Lakshmi Baramma: ಕಾವೇರಿ ಮೇಲೆ ಆರೋಪ ಮಾಡಿದ ಲಕ್ಷ್ಮೀ; ಯಾರ ಮಾತು ನಂಬೋದು ಎಂದು ತಿಳಿಯದೆ ಕಂಗಾಲಾದ ಮನೆಮಂದಿ
ಲಕ್ಷ್ಮೀ ಬಾರಮ್ಮ ಧಾರಾವಾಹಿ: ಇಂದಿನ ಎಪಿಸೋಡ್‌ನಲ್ಲಿ ಕಾವೇರಿ ಹಾಗೂ ಲಕ್ಷ್ಮೀ ಮಧ್ಯ ದೊಡ್ಡ ಜಗಳವಾಗಿದೆ. ಕಾವೇರಿ ಮಾಡಿದ ಎಲ್ಲ ನಾಟಕವನ್ನು ಮನೆಯವರ ಮುಂದೆ ಲಕ್ಷ್ಮೀ ಹೇಳಿದ್ದಾಳೆ. ಆದರೆ ಒಂದೇ ಬಾರಿಗೆ ಈ ಮಾತನ್ನು ಮನೆಯವರು ನಂಬುತ್ತಿಲ್ಲ. ಈಗ ಮಾವ ಸಹಾಯ ಮಾಡ್ತಾರಾ ನೋಡಬೇಕಿದೆ.
ಕಾವೇರಿ ಮಾಡುವ ನಾಟಕ ಒಂದಾ, ಎರಡಾ? ಅವಳ ಎಲ್ಲಾ ಬಣ್ಣವನ್ನು ಬಯಲು ಮಾಡಲು ಲಕ್ಷ್ಮೀ ಕಾಯುತ್ತಾ ಇದ್ದಾಳೆ. ಆದರೆ ಏನೇ ಮಾಡಿದರು ಕಾವೇರಿಯನ್ನು ಹಿಮ್ಮೆಟ್ಟಲು ಸಾಧ್ಯ ಆಗುತ್ತಿಲ್ಲ. ಯಾಕೆಂದರೆ ಕಾವೇರಿ ಆ ರೀತಿಯಲ್ಲಿ ಎಲ್ಲರ ಮೇಲೆ ಮೋಡಿ ಮಾಡಿದ್ದಾಳೆ. ತಾನು ಒಳ್ಳೆಯವಳು ಎಂದು ಸಾಬೀತು ಮಾಡಲು ಅವಳು ಎಲ್ಲ ಅವಕಾಶಗಳನ್ನೂ ಬಳಸಿಕೊಳ್ಳುತ್ತಾಳೆ. ಎಲ್ಲರಿಂದ ನಂಬಿಕೆ ಗಳಿಸಿಕೊಂಡಿದ್ದಾಳೆ. ನಂಬಿಕೆ ಗಳಿಸಿಕೊಂಡು ಈಗ ಎಲ್ಲರಿಗೂ ಮೋಸ ಮಾಡುತ್ತಾ ಇದ್ದಾಳೆ. ಕೀರ್ತಿ ಇದ್ದರೆ ತಾನು ಕೆಟ್ಟವಳು ಎಂದು ಎಲ್ಲರಿಗೂ ಗೊತ್ತಾಗುತ್ತದೆ ಎಂದು ಅವಳು ಈ ಹಿಂದೆ ಕೀರ್ತಿಯನ್ನೇ ಕೊಂದಿದ್ದಾಳೆ.
ಇದೀಗ ಅವಳು ಮಾಡಬೇಕಾಗಿರುವುದು ಲಕ್ಷ್ಮೀಯ ಕೊಲೆ. ಕಾವೇರಿಯ ಒಂದೇ ಒಂದು ಆಸೆ ಏನು ಎಂದರೆ ತನ್ನ ಮಗ ವೈಷ್ಣವ್ ಯಾವಾಗಲೂ ತನ್ನವನೇ ಆಗಿರಬೇಕು, ಹೊರತಾಗಿ ಇನ್ಯಾರಿಗೂ ಸಿಕ್ಕಬಾರದು. ಅವನು ತನ್ನೊಬ್ಬಳನ್ನೇ ಪ್ರೀತಿ ಮಾಡಬೇಕು. ಅವನ ಎಲ್ಲಾ ಸಮಯವನ್ನು ತಮಗೆ ಮಾತ್ರ ನೀಡಬೇಕು ಎಂಬ ಆಸೆ. ಆದರೆ ಹೆಂಡತಿ ಬಂದ ಮೇಲೆ ವೈಷ್ಣವ್ ಅವಳಿಗೂ ಸಮಯ ಕೊಡಲೇಬೇಕು ಎಂಬುದನ್ನು ಅರಗಿಸಿಕೊಳ್ಳಲು ಅವಳಿಂದ ಸಾಧ್ಯವಾಗುತ್ತಿಲ್ಲ. ಹೀಗಿರುವಾಗ ಬೆಟ್ಟದ ಮೇಲೆ ಆದ ಮಾತುಕತೆ ಮತ್ತೆ ಚರ್ಚೆ ಆಗುತ್ತಿದೆ.
