Human shaped lamb: ಮನುಷ್ಯ ಮುಖದ ಮೇಕೆ ಮರಿ ನೋಡಿ ದಂಗಾದ ಜನ; ವಿಡಿಯೋ ನೀವೂ ನೋಡಿ!

ಭೋಪಾಲ: ಫೋಟೋ ನೋಡಿದ್ರಾ? ಮಸೂರ ಧರಿಸಿದ ವಯಸ್ಸಾದ ಮನುಷ್ಯನ ಮುಖದಂತಿದೆಯಲ್ಲ! ಕುತೂಹಲ ಕೆರಳಿಸುವ ಇದು ವಿಚಿತ್ರ ಮೇಕೆ ಮರಿಯ ಫೋಟೋ.

ಮಧ್ಯಪ್ರದೇಶದ ವಿದಿಶಾ ಜಿಲ್ಲೆಯ ಸಿರೋಂಜ್‌ನಲ್ಲಿ ಮನುಷ್ಯ ಮುಖವನ್ನು ಹೋಲುವ ಮುಖದ ಮರಿಗೆ ಮೇಕೆ ಜನ್ಮ ನೀಡಿದೆ. ಶುಕ್ರವಾರ ಮೇಕೆ ಮರಿ ಹಾಕಿದ್ದು, ಆರಂಭದಲ್ಲಿ ಮನೆಮಂದಿ ಗಾಬರಿ ಬಿದ್ದರೆ, ನಂತರ ಊರವರೆಲ್ಲ ಗಾಬರಿಗೊಳಗಾಗಿದ್ದಾರೆ.

ಈ ವಿಚಿತ್ರ ಮೇಕೆ ಮರಿಯನ್ನು ನೋಡುವುದಕ್ಕೆ ಜನಸಾಗರವೇ ಹರಿದುಬಂದಿದೆ. ಅಂದ ಹಾಗೆ, ಈ ಅಚ್ಚರಿಯ ಘಟನೆ ಸಿರೊಂಜ್ ತೆಹಸಿಲ್ ವ್ಯಾಪ್ತಿಯ ಸೆಮಲ್ ಖೇಡಿ ಗ್ರಾಮದಲ್ಲಿ ನಡೆದಿದೆ.

ಇದು ವಿರೂಪಗೊಂಡಿರುವ ಮೇಕೆ ಮರಿ. ಇಂತಹ ಮರಿಗಳು ಹೆಚ್ಚು ಸಮಯ ಬದುಕುವುದಿಲ್ಲ. ವಯಸ್ಸು ಕಡಿಮೆ ಎಂದು ಪಶುವೈದ್ಯರು ಹೇಳಿದ್ದಾರೆ. ಅದರ ಧ್ವನಿಯೂ ಮೇಕೆಯ ಧ್ವನಿಯಂತಿಲ್ಲ. ಬೆಕ್ಕಿನ ಕೂಗಿನಂತೆ ಕೇಳುವುದಾದರೂ, ಸೂಕ್ಷ್ಮವಾಗಿ ಗಮನಿಸಿದರೆ ಮೇಕೆಯ ಧ್ವನಿ ಕೇಳಬಹುದು.

ಆ ವಿಡಿಯೋ ಇಲ್ಲೇ ಕೆಳಗಿದೆ ನೋಡಿ

ವಿಚಿತ್ರವಾಗಿ ಕಾಣುವ ಈ ಮೇಕೆಮರಿಯನ್ನು ನೋಡಲು ಸುತ್ತಮುತ್ತಲಿನ ಪ್ರದೇಶದ ಜನರು ಗುಂಪುಗೂಡಿ ಬರತೊಗಿದ್ದಾರೆ. ಇಂತಹ ಮೇಕೆ ಮರಿಯನ್ನು ಅಲ್ಲಿಯವರೆಂದೂ ನೋಡಿರಲಿಲ್ಲ.

ಸದ್ಯ ಈ ಮೇಕೆ ಮರಿಗೆ ಸಿರಿಂಜ್‌ ಮೂಲಕ ಹಾಲು ಕುಡಿಸಲಾಗುತ್ತಿದೆ. ತಾಯಿಯ ಹಾಲುಣ್ಣುವುದು ಅದಕ್ಕೆ ಸಾಧ್ಯವಾಗುತ್ತಿಲ್ಲ ಎಂದು ವೈದ್ಯರು ತಿಳಿಸಿದ್ದಾರೆ.