ಕಮಿನ್ಸ್, ಸ್ಟಾರ್ಕ್‌ಗೆ ಕೋಟಿ ಕೋಟಿ ಸುರಿದ ಫ್ರಾಂಚೈಸಿ; ಅಸಮಾಧಾನ ವ್ಯಕ್ತಪಡಿಸಿದ ಅನಿಲ್ ಕುಂಬ್ಳೆ
- Anil Kumble: ಮಿಚೆಲ್ ಸ್ಟಾರ್ಕ್ ಮತ್ತು ಪ್ಯಾಟ್ ಕಮಿನ್ಸ್‌ಗೆ ಐಪಿಎಲ್ ಹರಾಜಿನಲ್ಲಿ ಫ್ರಾಂಚೈಸಿಗಳು ದುಬಾರಿ ಮೊತ್ತ ಸುರಿದವು. ಈ ಬಗ್ಗೆ ಟೀಮ್ ಇಂಡಿಯಾದ ಮಾಜಿ ನಾಯಕ ಅನಿಲ್ ಕುಂಬ್ಳೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ, ಭಾರತದ ಮಾಜಿ ವೇಗಿ ಜಹೀರ್ ಖಾನ್ ಕೂಡ ದುಬಾರಿ ಖರೀದಿಗೆ ತೃಪ್ತರಾಗಿಲ್ಲ.
- Anil Kumble: ಮಿಚೆಲ್ ಸ್ಟಾರ್ಕ್ ಮತ್ತು ಪ್ಯಾಟ್ ಕಮಿನ್ಸ್‌ಗೆ ಐಪಿಎಲ್ ಹರಾಜಿನಲ್ಲಿ ಫ್ರಾಂಚೈಸಿಗಳು ದುಬಾರಿ ಮೊತ್ತ ಸುರಿದವು. ಈ ಬಗ್ಗೆ ಟೀಮ್ ಇಂಡಿಯಾದ ಮಾಜಿ ನಾಯಕ ಅನಿಲ್ ಕುಂಬ್ಳೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ, ಭಾರತದ ಮಾಜಿ ವೇಗಿ ಜಹೀರ್ ಖಾನ್ ಕೂಡ ದುಬಾರಿ ಖರೀದಿಗೆ ತೃಪ್ತರಾಗಿಲ್ಲ.
(1 / 5)
ಹರಾಜಿನಲ್ಲಿ ಮಿಚೆಲ್ ಸ್ಟಾರ್ಕ್ 24.75 ಕೋಟಿ ರೂ. ಮತ್ತು ಮಿಚೆಲ್ ಸ್ಟಾರ್ಕ್ 20.5 ಕೋಟಿ ರೂಗೆ ಸೇಲಾದರು. ಆದರೆ, ಭಾರತದ ಮಾಜಿ ನಾಯಕ ಮತ್ತು ಭಾರತ ತಂಡದ ಮಾಜಿ ಮುಖ್ಯ ಕೋಚ್ ಅನಿಲ್ ಕುಂಬ್ಳೆ ಈ ಇಬ್ಬರು ವಿದೇಶಿ ವೇಗಿಗಳಿಗೆ ಇಷ್ಟು ಹಣ ಖರ್ಚು ಮಾಡಿದ್ದಕ್ಕೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.(ಫೋಟೋ ಕೃಪೆ ರಾಯಿಟರ್ಸ್, ಪಿಟಿಐ ಮತ್ತು ಹಿಂದೂಸ್ತಾನ್ ಟೈಮ್ಸ್)
(2 / 5)
