Dr Bro: ಯುಟ್ಯೂಬರ್ ಡಾಕ್ಟರ್ ಬ್ರೋ ಬರ್ತಡೆ; ನಮಸ್ಕಾರ ದೇವ್ರು ಎನ್ನುತ್ತಲೆ ಕನ್ನಡಿಗರ ಮನಗೆದ್ದ ಮನೆಮಗ ಗಗನ್ ಶ್ರೀನಿವಾಸ್
ಗಗನ್ ಶ್ರೀನಿವಾಸ್: ಇಂದು ಜನಪ್ರಿಯ ಯುಟ್ಯೂಬರ್ ಡಾಕ್ಟರ್ ಬ್ರೋ ಜನ್ಮದಿನ. ನಮಸ್ಕಾರ ದೇವ್ರು ಎನ್ನುತ್ತಲೆ ಜನರ ಮನಗೆದ್ದ ಮನೆಮಗ ಇವರು. ತಮ್ಮದೇ ಆದ ದೊಡ್ಡ ಜಗತ್ತನ್ನು ಕಟ್ಟಿಕೊಂಡು ಅದನ್ನು ಜನಕ್ಕೂ ಪರಿಚಯಿಸುತ್ತಿದ್ದಾರೆ.
ಗಗನ್ ಶ್ರೀನಿವಾಸ್ ಈ ಹೆಸರು ಕೇಳಿದರೆ ಅಷ್ಟು ಬೇಗ ಇವರು ಯಾರು ಎನ್ನುವುದು ಎಲ್ಲರಿಗೂ ಅರ್ಥವಾಗುವುದಿಲ್ಲ. ಆದರೆ ಡಾಕ್ಟರ್, ಬ್ರೋ ಎಂದಾಕ್ಷಣ ಎಲ್ಲರಿಗೂ. ಹಾ, ಇವರು ನನಗೆ ಗೊತ್ತು ಎನ್ನುವವರೇ ಜಾಸ್ತಿ. ಇಂದು ಗಗನ್ ಶ್ರೀನಿವಾಸ್ ಹುಟ್ಟಿದ ದಿನ (ಅಕ್ಟೋಬರ್ 21, 2000) ಪ್ರಪಂಚದ ವಿವಿಧ ಭಾಗಗಳಲ್ಲಿನ ಸಂಸ್ಕೃತಿಗಳು ಮತ್ತು ಜೀವನ ವಿಧಾನಗಳ ಕುರಿತು ಅರಿತು ಎಲ್ಲೆಡೆ ತಾವೇ ಸ್ವತಃ ಹೋಗಿ ಬಂದು ಅಪಾರ ಅನುಭವ ಹೊಂದಿರುವವರು. ಹಾಸ್ಯಮಯವಾಗಿ ಮಾತಾಡುತ್ತಾ, ಸಾಹಸವನ್ನೂ ಸುಲಭ ಎಂಬಂತೆ ತೋರಿಸಿದವರು ಗಗನ್ ಶ್ರೀನಿವಾಸ್.
ನೀವು ಅವರನ್ನು Instagram, Facebook ಮತ್ತು Twitter ನಲ್ಲಿ ಈಗಾಗಲೇ ಫಾಲೋ ಮಾಡುತ್ತಾ ಇರಬಹುದು. ಅವರ ಯುಟ್ಯೂಬ್‌ ಚಾನೆಲ್‌ನಲ್ಲಿ 26 ಲಕ್ಷ ಸಬ್ಸಕ್ರೈಬರ್ಸ್‌ ಹೊಂದಿದ್ದಾರೆ. ಇವರು ಯಾವಾಗ ವಿಡಿಯೋ ಹಾಕಿದರೂ ಜನರು ತುಂಬಾ ಇಷ್ಟಪಟ್ಟು ನೋಡುತ್ತಾರೆ. ಇವರು ಯಾವಾಗ ಯಾವ ದೇಶಕ್ಕೆ ಹೋದ್ರು ಎಂದು ಕಾದು ಕುಳಿತು ನೋಡವವರ ಸಂಖ್ಯೆ ಇತ್ತೀಚಿನ ದಿನಗಳಲ್ಲಿ ತುಂಬಾ ಹೆಚ್ಚಾಗಿದೆ.
