ಹೊಸ ಅವತಾರದಲ್ಲಿ ಕುಸುಮಾ, ಶ್ರೇಷ್ಠಾ ಪ್ರಜ್ಞೆ ತಪ್ಪಿಸಿ ಸ್ಕೂಟರ್‌ನಲ್ಲಿ ಅವಳ ಮನೆಗೆ ಶಿಫ್ಟ್‌ ಮಾಡಿದ ಪೂಜಾ; ಭಾಗ್ಯಲಕ್ಷ್ಮೀ ಧಾರಾವಾಹಿ
ಕಲರ್ಸ್‌ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಭಾಗ್ಯಲಕ್ಷ್ಮೀ ಧಾರಾವಾಹಿ ಅಕ್ಟೋಬರ್‌ 9ರ ಎಪಿಸೋಡ್‌ನಲ್ಲಿ ಕುಸುಮಾ ಹೊಸ ಅವತಾರ ಕಂಡು ಪೂಜಾ-ಸುಂದ್ರಿ ಶಾಕ್‌ ಆಗುತ್ತಾರೆ. ನಂತರ ಶ್ರೇಷ್ಠಾಗೆ ಪ್ರಜ್ಞೆ ತಪ್ಪಿಸಿ ಸ್ಕೂಟರ್‌ನಲ್ಲಿ ಅವಳ ಮನೆಗೆ ಶಿಫ್ಟ್‌ ಮಾಡುತ್ತಾರೆ.
Bhagyalakshmi Kannada Serial: ಕುಸುಮಾಳನ್ನು ತಳ್ಳಿ ಸ್ಟೋರ್‌ ರೂಮ್‌ನಿಂದ ಎಸ್ಕೇಪ್‌ ಆಗುವ ಶ್ರೇಷ್ಠಾಳನ್ನು ಪೂಜಾ ಹಾಗೂ ಸುಂದ್ರಿ ಮತ್ತೆ ಕಷ್ಟ ಪಟ್ಟು ಕಟ್ಟಿ ಹಾಕುತ್ತಾರೆ. ಇವಳು ಇಲ್ಲಿ ಇದ್ದಷ್ಟು ದಿನ ನಮಗೆ ಸೇಫ್‌ ಅಲ್ಲ, ಆದಷ್ಟು ಬೇಗ ಇವಳನ್ನು ಇಲ್ಲಿಂದ ಬೇರೆ ಎಲ್ಲಾದರೂ ಶಿಫ್ಟ್‌ ಮಾಡಬೇಕು ಎಂದು ಕುಸುಮಾ ಪೂಜಾಗೆ ಹೇಳುತ್ತಾಳೆ.
ಶ್ರೇಷ್ಠಾಗೆ ಕೊಟ್ಟ ತಿಂಡಿಯಲ್ಲಿ ನಿದ್ರೆ ಮಾತ್ರೆ ಹಾಕಿದ ಪೂಜಾ
ಶ್ರೇಷ್ಠಾಳನ್ನು ಕಟ್ಟಿ ಹಾಕಿ ಪೂಜಾ, ಅವಳಿಗೆ ತಿಂಡಿ ತಿನ್ನಲು ಕೊಡುತ್ತಾಳೆ. ನಂತರ ಒಂದು ಡ್ರೆಸ್ ಕೊಟ್ಟು ಅದನ್ನು ಹಾಕಿ ಬರುವಂತೆ ಹೇಳುತ್ತಾಳೆ. ಡ್ರೆಸ್ ಬದಲಿಸಿ ಬಂದವಳೇ ಶ್ರೇಷ್ಠಾ ಪ್ರಜ್ಞೆ ತಪ್ಪಿ ಬೀಳುತ್ತಾಳೆ. ಅದನ್ನು ನೋಡಿ ಕುಸುಮಾ, ಸುಂದ್ರಿ ಗಾಬರಿ ಆಗುತ್ತಾರೆ. ಇವಳನ್ನು ಶಿಫ್ಟ್‌ ಮಾಡಲು ಇದು ಸರಿಯಾದ ಸಮಯ, ಆದ್ದರಿಂದ ಇವಳಿಗೆ ಕೊಟ್ಟ ತಿಂಡಿಯಲ್ಲಿ ಒಂದು ನಿದ್ರೆ ಮಾತ್ರೆ ಹಾಕಿದ್ದೆ ಎಂದು ಪೂಜಾ ಹೇಳುತ್ತಾಳೆ. ತಾಂಡವ್‌ ಆಫೀಸಿಗೆ, ಭಾಗ್ಯಾ ಹೋಟೆಲ್‌ಗೆ ಮಕ್ಕಳು ಸ್ಕೂಲ್‌ಗೆ ಹೋಗುತ್ತಾರೆ. ಆದರೆ ಧರ್ಮರಾಜ್‌ ಮನೆಯಲ್ಲೇ ಇರುವುದನ್ನು ಕಂಡು ಕುಸುಮಾ ಗಾಬರಿ ಆಗುತ್ತಾಳೆ. ಅಷ್ಟರಲ್ಲಿ ಧರ್ಮರಾಜ್‌ ಬಂದು, ನನಗೆ ಸ್ವಲ್ಪ ಕೆಲಸ ಇದೆ ಹೊರಗೆ ಹೋಗಿ ಬರುತ್ತೇನೆ ಎಂದು ಹೋಗುತ್ತಾನೆ.
ಸೀರೆ ಬಿಟ್ಟು ಕುರ್ತಾ ಧರಿಸಿದ ಕುಸುಮಾ
ಸದ್ಯಕ್ಕೆ ಇವರೂ ಹೊರಗೆ ಹೋಗುತ್ತಿದ್ದಾರೆ, ಈಗ ಶ್ರೇಷ್ಠಾಳನ್ನು ಇಲ್ಲಿಂದ ಸಾಗಿಸಬಹುದು ಎಂದು ಕುಸುಮಾ ಖುಷಿಯಾಗುತ್ತಾಳೆ. ಮೂವರೂ ಕಷ್ಟಪಟ್ಟು ಶ್ರೇಷ್ಠಾಳನ್ನು ಕೆಳಗೆ ಕರೆತರುತ್ತಾರೆ. ಶ್ರೇಷ್ಠಾಳನ್ನು ಸ್ಕೂಟರ್‌ ಮಧ್ಯೆ ಕೂರಿಸಿಕೊಂಡು ಹೋಗಲು ಪೂಜಾ ಪ್ಲ್ಯಾನ್‌ ಮಾಡುತ್ತಾಳೆ. ಆದರೆ ಎಷ್ಟೇ ಪ್ರಯತ್ನಿಸಿದರೂ ಕುಸುಮಾ, ಸೀರೆ ಹಾಕಿರುವುದರಿಂದ ಸ್ಕೂಟರ್‌ ಹತ್ತಲು ಸಾಧ್ಯವಾಗುವುದಿಲ್ಲ. ನನಗೆ ಆಗುತ್ತಿಲ್ಲ ಎಂದು ಕುಸುಮಾ ಅಲ್ಲಿಂದ ಹೋಗುತ್ತಾಳೆ. ನೀನಾದರೂ ಹತ್ತಿ ಕೂರು ಎಂದು ಪೂಜಾ ಸುಂದ್ರಿಗೆ ಹೇಳುತ್ತಾಳೆ. ಅವಳಿಂದಲೂ ಆಗುವುದಿಲ್ಲ. ಅಷ್ಟರಲ್ಲಿ ಅಲ್ಲಿಗೆ ಕುಸುಮಾ ಬರುತ್ತಾಳೆ. ಅವಳ ಹೊಸ ಅವತಾರ ಕಂಡು ಇಬ್ಬರೂ ಶಾಕ್‌ ಆಗುತ್ತಾರೆ. ಕುಸುಮಾ ಸೀರೆ ಬಿಟ್ಟು, ಕುರ್ತಾ ಧರಿಸಿ ಬರುತ್ತಾಳೆ. ಇದು ನಿಮ್ಮ ಮಾವ ತೆಗೆದುಕೊಟ್ಟದ್ದು, ಈಗ ಇದರ ಉಪಯೋಗಕ್ಕೆ ಬಂತು ಎಂದು ಸ್ಕೂಟರ್‌ ಹತ್ತಿ ಕೂರುತ್ತಾಳೆ.
