ಕನ್ನಡ ಸುದ್ದಿ  /  ಕ್ರಿಕೆಟ್  /  7 ಪಂದ್ಯಗಳಲ್ಲಿ 6 ಸೋತು ಎಲಿಮಿನೇಷನ್ ಭೀತಿಗೆ ಸಿಲುಕಿದ ಆರ್​ಸಿಬಿಗೆ ಇನ್ನೂ ಇದೆ ಪ್ಲೇಆಫ್ ಅವಕಾಶ; ಹೇಗಂತೀರಾ?

7 ಪಂದ್ಯಗಳಲ್ಲಿ 6 ಸೋತು ಎಲಿಮಿನೇಷನ್ ಭೀತಿಗೆ ಸಿಲುಕಿದ ಆರ್​ಸಿಬಿಗೆ ಇನ್ನೂ ಇದೆ ಪ್ಲೇಆಫ್ ಅವಕಾಶ; ಹೇಗಂತೀರಾ?

RCB Playoff : 17ನೇ ಆವೃತ್ತಿಯ ಐಪಿಎಲ್​ನಲ್ಲಿ ಆಡಿರುವ 7 ಪಂದ್ಯಗಳಲ್ಲಿ 6 ಸೋತಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಇನ್ನೂ ಇದೆ ಪ್ಲೇಆಫ್ ಪ್ರವೇಶಿಸಲು ಅವಕಾಶ? ಹೇಗಂತೀರಾ ಇಲ್ಲಿದೆ ವಿವರ.

7 ಪಂದ್ಯಗಳಲ್ಲಿ 6 ಸೋತಿರುವ ಆರ್​ಸಿಬಿಗೆ ಇನ್ನೂ ಇದೆ ಪ್ಲೇಆಫ್ ಅವಕಾಶ
7 ಪಂದ್ಯಗಳಲ್ಲಿ 6 ಸೋತಿರುವ ಆರ್​ಸಿಬಿಗೆ ಇನ್ನೂ ಇದೆ ಪ್ಲೇಆಫ್ ಅವಕಾಶ

17ನೇ ಆವೃತ್ತಿಯ ಐಪಿಎಲ್​ ಸೀಸನ್​ನಲ್ಲಿ ಆರ್​ಸಿಬಿ ಸಂದಿಗ್ಧ ಪರಿಸ್ಥಿತಿಗೆ ಸಿಲುಕಿದೆ. ಫಾಫ್ ಡು ಪ್ಲೆಸಿಸ್ ನೇತೃತ್ವದ ಬೆಂಗಳೂರು ತಂಡವು ತನ್ನ ಮೊದಲ ಗೆಲುವಿನ ನಂತರ ಸತತ 5 ಪಂದ್ಯಗಳಲ್ಲಿ ಹೀನಾಯ ಸೋಲನುಭವಿಸಿದೆ. ಒಟ್ಟಾರೆ 7ರಲ್ಲಿ 6 ಪಂದ್ಯಗಳಲ್ಲಿ ಮುಗ್ಗರಿಸಿದೆ. ಏಪ್ರಿಲ್ 15ರ ಸೋಮವಾರ ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ಸನ್​ರೈಸರ್ಸ್ ಹೈದರಾಬಾದ್ ವಿರುದ್ಧವೂ ಆರ್​ಸಿಬಿ ಶರಣಾಯಿತು. ಇದರಿಂದ ಪ್ಲೇಆಫ್ ಕನಸು ಮತ್ತಷ್ಟು ಕಠಿಣವಾಗುವಂತೆ ಮಾಡಿದೆ. ಒಂದೊಂದು ಪಂದ್ಯವು ಸೆಮಿಫೈನಲ್ ಆಗಿದೆ.

