ಸನ್ನಿ ಲಿಯೋನ್ ನಾಯಕಿಯಾಗಿ ನಟಿಸಿರುವ ಮಂದಿರ ತೆಲುಗು ಸಿನಿಮಾ ರಿಲೀಸ್ ಡೇಟ್‌ ಫಿಕ್ಸ್‌; 2 ಶೇಡ್‌ಗಳಲ್ಲಿ ಕಾಣಿಕೊಳ್ತಿದ್ದಾರೆ ಬೇಬಿ ಡಾಲ್
ಸನ್ನಿ ಲಿಯೋನ್ ನಾಯಕಿಯಾಗಿ ನಟಿಸಿರುವ ತೆಲುಗು ಸಿನಿಮಾ ಮಂದಿರ ನವೆಂಬರ್‌ 22ರಂದು ಸಿನಿಪ್ರಿಯರ ಮುಂದೆ ಬರ್ತಿದೆ. ಚಿತ್ರದಲ್ಲಿ ಸನ್ನಿ ಲಿಯೋನ್ ಎರಡು ಶೇಡ್‌ಗಳಲ್ಲಿ ನಟಿಸಿದ್ದಾರೆ. ಚಿತ್ರವನ್ನು ಆರ್‌ ಯುವನ್‌ ನಿರ್ದೇಶನ ಮಾಡಿದ್ದಾರೆ.
ಸನ್ನಿ ಲಿಯೋನ್ ನಾಯಕಿಯಾಗಿ ನಟಿಸಿರುವ ತೆಲುಗು ಸಿನಿಮಾ ಮಂದಿರ ರಿಲೀಸ್ ದಿನಾಂಕ ಫಿಕ್ಸ್‌ ಆಗಿದೆ. ಇದು ತಮಿಳಿನ ಓ ಮೈ ಘೋಸ್ಟ್‌ ಸಿನಿಮಾ ಡಬ್ಬಿಂಗ್‌ ವರ್ಷನ್‌ ಆಗಿದೆ. ಚಿತ್ರದಲ್ಲಿ ಸತೀಶ್‌, ಯೋಗಿಬಾಬು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಸಿನಿಮಾದಲ್ಲಿ ಸನ್ನಿ ಲಿಯೋನ್ ಎರಡು ಶೇಡ್‌ಗಳಲ್ಲಿ ನಟಿಸಿದ್ದಾರೆ.
ರೊಮ್ಯಾಂಟಿಕ್‌ ಹಾರರ್ ಕಾಮಿಡಿ ಕಥೆಯಿರುವ ಮಂದಿರ ಸಿನಿಮಾ
ರೊಮ್ಯಾಂಟಿಕ್‌ ಹಾರರ್ ಕಾಮಿಡಿ ಕಥೆಯಿರುವ ಮಂದಿರ ಸಿನಿಮಾಗೆ ಆರ್‌ ಯುವನ್‌ ಆಕ್ಷನ್‌ ಕಟ್‌ ಹೇಳಿದ್ದಾರೆ. ಕಳೆದ ತಿಂಗಳು ಚಿತ್ರತಂಡ ಸಿನಿಮಾ ಟ್ರೈಲರ್ ರಿಲೀಸ್ ಮಾಡಿದೆ. ಚಿತ್ರದ ಟ್ರೈಲರ್ ಹಾರರ್ ಅಂಶಗಳೊಂದಿಗೆ ಆರಂಭವಾಗುತ್ತದೆ. ನಾಳೆ ಅಮಾವಾಸ್ಯೆಯ ರಾತ್ರಿ, ರಾಣಿ ಖಂಡಿತಾ ಊರಿಗೆ ಬರುತ್ತಾಳೆ, ಊರಿನ ಗಂಡಸರಿಗೆಲ್ಲಾ ಬುದ್ಧಿ ಕಲಿಸುತ್ತಾಳೆ ಎಂದು ಊರಿನ ವ್ಯಕ್ತಿಯೊಬ್ಬ ಭಯದಿಂದ ಹೇಳಿದಾಗ, ವೃದ್ಧನೊಬ್ಬ ರಾಣಿ ಎಷ್ಟು ಗಂಟೆಗೆ ಬರುತ್ತಾಳೆ ಎಂದು ಕೇಳಿ ನಗು ಬೀರುತ್ತಾನೆ. ಅಲ್ಲಿಂದ ಆರಂಭವಾಗುವ ಟ್ರೈಲರ್ ನೀನು ತೆಗೆಯುತ್ತಿರುವುದೇ ಬಿಟ್ಟಿ ಸಿನಿಮಾ, ಅದರಲ್ಲಿ ಫೀಲಿಂಗ್ಸ್‌ ಬೇರೆನಾ ಎಂಬ ಡೈಲಾಗ್‌ನೊಂದಿಗೆ ಕೊನೆಯಾಗುತ್ತದೆ. ಟ್ರೈಲರ್‌ನಲ್ಲಿ ಸನ್ನಿ ಲಿಯೋನ್, ಯಕ್ಷಿಣಿಯ ರೂಪದಲ್ಲಿಎಂಟ್ರಿ ಕೊಟ್ಟಿದ್ದಾರೆ. ನಂತರ ಅವರು ಮಂದಿರ ರಾಣಿಯಾಗಿ ಶಕ್ತಿಯುತ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ತನ್ನ ಶಕ್ತಿ ಮತ್ತು ಸೌಂದರ್ಯದ ಮೋಡಿಯಿಂದ ರಾಜರನ್ನು ಸೋಲಿಸುವ ರಾಣಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ನವೆಂಬರ್‌ 22 ರಂದು ಸಿನಿಮಾ ರಿಲೀಸ್
