Lakshmi Baramma: ಲಕ್ಷ್ಮೀ ಹೋರಾಟಕ್ಕೆ ಈಗ ಫಲ ಸಿಗುವಂತಿದೆ; ಕಾವೇರಿಯ ಮೋಸ ಆಟ ಮುಗಿಯಲು ಕೆಲವೇ ದಿನ ಬಾಕಿ
ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಲ್ಲಿ ಲಕ್ಷ್ಮೀ ಕಾವೇರಿಯ ಮೋಸದ ಆಟವನ್ನು ಬಯಲು ಮಾಡಲು ಮುಂದಾಗಿದ್ದಾಳೆ. ಲೇಡಿ ಡಾಕ್ಟರ್ ಬಾಯಲ್ಲಿ ಸತ್ಯ ಕೇಳಿ. ತಾನು ಮುಂದೇನು ಮಾಡಬೇಕು ಎಂಬ ಬಗ್ಗೆ ಆಲೋಚನೆ ಮಾಡುತ್ತಿದ್ದಾಳೆ.
ಲಕ್ಷ್ಮೀ ಬಾರಮ್ಮ ಧಾರಾವಾಹಿಯೂ ನೋಡುಗರಿಗೆ ಬೇಸರ ಎನಿಸುವ ಹೊತ್ತಿನಲ್ಲಿ ಇದೀಗ ಕಾವೇರಿಯ ಎಲ್ಲ ನಾಟಕವನ್ನು ಬಯಲು ಮಾಡಲು ಲಕ್ಷ್ಮೀ ಮುಂದಾಗಿದ್ದಾಳೆ. ಇಂದಿನ ಸಂಚಿಕೆಯಲ್ಲಿ ಧಾರಾವಾಹಿ ತಿರುವು ಪಡೆದುಕೊಳ್ಳಲಿದೆ. ಆಸ್ಪತ್ರೆಯಲ್ಲಿ ನಡೆದ ಎಲ್ಲ ವಿಚಾರವನ್ನು ತನ್ನ ಪಾಡಿಗೆ ತಾನು ನೆನಪು ಮಾಡಿಕೊಳ್ಳುತ್ತಾ ಲಕ್ಷ್ಮೀ ನಡೆದುಕೊಂಡು ಬರುತ್ತಾ ಇರುತ್ತಾಳೆ. ಇಷ್ಟು ದಿನದ ಹಿಂದೆ ಕಾವೇರಿ ಏನೆಲ್ಲ ಮೋಸ ಮಾಡಿದ್ದಾಳೆ? ಇನ್ನು ಮುಂದೆ ಏನು ಮಾಡಬಹುದು ಎಂಬ ಆಲೋಚನೆಯಲ್ಲೇ ಅವಳು ಮುಳುಗಿ ಹೋಗಿರುತ್ತಾಳೆ. ಹೀಗಿರುವಾಗ ಮುಂದೇನಾಗುತ್ತದೆ ನೋಡಿ.
ಕಾವೇರಿ ಮುಂದೆ ಲಕ್ಷ್ಮೀ ಮಾತು
ಕಾವೇರಿ ಹತ್ತಿರ ನೀವು ಬಚ್ಚಿಟ್ಟ ಎಲ್ಲ ಸತ್ಯಾನೂ ಹೊರಗಡೆ ತರ್ತೀನಿ. ಕೀರ್ತಿಗೆ ನ್ಯಾಯ ಕೊಡ್ಸೆ ಕೊಡಸ್ತೀನಿ ಎಂದು ಹೇಳುತ್ತಾ ಅತ್ತೆ ಮುಂದೆ ಓಪನ್ ಛಾಲೇಂಜ್ ಹಾಕುತ್ತಾಳೆ ಲಕ್ಷ್ಮೀ. ಇದು ಈ ಲಕ್ಷ್ಮೀ ತೊಟ್ಟಿರೋ ಪಣ ಎಂದು ಹೇಳುತ್ತಾ. ಏನೋ ಒಂದನ್ನು ಇವಳು ಸಾಧನೆ ಮಾಡ್ತಾಳೆ ಅನ್ನೋ ನಂಬಿಕೆ ಬರುವ ಹಾಗೆ ನಡೆದುಕೊಳ್ಳುತ್ತಾಳೆ. ಅವಳ ಮಾತಿನಿಂದ ಕಾವೇರಿಗೂ ಸ್ವಲ್ಪ ಮಟ್ಟಿನ ಭಯ ಆಗುತ್ತದೆ. ಯಾಕೆ ಇವಳು ಈ ರೀತಿ ಎಲ್ಲ ಮಾತಾಡುತ್ತಿದ್ಧಾಳೆ? ಎಂದು ಅನಿಸುತ್ತದೆ.
