ಬಿಟಿಎಸ್ ಕನ್ನಡ ಸಿನಿಮಾ ರುಕ್ಮಿಣಿ ವಸಂತ್‌ ಅಭಿನಯದ ತೆಲುಗು ಚಿತ್ರ ಸೇರಿದಂತೆ ನವೆಂಬರ್‌ 8 ಕ್ಕೆ ರಿಲೀಸ್ ಆಗಲಿರುವ ಸಿನಿಮಾಗಳಿವು
ನವೆಂಬರ್‌ 8, ಶುಕ್ರವಾರ ರುಕ್ಮಿಣಿ ವಸಂತ್‌ ನಟನೆಯ ಅಪ್ಪುಡೋ ಇಪ್ಪುಡೋ ಎಪ್ಪುಡೋ, ಬಿಟಿಎಸ್ ಕನ್ನಡ ಸಿನಿಮಾ ಸೇರಿದಂತೆ ಅನೇಕ ಸಿನಿಮಾಗಳು ತೆರೆ ಕಾಣುತ್ತಿವೆ. ಈ ವಾರ ಕನ್ನಡದಲ್ಲಿ ಯಾವುದೇ ಸ್ಟಾರ್ ನಟರ ಬಿಗ್‌ ಬಜೆಟ್‌ ಸಿನಿಮಾಗಳು ರಿಲೀಸ್ ಆಗುತ್ತಿಲ್ಲ.
ಪ್ರತಿ ಗುರುವಾರ, ಶುಕ್ರವಾರ ಹೊಸ ಹೊಸ ಸಿನಿಮಾಗಳು ತೆರೆ ಕಾಣುತ್ತಿವೆ. ಕಳೆದ ವಾರ ದೀಪಾವಳಿ, ಕನ್ನಡ ರಾಜ್ಯೋತ್ಸವದ ಪ್ರಯುಕ್ತ ಅನೇಕ ಸಿನಿಮಾಗಳು ರಿಲೀಸ್ ಆಗಿದ್ದವು. ಈ ವಾರ ಸ್ಟಾರ್ ನಟರ ಯಾವುದೇ ಸಿನಿಮಾಗಳು ರಿಲೀಸ್ ಆಗುತ್ತಿಲ್ಲ. ಹೊಸಬರ ಸಿನಿಮಾಗಳು ನವೆಂಬರ್‌ 8, ಶುಕ್ರವಾರ ತೆರೆ ಕಾಣುತ್ತಿದೆ. ಅದರಲ್ಲಿ ಸ್ಯಾಂಡಲ್ವುಡ್ ನಟಿ ರುಕ್ಮಿಣಿ ವಸಂತ್‌ ನಟಿಸಿರುವ ಮೊದಲ ತೆಲುಗು ಸಿನಿಮಾ ಅಪ್ಪುಡೋ ಇಪ್ಪುಡೋ ಎಪ್ಪುಡೋ ಸಿನಿಮಾ ಮೇಲೆ ನಿರೀಕ್ಷೆ ಹೆಚ್ಚಾಗಿದೆ. ಈ ವಾರ ರಿಲೀಸ್ ಆಗಲಿರುವ ಸಿನಿಮಾಗಳ ಲಿಸ್ಟ್ ಇಲ್ಲಿದೆ.
ನವೆಂಬರ್‌ 8ರಂದು ತೆರೆ ಕಾಣುತ್ತಿರುವ ಕನ್ನಡ ಸಿನಿಮಾಗಳು
ಅಸುರರು
ಬಹುತೇಕ ಹೊಸಬರೇ ಇರುವ ಅಸುರರು ಸಿನಿಮಾ ನವೆಂಬರ್‌ 8 ರಂದು ತೆರೆ ಕಾಣುತ್ತಿದೆ. ಚಿತ್ರಕ್ಕೆ ರಾಜ್ ಬಹದ್ದೂರ್ ಫಿಲ್ಮಂ ಫ್ಯಾಕ್ಟರಿ ಬ್ಯಾನರ್‌ ಅಡಿ ರಾಜ್ ಬಹದ್ದೂರ್ ನಿರ್ಮಾಣ ಮಾಡುವದರ ಜೊತೆ ಆಕ್ಷನ್‌ ಕಟ್‌ ಹೇಳಿದ್ದಾರೆ. ಜೊತೆಗೆ ಸಿನಿಮಾದಲ್ಲಿ ಒಂದು ಪ್ರಮುಖ ಪಾತ್ರದಲ್ಲಿ ಕೂಡಾ ನಟಿಸಿದ್ದಾರೆ. ತಮ್ಮಣ್ಣ ಈ ಚಿತ್ರಕ್ಕೆ ನಾಯಕನಾಗಿ ನಟಿಸಿದ್ದಾರೆ. ರಾಹುಲ್ ಗಾಯಕವಾಡ, ತಿಪ್ಪಣ್ಣ ಟಿ.ಎಸ್, ಮಲ್ಲಿಕಾರ್ಜುನ್ ಮಿಮಿಕ್ರಿ, ಸುಪ್ರಿತಾ ರಾಜ್ ತಾರಾಬಳಗದಲ್ಲಿದ್ದಾರೆ.
