Vishal Son Birthday: ಪ್ರೀತಿಯ ಮಗನ ಹುಟ್ಟುಹಬ್ಬ ಆಚರಿಸಿದ ತಮಿಳು ನಟ ವಿಶಾಲ್; ಮದುವೆ ಯಾವಾಗ ಆಯ್ತಪ್ಪಾ ಎಂದು ಶಾಕ್‌ ಆದ ನೆಟ್ಟಿಗರು!
ನನ್ನ ಪ್ರೀತಿಯ ಮಗನಿಗೆ 14ನೇ ವರ್ಷದ ಹುಟ್ಟುಹಬ್ಬದ ಶುಭಾಶಯಗಳು ಲವ್‌ ಯು ಎಂದು ಬರೆದುಕೊಂಡಿದ್ದಾರೆ. ವಿಶಾಲ್ ಪೋಸ್ಟ್‌ಗೆ ಕೆಲವರು ತಾವೂ ವಿಶ್‌ ಮಾಡಿ ಕಾಮೆಂಟ್‌ ಮಾಡಿದ್ದಾರೆ. ಇನ್ನೂ ಕೆಲವರು ನಾಯಿಗೆ ಬರ್ತ್‌ಡೇ ಮಾಡುತ್ತಿದ್ದೀರ ಎಂದು ಅಪಹಾಸ್ಯ ಮಾಡುತ್ತಿದ್ದಾರೆ
ತಮಿಳು ನಟ ವಿಶಾಲ್‌ಗೆ ಕನ್ನಡದಲ್ಲಿ ಕೂಡಾ ಹೆಚ್ಚಿನ ಸಂಖ್ಯೆಯ ಅಭಿಮಾನಿಗಳಿದ್ದಾರೆ. ಕನ್ನಡ ಹಾಗೂ ಕನ್ನಡ ನಟರ ಮೇಲೆ ವಿಶಾಲ್‌ಗೆ ಇರುವ ಗೌರವವೇ ಇದಕ್ಕೆ ಕಾರಣ. ಸ್ಯಾಂಡಲ್ವುಡ್ ನಟರಾದ ಪುನೀತ್‌ ರಾಜ್‌ಕುಮಾರ್‌, ಯಶ್‌ ಹಾಗೂ ಇನ್ನಿತರರಿಗೆ ವಿಶಾಲ್ ಅವರಿಗೆ ಉತ್ತಮ ಬಾಂಡಿಂಗ್‌ ಇದೆ.
ಆಂಧ್ರ ಮೂಲದ ವಿಶಾಲ್
ವಿಶಾಲ್ ತಮಿಳು ಚಿತ್ರರಂಗದಲ್ಲಿ ಆಕ್ಷನ್‌ ಹೀರೋ ಎಂದೇ ಫೇಮಸ್. ಇವರ ಪೂರ್ತಿ ಹೆಸರು ವಿಶಾಲ್ ಕೃಷ್ಣ ರೆಡ್ಡಿ, ಮೂಲತ: ಇವರ್ ಆಂಧ್ರದವರಾದರೂ ಸ್ಟಾರ್‌ ನಟನಾಗಿ ಹೆಸರು ಮಾಡಿದ್ದು ತಮಿಳು ಚಿತ್ರರಂಗದಲ್ಲಿ. 1989ರಲ್ಲಿ ವಿಶಾಲ್ ಬಾಲನಟನಾಗಿ ಚಿತ್ರರಂಗಕ್ಕೆ ಬಂದರು. ನಂತರ 2004ರಲ್ಲಿ ಚೆಲ್ಲಮೆ ಚಿತ್ರದ ಮೂಲಕ ಹೀರೋ ಆಗಿ ನಟನೆ ಆರಂಭಿಸಿದರು. ತಮಿಳು, ತೆಲುಗು, ಮಲಯಾಳಂ ಸೇರಿ ವಿಶಾಲ್ 30ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ನಿರ್ಮಾಪಕನಾಗಿ ನಿರ್ದೇಶಕನಾಗಿ ಕೂಡಾ ಗುರುತಿಸಿಕೊಂಡಿದ್ದಾರೆ. ಶೂಟಿಂಗ್‌ ಬ್ಯುಸಿಯಲ್ಲಿರುವ ವಿಶಾಲ್ ತಮ್ಮ ಮಗನ 14ನೇ ವರ್ಷದ ಹುಟ್ಟುಹಬ್ಬ ಆಚರಿಸಿ, ಆ ಫೋಟೋಗಳನ್ನು ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಪ್ರೀತಿಯ ಶ್ವಾನದ ಬರ್ತ್‌ಡೇ ಆಚರಿಸಿದ ವಿಶಾಲ್
