Baba Vanga Prediction 2025: ಏಲಿಯನ್‌ಗಳ ಜೊತೆ ಸಂಪರ್ಕ, 3ನೇ ಮಹಾಯುದ್ಧದ ಮುನ್ಸೂಚನೆ; ಬಾಬಾ ವಂಗಾ ಭವಿಷ್ಯವಾಣಿ 2025

ಬಾಬಾ ವಂಗಾ ಭವಿಷ್ಯವಾಣಿ 2025: ಹೊಸ ವರ್ಷಕ್ಕೆ ಕೆಲವೇ ದಿನಗಳು ಬಾಕಿ ಉಳಿದಿವೆ. 2025 ಆಗಮಿಸುತ್ತಿದ್ದಂತೆ ಮುಂದಿನ ವರ್ಷ ಯಾವೆಲ್ಲಾ ರಾಶಿಯವರ ಜೀವನದಲ್ಲಿ ಏನು ಬದಲಾವಣೆಗಳಾಗಲಿವೆ? ಯಾರ ಜೀವನದಲ್ಲಿ ಸಂತೋಷ ಇರುತ್ತದೆ? ಯಾರ ಜೀವನದಲ್ಲಿ ಕಷ್ಟಗಳು ಹೆಚ್ಚಾಗುತ್ತದೆ ಎಂದು ಜ್ಯೋತಿಷಿಗಳು ಭವಿಷ್ಯ ನುಡಿಯುತ್ತಿದ್ದಾರೆ. ಆದರೆ ಅದರಲ್ಲಿ ಹೆಚ್ಚು ಗಮನ ಸೆಳೆಯುತ್ತಿರುವುದು ಬಾಬಾ ವಂಗಾ ಅವರ ಭವಿಷ್ಯ. ಬಾಬಾ ವಂಗಾ ಇಂದು ಜೀವಂತ ಇಲ್ಲದಿದ್ದರೂ ಅವರು ಹೇಳಿರುವ ಭವಿಷ್ಯವಾಣಿ ನಿಜವಾಗುತ್ತಲೇ ಇದೆ.

ಬಾಬಾ ವಂಗಾ, 1911 ರಲ್ಲಿ ಬಲ್ಗೇರಿಯಾದ ಪಾಂಡೆವಾ ಡಿಮಿಟ್ರೋವಾದಲ್ಲಿ ಜನಿಸಿದರು. ಆಕೆಯ ಮೊದಲ ಹೆಸರು ವಾಂಜೆಲಿಯಾ ಪಾಂಡೆವಾ ಡಿಮಿಟ್ರೋವಾ. 12 ನೇ ವಯಸ್ಸಿನಲ್ಲಿ, ಅವರು ಭಾರೀ ಚಂಡಮಾರುತದಿಂದಾಗಿ ದೃಷ್ಟಿ ಕಳೆದುಕೊಂಡರು. 1996ರಲ್ಲಿ ವಂಗಾ ನಿಧನರಾದರೂ 5079ನೇ ಇಸವಿವರೆಗೆ ಏನಾಗಲಿದೆ ಎಂಬುದನ್ನು ಭವಿಷ್ಯ ನುಡಿದಿದ್ದಾರೆ ಎನ್ನಲಾಗಿದೆ. 2025 ವಿಚಾರಗಳನ್ನು ಕುರಿತ ಆಕೆಯ ಭವಿಷ್ಯವಾಣಿಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಕೂಡಾ ಚರ್ಚೆಯಾಗುತ್ತಿದೆ.

ಇದನ್ನೂ ಓದಿ: ಬಾಬಾ ವಂಗಾ ಭವಿಷ್ಯ ವಾಣಿ 2025: ಹೊಸ ವರ್ಷ ಕಟಕ ಸೇರಿದಂತೆ ಈ 3 ರಾಶಿಯವರ ಜೀವನದಲ್ಲಿ ತರಲಿದೆ ಹರ್ಷ

