Silk Saree: ರೇಷ್ಮೆ ಸೀರೆ ಹಾಳಾಗದಂತೆ ಜೋಪಾನ ಮಾಡುವುದು ಹೇಗೆ; ಇಲ್ಲಿದೆ ಸಲಹೆ

paragraph

<p>ಸೀರೆ ಭಾರತೀಯ ನಾರಿಯರ ಮೆಚ್ಚಿನ ಉಡುಪು. ಸೀರೆಗೂ ನಾರಿಗೂ ಅವಿನಾಭಾವ ಸಂಬಂಧ. ಎಷ್ಟೇ ಭಿನ್ನ ವಿನ್ಯಾಸ, ಬಟ್ಟೆಯ ಸೀರೆಗಳು ಮಾರುಕಟ್ಟೆಯನ್ನು ಅಲಂಕರಿಸಿದರೂ ರೇಷ್ಮೆ ಸೀರೆಯ ಸ್ಥಾನವನ್ನು ತುಂಬಲು ಸಾಧ್ಯವಿಲ್ಲ. ರೇಷ್ಮೆ ಸೀರೆಯ ಅಂದ, ಗುಣವೇ ಹಾಗೆ. ಸಾಮಾನ್ಯವಾಗಿ ಮಹಿಳೆಯರ ಬಳಿ ಇರುವ ದುಬಾರಿ ಸೀರೆಗಳಲ್ಲಿ ರೇಷ್ಮೆ ಸೀರೆ ಮೊದಲ ಸ್ಥಾನದಲ್ಲಿರುತ್ತದೆ.</p>

<p>ರೇಷ್ಮೆಯ ಸೀರೆಯ ಮೇಲಿ ಒಲವು ಹೇಗೆ ಎಂದರೆ ಅಜ್ಜಿ, ಅಮ್ಮ ತಮ್ಮ ಮದುವೆಯಂದು ಧರಿಸಿದ ರೇಷ್ಮೆ ಸೀರೆಯನ್ನು ಮಕ್ಕಳು ಉಡುವುದನ್ನು ನೋಡಿದ್ದೇವೆ. ಹಿಂದೊಮ್ಮೆ ಸಾಮಾಜಿಕ ಜಾಲತಾಣದಲ್ಲಿ ಇದು ಟ್ರೆಂಡ್‌ ಆಗಿತ್ತು. ಅದೆಲ್ಲಾ ಸರಿ ಈ ರೇಷ್ಮೆ ಸೀರೆಯನ್ನು ಜತನ ಮಾಡುವುದು ಹೇಗೆ, ಎಷ್ಟುಗಳು ಕಳೆದರೂ ಅದನ್ನು ಹೊಸತರಂತೆ ಇರಿಸುವುದು ಹೇಗೆ, ಇದೆಲ್ಲಾ ಪ್ರಶ್ನೆಗಳು ಕಾಡುವುದು ಸಹಜ. ವರ್ಷಗಳು ಕಳೆದಂತೆ ಬಣ್ಣ ಮಾಸುತ್ತದೆ, ಹೊಳಪು ಕಡಿಮೆಯಾಗುತ್ತದೆ. ಆ ಕಾರಣಕ್ಕೆ ಇವುಗಳನ್ನು ಜೋಪಾನ ಮಾಡುವುದು ಅವಶ್ಯ.</p>

<h2>ರೇಷ್ಮೆ ಸೀರೆಗಳನ್ನು ಜೋಪಾನ ಮಾಡಲು ಇಲ್ಲಿವೆ ಸರಳ ಟಿಪ್ಸ್‌</h2><p>* ರೇಷ್ಮೆ ಸೀರೆ ಅಥವಾ ರೇಷ್ಮೆ ಬಟ್ಟೆಗಳಿಗೆ ಧೂಳು ತಾಕದಂತೆ ನೋಡಿಕೊಳ್ಳುವುದು ಅವಶ್ಯ. ಆ ಕಾರಣಕ್ಕೆ ಅವುಗಳನ್ನು ಸ್ವಚ್ಛ ಹಾಗೂ ಒಣ ಮಸ್ಲಿನ್‌ ಬಟ್ಟೆ ಅಥವಾ ಹತ್ತಿ ಚೀಲದಲ್ಲಿ ಇರಿಸಬೇಕು. ಮಸ್ಲಿನ್‌ ಬಟ್ಟೆ ಅಥವಾ ಹತ್ತಿಚೀಲವನ್ನು ಡಿಸ್ಟಾರ್ಚ್‌ ಅಥವಾ ಅನ್‌ಬ್ಲೀಚ್‌ ಮಾಡಬೇಕು. ಈಗ ಇಂತಹ ಸೀರೆ ಚೀಲಗಳು ಮಾರುಕಟ್ಟೆಯಲ್ಲಿ ಸುಲಭವಾಗಿ ಸಿಗುತ್ತವೆ. ಬಿಳಿ ಬಣ್ಣದ ಹತ್ತಿ ಚೀಲವನ್ನು ಖರೀದಿಸಬೇಕು, ಬಳಸುವ ಮೊದಲು ಅವುಗಳನ್ನು ಚೆನ್ನಾಗಿ ತೊಳೆಯಬೇಕು.</p>

<p>* ಜಾಗವಿದ್ದರೆ ಸೀರೆಗಳನ್ನು ಸುತ್ತಿ ಇಡುವುದು ಉತ್ತಮ. ಮಡಿಸುವುದು ಅವಶ್ಯ ಎನ್ನಿಸಿದರೆ ಮಡಿಸಿದ ಮೇಲೆ ತುದಿಗಳನ್ನು ಟಿಶ್ಯೂ ಪೇಪರ್‌ನಿಂದ ಅಂಟಿಸಿ. ಒಂದರ ಮೇಲೆ ಒಂದರಂತೆ ಸೀರೆ ಇರಿಸುವಾಗ ನಡುವೆ ಟಿಶ್ಯೂ ಪೇಪರ್‌ ಇರಿಸುವುದನ್ನು ಮರೆಯದಿರಿ.</p>

<p>* ಹಳೆಯ ರೇಷ್ಮೆ ಸೀರೆಯಾದರೆ ಅದನ್ನು ಜೋಪಾನ ಮಾಡುವುದು ಸ್ವಲ್ಪ ಕಷ್ಟ. ಆ ಕಾರಣಕ್ಕೆ ಅದು ಹಾಳಾಗದಂತೆ ನೋಡಿಕೊಳ್ಳಲು ಇದ್ದಿಲು ಬಟ್ಟೆಯಲ್ಲಿ ಸುತ್ತಿ ಇಡುವುದು ಉತ್ತಮ. ಸೀರೆಯನ್ನು ವಿವಿಧ ಕ್ಷೀಣಿಸುವ ಅಂಶಗಳಿಂದ ಸುರಕ್ಷಿತವಾಗಿರಿಸುತ್ತದೆ.</p>

<p>* ರೇಷ್ಮೆ ಸೀರೆಯನ್ನು ಇಡುವ ಜಾಗದ ಬಗ್ಗೆಯೂ ಗಮನ ಕೊಡುವುದು ಮುಖ್ಯವಾಗುತ್ತದೆ. ಬೆಲೆಬಾಳುವ ಬಟ್ಟೆಗಳನ್ನು ಸ್ವಚ್ಛ ಮತ್ತು ಶುಷ್ಕ ಜಾಗದಲ್ಲಿ ಇರಿಸಬೇಕು. ಅಗತ್ಯವಿದ್ದರೆ, ತೇವಾಂಶ ಹೀರಿಕೊಳ್ಳುವಂತೆ ಮಾಡಲು ಹಾಗೂ ಸೀರೆ ಇಡುವ ಜಾಗವನ್ನು ಒಣಗಿಸಲು ಆ ಜಾಗದಲ್ಲಿ ಸಿಲಿಕಾ ಜೆಲ್‌ ಪ್ಯಾಕೆಟ್‌ಗಳನ್ನು ಇರಿಸಬಹುದು. ಆದರೆ ನೇರವಾಗಿ ಬಟ್ಟೆಗೆ ತಾಕದಂತೆ ನೋಡಿಕೊಳ್ಳಬೇಕು.</p>

Silk Saree How To Keep Silk Saree In Safe Way Women Saree Love Khadi Silk Banasari Silk Sabyasachi Kannada News rst

<p>* ಚಳಿಗಾಲದಲ್ಲಿ ರೇಷ್ಮೆ ಸೀರೆಯನ್ನು ಪ್ಯಾಕ್‌ ಮಾಡುವ ಮೊದಲು ಅವುಗಳಲ್ಲಿ ಯಾವುದೇ ಕಲೆಗಳಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಆಹಾರ ಕಲೆಗಳು, ಜಿಡ್ಡಿನಂಶ ಮುಂತಾದವು ಇದ್ದರೆ ಡ್ರೈಕ್ಲೀನಿಂಗ್‌ ಕೊಟ್ಟು ಸ್ವಚ್ಛಗೊಳಿಸಿ. ಅವುಗಳನ್ನು ಮಡಿಸಿ ಬ್ಯಾಗ್‌ ಅಥವಾ ಕಪ್‌ಬೋರ್ಡ್‌ನಲ್ಲಿ ಇಡುವ ಮೊದಲು ಕೆಲವು ಗಂಟೆಗಳ ಕಾಲ ಬಿಸಿಲಿನಲ್ಲಿ ಇರಿಸಿ.</p>

<p>* ರೇಷ್ಮೆ ಸೀರೆಯ ಜೊತೆ ಯಾವುದೇ ಉಣ್ಣೆಯ ಬಟ್ಟೆ, ಪ್ಲಾಸ್ಟಿಕ್‌ ವಸ್ತುಗಳು, ರಬ್ಬರ್‌ ಬ್ಯಾಂಡ್‌ ಹಾಗೂ ಲೋಹದ ವಸ್ತುಗಳನ್ನು ಇರಿಸುವುದನ್ನು ತಪ್ಪಿಸಿ. ಇದರಿಂದ ರೇಷ್ಮೆ ಸೀರೆಯ ಝರಿಗಳು ಬೇಗನೆ ಸವೆಯಬಹುದು ಅಥವಾ ಕಪ್ಪಾಗಬಹುದು.</p>

<p>* ರೇಷ್ಮೆ ಸೀರೆ ಅಥವಾ ಬಟ್ಟೆಗೆ ಯಾವುದೇ ರೀತಿಯ ಸುಗಂಧ ದ್ರವ್ಯ ಅಥವಾ ಡಿಯೋಡ್ರೆಂಟ್‌ಗಳನ್ನು ತಾಕಿಸಬೇಡಿ. ಇದು ಕೂಡ ಝರಿಯ ಹೊಳಪು ಹಾಗೂ ಬಣ್ಣ ಮಾಸಲು ಕಾರಣವಾಗಬಹುದು.</p>

<p>ಪ್ರತಿ ಬಾರಿ ಸೀರೆ ಅಥವಾ ರೇಷ್ಮೆ ಬಟ್ಟೆಗಳನ್ನು ತೊಟ್ಟ ನಂತರ ಬಿಸಿಲಿಗೆ ಹಾಕಲು ಮರೆಯದಿರಿ. ನೀರಿನಿಂದ ತೊಳೆಯುವುದನ್ನು ತಪ್ಪಿಸುವುದು ಉತ್ತಮ. ಒಂದು ವೇಳೆ ಕಲೆಯಾಗಿದ್ದರೆ ಕಲೆಯಾದ ಭಾಗವನ್ನು ಮಾತ್ರ ನೀರಿನಿಂದ ತೊಳೆಯಿರಿ. ಆದರೆ ಗಟ್ಟಿಯಾಗಿ ಉಜ್ಜುವುದು, ಬ್ರಷ್‌ ಬಳಸುವುದು ಮಾಡದಿರಿ. ಸದಾ ಬಿಸಿಲಿನಲ್ಲಿ ಒಣಗಿಸುವುದು ಮುಖ್ಯ, ಇದರೊಂದಿಗೆ ರೇಷ್ಮೆ ಸೀರೆಯನ್ನು ವರ್ಷದಲ್ಲಿ ಎರಡು ಬಾರಿ ಬಿಸಿಲಿಗೆ ಹಾಕುವುದು ಬಹಳ ಮುಖ್ಯ.</p>

Summer Drinks: ಮಜ್ಜಿಗೆ, ಲಸ್ಸಿ; ಬೇಸಿಗೆಯ ದಾಹ ನೀಗಿಸುವ ಪಾನೀಯಗಳಲ್ಲಿ ಯಾವುದು ಉತ್ತಮ; ಇಲ್ಲಿದೆ ತಜ್ಞರ ಅಭಿಪ್ರಾಯ

<ul><li>ಬಿರು ಬೇಸಿಗೆಯಲ್ಲಿ ದೇಹ ತಣಿಸುವ ಪಾನೀಯಗಳನ್ನು ಕುಡಿಯುವುದರಿಂದ ಮನಸ್ಸಿಗೆ ಹಾಯ್‌ ಎನ್ನಿಸುವುದು ಸಹಜ. ಬಿಸಿಲಿನ ತಾಪ ನೀಗಿಸಲು ಲಸ್ಸಿ ಹಾಗೂ ಮಜ್ಜಿಗೆ ಕುಡಿಯುತ್ತೇವೆ. ಆದರೆ ಈ ಎರಡರಲ್ಲಿ ಯಾವುದು ಉತ್ತಮ ಎನ್ನುವ ಅನುಮಾನವಿದೆಯೇ? ಇದಕ್ಕೆ ಇಲ್ಲಿದೆ ತಜ್ಞರ ಅಭಿಪ್ರಾಯ.&nbsp;</li></ul>

Stronger Bones: ಮೂಳೆಗಳ ಸಾಂದ್ರತೆ ವೃದ್ಧಿಗೆ ಹೀಗಿರಲಿ ನಿಮ್ಮ ಬೆಳಗಿನ ದಿನಚರಿ

<ul><li>Morning Routine Increase Bone Density: ಮೂಳೆಗಳ ಆರೋಗ್ಯ ವೃದ್ಧಿಗೆ ನಮ್ಮ ಬೆಳಗಿನ ದಿನಚರಿಯಲ್ಲಿ ಕೆಲವೊಂದು ಅಭ್ಯಾಸಗಳನ್ನು ರೂಡಿಸಿಕೊಳ್ಳಬೇಕು. ಹದಿ ವಯಸ್ಸಿನಿಂದಲೇ ಈ ದಿನಚರಿಯನ್ನು ಪಾಲಿಸುವುದರಿಂದ ಮೂಳೆಗಳ ಆರೋಗ್ಯ ವೃದ್ಧಿಯಾಗುತ್ತದೆ. &nbsp;</li></ul>

Digital Detox: ಸ್ಕ್ರೀನ್‌ಟೈಮ್‌ಗಿರಲಿ ಬ್ರೇಕ್‌; ಜೀವನದ ಖುಷಿಗೂ ಆರೋಗ್ಯಕ್ಕೂ ಡಿಜಿಟಲ್‌ ಡಿಟಾಕ್ಸ್‌ ಅವಶ್ಯ

<ul><li>Physical and Mental Well Being: ಡಿಜಿಟಲ್‌ ಡಿಟಾಕ್ಸ್‌ ಬಹುಶಃ ಈ ಪದ ಹಲವರಿಗೆ ತಿಳಿದಿರಕ್ಕಿಲ್ಲ. ಇಂದಿನ ಒತ್ತಡದ ಡಿಜಿಟಲ್‌ ಜಗತ್ತಿನಿಂದ ಹೊರ ಬಂದು ಬದುಕಿನ ನೈಜ ಖುಷಿಯನ್ನು ಹುಡುಕುವುದೇ ಡಿಜಿಟಲ್‌ ಡಿಟಾಕ್ಸ್‌. ಇದು ಪ್ರತಿಯೊಬ್ಬರಿಗೂ ಅವಶ್ಯ, ಅಲ್ಲದೆ ಮಾನಸಿಕ ಹಾಗೂ ದೈಹಿಕ ಆರೋಗ್ಯ ವೃದ್ಧಿಯೂ ಇದರಿಂದ ಸಾಧ್ಯ.&nbsp;</li></ul>

ಮನದ ಮಾತು: ಮಗ ಹೆಚ್ಚು ಮಾರ್ಕು ತೆಗೆಯಲು ನಾನೇನು ಮಾಡಬಹುದು? ಅತ್ತೆಯನ್ನು ಬದಲಿಸೋಕೆ ಆಗುತ್ತಾ? ಕಾಡುವ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ

