ಹಾರ್ದಿಕ್ ಪಾಂಡ್ಯ ಹುಟ್ಟುಹಬ್ಬ: ಟೀಮ್ ಇಂಡಿಯಾ ಆಲ್ರೌಂಡರ್ ಫಿಟ್ನೆಸ್ ಸೀಕ್ರೆಟ್ ಏನು, ಕ್ರಿಕೆಟಿಗನ ಆಹಾರಕ್ರಮವೇ ಭಿನ್ನ
- Hardik Pandya Birthday: ಭಾರತೀಯ ಕ್ರಿಕೆಟ್‌ ತಂಡದ ಫಿಟ್ ಆಟಗಾರರ ಪೈಕಿ ಹಾರ್ದಿಕ್ ಪಾಂಡ್ಯ ಕೂಡಾ ಒಬ್ಬರು. ಪ್ರಮುಖ ಆಲ್ರೌಂಡರ್ ಹಾರ್ದಿಕ್, ಇಂದು 31ನೇ ಹುಟ್ಟುಹಬ್ಬ ಆಚರಿಸುತ್ತಿದ್ದಾರೆ. ತಮ್ಮನ್ನು ತಾವು ಸದೃಢವಾಗಿಡಲು ಪಾಂಡ್ಯ ಏನು ಮಾಡುತ್ತಾರೆ? ಅವರ ಫಿಟ್ನೆಸ್ ಸೀಕ್ರೆಟ್ ಏನು ಎಂಬುದನ್ನು ನೋಡೋಣ.
- Hardik Pandya Birthday: ಭಾರತೀಯ ಕ್ರಿಕೆಟ್‌ ತಂಡದ ಫಿಟ್ ಆಟಗಾರರ ಪೈಕಿ ಹಾರ್ದಿಕ್ ಪಾಂಡ್ಯ ಕೂಡಾ ಒಬ್ಬರು. ಪ್ರಮುಖ ಆಲ್ರೌಂಡರ್ ಹಾರ್ದಿಕ್, ಇಂದು 31ನೇ ಹುಟ್ಟುಹಬ್ಬ ಆಚರಿಸುತ್ತಿದ್ದಾರೆ. ತಮ್ಮನ್ನು ತಾವು ಸದೃಢವಾಗಿಡಲು ಪಾಂಡ್ಯ ಏನು ಮಾಡುತ್ತಾರೆ? ಅವರ ಫಿಟ್ನೆಸ್ ಸೀಕ್ರೆಟ್ ಏನು ಎಂಬುದನ್ನು ನೋಡೋಣ.
(1 / 9)
ಟೀಮ್ ಇಂಡಿಯಾದ ಪ್ರಮುಖ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಟಿ20 ವಿಶ್ವಕಪ್‌ ಪಂದ್ಯಾವಳಿಯ ಫೈನಲ್‌ನಲ್ಲಿ ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಹಾರ್ದಿಕ್, ಪ್ರಸ್ತುತ ನಡೆಯುತ್ತಿರುವ ಬಾಂಗ್ಲಾದೇಶ ವಿರುದ್ಧದ ಸರಣಿಯಲ್ಲಿ ಅಮೋಘ ಪ್ರದರ್ಶನ ನೀಡುತ್ತಿದ್ದಾರೆ.(instagram)
(2 / 9)
ಪಾದದ ಗಾಯದಿಂದಾಗಿ 2023ರ ಏಕದಿನ ವಿಶ್ವಕಪ್‌ನ ಹೆಚ್ಚಿನ ಭಾಗದಿಂದ ಹೊರಗುಳಿದಿದ್ದ ಹಾರ್ದಿಕ್ ಪಾಂಡ್ಯ, ಆ ನಂತರ ಸುದೀರ್ಘ ವಿಶ್ರಾಂತಿ ಪಡೆದಿದ್ದರು. ಆಗಾಗ ಫಿಟ್ನೆಸ್ ಸಾಬೀತುಪಡಿಸಲು ವಿಫಲರಾಗಿದ್ದ ಹಾರ್ದಿಕ್, ಸದ್ಯ ಸಕ್ರಿಯ ಕ್ರಿಕೆಟ್‌ನಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.
(3 / 9)
ಏಕದಿನ ವಿಶ್ವಕಪ್‌ ಗಾಯದ ಬಳಿಕ ಸುದೀಘ ಅವಧಿಗೆ ಅವರು ಮೈದಾನಕ್ಕೆ ಇಳಿದಿರಲಿಲ್ಲ. ಕೊನೆಗೆ ಐಪಿಎಲ್ 2024ರಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ನಾಯಕನಾಗಿ ಸಂಪೂರ್ಣ ಫಿಟ್ ಆಗಿ ಮರಳಿದರು. ಹಾರ್ದಿಕ್ ಅವರ ಆಹಾರಕ್ರಮ ಏನು? ಫಿಟ್‌ನೆಸ್‌ಗಾಗಿ ಏನೆಲ್ಲಾ ಮಾಡುತ್ತಾರೆ ಎಂಬುದನ್ನು ತಿಳಿಯೋಣ.
