ಪತಿ ಸುಕು ಪೂರ್ವಜ್ ನಿರ್ಮಾಣ, ನಿರ್ದೇಶನದಲ್ಲಿ ಜ್ಯೋತಿ ರೈ ನಟನೆ; ಕಿಲ್ಲರ್‌ ಸಿನಿಮಾ ಫಸ್ಟ್‌ ಲುಕ್‌ ರಿಲೀಸ್‌
ಸುಕು ಪೂರ್ವಜ್ ನಿರ್ಮಾಣ ಮಾಡಿ , ನಿರ್ದೇಶಿಸುತ್ತಿರುವ ಕಿಲ್ಲರ್‌ ಸಿನಿಮಾದಲ್ಲಿ ಜ್ಯೋತಿ ರೈ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಚಿತ್ರತಂಡ ಜ್ಯೋತಿ ಫಸ್ಟ್‌ ಲುಕ್‌ ಹಾಗೂ ಪ್ರೋಮೋ ರಿಲೀಸ್‌ ಮಾಡಿದೆ. ಈಗಾಗಲೇ ಚಿತ್ರೀಕರಣ ಆರಂಭವಾಗಿದೆ. ಜ್ಯೋತಿ, ಧಾರಾವಾಹಿಗಳಿಂದ ದೂರವಾಗಿ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.
ಕನ್ನಡ ಕಿರುತೆರೆ ಮೂಲಕ ಕರಿಯರ್‌ ಆರಂಭಿಸಿ ಈಗ ತೆಲುಗು ಸಿನಿಮಾ ರಂಗದಲ್ಲಿ ಸೆಟಲ್‌ ಆಗಿರುವ ಜ್ಯೋತಿ ಪೂರ್ವಜ್ ತೆಲುಗಿನಲ್ಲಿ ಹೊಸ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರಕ್ಕೆ ಕಿಲ್ಲರ್‌ ಪಾರ್ಟ್‌ ಒನ್‌ ಎಂದು ಹೆಸರು ಇಡಲಾಗಿದೆ. ಚಿತ್ರತಂಡ ಈ ಸಿನಿಮಾ ಫಸ್ಟ್‌ ಲುಕ್‌ ಜೊತೆಗೆ ಪ್ರೋಮೋವೊಂದನ್ನು ರಿಲೀಸ್‌ ಮಾಡಿದ್ದಾರೆ.
ರೋಬೋಟ್‌ ಪಾತ್ರದಲ್ಲಿ ಜ್ಯೋತಿ ರೈ
ಚಿತ್ರತಂಡ ರಿಲೀಸ್‌ ಮಾಡಿರುವ ಫಸ್ಟ್‌ಲುಕ್‌ನಲ್ಲಿ ಜ್ಯೋತಿ ರೈ ಬಲ ತೋಳಿನಲ್ಲಿ ತರಕಾರಿ ಬ್ಯಾಗ್‌ ಹಿಡಿದುಕೊಂಡಿದ್ದರೆ, ಎಡ ಕೈನಲ್ಲಿ ಕೊಡಲಿ ಹಿಡಿದಿದ್ದಾರೆ. ಎಡ ಕೈ ರೋಬೋಟ್‌ನಂತೆ ಇದೆ. ನಾಯಕಿಯ ಹಿಂದೆ ಇರುವ ಕನ್ನಡಿಯಲ್ಲಿ ಸಂಪೂರ್ಣ ರೋಬೋಟ್‌ ಕಾಣುತ್ತಿದೆ. ಎರಡು ಡಿಫರೆಂಟ್‌ ಲುಕ್‌ನಲ್ಲಿ ಜ್ಯೋತಿ ರೈ ಕಾಣುತ್ತಿದ್ದಾರೆ. ಕಿಲ್ಲರ್‌ ಟೈಟಲ್‌ ಕೆಳಗೆ ಇರುವ ಡ್ರೀಮ್‌ ಗರ್ಲ್‌ ಎಂಬ ಕ್ಯಾಪ್ಷನ್‌ ಆಸಕ್ತಿ ಹೆಚ್ಚಿಸುತ್ತಿದೆ. ಈ ಚಿತ್ರಕ್ಕೆ ಜ್ಯೋ ರೈ ಪತಿ ಸುಕು ಪೂರ್ವಜ್ ನಿರ್ದೇಶನ ಮಾಡಿದ್ದಾರೆ. ನಿರ್ದೇಶನದ ಜೊತೆ ಒಂದು ಪ್ರಮುಖ ಪಾತ್ರದಲ್ಲಿ ಕೂಡಾ ನಟಿಸುತ್ತಿದ್ದಾರೆ. ಅಷ್ಟೇ ಅಲ್ಲದೆ, ಪದ್ಮನಾಭರೆಡ್ಡಿ ಜೊತೆ ಸೇರಿ ಪೂರ್ವಜ್ ಕಿಲ್ಲರ್‌ ಸಿನಿಮಾವನ್ನು ನಿರ್ಮಾಣ ಕೂಡಾ ಮಾಡುತ್ತಿದ್ದಾರೆ. ಸದ್ಯಕ್ಕೆ ಸಿನಿಮಾ ಚಿತ್ರೀಕರಣ ಭರದಿಂದ ಸಾಗುತ್ತಿದೆ.
