Annayya Serial: ಆಸ್ಪತ್ರೆಗೆ ಹೋದ ಅಣ್ಣಯ್ಯನಿಗೆ ಕಾದಿತ್ತು ಬಿಗ್‌ ಶಾಕ್; ಸಿದ್ದಾರ್ಥ್ ಫೋಟೋ ನೋಡಿ ಬೆರಗಾಗಿ ನಿಂತ ಶಿವು
ಅಣ್ಣಯ್ಯ ಧಾರಾವಾಹಿಯಲ್ಲಿ ಶಿವು ಸಿದ್ದಾರ್ಥ್ ಫೊಟೋ ನೋಡಿದ್ದಾನೆ. ಆದರೆ ಸಿದ್ದಾರ್ಥ್ ಈಗ ಎಲ್ಲಿದ್ದಾನೆ ಎಂಬ ಪ್ರಶ್ನೆಗೆ ಮಾತ್ರ ಉತ್ತರ ಸಿಕ್ಕಿಲ್ಲ. ಅದರ ಬದಲಾಗಿ ಶಿವುಗೆ ಸಿಕ್ಕ ಉತ್ತರ ತುಂಬಾ ವಿಚಿತ್ರವಾಗಿತ್ತು.
ಅಣ್ಣಯ್ಯ ಧಾರಾವಾಹಿಯಲ್ಲಿ ಅಣ್ಣಯ್ಯನ ಅಂಗಡಿಯಲ್ಲಿ ಕೆಲಸ ಮಾಡುವ ಇನ್ನೊಬ್ಬ ಕೆಲಸಗಾರನಿಗೆ ಕೈಗೆ ಏಟಾಗಿತ್ತು. ಕೈಗೆ ಏಟಾಗಿದೆ ಎನ್ನುವ ಕಾರಣಕ್ಕೆ ಅವನನ್ನು ಕರೆದುಕೊಂಡು ಅಣ್ಣಯ್ಯ ಸೀದಾ ಆಸ್ಪತ್ರೆಗೆ ಬರುತ್ತಾನೆ. “ನನಗೆ ಏನೂ ಆಗಿಲ್ಲ” ಎಂದು ಅವನು ಎಷ್ಟೇ ಹೇಳಿದರೂ ಬಿಡದೆ ಕರೆದುಕೊಂಡು ಬಂದಿರುತ್ತಾನೆ. ಆದರೆ ಅಂಗಡಿಯಲ್ಲಿ ಕೆಲಸ ಮಾಡುವವನಿಗೆ ತುಂಬಾ ಭಯ ಇರುತ್ತದೆ. ಅವನು ಆಸ್ಪತ್ರೆಗೆ ನಾನು ಬರೋದಿಲ್ಲ ಎಂದು ಹೇಳಲು ಕಾರಣ ಏನೆಂದರೆ ಅವನಿಗೆ ಸೂಜಿ ಕಂಡರೆ ಭಯ. ಎಲ್ಲಿ ಡಾಕ್ಟರ್ ತನಗೆ ಇಂಜೆಕ್ಷನ್ ಮಾಡುತ್ತಾರೋ ಏನೋ ಎಂಬ ಭಯಕ್ಕೆ ಅವನು ಆ ರೀತಿ ಮಾಡುತ್ತಾ ಇರುತ್ತಾನೆ.
ಆದರೆ ಇವನು ಯಾಕೆ ಈ ರೀತಿ ಮಾಡುತ್ತಿದ್ದಾನೆ ಎನ್ನುವುದನ್ನು ಅರ್ಥ ಮಾಡಿಕೊಂಡ ಶಿವು ಹೆದರಿಸುತ್ತಾ ಅವನನ್ನು ಒಂದು ಕಡೆ ನಿಲ್ಲಿಸುತ್ತಾನೆ. ಡಾಕ್ಟರ್ ಬಂದು ಪ್ರಶ್ನೆ ಕೇಳಿದಾಗ ಇಲ್ಲ ನನಗೆ ಏನೂ ಆಗಿಲ್ಲ ಎಂದು ಅಂಗಡಿಯವ ಉತ್ತರಿಸುತ್ತಾನೆ. ಆದರೆ ಶಿವು ಇತ್ತ ಕೋಪ ಮಾಡಿಕೊಳ್ಳುತ್ತಾನೆ. ಯಾಕೆಂದರೆ ಅವನ ಕೈಯ್ಯಿಂದ ರಕ್ತ ಸುರಿಯುತ್ತಿರುತ್ತದೆ. ಡಾಕ್ಟರ್ ಈ ಬಗ್ಗೆ ವಿಚಾರಿಸಿ ಡ್ರೆಸ್ಸಿಂಗ್ ಮಾಡಿಸಲು ಕಳಿಸುತ್ತಾರೆ.
