ಕನ್ನಡ ಸುದ್ದಿ / ಕ್ರಿಕೆಟ್ / Jio Mock Auction: ಕೆಎಲ್ ರಾಹುಲ್ 29.5 ಕೋಟಿಗೆ ಆರ್ಸಿಬಿ ಪಾಲು, ಇದೇ ನಿಜವಾಗಲಿ ಎಂದ ಫ್ಯಾನ್ಸ್

Jio Mock Auction: ಕೆಎಲ್ ರಾಹುಲ್ 29.5 ಕೋಟಿಗೆ ಆರ್ಸಿಬಿ ಪಾಲು, ಇದೇ ನಿಜವಾಗಲಿ ಎಂದ ಫ್ಯಾನ್ಸ್

IPL 2025 Mock Auction: ಸ್ಟಾರ್ ಸ್ಪೋರ್ಟ್ಸ್ ಮತ್ತು ಜಿಯೋ ಸಿನಿಮಾ ನಡೆಸಿದ ಅಣಕು ಹರಾಜಿನಲ್ಲಿ ರಿಷಭ್ ಪಂತ್ ಮತ್ತು ಕೆಎಲ್ ರಾಹುಲ್ ಬೃಹತ್ ಮೊತ್ತಕ್ಕೆ ಸೇಲ್ ಆಗಿದ್ದಾರೆ. ಅದರಲ್ಲೂ ಫ್ಯಾನ್ಸ್ ಆಸೆ ಪಟ್ಟಿರುವಂತೆ ರಾಹುಲ್, ಆರ್ಸಿಬಿ ಪಾಲಾಗಿದ್ದಾರೆ.

ಜಿಯೋ ಅಣಕು ಹರಾಜಿನಲ್ಲಿ ಕೆಎಲ್ ರಾಹುಲ್ 29.5 ಕೋಟಿಗೆ ಆರ್ಸಿಬಿ ಪಾಲು; ಇವತ್ತು ಯಾರ ಪಾಲಾಗ್ತಾರೆ ಕನ್ನಡಿಗ?

ಇಂಡಿಯನ್ ಪ್ರೀಮಿಯರ್ ಲೀಗ್ 2025 ಮೆಗಾ ಹರಾಜು ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ನಡೆಯಲಿದೆ. ನವೆಂಬರ್ 24 ಮತ್ತು 25 ರಂದು 574 ಆಟಗಾರರ ಭವಿಷ್ಯ ನಿರ್ಧಾರವಾಗಲಿದೆ. ಸ್ಟಾರ್ ಆಟಗಾರರು ಕೋಟಿ ಕೋಟಿ ಪಡೆಯುವ ನಿರೀಕ್ಷೆಯಲ್ಲಿದ್ದಾರೆ. ಆದರೆ, ಅದಕ್ಕೂ ಮುನ್ನವೇ ಸ್ಟಾರ್ ಸ್ಪೋರ್ಟ್ಸ್ ಮತ್ತು ಜಿಯೋ ಸಿನಿಮಾ ಅಣಕು ಹರಾಜು ನಡೆಸಿದ್ದು, ರಿಷಭ್ ಪಂತ್ ಮತ್ತು ಕೆಎಲ್ ರಾಹುಲ್ ಬೃಹತ್ ಮೊತ್ತಕ್ಕೆ ಸೇಲ್ ಆಗಿದ್ದಾರೆ. ಯಾವ ಆಟಗಾರ ಯಾವ ತಂಡಕ್ಕೆ ಖರೀದಿಯಾಗಿದ್ದಾರೆ ಎಂಬುದರ ವಿವರ ಇಲ್ಲಿದೆ ನೋಡಿ.