ಬಿಟಿಎಸ್
'ಬಿಟಿಎಸ್' ಎಂದರೆ 'ಬಿಹೈಂಡ್ ದಿ ಸೀನ್ಸ್' ಎಂದರ್ಥ. ವಾರದ ಹಿಂದೆ 'ಬಿಟಿಎಸ್' ಟ್ರೇಲರ್ ರಿಲೀಸ್ ಆಗಿದ್ದು, ಹೊಸಬರ ಪ್ರಯತ್ನ ಗಮನ ಸೆಳೆಯುತ್ತಿದೆ. ಈ ಕಾಲದ ನಿರ್ದೇಶಕರ ಐದು ಕಥೆಗಳು ಈ ಸಿನಿಮಾದಲ್ಲಿವೆ. 'ಬಾನಿಗೊಂದು ಎಲ್ಲೆ ಎಲ್ಲಿದೆ', 'ಕಾಫಿ, ಸಿಗರೇಟ್ಸ್ ಅಂಡ್ ಲೈನ್ಸ್', 'ಹೀರೋ', 'ಬ್ಲ್ಯಾಕ್ ಬಸ್ಟರ್' ಹಾಗೂ ಸುಮೋಹ' ಎಂಬ ಕಥೆಗಳು ಬಿಟಿಎಸ್ ಚಿತ್ರದ ಹೈಲೆಟ್ಸ್ ಆಗಿವೆ.
ಸಂತೋಷ ಸಂಗೀತ
ಸಿದ್ದು ಎಸ್ ನಿರ್ಮಿಸಿ, ನಿರ್ದೇಶಿಸಿರುವ ಸಂತೋಷ ಸಂಗೀತ ಸಿನಿಮಾ ನವೆಂಬರ್‌ 8 ರಂದು ತೆರೆಗೆ ಬರುತ್ತಿದೆ. ಚಿತ್ರದಲ್ಲಿ ನಾಯಕ-ನಾಯಕಿಯಾಗಿ ಅರ್ನವ್ ವಿನ್ಯಾಸ್ ಹಾಗೂ ರಾಣಿ ವರದ್ ನಟಿಸಿದ್ದಾರೆ. ನಕ್ಷತ್ರ, ದೊಡ್ಡಣ್ಣ, ಅವಿನಾಶ್, ಲಯಕೋಕಿಲ, ಮಡೆನೂರ್ ಮನು, ಮಿಮಿಕ್ರಿ ಗೋಪಿ, ವಾಣಿ, ಸೀತಾ ಕೋಟೆ, ಸೂರ್ಯ ಕಿರಣ್, ಅಮಿತ್ ಹಾಗೂ ಇನ್ನಿತರರು ಕೂಡಾ ಚಿತ್ರದಲ್ಲಿದ್ದಾರೆ.
ಯು 235
ಡೈನಾಮಿಕ್ ಸ್ಟಾರ್ ದೇವರಾಜ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಯು 235 ಸಿನಿಮಾ ಶುಕ್ರವಾರ ರಿಲೀಸ್ ಆಗುತ್ತಿದೆ. ಗೀತಾ ಕ್ರಿಯೇಷನ್ಸ್ ಲಾಂಛನದಲ್ಲಿ ಈ ಚಿತ್ರವನ್ನು ಗೀತಾ ನಿರ್ಮಾಣ ಮಾಡಿದ್ದರೆ ಚನ್ನೇಗೌಡ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಮಂಡ್ಯ ಮೂಲದ ನಿತ್ಯಾನಂದ ಸಹ ನಿರ್ಮಾಪಕರಾಗಿರುವ ಈ ಚಿತ್ರದಲ್ಲಿ ವಿವೇಕ್, ಪೂಜಾ ದುರ್ಗಣ್ಣ, ದಿನೇಶ್ ಮಂಗಳೂರು, ರಾಜೇಶ್ ನಟರಂಗ, ಹಿಮ, ಹನುಮಂತೇ ಗೌಡ ಮುಂತಾದವರು ನಟಿಸಿದ್ದಾರೆ.
ನವೆಂಬರ್‌ 8 ರಂದು ತೆರೆ ಕಾಣುತ್ತಿರುವ ತೆಲುಗು ಸಿನಿಮಾಗಳು
ಅಪ್ಪುಡೋ ಇಪ್ಪುಡೋ ಎಪ್ಪುಡೋ
ರುಕ್ಮಿಣಿ ವಸಂತ್‌ ನಟಿಸಿರುವ ಮೊದಲ ತೆಲುಗು ಸಿನಿಮಾ ಅಪ್ಪುಡೋ ಇಪ್ಪುಡೋ ಎಪ್ಪುಡೋ ನವೆಂಬರ್‌ 8 ರಂದು ತೆರೆ ಕಾಣುತ್ತಿದೆ. ನಿಖಿಲ್‌ ಸಿದ್ದಾರ್ಥ್‌ ನಾಯಕನಾಗಿ ನಟಿಸಿರುವ ಈ ಚಿತ್ರವನ್ನು ಚಿತ್ರವನ್ನು ಬಿವಿಎಸ್‌ಎನ್‌ ಪ್ರಸಾದ್‌ ನಿರ್ಮಿಸಿದ್ದು ಸುಧೀರ್‌ ವರ್ಮಾ ನಿರ್ದೇಶನ ಮಾಡಿದ್ದಾರೆ.
ಇದನ್ನು ಹೊರತುಪಡಿಸಿ ತೆಲುಗಿನಲ್ಲಿ ಧೂಮ್‌ ಧಾಮ್‌, ಜುವೆಲ್‌ ಥೀಫ್‌, ರಹಸ್ಯಂ ಇದಂ ಜಗತ್‌, ಶ್ರೀಶ್ರೀಶ್ರೀ ರಾಜಾವಾರು, ಜಾತರ, ಈ ಸಾರೈನಾ, ಜಿತೇಂದರ್‌ ರೆಡ್ಡಿ ಹಾಗೂ ವಾಂಚನ ಸಿನಿಮಾಗಳು ತೆರೆ ಕಾಣುತ್ತಿವೆ.
