Actress Madhavi Photos: ಬಹುಭಾಷಾ ನಟಿ ಮಾಧವಿ ಈಗ ನೋಡಲು ಹೇಗಿದ್ದಾರೆ...ಇಲ್ಲಿವೆ ನೋಡಿ ಚೆಂದದ ಫ್ಯಾಮಿಲಿ ಫೋಟೋಗಳು
ಒಂದು ಕಾಲದಲ್ಲಿ ಕನ್ನಡ, ತೆಲುಗು, ಹಿಂದಿ, ತಮಿಳು, ಮಲಯಾಳಂ ಚಿತ್ರರಂಗದಲ್ಲಿ ಮೇರುನಟಿಯಾಗಿ ಹೆಸರು ಮಾಡಿದ್ದ ಮಾಧವಿ ಅಭಿನಯವನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ಮಾಧವಿ ಈಗ ಚಿತ್ರರಂಗದಿಂದ ಸಂಪೂರ್ಣ ದೂರ ಉಳಿದಿದ್ದಾರೆ. ಆದರೆ ಅವರ ನಟನೆ ಇಂದಿಗೂ ಕಣ್ಣಿಗೆ ಕಟ್ಟಿದಂತಿದೆ.
(1 / 18)
ಮಾಧವಿ ಬಹುಭಾಷಾ ನಟಿಯಾಗಿ ಹೆಸರು ಮಾಡಿದ್ದರು. ಆದರೆ ಆಕೆ ಮೂಲತ: ಆಂಧ್ರ ಪ್ರದೇಶಕ್ಕೆ ಸೇರಿದವರು. ಆಂಧ್ರದ ಎಲ್ಲೂರಿಗೆ ಸೇರಿದ ಮಾಧವಿ ಮೊದಲ ಹೆಸರು ಕನಕ ವಿಜಯಲಕ್ಷ್ಮಿ(PC: Maadhavi Official Website, Instagram)
(2 / 18)
2 ದಶಕಗಳ ಕಾಲ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದ ಮಾಧವಿ, ಎಲ್ಲಾ ಭಾಷೆಗಳು ಸೇರಿ ಸುಮಾರು 300 ಸಿನಿಮಾಗಳಲ್ಲಿ ನಟಿಸಿದ್ದಾರೆ.
(3 / 18)
ಮಾಧವಿ ತಂದೆ ಗೋವಿಂದಸ್ವಾಮಿ, ತಾಯಿ ಶಶಿರೇಖಾ. ಮಾಧವಿಗೆ ಅಕ್ಕ, ಅಣ್ಣ ಇದ್ದಾರೆ. ಬಾಲ್ಯದಲ್ಲೇ ಭರತನಾಟ್ಯಂ ಕಲಿತ ಮಾಧವಿ ಅನೇಕ ವೇದಿಕೆಗಳಲ್ಲಿ ನೃತ್ಯ ಮಾಡಿದ್ದಾರೆ.
(4 / 18)
80ರ ದಶಕದಲ್ಲಿ ಸಿನಿರಸಿಕರನ್ನು ರಂಜಿಸಿದ್ದ ಚೆಲುವೆ ಮಾಧವಿ, ಈಗ ನೋಡಲು ಈ ರೀತಿ ಇದ್ದಾರೆ. ಮಾಧವಿ ಸದ್ಯಕ್ಕೆ ಪತಿ ಹಾಗೂ ಮಕ್ಕಳೊಂದಿಗೆ ವಿದೇಶದಲ್ಲಿ ನೆಲೆಸಿದ್ದಾರೆ.
(5 / 18)
ಮಾಧವಿ ಚಿತ್ರರಂಗಕ್ಕೆ ಬಂದಿದ್ದು ಟಾಲಿವುಡ್‌ ಮೂಲಕ. ದಾಸರಿ ನಾರಾಯಣ ರಾವ್‌ ಅವರ ಸಿನಿಮಾ ಮೂಲಕ ಕನಕ ವಿಜಯಲಕ್ಷ್ಮಿ ಚಿತ್ರರಂಗಕ್ಕೆ ಬಂದರು. ಚಿತ್ರರಂಗಕ್ಕೆ ಬಂದ ನಂತರ ತಮ್ಮ ಹೆಸರನ್ನು ಮಾಧವಿ ಎಂದು ಬದಲಿಸಿಕೊಂಡರು. ತೆಲುಗಿನ ಬಹುತೇಕ ಎಲ್ಲಾ ನಟರೊಂದಿಗೆ ಮಾಧವಿ ನಟಿಸಿದ್ದಾರೆ.
(6 / 18)
ತಮಿಳಿನ ಖ್ಯಾತ ನಟ ಕಮಲ್‌ ಹಾಸನ್‌ ಜೊತೆ ಮಾಧವಿ
(7 / 18)
ಚಿತ್ರರಂಗದ ಉತ್ತುಂಗದಲ್ಲಿರುವಾಗಲೇ ಮಾಧವಿ ಮದುವೆಯಾದರು. ತಾವು ಮೊದಲು ಒಪ್ಪಿಕೊಂಡಿದ್ದ ಎಲ್ಲಾ ಸಿನಿಮಾಗಳನ್ನು ಮುಗಿಸಿ ಮದುವೆ ನಂತರ ನಟನೆಯಿಂದ ಸಂಪೂರ್ಣ ದೂರ ಉಳಿದರು.
