ಏನಿದು 50:30:20 ನಿಯಮ; ಮಧ್ಯಮ ವರ್ಗದ ಜನರಿಗೆ ಯಾಕೆ ಈ ಹಣಕಾಸಿನ ಅನುಪಾತ ನಿರ್ಣಾಯಕವಾಗುತ್ತೆ?

ಪ್ರತಿಯೊಬ್ಬರ ಜೀವನದಲ್ಲೂ ಹಣಕಾಸು ನಿರ್ವಹಣೆ ಅವರ ಪ್ರಗತಿಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಸ್ವಲ್ಪ ಲಯ ತಪ್ಪಿದರೂ ಸಾಲದ ಹೊರೆ ಹೆಚ್ಚಾಗುತ್ತದೆ. ಹೀಗಾಗಿ ಖರ್ಚು-ವೆಚ್ಚಗಳನ್ನು ಸರಿಯಾಗಿ ವರ್ಹಿಸಬೇಕಾಗುತ್ತದೆ. ಅದರಲ್ಲೂ ಮಧ್ಯಮ ವರ್ಗದವರಿಗೆ 50:30:20ರ ಅನುಪಾದ ನಿಯಮ ಹೇಗೆ ವರ್ಕೌಟ್ ಆಗುತ್ತೆ, ಏನಿದು 50:30:20 ನಿಯಮ ಎಂಬುದನ್ನು ಇಲ್ಲಿ ತಿಳಿಯೋಣ.

ನಿಮ್ಮ ಆದಾಯದ ಅರ್ಧದಷ್ಟು ಅಂದರೆ ಶೇ 50 ರಷ್ಟು ಹಣವನ್ನು ಅಗತ್ಯಗಳನ್ನು ಪೂರೈಸಿಕೊಳ್ಳಲು ಉಪಯೋಗಿಸಬೇಕು. ಮನೆ ಖರ್ಚು, ದಿನಸಿ, ಸಾರಿಗೆ ಇತ್ಯಾದಿಗಳಿಗೆ ಈ ಮೊತ್ತವನ್ನು ಖರ್ಚು ಮಾಡಿ. ನಿಮ್ಮ ಆದಾಯದ ಶೇ 30 ರಷ್ಟು ಹಣವನ್ನು ನಿಮ್ಮ ಬದುಕಿನ ಗುಣಮಟ್ಟ ಹೆಚ್ಚಿಸುವುದಕ್ಕೆ ಬಳಸಿ. ಉದಾಹರಣೆಗೆ ಹೊರಗೆ ಊಟ ಮಾಡುವುದು, ಮನರಂಜನೆ, ಪ್ರವಾಸ ಮತ್ತು ಹವ್ಯಾಸಗಳು. ನಿಮ್ಮ ಆದಾಯದ ಶೇ 20 ರಷ್ಟು ಮೊತ್ತವನ್ನು ಸಾಲ ಮರುಪಾವತಿ ಮತ್ತು ಉಳಿತಾಯಕ್ಕೆ ಬಳಸಬೇಕು. ಉಳಿತಾಯವನ್ನು ಕಡ್ಡಾಯವಾಗಿ ನಿರ್ವಹಿಸಲೇಬೇಕಾದ ಜವಾಬ್ದಾರಿಯಾಗಿ ನೋಡಬೇಕು.

ತುರ್ತು ಪರಿಸ್ಥಿತಿ (ಎಮರ್ಜೆನ್ಸಿ) ಎದುರಿಸಲು ನೆರವಾಗುವಷ್ಟು ಒಂದೊಳ್ಳೆ ಮೊತ್ತದ ತುರ್ತುನಿಧಿ, ಕ್ರೆಡಿಟ್ ಕಾರ್ಡ್ ಬ್ಯಾಲೆನ್ಸ್ ತೀರಿಸುವುದು, ಮತ್ತು ಭವಿಷ್ಯದಲ್ಲಿ ಎದುರಾಗಬಹುದಾದ ಖರ್ಚಿನ ಬಾಬ್ತು ನಿರ್ವಹಿಸಲು ಸೂಕ್ತ ಯೋಜನೆ ರೂಪಿಸಿಕೊಳ್ಳಬೇಕು.

ನಿಮ್ಮ ಹಣಕಾಸು ಯೋಜನೆಯನ್ನು ಈ ರೀತಿ ಸರಳವಾಗಿ ಮತ್ತು ಸಮರ್ಪಕವಾಗಿ ರೂಪಿಸಿಕೊಂಡರೆ ಉಳಿತಾಯ, ಸಾಲ ಮರುಪಾವತಿ ಮತ್ತು ಒಟ್ಟಾರೆ ಬದುಕು ಸುಸೂತ್ರವಾಗಿ ಸಾಗುತ್ತದೆ. ಇದನ್ನೇ 50:30:20 ಸೂತ್ರ ಎಂದು ಕರೆಯುತ್ತಾರೆ.