Chanakya Niti: ಈ 4 ಗುಣಗಳಲ್ಲಿ ಮಹಿಳೆಯರು ಪುರುಷರಿಗಿಂತ ತುಂಬಾ ಮುಂದಿರುತ್ತಾರೆ; ಆಸಕ್ತಿಕರ ಅಂಶಗಳು - ಚಾಣಕ್ಯ ನೀತಿ

ಚಾಣಕ್ಯ ನೀತಿ: ಆಚಾರ್ಯ ಚಾಣಕ್ಯನನ್ನು ಮಹಾನ್ ದಾರ್ಶನಿಕ, ರಾಜಕಾರಣಿ ಮತ್ತು ವಿದ್ವಾಂಸ ಎಂದು ಪರಿಗಣಿಸಲಾಗಿದೆ. ಚಾಣಕ್ಯನು ತನ್ನ ನೀತಿ ಶಾಸ್ತ್ರ ಗ್ರಂಥದಲ್ಲಿ ಜೀವನಕ್ಕೆ ಸಂಬಂಧಿಸಿದ ಅನೇಕ ಪ್ರಮುಖ ಅಂಶಗಳನ್ನು ವಿವರಿಸಿದ್ದಾನೆ. ಹಲವರು ಇಂದಿಗೂ ಚಾಣಕ್ಯರ ನೀತಿಗಳನ್ನು ಅನುಸರಿಸುತ್ತಾರೆ. ಈ ನೀತಿಗಳ ಸಹಾಯದಿಂದ ಯಶಸ್ಸು ಕೂಡ ಪಡೆದಿದ್ದಾರೆ. ಚಾಣಕ್ಯ ನೀತಿಯಲ್ಲಿ ಉಲ್ಲೇಖಿಸಲಾದ ಅನೇಕ ವಿಷಯಗಳಿವೆ. ಆಚಾರ್ಯ ಚಾಣಕ್ಯನು ತನ್ನ ನೀತಿ ಶಾಸ್ತ್ರ ಪುಸ್ತಕದಲ್ಲಿ ಮಹಿಳೆಯರ ಬಗ್ಗೆ ವಿಶೇಷ ವಿಷಯಗಳನ್ನು ಹೇಳಿದ್ದಾನೆ. ಅದನ್ನು ಮಹಿಳೆಯರು ಯಾರಿಗೂ ಹೇಳುವುದಿಲ್ಲ. ಚಾಣಕ್ಯನು ಮಹಿಳೆಯರನ್ನು ಪುರುಷರೊಂದಿಗೆ ಹೋಲಿಸುವಾಗ ಅವರ ಭಾವನೆಗಳು ಅಥವಾ ಗುಣಗಳನ್ನು ಒಂದು ಶ್ಲೋಕದಲ್ಲಿ ವಿವರಿಸಿದ್ದಾನೆ. ಪುರುಷರಿಗಿಂತ ಮಹಿಳೆಯರಲ್ಲಿ ಯಾವ ಗುಣಗಳು ಹೆಚ್ಚು ಎಂದು ತಿಳಿಯೋಣ.

ಸಹಸ್ರ ಷಡ್ಗುಣಂ ಚೈವ ಕಾಂಡಂ ಸಂಸ್ಕೃತ || 17

ನೀತಿ ಶಾಸ್ತ್ರದಲ್ಲಿ ಉಲ್ಲೇಖಿಸಲಾದ ಈ ಶ್ಲೋಕದ ಅರ್ಥವೇನೆಂದರೆ ಮಹಿಳೆಯರ ಆಹಾರವು ಪುರುಷರಿಗಿಂತ ಎರಡು ಪಟ್ಟು, ನಾಚಿಕೆ ನಾಲ್ಕು ಪಟ್ಟು, ಧೈರ್ಯವು ಆರು ಪಟ್ಟು ಮತ್ತು ಲೈಂಗಿಕತೆಯು ಎಂಟು ಪಟ್ಟು ಹೆಚ್ಚಾಗಿರುತ್ತದೆ.