ಬಾಬಾ ವಂಗಾ ಹೇಳಿರುವ ಭವಿಷ್ಯವೇನು? ಇಲ್ಲಿದೆ ವಿವರ

• 2025 ರಲ್ಲಿ ಹವಾಮಾನ ಸಾಕಷ್ಟು ಬದಲಾವಣೆ ಆಗಲಿದೆ. ಈ ಹವಾಮಾನ ಏರಿಳಿತ ಭೂಮಿಗೆ ಅಪಾಯ ಉಂಟು ಮಾಡುವ ಸಾಧ್ಯತೆ ಇದೆ. ಪ್ರವಾಹಗಳು, ಚಂಡಮಾರುತ, ಸುನಾಮಿ ಸೇರಿದಂತೆ ತೀವ್ರ ನೈಸರ್ಗಿಕ ವಿಕೋಪಗಳು ಸಂಭವಿಸುತ್ತವೆ.
• ಮುಂದಿನ ವರ್ಷ ಇಂಧನ ಕ್ಷೇತ್ರದಲ್ಲಿ ಕ್ರಾಂತಿಕಾರಿ ಬದಲಾವಣೆಗಳಾಗುತ್ತವೆ.. ಹೊಸ ಸಂಪನ್ಮೂಲಗಳು ಪತ್ತೆಯಾಗುತ್ತವೆ. ಇದು ಪಳೆಯುಳಿಕೆ ಇಂಧನಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುತ್ತದೆ. ಶುದ್ಧ ಶಕ್ತಿ ಪರಿಹಾರಗಳಲ್ಲಿ ಹೊಸ ಯುಗ ಪ್ರಾರಂಭವಾಗುತ್ತದೆ.
• ವೈದ್ಯಕೀಯ ಕ್ಷೇತ್ರಗಳಲ್ಲಿ ಹೊಸ ಆವಿಷ್ಕಾರಗಳಾಗಲಿವೆ. 2025ರಲ್ಲಿ ಮನುಷ್ಯರು ಎದುರಿಸುತ್ತಿರುವ ದೀರ್ಘಕಾಲದ, ಗುಣಪಡಿಸಲಾಗದ ಕಾಯಿಲೆಗಳಿಗೆ ಔಷಧಗಳು ಲಭ್ಯವಿರುತ್ತವೆ. ಈ ರೀತಿಯ ಚಿಕಿತ್ಸೆಯಲ್ಲಿ ಜೀನ್ ಚಿಕಿತ್ಸೆಯು ಒಂದು ಪ್ರಗತಿಯಾಗಲಿದೆ.
• ಬಾಹ್ಯಾಕಾಶ ಕ್ಷೇತ್ರದಲ್ಲಿ ಪ್ರಮುಖ ವಿಕಸನಗಳಾಗಲಿವೆ. ಇನ್ನೂ ಅಸ್ಪಷ್ಟವಾಗಿರುವ ಅನೇಕ ಬಾಹ್ಯಾಕಾಶ ರಹಸ್ಯಗಳು ಬಯಲಾಗುತ್ತದೆ. 2025 ರಲ್ಲಿ, ಬಾಹ್ಯಾಕಾಶ ಪರಿಶೋಧನೆಯು ವೇಗಗೊಳ್ಳುತ್ತದೆ. ಬ್ರಹ್ಮಾಂಡದ ಬಗ್ಗೆ ಆಳವಾದ ಅಧ್ಯಯನ, ಹೆಚ್ಚಿನ ಸಂಗತಿಗಳು ತಿಳಿಯಲಿದೆ.
• 2025 ರಲ್ಲಿ ಯೂರೋಪ್ ನಾಶ ಆರಂಭವಾಗುತ್ತದೆ. ಪಶ್ಚಿಮದಲ್ಲಿ ಯುದ್ಧ ಪ್ರಾರಂಭವಾಗಿ ದೊಡ್ಡ ವಿನಾಶ ಸಂಭವಿಸುತ್ತದೆ. ಸಿರಿಯಾ ಪತನದ ನಂತರ ಪ್ರಾರಂಭವಾಗುವ ಯುದ್ಧವು ಮೂರನೆ ಪ್ರಪಂಚ ಯುದ್ಧವಾಗಿ ಬದಲಾಗಬಹುದು. ಜಾಗತಿಕ ನಾಯಕತ್ವದಲ್ಲಿ ಬದಲಾವಣೆ ಉಂಟಾಗುತ್ತದೆ. ಹಳೆಯ ಮಿತ್ರದೇಶಗಳನ್ನು ಬಿಟ್ಟು ಹೊಸ ಪಾಲುದಾರರೊಂದಿಗೆ ಮೈತ್ರಿ ಮಾಡಿಕೊಳ್ಳುವುದರಿಂದ ಅಂತಾರಾಷ್ಟ್ರೀಯ ಸಂಬಂಧಗಳ ಮೇಲೆ ಪರಿಣಾಮ ಬೀರುತ್ತವೆ.