ಕಂಡಿದ್ದು ಸಿದ್ದಾರ್ಥ್ ಫೋಟೋ
ಸಿಸ್ಟರ್ ಅವರಿಗೆ ಡ್ರೆಸ್ಸಿಂಗ್ ಮಾಡಿಸಲು ಕರೆದುಕೊಂಡು ಹೋಗುತ್ತಾರೆ. ಆದರೆ ಇಂಜೆಕ್ಷನ್ ಮಾಡುವ ಮಾತು ಬರುತ್ತದೆ. ಅದನ್ನು ಕೇಳಿದಾಗ ಅವನು ಓಡಿ ಹೋಗಲು ನೋಡುತ್ತಾನೆ. ಆದರೆ ಅಣ್ಣಯ್ಯ ಬಿಡದೆ ಗಟ್ಟಿಯಾಗಿ ಹಿಡಿದುಕೊಳ್ಳುತ್ತಾನೆ. ಇದೇ ರೀತಿ ಆಗುತ್ತದೆ. ಅದಾದ ನಂತರದಲ್ಲಿ ಅವರು ಡಾಕ್ಟರ್‌ಗಾಗಿ ಕಾಯುತ್ತಾ ಕುಳಿತಲ್ಲಿ ಸಿದ್ದಾರ್ಥ್ ಫೋಟೋ ಕಣ್ಣಿಗೆ ಬೀಳುತ್ತದೆ. ಅಣ್ಣಯ್ಯ ಶಾಕ್ ಆಗಿ ಫೋಟೋ ಹತ್ತಿರ ಹೋಗಿ ನೋಡ್ತಾನೆ.
ಆಗ ಅವನಿಗೆ ಅರ್ಥವಾಗುತ್ತದೆ ಇದು ಸಿದ್ದಾರ್ಥ್‌ದೆ ಫೋಟೋ ಎಂದು. ಅವನು ಆ ಫೋಟೋ ಹಿಡಿದುಕೊಂಡು ಇನ್ನೊಬ್ಬ ಡಾಕ್ಟರ್ ಬಳಿ ವಿಚಾರಿಸುತ್ತಾನೆ. ಆಗ ಆ ಡಾಕ್ಟರ್ ಹೇಳುತ್ತಾರೆ. ಸಿದ್ದಾರ್ಥ್ ಇನ್ಯಾವತ್ತೂ ಪಾರುಗೆ ಸಿಗೋದಿಲ್ಲ ಎಂದು.
ಅಣ್ಣಯ್ಯ ಧಾರಾವಾಹಿ
ಜೀ ಕನ್ನಡ ವಾಹಿನಿಯಲ್ಲಿ ಅಣ್ಯಯ್ಯ ಎಂಬ ಅಣ್ಣ ತಂಗಿಯರ ಬಾಂಧವ್ಯದ ಸೀರಿಯಲ್‌ ಮೂಡಿ ಬರುತ್ತಿದ್ದು ಹೆಚ್ಚಿನ ಜನರು ಇದನ್ನು ವೀಕ್ಷಿಸುತ್ತಿದ್ದಾರೆ. ಮಾರಿಗುಡಿ ಶಿವಣ್ಣ ಮತ್ತು ಆತನ ಸಹೋದರಿಯರ ಕಥೆ ಹೊಂದಿರುವ ಈ ಸೀರಿಯಲ್‌ ಪ್ರೇಕ್ಷಕರ ಗಮನ ಸೆಳೆದಿದೆ. ತನ್ನ ತಂಗಿಯರಿಗಾಗಿ ಇಡೀ ಜೀವನವನ್ನೇ ಮುಡಿಪಿಟ್ಟ ಅಣ್ಣಯ್ಯ ಕೊನೆಗೂ ಪ್ರೀತಿಯಲ್ಲಿ ಬಿದ್ದಿದ್ದಾನೆ. ಪಾರು ಮೇಲೆ ಅವನಿಗೆ ಮನಸಾಗಿದೆ.
ಅಣ್ಣಯ್ಯ ಸೀರಿಯಲ್‌ ಪಾತ್ರವರ್ಗ
ಅಣ್ಣ ಮತ್ತು ತಂಗಿಯರ ಬಾಂಧವ್ಯದ ಕಥೆ ಹೊಂದಿರುವ ಅಣ್ಣಯ್ಯ ಧಾರಾವಾಹಿ ಜೀ ಕನ್ನಡದಲ್ಲಿ ರಾತ್ರಿ 7.30 ಗಂಟೆಗೆ ಪ್ರಸಾರವಾಗುತ್ತಿದೆ. ಝೀ 5 ಒಟಿಟಿಯಲ್ಲೂ ಈ ಸೀರಿಯಲ್‌ ನೋಡಬಹುದು.ಅಣ್ಣಯ್ಯ ಸೀರಿಯಲ್‌ನಲ್ಲಿ ವಿಕಾಸ್‌ ಉತ್ತಯ್ಯ ನಾಯಕನಾಗಿ ನಟಿಸಿದ್ದಾರೆ.
ವಿಕಾಸ್‌ ಉತ್ತಯ್ಯ - ಶಿವು
ಗಟ್ಟಿಮೇಳ ಖ್ಯಾತಿಯ ನಿಶಾ ರವಿಕೃಷ್ಣನ್‌ ನಾಯಕಿಯಾಗಿದ್ದಾರೆ.
ನಿಶಾ ರವಿಕೃಷ್ಣನ್‌ - ಪಾರು
ಅಂಕಿತಾ ಗೌಡ, ನಾಗಶ್ರೀ ಬೇಗಾರ್‌, ಪ್ರತೀಕ್ಷಾ ಶರೀನಾಥ್‌ ಮತ್ತು ರಾಘವಿ ಅಣ್ಣಯ್ಯನ ತಂಗಿಯರಾಗಿ ಅಭಿನಯಸಿದ್ದಾರೆ. ಅಣ್ಣಯ್ಯ ಸೀರಿಯಲ್‌ನ ಎಲ್ಲಾ ಎಪಿಸೋಡ್‌ಗಳ ಕಥೆ ಇಲ್ಲಿ ಓದಬಹುದು.