ಸನ್ನಿ ಲಿಯೋನ್ ಈಗಾಗಲೇ ಬೇರೆ ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮಂಜು ಮನೋಜ್‌ ಅಭಿನಯದ ಕರೆಂಟ್‌ ತೀಗ ಸಿನಿಮಾ ಮೂಲಕ ಸನ್ನಿ ಲಿಯೋನ್ ಟಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ. ಜೊತೆಗೆ ವಿಷ್ಣು ಜಿನ್ನಾ ಸಿನಿಮಾದಲ್ಲಿ ಕೂಡಾ ಸನ್ನಿ ನಾಯಕಿಯಾಗಿ ನಟಿಸಿದ್ದಾರೆ. ರಾಜಶೇಖರ್‌ ಪಿಎಸ್‌ವಿ ಗರುಡವೇಗ ಚಿತ್ರದ ವಿಶೇಷ ಹಾಡೊಂದರಲ್ಲಿ ಸನ್ನಿ ಲಿಯೋನ್ ನಟಿಸಿದ್ದಾರೆ. ಜೊತೆಗೆ ತಮಿಳು ಚಿತ್ರರಂಗದಲ್ಲಿ ಕೂಡಾ ಸನ್ನಿ ಸಕ್ರಿಯರಾಗಿದ್ದಾರೆ. ಸನ್ನಿ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಕೊಟೇಷನ್‌ ಗ್ಯಾಂಗ್, ಪೆಟ್ಟರಾಪ್‌ ಇತ್ತೀಚೆಗೆ ರಿಲೀಸ್ ಆಗಿವೆ. ನವೆಂಬರ್‌ 22 ರಂದು ಮಂದಿರ ಸಿನಿಮಾ ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುತ್ತಿರುವುದಾಗಿ ಚಿತ್ರತಂಡ ಪ್ರಕಟಿಸಿದೆ.
ಬ್ಯಾಕ್‌ ಟು ಬ್ಯಾಕ್‌ ಸಿನಿಮಾಗಳಲ್ಲಿ ಬ್ಯುಸಿ ಇರುವ ಸನ್ನಿ ಲಿಯೋನ್
ಅಮೆಜಾನ್‌ ಪ್ರೈಮ್‌ ಒಟಿಟಿಯಲ್ಲಿ ಪೆಟ್ಟರಾಪ್‌ ಸಿನಿಮಾ ಸ್ಟ್ರೀಮ್‌ ಆಗ್ತಿದೆ. ಸನ್ನಿ ಲಿಯೋನ್ ಪ್ರಸ್ತುತ ಕನ್ನಡದಲ್ಲಿ ಉಪೇಂದ್ರ ನಿರ್ದೇಶಿಸಿ ಅಭಿನಯಿಸುತ್ತಿರುವ ಯುಐ ಸಿನಿಮಾ ಜೊತೆಗೆ ಹಿಂದಿಯಲ್ಲಿ 3 ಮತ್ತು ಮಲಯಾಳಂನಲ್ಲಿ 2 ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಸನ್ನಿ ಲಿಯೋನ್ ಬಾಲಿವುಡ್‌ನಲ್ಲಿ ನಾಯಕಿ ಪಾತ್ರಕ್ಕಿಂತ ವಿಶೇಷ ಹಾಡುಗಳಲ್ಲಿ ನಟಿಸಿದ್ದೇ ಹೆಚ್ಚು. ಮಂದಿರ ಚಿತ್ರಕ್ಕೆ ಜಾವೇದ್ ರಿಯಾಜ್ ಸಂಗೀತ ಸಂಯೋಜಿಸಿದ್ದಾರೆ. ದೀಪಕ್ ಡಿ. ಮೆನನ್ ಕ್ಯಾಮರಾ ಮ್ಯಾನ್ ಆಗಿ ಕೆಲಸ ಮಾಡಿದ್ದಾರೆ. ಸಾಯಿ ಸುಧಾಕರ್ ಅವರು ಕೊಮ್ಮಲಪಾಟಿ ಮಂದಿರಾ ಚಿತ್ರವನ್ನು ವಿಷನ್‌ ಮೂವಿ ಮೇಕರ್ಸ್‌ ಬ್ಯಾನರ್‌ ಅಡಿ ಕೊಮ್ಮಲಪಾಟಿ ಶ್ರೀಧರ್‌, ಸಾಯಿ ಸುಧಾಕರ್ ಕೊಮ್ಮಲಪಾಟಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ.