(4 / 9)
ನಿತ್ಯವೂ ವ್ಯಾಯಾಮ ಮಾಡುವುದರ ಹೊರತಾಗಿ, ಹಾರ್ದಿಕ್ ತಮ್ಮ ಆಹಾರದ ಬಗ್ಗೆಯೂ ತುಂಬಾ ಕಾಳಜಿ ವಹಿಸುತ್ತಾರೆ. ಮನೆಯಲ್ಲಿ ತಯಾರಿಸಿದ ಆಹಾರ ಸೇವಿಸುತ್ತಾರೆ.
(5 / 9)
ತಮ್ಮ ಆಹಾರದಲ್ಲಿ ತರಕಾರಿಗಳು ಮತ್ತು ಹಣ್ಣುಗಳ ಜೊತೆಗೆ ಪ್ರೋಟೀನ್, ಕಾರ್ಬೋಹೈಡ್ರೇಟ್‌ಗಳು, ಆರೋಗ್ಯಕರ ಕೊಬ್ಬುಗಳನ್ನು ಸಹ ತಿನ್ನುತ್ತಾರೆ. ಬೇಯಿಸಿದ ಮೊಟ್ಟೆ, ಚಿಕನ್, ಬೇಯಿಸಿದ ತರಕಾರಿಗಳು, ಮೊಸರು ಅನ್ನ, ಬೆಂಡೆಕಾಯಿ ತಿನ್ನುತ್ತಾರೆ. ಬೆಳಗ್ಗೆ ಎಳನೀರನ್ನು ಸಹ ಕುಡಿಯುತ್ತಾರೆ.
(6 / 9)
ಫಿಟ್ ಆಗಿರಲು ವ್ಯಾಯಾಮ ಮತ್ತು ಕಠಿಣ ವರ್ಕೌಟ್ ಮಾಡುತ್ತಾರೆ. ತೂಕ ಎತ್ತುವುದು, ಓಡುವುದು ಮತ್ತು ಕಾರ್ಡಿಯೋ ಮಾಡುತ್ತಾರೆ. ಡೆಡ್ ಲಿಫ್ಟ್, ಪುಷಪ್ ಮತ್ತು ಪುಲ್ ಅಪ್ ಕೂಡಾ ಮಾಡಲು ಇಷ್ಟಪಡುತ್ತಾರೆ.
(7 / 9)
ಹಾರ್ದಿಕ್ ತೆಳ್ಳಗಿನ ಮೈಕಟ್ಟು ಕಾಯ್ದುಕೊಳ್ಳುತ್ತಾರೆ. ಹೀಗಾಗಿ ಬೆಳಗಿನ ಉಪಾಹಾರಕ್ಕೆ ಅವರು ಹೆಚ್ಚು ಉಪಹಾರ ಸೇವಿಸುವುದಿಲ್ಲ. ಅನಾನಸ್, ಬಾಳೆಹಣ್ಣು, ಕಿತ್ತಳೆ, ಆವಕಾಡೊ ಮತ್ತು ಒಣ ಹಣ್ಣುಗಳನ್ನು ತಿನ್ನುತ್ತಾರೆ. ಕೆನೆ ತೆಗೆದ ಹಾಲು ಮತ್ತು ಕಾರ್ನ್‌ಫ್ಲೇಕ್‌ಗಳು ಅಥವಾ ಓಟ್ಸ್‌ ತಿನ್ನುತ್ತಾರೆ. ಕಡಿಮೆ-ಕೊಬ್ಬಿನ ಚೀಸ್ ಮತ್ತು ಬೇಯಿಸಿದ ಮೊಟ್ಟೆಗಳೊಂದಿಗೆ ಮಲ್ಟಿಗ್ರೇನ್ ಅಥವಾ ಬ್ರೌನ್ ಬ್ರೆಡ್ ಜೊತೆಗೆ ಸೇವಿಸುತ್ತಾರೆ.
(8 / 9)
ಮಧ್ಯಾಹ್ನದ ಊಟಕ್ಕೆ ತರಕಾರಿ ಸೂಪ್, ಕಾರ್ನ್, ರೋಟಿಯೊಂದಿಗೆ ಸಲಾಡ್, ನಾನ್ ಮತ್ತು ಅನ್ನವನ್ನು ಸೇವಿಸುತ್ತಾರೆ. ವಾರಕ್ಕೊಮ್ಮೆ ವಿವಿಧ ರೀತಿಯ ಸಲಾಡ್‌ಗಳೊಂದಿಗೆ ಚಿಕನ್ ಕಬಾಬ್ ಮತ್ತು ಚಿಕನ್ ಮಂಚೂರಿಯನ್ ತಿನ್ನುತ್ತಾರೆ. ಮಧ್ಯಾಹ್ನದ ಊಟಕ್ಕೆ ಮೊಸರು ಮತ್ತು ಎಳನೀರು ಕುಡಿಯುತ್ತಾರೆ.(PTI)
(9 / 9)
ರಾತ್ರಿಯ ಭೋಜನಕ್ಕೆ ತರಕಾರಿ ಸೂಪ್, ಹಣ್ಣುಗಳ ಸಲಾಡ್, ಅನ್ನದೊಂದಿಗೆ ಸ್ಮೂಥಿ ಮತ್ತು ಹಳದಿ ದಾಲ್, ರೊಟ್ಟಿ ಮತ್ತು ಚಿಕನ್ ಮಖಾನಿ ತಿನ್ನುತ್ತಾರೆ.(PTI)
ಇತರ ಗ್ಯಾಲರಿಗಳು