ಸಿಂಹ ರಾಶಿಗೆ ಬುಧ ಸಂಕ್ರಮಣ: 12 ರಾಶಿಗಳ ಮೇಲೆ ಏನು ಫಲ? ಇವರಿಗೆ ಮಾತ್ರ ಇನ್ನು ಮುಟ್ಟಿದ್ದೆಲ್ಲ ಚಿನ್ನ, ಇಲ್ಲಿದೆ ವಿವರ

ಬುಧ ಗೋಚಾರ ಫಲ: ಬುಧನು ಸಂವಹನ, ತಂತ್ರಜ್ಙಾನ, ಸಂವಹನ ವ್ಯವಸ್ಥೆಗೆ ಸಂಬಂಧಿಸಿದ ಗ್ರಹ ಎಂದೇ ಹೆಸರಾಗಿದ್ದಾನೆ. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ ಬುಧನು 3, 6ನೇ ಮನೆಯ ಅಧಿಪತಿಯಾಗಿದ್ದಾನೆ. ಬುಧನು ಆಗ್ಗಾಗ್ಗೆ ತನ್ನ ರಾಶಿಯನ್ನು ಬದಲಿಸುತ್ತಾನೆ. ಇದನ್ನು ಬುಧ ಗೋಚಾರ ಫಲ ಎಂದು ಕರೆಯಲಾಗುತ್ತದೆ.

ಬುಧನು 19 ಜುಲೈ 2024 ರಂದು ರಾತ್ರಿ 8:40 ಗಂಟೆಗೆ ಸಿಂಹ ರಾಶಿಗೆ ಸಾಗುತ್ತಾನೆ. ಆಗಸ್ಟ್ 5, 2024 ರಂದು ಹಿಮ್ಮುಖ ಚಲನೆ ಆರಂಭಿಸಿ ಆಗಸ್ಟ್ 29ವರೆಗೂ ಅದೇ ಸ್ಥಿತಿಯಲ್ಲಿರುತ್ತಾನೆ. ಬುಧನ ರಾಶಿ ಬದಲಾವಣೆ ವಿವಿಧ ರಾಶಿಗಳಿಗೆ ವಿವಿಧ ರೀತಿಯ ಫಲಗಳನ್ನು ನೀಡುತ್ತದೆ. ಬುಧನು ಯಾವ ರಾಶಿಯವರಿಗೆ ಏನು ಫಲ ನೀಡಲಿದ್ದಾನೆ ನೋಡೋಣ.

ಮೇಷ ರಾಶಿ

ಬುಧ ಸಂಕ್ರಮಣದಿಂದ ಮೇಷ ರಾಶಿಯವರ ವೈಯಕ್ತಿಕ ಜೀವನ ಮತ್ತು ವೃತ್ತಿಯಲ್ಲಿ ಬೆಳವಣಿಗೆಗಳನ್ನು ನಿರೀಕ್ಷಿಸಬಹುದು. ಈ ಸಮಯವು ನಿಮ್ಮ ಕೆಲಸದ ಸ್ಥಳದಲ್ಲಿ ಹೆಚ್ಚಿನ ಸೌಕರ್ಯ ಮತ್ತು ತೃಪ್ತಿಯನ್ನು ನೀಡುತ್ತದೆ. ಇದರಿಂದ ನಿಮ್ಮ ಕೆಲಸದ ರೀತಿ ಸುಧಾರಿಸುತ್ತದೆ, ಹಿರಿಯ ಅಧಿಕಾರಿಗಳು ನಿಮ್ಮ ಕೆಲಸದ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸುತ್ತಾರೆ. ಉದ್ಯೋಗಿಗಳಿಗೆ ಬಡ್ತಿಯಿಂದ ಆದಾಯ ಹೆಚ್ಚಾಗುತ್ತದೆ. ಹಣದ ಹರಿವು ಇರುತ್ತದೆ.

