ನಿಮಿಷಕ್ಕೆ 5486 ರೂ; ವಿರಾಟ್ ಕೊಹ್ಲಿ-ರೋಹಿತ್ ಶರ್ಮಾ ಐಪಿಎಲ್ ಒಪ್ಪಂದ ಕೈಲಿಯನ್ ಎಂಬಾಪ್ಪೆ ಒಂದು ತಿಂಗಳ ವೇತನಕ್ಕೆ ಸಮ!
Kylian Mbappe: ರಿಯಲ್ ಮ್ಯಾಡ್ರಿಡ್ ತಂಡದ ಪರ ಆಡುತ್ತಿರುವ ಕೈಲಿಯನ್ ಎಂಬಾಪ್ಪೆ ಅವರ ಮಾಸಿಕ ವೇತನ ಕ್ರಿಕೆಟ್ನ ಸೂಪರ್ ಸ್ಟಾರ್ಗಳಾದ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಅವರ ಸಂಪೂರ್ಣ ಇಂಡಿಯನ್ ಪ್ರೀಮಿಯರ್ ಲೀಗ್ ಒಪ್ಪಂದಕ್ಕಿಂತ ಹೆಚ್ಚು.
ಫುಟ್ಬಾಲ್ ಆಟಗಾರರ ಸಂಬಳ ನಿರೀಕ್ಷೆಗೂ ಮೀರಿದಷ್ಟು.. ಒಂದು ಸಲ ವಿಶ್ವವಿಖ್ಯಾತಿ ಪಡೆದರೆ ಕೋಟಿಗಳು ಅವರಿಗೆ ಲೆಕ್ಕಕ್ಕೇ ಇರುವುದಿಲ್ಲ. ಫ್ರಾಂಚೈಸಿಗಳೇ ಅವರಿದ್ದ ಕಡೆಗೆ ಹೋಗಿನ ಒಪ್ಪಂದ ಮಾಡಿಕೊಳ್ಳುತ್ತವೆ. ಲಿಯೊನೆಲ್ ಮೆಸ್ಸಿ, ನೇಯ್ಮರ್, ಕ್ರಿಸ್ಟಿಯಾನೊ ರೊನಾಲ್ಡೊ ಅವರಂತೆಯೇ ಫ್ರಾನ್ಸ್ನ ಕೈಲಿಯನ್ ಎಂಬಾಪ್ಪೆ ಸಹ ದೊಡ್ಡ ಸ್ಟಾರ್ ಆಟಗಾರ. ಶ್ರೀಮಂತ ಆಟಗಾರರ ಪೈಕಿ ತಾನೂ ಒಬ್ಬರಾದ ಎಂಬಾಪ್ಪೆ ಯುಇಎಫ್ಎ ಚಾಂಪಿಯನ್ಸ್ ಲೀಗ್ನ ಪ್ಯಾರಿಸ್ ಸೇಂಟ್-ಜರ್ಮೈನ್ ಎಫ್‌ಸಿ ಪರ 930 ಕೋಟಿಗೂ ಹೆಚ್ಚು ವೇತನ ಪಡೆಯುತ್ತಿದ್ದಾರೆ. ಈಗ ಲಾ ಲೀಗ ಟೂರ್ನಿಯಲ್ಲಿ ರಿಯಲ್ ಮ್ಯಾಡ್ರಿಡ್ ತಂಡದ ಪರ ಆಡಲು 285 ಕೋಟಿ ವೇತನ ಪಡೆಯುತ್ತಿದ್ದಾರೆ. ಈಗಾಗಲೇ ಟೂರ್ನಿಯಲ್ಲಿ ಅಬ್ಬರದ ಪ್ರದರ್ಶನವನ್ನೂ ನೀಡುತ್ತಿದ್ದಾರೆ.
