ಇದೆ. ಆರಂಭದ ಕೆಲವು ದಿನ ಬಘೀರನ ಕುರಿತು ಸಿನಿಮಾ ಪ್ರೇಮಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಕನ್ನಡ ಮಾತ್ರವಲ್ಲದೆ ತೆಲುಗು ಪ್ರೇಕ್ಷಕರಿಗೂ ಬಘೀರ ಇಷ್ಟವಾಗಿತ್ತು. ಸಿನಿಮಾದ ಕುರಿತು "ಪರವಾಗಿಲ್ಲ" "ಚೆನ್ನಾಗಿದೆ" ಮುಂತಾದ ಪಾಸಿಟೀವ್‌ ರಿವ್ಯೂ ಸಿಕ್ಕಿದ್ದರಿಂದ ಬಾಯ್ಮಾತಿನ ಪ್ರಚಾರದಿಂದಲೇ ಈ ಸಿನಿಮಾದ ಪ್ರೇಕ್ಷಕರು ಹೆಚ್ಚಾಗಿದ್ದರು. ಕಳೆದ ಆರು ದಿನಗಳಲ್ಲಿ ಬಾಕ್ಸ್‌ ಆಫೀಸನಲ್ಲಿ ಬಘೀರ ಸಿನಿಮಾ ಎಷ್ಟು ಕಲೆಕ್ಷನ್‌ ಮಾಡಿದೆ ಎಂದು ನೋಡೋಣ.
ಬಘೀರ ಬಾಕ್ಸ್‌ ಆಫೀಸ್‌ ಕಲೆಕ್ಷನ್‌ ದಿನ 6
ಸಿನಿಮಾಗಳ ಬಾಕ್ಸ್‌ ಆಫೀಸ್‌ ವರದಿ ನೀಡುವ ಸಕ್‌ನಿಲ್ಕ್.ಕಾಂ ಪ್ರಕಾರ ಬಘೀರ ಸಿನಿಮಾವು ಮೊದಲ 5 ದಿನಗಳಲ್ಲಿ ಉತ್ತಮವಾಗಿ ಕಲೆಕ್ಷನ್‌ ಮಾಡಿದೆ. ಭಾರತದಲ್ಲಿ ಒಟ್ಟಾರೆ 14 ಕೋಟಿ ರೂಪಾಯಿ ಕಲೆಕ್ಷನ್‌ ಮಾಡುವಲ್ಲಿ ಯಶಸ್ವಿಯಾಗಿದೆ. ಆರಂಭಿಕ ಲೆಕ್ಕಾಚಾರಗಳ ಪ್ರಕಾರ ಬಘೀರ ಸಿನಿಮಾದ 6ನೇ ದಿನದ ಕಲೆಕ್ಷನ್‌ ತುಸು ಇಳಿಕೆ ಕಂಡಿದೆ. ಎಲ್ಲಾ ಭಾಷೆಗಳಲ್ಲಿ ಆರನೇ ದಿನ ಬಘೀರ ಸಿನಿಮಾ 0.90 ಕೋಟಿ ರೂಪಾಯಿ ಅಂದರೆ ಸುಮಾರು 90 ಲಕ್ಷ ರೂಪಾಯಿ ಗಳಿಕೆ ಮಾಡಿದೆ.
ಬಘೀರ ಮೊದಲ ದಿನದ ಕಲೆಕ್ಷನ್‌ ಎಷ್ಟು?
ಶ್ರೀಮುರಳಿ ನಟನೆಯ ಬಘೀರ ಸಿನಿಮಾವು ಮೊದಲ ದಿನ ಒಟ್ಟು 3.05 ಕೋಟಿ ರೂಪಾಯಿ ಗಳಿಸಿತ್ತು. ಕನ್ನಡದಲ್ಲಿ 2.55 ಕೋಟಿ ರೂಪಾಯಿ ಮತ್ತು ತೆಲುಗಿನಲ್ಲಿ 0.5 ಕೋಟಿ ರೂಪಾಯಿ ಇತ್ತು.
ಎರಡನೇ ದಿನವಾದ ಶುಕ್ರವಾರ ಕನ್ನಡದಲ್ಲಿ 3.3 ಕೋಟಿ ರೂಪಾಯಿ, ತೆಲುಗಿನಲ್ಲಿ 0.4 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು. ಒಟ್ಟು 3.3 ಕೋಟಿ ರೂಪಾಯಿ ಗಳಿಸಿತ್ತು. ಮೊದಲ ದಿನಕ್ಕೆ ಹೋಲಿಸಿದರೆ ಶೇಕಡ 8.20 ಏರಿಕೆ ಕಂಡಿತ್ತು.
ಮೂರನೇ ದಿನ ಒಟ್ಟು 3.5 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು. ಕನ್ನಡದಲ್ಲಿ 3.2 ಕೋಟಿ ರೂಪಾಯಿ ಗಳಿಸಿತ್ತು. ತೆಲುಗಿನಲ್ಲಿ 0.3 ಕೋಟಿ ರೂಪಾಯಿ ಗಳಿಸಿತ್ತು. ಭಾನುವಾರ ನಾಲ್ಕನೇ ದಿನ 3.05 ಕೋಟಿ ರೂಪಾಯಿ ಗಳಿಸಿತ್ತು. ಐದನೇ ದಿನ 1.1 ಕೋಟಿ ಗಳಿಸಿತ್ತು. ಆರನೇ ದಿನ ಆರಂಭಿಕ ಲೆಕ್ಕಾಚಾರ ಪ್ರಕಾರ 0.90 ಕೋಟಿ ರೂಪಾಯಿ ಗಳಿಸಿತ್ತು.
ಬಘೀರ ಸಿನಿಮಾದಲ್ಲಿ ಶ್ರೀಮುರಳಿ ಪೊಲೀಸ್‌ ಪಾತ್ರದಲ್ಲಿ ನಟಿಸಿದ್ದಾರೆ. ವೇದಾಂತ್‌ ಹೆಸರಿನ ಈ ಪೊಲೀಸ್‌ ಸಮಾಜದಲ್ಲಿರುವ ರಾಕ್ಷಸರ ವಿರುದ್ಧ ಹೋರಾಡುತ್ತಾನೆ. ಶ್ರೀಮುರಳಿಗೆ ಜೋಡಿಯಾಗಿ ರುಕ್ಮಿಣಿ ವಸಂತ್‌ ನಟಿಸಿದ್ದಾರೆ. ಆಕೆಗೆ ಈ ಸಿನಿಮಾದಲ್ಲಿ ಗಮನಾರ್ಹ ಪಾತ್ರವಿದೆ ಎಂದು ನಿರ್ದೇಶಕರು ಹೇಳಿದ್ದಾರೆ. ಸುಧಾರಾಣಿ, ಪ್ರಕಾಶ್‌ ರಾಜ್‌, ಅಚ್ಯುತ್‌ ಕುಮಾರ್‌ ಮತ್ತು ಗರುಡಾ ರಾಮ್‌ ಮುಂತಾದವರೂ ಬಘೀರದ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಈ ಸಿನಿಮಾದ ರನ್‌ ಟೈಮ್‌ 2 ಗಂಟೆಗಳು ಮತ್ತು 37 ನಿಮಿಷಗಳು.