ಹಿಂದಿನ ದಿನವಷ್ಟೇ ಬೆಟ್ಟದ ಮೇಲೆ ಕಾವೇರಿ ಹಾಗೂ ಲಕ್ಷ್ಮೀ ನಡುವೆ ಮಾತಿನ ಚಕಮಕಿಯಾಗಿದೆ. ಆಗ ಕಾವೇರಿ ಆಡಿದ ಮಾತು ಎಲ್ಲರ ಮೇಲೆ ಫ್ರಬಾವ ಬೀರಿದೆ. ವೈಷ್ಣವ್ ಕೂಡ ನೀನು ಹೀಗೆ ಮಾಡ್ಬೋದಾ ಅಮ್ಮ ಎಂದು ಪ್ರಶ್ನೆ ಮಾಡಿದ್ದಾನೆ. ಆದರೆ ಅದಾದ ನಂತರ ತನ್ನ ಮಾತಿನಿಂದಲೇ ವೈಷ್ಣವ್ ಅದನ್ನು ನಂಬದ ರೀತಿ ಉತ್ತರಿಸಿದ್ದಾಳೆ. ಆದರೆ ಲಕ್ಷ್ಮೀಗೆ ಎಲ್ಲವೂ ಗೊತ್ತಿದೆ. ಈಗ ಕಾವೇರಿಯ ಗುರಿ ತಾನೇ ಆಗಿದ್ದೇನೆ ಎಂಬುದು ಅವಳಿಗೆ ಭಯ ಹುಟ್ಟಿಸುತ್ತಿದೆ.
ಅದನ್ನು ಲಕ್ಷ್ಮೀ ಎಲ್ಲರ ಎದುರು ಹೇಳಿಕೊಳ್ಳಲು ಪ್ರಯತ್ನ ಮಾಡುತ್ತಾ ಇದ್ದಾಳೆ. ಯಾರೋ ನನ್ನನ್ನು ಕೊಲ್ಲಲು ಬಂದಿದ್ದರು ಎಂದು ಹೇಳುತ್ತಾಳೆ. ಆದರೆ ಕಾವೇರಿ ಯಾರೂ ಇಲ್ಲ ನಿನ್ನನು ಯಾರು ಕೊಲ್ಲೋಕೆ ಬರ್ತಾರೆ ಎಂದು ಆ ಮಾತನ್ನು ಮರೆಸಲು ನೋಡುತ್ತಾಳೆ. ಆದರೆ ಕೋಪ ಬಂದು ಲಕ್ಷ್ಮೀ ಎಲ್ಲರ ಎದುರಲ್ಲಿ ಕಾವೇರಿಯನ್ನು ಎಳೆದಾಡಿದ್ದಾಳೆ. “ನೀವೇ ಅತ್ತೆ ನೀವೇ ನನ್ನ ಕೊಲೆ ಮಾಡೋಕೆ ಬಂದಿರೋದು” ಎಂದು ಎಲ್ಲರ ಎದುರಲ್ಲಿ ಹೇಳಿದ್ದಾಳೆ. ಆಗ ಕಾವೇರಿ ಗಂಡ ಹಾಗೂ ವೈಷ್ಣವ್ ಇಬ್ಬರೂ ಕೋಪ ಮಾಡಿಕೊಂಡಿದ್ದಾರೆ. ಈಗ ಅವಳ ಮಾತನ್ನು ಯಾರೂ ನಂಬುತ್ತಿಲ್ಲ.
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಪ್ರೇಕ್ಷಕರಿಂದ ಭಾರೀ ಮೆಚ್ಚುಗೆ ಪಡೆದುಕೊಂಡಿದೆ. ಪ್ರತಿದಿನ ರಾತ್ರಿ 7:30ಕ್ಕೆ ಈ ಧಾರಾವಾಗಿ ಪ್ರಸಾರವಾಗುತ್ತದೆ. ಮೊದಲು ಒಂದಾಗಿದ್ದ ಭಾಗ್ಯಲಕ್ಷ್ಮೀ ಮತ್ತು ಲಕ್ಷ್ಮೀ ಬಾರಮ್ಮ ಈಗ ಎಡರು ಬೇರೆ ಬೇರೆ ಧಾರಾವಾಹಿಗಳಾಗಿ ಯಶಸ್ವಿಯಾಗಿದೆ. ಟಿಆರ್‌ಪಿ ರೇಟಿಂಗ್ಸ್‌ನಲ್ಲೂ ಈ ಧಾರಾವಾಹಿ ಮುಂದಿದೆ. ಜನರು ತುಂಬಾ ಇಷ್ಟಪಟ್ಟು ನೋಡುವ ಧಾರಾವಾಹಿಯಾಗಿದ್ದು ಪ್ರತಿಯೊಂದು ಎಪಿಸೋಡ್‌ನ ಕಥೆಗಳೂ ಕುತೂಹಲಕಾರಿಯಾಗಿದೆ.
ಲಕ್ಷ್ಮೀ ಬಾರಮ್ಮ ಪಾತ್ರವರ್ಗ
ವೈಷ್ಣವ್ ಪಾತ್ರದಲ್ಲಿ ಶಮಂತ್‌ ಗೌಡ (ಬ್ರೋ ಗೌಡ)
ಕೀರ್ತಿ ಪಾತ್ರದಲ್ಲಿ ತನ್ವಿ ರಾವ್‌
ಲಕ್ಷ್ಮೀ ಪಾತ್ರದಲ್ಲಿ ಭೂಮಿಕಾ ರಮೇಶ್‌
ಕಾವೇರಿ ಪಾತ್ರದಲ್ಲಿ ಸುಷ್ಮಾ ನಾಣಯ್ಯ
ಸುಪ್ರಿತಾ ಪಾತ್ರದಲ್ಲಿ ರಜನಿ ಪ್ರವೀಣ್ ಅಭಿನಯಿಸುತ್ತಿದ್ದಾರೆ. ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಎಲ್ಲಾ ಎಪಿಸೋಡ್‌ಗಳ ಕಥೆಯನ್ನು ಇಲ್ಲಿ ಓದಬಹುದು.