ಐಪಿಎಲ್‌ನ ಅಧಿಕೃತ ಪ್ರಸಾರಕ ಜಿಯೋ ಸಿನಿಮಾಸ್ ಜೊತೆಗೆ ಮಾತನಾಡಿದ ಕುಂಬ್ಳೆ, ವಿದೇಶಿ ಆಟಗಾರರಿಗೆ ತಂಡಗಳು ಎಷ್ಟು ಹಣವನ್ನು ಖರ್ಚು ಮಾಡಬಹುದು ಎಂಬುದರ ಮೇಲೆ ಬಿಸಿಸಿಐ ಮಿತಿ ಹಾಕಬೇಕು ಎಂದು ಪ್ರತಿಪಾದಿಸಿದ್ದಾರೆ. ಆ ಮಿತಿಯನ್ನೂ ಕುಂಬ್ಳೆ ನಿರ್ಧರಿಸಿದ್ದಾರೆ. ಅವರ ಪ್ರಕಾರ, ಒಟ್ಟು ಹಣದಲ್ಲಿ ವಿದೇಶಿಯರಿಗೆ 40 ಪ್ರತಿಶತಕ್ಕಿಂತ ಹೆಚ್ಚು ಖರ್ಚು ಮಾಡಬಾರದು ಎಂದು ಸಲಹೆ ನೀಡಿದ್ದಾರೆ. (ಫೋಟೋ ಕೃಪೆ ವಿಜಯ್ ಬೇಟ್/ಹಿಂದೂಸ್ತಾನ್ ಟೈಮ್ಸ್)
(3 / 5)
ಕುಂಬ್ಳೆ ಪ್ರಕಾರ, ಐಪಿಎಲ್ ಫ್ರಾಂಚೈಸಿಗಳು ನಿರ್ದಿಷ್ಟ ಆಟಗಾರನಿಗೆ ಎಷ್ಟು ಶೇಕಡಾ ಹಣವನ್ನು ಖರ್ಚು ಮಾಡಬಹುದು ಎಂಬ ಮಿತಿಯನ್ನು ನಿರ್ಧರಿಸಬೇಕಂತೆ. ಇಲ್ಲವಾದಲ್ಲಿ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಸೇರಿದಂತೆ ಭಾರತದ ಇತರ ಸ್ಟಾರ್‌ ಆಟಗಾರರಿಗೆ ಅನ್ಯಾಯವಾಗುತ್ತದೆ. (ಫೋಟೋ ಕೃಪೆ ವಿಜಯ್ ಬೇಟ್/ಹಿಂದೂಸ್ತಾನ್ ಟೈಮ್ಸ್)
(4 / 5)
ಐಪಿಎಲ್‌ನಲ್ಲಿ ರೋಹಿತ್ ಶರ್ಮಾ, ವಿರಾಟ್, ಬುಮ್ರಾ ಸೇರಿದಂತೆ ಬಲಿಷ್ಠ ಆಟಗಾರರು 20 ಕೋಟಿ ರೂಪಾಯಿ ಪಡೆಯುತ್ತಿಲ್ಲ. ಆದರೆ, ಈ ವಿದೇಶಿ ಆಟಗಾರರು ಅವರಿಗಿಂತ ಹೆಚ್ಚು ಮೊತ್ತ ಪಡೆಯುತ್ತಿರುವುದಕ್ಕೆ ಕುಂಬ್ಳೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. (ಚಿತ್ರ ಕೃಪೆ ANI)
(5 / 5)
"ಇದು ನಿಜವಾಗಿಯೂ ದುಬಾರಿ ಬೆಲೆ. 20 ಕೋಟಿ ರೂಪಾಯಿ ನಾನು ನಿರೀಕ್ಷಿಸಿರಲಿಲ್ಲ. ಅವರು ಹೆಚ್ಚಿನ ಬೆಲೆಗೆ ಹೋಗುತ್ತಾರೆ ಎಂದು ನಮಗೆ ತಿಳಿದಿತ್ತು ಆದರೆ 20 ಕೋಟಿ ತುಂಬಾ ಹೆಚ್ಚಾಯ್ತು," ಎಂದು ಭಾರತದ ಮಾಜಿ ಕೋಚ್ ಜಿಯೋಸಿನಿಮಾಗೆ ತಿಳಿಸಿದ್ದಾರೆ.
ಇತರ ಗ್ಯಾಲರಿಗಳು