ಶುರುವಾಯ್ತು ಪೈನಾಪಲ್ ಡೇಟಿಂಗ್ ಟ್ರೆಂಡ್‌; ಸಿಂಗಲ್ಸ್ ಒಂದಾಗಲು ಅನಾನಸ್ ಹಣ್ಣೇ ಸಿಗ್ನಲ್, ರೋಮ್ಯಾನ್ಸ್​ಗೆ ಇದೆಂಥಾ ವೇದಿಕೆ ಗುರು

ಪ್ರಸ್ತುತ ಯುವ ಪೀಳಿಗೆಗೆ ಡೇಟಿಂಗ್ ಎಂಬುದು ಹೊಸ ಟ್ರೆಂಡೇನಲ್ಲ. ಒಂದಲ್ಲ, ಎರಡಲ್ಲ, ನೂರಾರು ಆ್ಯಪ್​​ಗಳು ಇದಕ್ಕೆ ಸಂಬಂಧಿಸಿವೆ. ಈ ಆ್ಯಪ್​​ಗಳ ಮೂಲಕ ಕೆಲವೇ ದಿನಗಳಲ್ಲಿ ಪರಿಚಯ, ಚಾಟಿಂಗ್, ಡೇಟಿಂಗ್.. ಇದೆಲ್ಲಾ ತೀರಾ ಕಾಮನ್​ ಆಗಿಬಿಟ್ಟಿವೆ. ಅಲ್ಲದೆ, ಇದು ಬೋರಿಂಗ್ ಕೂಡ ಆಗಿದೆ. ಆದರೀಗ ಹೊಸ ಡೇಟಿಂಗ್​ ಟ್ರೆಂಡ್ ಶುರುವಾಗಿದೆ. ಇದರ ಹೆಸರು ಪೈನಾಪಲ್ ಡೇಟಿಂಗ್. ಇದು ಆನ್​ಲೈನ್​ ಮೂಲಕ ಪರಿಚಯ ಆಗಿ ಚಾಟಿಂಗ್ ಮಾಡೋ ಪದ್ದತಿಯಲ್ಲ.

ನಿಮಗೂ ಗೊಂದಲ ಅನಿಸಬಹುದು, ಇದೇನಿದು ಪೈನಾಪಲ್ (ಅನಾನಸ್) ಡೇಟಿಂಗ್ ಎಂದು. ಇದು ಸ್ಪೇನ್​ನಲ್ಲಿ ಶುರುವಾಗಿದೆ. ಅತ್ಯಂತ ಅನಿರೀಕ್ಷಿತ ಸ್ಥಳದಲ್ಲಿ ಸಂಪರ್ಕಿಸುವ ಇತ್ತೀಚಿನ ಪ್ರವೃತ್ತಿ ಇದಾಗಿದೆ. ಇದು ಹೇಗೆ ಎಂದು ಕೇಳಿದರೆ ನಿಮಗೂ ವಿಚಿತ್ರ ಅನಿಸಬಹುದು. ಹಾಗಂತ ಆನ್​ಲೈನ್ ಮೂಲಕ ಶುರುವಾಗುವ ಡೇಟಿಂಗ್ ಇದಲ್ಲ, ಆಫ್​​ಲೈನ್ ಡೇಟಿಂಗ್. ಇಲ್ಲಿ ಡೇಟಿಂಗ್ ಆರಂಭಿಸಲು ವೇದಿಕೆಯಾಗಿರೋದು ಪೈನಾಪಲ್ ಹಣ್ಣು.