ವೃಷಭ ರಾಶಿ

ಸಿಂಹ ರಾಶಿಗೆ ಬುಧನ ಪ್ರಯಾಣವು ವೃಷಭ ರಾಶಿಯವರಿಗೆ ಮಧ್ಯಮ ಫಲಗಳನ್ನು ನೀಡಲಿದೆ. ವೃತ್ತಿಪರವಾಗಿ, ಉದ್ಯೋಗ ಸೃಷ್ಟಿಗೆ ಹೆಚ್ಚು ಗಮನ ಹರಿಸಬೇಕಿದೆ. ಹೊರ ಗುತ್ತಿಗೆ ಕೆಲಸಗಳು ಉತ್ತಮ ಫಲ ನೀಡಲಿದೆ. ಆರ್ಥಿಕವಾಗಿ ಸುಧಾರಿಸಲಿದ್ದೀರಿ. ಸಂಬಂಧಗಳು ಇನ್ನಷ್ಟು ಗಟ್ಟಿಯಾಗುತ್ತದೆ. ಆರೋಗ್ಯ ಸಾಮಾನ್ಯವಾಗಿರಲಿದೆ. ಅಧಿಕಾರಿಗಳು ನಿಮ್ಮ ಕೆಲಸವನ್ನು ಗುರುತಿಸಿದರೆ ನೀವು ತುಂಬಾ ಸಂತೋಷಪಡುತ್ತೀರಿ. ಉದ್ಯಮಿಗಳು ಹೆಚ್ಚಿನ ಲಾಭ ಗಳಿಸುವ ಅವಕಾಶವನ್ನು ಪಡೆಯುತ್ತಾರೆ.

ಇದನ್ನೂ ಓದಿ:  ಗುರು ಪೂರ್ಣಿಮಾ ಯಾಕೆ ಆಚರಿಸಬೇಕು? ದಿನಾಂಕ, ಸಮಯ, ಮಹತ್ವವನ್ನು ತಿಳಿಯಿರಿ -Guru Purnima 2024

ಮಿಥುನ ರಾಶಿ

ಬುಧ 1ನೇ ಮತ್ತು 4ನೇ ಮನೆಯ ಅಧಿಪತಿಯಾಗಿದ್ದು 3ನೇ ಮನೆಯಲ್ಲಿರುತ್ತಾನೆ. ವೃತ್ತಿ ಜೀವನಕ್ಕೆ ಸಂಬಂಧಿಸಿದಂತೆ, ಬುಧ ಸಂಕ್ರಮಣವು ಸ್ಥಳೀಯರಿಗೆ ಅನುಕೂಲಕರವಾಗಿರುತ್ತದೆ. ವಿದೇಶಕ್ಕೆ ಹೋಗುವ ಅವಕಾಶಗಳನ್ನು ಪಡೆಯಲಿದ್ದೀರಿ. ಬಡ್ತಿ ದೊರೆಯುವ ಸಾಧ್ಯತೆ ಇದೆ. ವ್ಯಾಪಾರಿಗಳು ಉತ್ತಮ ಲಾಭ ಪಡೆಯುತ್ತಾರೆ. ಪ್ರತಿಸ್ಪರ್ಧಿಗಳೊಂದಿಗೆ ಗೆಲುವು ಸಾಧಿಸಲಿದ್ದೀರಿ.

ಕರ್ಕಾಟಕ ರಾಶಿ

ಕರ್ಕಾಟಕ ರಾಶಿಯವರು ಬುಧ ಸಂಕ್ರಮಣದಿಂದ ಆರ್ಥಿಕವಾಗಿ ನಷ್ಟ ಅನುಭವಿಸಲಿದ್ದಾರೆ. ವಿಶೇಷವಾಗಿ ಕುಟುಂಬದ ಜವಾಬ್ದಾರಿಗಳ ಕಾರಣದಿಂದಾಗಿ ಹೆಚ್ಚು ಹಣ ವೆಚ್ಚವಾಗಬಹುದು. ಉದ್ಯಮ ನಡೆಸುತ್ತಿರುವವರು ಹೆಚ್ಚಿನ ಪ್ರಯತ್ನ ಮಾಡಬೇಕಾಗುತ್ತದೆ. ಆರೋಗ್ಯದ ವಿಚಾರಕ್ಕೆ ಬರುವುದಾದರೆ ನಿಮಗೆ ಒತ್ತಡ ಹೆಚ್ಚಾಗಿರುತ್ತದೆ. ಆದ್ದರಿಂದ ನಿಮ್ಮ ಮಾನಸಿಕ ಆರೋಗ್ಯದ ಕಡೆ ಗಮನ ಹರಿಸುವುದು ಕಡ್ಡಾಯವಾಗಿದೆ.