ಕನಸಿನ ಸ್ಥಳಾಂತರ ಮಾಡಿದ ಎಂಬಾಪ್ಪೆ, ಸ್ಯಾಂಟಿಯಾಗೊ ಬೆರ್ನಾಬ್ಯೂನಲ್ಲಿ ವಿನೀಸಿಯಸ್ ಜೂನಿಯರ್ ಮತ್ತು ಜೂಡ್ ಬೆಲ್ಲಿಂಗ್ಹ್ಯಾಮ್ ಅವರೊಂದಿಗೆ ಸೇರಿದರು. ಈ ವೇಳೆ ಕಾಗದದ ಮೇಲೆ ಮಾತ್ರ ವೇತನ ಕಡಿತ ಮಾಡಿದ್ದಾರೆ ಎಂದು ವರದಿಯಾಗಿದೆ. ಎಂಬಾಪ್ಪೆ ಅವರ ಮಾಸಿಕ ವೇತನ ಕ್ರಿಕೆಟ್ನ ಸೂಪರ್ ಸ್ಟಾರ್ಗಳಾದ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಅವರ ಸಂಪೂರ್ಣ ಇಂಡಿಯನ್ ಪ್ರೀಮಿಯರ್ ಲೀಗ್ (IPL) ಒಪ್ಪಂದಕ್ಕಿಂತ ಹೆಚ್ಚು. ಅಚ್ಚರಿ ಏನೆಂದರೆ 2024-2025ರ ಆವೃತ್ತಿಯ ಐಪಿಎಲ್ನಲ್ಲಿ ಈ ಇಬ್ಬರು ಕ್ರಿಕೆಟಿಗರು ಪಡೆಯುವ ವೇತನಕ್ಕಿಂತ ಅಧಿಕ. ಆರ್ಸಿಬಿ ವಿರಾಟ್ ಕೊಹ್ಲಿ ಅವರನ್ನು 21 ಕೋಟಿಗೆ ಉಳಿಸಿಕೊಂಡಿದೆ. ಮುಂಬೈ ಇಂಡಿಯನ್ಸ್ ರೋಹಿತ್ ಶರ್ಮಾ ಅವರನ್ನು 16.30 ಕೋಟಿ ರೂಪಾಯಿಗೆ ಉಳಿಸಿಕೊಂಡಿದೆ.
1 ನಿಮಿಷಕ್ಕೆ 5486 ರೂಪಾಯಿ
ರಿಯಲ್ ಮ್ಯಾಡ್ರಿಡ್ ಪರ ಎಂಬಾಪ್ಪೆ ತನ್ನ ಮೊದಲ ವರ್ಷದಲ್ಲಿ ಅಂದಾಜು 285 ಕೋಟಿ ರೂ.ಗಳ ವೇತನವನ್ನು ಪಡೆಯಲಿದ್ದಾರೆ. ಇದರರ್ಥ ಎಂಬಪೆಗೆ ತಿಂಗಳಿಗೆ 23.7 ಕೋಟಿ ರೂಪಾಯಿ ಸಿಗಲಿದೆ. ಪ್ರತಿದಿನ 79 ಲಕ್ಷ ರೂ ಮತ್ತು 60 ಸೆಕೆಂಡುಗಳಲ್ಲಿ 5,486 ರೂ.ಗಳನ್ನು ಗಳಿಸುತ್ತಾರೆ ಎಂಬಾಪ್ಪೆ. ಅಷ್ಟೆ ಅಲ್ಲದೆ, ಎರಡು ಐಪಿಎಲ್ ತಂಡಗಳ ಪರ್ಸ್ ಮೊತ್ತಕ್ಕಿಂತ ಅಧಿಕ. ಒಂದು ತಂಡದ ಪರ್ಸ್ ಮೊತ್ತ 120 ಕೋಟಿ.
