ಸ್ತನದ ಗಾತ್ರವೇಕೆ ಚಿಕ್ಕದಾಗಿದೆ ಎಂಬ ಕೊರಗು ಕಾಡುತ್ತಿದೆಯೇ: ಸಮಸ್ಯೆ ಎದುರಾಗುವ ಹಿಂದಿದೆ ಈ ಮೂರು ಕಾರಣ
Nov 11, 2024 05:07 PM IST
Share
ಸ್ತನದ ಗಾತ್ರವೇಕೆ ಚಿಕ್ಕದಾಗಿದೆ ಎಂಬ ಕೊರಗು ಕಾಡುತ್ತಿದೆಯೇ: ಈ ಸಮಸ್ಯೆ ಎದುರಾಗುವ ಹಿಂದಿದೆ ಈ ಮೂರು ಕಾರಣ
ಸ್ತನದ ಗಾತ್ರ ಚಿಕ್ಕದಾಗಲು ಶಾರೀರಿಕ ಮತ್ತು ಹಾರ್ಮೋನುಗಳ ಬದಲಾವಣೆಗಳನ್ನು ಒಳಗೊಂಡಂತೆ ಅನೇಕ ಕಾರಣಗಳನ್ನು ಹೊಂದಿರಬಹುದು. ಇದಲ್ಲದೆ, ಕೆಲವು ಅನುವಂಶಿಕ ಕಾರಣಗಳಿಂದ ಸ್ತನ ಗಾತ್ರವು ಕಡಿಮೆಯಾಗಬಹುದು. ಸ್ತನ ಗಾತ್ರವು ತುಂಬಾ ಚಿಕ್ಕದಾಗಲು ಕಾರಣಗಳು ಏನು ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.
ಪ್ರತಿಯೊಬ್ಬ ಮಹಿಳೆಯು ತನ್ನ ದೇಹದ ಆಕಾರವು ಪರಿಪೂರ್ಣವಾಗಿರಬೇಕು ಎಂದು ಬಯಸುತ್ತಾಳೆ. ಆದರೆ, ಅನೇಕ ಬಾರಿ ಸ್ತನದ ಗಾತ್ರ ಸರಿಯಿಲ್ಲದ ಕಾರಣ ಮಹಿಳೆಯರು ಚಿಂತಿತರಾಗುತ್ತಾರೆ. ಏಕೆಂದರೆ ಅದು ಅವರ ವ್ಯಕ್ತಿತ್ವದ ಮೇಲೆ ಪರಿಣಾಮ ಬೀರುತ್ತದೆ. ಮುಖ್ಯವಾಗಿ ನಿಮ್ಮ ಸ್ತನದ ಗಾತ್ರ ತುಂಬಾ ಚಿಕ್ಕದಾಗಿದ್ದರೆ ದೇಹದ ಆಕಾರವು ತುಂಬಾ ಕೆಟ್ಟದಾಗಿ ಕಾಣುತ್ತದೆ. ಹೀಗಾಗಿ, ಅನೇಕ ಮಹಿಳೆಯರು ತಮ್ಮ ಸ್ತನಗಳ ಗಾತ್ರವನ್ನು ಹೆಚ್ಚಿಸಲು ಪ್ರಯತ್ನಿಸುತ್ತಾರೆ. ಸ್ತನದ ಗಾತ್ರ ಚಿಕ್ಕದಾಗಲು ಶಾರೀರಿಕ ಮತ್ತು ಹಾರ್ಮೋನುಗಳ ಬದಲಾವಣೆಗಳನ್ನು ಒಳಗೊಂಡಂತೆ ಅನೇಕ ಕಾರಣಗಳನ್ನು ಹೊಂದಿರಬಹುದು. ಇದಲ್ಲದೆ, ಕೆಲವು ಅನುವಂಶಿಕ ಕಾರಣಗಳಿಂದ ಸ್ತನ ಗಾತ್ರವು ಕಡಿಮೆಯಾಗಬಹುದು. ಸ್ತನ ಗಾತ್ರವು ತುಂಬಾ ಚಿಕ್ಕದಾಗಲು ಕಾರಣಗಳು ಏನು ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.
ಸ್ತನದ ಗಾತ್ರ ಚಿಕ್ಕದಾಗಲು ಕಾರಣವೇನು?
