Stock Market Today: ಷೇರುಪೇಟೆಯಲ್ಲಿ ಬ್ಲಾಕ್‌ಬಸ್ಟರ್‌ ಶುಕ್ರವಾರ; ಎಲ್ಲಾ ವಲಯ ಹಸಿರು, ಸೆನ್ಸೆಕ್ಸ್‌- ನಿಫ್ಟಿಯಲ್ಲಿ ಗೂಳಿ ಗುಟುರು

Stock Market Today: ಭಾರತೀಯ ಷೇರುಪೇಟೆಯು ಶುಕ್ರವಾರ ಭರ್ಜರಿ ಏರಿಕೆ ದಾಖಲಿಸಿದೆ. ನಿಫ್ಟಿಯು ಸುಮಾರು 25,800 ಅಂಕಕ್ಕೆ ತಲುಪಿದರೆ, ಸೆನ್ಸೆಕ್ಸ್‌ 1,359.51 ಅಂಕ ಅಥವಾ ಶೇಕಡ 1.63ರಷ್ಟು ಏರಿಕೆ ಕಂಡು 84,544.31ಕ್ಕೆ ತಲುಪಿದೆ. ಒಟ್ಟಾರೆ ಷೇರುಪೇಟೆ ಪಾಲಿಗೆ ಸೆಪ್ಟೆಂಬರ್‌ 20 ಬ್ಲಾಕ್‌ಬಸ್ಟರ್‌ ಶುಕ್ರವಾರವಾಗಿ ಪರಿಣಮಿಸಿದೆ. ಇದೇ ಸಮಯದಲಿ ನಿಫ್ಟಿ ಕೂಡ 375.20 ಅಂಕಗಳಷ್ಟು ಏರಿಕೆ ಕಂಡು 25,791ಕ್ಕೆ ತಲುಪಿದೆ.

ಮುಂಬೈ ಷೇರುಪೇಟೆ ಅಥವಾ ಬೆಂಚ್‌ಮಾರ್ಕ್ ಸೆನ್ಸೆಕ್ಸ್ ಮೊದಲ ಬಾರಿಗೆ ಐತಿಹಾಸಿಕ 84,000 ತಲುಪಿದೆ. ಅಮೆರಿಕ ಮತ್ತು ಏಷ್ಯಾ ಮಾರುಕಟ್ಟೆಯ ಲವಲವಿಕೆಯ ಪ್ರವೃತ್ತಿಯಿಂದ ದೇಶದ ಷೇರುಪೇಟೆಯೂ ರಾಲಿ ನಡೆಸಿತು. 30-ಷೇರುಗಳ ಬಿಎಸ್‌ಇ ಸೆನ್ಸೆಕ್ಸ್ 1,359.51 ಪಾಯಿಂಟ್‌ಗಳು ಅಥವಾ 1.63 ಶೇಕಡಾ ಜಿಗಿದು ಸಾರ್ವಕಾಲಿಕ ಗರಿಷ್ಠ 84,544.31 ಕ್ಕೆ ಸ್ಥಿರವಾಯಿತು. ಅದಕ್ಕೂ ಮುನ್ನ ವಹಿವಾಟಿನ ಅವಧಿಯಲ್ಲೇ 1,509.66 ಪಾಯಿಂಟ್‌ಗಳು ಅಥವಾ 1.81 ಪ್ರತಿಶತದಷ್ಟು ಏರಿಕೆಯಾಗಿ 84,694.46 ರ ಇಂಟ್ರಾ-ಡೇ ಗರಿಷ್ಠವನ್ನು ತಲುಪಿತು.

ರಾಷ್ಟ್ರೀಯ ಷೇರು ಸೂಚ್ಯಂಕ ಅಥವಾ ಎನ್‌ಎಸ್‌ಇ ನಿಫ್ಟಿ 375.15 ಪಾಯಿಂಟ್‌ಗಳು ಅಥವಾ ಶೇಕಡಾ 1.48 ರಷ್ಟು ಏರಿಕೆ ಕಂಡು ದಾಖಲೆಯ 25,790.95 ಮಟ್ಟದಲ್ಲಿ ಮುಕ್ತಾಯವಾಯಿತು. ದಿನದ ಸಮಯದಲ್ಲಿ 433.45 ಪಾಯಿಂಟ್‌ಗಳು ಅಥವಾ ಶೇಕಡಾ 1.70 ರಷ್ಟು ಜೂಮ್ ಮಾಡಿ ಸಾರ್ವಕಾಲಿಕ ಇಂಟ್ರಾ-ಡೇ ಗರಿಷ್ಠ 25,849.25 ತಲುಪಿತು.