ಆನ್​ಲೈನಲ್ ಮೂಲಕ ಹೇಗೆ ಪರಿಚಯ ಮಾಡಿಕೊಂಡು ಡೇಟಿಂಗ್ ಆರಂಭಿಸುತ್ತಾರೋ ಅದೇ ರೀತಿ, ಇದಕ್ಕೊಂದು ಪೈನಾಪಲ್ ಹಣ್ಣು ಕೂಡ ವೇದಿಕೆ ಆಗಿದೆ. ಇದೀಗ ಸಖತ್ ಪ್ರಸಿದ್ದಿಯಾಗಿದೆ. ಸಿಂಗಲ್ಸ್​​ಗಳು ಇದೇ ಮಾದರಿ ಅನುಕರಣೆ ಮಾಡುತ್ತಿದ್ದಾರೆ. ವಿಶ್ವಮಟ್ಟದಲ್ಲಿ ಈ ಬಗ್ಗೆ ತಿಳಿದುಕೊಳ್ಳಲು ಭಾರೀ ಕುತೂಹಲ ವಹಿಸುತ್ತಿದ್ದಾರೆ. ಸ್ಪೇನ್​​ನಲ್ಲಿ ಶುರುವಾಗಿರೋ ಈ ಆಫ್​​ಲೈನ್ ಡೇಟಿಂಗ್, ಭಾರೀ ಯಶಸ್ವಿಯಾಗಿದೆ. ಇಷ್ಟಕ್ಕೂ ಹೇಗೆ ಡೇಟಿಂಗ್ ನಡೆಸೋದು ಇಲ್ಲಿದೆ ವಿವರ.

ಇಲ್ಲಿದೆ ನೋಡಿ ಸಂಪೂರ್ಣ ವಿವರ

ಸ್ಪೇನ್​​ನಲ್ಲಿರುವ ಮರ್ಸಡೋಸಾ ಸೂಪರ್​ ಮಾರ್ಕೆಟ್​​ನಲ್ಲಿ ಈ ಡೇಟಿಂಗ್ ಶುರುವಾಗಿದೆ. ಸಿಂಗಲ್​​ಗಳು ಡೇಟಿಂಗ್ ನಡೆಸುವ ಇಚ್ಛೆ ಇದ್ದರೆ ಸೂಪರ್ ಮಾರ್ಕೆಟ್​ಗಳಲ್ಲಿ ಶಾಪಿಂಗ್ ಟ್ರಾಲಿಂಗ್​​​​ಗಳಲ್ಲಿ (ಶಾಪಿಂಗ್ ಬುಟ್ಟಿ) ಅನಾನಸ್ ಹಣ್ಣನ್ನು ತೆಗೆದುಕೊಳ್ಳಬೇಕಿದೆ. ಅದರಂತೆ ಸ್ಪ್ಯಾನಿಷ್ ಯುವಕರು ಸೂಪರ್​ ಮಾರ್ಕೆಟ್​ನಲ್ಲಿ ಶಾಪಿಂಗ್ ಟ್ರಾಲಿಗಳನ್ನು ಪಡೆದು ಹಣ್ಣುಗಳ ಇರುವ ಸಾಲಿನಲ್ಲಿ ಹೋಗಿ ಅನಾನಸ್ ಹಣ್ಣು ತೆಗೆದುಕೊಳ್ಳಲಿದ್ದಾರೆ. ಆದರೆ ಇಲ್ಲೊಂದು ತಿರುವು ಇದೆ.

ಇದನ್ನೂ ಓದಿ: ಸ್ತನ ಕ್ಯಾನ್ಸರ್ ಜತೆ ನಟಿ ಹಿನಾ ಖಾನ್‌ರನ್ನು ಕಾಡುತ್ತಿದೆ ಮ್ಯೂಕೋಸಿಟಿಸ್‌; ಏನಿದು ಸಮಸ್ಯೆ, ರೋಗ ಲಕ್ಷಣಗಳೇನು? ಇಲ್ಲಿದೆ ವಿವರ