ಇದನ್ನೂ ಓದಿ: ಗುರು ಸಂಕ್ರಮಣ: ಮೇ 2025ರಲ್ಲಿ ಮಿಥುನ ರಾಶಿಗೆ ಗುರುವಿನ ಸಂಚಾರ: ಮಿಥುನ ಸೇರಿದಂತೆ ಈ 3 ರಾಶಿಯವರಿಗೆ ದೊರೆಯಲಿದೆ ಗುರುಬಲ

• 2025 ರ ವೇಳೆಗೆ ಮನುಷ್ಯ, ಏಲಿಯನ್ಸ್‌ ಜೊತೆ ಸಂಪರ್ಕ ಸಾಧಿಸಬಹುದು. ಈ ಬೆಳವಣಿಗೆಯು ಜಾಗತಿಕ ಬಿಕ್ಕಟ್ಟು ಅಥವಾ ವಿನಾಶಕ್ಕೆ ಕಾರಣವಾಗಬಹುದು. ಹಾರುವ ತಟ್ಟೆಗಳ ಕುರಿತು ನಾಸಾ ನಡೆಸಿದ ಸಂಶೋಧನೆಗೆ ಸಂಬಂಧಿಸಿದ ಎಲ್ಲಾ ಮಾಹಿತಿಗಳನ್ನು ಬಿಡುಗಡೆ ಮಾಡುವುದಾಗಿ ಡೊನಾಲ್ಡ್ ಟ್ರಂಪ್ ಘೋಷಿಸಿರುವ ಹಿನ್ನೆಲೆ ಈ ಭವಿಷ್ಯ ಬಹಳ ಮಹತ್ವ ಪಡೆದುಕೊಂಡಿದೆ.
• ಇವಿಷ್ಟೇ ಅಲ್ಲ, 2025 ರ ಅಂತ್ಯದ ವೇಳೆಗೆ ಟೆಲಿಪತಿ ಲಭ್ಯವಿರುತ್ತದೆ, ಮೆದುಳಿನಿಂದ ಮಿದುಳಿನ ನೇರ ಸಂವಹನ ನಡೆಸುವ ಆವಿಷ್ಕಾರವು ಕ್ರಾಂತಿಕಾರಿ ಬದಲಾವಣೆಗಳನ್ನು ತರುತ್ತದೆ, ಜೊತೆಗೆ ನ್ಯಾನೊ ತಂತ್ರಜ್ಞಾನದಲ್ಲಿ ಪ್ರಗತಿ ಸಾಧಿಸಲಾಗುವುದು ಆದರೆ, ತಂತ್ರಜ್ಞಾನ ದುರುಪಯೋಗಪಡಿಸಿಕೊಂಡರೆ ಭೀಕರ ಪರಿಣಾಮ ಎದುರಿಸಬೇಕಾಗುತ್ತದೆ ಎಂದು ಬಾಬಾ ವಂಗಾ ಎಚ್ಚರಿಸಿದ್ದಾರೆ. ಕೃತಕ ಬುದ್ಧಿಮತ್ತೆ ದೈನಂದಿನ ಜೀವನದ ಭಾಗವಾಗಲಿದೆ. ಆರೋಗ್ಯ, ಶಿಕ್ಷಣ ಮತ್ತು ಆಡಳಿತ ಕ್ಷೇತ್ರಗಳಲ್ಲಿ ಎಐ ಬಳಕೆ ಹೆಚ್ಚಾಗಲಿದೆ ಎಂದು ಬಾಬಾ ವಂಗಾ ಭವಿಷ್ಯ ನುಡಿದಿದ್ದಾರೆ.

ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.

ಇದನ್ನೂ ಓದಿ: 12 ವರ್ಷಗಳ ನಂತರ ಮೀನ ರಾಶಿಯಲ್ಲಿ ಲಕ್ಷ್ಮೀನಾರಾಯಣ ರಾಜಯೋಗ: 2025 ಈ 3 ರಾಶಿಯವರಿಗೆ ದೊರೆಯಲಿದೆ ಲಕ್ಷ್ಮೀ ಕಟಾಕ್ಷ