ಈ ಆಹಾರಗಳನ್ನು ಹೆಚ್ಚು ಬಿಸಿ ಮಾಡಿದ್ರೆ ಆರೋಗ್ಯಕ್ಕೆ ಅಪಾಯ, ಕ್ಯಾನ್ಸರ್‌ನಂತಹ ಗಂಭೀರ ಸಮಸ್ಯೆಗಳು ಎದುರಾಗಬಹುದು ಎಚ್ಚರ

ನಾವು ಸೇವಿಸುವ ಆಹಾರಗಳು ಹಾಗೂ ಪಾನೀಯಗಳು ನಮ್ಮ ಆರೋಗ್ಯ ಮೇಲೆ ವಿವಿಧ ರೀತಿಯಲ್ಲಿ ಪರಿಣಾಮ ಬೀರುತ್ತವೆ. ದೇಹವನ್ನು ಆರೋಗ್ಯವಾಗಿಡಲು ಸರಿಯಾದ ಪೋಷಣೆಯ ಜೊತೆಗೆ ಉತ್ತಮ ಆಹಾರ ಸೇವಿಸುವುದು ಅತ್ಯಗತ್ಯ. ಆರೋಗ್ಯಕರ ಆಹಾರದ ಭಾಗವಾಗಿ ಯಾವ ಪದಾರ್ಥಗಳನ್ನು ತಿನ್ನಬೇಕು ಎಂಬುದನ್ನು ತಿಳಿದುಕೊಳ್ಳುವುದು ಸಹ ಮುಖ್ಯವಾಗಿದೆ. ಎಷ್ಟೋ ಜನರಿಗೆ ಯಾವ ಆಹಾರ ತಿನ್ನಬೇಕು, ಏನು ತಿನ್ನಬಾರದು ಎಂಬುದೇ ತಿಳಿದಿರುವುದಿಲ್ಲ. ಕೆಲವು ವಿಧದ ಆಹಾರಗಳು ಅತಿಯಾಗಿ ಬೇಯಿಸಿದರೆ ಕಾರ್ಸಿನೋಜೆನಿಕ್ ಆಗಬಹುದು. ಆದರೆ ಇದು ಏನೆಂಬುದು ಹಲವರಿಗೆ ತಿಳಿದಿಲ್ಲ. ನಾವು ಸಾಮಾನ್ಯವಾಗಿ ದಿನನಿತ್ಯ ಸೇವಿಸುವ ಈ ಆಹಾರಗಳನ್ನು ಅತಿಯಾಗಿ ಬೇಯಿಸುವುದು ಕೆಲವು ರೀತಿಯ ಕ್ಯಾನ್ಸರ್‌ಗೆ ಕಾರಣವಾಗಬಹುದು. ಅಂತಹ ಆಹಾರಗಳು ಯಾವುವು ನೋಡಿ.

ಆಲೂಗೆಡ್ಡೆ

ಭಾರತೀಯ ಪಾಕಪದ್ಧತಿಯಲ್ಲಿ ಆಲೂಗೆಡ್ಡೆಗೆ ವಿಶೇಷ ಮಹತ್ವವಿದೆ. ಬಹುತೇಕ ಖಾದ್ಯಗಳನ್ನು ತಯಾರಿಸುವಾಗ ಆಲೂಗೆಡ್ಡೆ ಬಳಸಲಾಗುತ್ತದೆ. ಆಲೂಗೆಡ್ಡೆಯಿಂದ ಬಗೆ ಬಗೆಯ ಖಾದ್ಯಗಳನ್ನ ತಯಾರಿಸಬಹುದು. ಆಲೂ ಪರಾಠ, ಆಲೂ ಟಿಕ್ಕಿ, ಚಿಪ್ಸ್, ಕರಿ, ಬಿರಿಯಾನಿ ಇತ್ಯಾದಿಗಳನ್ನು ಆಲೂಗೆಡ್ಡೆಯಿಂದ ಮಾಡುತ್ತಾರೆ. ಆದರೆ ಆಲೂಗೆಡ್ಡೆ ಹೆಚ್ಚು ಬೇಯಿಸುವುದರಿಂದ ಕ್ಯಾನ್ಸರ್‌ನಂತಹ ಗಂಭೀರ ಸಮಸ್ಯೆಗಳಿಗೆ ಕಾರಣವಾಗಬಹುದು. ಆಲೂಗಡ್ಡೆ ಕಾರ್ಬೋಹೈಡ್ರೇಟ್ಗಳಲ್ಲಿ ಸಮೃದ್ಧವಾಗಿದೆ. ಇದನ್ನು ದೀರ್ಘಕಾಲದವರೆಗೆ ಬೇಯಿಸಿದಾಗ, ಅಕ್ರಿಲಾಮೈಡ್ ಬಿಡುಗಡೆಯಾಗುತ್ತದೆ, ಇದು ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತದೆ. ಅದಕ್ಕಾಗಿಯೇ ಆಲೂಗಡ್ಡೆಯನ್ನು ಕಡಿಮೆ ಉರಿಯಲ್ಲಿ ಬೇಯಿಸುವುದು ಉತ್ತಮ. ಇದನ್ನು ಅತಿಯಾಗಿ ಬೇಯಿಸುವುದನ್ನು ತಪ್ಪಿಸಿ.