ಸಿಂಹ ರಾಶಿ

ಬುಧನ ರಾಶಿ ಬದಲಾವಣೆಯಿಂದ ಸಿಂಹ ರಾಶಿಯವರು ಹೆಚ್ಚಿನ ಲಾಭವನ್ನು ಪಡೆಯುತ್ತಾರೆ. ಈ ಸಮಯವು ನಿಮ್ಮ ಎಲ್ಲಾ ಅಗತ್ಯಗಳನ್ನು ಪೂರೈಸಲು ಮತ್ತು ಉತ್ತಮ ಆದಾಯವನ್ನು ಪಡೆಯಲು ಅನುಕೂಲವಾಗಿದೆ. ವೃತ್ತಿ ಜೀವನದ ವಿಷಯದಲ್ಲಿ, ನಿಮ್ಮ ನಾಯಕತ್ವದ ಸಾಮರ್ಥ್ಯಗಳನ್ನು ನೀವು ಸಾಬೀತುಪಡಿಸಬೇಕು. ಮತ್ತು ಹೊಸ ವ್ಯಾಪಾರ ಸಂಬಂಧಗಳನ್ನು ವಿಸ್ತರಿಸಬೇಕು. ಆರ್ಥಿಕವಾಗಿ ಗುರಿಗಳನ್ನು ರಚಿಸಲು ಇದು ಉತ್ತಮ ಸಮಯ.

ಕನ್ಯಾ ರಾಶಿ

ಕನ್ಯಾ ರಾಶಿಯವರು ಈ ಸಮಯದಲ್ಲಿ ಇದ್ದಕ್ಕಿದ್ದಂತ್ ಹಣಕಾಸಿನ ಸಮಸ್ಯೆಗಳನ್ನು ಎದುರಿಸಬಹುದು. ಉನ್ನತ ವಿದ್ಯಾಭ್ಯಾಸದ ಕನಸು ಕಾಣುತ್ತಿರುವವರಿಗೆ ನಿರಾಶೆ ಉಂಟಾಗಬಹುದು. ದಂಪತಿ ನಡುವೆ ಮನಸ್ತಾಪ ಉಂಟಾಗಬಹುದು. ಮೇಲಧಿಕಾರಿಗಳು ನಿಮ್ಮ ಪ್ರತಿಭೆಯನ್ನು ಗುರುತಿಸಲಿಲ್ಲವಾದ್ದರಿಂದ ಕನ್ಯಾ ರಾಶಿಯವರು ತಮ್ಮ ಕೆಲಸವನ್ನು ಬದಲಾಯಿಸಲು ಯೋಚಿಸಬಹುದು.

ಇದನ್ನೂ ಓದಿ: ವೃಶ್ಚಿಕ ರಾಶಿಯ ಯಾವ ನಕ್ಷತ್ರ, ಪಾದಗಳಲ್ಲಿ ಜನಿಸಿದವರಿಗೆ ಗುರುಬಲ ಇದೆ; ಗುರುವು ಯಾವ ರೀತಿಯ ಫಲಗಳನ್ನು ನೀಡಲಿದ್ದಾನೆ

ತುಲಾ ರಾಶಿ

ಈ ರಾಶಿಯವರಿಗೆ ಬುಧನು 9 ಮತ್ತು 12ನೇ ಮನೆಯ ಅಧಿಪತಿಯಾಗಿದ್ದಾನೆ. ಹಿರಿಯರು ನಿಮ್ಮ ಕೆಲಸಗಳಿಗೆ ಮೆಚ್ಚುಗೆ ವ್ಯಕ್ತಪಡಿಸಲಿದ್ದಾರೆ. ಕೆಲಸದ ವಿಚಾರವಾಗಿ ದೂರ ಪ್ರಯಾಣಿಸುವ ಸಾಧ್ಯತೆ ಇದೆ. ವೃತ್ತಿರಂಗಕ್ಕೆ ಸಂಬಂಧಿಸಿದಂತೆ, ಈ ರಾಶಿಗೆ ಸೇರಿದ ಸ್ಥಳೀಯರು ವಿದೇಶದಲ್ಲಿ ಹೊಸ ಉದ್ಯೋಗಾವಕಾಶಗಳನ್ನು ಪಡೆಯಬಹುದು. ವ್ಯಾಪಾರಸ್ಥರು ಉತ್ತಮ ಲಾಭವನ್ನು ಗಳಿಸಲು ಸಾಧ್ಯವಾಗುತ್ತದೆ. ಹೊಸ ವ್ಯಾಪಾರಗಳನ್ನು ಆರಂಭಿಸಲು ಇದು ಉತ್ತಮ ಸಮಯ.