Mental Health

<ul><li>Counselling: ಬದುಕಿನ ಪ್ರತಿ ಹಂತದಲ್ಲಿಯೂ ಒಂದಲ್ಲ ಒಂದು ಪ್ರಶ್ನೆ ಮನಸ್ಸನ್ನು ಕಾಡುತ್ತಲೇ ಇರುತ್ತದೆ. ಕೆಲವರು ಹೇಳಿಕೊಂಡು ಹಗುರಾಗುತ್ತಾರೆ, ಕೆಲವರು ಮನಸ್ಸಿನಲ್ಲಿ ಇಟ್ಟುಕೊಂಡು ಸಪ್ಪಗಾಗುತ್ತಾರೆ. ಮನದ ಮಾತು ಹಂಚಿಕೊಳ್ಳಲು, ತಜ್ಞರ ಉತ್ತರ ತಿಳಿಯಲು ಇದು ವೇದಿಕೆ. ಈ ಸಂಚಿಕೆಯಲ್ಲಿ ಮೂರು ಪ್ರಶ್ನೆಗಳಿಗೆ ಆಪ್ತಸಮಾಲೋಚಕಿ ಭವ್ಯಾ ವಿಶ್ವನಾಥ್ ಉತ್ತರಿಸಿದ್ದಾರೆ.</li></ul>

<ul><li>Silk Clothes: ರೇಷ್ಮೆ ಸೀರೆ ಅಥವಾ ಬಟ್ಟೆಗಳು ದುಬಾರಿ ಹಾಗೂ ಸಾವಯವ ಉತ್ಪನ್ನಗಳನ್ನು ಬಳಸಿ ತಯಾರಿಸುವ ಕಾರಣ ಅವುಗಳನ್ನು ಜೋಪಾನವಾಗಿ ಜತನ ಮಾಡಬೇಕು. ಕೆಲವು ಸರಳ ಉಪಾಯಗಳನ್ನು ಅನುಸರಿಸುವ ಅವುಗಳ ಬಣ್ಣ ಮಾಸದಂತೆ, ಸದಾ ಹೊಸತರಂತೆ ಇರಿಸಬಹುದು. ಹಾಗಾದರೆ ರೇಷ್ಮೆ ಬಟ್ಟೆಗಳನ್ನು ಹಾಳಾಗದಂತೆ ಜೋಪಾನ ಮಾಡುವುದು ಹೇಗೆ, ಇಲ್ಲಿದೆ ಸಲಹೆ.&nbsp;</li></ul>

Monsson Forecast: ಮುಂಗಾರು ಮಳೆಯಲ್ಲಿ ವ್ಯತ್ಯಯವಿಲ್ಲ; ಭಾರತಕ್ಕೆ ಮಳೆರಾಯನ ಕೃಪೆ, ರೈತರಿಗೆ ಖುಷಿಕೊಟ್ಟ ಹವಾಮಾನ ಇಲಾಖೆ ಭವಿಷ್ಯ

<p>ಕಳೆದ ಕೆಲ ವರ್ಷಗಳಿಗೆ ಹೋಲಿಸಿದರೆ ಈ ವರ್ಷ ಬಿಸಿಲಿನ ತಾಪ ಜೋರಾಗಿಯೇ ಇದೆ. ಸುಡು, ಸುಡು ಬಿಸಿಲಿಗೆ ನಾವು ಈ ವರ್ಷ ಸಾಕ್ಷಿಯಾಗಿದ್ದೇವೆ. ಇದರೊಂದಿಗೆ ಎಲ್‌ ನಿನೋ ಕಾರಣದಿಂದಲೂ ಅಪಾಯವನ್ನು ಎದುರಿಸುತ್ತಿರುವ ಕೃಷಿ ಆರ್ಥಿಕತೆಗೆ ಶುಭಸುದ್ದಿಯೊಂದಿದೆ.</p>

<p>ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/lifestyle/rain-proverbs-in-kannada-rainy-season-in-karnataka-rain-in-kannada-traditions-celebration-of-rain-news-in-kannada-mnk-181685003322471.html" rel="dofollow">Rain Proverbs: ಕನ್ನಡ ಮಳೆ ಗಾದೆಗಳು: ಸಂಜೆ ಬಂದ ಮಳೆ, ಸಂಜೆ ಬಂದ ನೆಂಟ ಇಬ್ಬರೂ ಹೋಗಲ್ಲ; 78ಕ್ಕೂ ಹೆಚ್ಚು ಅಪರೂಪದ ಮಳೆಗಾದೆಗಳು ಇಲ್ಲಿವೆ</a></p>

<p>ಈ ವರ್ಷ ಮುಂಗಾರು ಮಳೆ ಸಾಮಾನ್ಯವಾಗಿರಲಿದ್ದು, ಜೂನ್‌ ಹಾಗೂ ಸೆಪ್ಟೆಂಬರ್‌ ನಡುವೆ ಶೇ 96 ರಷ್ಟು ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.</p>

<p>ಭಾರತೀಯ ಹವಾಮಾನ ಇಲಾಖೆಯು 2023ರ 2ನೇ ಹಂತದ ನೈಋತ್ಯ ಮಾನ್ಸೂನ್‌ ಸ್ಥಿತಿಯನ್ನು ಪ್ರಕಟಿಸಿದ್ದು, ಜೂನ್‌ ಹಾಗೂ ಸೆಪ್ಟೆಂಬರ್‌ ಅವಧಿಯಲ್ಲಿ ದೀರ್ಘಾವಧಿಯ ಸರಾಸರಿ ಶೇ 96 ರಷ್ಟು ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.</p>

<p>ಏಪ್ರಿಲ್‌ ತಿಂಗಳಿನಲ್ಲಿ ಹವಾಮಾನ ಇಲಾಖೆಯು ಈ ವರ್ಷದ ಮುಂಗಾಳೆ ಮಳೆಯ ದೀರ್ಘಾವಧಿ ಸರಾಸರಿ ಶೇ 96 ಎಂದು ಊಹಿಸಿತ್ತು. ಆದರೆ, ದೀರ್ಘಕಾಲ ಸರಾಸರಿಯಲ್ಲಿ ಶೇಕಡ 5ರಷ್ಟು ಹೆಚ್ಚು ಕಡಿಮೆಯಾಗಬಹುದು ಎಂದು ಅಂದಾಜಿಸಿತ್ತು.</p>

<p>ಜೂನ್‌ನಿಂದ ಪ್ರಾರಂಭವಾಗುವ ನಾಲ್ಕು ತಿಂಗಳ ಮಳೆಗಾಲದ ಅವಧಿಯಲ್ಲಿ ಕಳೆದ 50 ವರ್ಷಗಳ ಸರಾಸರಿಯಲ್ಲಿ ಶೇ 96 ರಿಂದ ಶೇ 104ರಷ್ಟು ಮಳೆಯಾಗಿತ್ತು.</p>

<p>ಆದರೆ ದೇಶದ ವಾಯುವ್ಯ ಭಾಗದಲ್ಲಿ ಈ ವರ್ಷ ಸಾಮಾನ್ಯಕ್ಕಿಂತ ಕಡಿಮೆ ಪ್ರಮಾಣದಲ್ಲಿ ಮಳೆಯಾಗಲಿದೆ ಎಂದು ಐಎಂಡಿ ತಿಳಿಸಿದೆ. ಭಾರತದ ಈಶಾನ್ಯ ಭಾಗ, ಮಧ್ಯಭಾರತ ಹಾಗೂ ದಕ್ಷಿಣ ಭಾರತದ ಭಾಗಗಳಲ್ಲಿ ಹೆಚ್ಚು ಮಳೆಯಾಗಲಿದೆ ಎಂದು ಐಎಂಡಿ ಅಂದಾಜಿಸಿದೆ.</p>

<p>ಮುಂಗಾರಿನ ಋತುವಿನಲ್ಲಿ ಎಲ್‌ ನಿನೋ ಪರಿಸ್ಥಿತಿಗಳ ಬೆಳವಣಿಗೆಯ ಸಾಧ್ಯತೆಯೂ ಹೆಚ್ಚಿದೆ. ಆದರೆ, ಎಲ್ ನಿನೊ ಮತ್ತು ಮಾನ್ಸೂನ್ ನಡುವೆ ಯಾವುದೇ ಸಂಬಂಧವಿಲ್ಲ ಎಂದು ಹವಾಮಾನ ಇಲಾಖೆ ಹೇಳಿದೆ.</p>

<p>ʼಮಳೆ ಹಂಚಿಕೆ ಸಮಾನವಾಗಿದ್ದರೆ ಉತ್ತಮ. ಆದರೆ ಮಾನ್ಸೂನ್‌ ಮಳೆಯನ್ನು ಹಾಗೆ ಅಂದಾಜಿಸಲು ಆಗುವುದಿಲ್ಲ. ನಾವು ಸಮಾನ ಹಂಚಿಕೆಯನ್ನು ಪಡೆದರೆ ಈ ವರ್ಷ ಭಾರತದಲ್ಲಿ ಕೃಷಿಯ ಮೇಲೆ ಹೆಚ್ಚು ಪರಿಣಾಮ ಬೀರುವುದಿಲ್ಲʼ ಎಂದು ಐಎಂಡಿ ವಿಜ್ಞಾನಿ ಡಿಎಸ್‌ ಪೈ ಹೇಳಿದ್ದಾರೆ.</p>

<p>ಈ ವರ್ಷ ಮುಂಗಾರು ಮಳೆಯು ಮೊದಲೇ ನಿರೀಕ್ಷಿಸಿದಂತೆ ಜೂನ್‌ 4 ರಂದು ಕೇರಳದ ಪ್ರವೇಶಿಸಲಿದೆ ಎಂದು ನಿರೀಕ್ಷಿಸಲಾಗಿದೆ.</p>

Education Guide: ಕರ್ನಾಟಕದಲ್ಲಿರುವ ಪ್ರಮುಖ ಸರಕಾರಿ ಎಂಜಿನಿಯರಿಂಗ್‌ ಕಾಲೇಜುಗಳು ಯಾವುವು? ಇಲ್ಲಿದೆ ಪಟ್ಟಿ

<ul><li>Top government engineering colleges: ಸಿಇಟಿ ಪರೀಕ್ಷೆಗಳೆಲ್ಲ ಮುಗಿದ ಬಳಿಕ ದೇಶಾದ್ಯಂತ ವಿದ್ಯಾರ್ಥಿಗಳು ಅತ್ಯುತ್ತಮ ಎಂಜಿನಿಯರಿಂಗ್‌ ಕಾಲೇಜುಗಳಿಗಾಗಿ ಹುಡುಕಾಡುತ್ತಿದ್ದಾರೆ. ಕರ್ನಾಟಕದಲ್ಲಿಯೂ ಯಾವ ಎಂಜಿನಿಯರಿಂಗ್‌ ಕಾಲೇಜಿನಲ್ಲಿ ಓದಬಹುದು? ಯಾವ ಸರಕಾರಿ ಎಂಜಿನಿಯರಿಂಗ್‌ ಕಾಲೇಜುಗಳಿವೆ ಎಂದು ಹುಡುಕುವವರಿಗೆ ಇಲ್ಲಿ ಕಾಲೇಜುಗಳ ಪಟ್ಟಿ ನೀಡಲಾಗಿದೆ.&nbsp;</li></ul>

CM Siddaramaiah: ಕಾಂಗ್ರೆಸ್ ಗ್ಯಾರಂಟಿಗಳನ್ನ ಜನರ ಮನೆ ಬಾಗಿಲಿಗೆ ತಲುಪಿಸಬೇಕು; ನೂತನ ಸಚಿವರಿಗೆ ಟಾರ್ಗೆಟ್ ಫಿಕ್ಸ್ ಮಾಡಿದ ಸಿಎಂ

<p>ಪದಗ್ರಹಣ ಆದ ಮರು ದಿನವೇ ನೂತನ ಸಚಿವರಿಗೆ ಸಿಎಂ ಸಿದ್ದರಾಮಯ್ಯ ಹೊಸ ಜವಾಬ್ದಾರಿಯನ್ನು ನೀಡಿದ್ದಾರೆ. ಕೊಟ್ಟ ಗ್ಯಾರಂಟಿಗಳನ್ನು ಜನರ ಮನೆ ಬಾಗಿಲಿಗೆ ತಲುಪಿಸುವುದು, ಅಧಿಕಾರಿಗಳ ಭ್ರಷ್ಟಾಚಾರಕ್ಕೆ ಬ್ರೇಕ್ ಹಾಕಬೇಕೆಂಬುದು ಸೇರಿದಂತೆ ಕೆಲ ಟಾರ್ಗೆಟ್‌ಗಳನ್ನು ನೀಡಿದ್ದಾರೆ.</p>

2000 Rupees Note: 2000 ರೂಪಾಯಿ ನೋಟು ಸ್ವೀಕರಿಸಬಾರದೆಂಬ ಹೊಸಕೋಟೆ ಬಿಎಂಟಿಸಿ ಘಟಕ ಹೊರಡಿಸಿದ್ದ ಆದೇಶ ವಾಪಸ್

<p>2 ಸಾವಿರ ಮುಖ ಬೆಲೆಯ ನೋಟುಗಳನ್ನು ಸ್ವೀಕರಿಸದಂತೆ ನಿರ್ವಾಹಕರಿಗೆ ಸೂಚಿಸಿದ್ದ ಹೊಸಕೋಟೆ ಬಿಎಂಟಿಸಿ ಘಟಕ ತನ್ನ &nbsp;ಆದೇಶವನ್ನು ವಾಪಸ್ ಪಡೆದಿದೆ.</p>

Cancer Survivors Day: ಜೂನ್ 4 ರಂದು ಕ್ಯಾನ್ಸರ್ ಗೆದ್ದವರ ದಿನ; ರೋಗಿಗಳಿಗಾಗಿ ಕೂದಲು ದಾನ ಮಾಡಿದ ಬಾಲಕಿ, ರೋಗ ಗೆದ್ದವರ ಭೇಟಿ

<p>ಪ್ರತಿ ವರ್ಷ ಜೂನ್ ತಿಂಗಳ ಮೊದಲ ಭಾನುವಾರ ರಾಷ್ಟ್ರೀಯ ಕ್ಯಾನ್ಸರ್ ಗೆದ್ದವರ ದಿನವನ್ನು ಆಚರಿಸಲಾಗುತ್ತದೆ. ಬೆಂಗಳೂರಿನಲ್ಲಿ ಪುಟ್ಟ ಬಾಲಕಿಯೊಬ್ಬಳು ಕ್ಯಾನ್ಸರ್ ರೋಗಿಗಳಿಗಾಗಿ ತನ್ನ ಕೂದಲು ದಾನ ಮಾಡಿ ಖುಷಿ ಪಟ್ಟಿದ್ದಾಳೆ.</p>

<ul><li>ಈ ಬಾರಿ ಮುಂಗಾರು ಮಳೆ ಸಾಮಾನ್ಯವಾಗಿರಲಿದ್ದು, ಜೂನ್‌ ಹಾಗೂ ಸೆಪ್ಟೆಂಬರ್‌ ನಡುವೆ ಶೇ 96 ರಷ್ಟು ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಇದರಿಂದ ಕೃಷಿಕರು ನೆಮ್ಮದಿಯಿಂದ ನಿಟ್ಟುಸಿರು ಬಿಡುವಂತಾಗಿದೆ.&nbsp;</li></ul>

Viral Brain Teaser: ಮದುವೆ ಆಮಂತ್ರಣ ಪತ್ರಿಕೆ ಕಳೆದು ಹೋಗಿದೆ, ಹುಡುಕಿ ಕೊಡ್ತೀರಾ? ಇಲ್ಲಿದೆ ಮೆದುಳಿಗೆ ಕೆಲಸ ಕೊಡುವ ಸವಾಲಿನ ಚಿತ್ರ

<p>ಬ್ರೈನ್‌ ಟೀಸರ್‌ಗಳು ಮೆದುಳನ್ನು ಚುರುಕುಗೊಳಿಸುವ ಜೊತೆಗೆ ಮನರಂಜನೆಯನ್ನೂ ನೀಡುತ್ತವೆ. ಫಜಲ್‌, ಒಗಟುಗಳಂತೆ ಇವು ನಮ್ಮ ದೃಷ್ಟಿ ಹಾಗೂ ಮೆದುಳನ್ನು ಹಿಡಿದಿಟ್ಟುಕೊಳ್ಳುತ್ತವೆ. ಇವು ನಮ್ಮನ್ನು ಊಹೆಯನ್ನು ಮೀರಿ ಯೋಚಿಸುವಂತೆ, ಸಮಸ್ಯೆಗಳ ಪರಿಹಾರಕ್ಕೆ ಹೊಸ ದೃಷ್ಟಿಕೋನ ಅಳವಡಿಸಿಕೊಳ್ಳುವಂತೆ, ನಮ್ಮ ಯೋಚನೆಯನ್ನೂ ಮೀರುವಂತೆ ಮಾಡುತ್ತವೆ.</p>