ಗರಿಷ್ಠ ಏರಿಕೆ ಕಂಡ ಷೇರುಗಳು

30 ಸೆನ್ಸೆಕ್ಸ್ ಸಂಸ್ಥೆಗಳಲ್ಲಿ ಮಹೀಂದ್ರ ಆಂಡ್ ಮಹೀಂದ್ರಾ ಶೇಕಡಾ 5 ರಷ್ಟು ಜಿಗಿದಿದೆ. ಜೆಎಸ್‌ಡಬ್ಲ್ಯೂ ಸ್ಟೀಲ್, ಐಸಿಐಸಿಐ ಬ್ಯಾಂಕ್, ಲಾರ್ಸನ್ ಆ್ಯಂಡ್ ಟೂಬ್ರೊ, ಭಾರ್ತಿ ಏರ್‌ಟೆಲ್, ನೆಸ್ಲೆ, ಅದಾನಿ ಪೋರ್ಟ್ಸ್, ಹಿಂದೂಸ್ತಾನ್ ಯೂನಿಲಿವರ್, ಎಚ್‌ಡಿಎಫ್‌ಸಿ ಬ್ಯಾಂಕ್, ಟೆಕ್ ಮಹೀಂದ್ರಾ, ಮಾರುತಿ, ಕೊಟಕ್ ಮಹೀಂದ್ರಾ ಬ್ಯಾಂಕ್ ಮತ್ತು ಟಾಟಾ ಸ್ಟೀಲ್ ಇತರ ದೊಡ್ಡಮಟ್ಟದಲ್ಲಿ ಲಾಭ ಗಳಿಸಿದವು. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಇಂಡಸ್‌ಇಂಡ್ ಬ್ಯಾಂಕ್, ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ ಮತ್ತು ಬಜಾಜ್ ಫೈನಾನ್ಸ್ ಹಿಂದುಳಿದಿವೆ.ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಇಂಡಸ್‌ಇಂಡ್ ಬ್ಯಾಂಕ್, ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ ಮತ್ತು ಬಜಾಜ್ ಫೈನಾನ್ಸ್ ಮಾತ್ರ ಇಳಿಕೆ ಕಂಡವು.

ವಲಯವಾರು ಏರಿಕೆ

ಎಲ್ಲಾ ಪ್ರಮುಖ ವಲಯಗಳು ರಿಯಾಲ್ಟಿ, ಆಟೋ ಮತ್ತು ಮೆಟಲ್ ಷೇರುಗಳು ಲಾಭಕ್ಕೆ ಕಾರಣವಾಗಿವೆ. ಬಿಎಸ್‌ಇ ಸ್ಮಾಲ್‌ಕ್ಯಾಪ್ ಸೂಚ್ಯಂಕ ಶೇಕಡಾ 1.37 ಮತ್ತು ಮಿಡ್‌ಕ್ಯಾಪ್ ಸೂಚ್ಯಂಕ ಶೇಕಡಾ 1.16 ರಷ್ಟು ಏರಿತು. ರಿಯಾಲ್ಟಿ ಶೇ 3.21, ಬಂಡವಾಳ ಸರಕುಗಳು (ಶೇ 2.32), ಆಟೋ (ಶೇ 2.12), ಕೈಗಾರಿಕೆಗಳು (ಶೇ 2.08), ಲೋಹ (ಶೇ 1.82), ಕನ್ಸೂಮರ್‌ ಗೂಡ್ಸ್‌ (ಶೇ 1.78), ಹಣಕಾಸು ಸೇವೆಗಳು (ಶೇ 1.55) , ಬ್ಯಾಂಕ್‌ (ಶೇ. 1.44) ಮತ್ತು ಹೆಲ್ತ್‌ಕೇರ್ (ಶೇ. 1.10) ಏರಿಕೆ ಕಂಡಿವೆ.