- ಪಾಲಿಸಿಸ್ಟಿಕ್ ಓವರಿ ಸಿಂಡ್ರೋಮ್ (PCOS) ನಲ್ಲಿ ಸ್ತನದ ಗಾತ್ರವು ಚಿಕ್ಕದಾಗಬಹುದು: ಪಾಲಿಸಿಸ್ಟಿಕ್ ಓವರಿ ಸಿಂಡ್ರೋಮ್ ಅಂದರೆ ಪಿಸಿಓಎಸ್ ಹಾರ್ಮೋನ್ ಸಮಸ್ಯೆ ಇದ್ದರೆ ಸ್ತನದ ಗಾತ್ರ ಕಡಿಮೆಯಾಗಬಹುದು. ಪಿಸಿಓಎಸ್ ಸಂದರ್ಭದಲ್ಲಿ, ಮಹಿಳೆಯರ ಅಂಡಾಶಯದಲ್ಲಿ ಸಣ್ಣ ಗೆಡ್ಡೆಗಳು ರೂಪುಗೊಳ್ಳಲು ಪ್ರಾರಂಭಿಸುತ್ತವೆ. ಇದು ಹಾರ್ಮೋನ್ ಅಸಮತೋಲನಕ್ಕೆ ಕಾರಣವಾಗಬಹುದು. ಇಂತಹ ಪರಿಸ್ಥಿತಿಯಲ್ಲಿ, ಮಹಿಳೆಯರ ದೇಹದಲ್ಲಿ ಈಸ್ಟ್ರೊಜೆನ್ ಹಾರ್ಮೋನ್ ಮಟ್ಟವು ಗಮನಾರ್ಹವಾಗಿ ಹೆಚ್ಚಾಗುತ್ತದೆ. ಇದು ಸ್ತನಗಳ ಬೆಳವಣಿಗೆಯನ್ನು ನಿಧಾನಗೊಳಿಸುತ್ತದೆ. ಅದಕ್ಕಾಗಿಯೇ ಸ್ತನಗಳ ಗಾತ್ರವು ತುಂಬಾ ಚಿಕ್ಕದಾಗಿರುತ್ತದೆ.
- ಟರ್ನರ್ ಸಿಂಡ್ರೋಮ್: ಸ್ತನದ ಗಾತ್ರವು ತುಂಬಾ ಚಿಕ್ಕದಾಗಿದ್ದರೆ, ಇದು ಟರ್ನರ್ ಸಿಂಡ್ರೋಮ್‌ನಿಂದಾಗಿರಬಹುದು. ಇದು ಅನುವಂಶಿಕ ಅಸ್ವಸ್ಥತೆಯಾಗಿದೆ. ಈ ಸ್ಥಿತಿಯಿಂದ ಬಳಲುತ್ತಿರುವ ಜನರು ದೈಹಿಕ ಮತ್ತು ಲೈಂಗಿಕ ಬೆಳವಣಿಗೆಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಹೊಂದಿರಬಹುದು. ಇದು ಸಣ್ಣ ಸ್ತನ ಗಾತ್ರವನ್ನು ಸಹ ಒಳಗೊಂಡಿದೆ.
- ಹೈಪೋಗೊನಾಡಿಸಮ್ ಸಮಸ್ಯೆ: ಹೈಪೊಗೊನಾಡಿಸಮ್‌ನಂತಹ ಪರಿಸ್ಥಿತಿಗಳು ಸಣ್ಣ ಸ್ತನಗಳ ಸ್ಥಿತಿಗೆ ಕಾರಣವಾಗಿರಬಹುದು. ಇವು ಮಹಿಳೆಯರ ಸ್ತನ ಬೆಳವಣಿಗೆಯ ಮೇಲೆ ಪರಿಣಾಮ ಬೀರುತ್ತದೆ. ಹೈಪೊಗೊನಾಡಿಸಮ್‌ನಲ್ಲಿ ಎರಡು ವಿಧಗಳಿವೆ. ಪ್ರಾಥಮಿಕ ಹೈಪೊಗೊನಾಡಿಸಮ್ ಹಾಗೂ ದ್ವಿತೀಯಕ ಹೈಪೊಗೊನಾಡಿಸಮ್. ಪ್ರಾಥಮಿಕ ಹೈಪೊಗೊನಾಡಿಸಮ್‌ನಲ್ಲಿ, ಅಂಡಾಶಯದಲ್ಲಿ ಹಾರ್ಮೋನುಗಳು ಉತ್ಪತ್ತಿಯಾಗುವುದಿಲ್ಲ. ಎರಡನೆಯದು ದ್ವಿತೀಯಕ ಹೈಪೊಗೊನಾಡಿಸಮ್. ಈ ಸ್ಥಿತಿಯು ಮಿದುಳಿಗೆ ಸಂಬಂಧಿಸಿದ ಹಾರ್ಮೋನ್ ಸಮಸ್ಯೆಗಳಿಂದಾಗಿರಬಹುದು. ಈ ಎರಡೂ ಪರಿಸ್ಥಿತಿಗಳಲ್ಲಿ ಸ್ತನವು ಸರಿಯಾಗಿ ಬೆಳವಣಿಗೆಯಾಗುವುದಿಲ್ಲ.