<p>ನಿಮ್ಮ ಮೆದುಳಿಗೆ ಜಡ ಹಿಡಿದಂತಿದ್ದರೆ, ಮೆದುಳಿಗೆ ಕೆಲಸ ಕೊಡಲು ನೀವು ಬಯಸಿದರೆ ಈ ಬ್ರೈನ್‌ ಟೀಸರ್‌ ನೋಡಿ ಕಳೆದ ಹೋದ ಮದುವೆ ಆಮಂತ್ರಣ ಪತ್ರಿಕೆ ಹುಡುಕಿ.</p>

<p>ಮನಸ್ಸಿಗೆ ಮುದ ನೀಡುವ ಈ ಬ್ರೈನ್‌ ಟೀಸರ್‌ ಮಹಿಳಾ ಫ್ಯಾಷನ್‌ ಚಿಲ್ಲರೆ ವ್ಯಾಪಾರಿ ಸಂಸ್ಥೆ ಕ್ವಿಜ್‌ ಹಂಚಿಕೊಂಡಿದೆ. ವಧುವಿನ ಪರಿಕರಗಳು, ಮೇಕಪ್‌ ಐಟಂಗಳು, ಸೊಗಸಾದ ಮದುವೆಯ ಡ್ರೆಸ್‌ಗಳಿಂದ ತುಂಬಿದ ಆಕರ್ಷಕ ಚಿತ್ರದಲ್ಲಿ ಮದುವೆಯ ಆಮಂತ್ರಣ ಪತ್ರಿಕೆಯನ್ನು ಮರೆ ಮಾಡಲಾಗಿದೆ.</p>

<h2>ಸವಾಲು?</h2><p>ಈ ಮದುವೆ ಚಿತ್ರಣ ಇಮೇಜ್‌ನ ಸವಾಲು ಏನೆಂದರೆ ಒಂದು ನಿಮಿಷದಲ್ಲಿ ನೇರವಾಗಿ ಚಿತ್ರದ ಮೇಲೆ ದೃಷ್ಟಿ ನೆಡುವ ಮೂಲಕ ಮರೆ ಮಾಡಲಾಗಿರುವ ಕಾರ್ಡ್‌ ಅನ್ನು ಗುರುತಿಸಬೇಕು. ಈ ಸವಾಲಿಗೆ ನೀವು ಸಿದ್ಧರಿದ್ದೀರಾ?</p>

<h2>ಈ ಪೋಸ್ಟ್‌ ಅನ್ನು ಸರಿಯಾಗಿ ಗಮನಿಸಿ </h2></p>

Viral Brain Teaser Can You Find a Lost Wedding Card In a Image Social Media Viral Post Trending Kannada News rst 

<p>ನೋಡಿದ್ರಾ, ಮದುವೆ ಆಮಂತ್ರಣ ಪತ್ರಿಕೆ ಸಿಕ್ತಾ? ನಿಮಗೆ ಆಮಂತ್ರಣ ಪತ್ರಿಕೆ ಸಿಕ್ಕಿದ್ರೆ ಅಭಿನಂದನೆ. ಸಿಕ್ಕಿಲ್ಲ ಅಂತ ತಲೆ ಕೆಡಿಸಿಕೊಂಡು ಹುಡುಕ್ತಾ ಇದ್ದೀರಾ...ನೋಡಿ ನೋಡಿ ಸರಿಯಾಗಿ ನೋಡಿ. ಖಂಡಿತ ಸ್ವಲ್ಪ ಹೊತ್ತಿನಲ್ಲೇ ನಿಮಗೆ ಮದುವೆ ಆಮಂತ್ರಣ ಪತ್ರಿಕೆ ಸಿಗಬಹುದು. ಆದರೆ ಇಲ್ಲ ನಾನು ಸೋತೆ, ನನ್ನಿಂದ ಕಂಡು ಹಿಡಿಯಲು ಸಾಧ್ಯವಿಲ್ಲ ಎನ್ನುವವರಿಗೆ ಇಲ್ಲಿದೆ ಉತ್ತರ. ಈ ಕೆಳಗಿನ ಚಿತ್ರ ನೋಡಿ.</p>

<p>ಅಂತೂ ಬುದ್ದಿಯೆಲ್ಲಾ ಖರ್ಚು ಮಾಡಿದ್ರಿ. ಮದುವೆ ಆಮಂತ್ರಣ ಪತ್ರಿಕೆ ಸಿಕ್ಕಿತ್ತು. ಇಂತಹ ಬುದ್ಧಿಮತ್ತೆಗೆ ಕೆಲಸ ಕೊಡುವ ಸಾಕಷ್ಟು ಬ್ರೈನ್‌ ಟೀಸರ್‌ಗಳು ಸಾಮಾಜಿಕ ಜಾಣದಲ್ಲಿ ಸಾಕಷ್ಟು ಕಾಣಿಸುತ್ತವೆ. ಇವು ಮೆದುಳು ಚುರುಕುಗೊಳಿಸಿ, ಮನಸ್ಸಿಗೂ ಖುಷಿ ನೀಡುತ್ತವೆ.</p>

<h2>ಇದನ್ನೂ ನೋಡಿ </h2><h2>Viral Puzzle: ಹತ್ತು ಸೆಕೆಂಡ್‌ನಲ್ಲಿ ಈ ಪಜಲ್‌ ಬಿಡಿಸಲು ನಿಮ್ಮಿಂದ ಸಾಧ್ಯವೇ? ಇಲ್ಲಿದೆ ನಿಮ್ಮ ಮೆದುಳಿಗೆ ಸವಾಲು ಹಾಕುವ ಪೋಸ್ಟ್‌</h2><p>ಪಜಲ್‌ ಬಿಡಿಸುವುದು ಸವಾಲು ಎನ್ನಿಸಿದರೂ ಹಲವರಿಗೆ ಇದು ಖುಷಿ ಕೊಡುವ ಕೆಲಸ. ಮೆದುಳಿಗೆ ಸವಾಲು ಹಾಕುವ ಇದನ್ನು ಬಿಡಿಸದೇ ಮನಸ್ಸಿಗೆ ಸಮಾಧಾನ ಸಿಗುವುದಿಲ್ಲ. ಇತ್ತೀಚೆಗೆ ಫೇಸ್‌ಬುಕ್‌ನಲ್ಲಿ ಪಜಲ್‌ನ ಪೋಸ್ಟ್‌ವೊಂದು ಸಾಕಷ್ಟು ವೈರಲ್‌ ಆಗುತ್ತಿದೆ. ಈ ಪೋಸ್ಟ್‌ ಅನ್ನು ನೀವು ಸರಿಯಾಗಿ ಗಮನಿಸಿ, ಹತ್ತು ಸೆಕೆಂಡ್‌ನಲ್ಲಿ ಪಜಲ್‌ ಬಿಡಿಸಲು ನಿಮ್ಮಿಂದ ಸಾಧ್ಯವೇ? ನೋಡಿ.</p>

<p>ಪಜಲ್‌ ಬಿಡಿಸುವ ಆಸಕ್ತಿ ಇರುವವರನ್ನು ಸೆಳೆಯುವ ಸಲುವಾಗಿ ಸಾಮಾಜಿಕ ಜಾಲತಾಣದಲ್ಲಿ ಬಹಳಷ್ಟು ಬ್ರೈನ್‌ ಟೀಸರ್‌ ಪೋಸ್ಟರ್‌ಗಳು ಆಗಾಗ ಗಮನ ಸೆಳೆಯುತ್ತವೆ. ಅಲ್ಲದೆ ಅವು ಜನರನ್ನು ಸವಾಲಿಗೆ ನೂಕುತ್ತವೆ. ಅಂತಹ ಪೋಸ್ಟ್‌ ಒಂದು ಈಗ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್‌ ಆಗಿದೆ.</p>

Viral News: ಅಪ್ಪನ ರಹಸ್ಯ ಪ್ರೇಮಿಯ ಮಗನೇ ಆಕೆಯ ಬಾಸ್​; ಡಿಎನ್‌ಎ ಸೀಕ್ರೆಟ್​​ನಿಂದ ಕೆಲಸ ಕಳೆದುಕೊಂಡ ಯುವತಿ, ವಿಚಿತ್ರ ಸ್ಟೋರಿ ಓದಿ

<ul><li>Secret Love Child: ಡಿಎನ್‌ಎ ಪರೀಕ್ಷೆಯಲ್ಲಿ ಈ ಉದ್ಯೋಗಿಯ ಬಾಸ್‌ ಈಕೆಗೆ ಸಂಬಂಧಿಯೆಂದು ತಿಳಿದುಬಂದಿತ್ತು. ಇದೇ ಕಾರಣವನ್ನು ಇಟ್ಟುಕೊಂಡು ಕಂಪನಿ ಆಕೆಯನ್ನು ಕೆಲಸದಿಂದ ವಜಾ ಮಾಡಲಾಗಿದೆ.</li></ul>

Mann Ki Baat: ಸಾವರ್ಕರ್​, ಎನ್​ಟಿಆರ್​​ ನೆನೆದ ಪ್ರಧಾನಿ ಮೋದಿ; ಮನ್ ಕಿ ಬಾತ್​​ 101ನೇ ಸಂಚಿಕೆಯ ಹೈಲೈಟ್ಸ್​ ಇಲ್ಲಿದೆ

Mann Ki Baat 

<ul><li>Savarkar-NTR Birth Anniversary: ಇಂದು (ಮೇ 28) ಹಿಂದುತ್ವದ ಐಕಾನ್ ಎಂದು ಕರೆಯಲಾಗುವ ವಿನಾಯಕ ದಾಮೋದರ ಸಾವರ್ಕರ್ ಅವರ ಜನ್ಮದಿನ ಹಾಗೂ ತೆಲುಗು ನಟ, ಆಂಧ್ರಪ್ರದೇಶದ ಮಾಜಿ ಮುಖ್ಯಮಂತ್ರಿ ಎನ್​ ಟಿ ರಾಮರಾವ್ ಅವರ 100ನೇ ಜನ್ಮದಿನವಾಗಿದ್ದು, ಮನ್ ಕಿ ಬಾತ್​ನಲ್ಲಿ ಅವರಿಬ್ಬರನ್ನೂ ನೆನೆದಿದ್ದಾರೆ.</li></ul>

ITBP Jobs: ಕಾನ್ಸ್‌ಟೇಬಲ್‌ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದ ಇಂಡೋ ಟಿಬೇಟಿಯನ್‌ ಗಡಿ ಭದ್ರತಾ ಪಡೆ, ಮಹಿಳೆಯರಿಗೆ ಮಾತ್ರ ಅವಕಾಶ

<ul><li>ಭಾರತ ಸರಕಾರದ ಗೃಹಸಚಿವಾಲಯದಡಿ ಬರುವ ಇಂಡೋ ಟಿಬೇಟಿಯನ್‌ ಗಡಿ ಪೊಲೀಸ್‌ ಪಡೆಯು ಹೆಡ್‌ ಕಾನ್ಸ್‌ಟೇಬಲ್‌ (ಮಿಡ್‌ವೈಫ್‌) ಗ್ರೂಪ್‌ ಸಿ (ನಾನ್‌ ಗೆಜೆಟೆಡ್‌- ನಾನ್‌ ಮಿನಿಸ್ಟ್ರಿಯಲ್‌) ಹುದ್ದೆಗಳಿಗೆ ಮಹಿಳಾ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಿದೆ.</li></ul>

Kejriwal Hugs Satyendar: ಜೈಲು ಸೇರಿ ಅನಾರೋಗ್ಯದಿಂದ ಬಳಲುತ್ತಿರುವ ಸತ್ಯೇಂದ್ರ ಜೈನ್​ರನ್ನು ಅಪ್ಪಿಕೊಂಡ ಕೇಜ್ರಿವಾಲ್, ಹೀರೋ ಎಂದು ಪೋಸ್ಟ್

Kejriwal Hugs Satyendar

<ul><li>Satyendar Jain in hospital: ಅಕ್ರಮ ಹಣ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧನಕ್ಕೊಳಗಾಗಿ ಕಳೆದೊಂದು ವರ್ಷದಿಂದ ದೆಹಲಿ ತಿಹಾರ್ ಜೈಲಿನಲ್ಲಿದ್ದ ಸತ್ಯೇಂದ್ರ ಜೈನ್ ಅವರು ಮೇ 25 ರಂದು ತಲೆತಿರುಗಿ ಜೈಲಿನಲ್ಲಿ ಕುಸಿದು ಬಿದ್ದಿದ್ದರು.</li></ul>

<ul><li>Viral Brain Teaser: ಇಲ್ಲೊಂದು ಮೆದುಳಿಗೆ ಕೆಲಸ ಕೊಡುವ ಚಿತ್ರವಿದೆ. ಮದುವೆ ಪರಿಕಲ್ಪನೆ ಇರುವ ಈ ಸುಂದರ ಚಿತ್ರದಲ್ಲಿ ಕಳೆದು ಹೋಗಿರುವ ಮದುವೆ ಆಮಂತ್ರಣ ಪತ್ರಿಕೆ ಅನ್ನು ಹುಡುಕಬೇಕು. ಸರಿಯಾಗಿ ನೋಡಿ, ಮದ್ವೆ ಕಾರ್ಡ್‌ ಹುಡುಕಿ... ಸಿಗುತ್ತಾ ನೋಡಿ.&nbsp;</li></ul>

Summer Skincare: ಬಿಸಿಲಿನ ಬೇಗೆಯಲ್ಲೂ ಅರಳಲಿ ಸೌಂದರ್ಯ; ಇಲ್ಲಿದೆ ಸನ್‌ಟ್ಯಾನ್‌ ನಿವಾರಿಸುವ ಸುಲಭ ಮನೆಮದ್ದು

<p>ಹೊಳಪಿನ, ಕಾಂತಿಯುತ, ಅಂದದ ತ್ವಚೆ ನಮ್ಮದಾಗಿರಬೇಕು ಎಂದು ಪ್ರತಿದಿನ ಮನಸ್ಸು ಬಯಸುವುದು ಸಹಜ. ಆದರೆ ದಿನನಿತ್ಯದ ಕೆಲಸಗಳಿಂದ ಸೂರ್ಯನ ಬಿಸಿಲಿನಿಂದ ತಪ್ಪಿಸಿಕೊಂಡು ಓಡಾಡುವುದು ಕಷ್ಟಸಾಧ್ಯವೇ ಸರಿ. ಬಿಸಿಲಿನಲ್ಲಿ ಓಡಾಟದ ಪರಿಣಾಮವಾಗಿ ಚರ್ಮದ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. ಹಾಗಂತ ಇದಕ್ಕೆ ಚಿಂತೆ ಮಾಡುವುದು ಬೇಡ. ಸುಲಭ ಮನೆಮದ್ದುಗಳ ಸಹಾಯದಿಂದ ಸೂರ್ಯನ ಹಾನಿಗೊಳಗಾದ ಚರ್ಮವನ್ನು ಪುನರ್ಯೌವನಗೊಳಿಸಬಹುದು. ಈ ಕೆಲವು ಪರಿಣಾಮಕಾರಿ ಮನೆಮದ್ದುಗಳು ಸನ್‌ಟ್ಯಾನ್‌ ನಿವಾರಿಸುವುದು ಮಾತ್ರ, ಮಂದ, ಕಳೆಗುಂದಿದ ಚರ್ಮದ ನಿವಾರಣೆಗೂ ಸಹಕಾರಿ.</p>

<h2>ನಿಂಬೆರಸ ಮತ್ತು ಜೇನುತುಪ್ಪ</h2><p>ನಿಂಬೆರಸವು ನೈಸರ್ಗಿಕವಾಗಿ ಚರ್ಮವನ್ನು ಬ್ಲೀಚ್‌ ಮಾಡುತ್ತದೆ. ಅಲ್ಲದೆ ಸನ್‌ಟ್ಯಾನ್‌ ನಿವಾರಣೆಗೂ ಇದು ಸಹಕಾರಿ. ತಾಜಾ ನಿಂಬೆರಸಕ್ಕೆ ಒಂದು ಚಮಚ ಜೇನುತುಪ್ಪ ಸೇರಿಸಿ. ಇದಕ್ಕೆ ಸ್ವಲ್ಪ ಸಕ್ಕರೆ ಸೇರಿಸಿ, ಚರ್ಮಕ್ಕೆ ಸ್ಕ್ರಬ್‌ ಮಾಡಿ. ಇದರಿಂದ ಚರ್ಮದ ನಿರ್ಜೀವ ಕೋಶಗಳು ಸ್ವಚ್ಛವಾಗುತ್ತವೆ. ಇದನ್ನು 20 ರಿಂದ 30 ನಿಮಿಷಗಳ ಕಾಲ ಒಣಗಲು ಬಿಡಿ, ನಂತರ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.</p>