ಇದನ್ನೂ ಓದಿ: ಮೂಲಂಗಿ ದೇಹಕ್ಕೆ ಒಳ್ಳೆಯದು ನಿಜ, ಆದ್ರೆ ಈ ಪದಾರ್ಥಗಳ ಜೊತೆ ತಿಂದ್ರೆ ಆರೋಗ್ಯ ಕೆಡೋದು ಖಂಡಿತ, ತಿಳಿದಿರಲಿ

ಮೀನು

ಮೀನಿನಲ್ಲಿ ಪ್ರೋಟೀನ್ ಮತ್ತು ಒಮೆಗಾ 3 ಸಮೃದ್ಧವಾಗಿದೆ. ಇದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದಲ್ಲದೆ, ಮೀನು ತಿನ್ನುವುದರಿಂದ ದೃಷ್ಟಿ ಸುಧಾರಿಸುತ್ತದೆ. ಆದರೆ ಮೀನನ್ನು ಎಂದಿಗೂ ಅತಿಯಾಗಿ ಬೇಯಿಸಬಾರದು, ಏಕೆಂದರೆ ಅತಿಯಾಗಿ ಬೇಯಿಸುವುದು ಹಾನಿಕಾರಕವಾಗಿದೆ. ಇದರ ಆರೋಗ್ಯ ಪ್ರಯೋಜನಗಳು ಕಡಿಮೆಯಾಗದಂತೆ ಒಮ್ಮೆ ಬೇಯಿಸಿ ತಿನ್ನಬೇಕು. ಇದನ್ನು ಪದೇ ಪದೇ ಬಿಸಿ ಮಾಡಬೇಡಿ.

ಅಡುಗೆ ಎಣ್ಣೆಗಳು

ಬಹುತೇಕ ಮನೆ, ಹೋಟೆಲ್‌, ಫಾಸ್ಟ್‌ಫುಡ್ ಸೆಂಟರ್‌ಗಳಲ್ಲಿ ಬಳಸಿದ ಎಣ್ಣೆಯನ್ನೇ ಮರು ಬಳಕೆ ಮಾಡುತ್ತಾರೆ. ಆದರೆ ಕರಿದ ಎಣ್ಣೆಯನ್ನು ಮತ್ತೆ ಮತ್ತೆ ಬಳಕೆ ಮಾಡುವುದು ಆರೋಗ್ಯಕ್ಕೆ ತುಂಬಾ ಅಪಾಯಕಾರಿ. ವಾಸ್ತವವಾಗಿ, ಎಣ್ಣೆಯನ್ನು ಪದೇ ಪದೇ ಬಿಸಿ ಮಾಡುವುದರಿಂದ, ಹಾನಿಕಾರಕ ಬ್ಯಾಕ್ಟೀರಿಯಾದ ಸಂಯುಕ್ತಗಳು ರೂಪುಗೊಳ್ಳಲು ಪ್ರಾರಂಭಿಸುತ್ತವೆ, ಇದು ದೇಹಕ್ಕೆ ತುಂಬಾ ಹಾನಿಕಾರಕವಾಗಿದೆ. ಇದು ಕ್ಯಾನ್ಸರ್‌ನಂತಹ ಮಾರಣಾಂತಿಕ ಕಾಯಿಲೆಗಳ ಅಪಾಯವನ್ನೂ ಹೆಚ್ಚಿಸುತ್ತದೆ.

