Lakshmi Baramma Serial: ಸತ್ಯದ ಹಿಂದೆ ಓಡಿದ ಲಕ್ಷ್ಮೀ; ಕಾವೇರಿ ಅಂದುಕೊಂಡಂತೆ ಈಗ ಯಾವುದೂ ಆಗಲ್ಲ
ಲಕ್ಷ್ಮೀ ಬಾರಮ್ಮ ಧಾರಾವಾಹಿಯ ಇಂದಿನ ಎಪಿಸೋಡ್‌ನಲ್ಲಿ ಜೂನಿಯರ್ ಡಾಕ್ಟರ್ ಮೂಲಕ ಲಕ್ಷ್ಮೀಗೆ ಎಲ್ಲ ವಿಚಾರ ಗೊತ್ತಾಗಿದೆ. ತಾನು ತಪ್ಪು ಮಾಡದೇ ಇದ್ದರೂ ಕಾವೇರಿ ತನ್ನ ಮೇಲೆ ಆರೋಪ ಹೋರಿಸಿದ್ದಾಳೆ ಎನ್ನುವ ವಿಚಾರ ಲಕ್ಷ್ಮೀಗೀಗ ಮನದಟ್ಟಾಗಿದೆ.
ಲಕ್ಷ್ಮೀ ಆಸ್ಪತ್ರೆಯಲ್ಲಿ ಸುಮ್ಮನೆ ಕೂತಿಲ್ಲ. ಎಲ್ಲದರ ಬಗ್ಗೆಯೂ ಲಕ್ಷ್ಯ ವಹಿಸುತ್ತಿದ್ದಾಳೆ. ತನ್ನನ್ನು ಇಲ್ಲಿಗೆ ಕಳಿಸಿದ್ದು ಕಾವೇರಿ ಅನ್ನೊ ಸತ್ಯ ಅವಳಿಗೆ ಗೊತ್ತಿದ್ರೂ ಮತ್ತಷ್ಟು ನಿಖರತೆ ಪಡೆದುಕೊಳ್ಳುವ ಸಲುವಾಗಿ ಅವಳು ಪ್ರಯತ್ನ ಮಾಡುತ್ತಲೇ ಇದ್ದಳು. ಆಸ್ಪತ್ರೆಯಲ್ಲಿ ತನಗೆ ಮೋಸ ಆಗ್ತಾ ಇದೆ ಎನ್ನುವ ವಿಚಾರ ಅವಳಿಗೆ ಗೊತ್ತಾಗಿತ್ತು. ಇನ್ನು ಲೇಡಿ ಡಾಕ್ಟರ್ ಏನೋ ಸಂಚು ಮಾಡುತ್ತಿದ್ದಾಳೆ ಎನ್ನುವ ವಿಚಾರ ತಿಳಿದಾಗಿನಿಂದ ಒಂದು ಕಣ್ಣಿಟ್ಟಿದ್ದಳು. ಕಾವೇರಿಗೆ ಅನುಮಾನ ಬಂದಿತ್ತು. ಲಕ್ಷ್ಮೀ ಹೇಗಾದರೂ ಮಾಡಿ ಸತ್ಯ ಬಾಯಿ ಬಿಡಿಸಿದರೆ ಕಷ್ಟ ಎಂದು ಅಂದುಕೊಂಡಿದ್ದಳು. ಆದರೆ ಅದು ಸಾಧ್ಯ ಇಲ್ಲ ಎಂದು ಕೂಡ ಅಂದುಕೊಂಡಿದ್ದಳು.
ಆದರೆ ಇಷ್ಟು ಬೇಗ ಆ ಲೇಡಿ ಡಾಕ್ಟರ್ ಸಿಕ್ಕಿ ಬೀಳ್ತಾಳೆ ಎಂದು ಯಾರೂ ಅಂದುಕೊಂಡಿರಲಿಲ್ಲ. ಆದರೆ ಈಗ ಡಾಕ್ಟರ್ ಹತ್ತಿರ “ಇದನ್ನೆಲ್ಲ ಮಾಡಿಸಿದ್ದು ಯಾರು? ನಿಜ ಹೇಳು” ಎಂದು ಲಕ್ಷ್ಮೀ ಗದರುತ್ತಿದ್ದಾಳೆ. ಲಕ್ಷ್ಮೀ ಕೇಳಿದ ಒಂದೇ ಒಂದು ಪ್ರಶ್ನೆಗೆ ಡಾಕ್ಟರ್ ಭಯವಾಗಿ ಓಡಿ ಹೋಗಿದ್ಧಾಳೆ. ಆದರೆ ಸಿಕ್ಕ ಸತ್ಯವನ್ನು ಮಾತ್ರ ಬಿಡುವ ಅವಕಾಶವನ್ನು ತಾನು ಕಳೆದುಕೊಳ್ಳಲಾರೆ ಎಂದು ಲಕ್ಷ್ಮೀ ಕೂಡ ಅವಳ ಹಿಂದಿನಿಂದ ಓಡುತ್ತಾಳೆ. ಇತ್ತಾ ಕಾವೇರಿಗೆ ಯಾಕೋ ಅನುಮಾನ ಬಂದಿದೆ.