<h2>ಕಡಲೆಹಿಟ್ಟು, ಅರಿಸಿನ ಹಾಗೂ ಮೊಸರು</h2><p>ಕಡಲೆಹಿಟ್ಟು ಚರ್ಮದ ಟೋನ್‌ ಹೆಚ್ಚಲು ಸಹಾಯ ಮಾಡುತ್ತದೆ, ಹಾಗೆ ಅರಿಸಿನವು ಚರ್ಮದ ಹೊಳಪು ಹೆಚ್ಚಿಸುವ ಏಜೆಂಟ್‌ ಆಗಿದೆ. ಮೊಸರಿನಲ್ಲಿನ ಲ್ಯಾಕ್ಟಿಕ್‌ ಆಸಿಡ್‌ ಚರ್ಮವನ್ನು ಮೃದುಗೊಳಿಸುತ್ತದೆ.</p>

<p>ಕಡಲೆಹಿಟ್ಟು, ಮೊಸರು ಹಾಗೂ ಅರಿಸಿನ ಸೇರಿಸಿ ಪೇಸ್ಟ್‌ ತಯಾರಿಸಿ, ಅದನ್ನು ಮುಖಕ್ಕೆ ಹಚ್ಚಿ. 15 ನಿಮಿಷಗಳ ಕಾಲ ಒಣಗಲು ಬಿಡಿ. ನಂತರ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.</p>

<h2>ಪಪ್ಪಾಯ, ಟೊಮೆಟೊ, ಕಲ್ಲಂಗಡಿಲ, ಆಲೂಗೆಡ್ಡೆ ಹಾಗೂ ಸೌತೆಕಾಯಿ</h2><p>ಪಪ್ಪಾಯದಲ್ಲಿ ಚರ್ಮವನ್ನು ಎಕ್ಸ್‌ಫೋಲಿಯೇಟ್‌ ಮಾಡುವ ಅಂಶವಿದೆ. ಅಲ್ಲದೆ ಇದರಲ್ಲಿ ನೈಸರ್ಗಿಕ ಕಿಣ್ವಗಳಿವೆ. ಇದು ಉತ್ತಮ ನೈಸರ್ಗಿಕ ಬ್ಲೀಚ್‌ ಕೂಡ ಹೌದು. ಆಲೂಗೆಡ್ಡೆ ರಸ ಕೇವಲ ಉತ್ತಮ ಬ್ಲೀಚಿಂಗ್‌ ಮಾತ್ರವಲ್ಲ ಇದು ಕಣ್ಣುಗಳ ಸುತ್ತಲಿನ ಕಲೆಯನ್ನೂ ನಿವಾರಿಸುತ್ತದೆ. ಟೊಮೆಟೊದಲ್ಲಿ ಆಂಟಿಆಕ್ಸಿಡೆಂಟ್‌ ಅಂಶ ಅಧಿಕವಿದೆ, ಜೊತೆಗೆ ಇದು ಚರ್ಮದ ಹೊಳಪನ್ನೂ ಹೆಚ್ಚಿಸುತ್ತದೆ. ಸೌತೆಕಾಯಿ ಚರ್ಮದ ಉರಿಯನ್ನು ಕಡಿಮೆ ಮಾಡಿ ತಂಪಾಗಿಸುತ್ತದೆ. ಅಲ್ಲದೆ ಟ್ಯಾನ್‌ ನಿವಾರಿಸಲು ಇದು ಉತ್ತಮ.</p>

<p>ಪಪ್ಪಾಯ, ಕಲ್ಲಂಗಡಿ ಆಲೂಗೆಡ್ಡೆ, ಟೊಮೆಟೊ ಹಾಗೂ ಸೌತೆಕಾಯಿಯಿಯನ್ನ ತರಿತರಿಯಾಗಿ ರುಬ್ಬಿ. ಇದನ್ನು 15 ನಿಮಿಷಗಳ ಕಾಲ ಫ್ರಿಜ್‌ನಲ್ಲಿರಿಸಿ. ನಂತರ ಈ ಪೇಸ್ಟ್‌ ಅನ್ನು ಮುಖಕ್ಕೆ ಹಚ್ಚಿ, ಉಜ್ಜಿ. ಇದರಿಂದ ಹೊಳಪಿನ ಕಾಂತಿಯುವ ಚರ್ಮ ನಿಮ್ಮದಾಗುತ್ತದೆ.</p>

<h2>ಹೆಸರುಬೇಳೆ, ಅರಿಸಿನ ಹಾಗೂ ಹಾಲು</h2><p>ಹೆಸರುಬೇಳೆಯನ್ನು ಹಸಿಹಾಲಿನಲ್ಲಿ ರಾತ್ರಿ ನೆನೆಸಿಡಿ. ಇದನ್ನು ಅರಿಸಿನ ಸೇರಿಸಿ ರುಬ್ಬಿ ಪೇಸ್ಟ್‌ ತಯಾರಿಸಿ. ಮುಖಕ್ಕೆ ಹಚ್ಚಿ, ಒಣಗಲು ಬಿಡಿ. ನಂತರ ಉಗುರು ಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ.</p>

<h2>ಕಾಫಿ, ತೆಂಗಿನೆಣ್ಣೆ ಮತ್ತು ಸಕ್ಕರೆ</h2><p>ಕಾಫಿಯಲ್ಲಿರುವ ಕೆಫಿನ್‌ ಅಂಶವು ಆರೋಗ್ಯಕ್ಕೆ ಕೆಟ್ಟದ್ದಾದರೂ ಚರ್ಮದ ಆರೋಗ್ಯಕ್ಕೆ ಇದರಿಂದ ಸಾಕಷ್ಟು ಪ್ರಯೋಜನಗಳಿವೆ. ಇದು ಟ್ಯಾನ್‌ ನಿವಾರಿಸುತ್ತದೆ. ಅಲ್ಲದೆ ಮೊಡವೆ, ಕಲೆಗಳ ನಿವಾರಣೆಗೂ ಸಹಕಾರಿ. ಮುಖದ ನೆರಿಗೆಗಳನ್ನೂ ನಿವಾರಿಸುತ್ತದೆ. ತೆಂಗಿನೆಣ್ಣೆ ಚರ್ಮಕ್ಕೆ ತೇವಾಂಶ ಒದಗಿಸುತ್ತದೆ. ಕಾಫಿಪುಡಿ, ತೆಂಗಿನೆಣ್ಣೆ ಹಾಗೂ ಸಕ್ಕರೆ ಸೇರಿಸಿ ಪೇಸ್ಟ್‌ ತಯಾರಿಸಿ, ಇದನ್ನು ಸ್ಕ್ರಬ್‌ ರೀತಿ ಮುಖಕ್ಕೆ ಉಜ್ಜಿ. 10 ನಿಮಿಷ ಬಿಟ್ಟು ತೊಳೆಯಿರಿ.</p>

<h2>ಇದನ್ನೂ ಓದಿ </h2><h2>Summer Food: ಮಜ್ಜಿಗೆ, ಲಸ್ಸಿ; ಬೇಸಿಗೆಯ ದಾಹ ನೀಗಿಸುವ ಪಾನೀಯಗಳಲ್ಲಿ ಯಾವುದು ಉತ್ತಮ; ಇಲ್ಲಿದೆ ತಜ್ಞರ ಅಭಿಪ್ರಾಯ</h2><p>ಬಿರು ಬೇಸಿಗೆಯಲ್ಲಿ ದೇಹ ತಣಿಸುವ ಪಾನೀಯಗಳನ್ನು ಕುಡಿಯುವುದರಿಂದ ಮನಸ್ಸಿಗೆ ಹಾಯ್‌ ಎನ್ನಿಸುವುದು ಸಹಜ. ಬಿಸಿಲಿನ ತಾಪ ನೀಗಿಸಲು ಲಸ್ಸಿ ಹಾಗೂ ಮಜ್ಜಿಗೆ ಕುಡಿಯುತ್ತೇವೆ. ಆದರೆ ಈ ಎರಡರಲ್ಲಿ ಯಾವುದು ಉತ್ತಮ ಎನ್ನುವ ಅನುಮಾನವಿದೆಯೇ? ಇದಕ್ಕೆ ಇಲ್ಲಿದೆ ತಜ್ಞರ ಅಭಿಪ್ರಾಯ.ʼ</p>

<p><a class="manualbacklink" target="_blank" href="https://kannada.hindustantimes.com/lifestyle/summer-drink-chaas-vs-lassi-which-is-good-for-health-expert-opinion-probiotic-foods-hydration-summer-food-in-kannada-rst-181685068569597.html" rel="dofollow">ಸುದ್ದಿಯನ್ನು ಸಂಪೂರ್ಣವಾಗಿ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ</a></p>

<ul><li>ಬೇಸಿಗೆಯಲ್ಲಿ ಸೌಂದರ್ಯ ಕಾಪಾಡಿಕೊಳ್ಳುವುದು ಸವಾಲೇ ಸರಿ. ಸನ್‌ಟ್ಯಾನ್‌, ಮೊಡವೆ, ಎಣ್ಣೆ ಚರ್ಮದ ಕಾರಣದಿಂದ ಅಂದ ಕೆಡುವುದು ಸಹಜ. ಹಾಗಂತ ತಲೆ ಕೆಡಿಸಿಕೊಳ್ಳಬೇಕಿಲ್ಲ. ಮನೆಯಲ್ಲೇ ಸಿಗುವ ಸರಳ ಮನೆಮದ್ದುಗಳು ಸನ್‌ಟ್ಯಾನ್‌ ನಿವಾರಿಸುವ ಜೊತೆಗೆ ತ್ವಚೆಯ ಅಂದವನ್ನೂ ಹೆಚ್ಚಿಸುತ್ತವೆ. &nbsp;ಅಂತಹ ಕೆಲವು ಸರಳ, ಸುಲಭ ಮನೆಮದ್ದು ಇಲ್ಲಿದೆ ನೋಡಿ.&nbsp;</li></ul>

<p>ಬೇಸಿಗೆಯಲ್ಲಿ ಅತಿಯಾದ ಸೂರ್ಯನ ಶಾಖ, ಹೆಚ್ಚಿದ ಆರ್ದ್ರತೆ ಹಾಗೂ ತಾಪಮಾನದ ಹೆಚ್ಚಳದ ಕಾರಣದಿಂದ ನಮ್ಮನ್ನು ರಿಫ್ರೆಶ್‌ ಆಗಿರಿಸಿಕೊಳ್ಳಲು ಹಾಗೂ ನಿರ್ಜಲೀಕರಣದಿಂದ ತಪ್ಪಿಸಿಕೊಳ್ಳಲು ಮಾರ್ಗಗಳನ್ನು ಹುಡುಕುತ್ತೇವೆ. ನಿರ್ಜಲೀಕರಣ ತಪ್ಪಿಸಲು ನೀರು ಕುಡಿಯುವ ಜೊತೆಗೆ ಜಿಹ್ವ ಚಪಲ ತಣಿಸುವ ಪಾನೀಯಗಳನ್ನೂ ಸೇವಿಸುತ್ತೇವೆ. ಅದರಲ್ಲೂ ಭಾರತೀಯರಿಗೆ ಬೇಸಿಗೆಯಲ್ಲಿ ಜಿಹ್ವ ಚಪಲ ತಣಿಸಲು ದೇಸಿ ಪಾನೀಯಗಳೇ ಹೆಚ್ಚು ಇಷ್ಟವಾಗುತ್ತವೆ. ಅವುಗಳಲ್ಲಿ ಲಸ್ಸಿ ಹಾಗೂ ಮಸಾಲೆ ಮಜ್ಜಿಗೆ ಸೇವನೆಗೆ ಹೆಚ್ಚು ಆದ್ಯತೆ ನೀಡುತ್ತೇವೆ. ಇವು ಸೂಪರ್‌ ಹೈಡ್ರೇಟಿಂಗ್‌ ಪಾನೀಯಗಳು ಮಾತ್ರವಲ್ಲ ಇವು ವಿಟಮಿನ್‌ ಹಾಗೂ ಖನಿಜಾಂಶ ಸಮೃದ್ಧವಾಗಿವೆ. ಇವು ಸಾಮಾನ್ಯವಾಗಿ ಕೆಲವೊಂದು ಅಂಶಗಳಲ್ಲಿ ಹೋಲಿಕೆ ಇದ್ದರೂ ಇವುಗಳ ನಡುವೆ ಪ್ರತ್ಯೇಕ ಅಂಶಗಳಿವೆ. ಒಂದು ಇನ್ನೊಂದಕ್ಕಿಂತ ಆರೋಗ್ಯಕರ ಎಂಬುದು ಸುಳ್ಳಲ್ಲ. ಇವುಗಳ ಬಗ್ಗೆ ಇನ್ನಷ್ಟು ವಿವರ ಇಲ್ಲಿದೆ.</p>

<p>ಬೆಂಗಳೂರಿನ ಜಿಂದಾಲ್‌ ನೇಚರ್‌ಕ್ಯೂರ್‌ ಇನ್‌ಸ್ಟಿಟ್ಯೂಟ್‌ನ ಪೌಷ್ಟಿಕ ತಜ್ಞೆ ಸುಷ್ಮಾ ಪಿಎಸ್‌ ʼಬೇಸಿಗೆಯ ದಾಹವನ್ನು ನೀಗಿಸಲು ಭಾರತದಲ್ಲಿ ಮಜ್ಜಿಗೆ ಹಾಗೂ ಲಸ್ಸಿ ಕುಡಿಯವುದು ಸಾಮಾನ್ಯ. ಈ ಎರಡರ ಮೂಲ ಮೊಸರು ಆಗಿದ್ದರೂ ಈ ಪಾನೀಯಗಳ ತಯಾರಿಕಾ ವಿಧಾನ ಹಾಗೂ ಪರಿಮಳ ಬೇರೆ ರೀತಿ ಇರುತ್ತದೆ.</p>

<p>ಮಜ್ಜಿಗೆ ಅಥವಾ ಮಸಾಲ ಮಜ್ಜಿಗೆ ತೆಳ್ಳನೆಯ ಹಾಗೂ ಮಸಾಲೆಯುಕ್ತ ಪಾನೀಯವಾಗಿದ್ದರೆ, ಲಸ್ಸಿ ಕೆನೆಭರಿತ ಸಿಹಿ ಪಾನೀಯವಾಗಿದೆ. ಅದಾಗ್ಯೂ ಸಿಹಿಯ ಪ್ರಮಾಣವು ಸೇವಿಸುವವರ ಆದ್ಯತೆ ಹಾಗೂ ರೆಸಿಪಿಗೆ ಅನುಗುಣವಾಗಿ ಬದಲಾಗುತ್ತದೆ, ಲಸ್ಸಿ ಸಾಕಷ್ಟು ಸಿಹಿ ಇರುತ್ತದೆ. ಚಾಸ್‌ ಅಥವಾ ಮಜ್ಜಿಗೆ ಕಟುವಾದ ರುಚಿಯನ್ನು ಹೊಂದಿರುತ್ತದೆ. ಕಾರಣ ಅದಕ್ಕೆ ಉಪ್ಪು ಹಾಗೂ ಮಸಾಲೆನ್ನು ಬಳಸಲಾಗಿರುತ್ತದೆʼ ಎಂದು ಲಸ್ಸಿ ಹಾಗೂ ಮಜ್ಜಿಗೆಯ ನಡುವಿನ ವ್ಯತ್ಯಾಸವನ್ನು ವಿವರಿಸುತ್ತಾರೆ.</p>

<p>ಈ ಎರಡನ್ನೂ ಮೊಸರಿನಿಂದಲೇ ತಯಾರಿಸಲಾಗುತ್ತದೆ. ಇವು ಪ್ರೊಟೀನ್‌, ಕ್ಯಾಲ್ಸಿಯಂ ಹಾಗೂ ಪ್ರೊಬಯೊಟಿಕ್‌ ಸಮೃದ್ಧವಾಗಿವೆ. ಈ ಅಂಶಗಳು ಕರುಳಿನ ಆರೋಗ್ಯ ಮತ್ತು ಜೀರ್ಣಕ್ರಿಯೆಗೆ ಸಹಾಯವಾಗುವ ಬ್ಯಾಕ್ಟೀರಿಯಾಗಳನ್ನು ಉತ್ಪತ್ತಿ ಮಾಡುತ್ತವೆ. ಅವುಗಳ ಸೇವನೆಯಿಂದ ಆಮ್ಲೀಯತೆ, ಎದೆಯುರಿ ಕಡಿಮೆಯಾಗಲು ಹಾಗೂ ಮೂಳೆಗಳ ಬಲವರ್ಧನೆಗೆ ಸಹಾಯವಾಗುತ್ತದೆ. ಪಾನೀಯಗಳಲ್ಲಿ ಲ್ಯಾಕ್ಟಿಕ್ ಆಮ್ಲ ಮತ್ತು ವಿಟಮಿನ್ ಡಿ ಕೂಡ ಸಮೃದ್ಧವಾಗಿದೆ, ಇದು ನಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತವೆ ʼ ಎಂದು ಸುಷ್ಮಾ ಇಂಡಿಯನ್‌ ಎಕ್ಸ್‌ಪ್ರೆಸ್‌ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.</p>