ಕೀರ್ತಿ ಕಂಡದ್ದು ನಿಜವಾ?
ಆದರೆ ಆ ನಂತರದಲ್ಲಿ ಕಾವೇರಿ ತನ್ನ ಮೇಲೆ ತನಗಿರುವ ವಿಶ್ವಾಸವನ್ನೇ ನಂಬಿ ನಡೆಯುತ್ತಾಳೆ. ಅದಾದ ನಂತರದಲ್ಲಿ ಲಕ್ಷ್ಮೀ ಹಾಗೇ ಮುಂದೆ ನಡೆದುಕೊಂಡು ಹೋಗುತ್ತಾ ಇರುತ್ತಾಳೆ. ಆಗ ಯಾರೋ ಕೂಗಿಕೊಂಡಂತೆ ಕಾಣಿಸುತ್ತದೆ. ನೋಡಿದರೆ ಒಳಗಡೆ ಕೀರ್ತಿ ಇರುತ್ತಾಳೆ. ಇದು ಭ್ರಮೆಯೋ ಅಥವಾ ನಿಜವೋ ಎಂದು ವೀಕ್ಷಕರಿಗೆ ನಿರ್ಧಾರ ಮಾಡಲು ಸಾಧ್ಯವಾಗುತ್ತಿಲ್ಲ. ಒಟ್ಟಿನಲ್ಲಿ ಧಾರಾವಾಹಿಯಲ್ಲಿ ಒಂದು ತಿರುವು ಕಾಣಿಸಿಕೊಳ್ಳಲಿದೆ.
ಲಕ್ಷ್ಮೀ ಬಾರಮ್ಮ ಧಾರಾವಾಹಿ
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಪ್ರೇಕ್ಷಕರಿಂದ ಭಾರೀ ಮೆಚ್ಚುಗೆ ಪಡೆದುಕೊಂಡಿತ್ತು. ಪ್ರತಿದಿನ ರಾತ್ರಿ 7:30ಕ್ಕೆ ಈ ಧಾರಾವಾಹಿ ಪ್ರಸಾರವಾಗುತ್ತದೆ. ಮೊದಲು ಒಂದಾಗಿದ್ದ ಭಾಗ್ಯಲಕ್ಷ್ಮೀ ಮತ್ತು ಲಕ್ಷ್ಮೀ ಬಾರಮ್ಮ ಈಗ ಎರಡು ಬೇರೆ ಬೇರೆ ಧಾರಾವಾಹಿಗಳಾಗಿ ಯಶಸ್ವಿಯಾಗಿದೆ. ಟಿಆರ್‌ಪಿ ರೇಟಿಂಗ್ಸ್‌ನಲ್ಲೂ ಈ ಧಾರಾವಾಹಿ ಮುಂದಿದೆ.
ಲಕ್ಷ್ಮೀ ಬಾರಮ್ಮ ಪಾತ್ರವರ್ಗ
ವೈಷ್ಣವ್ ಪಾತ್ರದಲ್ಲಿ ಶಮಂತ್‌ ಗೌಡ (ಬ್ರೋ ಗೌಡ)
ಕೀರ್ತಿ ಪಾತ್ರದಲ್ಲಿ ತನ್ವಿ ರಾವ್‌
ಲಕ್ಷ್ಮೀ ಪಾತ್ರದಲ್ಲಿ ಭೂಮಿಕಾ ರಮೇಶ್‌
ಕಾವೇರಿ ಪಾತ್ರದಲ್ಲಿ ಸುಷ್ಮಾ ನಾಣಯ್ಯ
ಸುಪ್ರಿತಾ ಪಾತ್ರದಲ್ಲಿ ರಜನಿ ಪ್ರವೀಣ್ ಅಭಿನಯಿಸುತ್ತಿದ್ದಾರೆ. ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಎಲ್ಲಾ ಎಪಿಸೋಡ್‌ಗಳ ಕಥೆಯನ್ನು ಇಲ್ಲಿ ಓದಬಹುದು.