ಇದನ್ನೂ ಓದಿ: ಸಿಂಪಲ್ ಹುಡುಗಿಯ ಹಾಟ್‌ ಫೋಟೋಶೂಟ್
ಜ್ಯೋತಿ ರೈಯನ್ನು ಪ್ರೀತಿಸಿ ಮದುವೆ ಆದ ಸುಕು ಪೂರ್ವಜ್
ಈ ಹಿಂದೆ ಸುಕು ಪೂರ್ವಜ್ ಶುಕ್ರ, ಮಾತರಾನಿ ಮೌನಮಿದಿ ಸಿನಿಮಾಗಳನ್ನು ನಿರ್ದೇಶನ ಮಾಡಿದ್ದರು. ಸುಕು ಪೂರ್ವಜ್ ನಿರ್ದೇಶನದ ಮತ್ತೊಂದು ಸಿನಿಮಾ ಮಾಸ್ಟರ್ ಪೀಸ್ ಬಿಡುಗಡೆಗೆ ಸಿದ್ಧವಾಗಿದೆ. ಅರವಿಂದ್ ಕೃಷ್ಣ ನಾಯಕನಾಗಿ ನಟಿಸಿದ್ದ ಈ ಸಿನಿಮಾದಲ್ಲಿ ಜ್ಯೋತಿ ರೈ ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ. ಮಾಸ್ಟರ್ ಪೀಸ್ ಚಿತ್ರದ ಶೂಟಿಂಗ್ ನಡೆಯುತ್ತಿರುವಾಗಲೇ ಜ್ಯೋತಿ ರೈ, ಸುಕು ಪೂರ್ವಜ್ ಅವರನ್ನು ಪ್ರೀತಿಸಿ ಮದುವೆಯಾದರು. ಮದುವೆಯ ನಂತರ ಜ್ಯೋತಿ ತಮ್ಮ ಪತಿಯ ಹೆಸರನ್ನು ತಮ್ಮ ಹೆಸರಿನೊಂದಿಗೆ ಸೇರಿಸಿ ಸುಕು ಪೂರ್ವಜ್ ಎಂದು ಹೆಸರು ಬದಲಿಸಿಕೊಂಡರು.
ಕಿರುತೆರೆಯಿಂದ ದೂರವಾಗಿ ಸಿನಿಮಾಗಳಲ್ಲಿ ನಟನೆ
ಜ್ಯೋತಿ ಪೂರ್ವಜ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಗುಪ್ಪೆಡಂತ ಮನಸು ಧಾರಾವಾಹಿ ಕಿರುತೆರೆಯಲ್ಲಿ ಸಾಕಷ್ಟು ಅಭಿಮಾನಿಗಳನ್ನು ಸಂಪಾದಿಸಿದೆ. ಈ ಧಾರಾವಾಹಿಯಲ್ಲಿ ಜ್ಯೋತಿ ಜಗತಿ ಪಾತ್ರದಲ್ಲಿ ನಟಿಸಿದ್ದು ಮಗನಿಂದ ದೂರವಾದ ಮತ್ತು ಅವನ ಪ್ರೀತಿಗಾಗಿ ಹಂಬಲಿಸುವ ತಾಯಿಯ ಪಾತ್ರವನ್ನು ನಿರ್ವಹಿಸಿದ್ದರು. ಈ ವರ್ಷ ಆಗಸ್ಟ್‌ನಲ್ಲಿ ಧಾರಾವಾಹಿ ಮುಗಿದಿತ್ತು. ಅದಕ್ಕೂ ಮುನ್ನ ಜ್ಯೋತಿ ಪೂರ್ವಜ್ ಪಾತ್ರ ಕೊನೆಗೊಂಡಿತ್ತು. ಗುಪ್ಪೆಡಂತ ಮನಸು ಧಾರಾವಾಹಿಗೂ ಮುನ್ನ ಜ್ಯೋತಿ ರೈ ತೆಲುಗಿನಲ್ಲಿ ಕನ್ಯಾದಾನಂ ಧಾರಾವಾಹಿಯಲ್ಲಿ ನಟಿಸಿದ್ದರು. ಕನ್ನಡದಲ್ಲಿ ಸುಮಾರು 15ಕ್ಕೂ ಹೆಚ್ಚು ಧಾರಾವಾಹಿಗಳಲ್ಲಿ ಜ್ಯೋತಿ ರೈ ನಟಿಸಿದ್ದಾರೆ. ದಿಯಾ, ಸಪೈಯರ್‌ ಶಂಕರ್‌, ನಂಬರ್‌ 10 ಜೊತೆಗೆ ಕೆಲವೊಂದು ಸಿನಿಮಾಗಳಲ್ಲಿ ಜ್ಯೋತಿ ರೈ ವಿಭಿನ್ನ ಕ್ಯಾರೆಕ್ಟರ್‌ನಲ್ಲಿ ನಟಿಸಿದ್ದಾರೆ. ಇನ್ಮುಂದೆ ಧಾರಾವಾಹಿಗಳಿಂದ ದೂರ ಉಳಿದು ಸಿನಿಮಾಗಳು, ವೆಬ್‌ ಸಿರೀಸ್‌ಗಳ ಕಡೆಗೆ ಹೆಚ್ಚು ಗಮನ ಕೊಡಲು ನಿರ್ಧರಿಸಿದ್ದಾರೆ.
