ಅನಿಮಲ್‌ ಚಿತ್ರದಿಂದ ಪ್ರೇರಿತರಾದ್ರಾ ಟೈಗರ್ ಶ್ರಾಫ್? ಬಾಘಿ 4 ಸಿನಿಮಾ ಮೂಲಕ ಬಾಲಿವುಡ್‌ಗೆ ಹಾರಿದ ಕನ್ನಡದ ನಿರ್ದೇಶಕ ಎ ಹರ್ಷ
ಕನ್ನಡದ ಸ್ಟಾರ್‌ ನಟರ ಸಾಲು ಸಾಲು ಸಿನಿಮಾಗಳನ್ನು ನಿರ್ದೇಶಿಸಿದ್ದ ಎ ಹರ್ಷ, ಈಗ ಇದೆಲ್ಲದಕ್ಕಿಂತ ಒಂದು ಹೆಜ್ಜೆ ಮುಂದೆ ಹೋಗಿ, ಬಾಲಿವುಡ್ ಸಿನಿಮಾಕ್ಕೆ ಆಕ್ಷನ್‌ ಕಟ್‌ ಹೇಳಲು ಹೊರಟಿದ್ದಾರೆ. ಟೈಗರ್ ಶ್ರಾಫ್ ಜತೆಗೆ ಬಾಘಿ 4 ಸಿನಿಮಾ ಘೋಷಣೆ ಮಾಡಿದ್ದಾರೆ. ಇಂದು (ನ. 18) ಈ ಚಿತ್ರದ ಫಸ್ಟ್‌ ಲುಕ್‌ ಬಿಡುಗಡೆ ಆಗಿದೆ.
Baaghi 4 Tiger Shroff First Look: ನೃತ್ಯ ನಿರ್ದೇಶಕರಾಗಿ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟಿದ್ದ ಎ. ಹರ್ಷ, ಅದಾದ ಬಳಿಕ ನಟನಾಗಿಯೂ ಗಮನ ಸೆಳೆದಿದ್ದಾರೆ. ನಟನೆಯ ಜತೆಗೆ ನಿರ್ದೇಶಕನಾಗಿಯೂ ಹೆಚ್ಚು ಗುರುತಿಸಿಕೊಂಡರು ಹರ್ಷ. ಕನ್ನಡದ ಸ್ಟಾರ್‌ ನಟರ ಸಾಲು ಸಾಲು ಸಿನಿಮಾಗಳನ್ನು ನಿರ್ದೇಶಿಸಿದ ಹರ್ಷ, ಈಗ ಇದೆಲ್ಲದಕ್ಕಿಂತ ಒಂದು ಹೆಜ್ಜೆ ಮುಂದೆ ಹೋಗಿ, ಬಾಲಿವುಡ್ ಸಿನಿಮಾ ನಿರ್ದೇಶನಕ್ಕಿಳಿದಿದ್ದಾರೆ. ಟೈಗರ್ ಶ್ರಾಫ್ ಜತೆಗೆ ಬಾಘಿ 4 ಸಿನಿಮಾ ಘೋಷಣೆ ಮಾಡಿದ್ದಾರೆ. ಇಂದು (ನ. 18) ಈ ಚಿತ್ರದ ಫಸ್ಟ್‌ ಲುಕ್‌ ಬಿಡುಗಡೆ ಆಗಿದೆ.
2007ರಿಂದ ಗೆಳೆಯ ಸಿನಿಮಾದಿಂದ ಶುರುವಾದ ಎ ಹರ್ಷ ಅವರ ನಿರ್ದೇಶನದ ಪಯಣ, ಅದಾದ ಬಳಿಕ ಬಿರುಗಾಳಿ, ಚಿಂಗಾರಿ, ಭಜರಂಗಿ, ವಜ್ರಕಾಯ, ಜೈ ಮಾರುತಿ 800, ಅಂಜನಿಪುತ್ರ, ಸೀತಾರಾಮ ಕಲ್ಯಾಣ, ಭಜರಂಗಿ 2, ವೇದ ಮತ್ತು ತೆಲುಗಿನ ಭೀಮ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಈಗ ಟೈಗರ್ ಶ್ರಾಫ್ ಜತೆಗೆ ಬಾಘಿ 4 ಸಿನಿಮಾಕ್ಕೆ ಆಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಸಾಜಿದ್ ನಾಡಿಯಾದ್‌ವಾಲಾ ನಿರ್ಮಾಣ ಮಾಡುತ್ತಿರುವ ಈ ಸಿನಿಮಾ ಮೂಲಕ ಬಾಲಿವುಡ್ ಅಂಗಳಕ್ಕೆ ಕಾಲಿಟ್ಟಿದ್ದಾರೆ ನಿರ್ದೇಶಕ ಹರ್ಷ.