ಮುಂಬೈ ಷೇರುಪೇಟೆಯಲ್ಲಿ (ಬಿಎಸ್‌ಇ) ಒಟ್ಟು 2,442 ಷೇರುಗಳು ಏರಿಕೆ ಕಂಡಿವೆ. 1,502 ಕುಸಿತ ಕಂಡವು ಮತ್ತು 115 ಬದಲಾಗದೆ ಉಳಿದಿವೆ. ಸಾಪ್ತಾಹಿಕ ಲೆಕ್ಕದಲ್ಲಿ ಬಿಎಸ್‌ಇ ಬೆಂಚ್‌ಮಾರ್ಕ್ 1,653.37 ಪಾಯಿಂಟ್‌ಗಳು ಅಥವಾ 1.99 ರಷ್ಟು ಜಿಗಿದಿದೆ ಮತ್ತು ನಿಫ್ಟಿ 434.45 ಪಾಯಿಂಟ್‌ಗಳು ಅಥವಾ 1.71 ರಷ್ಟು ಏರಿಕೆಯಾಗಿದೆ. ಕಳೆದ ಗುರುವಾರ 30-ಷೇರುಗಳ ಬಿಎಸ್‌ಇ ಬೆಂಚ್‌ಮಾರ್ಕ್ ಮೊದಲ ಬಾರಿಗೆ 83,000 ಮಟ್ಟವನ್ನು ಮುಟ್ಟಿತು. ಇದೀಗ ಇನ್ನೂ ಮುಂದಕ್ಕೆ ಹೋಗಿದೆ ಭಾರತೀಯ ಷೇರುಪೇಟೆ.

"ಫೆಡರಲ್‌ ರಿಸರ್ವ್‌ ದರ ಕಡಿತಕ್ಕೆ ಉತ್ತೇಜನ ನೀಡಿದ್ದರಿಂದ ಭಾರತೀಯ ಮಾರುಕಟ್ಟೆಗಳು ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದವು. 50 ಬೇಸಿಸ್ ಪಾಯಿಂಟ್‌ಗಳ ದರ ಕಡಿತವು ಜಾಗತಿಕ ಮಾರುಕಟ್ಟೆಗಳಿಗೆ ಧನಾತ್ಮಕವಾಗಿ ಪರಿಣಮಿಸಿತು" ಎಂದು ಕ್ಯಾಪಿಟಲ್‌ಮೈಂಡ್ ರಿಸರ್ಚ್‌ನ ಹಿರಿಯ ಸಂಶೋಧನಾ ವಿಶ್ಲೇಷಕ ಕೃಷ್ಣ ಅಪ್ಪಲಾ ಹೇಳಿದ್ದಾರೆ.

ಏಷ್ಯಾದ ಮಾರುಕಟ್ಟೆಗಳಲ್ಲಿ, ಸಿಯೋಲ್, ಟೋಕಿಯೋ, ಶಾಂಘೈ ಮತ್ತು ಹಾಂಗ್ ಕಾಂಗ್ ಹಸಿರು ಬಣ್ಣದಲ್ಲಿ ನೆಲೆಸಿದವು. ಯುರೋಪ್‌ನಲ್ಲಿನ ಈಕ್ವಿಟಿ ಮಾರುಕಟ್ಟೆಗಳು ಇಳಿಕೆ ಕಂಡಿವೆ. ಯುಎಸ್ ಮಾರುಕಟ್ಟೆಗಳು ಗುರುವಾರ ಗಮನಾರ್ಹವಾಗಿ ಏರಿಕೆ ಕಂಡಿವೆ. ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು (ಎಫ್‌ಐಐ) ಗುರುವಾರ 2,547.53 ಕೋಟಿ ರೂಪಾಯಿ ಮೌಲ್ಯದ ಈಕ್ವಿಟಿಗಳನ್ನು ಖರೀದಿಸಿದ್ದಾರೆ ಎಂದು ಷೇರು ವಿನಿಮಯ ಪೇಟೆಯಿಂದ ಮಾಹಿತಿ ಬಂದಿದೆ. ಇದೇ ಸಮಯದಲ್ಲಿ ಜಾಗತಿಕ ತೈಲ ಮಾನದಂಡ ಬ್ರೆಂಟ್ ಕಚ್ಚಾ ತೈಲವು ಶೇಕಡಾ 0.23 ರಷ್ಟು ಕುಸಿದು ಬ್ಯಾರೆಲ್‌ಗೆ 74.71 ಡಾಲರ್‌ಗೆ ತಲುಪಿದೆ.