ಶ್ಲೋಕದ ಅರ್ಥವನ್ನು ವಿವರವಾಗಿ ತಿಳಿಯಿರಿ

ಆಚಾರ್ಯರು ಈ ಶ್ಲೋಕದ ಮೂಲಕ ಮಹಿಳೆಯರ ಅನೇಕ ಗುಣಲಕ್ಷಣಗಳನ್ನು ಎತ್ತಿ ತೋರಿಸಿದ್ದಾರೆ. ಜನರು ವಿರಳವಾಗಿ ಗಮನಿಸುವ ಮಹಿಳೆಯ ಅಂಶಗಳಿವೆ. ಚಾಣಕ್ಯನು ಹೇಳುವಂತೆ ಪುರುಷರಿಗಿಂತ ಮಹಿಳೆಯರಿಗೆ ಆಹಾರದ ಅವಶ್ಯಕತೆ ಹೆಚ್ಚು. ಏಕೆಂದರೆ ಅವರು ಪುರುಷರಿಗಿಂತ ಹೆಚ್ಚು ದೈಹಿಕ ಕೆಲಸ ಮಾಡಬೇಕಾಗುತ್ತದೆ. ಇಂದಿನ ಜೀವನಶೈಲಿ ಮತ್ತು ಆಹಾರ ಪದ್ಧತಿಯ ಅವ್ಯವಸ್ಥೆಯಿಂದಾಗಿ ಪ್ರಸ್ತುತ ಅನೇಕ ಮಹಿಳೆಯರಲ್ಲಿ ಈ ಗುಣ ಭಿನ್ನವಾಗಿದೆ. ಅಂದರೆ ತುಂಬಾ ಕಡಿಮೆ ಆಹಾರವನ್ನು ತಿನ್ನುವಂತಾಗಿದೆ.

ಚಾಣಕ್ಯನು ಹೇಳುವಂತೆ ಮಹಿಳೆಯರಲ್ಲಿನ ನಾಚಿಕೆ ಗುಣ ಪುರುಷರಿಗಿಂತ ನಾಲ್ಕು ಪಟ್ಟು ಹೆಚ್ಚಾಗಿದೆ. ಅದೇ ಸಮಯದಲ್ಲಿ, ಮಹಿಳೆಯರಿಗೆ ಆರು ಪಟ್ಟು ಧೈರ್ಯವಿದೆ, ಆದ್ದರಿಂದ ಮಹಿಳೆಯರನ್ನು ಶಕ್ತಿಯ ಸಾಕಾರರೂಪವೆಂದು ಪರಿಗಣಿಸಲಾಗುತ್ತದೆ. ಮಹಿಳೆಯರಲ್ಲಿ ಲೈಂಗಿಕ ಬಯಕೆಯು ಪುರುಷರಿಗಿಂತ ಎಂಟು ಪಟ್ಟು ಹೆಚ್ಚಾಗಿರುತ್ತದೆ ಎಂದು ಚಾಣಕ್ಯ ಹೇಳುತ್ತಾನೆ, ಆದರೆ ಅವರ ನಾಚಿಕೆಯ ಕಾರಣಕ್ಕೆ ಈ ವಿಚಾರಗಳನ್ನು ಬಹಿರಂಗಪಡಿಸಲು ಮುಂದಾಗುವುದಿಲ್ಲ. ಮಹಿಳೆ ಧರ್ಮ ಮತ್ತು ಆಚರಣೆಗಳನ್ನು ಅನುಸರಿಸುವ ಮೂಲಕ ತನ್ನ ಕುಟುಂಬವನ್ನು ನೋಡಿಕೊಳ್ಳುತ್ತಾಳೆ ಎಂದು ಚಾಣಕ್ಯರು ವಿವರಿಸಿದ್ದಾರೆ.

ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.