ವೃಶ್ಚಿಕ ರಾಶಿ

ವೃಶ್ಚಿಕ ರಾಶಿಯವರಿಗೆ ಬುಧನ ಸಂಕ್ರಮಣವು ದೊಡ್ಡ ಯಶಸ್ಸನ್ನು ನೀಡುತ್ತದೆ. ಹೊಸ ಕೆಲಸವನ್ನು ಹುಡುಕುತ್ತಿರುವವರಿಗೆ ಉತ್ತಮ ಸಂಬಳದೊಂದಿಗೆ ಒಳ್ಳೆ ಕೆಲಸ ದೊರೆಯಲಿದೆ. ವಿದ್ಯಾರ್ಥಿಗಳು ಓದಿನತ್ತ ಗಮನ ಹರಿಸಿ ವಿದ್ಯಾಭ್ಯಾಸದಲ್ಲಿ ಸಾಧನೆ ಮಾಡಲಿದ್ದಾರೆ.

ಧನು ರಾಶಿ

ಧನು ರಾಶಿಯವರಿಗೆ ಬುಧನ ಅನುಗ್ರಹವಿದೆ. ಈ ರಾಶಿಯವರು ತಮ್ಮ ವೃತ್ತಿಯಲ್ಲಿ ಯಶಸ್ಸನ್ನು ಕಾಣುವರು. ಅದೃಷ್ಟ ಮತ್ತು ಕೆಲಸದ ಮೇಲಿನ ನಿಮ್ಮ ಶ್ರದ್ಧೆ ನಿಮ್ಮಉದ್ದೇಶಗಳನ್ನು ತಲುಪಲು ಅನುವು ಮಾಡಿಕೊಡುತ್ತದೆ. ವ್ಯಾಪಾರಸ್ಥರು ದೊಡ್ಡ ವಹಿವಾಟುಗಳನ್ನು ಮಾಡುವಲ್ಲಿ ಯಶಸ್ವಿಯಾಗುತ್ತಾರೆ. ಪರೀಕ್ಷೆ ಫಲಿತಾಂಶಕ್ಕಾಗಿ ಕಾಯುತ್ತಿರುವ ವಿದ್ಯಾರ್ಥಿಗಳಿಗೆ ಒಳ್ಳೆ ಸುದ್ದಿ ದೊರೆಯಲಿದೆ.

ಮಕರ ರಾಶಿ

ಬುಧ ಸಂಕ್ರಮಣದಿಂದ ಮಕರ ರಾಶಿಯವರು ಸಾಮಾನ್ಯಕ್ಕಿಂತ ಹೆಚ್ಚಿನ ತೊಂದರೆಗಳನ್ನು ಕಾಣಬಹುದು. ಸಂಶೋಧನೆ

ಅಥವಾ ದೊಡ್ಡ-ಪ್ರಮಾಣದ ಕೆಲಸಗಳಲ್ಲಿ ತೊಡಗಿರುವ ವಿದ್ಯಾರ್ಥಿಗಳು ಪ್ರವೇಶ ಪಡೆಯುವಲ್ಲಿ ತೊಂದರೆ ಅನುಭವಿಸಬಹುದು. ಹಣಕಾಸಿನ ವಿಚಾರದಲ್ಲಿ ಎಚ್ಚರಿಕೆ ವಹಿಸಿ. ವರ್ಕೌಟ್‌ ಮಾಡುವಾಗ ಎಚ್ಚರಿಕೆ ವಹಿಸಿ.

ಇದನ್ನೂ ಓದಿ: ಜಾತಕ ಎಂದರೇನು, ಕುಂಡಲಿಯಲ್ಲಿ ಬರುವ ಯಾವ ಮನೆಗಳು ಏನು ಅರ್ಥವನ್ನು ಸೂಚಿಸುತ್ತವೆ? ಇಲ್ಲಿದೆ ವಿವರ

ಕುಂಭ ರಾಶಿ

ಬುಧನ ರಾಶಿ ಬದಲಾವಣೆಯಿಂದ ಮಾಧ್ಯಮ ಹಾಗೂ ಕಲಾವಿದರಿಗೆ ಉತ್ತಮ ಸಮಯವಾಗಿದೆ. ವೃತ್ತಿ ದೃಷ್ಟಿಕೋನದಿಂದ ನೀವು ಹೊಸ ಭವಿಷ್ಯದ ದಾರಿಯನ್ನು ಕಂಡುಕೊಳ್ಳಲಿದ್ದೀರಿ. ಸತತ ಪ್ರಯತ್ನದಿಂದ ನೀವು ಯಶಸ್ಸು ಸಾಧಿಸಲಿದ್ದೀರಿ.

ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ "ಹಿಂದೂಸ್ತಾನ್ ಟೈಮ್ಸ್ ಕನ್ನಡ" ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.