ಶಾಪಿಂಗ್ ಬುಟ್ಟಿಯೊಳಗೆ ಅನಾನಸ್ ಹಣ್ಣನ್ನು ಇಟ್ಟುಕೊಳ್ಳಬೇಕು. ಆದರೆ, ಅದನ್ನು ಉಲ್ಟಾ ಇಡಬೇಕು. ಅಂದರೆ ತಲೆಕೆಳಗಾಗಿ ಅನಾನಸ್ ಹಣ್ಣನ್ನು ಬುಟ್ಟಿಯಲ್ಲಿ ಇಡಬೇಕು. ಇದು ಮತ್ತೊಬ್ಬ ಸಿಂಗಲ್​ಗೆ ತಾನು ಡೇಟಿಂಗ್​ಗೆ ಸಿದ್ಧ ಎನ್ನುವ ಸುಳಿವಾಗಿದೆ. ಅನಾನಸ್ ಉಲ್ಟಾ ಇಟ್ಟ ಬಳಿಕ ನಂತರ ಶಾಪಿಂಗ್​ಗೆ ಬಂದ ಮತ್ತೊಬ್ಬರು (ಸಿಂಗಲ್ಸ್- ಡೇಟಿಂಗ್ ಉದ್ದೇಶಕ್ಕಾಗಿ) ಅದನ್ನು ನೋಡಿ, ಆ ವ್ಯಕ್ತಿಯನ್ನು ಇಷ್ಟಪಟ್ಟರೆ ಅವರಿಗೆ ಅದೇ ಸ್ಥಳದಲ್ಲಿ ಮೆಲ್ಲನೆ ಡಿಕ್ಕಿ ಹೊಡೆಯಬೇಕು. ಇಬ್ಬರಿಗೂ ಇಷ್ಟವಾದರೆ ಇಬ್ಬರಿಗೂ ಡೇಟಿಂಗ್ ಶುರು ಎಂದರ್ಥ.

ಇಷ್ಟು ದಿನ ಆನ್​ಲೈನ್ ಮೂಲಕ ಶಾಪಿಂಗ್ ಮಾಡುತ್ತಿದ್ದ ಡೇಟಿಂಗ್​ ಇದೀಗ ಶಾಪಿಂಗ್​ ಮೂಲಕ ಆರಂಭವಾಗಲಿದೆ. ಶಾಪಿಂಗ್ ಬುಟ್ಟಿಯಲ್ಲಿ ಪೈನಾಪಲ್ ತಲೆಕೆಳಗಾಗಿಸಿದ ನಂತರ ಅಪೋಸಿಟ್ ವ್ಯಕ್ತಿಗೂ ಇಷ್ಟವಾಗಿ, ಓಕೆಯಾದರೆ ಡೇಟಿಂಗ್ ಆರಂಭವಾಗಲಿದೆ. ಮತ್ತೊಂದು ಟ್ವಿಸ್ಟ್ ಏನೆಂದರೆ ಇದು ತುಂಬಾ ಹಳೆಯದಾದ ಕಾನ್ಸೆಪ್ಟ್​ ಆಗಿದೆ. ಆದರೆ ಇದು ವಿಧಾನ ಹೊಸದಷ್ಟೆ. ಇತ್ತೀಚೆಗೆ ಆನ್​ಲೈನ್ ಡೇಟಿಂಗ್​ನಲ್ಲೇ ಸದಾ ಮುಳುಗಿ ಹೋಗುತ್ತಿರುವ ಈ ಕಾಲದಲ್ಲಿ ಪೈನಾಪಲ್ ಡೇಟಿಂಗ್ ಎಲ್ಲರನ್ನೂ ಆಕರ್ಷಿಸುತ್ತಿದೆ.

ಇದನ್ನೂ ಓದಿ: ನೀವು ಹೇಗೆ ಮಾಡಿದ್ರು ಇಡ್ಲಿ ಗಟ್ಟಿಯಾಗುತ್ತಾ, ಹೋಟೆಲ್ ರೀತಿ ಮೃದುವಾದ ಇಡ್ಲಿ ತಯಾರಿಸಲು ಈ ಟಿಪ್ಸ್‌ಗಳನ್ನ ತಪ್ಪದೇ ಪಾಲಿಸಿ