ಮಗನ ಹುಟ್ಟುಹಬ್ಬಾನಾ? ವಿಶಾಲ್‌ಗೆ ಮದುವೆ ಯಾವಾಗ ಆಯ್ತು ಎಂದು ಹುಬ್ಬೇರಿಸಬೇಡಿ. ಮಗ ಅಂದರೆ ಅದು ಶ್ವಾನ. ವಿಶಾಲ್ ತಮ್ಮ ಮುದ್ದು ನಾಯಿ ಆಗಿ ಹುಟ್ಟುಹಬ್ಬವನ್ನು ಮನೆಯವರೊಂದಿಗೆ ಸೇರಿ ಆಚರಿಸಿದ್ದಾರೆ. ಈ ಫೋಟೋಗಳನ್ನು ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿರುವ ವಿಶಾಲ್ ''ನನ್ನ ಪ್ರೀತಿಯ ಮಗನಿಗೆ 14ನೇ ವರ್ಷದ ಹುಟ್ಟುಹಬ್ಬದ ಶುಭಾಶಯಗಳು ಲವ್‌ ಯು'' ಎಂದು ಬರೆದುಕೊಂಡಿದ್ದಾರೆ. ವಿಶಾಲ್ ಪೋಸ್ಟ್‌ಗೆ ಕೆಲವರು ತಾವೂ ವಿಶ್‌ ಮಾಡಿ ಕಾಮೆಂಟ್‌ ಮಾಡಿದ್ದಾರೆ. ಇನ್ನೂ ಕೆಲವರು ನಾಯಿಗೆ ಬರ್ತ್‌ಡೇ ಮಾಡುತ್ತಿದ್ದೀರ ಎಂದು ಅಪಹಾಸ್ಯ ಮಾಡುತ್ತಿದ್ದಾರೆ.
ಮೂರು ಸಿನಿಮಾಗಳಲ್ಲಿ ವಿಶಾಲ್ ಬ್ಯುಸಿ
ಸಿನಿಮಾಗಳ ವಿಚಾರಕ್ಕೆ ಬರುವುದಾದರೆ ಕಳೆದ ವರ್ಷ 'ಲಾಠಿ' ಸಿನಿಮಾ ರಿಲೀಸ್‌ ಆಗಿತ್ತು. ಸದ್ಯಕ್ಕೆ ವಿಶಾಲ್ ಮಾರ್ಕ್‌ ಆಂಟೊನಿ ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. ಈ ಸಿನಿಮಾ ಇದೇ ವರ್ಷ ಸೆಪ್ಟೆಂಬರ್‌ 19ಕ್ಕೆ ತೆರೆ ಕಾಣಲಿದೆ. ಚಿತ್ರವನ್ನು ಅಧಿಕ್‌ ರವಿಚಂದ್ರನ್‌ ನಿರ್ದೇಶಿಸಿದರೆ ವಿನೋದ್‌ ಕುಮಾರ್‌ ಬಂಡವಾಳ ಹೂಡಿದ್ದಾರೆ. ಜಿವಿ ಪ್ರಕಾಶ್‌ ಕುಮಾರ್‌ ಸಂಗೀತ ನೀಡಿರುವ ಸಿನಿಮಾದಲ್ಲಿ ಎಸ್‌ಜೆ ಸೂರ್ಯ, ಸುನಿಲ್‌, ಸೆಲ್ವ ರಾಘವನ್‌, ರಿತು ವರ್ಮಾ, ಅಭಿನಯ ಹಾಗೂ ಇನ್ನಿತರರು ನಟಿಸಿದ್ದಾರೆ.
34ನೇ ಚಿತ್ರದಲ್ಲಿ ಬ್ಯುಸಿ
ಇದರೊಂದಿಗೆ ವಿಶಾಲ್ 'ತುಪ್ಪರಿವಾಲನ್‌ 2' ಸಿನಿಮಾದಲ್ಲೂ ನಟಿಸುತ್ತಿದ್ಧಾರೆ. ಈ ಚಿತ್ರವನ್ನು ತಮ್ಮದೇ ಬ್ಯಾನರ್‌ ಅಡಿಯಲ್ಲಿ ವಿಶಾಲ್ ನಿರ್ದೇಶನ ಮಾಡುತ್ತಿದ್ದಾರೆ. ಹೆಸರಿಡದ ಮತ್ತೊಂದು ಸಿನಿಮಾದಲ್ಲಿ ಕೂಡಾ ವಿಶಾಲ್ ನಟಿಸಿದ್ದಾರೆ. ಇದು ವಿಶಾಲ್ ಅಭಿನಯದ 34ನೇ ಸಿನಿಮಾ. ಪ್ರಿಯಾ ಭವಾನಿ ಶಂಕರ್‌, ಈ ಚಿತ್ರದಲ್ಲಿ ವಿಶಾಲ್‌ಗೆ ಜೋಡಿಯಾಗಿ ನಟಿಸುತ್ತಿದ್ದಾರೆ.
