ಬರಿಗಾಲಿನಲ್ಲಿ ಮುಂಬೈನ ಸಿದ್ದಿ ವಿನಾಯಕ ದೇವಸ್ಥಾನಕ್ಕೆ ತೆರಳಿದ ಅರ್ಜುನ್ ಕಪೂರ್; ಸಿಂಗಂ ಅಗೇನ್‌, ವೈಯಕ್ತಿಕ ಗೆಲುವಿಗಾಗಿ ಪ್ರಾರ್ಥನೆ
ನವೆಂಬರ್‌ 1 ರಂದು ಸಿಂಗಂ ಅಗೇನ್‌ ಸಿನಿಮಾ ವರ್ಲ್ಡ್‌ ವೈಡ್‌ ರಿಲೀಸ್‌ ಆಗಿದೆ. ಚಿತ್ರವನ್ನು ರೋಹಿತ್ ಶೆಟ್ಟಿ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ಡೇಂಜರ್‌ ಲಂಕಾ ಪಾತ್ರದಲ್ಲಿ ನಟಿಸಿರುವ ಅರ್ಜುನ್ ಕಪೂರ್ ಸಿನಿಮಾ ಹಾಗೂ ವೈಯಕ್ತಿಕ ಗೆಲುವಿವಾಗಿ ಬರಿಗಾಲಿನಲ್ಲಿ ಮುಂಬೈ ಸಿದ್ದಿ ವಿನಾಯಕ ದೇವಸ್ಥಾನಕ್ಕೆ ಹೋಗಿ ಬಂದಿದ್ದಾರೆ.
ರೋಹಿತ್ ಶೆಟ್ಟಿ ನಿರ್ದೇಶನದಲ್ಲಿ ಅಜಯ್‌ ದೇವಗನ್, ಕರೀನಾ ಕಪೂರ್, ಅಕ್ಷಯ್ ಕುಮಾರ್ ಹಾಗೂ ಇನ್ನಿತರು ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಸಿಂಗಂ ಅಗೇನ್‌ ಸಿನಿಮಾ ನವೆಂಬರ್‌ 1 ರಂದ್ ವಿಶ್ವಾದ್ಯಂತ ಭರ್ಜರಿ ಓಪನಿಂಗ್‌ ಪಡೆದುಕೊಂಡಿದೆ. ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು ಸಿನಿಪ್ರಿಯರು ಸಿನಿಮಾ ನೋಡಲು ಥಿಯೇಟರ್‌ನತ್ತ ತೆರಳುತ್ತಿದ್ದಾರೆ.
ಭೂಲ್‌ ಭುಲಯ್ಯಾ ಜೊತೆಗೆ ಸಿಂಗ ಅಗೇನ್‌ ಸ್ಪರ್ಧೆ
ನವೆಂಬರ್‌ 1 ರಂದು ಸಿಂಗಂ ಅಗೇನ್‌ ಜೊತೆಗೆ ಭೂಲ್‌ ಭುಲಯ್ಯಾ ಸಿನಿಮಾ ಕೂಡಾ ರಿಲೀಸ್‌ ಆಗಿದ್ದು, ಆ ಚಿತ್ರಕ್ಕಿಂದ ಸಿಂಗಂ ನಾಗಾಲೋಟದಲ್ಲಿ ಮುನ್ನುಗ್ಗುತ್ತಿದ್ದಾನೆ. ಮೊದಲ ದಿನವೇ ಬಾಕ್ಸ್‌ ಆಫೀಸಿನಲ್ಲಿ 45 ಕೋಟಿ ರೂ. ಕಲೆಕ್ಷನ್‌ ಮಾಡಿದೆ. ಚಿತ್ರದಲ್ಲಿ ಆಕ್ಷನ್‌ ಬಹಳ ಗಮನ ಸೆಳೆದಿದೆ. ಸಿನಿಮಾದಲ್ಲಿ ಅರ್ಜುನ್ ಕಪೂರ್ ಕೂಡಾ ನಟಿಸಿದ್ದು ಸಿನಿಮಾ ಗೆಲುವಿಗಾಗಿ ಅರ್ಜುನ್ ಕಪೂರ್ ಸಾಂಪ್ರದಾಯಿಕ ಧಿರಿಸು ತೊಟ್ಟು ಮುಂಬೈನ ಸಿದ್ದಿವಿನಾಯಕ ದೇವಸ್ಥಾನಕ್ಕೆ ತೆರಳಿ ಬಂದಿದ್ದಾರೆ. ಅದೂ ಕೂಡಾ ಬರಿಗಾಲಿನಲ್ಲಿ ಅರ್ಜುನ್ ಕಪೂರ್ ದೇವಸ್ಥಾನಕ್ಕೆ ತೆರಳಿ ವಿನಾಯಕನ ದರ್ಶನ ಪಡೆದು ಸಿನಿಮಾ ಹಾಗೂ ತಮ್ಮ ವೈಯಕ್ತಿಕ ಗೆಲುವಿಗಾಗಿ ಪ್ರಾರ್ಥಿಸಿ ಬಂದಿದ್ದಾರೆ. ಅರ್ಜುನ್ ಕಪೂರ್ ಸಿದ್ದಿವಿನಾಯಕನ ದೇವಸ್ಥಾನಕ್ಕೆ ಬರಿಗಾಲಿನಲ್ಲಿ ಭೇಟಿ ನೀಡಿರುವ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ.
ಅರ್ಜುನ್ ಕಪೂರ್ 2003ರಲ್ಲಿ ತೆರೆ ಕಂಡ ಕಲ್‌ ಹೋ ನಾ ಹೋ ಚಿತ್ರದಲ್ಲಿ ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡುವ ಮೂಲಕ ಚಿತ್ರರಂಗಕ್ಕೆ ಬಂದರು. ಸುಮಾರು 4-5 ಸಿನಿಮಾಗಳಲ್ಲಿ ತೆರೆ ಹಿಂದೆ ಕೆಲಸ ಮಾಡಿದ ನಂತರ 2012ರಲ್ಲಿ ತೆರೆ ಕಂಡ ಇಷ್ಕ್‌ಜಾದೇ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದರು. ಗುಂಡೇ, ಹಾಫ್‌ ಗರ್ಲ್‌ ಫ್ರೆಂಡ್‌, ಜೀರೋ , ಪಾನಿಪತ್‌, ಸರ್ದಾರ್‌ ಕಾ ಗ್ರ್ಯಾಂಡ್‌ ಸನ್‌, ಭೂತ್‌ಪೊಲೀಸ್‌ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸಿದರೂ ಅವರಿಗೆ ಇದುವರೆಗೂ ಯಾವ ಚಿತ್ರಗಳೂ ಹೇಳಿಕೊಳ್ಳುವಂತ ಹಿಟ್‌ ಆಗಿಲ್ಲ. ಅರ್ಜುನ್ ಕಪೂರ್ ನಟನೆ ಬಗ್ಗೆ 2 ಮಾತಿಲ್ಲ. ಆದರೆ ಅವರು ನಟಿಸಿದ ಸಿನಿಮಾಗಳಿಂದ ಆತನಿಗೆ ಬ್ರೇಕ್‌ ಸಿಗುತ್ತಿಲ್ಲ.