<h2>ಯಾವುದು ಆರೋಗ್ಯಕ್ಕೆ ಉತ್ತಮ</h2><p>ಮಜ್ಜಿಗೆ ಮತ್ತು ಲಸ್ಸಿ ಎರಡೂ ಬೇಸಿಗೆಯಲ್ಲಿ ಉತ್ತಮ ಪಾನೀಯಗಳಾಗಿದ್ದರೂ, ಮಜ್ಜಿಗೆ ಆರೋಗ್ಯಕರ ಆಯ್ಕೆಯಾಗಿದೆ ಮತ್ತು ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುವವರಿಗೆ ಹೆಚ್ಚು ಸೂಕ್ತವಾಗಿದೆ.</p>

<p>ʼತೂಕ ಇಳಿಸುವುದು ಇತ್ತೀಚಿನ ದಿನಗಳಲ್ಲಿ ಸವಾಲೇ ಸರಿ. ದೇಹದಲ್ಲಿ ಅತಿಯಾದ ಕ್ಯಾಲೊರಿಯು ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ. ಆ ಕಾರಣಕ್ಕೆ ಕ್ಯಾಲೊರಿ ಅಂಶವುಳ್ಳ ಪದಾರ್ಥಗಳ ಸೇವನೆಯನ್ನು ಕಡಿಮೆ ಮಾಡಿ, ಕ್ಯಾಲೊರಿಯನ್ನು ಬರ್ನ್‌ ಮಾಡಬೇಕು ಎಂದರೆ ಹೆಚ್ಚು ಹೆಚ್ಚು ಮಜ್ಜಿಗೆ ಕುಡಿಯಬೇಕು. ಮಜ್ಜಿಗೆಯಲ್ಲಿ ಲಸ್ಸಿಗಿಂತ ಶೇ 50ರಷ್ಟು ಕಡಿಮೆ ಪ್ರಮಾಣದಲ್ಲಿ ಕ್ಯಾಲೊರಿ ಅಂಶಗಳಿರುತ್ತವೆ. ಶೇ 75 ರಷ್ಟು ಕಡಿಮೆ ಕೊಬ್ಬಿನಾಂಶವನ್ನು ಹೊಂದಿದೆ. ಅದೇ ಇದು ದೇಹಕ್ಕೆ ಹೆಚ್ಚು ಪೋಷಕಾಂಶಗಳನ್ನು ಒದಗಿಸುತ್ತದೆ. ಆ ಕಾರಣಕ್ಕೆ ಲಸ್ಸಿಗಿಂತ ಮಜ್ಜಿಗೆ ಉತ್ತಮ. ಲಸ್ಸಿಯಲ್ಲಿ ಸಕ್ಕರೆ ಮತ್ತು ಪರಿಮಳ ಸೂಸುವ ಕೃತಕ ವಸ್ತುಗಳನ್ನು ಬಳಸುವ ಕಾರಣ ಇದು ಪೌಷ್ಟಿಕಾಂಶದ ಗುಣಗಳನ್ನು ಕಡಿಮೆ ಮಾಡಬಹುದುʼ ಎನ್ನುತ್ತಾರೆ ಸುಷ್ಮಾ.</p>

<h2>ಇದನ್ನೂ ಓದಿ</h2><h2>Stronger Bones: ಮೂಳೆಗಳ ಸಾಂದ್ರತೆ ವೃದ್ಧಿಗೆ ಹೀಗಿರಲಿ ನಿಮ್ಮ ಬೆಳಗಿನ ದಿನಚರಿ</h2><p>Morning Routine Increase Bone Density: ಮೂಳೆಗಳ ಆರೋಗ್ಯ ವೃದ್ಧಿಗೆ ನಮ್ಮ ಬೆಳಗಿನ ದಿನಚರಿಯಲ್ಲಿ ಕೆಲವೊಂದು ಅಭ್ಯಾಸಗಳನ್ನು ರೂಡಿಸಿಕೊಳ್ಳಬೇಕು. ಹದಿ ವಯಸ್ಸಿನಿಂದಲೇ ಈ ದಿನಚರಿಯನ್ನು ಪಾಲಿಸುವುದರಿಂದ ಮೂಳೆಗಳ ಆರೋಗ್ಯ ವೃದ್ಧಿಯಾಗುತ್ತದೆ.</p>

<p><a class="manualbacklink" target="_blank" href="https://kannada.hindustantimes.com/lifestyle/health-news-stronger-bones-morning-routine-to-increase-bone-density-drinking-water-calcium-food-kannada-news-rst-181685063966796.html" rel="dofollow">ಸುದ್ದಿಯ ಸಂಪೂರ್ಣ ವಿವರಕ್ಕಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ</a></p>

<p>ದೇಹದ ಪ್ರತಿಯೊಂದು ಭಾಗವನ್ನು ಆರೋಗ್ಯವಾಗಿರಿಸಿಕೊಳ್ಳುವುದು ಬಹಳ ಅವಶ್ಯ. ದೇಹದಲ್ಲಿ ಮೂಳೆಗಳು ಅದ್ಭುತ ಕೆಲಸಗಳನ್ನು ಮಾಡುತ್ತವೆ. ಅವು ನಮಗೆ ಹಲವು ರೀತಿಯಲ್ಲಿ ಸಹಾಯ ಮಾಡುತ್ತವೆ. ಅವು ಚಲನೆಗೆ ಅವಕಾಶ ನೀಡುತ್ತವೆ, ಮೆದುಳು ಹಾಗೂ ಪ್ರಮುಖ ಅಂಗಗಳನ್ನು ರಕ್ಷಿಸುತ್ತವೆ ಹಾಗೂ ಅಗತ್ಯ ಖನಿಜಗಳನ್ನು ಸಂಗ್ರಹಿಸುತ್ತವೆ. ಆದರೆ ವಯಸ್ಸಾದಂತೆ ಮೂಳೆಗಳ ಸಾಂಧ್ರತೆ ಕಡಿಮೆಯಾಗುತ್ತದೆ. ಮೂಳೆಗಳು ದುರ್ಬಲವಾಗಿ, ಮೂಳೆ ಮುರಿತ, ಪೆಟ್ಟಾಗುವುದು ಇಂತಹ ತೊಂದರೆಗಳಿಗೆ ಕಾರಣವಾಗಬಹುದು.</p>

<p>ಆದರೆ ಬೆಳಗಿನ ದಿನಚರಿಯಲ್ಲಿ ಕೆಲವು ಕ್ರಮಗಳನ್ನು ಅನುಸರಿಸುವ ಮೂಲಕ ಮೂಳೆಗಳ ಆರೋಗ್ಯವನ್ನು ಸಂರಕ್ಷಿಸಬಹುದು ಮತ್ತು ಮೂಳೆಗಳ ಸಾಂದ್ರತೆಯನ್ನು ಸುಧಾರಿಸಬಹುದು.</p>

<p>ತಜ್ಞರ ಪ್ರಕಾರ, ಪ್ರತಿದಿನ ಬೆಳಿಗ್ಗೆ ನೀವು ಈ ಸೂತ್ರಗಳನ್ನು ಅನುಸರಿಸಬೇಕು. ಇದನ್ನು ತಪ್ಪದೇ ಮಾಡುವುದರಿಂದ ಮೂಳೆಗಳ ಸಾಂದ್ರತೆ ವೃದ್ಧಿಯಾಗುತ್ತದೆ. ಈ ಸರಳ ವಿಧಾನಗಳು ಮೂಳೆಗಳ ಆರೋಗ್ಯ ವೃದ್ಧಿಯ ಜೊತೆಗೆ ಒಟ್ಟಾರೆ ಆರೋಗ್ಯಕ್ಕೂ ಉತ್ತಮ.</p>

<h2>ಒಂದು ಲೋಟ ನೀರಿನೊಂದಿಗೆ ದಿನ ಆರಂಭಿಸಿ</h2><p>ಬೆಳಿಗ್ಗೆ ಎದ್ದ ಕೂಡಲೇ ಒಂದು ಲೋಟ ನೀರು ಕುಡಿಯಬೇಕು. ಇದು ನಿಮ್ಮ ಒಟ್ಟಾರೆ ಆರೋಗ್ಯಕ್ಕೆ ಮಾತ್ರವಲ್ಲ; ಮೂಳೆ ಆರೋಗ್ಯಕ್ಕೂ ಬಹಳ ಉತ್ತಮ. ಯುನೈಟೆಡ್ ಸ್ಟೇಟ್ಸ್ ಜಿಯೋಲಾಜಿಕಲ್ ಸರ್ವೆ ಪ್ರಕಾರ, ಮೂಳೆಗಳು ಭಾಗಶಃ ನೀರಿನಿಂದ ರಚಿಸ್ಪಟ್ಟಿವೆ. ಇವು ಖನಿಜಗಳನ್ನು ಸಂಗ್ರಹಿಸುವುದು ಮತ್ತು ಮೂಳೆ ಮಜ್ಜೆಯೊಳಗೆ ಕೆಂಪು ರಕ್ತ ಕಣಗಳನ್ನು ತಯಾರಿಸುವಂತಹ ನಿರ್ದಿಷ್ಟ ಕೆಲಸಗಳನ್ನು ಮಾಡಲು ಅವುಗಳಿಗೆ ನೀರಿನ ಅಗತ್ಯವಿದೆ. ನ್ಯಾಷನಲ್ ಲೈಬ್ರರಿ ಆಫ್ ಮೆಡಿಸಿನ್ (NLM) ಪ್ರಕಾರ, ನೀವು ಸೇವಿಸುವ ಆಹಾರಗಳಲ್ಲಿನ ಕ್ಯಾಲ್ಸಿಯಂನ 99 ಪ್ರತಿಶತವನ್ನು ನೀರು ನಿಮ್ಮ ಮೂಳೆಗಳಿಗೆ ಸಾಗಿಸುತ್ತದೆ, ಆದ್ದರಿಂದ ಉತ್ತಮ ಸರಿಯಾಗಿ ನೀರು ಕುಡಿಯುವುದರಿಂದ ಮೂಳೆಗಳ ಸಾಮರ್ಥ್ಯ ವೃದ್ಧಿಯಾಗುತ್ತದೆ.</p>

<h2>ಕ್ಯಾಲ್ಸಿಯಂ ಸಮೃದ್ಧ ಉಪಾಹಾರ ಸೇವಿಸಿ</h2><p>ಮೂಳೆಗಳ ಆರೋಗ್ಯಕ್ಕೆ ಕ್ಯಾಲ್ಸಿಯಂ ಬಹಳ ಅವಶ್ಯ ಹಾಗೂ ಇದು ಬಹಳ ಮುಖ್ಯವಾದ ಪೋಷಕಾಂಶವೂ ಹೌದು. ಇದು ಮೂಳೆಗಳನ್ನು ಗಟ್ಟಿಯಾಗಿಸುತ್ತದೆ, ಅಲ್ಲದೆ ಬಲಗೊಳಿಸಲು ನೆರವಾಗುತ್ತದೆ. ಅದಕ್ಕಾಗಿ ಪ್ರತಿದಿನ ಕ್ಯಾಲ್ಸಿಯಂ ಸಮೃದ್ಧ ಆಹಾರ ಸೇವನೆ ಅಗತ್ಯ. ನಮ್ಮ ಬೆಳಗಿನ ಉಪಾಹಾರದ ಮೂಲಕವೇ ಕ್ಯಾಲ್ಸಿಯಂ ಯುಕ್ತ ಆಹಾರ ಸೇವಿಸುವುದು ಬಹಳ ಅವಶ್ಯ. ಹಾಲು, ಚೀಸ್‌, ಮೊಸರು ಮುಂತಾದ ಡೇರಿ ಉತ್ಪನ್ನಗಳಲ್ಲಿ ಕ್ಯಾಲ್ಸಿಯಂ ಅಂಶ ಹೆಚ್ಚಿದೆ. ಕಿತ್ತಳೆ ರಸ, ಸೊಪ್ಪು, ಬಾದಾಮಿ, ಸಾಲ್ಮನ್‌ನಂತಹ ಕೊಬ್ಬಿನಾಂಶ ಇರುವ ಮೀನುಗಳಲ್ಲೂ ಕೊಬ್ಬಿನಾಂಶ ಇರುತ್ತವೆ.</p>

<h2>ಮೂಳೆಗಳನ್ನು ಬಲಪಡಿಸುವ ವ್ಯಾಯಾಮಗಳನ್ನು ಮಾಡಿ</h2><p>ವ್ಯಾಯಾಮ ಮಾಡುವುದು ಮೂಳೆಗಳ ಆರೋಗ್ಯಕ್ಕೆ ಉತ್ತಮ. ಆದರೆ ಕೆಲವೊಂದು ನಿರ್ದಿಷ್ಟ ವ್ಯಾಯಾಮಗಳು ಮೂಳೆಗಳ ಸಾಂದ್ರತೆಯನ್ನು ಹೆಚ್ಚಿಸುತ್ತದೆ. ಅವು ಮೂಳೆಗಳನ್ನು ಬಲಪಡಿಸುವ ಜೊತೆಗೆ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ. ವೇಟ್‌ಲಿಫ್ಟಿಂಗ್‌ನಂತಹ ಭಾರ ಎತ್ತುವ ವ್ಯಾಯಾಮಗಳು ಮೂಳೆಗಳನ್ನು ಬಲಪಡಿಸಲು ಸಹಾಯ ಮಾಡುತ್ತವೆ. ಜೊತೆಗೆ ಇವು ಆಸ್ಟಿಯೊಪೊರೋಸಿಸ್‌ ಅಪಾಯವನ್ನು ಕಡಿಮೆ ಮಾಡುತ್ತವೆ.</p>

<h2>ಸೂರ್ಯನ ಎಳೆ ಬಿಸಿಲಿಗೆ ತೆರೆದುಕೊಳ್ಳಿ</h2><p>ಸೂರ್ಯನ ಎಳೆ ಬಿಸಿಲಿನಲ್ಲಿ ಓಡಾಡುವುದು ಮಾನಸಿಕ ಆರೋಗ್ಯ ವೃದ್ಧಿ, ವಿಟಮಿನ್‌ ಪಡೆಯಲು ಮಾತ್ರವಲ್ಲ, ಮೂಳೆಗಳ ಆರೋಗ್ಯಕ್ಕೂ ಇವು ಉತ್ತಮ. ಸೂರ್ಯನ ಬಿಸಿಲಿನಲ್ಲಿ ವಿಟಮಿನ್‌ ಡಿ ಉತ್ಪತ್ತಿಯಾಗುತ್ತದೆ. ಇದು ಪರೋಕ್ಷವಾಗಿ ಮೂಳೆಯ ಸಾಂದ್ರತೆ ವೃದ್ಧಿಗೆ ಸಹಾಯ ಮಾಡುತ್ತದೆ. ವಿಟಮಿನ್‌ ಡಿ ಕೊರತೆಯಿಂದ ದೇಹವು ಆಹಾರದಿಂದ ಕ್ಯಾಲ್ಸಿಯಂ ಹೀರಿಕೊಳ್ಳುವಲ್ಲಿ ಅಸಮರ್ಥವಾಗಬಹುದು. ಇದರಿಂದ ಮೂಳೆಗಳು ದುರ್ಬಲಗೊಳ್ಳುವ ಸಾಧ್ಯತೆ ಹೆಚ್ಚು.</p>

<h2>ಸರಿಯಾದ ಭಂಗಿಯಲ್ಲಿ ಕುಳಿತುಕೊಳ್ಳುವುದನ್ನು ಅಭ್ಯಾಸ ಮಾಡಿ</h2><p>ಬೆಳಗಿನಿಂದ ಸಂಜೆಯವರೆಗೆ ಭಂಗಿಯಲ್ಲಿ ಕುಳಿತುಕೊಳ್ಳುವುದು ಸಹ ಬಹಳ ಅವಶ್ಯ. ನಾವು ಕುಳಿತುಕೊಳ್ಳುವ ಭಂಗಿಯು ನಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಆ ಕಾರಣಕ್ಕೆ ಸಾಧ್ಯವಾದಷ್ಟು ಬೆನ್ನುಮೂಳೆ ನೇರವಾಗಿ ಇರುವಂತೆ ಕುಳಿತುಕೊಳ್ಳುವುದು ಬಹಳ ಅವಶ್ಯ. ನಡೆಯುವಾಗ, ಓಡಾಡುವಾಗ ಎಲ್ಲಾ ಸಮಯದಲ್ಲೂ ನಮ್ಮ ಭಂಗಿ ಮುಖ್ಯವಾಗುತ್ತದೆ. ಇದು ಬೆಳಿಗ್ಗೆ ಎದ್ದ ಕ್ಷಣದಿಂದ ರಾತ್ರಿವರೆಗೆ ಅಭ್ಯಾಸ ಮಾಡಬೇಕು.</p>

<h2>ಕೆಫಿನ್‌ ಸೇವನೆ ಕಡಿಮೆ ಮಾಡಿ</h2><p>ಕಾಫಿ ಅಥವಾ ಟೀ ಸೇವನೆ ಬಹುತೇಕ ಬೆಳಗಿನ ದಿನಚರಿಯ ಅವಿಭಾಜ್ಯ ಅಂಗ. ಆದರೆ ಇದು ಖಂಡಿತ ಒಳ್ಳೆಯದಲ್ಲ. ದೇಹದಲ್ಲಿ ಸಂಗ್ರಹವಾಗುವ ಕೆಫಿನ್‌ ಅಂಶವು ಮೂಳೆಗಳ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ ಎಂದು ಹಲವು ಅಧ್ಯಯನಗಳು ಸಾಬೀತು ಪಡಿಸಿವೆ. ಅಮೆರಿಕದ ಮೇಯೊ ಕ್ಲಿನಿಕ್‌ ಪ್ರಕಾರ ಕೆಫಿನ್‌ ಯುಕ್ತ ಪಾನೀಯಗಳ ಸೇವನೆಯು ಮೂತ್ರದ ಮೂಲಕ ಕ್ಯಾಲ್ಸಿಯಂ ದೇಹದಿಂದ ಹೊರ ಹೋಗುತ್ತದೆ. ಆದರೆ ಪ್ರತಿದಿನ 2 ರಿಂದ 3 ಸಣ್ಣ ಕಪ್‌ ಚಹಾ ಅಥವಾ ಕಾಫಿ ಕುಡಿಯುವುದರಿಂದ ತೊಂದರೆಯಾಗುವುದಿಲ್ಲ ಎಂದು ಅವರು ಹೇಳುತ್ತಾರೆ. ಆ ಕಾರಣಕ್ಕೆ ಸಂಪೂರ್ಣವಾಗಿ ತ್ಯಜಿಸುವುದಕ್ಕಿಂತ ಮಿತವಾಗಿ ಸೇವಿಸುವುದು ಉತ್ತಮ.</p>

<p>ಇದು ತಂತ್ರಜ್ಞಾನದ ಹಿಂದೆ ವೇಗವಾಗಿ ಓಡುತ್ತಿರುವ ಯುಗ. ಮೊಬೈಲ್‌, ಲ್ಯಾಪ್‌ಟಾಪ್‌, ಕಂಪ್ಯೂಟರ್‌ ಇಲ್ಲದೆ ಬದುಕಲು ಸಾಧ್ಯವೇ ಇಲ್ಲ ಎನ್ನುವ ಹಂತದಲ್ಲಿ ನಾವಿದ್ದೇವೆ. ಸ್ಕ್ರೀನ್‌ಟೈಮ್‌ ಮೇಲೆ ನಾವು ಗಮನ ನೀಡುವುದು ಅತಿಯಾಗಿದೆ, ಅಲ್ಲದೆ ಸ್ಕ್ರೀನ್‌ಟೈಮ್‌ ನಮ್ಮ ಗಮನವನ್ನು ಹಿಡಿದಿಟ್ಟುಕೊಂಡಿದೆ. ಇದರಿಂದ ಹೊರ ಬಂದು ಭೌತಿಕ ಜಗತ್ತಿನ ಸೌಂದರ್ಯವನ್ನು ಆಸ್ವಾದಿಸುವ ಮನೋಭಾವ ಯಾರಲ್ಲೂ ಇಲ್ಲ. ಆದರೆ ಡಿಜಿಟಲ್‌ ಡಿಟಾಕ್ಸ್‌ ಎನ್ನುವುದು ಪರದೆಯ ಜಗತ್ತಿನಿಂದ ನಮ್ಮನ್ನು ಹೊರ ಕರೆದುಕೊಂಡು ಬಂದು ಸುತ್ತಲಿನ ಪ್ರಪಂಚದೊಂದಿಗೆ ಮರು ಸಂಪರ್ಕಿಸಲು ಅನುಮತಿಸುವ ಒಂದು ಮಾರ್ಗ.</p>

<p>ಲೈಕ್‌, ಕಾಮೆಂಟ್‌ನ ಪ್ರಪಂಚದಿಂದ ಅನ್‌ಪ್ಲಗ್‌ ಮಾಡಿ ಹೊರಬರುವುದು ನಿಜಕ್ಕೂ ಬಹಳ ಅವಶ್ಯ. ಇದು ಸಾಧ್ಯವೇ ಅನ್ನಿಸಿದರೂ ಕೂಡ ಜಡಜೀವನ ನಡೆಸುವ ಈ ಜಗತ್ತಿನಲ್ಲಿ ನಿಜವಾಗಿಯೂ ಬಹಳ ಮುಖ್ಯವಾಗಿದೆ.</p>

<p>ಇಂದು ದಿನದಲ್ಲಿ ಹೆಚ್ಚಿನ ಸಮಯವನ್ನು ಸ್ಕ್ರೀನ್‌ಟೈಮ್‌ ಕೊಲ್ಲುತ್ತಿದೆ. ಸಾಮಾಜಿಕ ಜಾಲತಾಣದಲ್ಲಿ ಬಿದ್ದು ಓಲಾಡುವುದು ಸಾಮಾನ್ಯವಾಗಿದೆ. ಆ ಕಾರಣದಿಂದ ನಾವು ಕೆಲಸದಿಂದ ವಿರಾಮ ಪಡೆಯುವಂತೆ ಸಾಮಾಜಿಕ ಮಾಧ್ಯಮ ಹಾಗೂ ಡಿಜಿಟಲ್‌ ಜೀವನದಿಂದ ವಿರಾಮ ತೆಗೆದುಕೊಳ್ಳುವುದು ಬಹಳ ಅವಶ್ಯವಾಗಿದೆ.</p>

<h2>ಅನ್‌ಪ್ಲಗ್‌ ಮಾಡಿ ರಿಕನೆಕ್ಟ್‌ ಆಗಿ</h2><p>ಎಲೆಕ್ಟ್ರಾನಿಕ್‌ ಡಿವೈಸ್‌ ಹಾಗೂ ಸಾಮಾಜಿಕ ಮಾಧ್ಯಮಗಳಿಂದ ಆಗಾಗ ಅನ್‌ಪ್ಲಗ್‌ ಮಾಡಿಕೊಂಡು ನಂತರ ರಿಕನೆಕ್ಟ್‌ ಆಗುವುದನ್ನು ಕಲಿಯಬೇಕು. ಇದರಿಂದ ಆರೋಗ್ಯಕ್ಕೂ ಉತ್ತಮ ಹಾಗೂ ಕೆಲಸವು ಸರಾಗವಾಗಿ ಆಗುತ್ತದೆ. ಅನ್‌ಪ್ಲಗ್‌ ಮಾಡಿದ ಮೇಲೆ ಒಂದಿಷ್ಟು ಹೊತ್ತು ಪ್ರಕೃತಿಯೊಂದಿಗೆ ಕಾಲ ಕಳೆಯಿರಿ. ವರ್ಚುವಲ್‌ ಜಗತ್ತಿನಿಂದ ದೂರವಾಗಿ ಪ್ರಸ್ತುತ ಕ್ಷಣದಲ್ಲಿ ಬದುಕುವುದನ್ನು ಅಭ್ಯಾಸ ಮಾಡಿಕೊಳ್ಳಬೇಕು.</p>

<p>ಡಿಜಿಟಲ್‌ ಡಿಟಾಕ್ಸ್‌ನಿಂದ ಪ್ರಪಂಚದ ಹಲವು ಅದ್ಭುತಗಳು ನಮ್ಮ ಕಣ್ಣ ಮುಂದೆ ಬರುತ್ತವೆ. ಪ್ರಕೃತಿಯ ಅದ್ಭುತಗಳನ್ನು ಆಸ್ವಾದಿಸಲು ಇದು ನಮಗೆ ವೇದಿಕೆಯಾಗುತ್ತದೆ. ಡಿಜಿಟಲ್‌ ಜಗತ್ತಿನಲ್ಲಿ ಮುಳುಗಿರುವ ನಮಗೆ ದೀರ್ಘಕಾಲದಿಂದ ಮುಚ್ಚಿಹೋಗಿರುವ ದೃಶ್ಯಗಳು, ಶಬ್ದಗಳು ಮತ್ತು ಅನುಭವಗಳು ನಮ್ಮ ಇಂದ್ರಿಯಗಳನ್ನು ಅರಳಿಸುತ್ತವೆ.</p>

<p>* ಇಮೋಜಿಗಳಿಂದ ನಿರ್ಬಂಧಿಸಲ್ಪಟ್ಟ ಸಂಭಾಷಣಾ ಜಗತ್ತಿನಿಂದ ಹೊರ ಬಂದು ಮಾತು, ಹರಟೆಯ ಸ್ವ ಅನುಭವ ಪಡೆಯಲು ಇದು ಬಹಳ ಮುಖ್ಯ.</p>

<p>* ನೇರ ನೇರ ಸಂಪರ್ಕ, ಸಂವಹನವು ಮನುಷ್ಯನಲ್ಲಿ ಸಂಬಂಧದ ಮೌಲ್ಯವನ್ನು ತಿಳಿಸುತ್ತದೆ, ಇದಕ್ಕೂ ಡಿಜಿಟಲ್‌ ಡಿಟಾಕ್ಸ್‌ ನೆರವಾಗುತ್ತದೆ.</p>

<p>* ಒಟ್ಟಾರೆ ಮನುಷ್ಯ ಮಾನಸಿಕ ಹಾಗೂ ದೈಹಿಕ ವೃದ್ಧಿಗೆ ಡಿಜಿಟಲ್‌ ಡಿಟಾಕ್ಸ್‌ ಬಹಳ ಅವಶ್ಯ.</p>

<h2>ಡಿಜಿಟಲ್‌ ಡಿಟಾಕ್ಸ್‌ನಿಂದ ಆರೋಗ್ಯಕ್ಕೆ ಏನು ಉಪಯೋಗ </h2><p><strong>ಒತ್ತಡವನ್ನು ಕಡಿಮೆ ಮಾಡುತ್ತದೆ:</strong> ಸ್ಕ್ರೀನ್‌ ಟೈಮ್‌ನಿಂದ ಹೊರ ಬರುವುದರಿಂದ ಡಿಜಿಟಲ್‌ ಪ್ರಪಂಚದಿಂದ ಸಂಪೂರ್ಣವಾಗಿ ಹೊರ ಬರಲು ನೆರವಾಗುತ್ತದೆ. ಇದು ಮೆದುಳಿಗೆ ಪುನಃ ಶಕ್ತಿ ತುಂಬಲು ನೆರವಾಗುತ್ತದೆ, ಅಲ್ಲದೆ ಒತ್ತಡ ನಿರ್ವಹಣೆಗೂ ಅವಶ್ಯ.</p>

<p><strong>ಮಾನಸಿಕ ಆರೋಗ್ಯವನ್ನು ಸುಧಾರಿಸುತ್ತದೆ: </strong>ಸಾಮಾಜಿಕ ಮಾಧ್ಯಮ ಹಾಗೂ ಸ್ಕ್ರೀನ್‌ಟೈಮ್‌ನಿಂದ ಬೇರಾಗುವುದು ಮಾನಸಿಕ ಆರೋಗ್ಯ ಸುಧಾರಣೆಗೆ ಸಹಾಯ ಮಾಡುತ್ತದೆ.</p>

<p><strong>ಚರ್ಮದ ಆರೋಗ್ಯಕ್ಕೂ ಉತ್ತಮ:</strong> ಸ್ಕ್ರೀನ್‌ನ ಬೆಳಕು ಚರ್ಮದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಬಹುದು. ಆ ಕಾರಣಕ್ಕೆ ಸ್ಕ್ರೀನ್‌ ಟೈಮ್‌ನಿಂದ ವಿರಾಮ ಹೊಂದುವುದರಿಂದ ಚರ್ಮ ಮೇಲಾಗುವ ಹಾನಿಕಾರಕ ಪರಿಣಾಮವನ್ನು ನಿಯಂತ್ರಿಸುತ್ತದೆ.</p>

<p><strong>ಉತ್ತಮ ನಿದ್ದೆ: </strong>ಡಿಜಿಟಲ್‌ ಡಿಟಾಕ್ಸ್‌ನಿಂದ ಮೆದುಳು ನಿದ್ದೆಯ ಹಾರ್ಮೋನ್ ಮೆಲಟೋನಿನ್‌ ಅನ್ನು ಉತ್ಪಾದಿಸಲು ಸಹಾಯ ಮಾಡುತ್ತದೆ. ಇದು ಉತ್ತಮ ನಿದ್ದೆಗೆ ಸಹಾಯ ಮಾಡುತ್ತದೆ.</p>

<p><strong>ಸಾಮಾಜಿಕ ಸಂವಹನವನ್ನು ಸುಧಾರಿಸುತ್ತದೆ: </strong>ಇಂದು ಮೊಬೈಲ್‌, ವಾಟ್ಸ್‌ಆಪ್‌, ಜೀಮೇಲ್‌ನಂತಹ ಡಿಜಿಟಲ್‌ ಜಗತ್ತಿನಲ್ಲಿ ಚಾಟ್‌ ಹಾಗೂ ಫೋನ್‌ ಸಂವಹನಗಳಿಗೆ ಸೀಮಿತವಾಗಿದೆ. ಮನುಷ್ಯರು ಪರಸ್ಪರ ಭೇಟಿಯಾಗಿ ಸಂವಹನ ನಡೆಸುವುದು ಕಡಿಮೆಯಾಗಿದೆ. ಸಾಮಾಜಿಕವಾಗಿ ಬೆರೆಯಲು ಡಿಜಿಟಲ್‌ ಡಿಟಾಕ್ಸ್‌ ನೆರವಾಗುತ್ತದೆ.</p>

<p><strong>ಉತ್ಪಾದಕತೆಯನ್ನು ಹೆಚ್ಚಿಸುತ್ತದೆ: </strong>ಡಿಜಿಟಲ್‌ ಡಿಟಾಕ್ಸ್‌ ಎನ್ನುವುದು ತನ್ನ ಡಿಜಿಟಲ್‌ ಪ್ರಪಂಚದಿಂದ ವಿರಾಮ ಪಡೆಯಲು ನೆರವಾಗುತ್ತದೆ. ಅಲ್ಲದೆ ಮಾನಸಿಕ ಸಾಮರ್ಥ್ಯವನ್ನು ಹೆಚ್ಚಿಸಿ, ಉತ್ಪಾದಕತೆಯ ಮಟ್ಟ ಹೆಚ್ಚಲು ಇದು ನೆರವಾಗುತ್ತದೆ.</p>

<h2>ಡಿಜಿಟಲ್‌ ವಸ್ತುಗಳಿಂದ ದೂರಾದ ಸಮಯದಲ್ಲಿ ಹೀಗೆ ಮಾಡಿ</h2><p>ನಿರಂತರ ಬೀಪ್‌ ಸೌಂಡ್‌, ಪಿಂಗ್‌ ಮಾಡುವುದು ನಮ್ಮ ಗಮನವನ್ನು ಬೇರೆಡೆ ಸೆಳೆಯದಂತೆ ಮಾಡಿರುತ್ತವೆ. ಆದರೆ ಡಿಜಿಟಲ್‌ ಡಿಟಾಕ್ಸ್‌ ಹೊತ್ತಿನಲ್ಲಿ ನಾವು ಆತ್ಮವಿಮರ್ಶೆ ಮಾಡಿಕೊಳ್ಳಬೇಕು. ನಮ್ಮ ಹವ್ಯಾಸಗಳತ್ತ ಮನಸ್ಸನ್ನು ತೆರೆದುಕೊಳ್ಳಬೇಕು. ನಮ್ಮದಲ್ಲದ ಪ್ರಪಂಚದಲ್ಲಿ ಬದುಕುತ್ತಿದ್ದ ನಾವು ನಮ್ಮ ಸ್ವಂತ ಪ್ರಪಂಚವನ್ನು ಕಂಡುಕೊಳ್ಳಬೇಕು. ಈ ನಿಶ್ಚಲತೆಯ ಕ್ಷಣಗಳಲ್ಲಿ ನಾವು ಮರೆತುಹೋದ ಕನಸುಗಳನ್ನು ಪುನಃ ಕಂಡುಕೊಳ್ಳಬೇಕು.</p>