| ಕೈಯಲಿನ್ ಎಂಬಾಪೆ ಸಂಬಳ | |
|---|---|
| ಪ್ರತಿ ನಿಮಿಷಕ್ಕೆ | 5,486 ರೂಪಾಯಿ |
| ಪ್ರತಿ ದಿನಕ್ಕೆ | 79 ಲಕ್ಷ ರೂಪಾಯಿ |
| ಪ್ರತಿ ತಿಂಗಳಿಗೆ | 23.7 ಕೋಟಿ ರೂಪಾಯಿ |
| ಪ್ರತಿ ವರ್ಷಕ್ಕೆ | 285 ಕೋಟಿ ರೂಪಾಯಿ |
ರೋಹಿತ್-ಕೊಹ್ಲಿಗೆ ವಾರ್ಷಿಕ 7 ಕೋಟಿ
ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ವಾರ್ಷಿಕ ಕೇಂದ್ರ ಗುತ್ತಿಗೆಯಲ್ಲಿ ಮಾಜಿ ನಾಯಕ ವಿರಾಟ್ ಕೊಹ್ಲಿ ಮತ್ತು ನಾಯಕ ರೋಹಿತ್ ಶರ್ಮಾ ತಮ್ಮ ಸ್ಥಾನ ಉಳಿಸಿಕೊಂಡಿದ್ದಾರೆ. ಇಬ್ಬರೂ ಕೊಹ್ಲಿ ಮತ್ತು ರೋಹಿತ್ ವರ್ಷಕ್ಕೆ 7+ ಕೋಟಿ ರೂ.ಗಳ ವೇತನ ಪಡೆಯುತ್ತಿದ್ದಾರೆ. ಬ್ಯಾಟಿಂಗ್ ಐಕಾನ್ಗಳು ಐಪಿಎಲ್ಗಳಲ್ಲಿ ಆಯಾ ತಂಡಗಳ ಪ್ರಮುಖರಾಗಿದ್ದಾರೆ. ರೋಹಿತ್ ಅವರನ್ನು ಮುಂಬೈ (Mumbai Indians) 2011ರಿಂದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಆಟಗಾರನಾಗಿ ಉಳಿಸಿಕೊಂಡಿದೆ. 2025ರ ಐಪಿಎಲ್ಗೆ 16.30 ಕೋಟಿ ರೂಪಾಯಿಗೆ ಉಳಿಸಿಕೊಂಡಿದೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಮಾಜಿ ನಾಯಕ ವಿರಾಟ್ ಕೊಹ್ಲಿ ಅವರು 21 ಕೋಟಿ ಪಡೆದು 2025ರ ಐಪಿಎಲ್ಗೆ ಉಳಿದುಕೊಂಡಿದ್ದಾರೆ. ಆದರೆ ಐಪಿಎಲ್ 2022ರ ವೇತನ ಕಡಿತಗೊಳಿಸಿದ್ದರು. ಕೊಹ್ಲಿಯನ್ನು 2018ರಲ್ಲಿ ಆರ್ಸಿಬಿ 17 ಕೋಟಿ ರೂ.ಗೆ ಉಳಿಸಿಕೊಂಡಿತ್ತು. ಆದರೆ 2022ರಲ್ಲಿ 15 ಕೋಟಿ ರೂಪಾಯಿಗೆ ಉಳಿಸಿಕೊಂಡಿತ್ತು. 2025ರ ಐಪಿಎಲ್ ಮೆಗಾ ಹರಾಜಿನಲ್ಲಿ ರಿಷಭ್ ಪಂತ್ 27 ಕೋಟಿ ಮತ್ತು ಶ್ರೇಯಸ್ ಅಯ್ಯರ್ 26.75 ಕೋಟಿ ಪಡೆಯುವ ಮೂಲಕ ಐಪಿಎಲ್ನ ದುಬಾರಿ ಆಟಗಾರರು ಎನಿಸಿಕೊಂಡಿದ್ದಾರೆ. ಈ ಇಬ್ಬರು ಎಂಬಾಪ್ಪೆ ಅವರ ಮಾಸಿಕ ವೇತನಕ್ಕಿಂತ ಕೊಂಚ ಹೆ್ಚ್ಚು ಮೊತ್ತವನ್ನು ಪಡೆಯುತ್ತಾರೆ.