ಅದಾದ ನಂತರದಲ್ಲಿ ಲಕ್ಷ್ಮೀ ಹೇಗೋ ಕಷ್ಟಪಟ್ಟು ಲೇಡಿ ಜೂನಿಯರ್ ಡಾಕ್ಟರ್‌ನ ಹಿಡಿಯುತ್ತಾಳೆ. “ನನಗೆ ಎಲ್ಲ ಸತ್ಯ ಗೊತ್ತಿದೆ. ನೀನು ಮೊದಲು ಈ ಎಲ್ಲ ಕೆಲಸವನ್ನು ಯಾರು ಮಾಡಸ್ತಾ ಇರೋದು ಅಂತ ಹೇಳು” ಇಲ್ಲ ಅಂದ್ರೆ ನಾನು ಸುಮ್ನೆ ಇರೋದಿಲ್ಲ ಎಂದು ಹೇಳುತ್ತಾಳೆ. ಲಕ್ಷ್ಮೀಯ ಆ ಮಾತಿಗೆ ಭಯಪಟ್ಟು ಅವಳು ಒಪ್ಪಿಕೊಳ್ಳುತ್ತಾಳೆ. ಇದು ಕಾವೇರಿ ಮಾಡಸ್ತಾ ಇರೋ ಕೆಲಸ ಎಂದು ಹೇಳುತ್ತಾಳೆ. ಆ ಮಾತನ್ನು ಕೇಳಿ ಲಕ್ಷ್ಮೀ ಈಗ ಶಾಕ್ ಆಗಿದ್ದಾಳೆ. ಕಾವೇರಿ ಅಂದುಕೊಂಡಂತೆ ಎಲ್ಲವೂ ನಡೆಯುತ್ತಿದೆ. ಕಾವೇರಿ ಮಾತ್ರ ತುಂಬಾ ಖುಷಿಯಲ್ಲಿದ್ದಾಳೆ ಅಂದುಕೊಳ್ಳುವಷ್ಟರಲ್ಲಿ ಮತ್ತೆ ಈಗ ಅವಳಿಗೆ ಅಳು ಬರುವಂತಾಗಿದೆ.
ಇನ್ನು ಮುಂದಿನ ದಿನದಲ್ಲಿ ವೈಷ್ಣವ್ ಹತ್ತಿರ ಹೊಸ ಸುಳ್ಳು ಏನು ಹೇಳಬೇಕು ಎಂದು ಹುಡುಕಾಡುವ ಪರಿಸ್ಥಿತಿ ಅವಳಿಗೆ ಬಂದಿದೆ. ಕಾವೇರಿ ಬೇಕು ಎಂದೇ ಮೊಸಳೆ ಕಣ್ಣೀರು ಹಾಕುತ್ತಾಳೆ. ಏನಾದರೂ ಮಾಡಿ ಮತ್ತೆ ಯಾಮಾರಿಸುತ್ತಾಳೆ.
ಲಕ್ಷ್ಮೀ ಬಾರಮ್ಮ ಧಾರಾವಾಹಿ
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಪ್ರೇಕ್ಷಕರಿಂದ ಭಾರೀ ಮೆಚ್ಚುಗೆ ಪಡೆದುಕೊಂಡಿತ್ತು. ಪ್ರತಿದಿನ ರಾತ್ರಿ 7:30ಕ್ಕೆ ಈ ಧಾರಾವಾಹಿ ಪ್ರಸಾರವಾಗುತ್ತದೆ. ಮೊದಲು ಒಂದಾಗಿದ್ದ ಭಾಗ್ಯಲಕ್ಷ್ಮೀ ಮತ್ತು ಲಕ್ಷ್ಮೀ ಬಾರಮ್ಮ ಈಗ ಎರಡು ಬೇರೆ ಬೇರೆ ಧಾರಾವಾಹಿಗಳಾಗಿ ಯಶಸ್ವಿಯಾಗಿದೆ. ಟಿಆರ್‌ಪಿ ರೇಟಿಂಗ್ಸ್‌ನಲ್ಲೂ ಈ ಧಾರಾವಾಹಿ ಮುಂದಿದೆ.
ಲಕ್ಷ್ಮೀ ಬಾರಮ್ಮ ಪಾತ್ರವರ್ಗ
ವೈಷ್ಣವ್ ಪಾತ್ರದಲ್ಲಿ ಶಮಂತ್‌ ಗೌಡ (ಬ್ರೋ ಗೌಡ)
ಕೀರ್ತಿ ಪಾತ್ರದಲ್ಲಿ ತನ್ವಿ ರಾವ್‌
ಲಕ್ಷ್ಮೀ ಪಾತ್ರದಲ್ಲಿ ಭೂಮಿಕಾ ರಮೇಶ್‌
ಕಾವೇರಿ ಪಾತ್ರದಲ್ಲಿ ಸುಷ್ಮಾ ನಾಣಯ್ಯ
ಸುಪ್ರಿತಾ ಪಾತ್ರದಲ್ಲಿ ರಜನಿ ಪ್ರವೀಣ್ ಅಭಿನಯಿಸುತ್ತಿದ್ದಾರೆ. ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಎಲ್ಲಾ ಎಪಿಸೋಡ್‌ಗಳ ಕಥೆಯನ್ನು ಇಲ್ಲಿ ಓದಬಹುದು.