ಟ್ರೆಂಡಿಂಗ್​ ಸುದ್ದಿ

ಆಡಿರುವ 7 ಪಂದ್ಯಗಳಲ್ಲಿ 6 ಪಂದ್ಯಗಳನ್ನು ಸೋತರೂ ಆರ್​​ಸಿಬಿಗೆ ಇನ್ನೂ ಪ್ಲೇಆಫ್ ಪ್ರವೇಶಿಸಲು ಅವಕಾಶ ಇದೆ. 2024ರ ಶ್ರೀಮಂತ ಲೀಗ್​​ನಲ್ಲಿ ಒಂದು ಪಂದ್ಯವನ್ನಷ್ಟೇ ಗೆದ್ದಿರುವ ಆರ್​ಸಿಬಿ, ಪಾಯಿಂಟ್ಸ್ ಟೇಬಲ್​ನಲ್ಲಿ 10ನೇ ಸ್ಥಾನ ಪಡೆದಿದೆ. ತಂಡ ಕೊನೆಯಲ್ಲಿದ್ದರೂ ವಿರಾಟ್ ಕೊಹ್ಲಿ ಉತ್ತಮ ಪ್ರದರ್ಶನ ನೀಡಿರುವುದು ವಿಶೇಷ. ಅಲ್ಲದೆ, ಆರೆಂಜ್ ಕ್ಯಾಪ್​ ಹೋಲ್ಡರ್​ ಕೂಡ ಆಗಿದ್ದಾರೆ. ಸದ್ಯ ಆರ್​ಸಿಬಿ ಪ್ಲೇಆಫ್ ಕನಸು ಗಗನಕುಸುಮವಾಗಿದ್ದರೂ ಇನ್ನೂ ಅವಕಾಶ ಇದೆ. ಎಲಿಮೇಷನ್ ಭೀತಿಗೆ ಸಿಲುಕಿರುವ ಆರ್​ಸಿಬಿಗೆ ಪ್ಲೇಆಫ್ ಅವಕಾಶ ಹೇಗಿದೆ ಎಂಬುದನ್ನು ಈ ಮುಂದೆ ನೋಡೋಣ.

ರಾಯಲ್ ಚಾಲೆಂಜರ್ಸ್ ಇನ್ನೂ 7 ಪಂದ್ಯಗಳನ್ನು ಆಡಬೇಕಿದೆ. ತನ್ನ ಅಂಕಪಟ್ಟಿಯಲ್ಲಿ 2 ಅಂಕ ಮಾತ್ರ ಪಡೆದಿದೆ. ನೆಟ್​ರನ್ ರೇಟ್ -1.185 ಹೊಂದಿದೆ. ತಾನು ಪ್ಲೇಆಫ್ ಪ್ರವೇಶಿಸಲು 16 ಅಂಕ ಸಂಪಾದಿಸಬೇಕು. ಅಲ್ಲದೆ, ನೆಟ್ ರನ್ ರೇಟ್ ಅನ್ನು ಇನ್ನಷ್ಟು ಹೆಚ್ಚಿಸಿಕೊಳ್ಳಬೇಕು. ಸದ್ಯದ ಮಟ್ಟಿಗೆ ಡೇಂಜರ್​ಝೋನ್​ನಲ್ಲಿರುವ ಆರ್​ಸಿಬಿ, ಉಳಿದ ಎಲ್ಲಾ ಪಂದ್ಯಗಳಲ್ಲಿ ಭರ್ಜರಿ ಗೆಲುವು ಸಾಧಿಸಿಬೇಕು. ಒಂದು ಪಂದ್ಯ ಸೋತರೂ 17ನೇ ಆವೃತ್ತಿಯ ಐಪಿಎಲ್​ನಲ್ಲಿ ಎಲಿಮಿನೇಷನ್ ಆಗುವ ಮೊದಲ ತಂಡ ಎಂಬ ಕುಖ್ಯಾತಿಗೆ ಒಳಗಾಗಲಿದೆ. 7ಕ್ಕೆ 7 ಗೆಲ್ಲಲೇಬೇಕು ಮತ್ತು ನೆಟ್ ರನ್ ರೇಟ್ ಅನ್ನೂ ಹೆಚ್ಚಿಸಿಕೊಳ್ಳುವುದು ಆರ್​ಸಿಬಿ ಮುಂದಿರುವ ದೊಡ್ಡ ಸವಾಲಾಗಿದೆ. ಆದರೆ ಇದು ಅಸಾಧ್ಯವೂ ಅಲ್ಲ.