<p>* ಮೆರತು ಹೋದ ಹವ್ಯಾಸಗಳನ್ನು ಪುನಃ ನೆನಪಿಸಿಕೊಂಡು ಅದನ್ನು ಅನುಸರಿಸಿ.</p>

<p>* ಯೋಗ, ಏರೋಬಿಕ್‌, ವ್ಯಾಯಾಮದಂತಹ ದೈಹಿಕ ಚಟುವಟಿಕೆಯಲ್ಲಿ ತೊಡಗಿಕೊಳ್ಳಿ.</p>

<p>* ದೀರ್ಘಕಾಲದ ಸ್ನೇಹಿತರ ಜೊತೆ ಸಂಪರ್ಕ ಸಾಧಿಸಿ.</p>

<p>* ಪುಸ್ತಕ ಓದುವುದು, ಹೊಸ ಕಲೆಗಳನ್ನು ರೂಢಿಸಿಕೊಳ್ಳುವುದು ಇಂತಹವನ್ನು ಅಭ್ಯಾಸ ಮಾಡಿ.</p>

<p>* ಅಡುಗೆ ಮಾಡುವುದರಿಂದ ಒತ್ತಡ ನಿರ್ವಹಣೆ ಸಾಧ್ಯ. ಹೊಸ ಹೊಸ ಪಾಕವಿಧಾನವನ್ನು ಕಲಿಸಬಹುದು.</p>

<p>* ಒಂದು ಲಾಂಗ್ ವಾಕ್‌, ಸಣ್ಣ ಟ್ರಿಪ್‌ ಕೂಡ ಆಯೋಜಿಸಬಹುದು.</p>

<p>ಡಿಜಿಟಲ್ ಡಿಟಾಕ್ಸ್ ಅನುಭವವು ವರ್ಚುವಲ್ ಮತ್ತು ಭೌತಿಕ ಕ್ಷೇತ್ರಗಳ ನಡುವಿನ ಸೂಕ್ಷ್ಮ ಸಮತೋಲನದ ಜ್ಞಾಪನೆಯಾಗಿ ಕಾರ್ಯನಿರ್ವಹಿಸುತ್ತದೆ. ಇದು ನಮ್ಮ ಸಮಯ ಮತ್ತು ಗಮನದ ಮೇಲೆ ಹಿಡಿತ ಸಾಧಿಸಲು ನಮಗೆ ಅನುಮತಿಸುತ್ತದೆ, ಬುದ್ದಿಹೀನ ಸ್ಕ್ರೋಲಿಂಗ್‌ನಲ್ಲಿ ಅರ್ಥಪೂರ್ಣ ಅನುಭವಗಳನ್ನು ಆಯ್ಕೆ ಮಾಡಲು ನಮಗೆ ಅಧಿಕಾರ ನೀಡುತ್ತದೆ. ನಿಯತಕಾಲಿಕವಾಗಿ ಸ್ಕ್ರೀನ್‌ ಟೈಮ್‌ ಅನ್ನು ಅನ್‌ಪ್ಲಗ್‌ ಮಾಡುವ ಮೂಲಕ ಬದುಕಿನ ಸ್ಪಷ್ಟತೆ, ನಮ್ಮ ಕೆಲಸದ ಗುರಿಯು ಅರ್ಥವಾಗುತ್ತದೆ.</p>

Heart Attack in Children: ಹೃದಯಾಘಾತಕ್ಕೆ ಮತ್ತೊಂದು ಮಗು ಸಾವು; ಮಕ್ಕಳ ಹೃದಯ ಇಷ್ಟೇಕೆ ಬಲಹೀನ? ಮುನ್ನೆಚ್ಚರಿಕೆ ಹೇಗೆ? ಇಲ್ಲಿದೆ ವಿವರ

<p>ಕಳೆದ ಮೂರ್ನಾಲ್ಕು ವರ್ಷಗಳಿಂದ ಹೃದಯಾಘಾತದಿಂದ ಸಾವನ್ನಪ್ಪುತ್ತಿರುವ ಸಂಖ್ಯೆ ಹೆಚ್ಚಿದೆ. ಸೆಲೆಬ್ರಿಟಿಗಳು, ಸಿನಿಮಾ ನಟರು, ವೈದ್ಯರು ಕೂಡ ಹೃದಯಾಘಾತದಿಂದ ಮರಣ ಹೊಂದುತ್ತಿದ್ದಾರೆ. ಹೃದಯಾಘಾತ ಮಕ್ಕಳನ್ನೂ ಬಿಟ್ಟಿಲ್ಲ. ಕಳೆದೊಂದು ವರ್ಷದಿಂದ ರಾಜ್ಯದಲ್ಲಿ 10 ವರ್ಷಕ್ಕೂ ಕಡಿಮೆ ವಯಸ್ಸಿನ ಮಕ್ಕಳು ಹೃದಯಾಘಾತದಿಂದ ಮರಣ ಹೊಂದಿರುವ ಹಲವು ಘಟನೆಗಳು ವರದಿಯಾಗಿವೆ.</p>

<p>ಇದೀಗ 9 ವರ್ಷದ ಹುಡುಗನೊಬ್ಬ ಹೃದಯಘಾತದಿಂದ ಮೃತ ಪಟ್ಟಿರುವ ಘಟನೆ ದೊಡ್ಡಬಳ್ಳಾಪುರ ಜಿಲ್ಲೆಯಲ್ಲಿ ನಡೆದಿದೆ. ಇಲ್ಲಿನ ಮುತ್ಯಾಲಮ್ಮ ಜಾತ್ರೆಯಲ್ಲಿ ಕುಟುಂಬದವರೊಡನೆ ಖುಷಿದಿಂದ ನಲಿದಾಡಿದ್ದ, ಹುಡುಗ ಇದ್ದಕ್ಕಿದ್ದಂತೆ ಬಿದ್ದು ಸಾವನ್ನಪ್ಪಿದ್ದಾನೆ. ಹಿಂದೆ ಶಿವಮೊಗ್ಗ, ಕುಶಾಲನಗರದಲ್ಲೂ ಮಕ್ಕಳು ಹೃದಯಾಘಾತದಿಂದ ಮಕ್ಕಳು ಸಾವನ್ನಪ್ಪುತ್ತಿರುವ ಘಟನೆ ನಡೆದಿತ್ತು. ಇದು ನಿಜಕ್ಕೂ ಆತಂಕಕಾರಿ ವಿಷಯ. ಅಲ್ಲದೆ ಈ ಬಗ್ಗೆ ಸೂಕ್ತ ಗಮನ ಹರಿಸುವುದು ಅವಶ್ಯವಾಗಿದೆ. ಹಾಗಾದರೆ ಮಕ್ಕಳಲ್ಲಿ ಹೃದಯಾಘಾತ ಹೆಚ್ಚಲು ಕಾರಣವೇನು? ಹೃದಯಾಘಾತದ ಲಕ್ಷಣಗಳೇನು, ಮುನ್ನೆಚ್ಚರಿಕೆ ಕ್ರಮ ವಹಿಸುವುದು ಹೇಗೆ, ಹೃದಯಾಘಾತವಾದ ತಕ್ಷಣ ಏನು ಮಾಡಬೇಕು? ಈ ಕುರಿತ ವಿವರ ಇಲ್ಲಿದೆ.</p>

<h2>ಮಕ್ಕಳಲ್ಲಿ ಹೃದಯಾಘಾತವಾಗಲು ಕಾರಣಗಳು</h2><p>ಮಕ್ಕಳಲ್ಲಿ ಹೆಚ್ಚುತ್ತಿರುವ ಹೃದಯಾಘಾತ ಸಮಸ್ಯೆಗೆ ಸಾಮಾನ್ಯ ಕಾರಣ ಎಂದರೆ ಹುಟ್ಟಿನಿಂದಲೇ ಇರುವ ಹೃದಯ ಸಂಬಂಧಿ ಸಮಸ್ಯೆ (ಜನ್ಮಜಾತ ಹೃದಯದ ಸಮಸ್ಯೆ). ಇದರೊಂದಿಗೆ ಹೃದಯಾಘಾತಕ್ಕೆ ಕಾರಣವಾಗುವ ಇತರ ಅಂಶಗಳು ಹೀಗಿವೆ. ̇</p>

<p>* ಹೃದಯದ ಸ್ನಾಯುವಿನ ಖಾಯಿಲೆ ಅಥವಾ ಹೃದಯದ ಸ್ನಾಯುವಿನ ಹಿಗ್ಗುವಿಕೆ (ಕಾರ್ಡಿಯೊಮಿಯೊಪತಿ). ಇದು ಅನುವಂಶಿಕ ಕಾರಣವಾಗಿದೆ.</p>

<p>* ಹೃದಯಕ್ಕೆ ರಕ್ತ ಪೂರೈಕೆಯಲ್ಲಿ ಇಳಿಕೆ (ಇಷ್ಕೆಮಿಯಾ). ಮಕ್ಕಳಲ್ಲಿ ಇದು ಅಪರೂಪ</p>

<p>* ಹೃದಯ ಕವಾಟಕ್ಕೆ ಸಂಬಂಧಿಸಿದ ತೊಂದರೆಗಳು </p>

<p>* ಅನಿಯಮಿತ ಹೃದಯ ಬಡಿತ </p>

<p>* ಕೆಂಪು ರಕ್ತ ಕಣಗಳ ಕೊರತೆ (ರಕ್ತಹೀನತೆ)</p>

<p>* ಔಷಧದ ಅಡ್ಡಪರಿಣಾಮಗಳು, ವಿಶೇಷವಾಗಿ ಕ್ಯಾನ್ಸರ್ ಚಿಕಿತ್ಸೆಗೆ ಬಳಸುವ ಔಷಧಿಗಳಿಂದ</p>

<p>ಇದಲ್ಲದೆ ಬೊಜ್ಜು ಹಾಗೂ ಒಡ ಜೀವನಶೈಲಿ ಕೂಡ ಮಕ್ಕಳಲ್ಲಿ ಹೃದಯಾಘಾತ ಸಮಸ್ಯೆ ಹೆಚ್ಚಲು ಕಾರಣವಾಗಿದೆ. </p>

<h2>ಮಕ್ಕಳಲ್ಲಿ ಹೃದಯಾಘಾತದ ಲಕ್ಷಣಗಳು </h2><p>ಪ್ರತಿ ಮಗುವಿನಲ್ಲಿ ರೋಗಲಕ್ಷಣಗಳು ವಿಭಿನ್ನವಾಗಿ ಇರಬಹುದು. ಆದರೆ ಇವು ಸಾಮಾನ್ಯ ಲಕ್ಷಣಗಳಾಗಿವೆ. </p>

<p>* ಪಾದಗಳು, ಕಣಕಾಲುಗಳು, ಕೆಳ ಕಾಲುಗಳು, ಹೊಟ್ಟೆ, ಯಕೃತ್ತು ಮತ್ತು ಕುತ್ತಿಗೆಯ ನಾಳಗಳಲ್ಲಿ ಊತ (ಎಡಿಮಾ)</p>

<p>* ಉಸಿರಾಟದ ತೊಂದರೆ. ವಿಶೇಷವಾಗಿ ಉಸಿರಾಟದ ಏರಿಳಿತ, ಉಬ್ಬಸ ಅಥವಾ ಅತಿಯಾದ ಕೆಮ್ಮು ಸೇರಿದಂತೆ ಉಸಿರಾಟಕ್ಕೆ ಸಂಬಂಧಿಸಿದ ಸಮಸ್ಯೆ. </p>

<p>* ಸುಸ್ತಾಗುವುದು ಅಥವಾ ನಿತ್ರಾಣಗೊಳ್ಳುವುದು </p>

<p>* ತಿನ್ನುವಾಗ, ಆಟವಾಡುವಾಗ ಅಥವಾ ವ್ಯಾಯಾಮ ಮಾಡುವಾಗ ಅತಿಯಾಗಿ ಬೆವರುವುದು</p>

<p>ರೋಗಲಕ್ಷಣಗಳು ಎಷ್ಟು ತೀವ್ರವಾಗಿರುತ್ತವೆ ಎಂಬುದು ಹೃದಯದ ಪಂಪ್ ಸಾಮರ್ಥ್ಯವು ಎಷ್ಟು ಪರಿಣಾಮ ಬೀರುತ್ತದೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ.</p>

<p>ಕೆಲವೊಮ್ಮೆ ಹೃದಯಾಘಾತದ ಲಕ್ಷಣಗಳು ಮೇಲ್ನೋಣಕ್ಕೆ ತಿಳಿಯದೇ ಇರಬಹುದು. ಹಾಗಾಗಿ ಸಮಯಕ್ಕೆ ಸರಿಯಾಗಿ ತಜ್ಞರ ವೈದ್ಯರ ಬಳಿ ಪರೀಕ್ಷೆ ಮಾಡಿಸುವುದು ಉತ್ತಮ. </p>

<h2>ಮುನ್ನೆಚ್ಚರಿಕಾ ಕ್ರಮ</h2><p>ಸರಿಯಾದ ಆಹಾರವನ್ನು ತಿನ್ನದೆ, ಜಂಕ್‌ ಫುಡ್‌ಗಳನ್ನೇ ಹೆಚ್ಚು ತಿನ್ನುತ್ತಾ ಮೊಬೈಲ್‌, ಲ್ಯಾಪ್‌ಟಾಪ್‌ ಮುಂದೆ ಗಂಟೆಗಟ್ಟಲೆ ಕುಳಿತುಕೊಳ್ಳುವ ಮಕ್ಕಳಲ್ಲಿ, ಚಯಾಪಚಯ ದರವು ಕ್ಷೀಣಿಸುತ್ತದೆ. ಈ ಹೈಪೊಗ್ಲಿಸಿಮಿಯಾವು ಹೃದಯದ ಸಮಸ್ಯೆಗಳನ್ನು ಹೆಚ್ಚಿಸಲು ಕಾರಣವಾಗಬಹುದು.</p>

<p>ರಾತ್ರಿ ತಡವಾಗಿ ಮಲಗುವುದು, ಮೊಬೈಲ್ ಬಳಸುವುದು, ಅದರಲ್ಲಿ ಗೇಮ್ ಆಡುವುದು, ಬೆಳಗ್ಗೆ ಬೇಗ ಏಳುವುದು ಇವೆಲ್ಲವೂ ಕಾಯಿಲೆಗಳಿಗೆ ಕಾರಣ. ಇದರೊಂದಿಗೆ ಸ್ಥೂಲಕಾಯದ ಸಮಸ್ಯೆಯೂ ಮಕ್ಕಳಲ್ಲಿ ಹೃದಯಾಘಾತಕ್ಕೆ ಕಾರಣವಾಗುತ್ತದೆ. ಆದ್ದರಿಂದ ಪೋಷಕರು ಮಕ್ಕಳ ಈ ಅಭ್ಯಾಸಗಳ ಬಗ್ಗೆ ಗಮನಹರಿಸಬೇಕು.</p>

<p>ಮೊಬೈಲ್‌, ಕಂಪ್ಯೂಟರ್‌ನಿಂದ ದೂರ ಇರುವಂತೆ ನೋಡಿಕೊಳ್ಳಿ. ಅದರ ಬದಲಿಗೆ ಗ್ರೌಂಡ್‌ನಲ್ಲಿ ಸ್ನೇಹಿತರೊಂದಿಗೆ ಆಟವಾಡಲು ಕಳಿಸಿ.</p>

<p>ಮಕ್ಕಳು ತಿನ್ನುವ ಆಹಾರದಿಂದ ಕೂಡಾ ಸಮಸ್ಯೆ ಹೆಚ್ಚು. ಇಂದಿನ ಮಕ್ಕಳು ಹೆಚ್ಚು ಜಂಕ್‌ ಫುಡ್‌ಗಳನ್ನು ಇಷ್ಟಪಟ್ಟು ತಿನ್ನುತ್ತಾರೆ. ಇದು ಅವರ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ಆದ್ದರಿಂದ ಹೆತ್ತವರು ಮಕ್ಕಳ ದೈಹಿಕ ಸಾಮರ್ಥ್ಯದ ಬಗ್ಗೆ ಕೂಡಾ ಗಮನ ಹರಿಸಬೇಕು.</p>