ಬಾಘಿ 4ರಲ್ಲಿ ಏನಿರಲಿದೆ?
ಈಗಾಗಲೇ ಬಾಘಿ ಸಿನಿಮಾದ ಮೂರು ಭಾಗಗಳು ತೆರೆಕಂಡಿವೆ. ಮೊದಲ ಸಿನಿಮಾದಲ್ಲಿ ಕಿಡ್ನಾಪ್ ಆದ ಗೆಳತಿ, ಎರಡನೇ ಸಿನಿಮಾದಲ್ಲಿ ಕಿಡ್ನಾಪ್ ಆದ ಮಗಳು, ಮೂರನೇ ಸಿನಿಮಾದಲ್ಲಿ ಕಿಡ್ನಾಪ್ ಆದ ಅಣ್ಣನನ್ನು ಕಾಪಾಡಿದ ಟೈಗರ್ ಶ್ರಾಫ್, ನಾಲ್ಕನೇ ಸಿನಿಮಾದಲ್ಲಿ ಯಾರನ್ನು ಕಾಪಾಡುತ್ತಾರೆ ಎಂಬುದು ಕುತೂಹಲ ಮೂಡಿಸಿದೆ. ಬಾತ್‌ರೂಮ್‌ನ ಕಮೋಡ್‌ ಮೇಲೆ ರಕ್ತದ ಮಡುವಿನಲ್ಲಿ ಕುಳಿತ ಭಂಗಿಯಲ್ಲಿ ಟೈಗರ್ ಎದುರಾಗಿದ್ದಾರೆ. ಒಂದು ಕೈಯಲ್ಲಿ ಮಚ್ಚು ಮತ್ತೊಂದರಲ್ಲಿ ಎಣ್ಣೆ ಬಾಟಲ್‌ ಹಿಡಿದು, ಗಂಭೀರ ಲುಕ್‌ನಲ್ಲಿ ಕಂಡಿದ್ದಾರೆ. ಈ ಸಲ, ಈತ ಮೊದಲಿನಂತಲ್ಲ ಎಂಬ ಕ್ಯಾಪ್ಷನ್‌ ಸಹ ಪೋಸ್ಟರ್‌ನಲ್ಲಿದೆ.
2025ರ ಸೆಪ್ಟೆಂಬರ್ 5ಕ್ಕೆ ರಿಲೀಸ್‌
ಸಾಜಿದ್ ನಾಡಿಯಾಡ್ವಾಲಾ ನಿರ್ಮಾಣದ ಈ ಚಿತ್ರವನ್ನು ಎ ಹರ್ಷ ನಿರ್ದೇಶಿಸುತ್ತಿದ್ದಾರೆ. ಈ ಚಿತ್ರವು 2025ರ ಸೆಪ್ಟೆಂಬರ್ 5ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಚಿತ್ರದ ನಾಯಕಿ ಯಾರು ಮತ್ತು ಚಿತ್ರದ ವಿಲನ್ ಯಾರು ಎಂಬ ವಿಚಾರ ಇನ್ನಷ್ಟೇ ರಿವೀಲ್‌ ಆಗಬೇಕಿದೆ. ಟೈಗರ್ ಶ್ರಾಫ್ ಹೀರೋಪಂತಿ ಸಿನಿಮಾದಿಂದ ನಾಯಕನಾಗಿ ಅಖಾಡಕ್ಕಿಳಿದರು. ಅಲ್ಲಿಂದ ಇಲ್ಲಿಯವರೆಗೂ ಆಕ್ಷನ್‌ಗೆ ಇನ್ನೊಂದು ಹೆಸರಾಗಿದ್ದಾರೆ.