ಇದನ್ನೂ ಓದಿ: Health News: ಹಾಲಿನೊಂದಿಗೆ ಹಣ್ಣು ಸೇರಿದಂತೆ ಸೇವಿಸಬಾರದಂತಹ ಆಹಾರದ ಕಾಂಬಿನೇಷನ್‌ಗಳಿವು; ಈ ರೀತಿ ತಿನ್ನುವ ಅಭ್ಯಾಸವಿದ್ದರೆ ತಕ್ಷಣ ನಿಲ್ಲಿಸಿ

ಸಂಸ್ಕರಿಸಿದ ಮಾಂಸ

ಇತ್ತೀಚಿನ ದಿನಗಳಲ್ಲಿ ಮಾಂಸಾಹಾರಿಗಳಿಗೆ ಪ್ಯಾಕ್ ಮಾಡಲಾದ ಸಂಸ್ಕರಿತ ಮಾಂಸ ಮಾರುಕಟ್ಟೆಯಲ್ಲಿ ಲಭ್ಯವಿದ್ದು, ಹಲವು ರಾಸಾಯನಿಕಗಳನ್ನು ಬಳಸಿ ಅದು ಹಲವು ದಿನಗಳವರೆಗೆ ಕೆಡದಂತೆ ನೋಡಿಕೊಳ್ಳುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಅದನ್ನು ಸೇವಿಸುವಾಗ ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು. ಅದನ್ನು ಎಂದಿಗೂ ಅತಿಯಾಗಿ ಬೇಯಿಸಬೇಡಿ. ಅಡುಗೆ ಮಾಡಿದ ನಂತರ ಹಲವಾರು ಬಾರಿ ಬಿಸಿ ಮಾಡಬೇಡಿ. ಇದು ನಿಮ್ಮ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ.

ವೈಟ್‌ ಬ್ರೆಡ್

ಇತ್ತೀಚಿನ ದಿನಗಳಲ್ಲಿ ಅನೇಕ ಜನರು ವೈಟ್‌ ಬ್ರೆಡ್ ಅನ್ನು ಬೆಳಗಿನ ಉಪಾಹಾರವಾಗಿ ತೆಗೆದುಕೊಳ್ಳುತ್ತಿದ್ದಾರೆ. ವೈಟ್‌ ಬ್ರೆಡ್ ಸಾಕಷ್ಟು ಪ್ರಮಾಣದ ಕಾರ್ಬೋಹೈಡ್ರೇಟ್ ಮತ್ತು ಸಕ್ಕರೆಯನ್ನು ಹೊಂದಿರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ದೀರ್ಘಕಾಲದವರೆಗೆ ಸುಟ್ಟಾಗ, ಅಕ್ರಿಲಾಮೈಡ್ ಅಂಶವು ಅದರಲ್ಲಿ ಉತ್ಪತ್ತಿಯಾಗಲು ಪ್ರಾರಂಭಿಸುತ್ತದೆ, ಇದು ಕ್ಯಾನ್ಸರ್‌ನಂತಹ ಅಪಾಯಕಾರಿ ಕಾಯಿಲೆಗಳಿಗೆ ಕಾರಣವಾಗಬಹುದು. ಆದ್ದರಿಂದ, ಬ್ರೆಡ್ ಅನ್ನು ಅತಿಯಾಗಿ ಬೇಯಿಸದಿರುವುದು ಉತ್ತಮ. ಟೋಸ್ಟರ್‌ನಲ್ಲಿ ಹೆಚ್ಚು ಹೊತ್ತು ಗರಿಗರಿ ಮಾಡಬೇಡಿ. ಪ್ಯಾನ್‌ ಮೇಲೆ ಹೆಚ್ಚು ಹೊತ್ತು ಇಡಬೇಡಿ.

ನೋಡಿದ್ರಲ್ಲ ಈ ಆಹಾರಗಳನ್ನು ಹೆಚ್ಚು ಬೇಯಿಸುವುದರಿಂದ ಕ್ಯಾನ್ಸರ್‌ನಂತಹ ಗಂಭೀರ ಸಮಸ್ಯೆಗಳು ಎದುರಾಗಬಹುದು, ಅಷ್ಟೇ ಅಲ್ಲದೆ ಇನ್ನೂ ಕೆಲವು ಆರೋಗ್ಯ ಸಮಸ್ಯೆಗಳು ಬರಬಹುದು ಎಚ್ಚರ.

ಇದನ್ನೂ ಓದಿ: ಮನೆಗೆ ಕೋಳಿ ಮಾಂಸ ತಂದು ತೊಳೆಯುವ ಅಭ್ಯಾಸ ಇದ್ರೆ ಇಂದೇ ನಿಲ್ಲಿಸಿ, ಚಿಕನ್ ಕ್ಲೀನ್ ಮಾಡೋದೆ ಅಪಾಯ; ಯಾಕೆ ಅಂತ ನೋಡಿ