ಆರ್ಸಿಬಿಗೆ ಕೆಎಲ್ ರಾಹುಲ್

ಐಪಿಎಲ್ ಹರಾಜು ದಿನಾಂಕ ಪ್ರಕಟವಾದಾಗಿನಿಂದಲೂ ಕೆಎಲ್ ರಾಹುಲ್ ಆರ್ಸಿಬಿ ತಂಡವನ್ನು ಸೇರ್ಪಡೆಯಾಗಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಲೇ ಇದೆ. ಈ ಹಿಂದೆ ಲಕ್ನೋ ಸೂಪರ್ ಜೈಂಟ್ಸ್ ತಂಡ ಪ್ರತಿನಿಧಿಸಿದ್ದ ರಾಹುಲ್, ಯಾವ ತಂಡದ ಪಾಲಾಗಲಿದ್ದಾರೆ ಎಂಬುದು ಎಲ್ಲರ ಕುತೂಹಲ. ಅಭಿಮಾನಿಗಳು ಸಹ ಕೆಎಲ್ ಖರೀದಿಗೆ ಒತ್ತಾಯ ಮಾಡಿದ್ದಾರೆ. ಇದೀಗ ಅಣಕು ಹರಾಜಿನಲ್ಲೂ ಕೆಎಲ್ ರಾಹುಲ್ 29.5 ಕೋಟಿಗೆ ರೆಡ್ ಆರ್ಮಿಯ ಪಾಲಾಗಿದ್ದಾರೆ. ನಾಯಕನಾಗಿ, ವಿಕೆಟ್ ಕೀಪರ್, ಆರಂಭಿಕನಾಗಿ, ಅತ್ಯುತ್ತಮ ಫೀಲ್ಡರ್ ಆಗಿರುವ ಕೆಎಲ್, ಹರಾಜಿನಲ್ಲಿ ಯಾವ ತಂಡದ ಪಾಲಾಗಲಿದ್ದಾರೆ ಎಂಬುದು ಕಾದುನೋಡಬೇಕಿದೆ.

ಇದನ್ನೂ ಓದಿ: ವಿರಾಟ್ ಕೊಹ್ಲಿ ಬೆಂಬಲಿಸಲು ಪರ್ತ್ ಸ್ಟೇಡಿಯಂಗೆ ಬಂದ ಅನುಷ್ಕಾ ಶರ್ಮಾ; ರಾಜನ ಬೆಂಬಲಕ್ಕೆ ರಾಣಿ ಬಂದ್ರು ಎಂದ ಫ್ಯಾನ್ಸ್

ರಿಷಭ್ ಪಂತ್ಗೆ ಸಿಕ್ತು 33 ಕೋಟಿ

ಮಾರ್ಕ್ಯೂ ಆಟಗಾರರ ಮೊದಲ ಸೆಟ್‌ನಲ್ಲಿ ಬರುತ್ತಿರುವ ರಿಷಭ್ ಪಂತ್ ಅವರನ್ನು ಪಂಜಾಬ್ ಕಿಂಗ್ಸ್ 33 ಕೋಟಿ ರೂಪಾಯಿಗಳಿಗೆ ಖರೀದಿಸಿತು. ಕ್ರಿಕೆಟ್ ತಜ್ಞರು ಸಹ ಪಂತ್ ಪಿಬಿಕೆಎಸ್ ಪಾಲಾಗಲಿದ್ದಾರೆ ಎಂದೇ ಭವಿಷ್ಯ ನುಡಿದಿದ್ದಾರೆ. ಏಕೆಂದರೆ ತಂಡದ ಪರ್ಸ್ನಲ್ಲಿ 110.5 ಕೋಟಿ ರೂಪಾಯಿ ಇದೆ. ಹೀಗಾಗಿ, ಬೃಹತ್ ಮೊತ್ತವನ್ನು ಪೇರಿಸಿ ಪ್ರಮುಖ ಆಟಗಾರರನ್ನು ಖರೀದಿಸುವ ನಿರೀಕ್ಷೆಯಲ್ಲಿದೆ. ಅಲ್ಲದೆ, ಪಿಬಿಕೆಎಸ್ ಕೋಚ್ ರಿಕಿ ಪಾಂಟಿಂಗ್, ಪಂತ್ ಖರೀದಿಗೆ ಹೆಚ್ಚು ಒಲವು ತೋರಿದ್ದಾರೆ. ನಾಯಕ, ವಿಕೆಟ್ ಕೀಪರ್, ಮಧ್ಯಮ ಕ್ರಮಾಂಕದ ಬ್ಯಾಟರ್ ಆಗಿರುವ ಪಂತ್ರನ್ನು ಯಾರು ಖರೀದಿಸುತ್ತಾರೆ ಎಂಬುದನ್ನು ನೋಡಬೇಕಿದೆ.