ಹೊಸ ನೋಟ, ಫೀಚರ್‌ನೊಂದಿಗೆ ಬೈಕ್ ಪ್ರಿಯರ ಮನಸೆಳಯುತಿದೆ 2025 ಯಮಹಾ ಆರ್3; ಅಮೆರಿಕದ ಇದರ ಬೆಲೆಗೆ ಭಾರತದಲ್ಲಿ ಪುಟ್ಟ ಕಾರು ಖರೀದಿಸಬಹುದು
ಅಮೆರಿಕ ಮತ್ತು ಯುರೋಪ್‌ನಲ್ಲಿ ಮಾರುಕಟ್ಟೆ ಪ್ರವೇಶಿಸಿದ 2025 ಯಮಹಾ ಆರ್3 ಬೈಕ್ ಹೊಸ ವಿನ್ಯಾಸ, ನೋಟ ಮತ್ತು ಅತ್ಯಾಧುನಿಕ ಫೀಚರ್‌ಗಳೊಂದಿಗೆ ಬೈಕ್ ಪ್ರಿಯರ ಮನಸೆಳೆಯತೊಡಗಿದೆ. ಅಂದ ಹಾಗೆ, ಈ ಬೈಕ್‌ಗೆ ಅಮೆರಿಕದಲ್ಲಿ ನಿಗದಿಯಾಗಿರುವ ಬೆಲೆಗೆ ಭಾರತದಲ್ಲಿ ಒಂದು ಪುಟ್ಟ ಕಾರು ಖರೀದಿಸಬಹುದು ನೋಡಿ!
(1 / 10)
ಯಮಹಾ ತನ್ನ ಹಳೆ ವಿನ್ಯಾಸಕ್ಕೆ ಬದಲಾಗಿ 2025ರ ಯಮಹಾ ಆರ್3ರಲ್ಲಿ ಅತ್ಯಾಕರ್ಷಕ ಸ್ಪೋರ್ಟ್ಸ್‌ ಲುಕ್ ನೀಡಿದೆ. ಅದರ ಲೈಟಿಂಗ್‌ ಮತ್ತು ಇನ್ನು ಕೆಲವು ಬದಲಾವಣೆಗಳು ಬೈಕ್‌ಗೆ ಅತ್ಯಾಕರ್ಷಕ ಲುಕ್ ನೀಡಿದೆ.
(2 / 10)
2025 ಯಮಹಾ ಆರ್ 3 ಬೈಕ್‌ನಲ್ಲಿ ಆಕರ್ಷಕ ಎಲ್‌ಇಡಿ ಲೈಟ್ ಮತ್ತು ಡಿಎಲ್‌ಆರ್‌ಗಳು ಮನಸೆಳೆಯುತ್ತವೆ. ಹೆಡ್‌ಲೈಟ್‌ನಲ್ಲಿ ಪ್ರೊಜೆಕ್ಟರ್‌ ಇರುವ ಕಾರಣ ಲೈಟ್ ಹೆಚ್ಚು ಫೋಕಸ್ ಆಗಿ ಎದುರು ಬೀಳುತ್ತದೆ. ಅದನ್ನು ಕಣ್ಣಿಗೆ ಕಾಣಿಸದ ಹಾಗೆ ಒಳಗೆ ಕೂರಿಸಿಲಾಗಿದೆ.
(3 / 10)
ಬೈಕ್‌ನ ಪಾರ್ಶ್ವನೋಟವೂ ಚೆನ್ನಾಗಿದ್ದು, ಹೆಚ್ಚು ಆಕರ್ಷಕವಾಗಿ ಕಾಣುವಂತೆ ಮಾಡಿದೆ. 2025 ಯಮಹಾ ಆರ್ 3 ಬೈಕ್ ಈಗಾಗಲೇ ಮಾರುಕಟ್ಟೆಯಲ್ಲಿರುವ ಏಪ್ರಿಲಾ ಆರ್‌ಎಸ್‌457, ಕೆಟಿಎಂಆರ್‌ಸಿ 390, ಕವಾಸಕಿ ನಿಂಜಾ 500 ಬೈಕ್‌ಗಳಿಗೆ ಪ್ರತಿಸ್ಪರ್ಧಿಯಾಗಿ ಕಾಣಿಸಿಕೊಂಡಿದೆ.
(4 / 10)
ಹಿಂಬದಿಯ ನೋಟವೂ ಚೆನ್ನಾಗಿದ್ದು, ಸ್ವಲ್ಪ ದೊಡ್ಡ ಗಾತ್ರ ಇರುವಂತೆ ಗೋಚರಿಸಿದೆ. 2025 ಆರ್3 ಪ್ರೀಮಿಯಂ ಮಾಡೆಲ್ ಆಗಿರುವ ಕಾರಣ ಭಾರತದಲ್ಲಿ ಸಂಪೂರ್ಣ ಸಿದ್ಧ ರೀತಿಯಲ್ಲೇ ಮಾರಾಟವಾಗುವ ನಿರೀಕ್ಷೆ ಇದೆ.