ತನ್ನ ಮನೆಯಲ್ಲೇ ಬಂಧಿಯಾದ ಶ್ರೇಷ್ಠಾ
ಶ್ರೇಷ್ಠಾಳನ್ನು ಮಧ್ಯೆ ಕೂರಿಸಿಕೊಂಡು ಪೂಜಾ, ಕುಸುಮಾ ಅವಳ ಮನೆ ಬಳಿ ಬರುತ್ತಾರೆ. ಅವಳನ್ನು ಎರಡೂ ಕಡೆ ಹಿಡಿದು ಬರುವಾಗ ಮನೆ ಓನರ್‌ ನೋಡುತ್ತಾರೆ. ಯಾರು ನೀವು ಎಂದು ಕೇಳುತ್ತಾರೆ. ಶ್ರೇಷ್ಠಾಳನ್ನು ನೋಡಿ ಇವಳಿಗೆ ಡ್ರಿಂಕ್ಸ್‌ ಮಾಡುವ ಅಭ್ಯಾಸ ಇದೆ ಎಂದು ಗೊತ್ತಿರಲಿಲ್ಲ, ಎಂಥವಳಿಗೆ ನಾನು ಮನೆ ಕೊಟ್ಟೆ ಎಂದು ಬೇಸರ ವ್ಯಕ್ತಪಡಿಸುತ್ತಾಳೆ. ಇವಳು ಇಲ್ಲೇ ಹೊರಗೆ ಬಿದ್ದಿದ್ದಳು, ಆದ್ದರಿಂದ ನಾವು ಮನೆಗೆ ಬಿಡಲು ಹೋಗುತ್ತಿದ್ದೇವೆ ಎಂದು ಪೂಜಾ, ಕುಸುಮಾ ಸುಳ್ಳು ಹೇಳುತ್ತಾರೆ. ನಂತರ ಇಬ್ಬರು ಶ್ರೇಷ್ಠಾ ಮನೆಗೆ ಹೋಗಿ ಅವಳನ್ನು ಅಲ್ಲೇ ಕಟ್ಟಿ ಹಾಕುತ್ತಾರೆ.
ಪಾತ್ರ ಪರಿಚಯ
ಕುಸುಮಾ - ಪದ್ಮಜಾ ರಾವ್‌
ಧರ್ಮರಾಜ್‌ - ಶಶಿಧರ್‌ ಕೋಟೆ
ಭಾಗ್ಯಾ - ಸುಷ್ಮಾ ಕೆ ರಾವ್‌
ತಾಂಡವ್‌ ಸೂರ್ಯವಂಶಿ - ಸುದರ್ಶನ್‌ ರಂಗಪ್ರಸಾದ್‌
ಭಾಗ್ಯಾ ತಾಯಿ - ಸುನಿತಾ ಶೆಟ್ಟಿ
ಪೂಜಾ - ಆಶಾ ಅಯ್ಯನರ್‌
ಶ್ರೇಷ್ಠಾ - ಕಾವ್ಯಾ ಗೌಡ
ತನ್ವಿ - ಅಮೃತಾ ಗೌಡ
ಗುಂಡಣ್ಣ - ನಿಹಾರ್‌ ಗೌಡ
ಸುಂದರಿ - ಸುನೇತ್ರಾ ಪಂಡಿತ್‌
ವಿಭಾಗ