ಏನಾದರೂ ಹೊಸತನ್ನು ಕಲಿಯುವ ಆಸೆ ನಿಮ್ಮದಾ? ಹಾಗಾದ್ರೆ ಮನೆಯಲ್ಲೇ ಕೂತು ಕಲಿಯಬಹುದಾದ ಸಂಗತಿಗಳಿವು

ನೀವು ಕಲಿಯಬೇಕಾಗಿರುವ ಸಂಗತಿ ನಿಮ್ಮಿಷ್ಟದ್ದಾಗಿರಬೇಕು. ಆಗ ನಿಮಗೆ ಕಲಿಕೆ ಸುಲಭ ಎನಿಸುತ್ತದೆ. ನೀವು ಹೊರಗೆಲ್ಲೂ ಹೋಗಿ ಕಲಿಯಲು ಈ ಸಂದರ್ಭದಲ್ಲಿ ಸಾಧ್ಯವಾಗುತ್ತಾ ಇಲ್ಲ ಎಂದಾದರೆ ಮನೆಯಲ್ಲೇ ಕೆಲವು ಕೋರ್ಸ್ ಮಾಡಬಹುದು. ಅಥವಾ ನೀವೇ ಯಾರ ಸಹಾಯವೂ ಇಲ್ಲದೇ ಯುಟ್ಯೂಬ್ ನೋಡಿ ಕಲಿಯಬಹುದು. ಅಂತಹ ಕೆಲವೊಂದು ಸಂಗತಿಗಳನ್ನು ನಾವು ನಿಮಗಿಲ್ಲಿ ನೀಡಿದ್ದೇವೆ ಗಮನಿಸಿ. ಇದರಲ್ಲಿ ನಿಮ್ಮ ಆಸಕ್ತಿಯ ಕ್ಷೇತ್ರ ಯಾವುದು ಎಂಬುದನ್ನು ಗಮನಿಸಿಕೊಳ್ಳಿ. ಆ ನಂತರ ನಿಮಗೆ ಬೇಕಾಗಿರುವುದನ್ನು ಆಯ್ಕೆ ಮಾಡಿಕೊಳ್ಳಿ.

ಭಾಷೆಗಳು: ನೀವು ಹೊಸ ಹೊಸ ಭಾಷೆಗಳನ್ನು ಕಲಿಯಬಹುದು. ಈಗ ಇಂಗ್ಲೀಷ್‌ ಭಾಷೆಯಲ್ಲಿ ನಿಮಗೆ ಇನ್ನಷ್ಟು ಗ್ರಿಪ್ ಬೇಕು ಎಂದು ನಿಮಗೆ ಅನಿಸಿದರೆ ನೀವು ಇಂಗ್ಲೀಷ್ ಭಾಷೆಯನ್ನು ಮನೆಯಿಂದಲೇ ಕಲಿಯಬಹುದು. ಇನ್ನು ನಿಮಗೆ ಬೇರೆ ಯಾವುದಾದರೂ ಭಾಷೆ ಕಲಿಯುವ ಆಸಕ್ತಿ ಇದ್ದರೆ ಅದನ್ನೂ ಕಲಿಯಬಹುದು. ಇನ್ನು ನೀವು ಚಿಕ್ಕ ಮಕ್ಕಳಿಗೆ ಮುಂದಿನ ದಿನ ಅದನ್ನು ಹೇಳಿಕೊಡಬಹುದು. ಬೇಕಿದ್ದರೆ ಟ್ಯೂಷನ್ ಕೂಡ ತೆಗೆದುಕೊಳ್ಳಬಹುದು. (Duolingo, Coursera, edX) ಇವುಗಳಲ್ಲಿ ನೀವು ಕಲಿಯಬಹುದು.

ಡಾನ್ಸ್: ನೀವು ಭರತನಾಟ್ಯ, ಯಕ್ಷಗಾನ, ವೆಸ್ಟರ್ನ್‌ ಡಾನ್ಸ್‌ ಹೀಗೆ ನಿಮಗೆ ಯಾವ ಪ್ರಕಾರ ಇಷ್ಟವೋ ಆ ಪ್ರಕಾರದ ಡಾನ್ಸ್‌ ಕಲಿಯಬಹುದು. ಯುಟ್ಯೂಬ್‌ನಲ್ಲಿ ಸಾಕಷ್ಟು ರೀತಿಯ ಕ್ಲಾಸ್‌ಗಳು ನಿಮಗೆ ಸಿಗುತ್ತದೆ. ಅದನ್ನೇ ನೋಡಿ ನೀವು ಮನೆಯಲ್ಲೇ ಒಂದಿಷ್ಟು ಸಮಯವನ್ನು ಮೀಸಲಿಟ್ಟು ಆ ಸಮಯದಲ್ಲಿ ಕಲಿಯಬಹುದು. ಹೀಗೆ ಮಾಡಿದರೆ ನಿಮಗೆ ಒಂದು ಆತ್ಮತೃಪ್ತಿ ಇರುತ್ತದೆ. ನಾನು ಸುಮ್ಮನೆ ಕೂತಿಲ್ಲ ಏನೋ ಒಂದು ಕಲಿಯುತ್ತಾ ಇದ್ದೇನೆ ಎನ್ನುವುದಾಗಿ. (YouTube tutorials, DanceWithMe) ಇವುಗಳು ನಿಮ್ಮ ಸಹಾಯಕ್ಕೆ ಬರುತ್ತದೆ.

