ಕನ್ನಡ ಸುದ್ದಿ  /  ಕ್ರಿಕೆಟ್  /  ಭಾರತ ಟಿ20 ತಂಡದ ಮುಂದಿನ ನಾಯಕ ಯಾರು; ವಿಶ್ವಕಪ್ ಗೆದ್ದ ರೋಹಿತ್​ ಶರ್ಮಾ ಸ್ಥಾನ ತುಂಬಲು ನಾಲ್ವರು ನಡುವೆ ಪೈಪೋಟಿ

ಭಾರತ ಟಿ20 ತಂಡದ ಮುಂದಿನ ನಾಯಕ ಯಾರು; ವಿಶ್ವಕಪ್ ಗೆದ್ದ ರೋಹಿತ್​ ಶರ್ಮಾ ಸ್ಥಾನ ತುಂಬಲು ನಾಲ್ವರು ನಡುವೆ ಪೈಪೋಟಿ

Next India T20I captain: ಅಂತಾರಾಷ್ಟ್ರೀಯ ಟಿ20ಐ ಕ್ರಿಕೆಟ್​​ಗೆ ನಿವೃತ್ತಿ ಘೋಷಿಸಿರುವ ರೋಹಿತ್​ ಶರ್ಮಾ ಅವರ ಸ್ಥಾನವನ್ನು ತುಂಬಲು ಭಾರತ ತಂಡದ ನಾಲ್ವರು ನಡುವೆ ಪೈಪೋಟಿ ನಡೆಸುತ್ತಿದ್ದಾರೆ.

ಭಾರತ ಟಿ20 ತಂಡದ ಮುಂದಿನ ನಾಯಕ ಯಾರು; ವಿಶ್ವಕಪ್ ಗೆದ್ದ ರೋಹಿತ್​ ಶರ್ಮಾ ಸ್ಥಾನ ತುಂಬಲು ನಾಲ್ವರು ನಡುವೆ ಪೈಪೋಟಿ
ಭಾರತ ಟಿ20 ತಂಡದ ಮುಂದಿನ ನಾಯಕ ಯಾರು; ವಿಶ್ವಕಪ್ ಗೆದ್ದ ರೋಹಿತ್​ ಶರ್ಮಾ ಸ್ಥಾನ ತುಂಬಲು ನಾಲ್ವರು ನಡುವೆ ಪೈಪೋಟಿ

ಟಿ20 ವಿಶ್ವಕಪ್ 2024 ಟೂರ್ನಿ (ICC T20 World Cup 2024) ಮುಕ್ತಾಯಗೊಂಡಿದೆ. ಟೀಮ್ ಇಂಡಿಯಾ (Team India) 17 ವರ್ಷಗಳ ನಂತರ ಮತ್ತೊಮ್ಮೆ ಚುಟುಕು ಕ್ರಿಕೆಟ್​ನಲ್ಲಿ ಚಾಂಪಿಯನ್ ಆಗಿದೆ. ಟ್ರೋಫಿ ಗೆದ್ದ ಬೆನ್ನಲ್ಲೇ ನಾಯಕ ರೋಹಿತ್​ ಶರ್ಮಾ (Rohit Sharma Retir), ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿದ್ದಾರೆ. ಆದರೆ, ಏಕದಿನ ಮತ್ತು ಟೆಸ್ಟ್​ ಕ್ರಿಕೆಟ್​ನಲ್ಲಿ ಮುಂದುವರೆಯಲಿದ್ದಾರೆ. ಚುಟುಕು ಕ್ರಿಕೆಟ್​ನಿಂದ ಹಿಟ್​ಮ್ಯಾನ್​ ಹಿಂದೆ ಸರಿದ ಬೆನ್ನಲ್ಲೇ ಭಾರತ ಟಿ20ಐ ತಂಡದ ಮುಂದಿನ ಕ್ಯಾಪ್ಟನ್ (Next India T20I captain) ಯಾರೆಂಬ ಪ್ರಶ್ನೆ ಎದ್ದಿದೆ.