ಆರ್​ಸಿಬಿ ಮುಂದಿನ ಪಂದ್ಯಗಳುಸ್ಥಳದಿನಾಂಕ
ಕೆಕೆಆರ್​ VS ಆರ್​ಸಿಬಿಕೋಲ್ಕತ್ತಾಏಪ್ರಿಲ್ 21
ಎಸ್​ಆರ್​ಹೆಚ್ VS ಆರ್​ಸಿಬಿಹೈದರಾಬಾದ್ಏಪ್ರಿಲ್ 25
ಜಿಟಿ VS ಆರ್​ಸಿಬಿಅಹಮದಾಬಾದ್ಏಪ್ರಿಲ್ 28
ಆರ್​ಸಿಬಿ VS ಜಿಟಿಬೆಂಗಳೂರುಮೇ 4
ಪಿಬಿಕೆಎಸ್ VS ಆರ್​ಸಿಬಿಧರ್ಮಶಾಲಾಮೇ 9
ಆರ್​ಸಿಬಿ VS ಡಿಸಿಬೆಂಗಳೂರುಮೇ 12
ಆರ್​ಸಿಬಿ VS ಸಿಎಸ್​ಕೆಬೆಂಗಳೂರುಮೇ 18

ಸನ್​ರೈಸರ್ಸ್ ಹೈದರಾಬಾದ್ ವಿರುದ್ಧ ಅಬ್ಬರಿಸಿದ ರೀತಿಯಲ್ಲೇ ಟೂರ್ನಿಯ ಆರಂಭದಿಂದಲೂ ಆಡಿದ್ದರೆ, ಕನಿಷ್ಠ ಪಕ್ಷ ಮೂರು ಪಂದ್ಯಗಳನ್ನಾದರೂ ಜಯದ ನಗೆ ಬೀರುತ್ತಿದ್ದರು. ಆಗ ಪ್ಲೇಆಫ್​ಗೆ ಹೆಚ್ಚು ಸಂಕಷ್ಟಕ್ಕೆ ಸಿಲುಕುವ ಫಜೀತಿಗೆ ಸಿಲುಕುತ್ತಿರಲಿಲ್ಲ. ಆದರೀಗ ತನ್ನ ಗೆಲುವುಗಳ ಜೊತೆಗೆ ಇತರೆ ತಂಡಗಳ ಸೋಲುಗಳಿಗಾಗಿ ಪ್ರಾರ್ಥನೆ ನಡೆಸಬೇಕಿದೆ. ನೆಟ್ ರನ್ ರೇಟ್ ಸುಧಾರಿಸಬೇಕಿದೆ. ಆರ್​ಸಿಬಿ ತನ್ನ ಮುಂದಿನ ಪಂದ್ಯದಲ್ಲಿ ಏಪ್ರಿಲ್ 21ರಂದು ಭಾನುವಾರ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಆಡಬೇಕಿದೆ.

ಕ್ರ.ಸಂತಂಡಪಂದ್ಯಗೆಲುವುಸೋಲುಅಂಕNRR
1ರಾಜಸ್ಥಾನ್ ರಾಯಲ್ಸ್76112+0.677
2ಕೋಲ್ಕತ್ತಾ ನೈಟ್ ರೈಡರ್ಸ್6428+1.399
3ಚೆನ್ನೈ ಸೂಪರ್ ಕಿಂಗ್ಸ್6428+0.726
4ಸನ್ ರೈಸರ್ಸ್ ಹೈದರಾಬಾದ್6428+0.502
5ಲಕ್ನೋ ಸೂಪರ್ ಜೈಂಟ್ಸ್6336+0.038
6ಡೆಲ್ಲಿ ಕ್ಯಾಪಿಟಲ್ಸ್7346-0.074
7ಗುಜರಾತ್ ಟೈಟಾನ್ಸ್7346-1.303
8ಪಂಜಾಬ್ ಕಿಂಗ್ಸ್6244-0.218
8ಮುಂಬೈ ಇಂಡಿಯನ್ಸ್6244-0.234
10ರಾಯಲ್ ಚಾಲೆಂಜರ್ಸ್ ಬೆಂಗಳೂರು7162-1.185

 

IPL_Entry_Point