ಡೇಂಜರ್‌ ಲಂಕಾ ಪಾತ್ರದಲ್ಲಿ ಗಮನ ಸೆಳೆದ ಅರ್ಜುನ್ ಕಪೂರ್
ಇದೀಗ ಸಿಂಗಂ ಅಗೇನ್‌ ಸಿನಿಮಾ ರಿಲೀಸ್‌ ಆಗಿದೆ. ಚಿತ್ರದಲ್ಲಿ ಅರ್ಜುನ್ ಕಪೂರ್ ಡೇಂಜರ್‌ ಲಂಕಾ ಎಂಬ ನೆಗೆಟಿವ್‌ ರೋಲ್‌ನಲ್ಲಿ ನಟಿಸಿದ್ದಾರೆ. ತಮ್ಮ ಪಾತ್ರದ ಬಗ್ಗೆ ಸಿನಿಮಾ ಪ್ರಮೋಷನ್‌ ಸಮಯದಲ್ಲಿ ಮಾತನಾಡಿದ್ದ ಅರ್ಜುನ್ ಕಪೂರ್, ಸುಮಾರು 18 ವರ್ಷಗಳಿಂದ ನಾನು ಚಿತ್ರರಂಗದಲ್ಲಿ ಇದ್ದರೂ ಸಿಂಗಂ ಅಗೇನ್‌, ನನ್ನ ಮೊದಲ ಚಿತ್ರದಂತೆ ಫೀಲ್‌ ಆಗುತ್ತಿದೆ. ಈ ಸಿನಿಮಾದಲ್ಲಿನ ನನ್ನ ಪಾತ್ರಕ್ಕಾಗಿ ನಾನು ಪರಿಪೂರ್ಣ ಶ್ರಮ ಹಾಕಿದ್ದೇನೆ. ನಿರ್ದೇಶಕ ರೋಹಿತ್ ಶೆಟ್ಟಿ ಬೇಡಿಕೆಗಳನ್ನು ನಿರೀಕ್ಷೆಗೆ ತಕ್ಕಂತೆ ನೀಡಿದ್ದೇನೆ. ನನ್ನ ಭಾಗದ ಚಿತ್ರೀಕರಣ ಆರಂಭವಾದಾಗಿನಿಂದ ನಾನು ಚಿತ್ರಕ್ಕಾಗಿ ಬಹಳ ಫೋಕಸ್‌ ಮಾಡಿದ್ದೇನೆ ಎಂದಿದ್ದರು.
ಸಿಂಗಂ ಅಗೇನ್‌ ಚಿತ್ರದಲ್ಲಿ ತಮ್ಮ ಪಾತ್ರದ ಬಗ್ಗೆ ಅರ್ಜುನ್ ಕಪೂರ್‌ಗೆ ಬಹಳ ನಿರೀಕ್ಷೆ ಇದೆ. ಆದ್ದರಿಂದ ಸಿನಿಮಾ ಹಾಗೂ ವೈಯಕ್ತಿಕ ಯಶಸ್ಸಿಗಾಗಿ ಅರ್ಜುನ್ ಕಪೂರ್ ದೇವರ ಮೊರೆ ಹೋಗಿದ್ದಾರೆ. ಸಿಂಗಂ ಅಗೇನ್‌ ಸಿನಿಮಾ ರಿಲಾಯನ್ಸ್ ಎಂಟರ್‌ಟೈನ್‌ಮೆಂಟ್ , ಜಿಯೋ ಸ್ಟುಡಿಯೋಸ್ ಮತ್ತು ದೇವಗನ್ ಫಿಲ್ಮ್ಸ್, ರೋಹಿತ್ ಶೆಟ್ಟಿ ಪಿಕ್ಚರ್ಸ್ ಬ್ಯಾನರ್‌ ಅಡಿ ನಿರ್ಮಾಣವಾಗಿದ್ದು ರೋಹಿತ್ ಶೆಟ್ಟಿ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಅಜಯ್‌ ದೇವಗನ್, ಕರೀನಾ ಕಪೂರ್ ಖಾನ್ , ರಣವೀರ್ ಸಿಂಗ್ , ಅಕ್ಷಯ್ ಕುಮಾರ್ , ದೀಪಿಕಾ ಪಡುಕೋಣೆ , ಟೈಗರ್ ಶ್ರಾಫ್ , ಅರ್ಜುನ್ ಕಪೂರ್, ಜಾಕಿ ಶ್ರಾಫ್ ಹಾಗೂ ಇನ್ನಿತರರು ಸಿನಿಮಾದಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ರವಿ ಬಸ್ರೂರು ಹಾಗೂ ಎಸ್‌ ತಮನ್‌ ಸಂಗೀತ ನೀಡಿದ್ದಾರೆ.