ರೋಹಿತ್​ ಜೊತೆಗೆ ವಿರಾಟ್ ಕೊಹ್ಲಿ, ರವೀಂದ್ರ ಜಡೇಜಾ ಅವರು ಸಹ ನಿವೃತ್ತಿ ಘೋಷಿಸಿದ್ದಾರೆ. ಹಿರಿಯ ಆಟಗಾರರು ಚುಟುಕು ಕ್ರಿಕೆಟ್​​ನಲ್ಲಿ ಇನ್ಮುಂದೆ ಕಾಣಿಸಿಕೊಳ್ಳುವುದಿಲ್ಲ. ಹೀಗಾಗಿ 2026ರ ಟಿ20 ವಿಶ್ವಕಪ್​ಗೆ ಯುವ ಭಾರತ ತಂಡವನ್ನು ಕಟ್ಟಲು ಬಿಸಿಸಿಐ ಚಿಂತನೆ ನಡೆಸಿದೆ. ಇದರ ನಡುವೆ ನಿವೃತ್ತಿ ಘೋಷಿಸಿರುವ ರೋಹಿತ್​ ಶರ್ಮಾ ನಾಯಕತ್ವದ ಸ್ಥಾನ ತುಂಬಲು ಹಾಗೂ ಟೀಮ್ ಇಂಡಿಯಾದ ಟಿ20 ನಾಯಕನಾಗಲು ನಾಲ್ವರ ನಡುವೆ ಪೈಪೋಟಿ ಏರ್ಪಟ್ಟಿದೆ.

1. ಹಾರ್ದಿಕ್ ಪಾಂಡ್ಯ

ಭಾರತ ತಂಡದ ವೈಸ್ ಕ್ಯಾಪ್ಟನ್​ ಹಾರ್ದಿಕ್ ಪಾಂಡ್ಯ ಅವರ ಹೆಸರು ನಾಯಕತ್ವದ ಸ್ಥಾನಕ್ಕೆ ಮುಂಚೂಣಿಯಲ್ಲಿದೆ. ಟಿ20 ವಿಶ್ವಕಪ್​ನಲ್ಲೂ ಹಾರ್ದಿಕ್ ಉಪನಾಯಕನಾಗಿ ಸೇವೆ ಸಲ್ಲಿಸಿದ್ದರು. ಈ ಹಿಂದೆ ರೋಹಿತ್ ಅನುಪಸ್ಥಿತಿಯಲ್ಲಿ ಹಾರ್ದಿಕ್, 16 ಪಂದ್ಯಗಳಲ್ಲಿ ಮುನ್ನಡೆಸಿದ ದಾಖಲೆ ಹೊಂದಿದ್ದು, ಈ ಪೈಕಿ 10ರಲ್ಲಿ ತಂಡಕ್ಕೆ ಜಯ ತಂದಿಟ್ಟಿದ್ದಾರೆ. ಸದ್ಯ ವೈಸ್ ಕ್ಯಾಪ್ಟನ್​ ಆಗಿರುವ ಕಾರಣ ನಾಯಕತ್ವ ನೀಡುವ ನಿರೀಕ್ಷೆ ಇದೆ. ಅಲ್ಲದೆ, ಅವರು ಐಪಿಎಲ್​ನಲ್ಲೂ ನಾಯಕನಾಗಿ ಆಡಿದ ಅನುಭವ ಹೊಂದಿದ್ದು, ಎರಡು ಟ್ರೋಫಿಗಳನ್ನೂ ಗೆದ್ದಿದ್ದಾರೆ.

ಟ್ರೆಂಡಿಂಗ್​ ಸುದ್ದಿ

2. ಜಸ್ಪ್ರೀತ್ ಬುಮ್ರಾ

ಹಿಂದಿನಿಂದಲೂ ಅಪವಾದ ಇದೆ. ಬ್ಯಾಟರ್​ಗಳನ್ನೇ ನಾಯಕನನ್ನಾಗಿ ಆಯ್ಕೆ ಮಾಡುವುದೇಕೆ? ಬೌಲರ್​​ಗೇಕೆ ಕ್ಯಾಪ್ಟನ್ಸಿ ಕೊಡಲ್ಲ ಎಂದು ಮಾಜಿ ಕ್ರಿಕೆಟರ್ಸ್ ಒತ್ತಾಯಿಸಿದ್ದರು. ರೋಹಿತ್ ಅನುಪಸ್ಥಿತಿಯಲ್ಲಿ ಟೆಸ್ಟ್ ಕ್ರಿಕೆಟ್​ನಲ್ಲಿ ನಾಯಕತ್ವ ವಹಿಸಿದ್ದರು. ಉಪನಾಯಕನಾಗಿಯೂ ನೇಮಕವಾಗಿದ್ದಾರೆ. ಇದೀಗ ಚುಟುಕು ಕ್ರಿಕೆಟ್​​ ತಂಡಕ್ಕೂ ಬುಮ್ರಾ ನಾಯಕನಾಗಲಿದ್ದಾರೆ ಎಂದು ಹೇಳಲಾಗುತ್ತಿದೆ. 2023ರಲ್ಲಿ ಐರ್ಲೆಂಡ್ ಎದುರಿನ ಟಿ20ಐ ಸರಣಿಯಲ್ಲಿ ಬುಮ್ರಾ ನಾಯಕನಾಗಿದ್ದರು. ಹೀಗಾಗಿ ಟಿ20ಐ ನಾಯಕನಾಗಿ ಬುಮ್ರಾ ಆಯ್ಕೆಯಾದರೂ ಅಚ್ಚರಿಪಡಬೇಕಿಲ್ಲ.