ಇದನ್ನೂ ಓದಿ: ಉತ್ತಾನಾಸನ: ನಿಮಗೆ ನಿದ್ರೆ ಸರಿಯಾಗಿ ಬರ್ತಾ ಇಲ್ವ? ಹಾಗಾದ್ರೆ ಈ ಆಸನ ಮಾಡಿ; ಇದು ಒತ್ತಡವನ್ನೂ ನಿವಾರಿಸುತ್ತೆ

ಗ್ರಾಫಿಕ್ ಡಿಸೈನಿಂಗ್: ನೀವು ಹೊಸ ಪೋಸ್ಟರ್‌ಗಳನ್ನು ಅಥವಾ ಪುಸ್ತಕದ ಮುಖಪುಟವನ್ನು ವಿನ್ಯಾಸಗೊಳಿಸಲು ಕಲಿಯಬೇಕು ಎಂದಿದ್ದರೆ ಅದನ್ನು ಸಹ ಮನೆಯಲ್ಲೇ ನೀವು ಕಲಿಯಬಹುದು. ಈ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೀವು ಯೂಟ್ಯೂನ್‌ಲ್ಲಿ ತಿಳಿದುಕೊಳ್ಳಬಹುದು. (Canva, Adobe Creative Cloud) ಇವುಗಳನ್ನು ಬಳಸಿ ನೀವು ಡಿಸೈನಿಂಗ್ ಮಾಡಬಹುದು.

ಸಂಗೀತ: ನೀವು ಸಂಗೀತ ಕಲಿಯಲು ಆಸಕ್ತಿ ಹೊಂದಿದವರಾಗಿದ್ದರೆ ಸಂಗೀತವನ್ನೂ ಸಹ ಉಚಿತವಾಗಿ ಮನೆಯಲ್ಲೇ ಕಲಿಯಬಹುದು. ನಿಮಗೆ ಯಾವ ರೀತಿ ಮತ್ತು ಯಾವ ಭಾಷೆಯಲ್ಲಿ ಬೇಕೋ ಆ ಭಾಷೆಯಲ್ಲಿ ಕಲಿಯುವ ಅವಕಾಶ ಇದೆ. ಇಂದಿನ ಡಿಜಿಟಲ್ ಜಗತ್ತಿನಲ್ಲಿ ಯಾವುದೂ ಇಲ್ಲ ಎಂಬುದು ಇಲ್ಲ. (YouTube lessons, Fender Play)

ಕಲಿಕೆಗೆ ವಯಸ್ಸಿನ ಮಿತಿ ಇಲ್ಲ. ಯಾರು ಬೇಕಾದರೂ ಏನು ಬೇಕಾದರೂ ಕಲಿಯಬಹುದು. ಯಾವ ವಯಸ್ಸಿನಲ್ಲಿ ಬೇಕಾದರೂ ಕಲಿಯಬಹುದು. ಉತ್ತಮ ಮಾರ್ಗದಲ್ಲಿ ನಡೆಯುವುದಕ್ಕೆ, ಹೊಸತನ್ನು ಕಲಿಯುವುದಕ್ಕೆ ಯಾವಾಗಲೂ ತೆರೆದುಕೊಂಡಿರಬೇಕು. ಹೊಸತನ್ನು ಕಲಿಯಲು ನಿರಾಕರಿಸಿದರೆ ಅದು ಬದುಕಲು ನಿರಾಕರಿಸಿದಂತೆ ಎಂದು ರಾಮಕೃಷ್ಣ ಪರಮಹಂಸರು ಹೇಳಿದ್ದಾರೆ.

ಇದನ್ನೂ ಓದಿ: ಸಿದ್ದೇಶ್ವರ ಸ್ವಾಮೀಜಿ ಪ್ರವಚನ: ಗಟ್ಟಿಯಾದ ಮನಸ್ಸು ಸೋಲಲು ಸಾಧ್ಯವಿಲ್ಲ, ಯಶಸ್ಸಿನ ಶಬ್ಧ ಜಗತ್ತಿಗೆ ಕೇಳಿಸುವಷ್ಟು ಜೋರಾಗಿರಬೇಕು