(8 / 18)
ಮಾಧವಿ ಅವರ ಆಧ್ಯಾತ್ಮಿಕ ಗುರು ಸ್ವಾಮಿ ರಾಮ, ಮುಂದೆ ನಿಂತು ಮಾಧವಿ ಮದುವೆ ಮಾಡಿದರು. ಮಾಧವಿ ಪತಿ ರಾಲ್ಫ್‌ ಶರ್ಮಾ, ಸ್ವಾಮಿ ರಾಮ ಅವರ ಸ್ಟೂಡೆಂಟ್.
(9 / 18)
ಮಾಧವಿ ಪತಿ ಅಮೆರಿಕದ ನ್ಯೂಯಾರ್ಕ್‌ನಲ್ಲಿ ಫಾರ್ಮಾಸ್ಯುಟಿಕಲ್‌ ಉದ್ಯಮ ಹೊಂದಿದ್ದಾರೆ. ಮದುವೆ ಆದಾಗಿನಿಂದ ಮಾಧವಿ ನ್ಯೂಯಾರ್ಕಿನಲ್ಲಿ ನೆಲೆಸಿದ್ದಾರೆ.
(10 / 18)
ಮಾಧವಿ ಹಾಗೂ ರಾಲ್ಫ್‌ ಶರ್ಮಾ ದಂಪತಿಗೆ ಮೂವರು ಹೆಣ್ಣು ಮಕ್ಕಳಿದ್ದಾರೆ.
(11 / 18)
ವರನಟ ಡಾ. ರಾಜ್‌ಕುಮಾರ್‌ ಜೊತೆ ಮಾಧವಿ. ಕನ್ನಡದಲ್ಲಿ ಮಾಧವಿ ಘರ್ಜನೆ, ಅನುಪಮಾ, ಹಾಲುಜೇನು, ಒಂದೇ ಗುರಿ, ರುದ್ರನಾಗ, ಭಾಗ್ಯದ ಲಕ್ಷ್ಮಿ ಬಾರಮ್ಮ, ಅನುರಾಗ ಅರಳಿತು, ಮಲಯ ಮಾರುತ, ಶೃತಿ ಸೇರಿದಾಗ, ಜೀವನ ಚೈತ್ರ, ಆಕಸ್ಮಿಕ, ಒಡಹುಟ್ಟಿದವರು ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
(12 / 18)
ಬಾಲಿವುಡ್‌ ಬಿಗ್‌ ಬಿ ಅಮಿತಾಬ್‌ ಬಚ್ಚನ್‌ ಜೊತೆ ಮಾಧವಿ
(13 / 18)
ಮಾಧವಿ ಅವರ ಸುಂದರ ಕುಟುಂಬ
(14 / 18)
ತಮ್ಮ ಮೂವರು ಪುತ್ರಿಯರೊಂದಿಗೆ ಮಾಧವಿ. ನಾನು ವಿದೇಶದಲ್ಲಿದ್ದರೂ ನನ್ನ ಮಕ್ಕಳಿಗೆ ಭಾರತದ ಸಂಪ್ರದಾಯ ಕಲಿಸಿದ್ದೇನೆ. ಮಕ್ಕಳಿಗೆ ಹನುಮಾನ್‌ ಚಾಲಿಸಾ, ಗಾಯತ್ರಿ ಮಂತ್ರ, ಭಜನೆ, ಶ್ಲೋಕಗಳನ್ನು ಹೇಳಿಕೊಟ್ಟಿದ್ದೇನೆ ಎಂದು ಮಾಧವಿ ಇತ್ತೀಚೆಗೆ ಹೈದರಾಬಾದ್‌ನಲ್ಲಿ ಜರುಗಿದ ಕಾರ್ಯಕ್ರಮದಲ್ಲಿ ಹೇಳಿದ್ದರು.
(15 / 18)
ಮಾಧವಿ-ರಾಲ್ಪ್‌ ಶರ್ಮಾ ಮೊದಲ ಪುತ್ರಿ ಟಿಫಾನಿ ಗೌರಿಕಾ, 25 ವರ್ಷ
(16 / 18)
ಎರಡನೇ ಪುತ್ರಿ ಪ್ರಿಸೆಲ್ಲಾ , 20 ವರ್ಷ
(17 / 18)
ಮೂರನೇ ಪುತ್ರಿಗೆ ಈಗ 18 ವರ್ಷ ವಯಸ್ಸು, ಇವರ ಹೆಸರು ಎವ್ಲಿನ್‌ ದಿವ್ಯ
(18 / 18)
ಮಾಧವಿ ಪತಿಯ ಬ್ಯುಸ್ನೆಸ್‌ಗೆ ಸಹಾಯ ಮಾಡುವುದರ ಜೊತೆಗೆ ತಮ್ಮ ಹೆಸರಿನಲ್ಲಿ ಒಂದು ಚಾರಿಟಬಲ್‌ ಸಂಸ್ಥೆ ತೆರೆದಿದ್ದು ಆ ಮೂಲಕ ಬಡರಿಗೆ ಸಹಾಯ ಮಾಡುತ್ತಿದ್ದಾರೆ.
ಇತರ ಗ್ಯಾಲರಿಗಳು