3. ರಿಷಭ್ ಪಂತ್

ಎಂಎಸ್ ಧೋನಿ ಅವರ ಉತ್ತರಾಧಿಕಾರಿ ಎಂದೇ ಕರೆಸಿಕೊಳ್ಳುವ ರಿಷಭ್ ಪಂತ್ ಅವರು 5 ಪಂದ್ಯಗಳಲ್ಲಿ ಭಾರತ ತಂಡವನ್ನು ಮುನ್ನಡೆಸಿದ್ದಾರೆ. ಈ ವೇಳೆ ಭಾರತವು ಎರಡು ಪಂದ್ಯಗಳಲ್ಲಿ ಗೆದ್ದಿದೆ. ಎರಡಲ್ಲಿ ಸೋಲು ಕಂಡಿದೆ. ಮತ್ತೊಂದು ಪಂದ್ಯ ಮಳೆಯಿಂದ ರದ್ದಾಗಿತ್ತು. ಐಪಿಎಲ್​ನಲ್ಲೂ ನಾಯಕನಾಗಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಮುನ್ನಡೆಸಿದ ಅಪಾರ ಅನುಭವ ಹೊಂದಿರುವ ಪಂತ್​ಗೆ ಭಾರತದ ಟಿ20ಐ ತಂಡದ ನಾಯಕ ಸ್ಥಾನಕ್ಕೆ ರೇಸ್​​ನಲ್ಲಿದ್ದಾರೆ. ವಿಕೆಟ್ ಕೀಪರ್ ಬ್ಯಾಟರ್​ ಆಗಿ ಮಿಂಚಿರುವ ಪಂತ್​ಗೆ ನಾಯಕತ್ವ ಒಲಿದರೂ ಅಚ್ಚರಿ ಇಲ್ಲ.

4. ಸೂರ್ಯಕುಮಾರ್ ಯಾದವ್

ಟಿ20 ಕ್ರಿಕೆಟ್​ನಲ್ಲಿ ಸ್ಟೈಲಿಶ್ ಬ್ಯಾಟರ್ ಎಂದೇ ಕರೆಸಿಕೊಳ್ಳುವ ಸೂರ್ಯ ಕುಮಾರ್ ಯಾದವ್ ಅವರು ನಾಯಕತ್ವದ ಸ್ಥಾನಕ್ಕೆ ರೇಸ್​​ನಲ್ಲಿದ್ದಾರೆ. ಟೀಮ್ ಇಂಡಿಯಾವನ್ನು ಏಳು ಪಂದ್ಯಗಳಲ್ಲಿ ಮುನ್ನಡೆಸಿದ್ದು, 5ರಲ್ಲಿ ಗೆಲುವು ಸಾಧಿಸಿದ್ದಾರೆ. ಟಿ20ಐ ಕ್ರಿಕೆಟ್​ನಲ್ಲಿ ಅತ್ಯಂತ ಸ್ಥಿರ ಪ್ರದರ್ಶನ ನೀಡುತ್ತಿರುವ ಸೂರ್ಯ, ನಾಯಕತ್ವದ ಆಕಾಂಕ್ಷಿಯಾಗಿದ್ದಾರೆ. ನಾಯಕತ್ವದ ಅನುಭವ ಕಡಿಮೆ ಇದ್ದರೂ ರೇಸ್​​ನಲ್ಲಿದ್ದಾರೆ. ಇವರ ಜೊತೆಗೆ ಶುಭ್ಮನ್ ಗಿಲ್ ಕೂಡ ಪೈಪೋಟಿಯಲ್ಲಿದ್ದಾರೆ.