<p>ಮಕ್ಕಳಿಗೆ ಸಾಧ್ಯವಾದಷ್ಟು ಮನೆಯಲ್ಲಿ ತಯಾರಿಸಿದ ಆಹಾರವನ್ನು ನೀಡಬೇಕು. ಹೊರಗೆ ಹೋಗಬೇಕಾಗಿ ಬಂದಾಗಿ ಅಪರೂಪಕ್ಕೆ ಹೊರಗಿನ ಆಹಾರ ಸೇವಿಸಿದರೆ ಏನೂ ಸಮಸ್ಯೆ ಇಲ್ಲ. ಆದರೆ ಪ್ರತಿದಿನ ತಿನ್ನುವುದರಿಂದ ಮಕ್ಕಳ ದೇಹದಲ್ಲಿ ಬೊಜ್ಜು ಹೆಚ್ಚಾಗಿ ಸ್ಥೂಲಕಾಯತೆ ಸಮಸ್ಯೆ ಹೆಚ್ಚಾಗುತ್ತದೆ. ಆದ್ದರಿಂದ ಪೋಷಕರಿಗೆ ಇದರ ಬಗ್ಗೆ ಹೆಚ್ಚಿನ ಗಮನ ಇರಬೇಕು.</p>

<h2>ಹೃದಯಾಘಾತವನ್ನು ಕಂಡುಹಿಡಿಯುವುದು ಹೇಗೆ? </h2><p>ರಕ್ತ ಮತ್ತು ಮೂತ್ರ ಪರೀಕ್ಷೆಗಳು. ಅಸಹಜ ಫಲಿತಾಂಶಗಳು ಹೃದಯ ವೈಫಲ್ಯವನ್ನು ಕಂಡುಹಿಡಿಯಲು ಸಹಾಯ ಮಾಡಬಹುದು.</p>

<p>ಎದೆಯ ಕ್ಷ - ಕಿರಣ. ಎಕ್ಸ್-ರೇ ಹೃದಯ ಮತ್ತು ಶ್ವಾಸಕೋಶದ ಬದಲಾವಣೆಗಳನ್ನು ತೋರಿಸಬಹುದು.</p>

<p>ಎಲೆಕ್ಟ್ರೋಕಾರ್ಡಿಯೋಗ್ರಫಿ (ECG). ಇಸಿಜಿ ಹೃದಯದ ಲಯದಲ್ಲಿ ಬದಲಾವಣೆಗಳನ್ನು ತೋರಿಸಬಹುದು.</p>

<p>ಎಕೋಕಾರ್ಡಿಯೋಗ್ರಫಿ (ಪ್ರತಿಧ್ವನಿ). ಹೃದಯದ ಕೋಣೆಗಳು ಮತ್ತು ಕವಾಟಗಳ ಚಲನೆಯನ್ನು ಅಧ್ಯಯನ ಮಾಡಲು ಅಲ್ಟ್ರಾಸೌಂಡ್ ತರಂಗಗಳನ್ನು ಬಳಸಲಾಗುತ್ತದೆ. ಪ್ರತಿಧ್ವನಿಯು ಹೃದಯ ವೈಫಲ್ಯದಿಂದ ಉಂಟಾದ ಬದಲಾವಣೆಗಳನ್ನು ತೋರಿಸಬಹುದು ಉದಾಹರಣೆಗೆ ವಿಸ್ತರಿಸಿದ ಕೋಣೆಗಳು.</p>

<p>ಹೃದಯ ಕ್ಯಾತಿಟೆರೈಸೇಶನ್. ವೈದ್ಯರು ಚಿಕ್ಕದಾದ, ಹೊಂದಿಕೊಳ್ಳುವ ಟ್ಯೂಬ್ (ಕ್ಯಾತಿಟರ್) ಅನ್ನು ರಕ್ತನಾಳಕ್ಕೆ ಹಾಕುತ್ತಾರೆ ಮತ್ತು ಅದನ್ನು ಹೃದಯಕ್ಕೆ ಚಲಿಸುತ್ತಾರೆ. ಇದು ಹೃದಯದೊಳಗಿನ ಒತ್ತಡ ಮತ್ತು ಆಮ್ಲಜನಕದ ಮಟ್ಟವನ್ನು ಅಳೆಯುತ್ತದೆ.</p>

<h2>ಹೃದಯಾಘಾತವಾದ ತಕ್ಷಣ ಏನು ಮಾಡಬೇಕು? </h2><p>ಮಗು ಪ್ರಜ್ಞಾಹೀನವಾಗಿದ್ದರೆ ಮತ್ತು ಪ್ರತಿಕ್ರಿಯಿಸದಿದ್ದರೆ, ಉಸಿರಾಟ ನಿಂತಿದೆ ಅನ್ನಿಸಿದರೆ, ನಾಡಿಮಿಡಿತ ಸ್ತಬ್ಧವಾಗಿದ್ದರೆ, 911 ಅಥವಾ ಸ್ಥಳೀಯ ತುರ್ತು ಸಂಖ್ಯೆಗೆ ಕರೆ ಮಾಡಿ. ತಕ್ಷಣಕ್ಕೆ ಸಿಪಿಆರ್‌ ಮಾಡುವುದು ಬಹಳ ಅವಶ್ಯ. ಜೊತೆಗೆ ಸ್ವಲ್ಪ ತಡ ಮಾಡದೇ ಹತ್ತಿರದಲ್ಲಿರುವ ಆಸ್ಪತ್ರೆಗೆ ಕರೆದುಕೊಂಡು ಹೋಗಬೇಕು. </p>

<ul><li>ಇತ್ತೀಚೆಗೆ ಮಕ್ಕಳಲ್ಲಿ ಹೃದಯಾಘಾತದ ಸಮಸ್ಯೆ ಹೆಚ್ಚುತ್ತಿದೆ. 10 ವರ್ಷದ ಒಳಗಿನ ಮಕ್ಕಳು ಹೃದಯಾಘಾತಕ್ಕೆ ಬಲಿಯಾಗುತ್ತಿದ್ದಾರೆ. ಕಳೆದ ರಾತ್ರಿ ದೊಡ್ಡಬಳ್ಳಾಪುರದಲ್ಲಿ 9 ವರ್ಷದ ಬಾಲಕ ಹೃದಯಾಘಾತದಿಂದ ಸಾವನ್ನಪ್ಪಿರುವ ಘಟನೆ ವರದಿಯಾಗಿದೆ. ಹಾಗಾದರೆ ಮಕ್ಕಳಲ್ಲಿ ಹೆಚ್ಚುತ್ತಿರುವ ಹೃದಯಾಘಾತಕ್ಕೆ ಕಾರಣವೇನು, ಮುನ್ನೆಚ್ಚರಿಕೆ ವಹಿಸುವುದು ಹೇಗೆ ಈ ಕುರಿತ ಲೇಖನ ಇಲ್ಲಿದೆ.&nbsp;</li></ul>

Shweta Tiwari: ಘಾಗ್ರಾ ಚೋಲಿಯಲ್ಲಿ ಮಿಂಚಿದ ಶ್ವೇತಾ ತಿವಾರಿ; 42ರ ಹರೆಯದ ಬೆಡಗಿಯ ಹಾಟ್‌ ಪೋಸ್‌ ನೋಡಿ ಬೆರಗಾದ್ರು ಅಭಿಮಾನಿಗಳು

<ul><li>42ರ ಹರೆಯದ ಹಿಂದಿ ಕಿರುತೆರೆ ನಟಿ ಶ್ವೇತಾ ತಿವಾರಿ ತಮ್ಮ ಅನುಪಮ ಸೌಂದರ್ಯದ ಮೂಲಕ ಅಭಿಮಾನಿಗಳ ಮೆಚ್ಚುಗೆ ಪಡೆದಿದ್ದಾರೆ. ಎರಡು ಮಕ್ಕಳ ತಾಯಿಯಾಗಿರುವ ಈ ಬೆಡಗಿ ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ಅಲ್ಲದೆ ತಮ್ಮ ಹಾಟ್‌ ಹಾಟ್‌ ಫೋಟೊಗಳನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳನ್ನು ಖುಷಿ ಪಡಿಸುತ್ತಾರೆ.&nbsp;</li></ul>

Doddaballapura News: ಜಾತ್ರೆಗೆ ಬಂದಿದ್ದ ಏರ್‌ ಬಲೂನ್‌ನಲ್ಲಿ ಜಿಗಿದಾಡುತ್ತಿದ್ದ 9 ವರ್ಷದ ಬಾಲಕ ನಿತ್ರಾಣಗೊಂಡು ಸಾವು, ಹೃದಯಾಘಾತ ಶಂಕೆ

<p><strong>ದೊಡ್ಡಬಳ್ಳಾಪುರ:</strong> ಇತ್ತೀಚಿಗೆ ಹೃದಯಾಘಾತದಿಂದ ಸಾವನ್ನಪ್ಪುವವರ ಸಂಖ್ಯೆ ಹೆಚ್ಚುತ್ತಿದೆ. ಕೆಲ ದಿನಗಳ ಹಿಂದೆಯಷ್ಟೇ ಖ್ಯಾತ ನೇತ್ರತಜ್ಞ ಡಾ. ಭುಜಂಗ ಶೆಟ್ಟಿ ಹೃದಯಾಘಾತದಿಂದ ಮರಣ ಹೊಂದಿದ್ದರು. ಹೃದಯಾಘಾತ ಮಕ್ಕಳನ್ನೂ ಬಿಟ್ಟಿಲ್ಲ.</p>

<p>ಬೌನ್ಸಿ ಬಲೂನ್‌ನಲ್ಲಿ ಆಟವಾಡುತ್ತಿದ್ದ 9 ವರ್ಷದ ಬಾಲಕ ಕುಸಿದು ಬಿದ್ದು ಸಾವನ್ನಪ್ಪಿದ ಘಟನೆ ನಿನ್ನೆ ದೊಡ್ಡಬಳ್ಳಾಪುರದಲ್ಲಿ ನಡೆದಿದೆ. ನಿನ್ನೆ ನಡೆದ ಮುತ್ಯಾಲಮ್ಮ ಜಾತ್ರೆಯಲ್ಲಿ ಭಾಗವಹಿಸಿದ್ದ ಬಾಲಕ, ಮನೋರಂಜನಾ ಕ್ರೀಡೆಗಳಲ್ಲಿ ಭಾಗವಹಿಸಿದ್ದ. ಈ ಹುಡುಗನ ಸಾವು ಮನೆಯವರು ಮಾತ್ರವಲ್ಲ ಜಾತ್ರೆಯಲ್ಲಿ ನೆನೆದವರನ್ನೂ ಆತಂಕಕ್ಕೆ ದೂಡಿತ್ತು. ಅಲ್ಲದೆ ಜಾತ್ರೆಯಲ್ಲಿ ಸೂತಕದ ಕಳೆ ಆವರಿಸಿತ್ತು.</p>

<p>ದೊಡ್ಡಬಳ್ಳಾಪುರ ಶಾಂತಿನಗರ ನಿವಾಸಿ ಮಂಜುನಾಥ್‌ ಅವರ ಪುತ್ರ ಶ್ರೇಯಸ್‌ ಮೃತ ಬಾಲಕ. ಈತ ನಗರದ ಸರಸ್ವತಿ ಶಾಲೆಯಲ್ಲಿ 6 ತರಗತಿ ಓದುತ್ತಿದ್ದಾನೆ. ಮನೆಯವರೊಂದಿಗೆ ಸಂತಸದಿಂದಲೇ ಜಾತ್ರೆಯಲ್ಲಿ ಪಾಲ್ಗೊಂಡಿದ್ದ ಶ್ರೇಯಸ್‌. ಜಾತ್ರೆಯಲ್ಲಿ ರೋಲರ್‌, ಜೈಂಟ್‌ ವೀಲ್‌ ಸೇರಿದಂತೆ ಸಾಕಷ್ಟು ಮನೋರಂಜನಾ ಕ್ರೀಡೆಗಳಿದ್ದವು. ಮೊದಲು ಇದರಲ್ಲಿ ಆಟವಾಡಿದ್ದ ಶ್ರೇಯಸ್‌ ನಂತರ ಬೌನ್ಸಿ ಬಲೂನ್‌ನಲ್ಲಿ ಆಟವಾಡಲು ಹೋಗಿದ್ದ. ಮಕ್ಕಳೊಂದಿಗೆ ಸೇರಿ ಖುಷಿಯಿಂದ ಕುಣಿದು ಕುಪ್ಪಳಿಸುತ್ತಿದ್ದ ಶ್ರೇಯಸ್‌ ಇದ್ದಕ್ಕಿದ್ದಂತೆ ನಿತ್ರಾಣಗೊಂಡು, ಪ್ರಜ್ಞೆ ಕಳೆದುಕೊಂಡು ಬಿದ್ದಿದ್ದ. ತಕ್ಷಣಕ್ಕೆ ಅವನನ್ನು ಆಸ್ಪತ್ರೆಗೆ ಸಾಗಿಸಿದ್ದರೂ ಅವನು ಮಾರ್ಗ ಮಧ್ಯದಲ್ಲೇ ಸಾವನ್ನಪ್ಪಿದ್ದ.</p>

<h2>ಹೃದಯಾಘಾತ ಶಂಕೆ</h2><p>ಶ್ರೇಯಸ್‌ ಸಾವಿಗೆ ಕಾರಣ ಎನು ಎಂಬುದು ನಿಖರವಾಗಿ ತಿಳಿದುಬಂದಿಲ್ಲ. ಬಿಪಿ ಲೋ ಆಗಿ ಹೃದಯಾಘಾತದಿಂದ ಮರಣ ಹೊಂದಿರಬಹುದು ಎಂದು ಶಂಕಿಸಲಾಗಿದೆ.</p>

<h2>ಮಾಧ್ಯಮದವರ ಮೇಲೆ ಶ್ರೇಯಸ್‌ ತಂದೆ ಆಕ್ರೋಶ</h2><p>ʼನನ್ನ ಮಗನಿಗೆ ಯಾವುದೇ ಆರೋಗ್ಯ ಸಮಸ್ಯೆ ಇರಲಿಲ್ಲ. ಅವನು ಆಟವಾಡಿ, ಕುಣಿಯುವಾಗ ಲೋ ಬಿಪಿಯಾಗಿ ನಿತ್ರಾಣಗೊಂಡಿದ್ದ. ನನ್ನ ಗೆಳೆಯರು ಅವನನ್ನು ಆಸ್ಪತ್ರೆಗೆ ಸೇರಿಸಿದ್ದರು. ಆದರೆ ಆತ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದ. ಆದರೆ ಕೆಲ ಮಾಧ್ಯಮಗಳು ಮನೆಗೆ ಬಂದ ಮೇಲೆ ಮೃತಪಟ್ಟಿದ್ದಾನೆ ಎಂದು ಸುಳ್ಳು ಸುದ್ದಿಯನ್ನು ಬಿತ್ತರಿಸಿವೆʼ ಎಂದು ಆರೋಪಿಸಿ, ಆಕ್ರೋಶ ಹೊರ ಹಾಕಿದ್ದಾರೆ.</p>

<p>ಸಾವಿರಾರು ಜನ ಸೇರುವ ಜಾತ್ರೆಯಲ್ಲಿ ಯಾವುದೇ ಮುಂಜಾಗತ್ರ ಕ್ರಮ ವಹಿಸಿದೇ ಇರುವ ಕಾರಣದಿಂದ ದೇವಸ್ಥಾನದ ಸೇವಾಸಮಿತಿ ಹಾಗೂ ಆಟಗಳ ಆಯೋಜಕರ ಮೇಲೆ ಆಕ್ರೋಶ ವ್ಯಕ್ತವಾಗಿದೆ. ಘಟನೆಗೆ ಸಂಬಂಧಿಸಿ ಪೊಲೀಸರಿಗೆ ದೂರು ಕೊಡಲು ಬಾಲಕನ ಪೋಷಕರು ನಿರಾಕರಿಸಿದ್ದಾರೆ. </p>

<ul><li>ಜಾತ್ರೆಯಲ್ಲಿ ಏರ್‌ ಬಲೂನ್‌ನಲ್ಲಿ ಆಟವಾಡುತ್ತಿದ್ದ 9 ವರ್ಷದ ಬಾಲಕ ಕುಸಿದು ಬಿದ್ದು ಸಾವನ್ನಪ್ಪಿದ ಘಟನೆ ದೊಡ್ಡಬಳ್ಳಾಪುರದಲ್ಲಿ ನಡೆದಿದೆ. ಕಳೆದ ರಾತ್ರಿ ನಗರದಲ್ಲಿ ನಡೆದ ಮುತ್ಯಾಲಮ್ಮ ಜಾತ್ರೆಯಲ್ಲಿ ಈ ಘಟನೆ ನಡೆದಿದೆ. ಲೋ ಬಿಪಿ ಕಾರಣದಿಂದ ಹೃದಯಾಘಾತವಾಗಿ ಸಾವನ್ನಪ್ಪಿರಬಹುದು ಎಂದು ಶಂಕಿಸಲಾಗಿದೆ.&nbsp;</li></ul>

Reshma