(5 / 10)
ಬೈಕ್‌ನ ಹ್ಯಾಂಡಲ್‌ ಮೇಲಿರುವ ಡ್ಯಾಶ್‌ಬೋರ್ಡ್‌ನಲ್ಲಿ ಹೊಚ್ಚ ಹೊಸ ಎಲ್‌ಸಿಡಿ ಸ್ಕ್ರೀನ್‌ ಇದ್ದು, ಅದಕ್ಕೆ ಬ್ಲೂಟೂತ್ ಕನೆಕ್ಟಿವಿಟಿ ಕೂಡ ಜೋಡಿಸಲಾಗಿದೆ. ಇದಲ್ಲದೆ ಹೊಸ 5 ವೋಲ್ಟ್‌ ಯುಎಸ್‌ಬಿ ಎ ಸಾಕೆಟ್ ಕೂಡ ಇದೆ.
(6 / 10)
ಆರ್3 ಬೈಕ್‌ನಲ್ಲಿ ಈಗ ಹೊಸ ಅಸಿಸ್ಟ್ ಮತ್ತು ಸ್ಲಿಪ್ಪರ್ ಕ್ಲಚ್‌ ಕೂಡ ಸೇರ್ಪಡೆಯಾಗಿದೆ. ಬೈಕ್‌ನ ಎಂಜಿನ್ ಬ್ಲಾಕ್‌ ಅನ್ನು ಹೈ ಸಿಲಿಕಾನ್ ಅಲ್ಯುಮೀನಿಯಂ ಅಲ್ಲಾಯ್‌ ಲೋಹದಿಂದ ತಯಾರಿಸಿದ್ದು, ಆಫ್‌ಸೆಟ್‌ ಸಿಲಿಂಡರ್ ಡಿಸೈನ್‌ನಲ್ಲಿದೆ. ಅಲ್ಲೋಯ್ ಚಕ್ರಗಳಲ್ಲಿ 10 ಸ್ಪೋಕ್‌ ಡಿಸೈನ್ ಇದೆ.
(7 / 10)
ಆರ್3 ಬೈಕ್ ಎಂಜಿನ್ 321 ಸಿಸಿ ಇದ್ದು, 41.4 ಬಿಎಚ್‌ಪಿ, 29.5ಎನ್‌ಎಂ ಗರಿಷ್ಠ ಟೋರ್ಕ್‌ ಹೊಂದಿದೆ. ಇದರಲ್ಲಿ 6 ಸ್ಪೀಡ್ ಗೇರ್‌ ಬಾಕ್ಸ್ ಇದೆ.
(8 / 10)
ಬೈಕ್‌ನಲ್ಲಿ 298 ಎಂಎಂ ಪ್ಲೋಟಿಂಗ್ ಫ್ರಂಟ್ ಡಿಸ್ಕ್‌ ಬ್ರೇಕ್‌ ಇದ್ದು, ಹಿಂದೆ 220 ಎಂಎಂ ಡಿಸ್ಕ್‌ ಮತ್ತು ಡುಯೆಲ್ ಚಾನೆಲ್‌ ಎಬಿಎಸ್ ಇದೆ.
(9 / 10)
ಆರ್3 ಬೈಕ್‌ನಲ್ಲಿ YZR-M1 ಪ್ರೇರಿತ ಟಾಪ್ ಕ್ಲಾಂಪ್ ಇದ್ದು, ಅದರ ತೂಕ ಸಮವಾಗಿ ಇರುವಂತೆ ನೀಡಿಕೊಂಡಿದೆ. ಟೀಮ್ ಯಮಹಾ ಬ್ಲೂ,f ಮೆಟ್‌ ಸ್ಟೆಲ್ತ್‌ ಬ್ಲ್ಯಾಕ್‌, ಲೂನಾರ್ ವೈಟ್ ವಿತ್ ನೆಬ್ಯುಲಾ ಬ್ಲೂ ಬಣ್ಣದಲ್ಲಿ ಬೈಕ್ ಲಭ್ಯ ಇದೆ.
(10 / 10)
ಆರ್3 ಬೈಕ್ ಅದರ ಎಂಜಿನ್ ಕಾರ್ಯಕ್ಷಮತೆ ಹೆಸರುವಾಸಿ. ಇದನ್ನು ಸದ್ಯ ಅಮೆರಿಕ, ಯುರೋಪ್‌ಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಅಮೆರಿಕದ ಇದರ ಬೆಲೆ (5,499 ಡಾಲರ್)ಗೆ ಭಾರತದಲ್ಲಿ ಒಂದು ಪುಟ್ಟ ಕಾರು ಖರೀದಿಸಬಹುದು. ಭಾರತಕ್ಕೆ ಇದು ಇನ್ನು ಕೆಲವೇ ತಿಂಗಳಲ್ಲಿ ಬರಲಿದೆ.
ಇತರ ಗ್ಯಾಲರಿಗಳು