ನಮಸ್ಕಾರ ದೇವ್ರೂ
ನಮಸ್ಕಾರ ದೇವ್ರೂ ಎಂದು ಹೇಳುತ್ತ ಇವರು ವಿಡಿಯೋ ಆರಂಭ ಮಾಡುತ್ತಾರೆ. ವೀಕ್ಷಕರನ್ನೇ ಇವರು ದೇವ್ರು! ಎಂದು ಸಂಭೋದಿಸುತ್ತಾರೆ. ರಷ್ಯಾ, ಆಸ್ಟ್ರೇಲಿಯಾ, ತುಜಕಿಸ್ತಾನ್‌, ನೈಜೀರಿಯಾ, ಚೀನಾ, ಅಫ್ಘಾನಿಸ್ತಾನ, ಆಫ್ರಿಕಾ ಹೀಗೆ ಹತ್ತಾರು ದೇಶಗಳನ್ನು ಸುತ್ತಾಡಿ ಅಲ್ಲಿನ ಜನಜೀವನದ ಬಗ್ಗೆ ತಿಳಿಸಿಕೊಟ್ಟಿದ್ದಾರೆ. ಎಷ್ಟೋ ಸಾರಿ ತಮ್ಮ ಜೀವಕ್ಕೆ ಅಪಾಯ ಬರುವಂತ ಸ್ಥಳಗಳಿಗೂ ಭೇಟಿ ನೀಡಿ. ಭಾಷೆ ಬರದೇ ಇದ್ದರೂ ಅಲ್ಲಿನ ಜನರೊಂದಿಗೆ ವಾಸ ಮಾಡಿ ಬಂದಿದ್ದಾರೆ.
ಈಗ ಅವರು ಸಾಕಷ್ಟು ಜನರಿಗೆ ಪರಿಚಿತರಾಗಿದ್ದು, ಒಂದಷ್ಟು ಉದ್ಯೋಗಾವಕಾಶಗಳನ್ನೂ ನೀಡುತ್ತಿದ್ದಾರೆ. ಅವರ ಯುಟ್ಯೂಬ್‌ ಚಾನೆಲ್‌ಗೆ ಕೆಲಸ ಮಾಡಲು ಉತ್ಸಾಹಿಗಳನ್ನು ಹುಡುಕುತ್ತಿದ್ದಾರೆ. ಅವರು ಹದಿನೆಂಟನೇ ವರ್ಷದಲ್ಲಿರುವಾಗಲೇ ಸುತ್ತಾಡುವ ಕನಸುಕಂಡು ತಾನು ಜಗತ್ತನ್ನು ನೋಡಲೇಬೇಕು ಎಂದು ನಿರ್ಧರಿಸಿದ್ದರಂತೆ. ಅವರ ಒಂದು ಯುಟ್ಯೂಬ್‌ ವಿಡಿಯೋ ತುಣುಕು ಇಲ್ಲಿದೆ ಗಮನಿಸಿ.
ಹೀಗೆ ಸಾಕಷ್ಟು ದೇಶಗಳ ಮತ್ತು ದ್ವೀಪಗಳ ವಿಡಿಯೋಗಳು ಅಲ್ಲಿನ ಜನರು ಮತ್ತವರ ಬದುಕು ಹೀಗೆ ಸಾಕಷ್ಟು ವಿಷಯಗಳನ್ನೊಳಗೊಂಡ ವಿಡಿಯೋಗಳನ್ನು ನೀವು ನೋಡಬಹುದು. ತಮ್ಮದೇ ಆದ ದೊಡ್ಡ ಜಗತ್ತನ್ನು ಇವರು ಸೃಷ್ಟಿಸಿಕೊಂಡಿದ್ದಾರೆ, ಸಾಕಷ್ಟು ಅಭಿಮಾನಿಗಳನ್ನೂ ಕೂಡ ಇವರು ಹೊಂದಿದ್ದಾರೆ.
